صغير و يدخن " سبيل " !!

[T A L A L]

-




السلام عليكم ورحمة الله وبركاته
مسائكم الله ب الخير , كيف الحال إن شاء بخير ؟
اليوم تفاجئت ان اخوي الصغير في 3 إعدادي يدخن !
والصدمة مو بس زقاير لا يدخن سبيل :eek5: ؟
إحنا كنا شاكين وهددناه بس توصل انه نشوف فيديو له ..
الفيديو كان مطرشه لواحد من ربعه عالسناب شات !
وقتها كان اخوي موجود مع رفيجه وشاف الفيديو وما صدق ..
جاء البيت وعلمني وسوينا مشكلة والمشكلة موقف ابوي :rolleyes2: ؟
يعني اخوي اللي شاف الفيديو وابوي يدخنون ومن زمان بعد ..
اما انا واخوي اللي اكبر مني لا , وموب عارف شلون اتعامل مع الموقف !
يعني ابوي ما يقدر يمنعه لان ابوي عندها شراهه فالتدخين ويدخن قدامهم ..
بيمنعه وش يقوله موب زين مضر لصحتك بيرد عليه هذا انت واخوي تدخنون :(
صراحة ما ادري وش اسوي توه في اعدادي وعمره 15 سنه يعني مشكلة ..


ادري كثير راح يتطرق انه وش السبب ؟ وليش وإهمال وتربية و و و و و و و
لا ابداً الموضوع مو هالشكل هذا انا واخوي ما دخنا واحنا نشوف ابوي دايم يدخن ..
المشكلة خارجية من المدرسة ومن الربع ومن عيال العم * مليون خط * هم اكبر سبب !
عشان كذا نبعد عن سبب المشكلة وندور ونناقش الحل عشان تعم الفايدة :nice:



السؤال
شلون أمنعه وابعده عن هالطريق ؟

[عاهد بن علي]

حاول انك اتوقف عن التدخين
حتى تكون قدوه له

[قطريه ماركه]

الموقف صعب لان الاب و الاخ مدخنيين

بس هالشي ما يمنع من النصح فالدين النصيحه

انصحه و يا يسمع كلامكم و يمتنع

او

يستمر

و الله يهديه و يهدي الجمييع

[رجل الجزيرة]

عندك عيادة التدخين والدليل على ذلك والدي - الله يشيفه - دخن 50 سنة وتركها بعد الله سبحانه وتعالى ومن ثم العيادة وتركها من تقريبا 10 سنوات.

[alsoq]

اشوف اذا ما هدها من نفسه وهو مقتنع والى ما فيه حل ناس كثير مرو بنفس موقفك بعضهم الله هداهم والبعض استمر

اسلم حل قلوا له لا دخن جدامنا ولا في البيت هذا هو الحل الوحيد يخفف

[T A L A L]

حاول انك اتوقف عن التدخين
حتى تكون قدوه له

انا ما ادخن اللي يدخن أخوي اللي اصغر مني ..
ومستحيل يوقف لانه لما دخن كان بعمر اخوي اللي الحين ..
عشان كذا ابي أمنع اخوي هذا بأي طريقة لو احبسه واقطع الخيزران على ظهره ..

[T A L A L]

عندك عيادة التدخين والدليل على ذلك والدي - الله يشيفه - دخن 50 سنة وتركها بعد الله سبحانه وتعالى ومن ثم العيادة وتركها من تقريبا 10 سنوات.


ما تشوف عيادة لولد بعمره صعبه ؟ احس نفسيته شلون !
احنا نتكلم عن تدخين صح مو مرض نفسي بعد ممكن يأثر عليه ..
واصلاً ما فيه سبب يخليه يدخن مهما كان هالشيء غابني

[T A L A L]

اشوف اذا ما هدها من نفسه وهو مقتنع والى ما فيه حل ناس كثير مرو بنفس موقفك بعضهم الله هداهم والبعض استمر

اسلم حل قلوا له لا دخن جدامنا ولا في البيت هذا هو الحل الوحيد يخفف



لا راح يهدها إن شاء الله , اذا موب طيب غصب ..
اصلاً هو له سنه يدخن بالسر جات على قدامنا !!
اللي قاهرني انه برمضان كان يدخن هنا انا خلاص طفح كيلي ..
حسيت مدمن يدخن وفي رمضان وما يصوم لا عاد ؟

[ودي أكون]

السن هذا مرحله صعبه ..

اتخاويه احسن طريقه .. تقرب منه .. واخذاه معاك للمسيد وطلعه معاك وسولف معاه
واهم شيء يبدل ربعه ..


الله يصلحه ويهديه يارب

[alsoq]

لا اذا فروضه ما يقوم بها استخدم الشده اعني شده معه

[ضوى]

الله يعينكم يااارب ، الله يفكه من هالبلاء ، اقعد معاه وطلعه معاك طرش له فيديو الشقيري يمكن يلين قلبه

https://m.youtube.com/watch?v=p2GH6Vdwy5c

[SonicBoom]

اين الوالدين

[ms-qtr]

المفروض الأب يشد شوي
حتى لو هو يدخن
لأن لو شاف الضوء الأخضر
ما راح يوقف

[T A L A L]

اين الوالدين


موجودين وما قصروا بتريبته , بس اكيد ما راح يروحون وياه المدرسة ..
ولا بيقعدون بينه وبين ربعه في المجلس ولا بيقعدون يبزونه وين ما يروح !
الولد كبر عمره 15 سنه وسبق وذكرتك المشكلة مو تربية ولا إهمال المشكلة ربع ..
الحين ما ينفع نحبسه ولا نضربه لازم نخليه يكرهها ونبعده عن ربعه الخمه ..

[T A L A L]

المفروض الأب يشد شوي
حتى لو هو يدخن
لأن لو شاف الضوء الأخضر
ما راح يوقف


احنا ما قلنا لابوي لين الحين بس موقف ابوي معروف ..
بيعصب ويمكن يضرب بس فالنهاية ما يقدر يمنعه لانه هو مدخن اصلاً ..
انا واخوي الكبير بس اللي نقدر كوننا غير مدخين , واخوي الكبير ف امريكا !
يعني الحل عندي انا وابي احلها بطريقة صحية بدون ضرب وحرمان لانه ما ينفع ..

[غير البشر]

مرحبا اخوي طلال
اشحالك الله يسلمك

حرام صغير ويدخن
اخوي طلال اول شي القدوه ثم القدوه ثم القدوه

وبعدها شوف ربعه من ؟؟

لهم دور كبير في ان يواصل التدخين او يتركه

هذا اهم علاجين للتدخين

والاهم منهم السعي والتوكل على الله

[R 7 A L]

ماراح يخلي التدخين الا بشيئين
الاول صعب وهو ان الوالد يخلي التدخين
والثاني ان اخوه يخلي التدخين

[بصمة قطرية]

الله يحفظه و يفكه من هالسم ..
فهمت التدخين بس شنو سبيل ..!!!
فيدوني عيالي في هالعمر و أكبر الله يحفظهم ..

طلال
لازم النصيحة تجي من أبوك و أخوك اللي يدخنون
دامهم إبتلوا بهالشي فهم الأقرب بالنسبة له في تقبل النصيحة
كلم أخوك المدخن و كلم أبوك
قول لهم لا تكابرون تعرفون إن هالشي خطر
حرام صغير 15 سنه و يدخن ..!!
لازم يوعونه و يحذرونه لازم لازم ما تتركونه
والله حرام الرفجة السيئة و المدارس ما يعلمون شي فيه خير ..
الله يحفظ عيالنا و عيالكم و عيال المسلمين يارب ..

[JN000N]

ابوي كان يدخن
وااحد من اخواني صادق له اصدقاء السوء وعلموه عالتدخين
انا اول من اكتشف الموضوع وكلمته عقب قلت لاخوي الثاني لان مانفع كلامي معاه وهاوشناه
بس لان هو متولع فيها ماقدرنا معاه
ف ماكان لنا الا نقول لامي
قلنالها وهي لمحت ان في سالفة تدخين قدام ابوي يعني مافي دليل ان يدخن بس مجرد تشكيك
ف ابوي راح لاخوي وكلمه بنبرره جامده يعني كلام نهائي وقاله انا مبتلي فيها ولا ابيك تبتلي والود ودي اهدها اليوم قبل باجر لكن لو انا اسوي الغلط مابيك تسويه
وفعلا ابوي كان يحاول يتركها ومايتمناها لحد
والله يثبته صار له سنتين من تركها

[JN000N]

^ نفسي بصومه ماعرف شنو سبيل ههههه بس شكله مب زين

[T A L A L]

مرحبا اخوي طلال
اشحالك الله يسلمك

حرام صغير ويدخن
اخوي طلال اول شي القدوه ثم القدوه ثم القدوه

وبعدها شوف ربعه من ؟؟

لهم دور كبير في ان يواصل التدخين او يتركه

هذا اهم علاجين للتدخين

والاهم منهم السعي والتوكل على الله


هنا المشكلة الابو يدخن والاخو يدخن , ما راح يقول اخوي طلال ولا اخوه الثاني ..
راح يعتبر القدوة على اللي ماشي مع جوه واللي هو يبيه وربعه 3\4 عيال عمه !
يعني المشكلة منه وفيه مو بعيده لا اقدر ابعد عنه عيال عمه والمشكلة يقولون هو السبه ..
لو كلمتهم كلهم ونصحتهم وهددتهم راح يقولون ان اخوي اللي خربهم و و و و و

[غير البشر]

الله يحفظه و يفكه من هالسم ..
فهمت التدخين بس شنو سبيل ..!!!
فيدوني عيالي في هالعمر و أكبر الله يحفظهم ..

طلال
لازم النصيحة تجي من أبوك و أخوك اللي يدخنون
دامهم إبتلوا بهالشي فهم الأقرب بالنسبة له في تقبل النصيحة
كلم أخوك المدخن و كلم أبوك
قول لهم لا تكابرون تعرفون إن هالشي خطر
حرام صغير 15 سنه و يدخن ..!!
لازم يوعونه و يحذرونه لازم لازم ما تتركونه
والله حرام الرفجة السيئة و المدارس ما يعلمون شي فيه خير ..
الله يحفظ عيالنا و عيالكم و عيال المسلمين يارب ..



السبيل نفس الي يدخنها باباي ههههههههههه
ويسمونها الغليون :nice:

[T A L A L]

ماراح يخلي التدخين الا بشيئين
الاول صعب وهو ان الوالد يخلي التدخين
والثاني ان اخوه يخلي التدخين

هذي من 7 المستحيلات يخلونها والله لو وشو للآسف ..

[T A L A L]

الله يحفظه و يفكه من هالسم ..
فهمت التدخين بس شنو سبيل ..!!!
فيدوني عيالي في هالعمر و أكبر الله يحفظهم ..

طلال
لازم النصيحة تجي من أبوك و أخوك اللي يدخنون
دامهم إبتلوا بهالشي فهم الأقرب بالنسبة له في تقبل النصيحة
كلم أخوك المدخن و كلم أبوك
قول لهم لا تكابرون تعرفون إن هالشي خطر
حرام صغير 15 سنه و يدخن ..!!
لازم يوعونه و يحذرونه لازم لازم ما تتركونه
والله حرام الرفجة السيئة و المدارس ما يعلمون شي فيه خير ..
الله يحفظ عيالنا و عيالكم و عيال المسلمين يارب ..



السبيل هو المدواخ بس بلغة الشباب الصيع يسمونه سيبل ..
مثل ما قال غير البشر اللي يشربه باباي , واعتقد انه اقوى من الزقارة ..
ما استبعد انه يشيش بعد لا حول ولا قوة إلا بالله شيء يغبن والله !
اخوي المدخن قالها وسوى له مشكلة وهدده انه يعلم أبوي وامي ..
وقال راح اتركها بس مستحيل كلام , التدخين مو شيء ينترك بكلمه ..
المشكلة الرفجه لو طلعت عيال العم والخل هني وش السواه وش الحل ؟

[بصمة قطرية]

السبيل نفس الي يدخنها باباي ههههههههههه
ويسمونها الغليون :nice:

أهاااا
و شنو بعد غير ممكن يدخنونه ..!!؟؟
و شلون أعرف لو كان يدخن شي ..!!

[T A L A L]

ابوي كان يدخن
وااحد من اخواني صادق له اصدقاء السوء وعلموه عالتدخين
انا اول من اكتشف الموضوع وكلمته عقب قلت لاخوي الثاني لان مانفع كلامي معاه وهاوشناه
بس لان هو متولع فيها ماقدرنا معاه
ف ماكان لنا الا نقول لامي
قلنالها وهي لمحت ان في سالفة تدخين قدام ابوي يعني مافي دليل ان يدخن بس مجرد تشكيك
ف ابوي راح لاخوي وكلمه بنبرره جامده يعني كلام نهائي وقاله انا مبتلي فيها ولا ابيك تبتلي والود ودي اهدها اليوم قبل باجر لكن لو انا اسوي الغلط مابيك تسويه
وفعلا ابوي كان يحاول يتركها ومايتمناها لحد
والله يثبته صار له سنتين من تركها


ان ابوي يترك التدخين صعبه جداً لاني مثل ما قلت عندها شراهه فالتدخين ..
واخوي ممكن انه ما يدخن قدامه يعني فالبيت بس برا اوكي , لان المدخن يصدع لو ما دخن ..
المشكلة امي لو درت يمكن تتعب ولا يصير فيها شيء ! لان الكلام بيحوشه انها ما تعرف تربي !
ويمكن هالشيء اللي غابني وقاهرني فالموضوع انه بيصير العيب في ابوي وامي مو في أخوي وربعه !!

[روز باريس]

نفس المشكله مع ولدي مع انه ابوه واخوانه غير مدخنين ونضرب ضرب وتعاقب ولا فيه فايده الحين كبر وخلص الثانويه وخلا السبيل بس يدخن بس موب عندنا برع الله يهديه ويصلحه وعيال المسلمين

[T A L A L]

أهاااا
و شنو بعد غير ممكن يدخنونه ..!!؟؟
و شلون أعرف لو كان يدخن شي ..!!



فحص في المختبر يشوفون نسبة النيكوتين او شيء كذا ..
وتدرين اذا الولد يدخن او لا , وهذا اللي راح أسويه بكرة !
بدويه مختبر ويعطوني كشف بنسبة النيكوتين وعقب شهر ارد اسوي له فحص ..
لو شفته زاد هذا معناه لين الحين يدخن وانا قلت له لو طلع هالشيء ..
راح اوديك الاستشارات العائلية يحبسونك هناك لين تخلي التدخين من باب الترويع !

[غير البشر]

أهاااا
و شنو بعد غير ممكن يدخنونه ..!!؟؟
و شلون أعرف لو كان يدخن شي ..!!


شيشه + زقاير + شروته + غليون
وسويكه ويسمونه نسوار هههههه

وكريم نيفيا مع خبرز ههههه
ويشمون كلونيا واقراء وايد اشياء

الله المستعان ويفك جميع المسلمين ياارب

[T A L A L]

شيشه + زقاير + شروته + غليون
وسويكه ويسمونه نسوار هههههه

وكريم نيفيا مع خبرز ههههه
ويشمون كلونيا واقراء وايد اشياء

الله المستعان ويفك جميع المسلمين ياارب



بالضبط الزقارة راح تجر هالأشياء كلها معها !!
ويمكن توصل لحشيش وهيروين والمخدرات بأنواعها ..

بس استغرب ليش انا واخوي الكبير ما انجرينا مثل اخواني ؟
يعني وش فرقنا عنهم واحنا عيال بطن واحد وتربية واحده ..

[غير البشر]

اختي بصمه اكثر شي تعرفينه انه يدخن

من ثيابه اذا فيها نقط محروقه
ومن الريحه
او يوصل من كلام الناس عنه انه يدخن
يهني كبدايه بس ها الاشياء الي ممكن تعرفينها ان الشخص يدخن او لا

[T A L A L]

اختي بصمه اكثر شي تعرفينه انه يدخن

من ثيابه اذا فيها نقط محروقه
ومن الريحه
او يوصل من كلام الناس عنه انه يدخن
يهني كبدايه بس ها الاشياء الي ممكن تعرفينها ان الشخص يدخن او لا


لا غير البشر تقدر تعرف عن طريق تحليل الدم ..
وهذا اللي راح أسويه بكرة بس ما اودي في نفس الوقت ..
متردد وش تشورون علي اوديه ولا لا ؟؟

[JN000N]

ان ابوي يترك التدخين صعبه جداً لاني مثل ما قلت عندها شراهه فالتدخين ..
واخوي ممكن انه ما يدخن قدامه يعني فالبيت بس برا اوكي , لان المدخن يصدع لو ما دخن ..
المشكلة امي لو درت يمكن تتعب ولا يصير فيها شيء ! لان الكلام بيحوشه انها ما تعرف تربي !
ويمكن هالشيء اللي غابني وقاهرني فالموضوع انه بيصير العيب في ابوي وامي مو في أخوي وربعه !!

وابوي كانت عنده شراهه تدخين مب طبيعيه فوق الثلاثين سنه يدوخ
بس مب مشكله هي مساله قدرات ومانقدر نقول ابوك لازم يتركها مع ان اقضل لصحته
لكن اخوك اقعد معاه انت وكلمه صبر له انت الصديق وقوله الي يضحكون لك مابينفعونك
ولو قالك ابوي واخوي يدخنون قوله شوفني انا مادخن ونصحه وعلمه مافيها شي
واذا مانفع الكلام بالطيب خذه بالقوه وقوله بنحرمك من اشيا وايد لو استمريت ف الغلط

[غير البشر]

بالضبط الزقارة راح تجر هالأشياء كلها معها !!
ويمكن توصل لحشيش وهيروين والمخدرات بأنواعها ..

بس استغرب ليش انا واخوي الكبير ما انجرينا مثل اخواني ؟
يعني وش فرقنا عنهم واحنا عيال بطن واحد وتربية واحده ..


مرحبا اخوي طلال صحيح كلامك
في ناس سهر واستعراض وتدخين وصياعه
لكن لو تقول لهم شرب خمر او حشيش او هيروين
الحمدلله اولا ربك حفظهم
ثانيا من التربيه حتى لو كان يدخن والبيئه الي حوله
وقناعه الشخص انه غلط بالتدخين
بس مايسمح لنفسه ان يسوي شي اكبر

وبقولك شي مهم والسموحه من اخواني الشريبه
الي يشرب خمر اصلا ماعنده عزه نفس
والسبب ان الي يشرب غالبا يصير مسخره او ملطشه قدام العالم
ويسوي اشياء الي حاشم نفسه مايسويها
فيكون بكبره ملطشه

ومالنا الا الدعوه لهم فقط
عسى ربي يهدي الجميع ويكتب لهم الخير وين ماكان

[غير البشر]

لا غير البشر تقدر تعرف عن طريق تحليل الدم ..
وهذا اللي راح أسويه بكرة بس ما اودي في نفس الوقت ..
متردد وش تشورون علي اوديه ولا لا ؟؟



صحيح اخوي عن طريق تحليل الدم
بس انا اتكلم عن طريقه كشفه بدون تحاليل يعني بالنظر

لان مب معقوله كل واحد بياخذ اخوه او ولده كل فتره يسوي له تحليل تدخين

وربي يسهل اموركم ان اشاء الله
ويحفظ الوالد

وتتركون التدخين جميعكم

[فاهم وساكت]

ليش مافيه قانون يلزم الي يبي يشتري زقاير يطلع بطاقته الشخصيه ويتاكدون انه 18 او فوق؟

المشكله عندنا اي واحد طلعت له كم شعره بوجهه يقدر يشتري

[S S]

تدرج معه بكذا أسلوب وركز على النصح وعطه ثقه وإذ مافي فايده حاول اتشد عليه اشوي وتحتاج طوله بال وانتبهو عليهم من الزقاير أو الشيشه الالكترونية لانها بدون ريحه ويقدرون يستخدمونها في اي وقت وبالتوفيق

[قطري 777]

راعي مزاج الولد ماشاء الله عليه بعدين الواحد مايدخن الا اذا نفسيته تعبانه من زعل الولد يا طلال ؟؟؟

[العلياا]

الله يكون في عونك

انا اذكر يوم كنت صغيرة اخوي العود يكره التدخين بشكل مب طبيعي ويوم صاد اخوي اللي اصغر منه يدخ مع واحد فالفريج طاح فيه ضرب لين اليوم اتذكر المنظر وابوي يقول خلوهم اذكر كلمته انا تركت ربعي المدخنين اخوي يدخن شلون !!

بس عمري ما شفت زقاره في ايده ومرة شفتها حذفها وراه وممنوع يدخن فالبيت .

الحل انكم تمنعونه يدخن فالبيت وتقربه منه اكثر وخله يقلل من قعدته مع اخوك المدخن

والله يصلحه ويهديه

[ANONYMOUS]

هذا ابتلاء


والمؤمن مبتلى

ادعوا له وادعو لي :shy:

[7llo]

يا يبه خلووه يدخن ويستمتع ويعيش الحياه , الولد في مرحله مراهقه ومستحيل واتحداكم تقدرون يخلونه يهد الزقاير وحتى لو بيهدها بيهدها 3 سنوات ولا سنتين وبيرجع لها بشراهه بيكون خلص ثانويه واذا حد كلمه بعد مايخلص ثانويه بيقولكم انا رجال واعرف مصلحتي انا مب صغير , لاتعورو راسكم معاه خلوه لما يكبر بيتحسف او بيحاول يهد الزجاير من نفسه

[راجي العفو]

صباح الخير طلال ..

والله يعينكم على أخوكم ..

ممكن تتبع الطرق التالية :

1- من ناحية الديانة : إن التدخين محرم و مايجوز تعصي ربك فيه و كيف تتجرأ على المعصية و انت ملك ربك ويمكن يخطف أنفاسك لحظتها ؟ هل بتقابل ربك بسيقاره ؟

2- من جهة الاصدقاء والبيئة : اربطه بشباب محترمين و كون له بيئة صالحة مثل مراكز التحفيظ و المحاضرات و الدروس

3- حاول تتعمق في معرفة أضرار التدخين ، واشرح له الاضرار اللي يمكن تنتج من التدخين و هي غير متوقعة

4- اضرب له أمثلة بالقدوة في هذا الباب كــ: نفسك و اخوك الكبير وغيركم من أقاربكم و ربعكم ، وبين له انا احنا كنا قادرين ندخن بس الله رزقنا دين و عقل .

5- وضح له ان الرجولة في ترك التدخين لا بالتدخين ، و( قص عليه !) بطريقه احترافيه وقول له : بدليل ،هذا انت رجال بعرضك و طولك ، اشلون تخلي هالأصبع الصغير ( السيقاره) يتغلب عليك و يسوي فيك اللي يبيه ويجرجرك من بقاله لثانيه !

6- اغريه بمكافات اذا تركها : مال ، رحلة ، .. إلخ

7- قول له : هل بهالسيقاره بتشيل هم الامة ؟ الامة تحتاج رجال تقوم بهم ، اشلون يكون همك في التدخين ؟

يعني .. هذي بعض الحلول .. والنصيحة تكون بأسلوب حلو و لين وتبدأ بالأب ..

مع التحية ..

[غريب الدّار]

شوف اخوي

مع قناعتي التامة ان الكبير في النهاية سواء أخ ولا أب لازم يكون قدوة

لكن هذا مايعني ان الصبي يتم على كيفه

مهما كان

وأدري ظاهريا الموضوع يحمل في طياته تناقض في المواقف بشكل كبير

لكن شوف اخوي

في هالسن
سن المراهقة

بعض المرات صعب انك تجبره على شي هو مايبيه
حتى بالضرب
لانه ممكن يسويه من وراك ولا راح تدري عنه

اعتقد النصح افضل

حتى لو قال ان اللي اكبر مني يدخنون

ردوا عليه ان اللي اكبر منك يسوون أشياء وايد انت المفروض ماتسويها بحكم سنك وبحكم ان اللي اكبر منك ادرى في النهية بمصلحتك

واذا منعوك عن شي
او شجعوك على شي
فتأكد انه علشان مصلحتك في النهاية وهم مب مستفيدين الا مصلحتك

واذا كانوا يغلطون في شي لاتغلط وياهم

قول له :
انت تشوف ناس قدامك يمشون وفجأة طاحوا في حفرة
ليش تروح وتطيّح نفسك معاهم وانت شايفهم قدام عينك يطيحون ؟


والله يعينكم ويحفظ ولدكم

[مليونيرة مفلسة]

للاسف مارح تقدر الكلام لازم يجي من شخص مايدخن

[سرياليزم]

اعتقد ان الافضل انك تتركه يخوض التجربه .. الى ان يكون قرار الاقلاع قرار شخصى منه ... الامر الان اصبح واقع ولن تستطيع منعه لربما مع محاولات المنع او النصح يعند اكثر .. الموضوع ليس ميله للتدخين الموضوع ان ماده النيكوتين موجود بدمه بالوراثه والتدخين السلبى كان يكفيه فى بعض الاحيان اما الان فلا.. ادعيله بالهدايه

[بونووف]

شوف يماشي من .. تلاقيهم كلهم يدخنون ..

في العمر اللي يدخن يفكر نفسه صيه و كبير

انت عليك اتفهمه وتقوله التدخين مب مرجله وشالفايده ريحه خايسه وامراض .. وجيبها له من صوب انه الحريم مايحبون ريحة الزقاير واذا جيب بتتزوج اذا دروا انك تدخن احتمال كبير محد يرضى فيك

[qtri06]

اذا رفض انه يترك للاسف ماتقدر تجبرة

وخصوصا ان بيئة المدارس تساعد على اكتساب عادات حميدة وسيئة في نفس الوقت ومنها التدخين

[راجي العفو]

اذا رفض انه يترك للاسف ماتقدر تجبرة

وخصوصا ان بيئة المدارس تساعد على اكتساب عادات حميدة وسيئة في نفس الوقت ومنها التدخين

أخوي .. نبي ناخذ هالعبارة قاعدة -إن صح التعبير بها -:

ايئس من الشر .. ولا تيأس من الخير ..

حاول معاه إلى ( ما لا نهاية ) بالطرق المناسبة و الأساليب الحكيمة ..

مع التحية ..

[QATAR 77]

شنو سبيل ؟

[غريب الدّار]

شنو سبيل ؟

مدواخ
غليون

[QATAR 77]

مدواخ
غليون

شكله الولد يبي يثبت انه رزة

[بريق الحق]

السن هذا مرحله صعبه ..

اتخاويه احسن طريقه .. تقرب منه .. واخذاه معاك للمسيد وطلعه معاك وسولف معاه
واهم شيء يبدل ربعه ..


الله يصلحه ويهديه يارب
+10 (:

[T A L A L]

ليش مافيه قانون يلزم الي يبي يشتري زقاير يطلع بطاقته الشخصيه ويتاكدون انه 18 او فوق؟

المشكله عندنا اي واحد طلعت له كم شعره بوجهه يقدر يشتري


اي قانون الله يرحم والديك , حتى لو حطوه راح يتهاونون فيه ..
وبتلقى يبيعون وعادي واكثر من اول بعد اهم شيء الربح عندهم !

[T A L A L]

راعي مزاج الولد ماشاء الله عليه بعدين الواحد مايدخن الا اذا نفسيته تعبانه من زعل الولد يا طلال ؟؟؟


محد مزعله ولا شيء , كل شيء يبيه موفر له ..
صح مو ذاك الدلع الزايد بس جوال وعنده وموب محروم !
ولا ينضرب ويتعذب على الطالعه والنازله وهذا جزاهم يدخن ؟
ما اعتقد السبب ان نفسيته تعبانه , يبي يسوي فيها رجل قدام ربعه ..

[T A L A L]

يا يبه خلووه يدخن ويستمتع ويعيش الحياه , الولد في مرحله مراهقه ومستحيل واتحداكم تقدرون يخلونه يهد الزقاير وحتى لو بيهدها بيهدها 3 سنوات ولا سنتين وبيرجع لها بشراهه بيكون خلص ثانويه واذا حد كلمه بعد مايخلص ثانويه بيقولكم انا رجال واعرف مصلحتي انا مب صغير , لاتعورو راسكم معاه خلوه لما يكبر بيتحسف او بيحاول يهد الزجاير من نفسه


يا سلام على روقانك يا شيخ انت تشوف الاستمتاع في شرب الزقاير ..
وانا اللي يبي يعيش الحياة لازم يدخن ؟ تفكيرك غلط وشكلك تدخن عشان كذا رايك ..
من هنا لين يتخرج يحلها الف حلال بس احنا نفكر في الحين الحاضر مو المستقبل !

[T A L A L]

صباح الخير طلال ..

والله يعينكم على أخوكم ..

ممكن تتبع الطرق التالية :

1- من ناحية الديانة : إن التدخين محرم و مايجوز تعصي ربك فيه و كيف تتجرأ على المعصية و انت ملك ربك ويمكن يخطف أنفاسك لحظتها ؟ هل بتقابل ربك بسيقاره ؟

2- من جهة الاصدقاء والبيئة : اربطه بشباب محترمين و كون له بيئة صالحة مثل مراكز التحفيظ و المحاضرات و الدروس

3- حاول تتعمق في معرفة أضرار التدخين ، واشرح له الاضرار اللي يمكن تنتج من التدخين و هي غير متوقعة

4- اضرب له أمثلة بالقدوة في هذا الباب كــ: نفسك و اخوك الكبير وغيركم من أقاربكم و ربعكم ، وبين له انا احنا كنا قادرين ندخن بس الله رزقنا دين و عقل .

5- وضح له ان الرجولة في ترك التدخين لا بالتدخين ، و( قص عليه !) بطريقه احترافيه وقول له : بدليل ،هذا انت رجال بعرضك و طولك ، اشلون تخلي هالأصبع الصغير ( السيقاره) يتغلب عليك و يسوي فيك اللي يبيه ويجرجرك من بقاله لثانيه !

6- اغريه بمكافات اذا تركها : مال ، رحلة ، .. إلخ

7- قول له : هل بهالسيقاره بتشيل هم الامة ؟ الامة تحتاج رجال تقوم بهم ، اشلون يكون همك في التدخين ؟

يعني .. هذي بعض الحلول .. والنصيحة تكون بأسلوب حلو و لين وتبدأ بالأب ..

مع التحية ..



الله يعطيك العافية كفيت و وفيت وهذا اللي راح نحاول نسوي هالشيء وياه ..

[T A L A L]

شوف اخوي

مع قناعتي التامة ان الكبير في النهاية سواء أخ ولا أب لازم يكون قدوة

لكن هذا مايعني ان الصبي يتم على كيفه

مهما كان

وأدري ظاهريا الموضوع يحمل في طياته تناقض في المواقف بشكل كبير

لكن شوف اخوي

في هالسن
سن المراهقة

بعض المرات صعب انك تجبره على شي هو مايبيه
حتى بالضرب
لانه ممكن يسويه من وراك ولا راح تدري عنه

اعتقد النصح افضل

حتى لو قال ان اللي اكبر مني يدخنون

ردوا عليه ان اللي اكبر منك يسوون أشياء وايد انت المفروض ماتسويها بحكم سنك وبحكم ان اللي اكبر منك ادرى في النهية بمصلحتك

واذا منعوك عن شي
او شجعوك على شي
فتأكد انه علشان مصلحتك في النهاية وهم مب مستفيدين الا مصلحتك

واذا كانوا يغلطون في شي لاتغلط وياهم

قول له :
انت تشوف ناس قدامك يمشون وفجأة طاحوا في حفرة
ليش تروح وتطيّح نفسك معاهم وانت شايفهم قدام عينك يطيحون ؟


والله يعينكم ويحفظ ولدكم



اذا صار له سنه يدخن على قولته اذا موب اكثر بدون ما ندري ..
يعني كذا كذا ما فرقت درينا او لا , اذا احنا ما شفناه هو اللي كشف نفسه !!
هذا اللي راح يصير ولو اكتشفت انه رجع لها راح ينحرم صح من كل شيء ..
جوالاته لين مصروفه واعلمه شلون التدخين مفيد له و لصحته ..

[T A L A L]

شوف يماشي من .. تلاقيهم كلهم يدخنون ..

في العمر اللي يدخن يفكر نفسه صيه و كبير

انت عليك اتفهمه وتقوله التدخين مب مرجله وشالفايده ريحه خايسه وامراض .. وجيبها له من صوب انه الحريم مايحبون ريحة الزقاير واذا جيب بتتزوج اذا دروا انك تدخن احتمال كبير محد يرضى فيك



اغلب ربعه هم عيال عمي وحسب علمي ما يدخنون !!
بس شكل الشله كلهم مسوين فيها صيه وانا الكبير ويدخنون ..
معليه باجمعهم عندنا فالويكند واضبط وضعهم واربيهم بنفسي !
والله ما فكرة فيها بالطريقة ذي , يعطيك العافية هالشيء ممكن يساهم ..
كونه في سن المراهقة اكيد بتهم امور وسوالف الحريم ..

[T A L A L]

اذا رفض انه يترك للاسف ماتقدر تجبرة

وخصوصا ان بيئة المدارس تساعد على اكتساب عادات حميدة وسيئة في نفس الوقت ومنها التدخين


هني المشكلة المدرسة ! انا كنت طالب واعرف واشوف وش كان يصير ..
صح لما كنت بعمره كان هالشيء قبل 10 سنوات بس نفس الحالة الحين !
ويمكن الحين العن واردا , شلون يدخلون الزقاير وين المراقبين والمدرسين ؟
وين المشرفين على الطلاب وقت الفرصة هم سبب الخراب كله اصلاً ..

[قوت القلوب]

بالإيمان نقضي على الإدمان