استفسار بخصوص الشركات الي من برى قطر

[Abdulla O]

السلام عليكم

انا اسمع عن الشركات الي تبي تستشمر بقطر لكن يبون وكيل

والي عنده خبره او خلفيه عن هالموضوع يفيدنا

مثل اشلون الاجراءات ووين احصلهم وهل هالتجارة مفيده ولا تضيع وقت والخ

[SonicBoom]

لازم تدرس الجوده الاقتصاديه لكل مشروع بروحه

[شموخ دائم]

,

,

مرحبا

اخوي الكريم

الامور تكون خطوه خطوه ولها اساس واصول وفي الاخير كلها بركه وارزاق من رب العالمين


الخطوه الاولى : عمل سجل تجاري
الخطوه الثانيه : دخول السوق ولو بشكل صغير وتواجد بسيط
الخطوه الثالثه : عمل علاقات عامه ومعارف وصداقات من خلال التواجد مع باقي الشركات ومندوبينهم وحضور المعارض
الخطوه الرابعه : تعريف هذه الشركات واصحابها برغبتك في التوسع او دخول مجالات ثانيه
الخطوه الخامسه : اكتساب الخبره والاحتكاك مع مختلف الجنسيات راح تكتشف ان عالم الاعمال عباره
عن تكتلات هنود\عرب \ اسيوين \اوربيين \ خليجيين
وكل جماعه تاخذ وتعطي مع شركات قريبه من جنسيتها
ومن السهل جدا الدخول معاهم في نشاطات كثيره اذا قدمت الشخص المناسب لهم واذا وجدت الثقه
وربما من ( الصعب ) الدخول معاهم اذا غاب الشخص القادر الدخول في هذا التجمع

الشركات التي بخارج قطر تبحث عن وكيل من خلال ( اصدقائهم ) في قطر
فهذا الصديق مهما كانت جنسيته يرشح لهم ( شركه ) او مؤسسه قطريه
يعرف صاحبها لانه التقى معه سابقا او عمل تجاره معه واصبحت صداقه
فهم لا ياتون لشخص لا يملك ( شي ) في التجاره
هم يريدون شخص قطري صاحب شركه و خبره ويقدر يفيدهم بكل الامور والصعوبات
الاداريه والاجرائات مع الدوائر الحكوميه والمناقصات وعنده المعارف والعلاقات
التي تساهم وتسهل ( حصولهم ) على عقود وصفقات وتسهل مهمتهم
في قطر هم مستعدين لمشاركه شخص يساعدهم في تحقيق الارباح
ومن ثم مشاركته هذه الارباح

في الاخير الموضوع عباره بركه وتوفيق وما على الانسان الا السعي

وكل شي ياتي على شكل خطوات متتابعه ولا تفكر في وكالات او غيره فقط التفكير في

( البدايه ) دخول التجاره بشكل بسيط هو المفتاح لعالم اكبر مستقبلا

والتجاره فيها تسعه اعشار الرزق باذن الله


,

,


اخوك

شموخ دائم

[السيليه]

مشكور اخوي شموخ علي النصيحه