انتبهوا من الخطوط القطرية اذا معاك خدامة بتسافر

[جينير]

السلام عليكم ورحمة الله وبركاته

الخميس اللي طاف كنت حاجز للكويت بحضر حفل زواج لمدة يومين وراجع السبت ومعي الاهل وكانت الخدامة معنا

المهم وصلت المطار عند كاونتر القطرية عشان اصدار البوردينق
قالوا لي الخدامة تنتهي اقامتها في 12ديسمبر 2014

ومطار الكويت معمم لهم ان الخطوط القطرية ماتركب احد على رحلتها للكويت اقامته في الجواز اقل من 6 شهور

والاقامة حق الخدامة فيها ثلاث شهور

قلت طيب هذا مو خطأي
ليش مكتب الحجوزات القطرية حجز للخدامة اذا فيه تعميم عندكم
والرحلة باقي عليها ساعتين
وين ارجع الخدامة للبيت وارجع للمطار مع طول الطريق والزحمة

عقب رحت لضباط الجوازات قالوا حنا ماعندنا مشكلة
بس مانقدر نتدخل في شغل القطرية ونصدر البوردينق

رجعت لمسؤول القطرية وكان مصري
قلت له كلم مطار الكويت وعطني المسؤل عندهم اكلمه
ورفض انه يكلمهم

الوقت ضيق والجدال مع مسؤل القطرية عقيم

مع اني رحت للسعوديه والكويت عن طريق البر والاقامة اقل من 6 شهور ومااحد رجعنا
لانه كانوا يعطونا اقامة في السعودية او الكويت لمدة شهر

المهم كلمت واحد من الشباب ورجع الخدامة
وكنسلت تذكرتها وخصموا علي 300 ريال


حسبنا الله ونعم الوكيل
والله لاتوفق الخطوط القطرية

[Riku3]

وعليكم السلام ورحمة الله وبركاته ..

تجديد الاقامة او الجواز قبل السفر او لما تقدم على فيزا لاي دولة .. لازم يكون فيه 6 شهور صلاحية اقل شي هذا شي متعارف عليه ..

واذا انت اخذت الاسم وكتبته في ورقة ورحت مكتب سفريات بيطلعلك تذكرة ولو في خطأ في الاسم الغلط عليك .. فمب كل المكاتب تذكرلك التفاصيل كاملة ودايماً يحطون كلمة الشروط والاحكام ولو رجعت لموقعهم بتلاقي كل شي مذكور .

[QATAR 77]

هذا نظام دولي يتطبق في جميع المطارات

[جينير]

وعليكم السلام ورحمة الله وبركاته ..

تجديد الاقامة او الجواز قبل السفر او لما تقدم على فيزا لاي دولة .. لازم يكون فيه 6 شهور صلاحية اقل شي هذا شي متعارف عليه ..

واذا انت اخذت الاسم وكتبته في ورقة ورحت مكتب سفريات بيطلعلك تذكرة ولو في خطأ في الاسم الغلط عليك .. فمب كل المكاتب تذكرلك التفاصيل كاملة ودايماً يحطون كلمة الشروط والاحكام ولو رجعت لموقعهم بتلاقي كل شي مذكور .



ايه بس انا معطيه الجواز الاصلي وحجز
ليه ماينبه على موضوع التاشيره

وبعدين بين دول الخليج ثلاث شهور تمشي

[ahmed1111]

ياخي تدعي عليهم وانت غلطان ليش ماشفت الاحكام والشروط وهذا قانون دولي مب بس على الخدامه اذا جوازك انت بينتهي بعد ست شهور مايدخلونك
الله يهداك تغلطون وتسبون الشركات

[حسن]

يارجال كلها يومين وراجع ويمكن خيره لا ترد القدر مثلي
الله العالم يمكن تشرد هناك ويمكن يسير شي
هذا انت رحت ورجعت وحظرت العرس والحمدلله

خيره لك يارجل

ومبروك للمعاريس

[OREO]

الغلط مهب من القطرية ياخوي ..

روض قبل السفر بمدة تشيك جوازك و جواز هلك و الخادمة و تتأكد من الصلاحية الجواز و هذا اللي متعارف عليه سواء على المستوى المحلى او العالمي ..

[قطري 777]

مقدر معانتك وشكرا ع النصيحه ولكن دعوتك الاخيرره............. اكيد انت ماتقصدهاا لان هاذي خطوط بلادك وتدعم اقتصاده اكيد بعدين لا تلومهم الموضوع مايخصهم ع اساس يساعدونك الموضوع
يخص جهه ثانيه ولكن المفروض يعممون ع كل المكاتب الي تبيع التذاكر بهنقطه شكرا مره ثانيه وبتوفيق .

[technical]

ايه بس انا معطيه الجواز الاصلي وحجز
ليه ماينبه على موضوع التاشيره

وبعدين بين دول الخليج ثلاث شهور تمشي

بسم الله الرحمن الرحيم ،الاخ صاحب الموضوع اتفهم شعورك نحو الخطوط القطرية ، وأكد لك ان الكثير من المواطنين يتشارك معك في نفس الشعور .

وعدم اصدار هيئة الطيران المدني لائحة حقوق للمسافر في مبنى القطرية مع ذكر ارقام التعويض التي يجب دفعها للمسافر ، يسهم في زيادة الجهل بين المواطنين في حقوقهم و واجباتهم .

[khk]

الخطا مشترك بينك وبين المكتب ولكن القطرية مالها علاقة هذه تعليمات الدولة اللي بتسافر لها
وعموما كان في حل سهل أنك تجدد الإقامة من خلال مطراش 2 وتسافر بسهولة

[R 7 A L]

الغلط من الــ ..... الي سوى الحجز وحجز للخدامة وهو يشوف جوازها قدام عيونه جعلها الفطر
ليش يوم هذي وظيفة الله لايعطية عافيه ماينبه المسافرين
ترا مو كل واحد يدري عن موضوع الـ 6 شهور
المفروض الــ 300 ريال تنجر من علباه العفن :anger1:

[شيخ الديرة]

الخطا مشترك بينك وبين المكتب ولكن القطرية مالها علاقة هذه تعليمات الدولة اللي بتسافر لها
وعموما كان في حل سهل أنك تجدد الإقامة من خلال مطراش 2 وتسافر بسهولة

مطراش 2 يقوم فقط بتجديد الأقامة الكترونيا, ولا يمكن للقطرية او سلطات الدول الأخرى التأكد من ذلك بدون توثيق ذلك بالجواز

[Al Basha]

أخوي انت تتكلم عن الاقامة ولا الجواز؟ اغلبية الشباب ردوا عليك انه نظام دولي و و و و والمعروف ان النظام الدولي للجواز مب للاقامة!
والسؤال اللي يخلي الشخص في حيرة! اذا الاقامة فيها 5 أشهر كيف إجددها؟ ( ما تقدر تجدد قبل ال 3 أشهر!) يعني لا سفر ولا تجديد :)

[قهر]

السلام عليكم
ماشاءالله الحين صار متعارف زين انا جاي من الاردن وواحد من الربع يدرس هناك وعنده هندي جاي معه من بداية الدراسه وإقامة الهندي سنه المهم الهندي هذا قعد شهور برا قطر وقالي رجعه معك وتفاجاءت في المطار عند كونتر القطريه انه مايقدر يرجع قطر لانه صارله 6 شهور برا وقالو لازم يجيب ورقه من السفاره عوده مقيم هذا أجراءت جديده .؟!!!!! اذا الواحد يبي يغير المفروض يسوي اعلان او في الخطوط القطريه لمن تأخذ التذكره مو تتفاجاء في المطار

[توشيبا]

أخوي انت تتكلم عن الاقامة ولا الجواز؟ اغلبية الشباب ردوا عليك انه نظام دولي و و و و والمعروف ان النظام الدولي للجواز مب للاقامة!
والسؤال اللي يخلي الشخص في حيرة! اذا الاقامة فيها 5 أشهر كيف إجددها؟ ( ما تقدر تجدد قبل ال 3 أشهر!) يعني لا سفر ولا تجديد :)

الاقامه مالها اي علاقه الا في حاله وحده اذا رجع قطر قبل تنتهي فتره الاقامه

والنظام الدولي عن الجواز اخوي حده ست اشهر

[moh5773]

ليش كنسلت التذكره .. جان خليت التذكرة تروح ولا تدفع 300 ريال

[شيخ الديرة]

الاقامه مالها اي علاقه الا في حاله وحده اذا رجع قطر قبل تنتهي فتره الاقامه

والنظام الدولي عن الجواز اخوي حده ست اشهر

الإقامة لها علاقة، دخول المقيم للكويت أو أي دولة خليجية قد لا يسمح له بالدخول لو إنه ليس مقيماً في دولة خليجية أخرى

[شيخ الديرة]

السلام عليكم
ماشاءالله الحين صار متعارف زين انا جاي من الاردن وواحد من الربع يدرس هناك وعنده هندي جاي معه من بداية الدراسه وإقامة الهندي سنه المهم الهندي هذا قعد شهور برا قطر وقالي رجعه معك وتفاجاءت في المطار عند كونتر القطريه انه مايقدر يرجع قطر لانه صارله 6 شهور برا وقالو لازم يجيب ورقه من السفاره عوده مقيم هذا أجراءت جديده .؟!!!!! اذا الواحد يبي يغير المفروض يسوي اعلان او في الخطوط القطريه لمن تأخذ التذكره مو تتفاجاء في المطار


ليس هناك أي تغيير، بقاء المقيم خارج قطر أكثر من ستة أشهر تلغى الإقامة. يمكنك تمديدها والمقيم خارج قطر عن طريق طلب يقدمه الكفيل في جوازات المطار مقابل 500 ريال لتصبح سنة كاملة.

[romoz]

حيك انت عادك في الدوحة

ناس عن طريق البر رايحين للكويت ، خرجو من ابوسمرة و سلوى و الخفجي يوم وصلو للنويصيب(( المركز الحدودي الكويتي)) قالو الخدامة ما يصير تدخل !

باقي كم شهر و تنتهي اقامتها

يعني شنو يرجعون الدوحة ؟ عقب سوالف و ضباط و تعهدات و خرابيط ادخلو الكويت


الزبدة
الواحد لازم ينتبه و يعرف القوانين قبل لا يسافر

[المحاميه]

شكراً على التنبيه

نظام دولي متعارف عند البعض مب الكل

بصراحه لازم تكون فيه حلول او تسهيلات في مثل هالحالات والظروف

[المحاميه]

الغلط من الــ ..... الي سوى الحجز وحجز للخدامة وهو يشوف جوازها قدام عيونه جعلها الفطر
ليش يوم هذي وظيفة الله لايعطية عافيه ماينبه المسافرين
ترا مو كل واحد يدري عن موضوع الـ 6 شهور
المفروض الــ 300 ريال تنجر من علباه العفن :anger1:

:eek5::eek5::eek5:

ردك هذا اوفر

[جينير]

شكرا لكم جميعاً

انا طرحت الموضوع للتنبيه

وكلامي كان عن تاشيرة الاقامة القطرية في الجواز وليس الجواز
الجواز في ثلاث سنين


وشكرا

[طبيب قطري]

شكرا للتنبيه اخوي، والله يعوض عليك

[Al Basha]

حيك انت عادك في الدوحة

ناس عن طريق البر رايحين للكويت ، خرجو من ابوسمرة و سلوى و الخفجي يوم وصلو للنويصيب(( المركز الحدودي الكويتي)) قالو الخدامة ما يصير تدخل !

باقي كم شهر و تنتهي اقامتها

يعني شنو يرجعون الدوحة ؟ عقب سوالف و ضباط و تعهدات و خرابيط ادخلو الكويت


الزبدة
الواحد لازم ينتبه و يعرف القوانين قبل لا يسافر




الاقامه مالها اي علاقه الا في حاله وحده اذا رجع قطر قبل تنتهي فتره الاقامه

والنظام الدولي عن الجواز اخوي حده ست اشهر


شكراً على التنبيه

نظام دولي متعارف عند البعض مب الكل

بصراحه لازم تكون فيه حلول او تسهيلات في مثل هالحالات والظروف


ما فهمنا :(
حد يقول الاقامة وحد يقول الجواز؟!
ولا هالنظام بس بالكويت ؟

[شيخ الديرة]

ما فهمنا :(
حد يقول الاقامة وحد يقول الجواز؟!
ولا هالنظام بس بالكويت ؟

يبدو الجواز والأقامة معا, ويبدو كذلك هذا النظام بالكويت فقط

أن يكون لديهم جوازات سفر وإقامة لا تقل صلاحيتها عن ستة أشهر في إحدى دول مجلس التعاون.

المصدر (http://www.dgca.gov.kw/ar/travellers/traveller-information/arrival-procedures/visa-services)

[Al Basha]

يبدو الجواز والأقامة معا, ويبدو كذلك هذا النظام بالكويت فقط

أن يكون لديهم جوازات سفر وإقامة لا تقل صلاحيتها عن ستة أشهر في إحدى دول مجلس التعاون.

المصدر (http://www.dgca.gov.kw/ar/travellers/traveller-information/arrival-procedures/visa-services)

بيض الله وجهك، رد شافي ووافي.
الخلاصة : وجود صلاحية ظ¦ أشهر في الجواز شرط عالمي.
استثناء : الكويت تطلب وجود الشرط الأول + إقامة خليجية ظ¦ أشهر.
شكراً جزيلاً :)