هل يحق للمتزوج بزوجتين طلب ارض وقرض اخر للزوجة الاخرى؟؟؟

[بداية مساهم]

هل يحق للمتزوج بزوجتين طلب ارض وقرض اخر للزوجة الاخرى؟؟؟ علما ان الانتفاع بالمسكن السابق تم سداده كليا

او هل يمكن للزوجة الثانية طلب ارض وقرض اذا كانت موظفة وقطرية ارجووووكم افيدوني... وهل هناك استثناءات ؟؟؟

[الوثيقة]

جان زين .. ما يصير على حد علمي

[QATAR 77]

اذا كذي الكل بياخذ اربع

[حفيدعمر]

زوجة ثانية للقادر من جميع النواحي مب بزنس

[بداية مساهم]

لا والله ياخوي مو تجارة... انا الزوجة الثانية وذبحتنا اجارات البيوت... كسرت ظهورنا... تعبنا.. ودنا الاجار يروح في بيت لنا مو بيت اجار... وبعدين واذا تعدد الزوجات؟؟؟ هذا الزمن كثر فيه العنوسه وموت الرجال فراح تشوفون كل رجل يتبعه عدة من النساء :)

واذا فيه ناس يسونها بيزنس على الدولة طلب وثيقة الزواج من الثانية الحين كل حرمة ما تبي تدش على الحرمة الثانية ولا نبي نسوي دوشه ومشاكل

[بداية مساهم]

والله انا اشتغل وودي يكون قرض الاسكان باسمي راتبي يساعد على اني ابني لي بيت....

[رائد العنابي]

سلام عليكم
في ناس مب امحصله اراضي من الدوله وانا منهم
وانت تبي ارض ثانيه

يا رب ارزقنا بارض كل من فئه قرض بدون ارض

[غايه الطواش]

اختي ماعتقد لاني عمي ماخذ ثنتين
وماعطوه فغير مخطط البيت واقسمه نصين وسوى بيتين وهو ذكر هالشي فالمنتدى من زمان

[ذرية صالحة]

بالتووووفيق

[بداية مساهم]

والله يا اخواني واخواتي انا ودي اعرف هل اذا تحرر البيت والقرض الاول يقدر ياخذ زوجي ارض وقرض لي؟؟؟ وزوجي مايقدر يقسم الحين البيت والارض... من زمان باني بيته على ايام كان القرض 600000 وانا حديثة زواج من سنة و8 شهور شلون بيقسم البيت او الارض بينا؟؟؟ ياليت تفيدونا

[حليتان]

لا يحق على حسب علمي

لكل زوجين ارض وقرض على ان يتكفل الزوج بدفع مصاريف الغرض ولايحق التصرف في الارض الا بعد مرور 15 سنة فقط حتى لو اخذ الثانية على الزوج توفير السكن لزوجة الثانية

[w.qatar]

هذي تبعات اللي تكون ثانيه و ثالثه ولا رابعه حتى بيت مستقل ما تحصل مافي الا انه يشتري لج بيت او انتي تشترين بيت اذا موظفه
او تتحملين الايجار والله يعينج

[بداية مساهم]

طيب القرض الاول وخلص ما يصير انا اخذه باسمي كوني موظفه؟؟ ماحنا بايقين شئ... كلها قروض تنوخذ من رواتبنا يعني بيرجع المال لاصحابة :( ولين متى واحنا ساكنين اجار... لو ندفع ثمن هالاجار حق الدولة مو ابرك؟؟؟

[بداية مساهم]

والله واللي تكون ثانية او ثالثه مو عيب ولاحرام شرعا...

[S S]

والله واللي تكون ثانية او ثالثه مو عيب ولاحرام شرعا...

بالتوفيق انشالله والله يسهل عليك وماعليك من الردود السلبيه

[ولد شرق]

لا يحق للمتنفع بقرض ان ينتفع بقرض آخر حتى لو تم سداد القرض لدى بنك التنمية

لكن يمكنه الانتفاع بقرض لتمويل مايسمى بالمشاريع الصغيرة او المتوسطه

وارجو من الله لكم التوفيق

[_الغرافة_]

موقفين قروض الحريم حسب علمي

[bo-ibrahem]

الله يعينك

[العربية نت]

السلام عليكم ،،
الدولة تصرف الارض والقرض مره واحده للمستحق
فيه بعض الحلول قد تكون ممكنه :
ارضكم الحالية الي فيها فيلا هل الارض مستغله بالكامل او ممكن بناء فيلا فيها اخرى ... راجعو البلدية الي تابعين لها علشان يعلمونكم +التخطيط العمراني بالدفنة مقابل ستي سنتر
على حد علمي ان البلديات حالياً تسمح ببناء دور ثالث اي دور اول +2+3 الفيلا الحالية الي انتو فيها دور اول + بنت هاوس فقط فيمكن بناء دور ثالث وبيكفي إن شاء الله خاصة لمن ليس لديه استطاعه توفير عقار آخر والحياة تمشي إن شاء الله
بالتوفيق إن شاء الله لنا ولكم