الاشتراك في اي خدمة مو غصب يا اوريدوا وفودافون

[heart]

السلام عليكم
طبعا تعرفون حركة اوريدوا وفودافون فيما يخص خدمة رناتي الحين كل ما اتصل على احد حاط اغنية او نشيدة نسمع صوت وحده تقول للاشتراك وأخذ النغمة اضغط على ستار يعني ليش هالحركة يمكن محد يبغي يشترك غصب يعني مسكين دريولنا متصل حق حد وبالغلط ضغط على ستار واشترك في الخدمة وتخزنت النغمة عنده والحين كل واحد يتصل به يسمع النغمة اللي تخزنت ورسومها 5 ريال وشكرا

[الأسبانية للمصاعد]

صح كلامك

[للصبر اخر]

شلون يشلونهااا
نفس الشي مع خالتي صارت
توهقت مسكينه

[طلعة الروح]

أول مره اسمع عن هالحركه
بس شي مب مستغرب من أوريد وفودافون
اللي تعودوا التطفل على خلق الله وبيوت خلق الله.

[airbus]

صح كلامك اول مرة اسمع انه ادفع من جيبي الخدمة وسوي دعاية ببلاش على حسابي !!

[شمس المغيب]

هي بصراحه مالها معنى
وسهل انها تنلغي
لما الواحد يشترك حتى لو بالغلط في الخدمة
توصل له رسالة من رقم معين مكون من اربع ارقام اعتقد
نرسل رساله لهذا الرقم نكتب فيها الغاء أو cancel
وراح تلغي النغمة على طول
صارت معاي بالغط والغيتها بهذي الطريقة

[محمد 1977]

انا كنت حاط نغمه ولما سووا هالحركة الغيتها
للأسف اوريدو يسوون دعايات لهم على حسابنا

[كلاسيك قطر]

اكبر غلط والله

[راعي ال VXR]

الغاء الخدمه الاتصال على 191
ومن ثم اختيار رقم 5 وبعدها اختيار مرة اخرى 5 لإلغاء الخدمة

[راعي ال VXR]

ياكلون اموال الناس بالسحت

[غريب الدّار]

السلام عليكم
طبعا تعرفون حركة اوريدوا وفودافون فيما يخص خدمة رناتي الحين كل ما اتصل على احد حاط اغنية او نشيدة نسمع صوت وحده تقول للاشتراك وأخذ النغمة اضغط على ستار يعني ليش هالحركة يمكن محد يبغي يشترك غصب يعني مسكين دريولنا متصل حق حد وبالغلط ضغط على ستار واشترك في الخدمة وتخزنت النغمة عنده والحين كل واحد يتصل به يسمع النغمة اللي تخزنت ورسومها 5 ريال وشكرا

بس اخوي انت تقول انه ضغط بالغلط
بالغلط
يعني هو غلطان

شدخل اوريدو وفودافون في غلطات دريولكم؟


او غير دريولكم

[ام خليفه79]

أنا صارت معاي هالخدمة مالت موازييك بنفسها انا ما سويتها وكل عبالي أن ولدي متعبث في الجوال بس بعد ما يعرف يطرش لهم yes أوno :eek5:

لعوزونا كل يوم مسج عن خدمة ولا إلا تشترك ومجاناً أخر شي بفلوس والله عوروا راسنا :rolleyes2:

وفي خدمة أنا ما فعلتها لكن يجيني مسج بتجديدها وكل ما أحاول أوقفها ما توقف :telephone: