الأجنبي ،،،، يتوظف أسرع من القطري

[الأسبانية للمصاعد]

في كل الدوائر

الأجنبي دربه خضر في كل المعاملات الخاصة بالتوظيف خاصة الفتيات

اما القطري والله لو ولد من ،،، دربه كله شوك

ليش مرض الواسطة

كل يوم ايكلموني حريم ورياجيل عشان ايوظفون اعيالهم

والأجنبي إيميل واحد لا وينفرض عليك

الموضوع فقط في إطار التوظيف

ومعرض التوظيف طلع خدعة وبعض المسئولين القطريين عنصريين

[الأسبانية للمصاعد]

معقول قطري او قطرية خريجين في بيوتهم من سنة

خلوهم يتشرطون في الوظائف فهاذي بلادهم والأجنبي يتنقل مثل الماي

[طلعة الروح]

نصيحتي لا تضيعون وقتكم في المقابلات مافي فايده ترجى من ورى الهنود والاوربين وبعض المسؤولين القطريين المضروبة جنوبهم

هم يقابلون القطريين عشان يرفضونهم حتى لو مؤهلاتهم وخبراتهم أكثر من جيده للوظيفه
يطلع له عذر من تحت الارض عشان مايوظفك اصلا مايرد عليك عقب المقابلة حتى لو تبي تعرف شنو الاخطاء او النواقص اللي عندك
وغير انه فكرتهم عن القطري انه مايشتغل موجوده حتى قبل ماينزل على مطار الدوحه
يكونون ربعه محفظينه هالجملة

صار القطري ضيف في بلاده عند الاجنبي وبعض القطريين اللي مايسوون قشر بصل يلعبون في مستقبله المهني وهو ماصار له حتى 6 شهور ف البلد
حسبنا الله ونعم الوكيل

الله يسهل على الجميع

[Rider]

كï»»م مب جديد الاجنبي للاسف صار الرقم الصعب

[JN000N]

مادري الصراحه
بس انا وربعي ع طول توظفنا ولا واسطه ولا غيرها

لكن لو الاجنبي بعد بغوه لان ارخص خخخخخ
ف يقول اخف على ميزانيتي اجنبي راتبه مايعدي 15 ولا اييب قطري راتبه دبل
يمكن بعد مابي افتي

[محمد عبدالرحمن]

في كل الدوائر

الأجنبي دربه خضر في كل المعاملات الخاصة بالتوظيف خاصة الفتيات

اما القطري والله لو ولد من ،،، دربه كله شوك

ليش مرض الواسطة

كل يوم ايكلموني حريم ورياجيل عشان ايوظفون اعيالهم

والأجنبي إيميل واحد لا وينفرض عليك

الموضوع فقط في إطار التوظيف

ومعرض التوظيف طلع خدعة وبعض المسئولين القطريين عنصريين

الحل قد يكون بالنقاط البسيطة التالية:

إصدار مرسوم يقضي بإعفاء أي مسؤول قطري عن منصبه في حال عدم اكتمال نسب التقطير 50% إدارياً، 30% إشرافياً، 15% الوظائف الصغرى (تلك النسب تحتاج لدراسة من لجنة من شباب قطر ذوي شهادات/خبرات/مهارات استراتيجية و مستوى ذكاء معين)
قيام وزارة العمل و وزارة البلدية بفرض قيام كل جهة حكومية و خاصة القيام بارسال الهيكل التنظيمي على موقع الكتروني خاص بوزارة العمل، حيث تقوم وزارة البلدية بعدم تجديد رخص ااقطاعات الخاصة في حال عدم تطبيق النسب و تقوم وزارة العمل بإعفاء القطريين عن مناصبهم في حال التخلف عن النسب المتفق عليها كل فترة زمنية و لتكن 5 سنوات
اصدار مرسوم يقضي بتحديد نسب الجنسيات المختلفة في كل قطاع و أيضا تحديد المسؤهلات التعليمية و الخبرات الموثوقة للمقيمين الذين يعملون في المناصب الإدارية، حيث في حال عدم الموافاة لا يتم إصدار الموافقة من وزارة العمل للموظفين من المقيمين الجدد و لا يتم تجديد الإقامات للمقيمين الذي على مناصبهم و ليست لديهم الخبرات أو المؤهلات التعليمية في مجال مناصبهم
أن يتم تعيين قطريين يمتازون بالحزم في العدل و البعد عن الهوى أو الواسطة، و أن يتبعون هيئة الرقابة و الشفافية بحيث يقومون بإصدار تقريرا شهري ينشر في الصحف يبين فيه القطاعات التي حققت النسب و اسماء الذين تم اعفاؤهم



إن ماذكر أعلاه قد يحتاج لدراسة، و قد تكون هنالك حلولاً أفضل، و لكن يجب الإسراع بها لأن هنالك من المقيمين من نرحب بهم في قطر و هنالك من هم عليها خطر.

[بانغ بانغ]

يعتمد على كفائتهم

مب شرط كل قطري ينفع في مكان معين

بس من فترة أشوف في الجرائد ان في قطري طالب شغل حتى لو سكيورتي

غريبة ذي

[JN000N]

يعتمد على كفائتهم

مب شرط كل قطري ينفع في مكان معين

بس من فترة أشوف في الجرائد ان في قطري طالب شغل حتى لو سكيورتي

غريبة ذي

يمكن ماعنده شهاده او ظروفه صعبه

تدري العام ف المعرض المهني (اللي انا توظفت عن طريقه)
شفت شباب قطريين يايين يدورون شغل شعادتهم اعداديه
حرام صج كسرو خاطري محد رضى يقبل بهم لكن عجبني واحد ف احد البوثات قال لهم كملو عالاقل الثانويه لان حتى لو اشتغلتو باعدادي شنو شغلتكم وشنو بتقبضون؟ ولا شي

[طلعة الروح]

مادري الصراحه
بس انا وربعي ع طول توظفنا ولا واسطه ولا غيرها

لكن لو الاجنبي بعد بغوه لان ارخص خخخخخ
ف يقول اخف على ميزانيتي اجنبي راتبه مايعدي 15 ولا اييب قطري راتبه دبل
يمكن بعد مابي افتي

نشغل مخنا شوي

في فرق بين الوظايف العاديه وبين المناصب
المناصب العليا ( واللي لها تأثير ع المؤسسة وع مستقبل الدوله )
هذي ماتروح حق القطري بسهولة حتى لو عنده مؤهلات ودكتواره في تخصص شغله
المسألة مسألة تقدير للمؤهلات والتخصصات من جهات العمل وهالشي مب موجود
بعض الجهات تعين حامل الثانوية على نفس مسمى وظيفة الجامعي او حامل الماجستير
لازم ظهر جامد أو قدرات خارقة اوخبرة مادري بكم رقم عشان يعينونه في مكانه الصحيح
مشكلتنا ما نحط الشخص المناسب في المكان المناسب

[طبيب قطري]

كلامك في نسبه كبيره من الصحه، في اماكن مثل المستشفيات الجديده واللي بتفتح قريب للاسف يوصون على بعض وبالايميلات فقط مثل ماقلت .. وتلاقي المسؤول القطري يراكض بنفسه يخلصلهم الاجراءات

[JN000N]

نشغل مخنا شوي

في فرق بين الوظايف العاديه وبين المناصب
المناصب العليا ( واللي لها تأثير ع المؤسسة وع مستقبل الدوله )
هذي ماتروح حق القطري بسهولة حتى لو عنده مؤهلات ودكتواره في تخصص شغله
المسألة مسألة تقدير للمؤهلات والتخصصات من جهات العمل وهالشي مب موجود
بعض الجهات تعين حامل الثانوية على نفس مسمى وظيفة الجامعي او حامل الماجستير
لازم ظهر جامد أو قدرات خارقة اوخبرة مادري بكم رقم عشان يعينونه في مكانه الصحيح
مشكلتنا ما نحط الشخص المناسب في المكان المناسب

بعد مافهمتي
شغليه شوي معاي
الاجنبي ارخص حتى لو ماخذ منصب
اعرف واحد مستلم اربع ادارات مب اداره وحده لكن راتبه مايتعدى اربعين او خمسه واربعين
والقطري الموظف العادي شوي ويوصل راتبه
شمعناته؟ يعني هذاك ارخص
وانا ماقول اني ضد القطريين بالعكس اتمنى الكفو يستلمون المناصب ولا يحبطونهم
لكن العيار هو الي يستلم واللي يمشي سيده هو اللي خلف الله عليه
بعدين في شي لازم تحطونه ف بالكم
اذا التوظيف والمقابله بتيي من واحد اجنبي اعرفو ان مابيختار القطري الطموح يمكن يختار البنات اي لان يعرف انهم مايقدرون يوصلون بسهوله مثل الرياييل لكن يختار الريال القطري الي فهم شخصيته من المقالله وعرف ان كلام فاضي بس وشهاده عالفاضي وهذي النوعيه هي اللي تحصل تشجيع من الاجانب لان يدرون ان مايشكل تهديد لهم
هالكلام انا مسؤوله عنه بواقع تجارب شفتها
وشفت شلون يحاربون القطري الرجل المتفوق الي يستاهل يستلم منصب

[طلعة الروح]

كلامك في نسبه كبيره من الصحه، في اماكن مثل المستشفيات الجديده واللي بتفتح قريب للاسف يوصون على بعض وبالايميلات فقط مثل ماقلت .. وتلاقي المسؤول القطري يراكض بنفسه يخلصلهم الاجراءات

احنا اللي مضيعنا قلوب الشعب السوده على أهلهم واخوانهم،
حتى لو الواحد منصبه رئيس تنفيذي تلاقيه نفسي نفسي،،
على الأقل ساعد اللي يستاهل وخل اللي مايستاهل.
البعض ذابحه الحسد والانانيه.

[طلعة الروح]

بعد مافهمتي
شغليه شوي معاي
الاجنبي ارخص حتى لو ماخذ منصب
اعرف واحد مستلم اربع ادارات مب اداره وحده لكن راتبه مايتعدى اربعين او خمسه واربعين
والقطري الموظف العادي شوي ويوصل راتبه
شمعناته؟ يعني هذاك ارخص
وانا ماقول اني ضد القطريين بالعكس اتمنى الكفو يستلمون المناصب ولا يحبطونهم
لكن العيار هو الي يستلم واللي يمشي سيده هو اللي خلف الله عليه
بعدين في شي لازم تحطونه ف بالكم
اذا التوظيف والمقابله بتيي من واحد اجنبي اعرفو ان مابيختار القطري الطموح يمكن يختار البنات اي لان يعرف انهم مايقدرون يوصلون بسهوله مثل الرياييل لكن يختار الريال القطري الي فهم شخصيته من المقالله وعرف ان كلام فاضي بس وشهاده عالفاضي وهذي النوعيه هي اللي تحصل تشجيع من الاجانب لان يدرون ان مايشكل تهديد لهم
هالكلام انا مسؤوله عنه بواقع تجارب شفتها
وشفت شلون يحاربون القطري الرجل المتفوق الي يستاهل يستلم منصب

حجة الراتب اعتبرها حجه سخيفه اذا تبناها صاحب العمل ، القضية عرض وطلب
مب افتراضات يضعها صاحب العمل او المسؤول في مخه ويبني عليها من خياله الواسع
القطري يحط (رينج) معين للراتب وكذلك المسؤول بيحط سعره وكل واحد من الطرفين
يا يوافق ويتفق أو يرفض، واذا رفض الأولوية لقطري كفؤ آخر.
هذا المفروض بس من يطبق !!!

[JN000N]

حجة الراتب اعتبرها حجه سخيفه اذا تبناها صاحب العمل ، القضية عرض وطلب
مب افتراضات يضعها صاحب العمل او المسؤول في مخه ويبني عليها من خياله الواسع
القطري يحط (رينج) معين للراتب وكذلك المسؤول بيحط سعره وكل واحد من الطرفين
يا يوافق ويتفق أو يرفض، واذا رفض الأولوية لقطري كفؤ آخر.
هذا المفروض بس من يطبق !!!

محد يطبق
جا واحد ع اساس ان بياخذ منصب وهو كلش مب كفو
واو خذ المنصب اللي يبيه محد بيتم ع كلام الجميع
لان صج ظلم
وهو قطري لكن من اللي مايستاهلون شي ومن اللي حرام يتولى منصب بيستعبد الناس تحته
طبعا هذي من عدة تجارب معاه وعارفين طبعه
والحين يزن ويحن انا ييت وقعت العرض ع اساس اصير كذا؟ زين يالطيب شلون تبي تستلم منصب وانت ماتداوم؟ والا ماتشتغل؟ والا تبصم وتشرد؟
في قطريين ينشد بهم الظهر وصج كفو وصج ذمه وضمير لكن اول من يتعادالهم الاجانب اللي فوقهم ويظلمونهم فالتقييم ويظلمونهم ف المعامله لدرجه يحاولون يطفشونهم ب اي طريقه

[qatari 111]

اذا تتكلم عن الموؤسسات والهيئات الحكوميه وشركات الغاز والبترول ماعندي علم فيها .. ولكن الوزارات الحكوميه ولله الحمد كلهم قطريين ويتوظفون بسرعه .

بس اهم شي يساوون شهاادة الاجنبي بالشهاد اللي يجيبها القطري ومايعترفون فيها وشهادة الاجنبي يعترف فيها !!!!!!!!!!!

[راعي الدتسن]

مادري الصراحه
بس انا وربعي ع طول توظفنا ولا واسطه ولا غيرها

لكن لو الاجنبي بعد بغوه لان ارخص خخخخخ
ف يقول اخف على ميزانيتي اجنبي راتبه مايعدي 15 ولا اييب قطري راتبه دبل
يمكن بعد مابي افتي


كلامج صحيح بس في الوظائف العاديه..
شوفي الاجانب اصحاب المناصب (سياره وبيت وتأمين صحي ومدارس وبووووونس اخرر السنه.. وشوفي كم راتبه..!!!!!!!

[راعي الدتسن]

وشهادات الاجنبي مقبووله حتى لو كانت من الدكان..!!!
والقطرري مشرووووط عليه شهاده من القطب الشمالي او الجنووبي..!!


الله كريم

[JN000N]

كلامج صحيح بس في الوظائف العاديه..
شوفي الاجانب اصحاب المناصب (سياره وبيت وتأمين صحي ومدارس وبووووونس اخرر السنه.. وشوفي كم راتبه..!!!!!!!

تامين صحي كل القطريين الحين عندهم تامين صحي
والقطريين اللي يشتغلون ف القطاع الخاص من زمان عندهم
سكن واثاث وتنقل القطريين ياخذون عليها بدلات
ونفس الشي المدارس اذا اهلهم يشتغلون ف القطاع الخاص
هو مايقتصر عالاجنبي بس هو على كل الموظفين الي وظايفهم تمشي لهم هالامور
بالنسبه للبونس في قطريين ياخذون بعد وكله يعتمد على التقييم السنوي يعني لو تقييمه ماكان مضبوط طبعا ماراح ياخذ المكافأه لكن لو كان مضبوط وماخذها يرفع تظلم وحقه بياخذه
وراتبه بعد ع حسب منصبه
يعني قطري ف نفس المنصب يكون راتب القطري اعلى
موظفين عاديين اقولك رواتبهم قريبه من رواتب مدرا اجانب
صح ماننكر ان فالتقييم معظم الاجانب ياخذون تقييم صح مب كلهم لان شفت فئه مظلومه بعد منهم
وصح ماننكر انهم يعطون مجال للاجنبي بطرخ افكاره اكثر من القطري
ليش؟
لسببين
اذا كان المدير اجنبي نادر يشجع قطري عشان مايشكل تهديد له وهالشي طبيعي لواحد ياي عشان وظيفه ووقت يتفنش يضيع
اذا كان قطري (البعض مش الكل) بعد نفس الشي حبا ف الكرسي الي هو متقبضه وناس انه لو دام لغيره ماوصل له وفنفس الوقت دايما يقلبون من شان القطري ك مبدع ومثقف وفي ثقافه غبيه منتشره ان الاجنبي دايما عنده افكار ومبدع وذكي وان القطريين فاشلين

[بن لادن]

تامين صحي كل القطريين الحين عندهم تامين صحي
والقطريين اللي يشتغلون ف القطاع الخاص من زمان عندهم
سكن واثاث وتنقل القطريين ياخذون عليها بدلات
ونفس الشي المدارس اذا اهلهم يشتغلون ف القطاع الخاص
هو مايقتصر عالاجنبي بس هو على كل الموظفين الي وظايفهم تمشي لهم هالامور
بالنسبه للبونس في قطريين ياخذون بعد وكله يعتمد على التقييم السنوي يعني لو تقييمه ماكان مضبوط طبعا ماراح ياخذ المكافأه لكن لو كان مضبوط وماخذها يرفع تظلم وحقه بياخذه
وراتبه بعد ع حسب منصبه
يعني قطري ف نفس المنصب يكون راتب القطري اعلى
موظفين عاديين اقولك رواتبهم قريبه من رواتب مدرا اجانب
صح ماننكر ان فالتقييم معظم الاجانب ياخذون تقييم صح مب كلهم لان شفت فئه مظلومه بعد منهم
وصح ماننكر انهم يعطون مجال للاجنبي بطرخ افكاره اكثر من القطري
ليش؟
لسببين
اذا كان المدير اجنبي نادر يشجع قطري عشان مايشكل تهديد له وهالشي طبيعي لواحد ياي عشان وظيفه ووقت يتفنش يضيع
اذا كان قطري (البعض مش الكل) بعد نفس الشي حبا ف الكرسي الي هو متقبضه وناس انه لو دام لغيره ماوصل له وفنفس الوقت دايما يقلبون من شان القطري ك مبدع ومثقف وفي ثقافه غبيه منتشره ان الاجنبي دايما عنده افكار ومبدع وذكي وان القطريين فاشلين

القطريين يعطونهم بيوت فالخليج الغربي عالبحر ايجاره 70 الف ؟

في قطري معاشه مليون ريال شهريا ؟

فيه اجنبي مب لاقي شغل ؟

[JN000N]

سلامتك
بتكلم عن قطر فاونديشن دام اني ابخص فيه
اما الاماكن الثانيه ماراح افتي عنها
ف قطر فاونديشن يسكنون فالبيوت اللي ياها القص وعوضو اصحابها بملايين
وين هالبيوت؟ فالناصريه.. وين فالناصريه؟ فالمنطقه اللي حددتها قطر فاونديشن

[حمد 2002]

انا مع توظيف القطرين وتفنيش الاجانب ..

بتعتبرونها عنصريه ..

اي نعم عنصريه ..

[بن لادن]

سلامتك
بتكلم عن قطر فاونديشن دام اني ابخص فيه
اما الاماكن الثانيه ماراح افتي عنها
ف قطر فاونديشن يسكنون فالبيوت اللي ياها القص وعوضو اصحابها بملايين
وين هالبيوت؟ فالناصريه.. وين فالناصريه؟ فالمنطقه اللي حددتها قطر فاونديشن

أسألي عن بيت مدير سدرة هاهاها وأسألي عن سعر ثلاجته :)

[بن لادن]

انا مع توظيف القطرين وتفنيش الاجانب ..

بتعتبرونها عنصريه ..

اي نعم عنصريه ..

والله مهب عنصرية ، هذا ابسط حق للمواطن واجداده اللى كدوا في هذا الوطن وقيضه

هذول مثل طيور اللفو جاوا وخذوها بارده مبرده

[حمد 2002]

والله مهب عنصرية ، هذا ابسط حق للمواطن واجداده اللى كدوا في هذا الوطن وقيضه

هذول مثل طيور اللفو جاوا وخذوها بارده مبرده

:victory:

[حمد 2002]

أسألي عن بيت مدير سدرة هاهاها وأسألي عن سعر ثلاجته :)

ماعليك من المطبلين اخوي بن لادن ،،

[حمد 2002]

الي يده بالماي غير عن الي يده بالنار ،،

[شيخ الديرة]

أسألي عن بيت مدير سدرة هاهاها وأسألي عن سعر ثلاجته :)

موضوع تم مناقشته والحوار فيه, ولكن لا يضر تكراره

الرواتب تتحدد على أساسين, الأول حسب الهيكل التنظيمي للمؤسسة والتي يتم مسبقا الموافقة عليه وعلى الميزانية المالية الخاصة بذلك الهيكل. والثاني هو مستوى الرواتب الحالي للوظيفة التي يشغلها الموظف في دولته, لكي تتمكن دائرة الموارد البشرية من أقناع الموظف بترك وظيفته والعمل لديهم.

يعني مدير سدرة لم يكن في ساكن شقة قبل ما يجي الدوحة, وما عنده ثلاجة

[بن لادن]

موضوع تم مناقشته والحوار فيه, ولكن لا يضر تكراره

الرواتب تتحدد على أساسين, الأول حسب الهيكل التنظيمي للمؤسسة والتي يتم مسبقا الموافقة عليه وعلى الميزانية المالية الخاصة بذلك الهيكل. والثاني هو مستوى الرواتب الحالي للوظيفة التي يشغلها الموظف في دولته, لكي تتمكن دائرة الموارد البشرية من أقناع الموظف بترك وظيفته والعمل لديهم.

يعني مدير سدرة لم يكن في ساكن شقة قبل ما يجي الدوحة, وما عنده ثلاجة

انشالله ساكن في قصر فرساي مب هذا موضوعي ، الموضوع ليش هالشاغر مب لقطري ؟ وهل لو كان لقطري كان خذ نفس الامتيازات ؟ خلصوا الدكاتره القطريين ؟

[حمد 2002]

موضوع تم مناقشته والحوار فيه, ولكن لا يضر تكراره

الرواتب تتحدد على أساسين, الأول حسب الهيكل التنظيمي للمؤسسة والتي يتم مسبقا الموافقة عليه وعلى الميزانية المالية الخاصة بذلك الهيكل. والثاني هو مستوى الرواتب الحالي للوظيفة التي يشغلها الموظف في دولته, لكي تتمكن دائرة الموارد البشرية من أقناع الموظف بترك وظيفته والعمل لديهم.

يعني مدير سدرة لم يكن في ساكن شقة قبل ما يجي الدوحة, وما عنده ثلاجة

طيب وهل جميع هل قطر مافيهم الكفاءه لشغل الوظيفه تلك ؟

[Super Cool]

تعرف ليش

لأن الأجنبي لين شاف أجانب مثله ساعدهم و رتب أمورهم

و احنى اول واحد يحاربك في شغلك هو القطري و دايما في باله...هذا باجر بياخذ مكاني

احنى السبب ترى

[شيخ الديرة]

انشالله ساكن في قصر فرساي مب هذا موضوعي ، الموضوع ليش هالشاغر مب لقطري ؟ وهل لو كان لقطري كان خذ نفس الامتيازات ؟ خلصوا الدكاتره القطريين ؟

أسئلة لا أعرف أجابتها أنا, ولكن يعرفها من قام بتوظيف الرجل, روح أسأله

المستشفيات الحديثة مديرها ليس دكتورا. الدكتور حرام يقضي عشر سنين دراسة وتشريح وتدريب بالأخير يوقع أوراق. حقيقة لازالت مؤسسة حمد تنكرها

[شيخ الديرة]

طيب وهل جميع هل قطر مافيهم الكفاءه لشغل الوظيفه تلك ؟

لا شك فيهم , لكن روح أسأل اللي وظفه

[JN000N]

موضوع تم مناقشته والحوار فيه, ولكن لا يضر تكراره

الرواتب تتحدد على أساسين, الأول حسب الهيكل التنظيمي للمؤسسة والتي يتم مسبقا الموافقة عليه وعلى الميزانية المالية الخاصة بذلك الهيكل. والثاني هو مستوى الرواتب الحالي للوظيفة التي يشغلها الموظف في دولته, لكي تتمكن دائرة الموارد البشرية من أقناع الموظف بترك وظيفته والعمل لديهم.

يعني مدير سدرة لم يكن في ساكن شقة قبل ما يجي الدوحة, وما عنده ثلاجة

لا الله يسلمك
في ستيريوتايب منتشر ف قطر ان قطر ماتعرف توظف ناس عدله
يعني اتييب لها سواق تكسي واتحطه مدير عندنا
لا عنده بيت ولاثلاجه
ف النهايه بداية التوظيف اذا ماكان قطري اللي موظفهم اجنبي مسوي مقابله
في جيل ماننكره ف قطر ضيعو نفسهم ماكلمو دراستهم تولعو ب الشغل والرواتب
المفروض اعمارهم فوق 30 نقدر نقول
في الي طلع من اعدادي والي طلع من ثانوي
وفي اللي كملو دراستهم ف ذاك الوقت ورجعو دكاتره هذاك طبعا ع العمر الي اقصده
الحين شباب هالجيل واعي ويتعلم ويدرس ويكمل سواء ف قطر او برا قطر
يعني ان شاء الله نتفائل ان مع الوقت والتقطير ووجود ايادي قطريه كفو بيستلمون مناصب
بس يتركون الحقد والحسد ويساعدون القطريين بعضهم احسن

[Right]

غير الواسطة ، الواحد ما يتعب عمره


يا سلام على الأجنبي مآخذ حقه وغير حقه على حساب القطري ، هذا عشان جنسيته !!

[بن لادن]

لا الله يسلمك
في ستيريوتايب منتشر ف قطر ان قطر ماتعرف توظف ناس عدله
يعني اتييب لها سواق تكسي واتحطه مدير عندنا
لا عنده بيت ولاثلاجه
ف النهايه بداية التوظيف اذا ماكان قطري اللي موظفهم اجنبي مسوي مقابله
في جيل ماننكره ف قطر ضيعو نفسهم ماكلمو دراستهم تولعو ب الشغل والرواتب
المفروض اعمارهم فوق 30 نقدر نقول
في الي طلع من اعدادي والي طلع من ثانوي
وفي اللي كملو دراستهم ف ذاك الوقت ورجعو دكاتره هذاك طبعا ع العمر الي اقصده
الحين شباب هالجيل واعي ويتعلم ويدرس ويكمل سواء ف قطر او برا قطر
يعني ان شاء الله نتفائل ان مع الوقت والتقطير ووجود ايادي قطريه كفو بيستلمون مناصب
بس يتركون الحقد والحسد ويساعدون القطريين بعضهم احسن

ِشركة ميرسك ، مدير المستودعات والمعدات دينماركي كان عامل في مركب :) يعني يربط حبال ويتابع المركب ونظافته :)

الأمثلة موجوده ومن ارض الواقع ، ماعليج الا تتاكدين

[JN000N]

غير الواسطة ، الواحد ما يتعب عمره


يا سلام على الأجنبي مآخذ حقه وغير حقه على حساب القطري ، هذا عشان جنسيته !!



مالك الا تعرس وتاخذ مرتك تولد ف امريكا والا لندن والا فرنسا وياخذ ولدك الجواز ويشتغل بجوازه :(
بعد شتسوي عوض بعيالك هههههههههه

[ودي أكون]

هالكلام مو موجود في الدوائر الحكوميه .. فلحد يفتي من عنده .. واللي يبي يفتي يجيب لنا اسم الوزاره اللي خلت القطري و رشحت الاجنبي بداله !


وف الاخير .. الارزاق بيد الله لكن الاغلبيه الظاهر تناسوا هالشيء! ..

( لو تكد كد الوحوش .. ترا غير رزقك ما تحوش ) !

[Right]

في كل الدوائر

الأجنبي دربه خضر في كل المعاملات الخاصة بالتوظيف خاصة الفتيات

اما القطري والله لو ولد من ،،، دربه كله شوك

ليش مرض الواسطة

كل يوم ايكلموني حريم ورياجيل عشان ايوظفون اعيالهم

والأجنبي إيميل واحد لا وينفرض عليك

الموضوع فقط في إطار التوظيف

ومعرض التوظيف طلع خدعة وبعض المسئولين القطريين عنصريين





لربما لديهن مؤهلات جبارة !!

[بن لادن]

غير الواسطة ، الواحد ما يتعب عمره


يا سلام على الأجنبي مآخذ حقه وغير حقه على حساب القطري ، هذا عشان جنسيته !!




كتبت من سنتين موضوع السوداني اللي كان معاشه في حدود الـ 15 وغير جنسيته وصار كندي ، وتغيير عقده في نفس مكتبه ونفس شغله وصار راتبه فوق الـ 60 :)

مب متذكر الارقام لكن قريبه جدا

[Right]

مالك الا تعرس وتاخذ مرتك تولد ف امريكا والا لندن والا فرنسا وياخذ ولدك الجواز ويشتغل بجوازه :(
بعد شتسوي عوض بعيالك هههههههههه




فكرة ، خلاص دوري لي زوجة :victory:


شمعنى أمريكا أو لندن أو فرنسا ، ما تنفع جزر البطاريق ؟

[JN000N]

ِشركة ميرسك ، مدير المستودعات والمعدات دينماركي كان عامل في مركب :) يعني يربط حبال ويتابع المركب ونظافته :)

الأمثلة موجوده ومن ارض الواقع ، ماعليج الا تتاكدين

اوكي توكل على الله وكلم اللي وظفه وقوله انا قطري اولى منه
وشوف الي وظفه قطري او اجنبي؟ واذا مانفع مالك الا الصبر :)

[الأسبانية للمصاعد]

أسئلة لا أعرف أجابتها أنا, ولكن يعرفها من قام بتوظيف الرجل, روح أسأله

المستشفيات الحديثة مديرها ليس دكتورا. الدكتور حرام يقضي عشر سنين دراسة وتشريح وتدريب بالأخير يوقع أوراق. حقيقة لازالت مؤسسة حمد تنكرها

شيخ الديرة

انا اتفق معك مية مية

اتذكر كنت في قطر للبترول ادرس في لندن .

جاني واحد بريطاني كان صار له يومين ايدور علي مع انه ما يعرفني ولا اعرفه بس سمع ان في واحد قطري وشغال في البترول في هذه الجامعة

يوم قابلته , كان امنتف وغلبان وشكله كلش , قالي حبيت اسال عن الكيو بي ..... لانه توه جاه عرض من عندهم وخلال شهر بيجي ( الكلام من سنين )

وصل الدوحة وراتبه كان حروة 30.000 ( ثلاثين ) الف ريال ذيك الأيام اول الألفين . احنا كنا سينسر ومتزوجين ورواتبنا على 18 او عشرين .

في الأخير مدرس انجليزي في بوعبود

والأمثلة كثيرة

[Right]

كتبت من سنتين موضوع السوداني اللي كان معاشه في حدود الـ 15 وغير جنسيته وصار كندي ، وتغيير عقده في نفس مكتبه ونفس شغله وصار راتبه فوق الـ 60 :)

مب متذكر الارقام لكن قريبه جدا




صدقت ، ربعنا إذا شافوا الجواز الأجنبي تصيدهم الرقاله

[JN000N]

هالكلام مو موجود في الدوائر الحكوميه .. فلحد يفتي من عنده .. واللي يبي يفتي يجيب لنا اسم الوزاره اللي خلت القطري و رشحت الاجنبي بداله !


وف الاخير .. الارزاق بيد الله لكن الاغلبيه الظاهر تناسوا هالشيء! ..

( لو تكد كد الوحوش .. ترا غير رزقك ما تحوش ) !

عاد تعالي فهميهم؟!
قوليلهم كله على كتبة الله
بعد بيشككون ف كلامج
رزقك الي الله كاتبه لك محد بياخذه عنك ف عطو نفسكم الراحه

[الأسبانية للمصاعد]

لربما لديهن مؤهلات جبارة !!




رايت / يو ار رايت ايجزاكتيلي

[بن لادن]

اوكي توكل على الله وكلم اللي وظفه وقوله انا قطري اولى منه
وشوف الي وظفه قطري او اجنبي؟ واذا مانفع مالك الا الصبر :)

الحمد والشكر لله اشتغل ومستوره واداري حلالي

لكن كلمة الحق تنقال وعالاقل اقول اللي اشوفه مب ادافع عن مرتزقة ماكلين وشاربين وماخذين فوق حقهم واللي مايحلمون فيه في بلدانهم وفوق هذا مب عاجبينهم هل قطر وسب فينا ليل نهار

[بن لادن]

صدقت ، ربعنا إذا شافوا الجواز الأجنبي تصيدهم الرقاله




تعرف لين اي درجة ؟ لين درجة ان الاجنبي او بالاخص الغربي اذا انمسك سكران او سوا حادث وهو سكران يتم تغريمه 500 ريال ويطلع

واذا كان عربي او مسلم يتم تحويلها قضيه جنائية ويتم ابعاده من البلد :)

[الأسبانية للمصاعد]

عاد تعالي فهميهم؟!
قوليلهم كله على كتبة الله
بعد بيشككون ف كلامج
رزقك الي الله كاتبه لك محد بياخذه عنك ف عطو نفسكم الراحه


اختي جووونووون

انا صراحة احب مشاركاتك واشوفها ما شاء الله مفيدة

وشكلك في قطر فاونديشن , انا اشتغلت في اعلى سلطة هناك .

في الموارد البشرية عندهم واحد اسمه جوليان كينغ اشقر بريطاني ووايد حليوو

كان زميلي في البترول وقابل البريطاني اللي جبت سيرته من شوي.

كان مدرس غلبان وفقيرو

راح قطر فانديشن مسك رئيس قسم التقطير عندهم

لحد ايلفق ... خاصة انه كان رفيجي

شكرا

[حمد 2002]

من الي ذاق سموم اللواهيب ، والغوص شهور بهالشمس الحاره بحثا عن الرزق الحلال ، ومن الي يرعى بالبران وايتنقل في الفيافي والبران الشاسعه متحملا الظروف المناخيه الصعبه بحثا عن امل بالحياه ..


من الاولى بهذا الخيرر


ربعنا ولا الاجنبي الي جاينا والسبه عنده شهاده لو القطري قدمها يمكن ايقبلونه ويمكن لا ؟

[حمد 2002]

ليش لو القطري ياخذ شهاده من جامعه غير معترف فيها ،، اينقعها ويشرب مايها ؟

وليش لما الاجنبي ايجيب نفس الشهاده يتوظف فيها ؟

[Right]

اختي جووونووون

انا صراحة احب مشاركاتك واشوفها ما شاء الله مفيدة

وشكلك في قطر فاونديشن , انا اشتغلت في اعلى سلطة هناك .

في الموارد البشرية عندهم واحد اسمه جوليان كينغ اشقر بريطاني ووايد حليوو

كان زميلي في البترول وقابل البريطاني اللي جبت سيرته من شوي.

كان مدرس غلبان وفقيرو

راح قطر فانديشن مسك رئيس قسم التقطير عندهم

لحد ايلفق ... خاصة انه كان رفيجي

شكرا




ههههههههههههه شيء يضحك فعلاً


أجنبي = رئيس قسم التقطير !!

أخاف تقطير ماي بس

[Right]

من الي ذاق سموم اللواهيب ، والغوص شهور بهالشمس الحاره بحثا عن الرزق الحلال ، ومن الي يرعى بالبران وايتنقل في الفيافي والبران الشاسعه متحملا الظروف المناخيه الصعبه بحثا عن امل بالحياه ..


من الاولى بهذا الخيرر


ربعنا ولا الاجنبي الي جاينا والسبه عنده شهاده لو القطري قدمها يمكن ايقبلونه ويمكن لا ؟





راتب شياب قطر التقاعدي ، بحدود الـ 10 آلاف !!


والأجنبي إلي توه جاي على درجة البزنس وشهادته من البارات ، حدث ولا حرج !!

[بن لادن]

ليش لو القطري ياخذ شهاده من جامعه غير معترف فيها ،، اينقعها ويشرب مايها ؟

وليش لما الاجنبي ايجيب نفس الشهاده يتوظف فيها ؟

حدث هذا الموقف لصديق قريب جدا لي ..

هندي جا وتوظف سنير ستف فالبترول بشهادة من جامعه انجليزية فالهند ، وصديقي ذهب الى نفس الجامعه والهندي هذا كان يحضر نفس الكلاسات مع صديقي ، ولم يتم الاعتراف بشهادة القطري وتم توظيف الهندي :)

[حمد 2002]

هل بامكاننا استبدال كلمه تقطير الوظايف الى اجنبه الوضايف ولا الى جبن وبيض عيون ولا الى جبن وجام ؟

[JN000N]

اختي جووونووون

انا صراحة احب مشاركاتك واشوفها ما شاء الله مفيدة

وشكلك في قطر فاونديشن , انا اشتغلت في اعلى سلطة هناك .

في الموارد البشرية عندهم واحد اسمه جوليان كينغ اشقر بريطاني ووايد حليوو

كان زميلي في البترول وقابل البريطاني اللي جبت سيرته من شوي.

كان مدرس غلبان وفقيرو

راح قطر فانديشن مسك رئيس قسم التقطير عندهم

لحد ايلفق ... خاصة انه كان رفيجي

شكرا
اشكرك اخوي
احين انت هناك؟
اذا للحين موظف هناك بتقول ان ف الاتش ار اغلبهم صارو قطريين
وياتنا وحده هنديه ف قسمنا من ضمن اللي نقلوهم من الاتش ار
واللي قلتلي اسمه ماعرفه الصراحه مامريت عليه كلش

[الأسبانية للمصاعد]

هل بامكاننا استبدال كلمه تقطير الوظايف الى اجنبه الوضايف ولا الى جبن وبيض عيون ولا الى جبن وجام ؟

اسكت لا يفكرونك تتكلم عن اخونة الوظايف

[حمد 2002]

راتب شياب قطر التقاعدي ، بحدود الـ 10 آلاف !!


والأجنبي إلي توه جاي على درجة البزنس وشهادته من البارات ، حدث ولا حرج !!





حتى الحين لو الواحد تقاعد اتوقع يصفى على الراتب الاساسي بس والعلاوه الاجتماعيه ؟ وكل شيء ينقص منه ؟ ولو عليه سلفيه حدث ولا حرج ؟



هل نكرم شيابنا ومن كد وتعب بهذي الطريقه ؟


ولا نعطيه ساعه وقلم ماركه واذا جيه ايبيعهم مايجبون ربع سعرهم وانقوله انت ماقصرت وانت وانت وانت ؟

[الأسبانية للمصاعد]

اشكرك اخوي
احين انت هناك؟
اذا للحين موظف هناك بتقول ان ف الاتش ار اغلبهم صارو قطريين
وياتنا وحده هنديه ف قسمنا من ضمن اللي نقلوهم من الاتش ار
واللي قلتلي اسمه ماعرفه الصراحه مامريت عليه كلش

لا طال عمرك مشيت من فترة .

الحمدلله اذا تقطروا كلهم

لان الوضع كان بالفعل ايصير زين من فترة قليلة

اموفقة الشيخة

[JN000N]

ههههههههههههه شيء يضحك فعلاً


أجنبي = رئيس قسم التقطير !!

أخاف تقطير ماي بس




انا مادري عنه الصراحه
لكن انا رحت وشفت اغلبهم قطريين واعرف ناس نقلوهم من الاتش ار لانهم اجانب لان الحين مايبون اجانب ف الاتش ار

[حمد 2002]

حدث هذا الموقف لصديق قريب جدا لي ..

هندي جا وتوظف سنير ستف فالبترول بشهادة من جامعه انجليزية فالهند ، وصديقي ذهب الى نفس الجامعه والهندي هذا كان يحضر نفس الكلاسات مع صديقي ، ولم يتم الاعتراف بشهادة القطري وتم توظيف الهندي :)

لانهم مايثقون بالقطري انه اخذ تلك الشهاده بعرق جبينه ، بينما يثقون بسعاده الاخ الهندي بن الهندي والنعم المحترم انه اخذ الشهاده بذراعه اليمين ..

[JN000N]

لا طال عمرك مشيت من فترة .

الحمدلله اذا تقطروا كلهم

لان الوضع كان بالفعل ايصير زين من فترة قليلة

اموفقة الشيخة

وياك
والشيخ ابوك وانت ولده

[حمد 2002]

اسكت لا يفكرونك تتكلم عن اخونة الوظايف

ههههههههه الله المستعان ..

[حمد 2002]

الي اقول بان التوظيف بقطر فاونديشن مستحيل مافيه واسطه اتحداه !!

[JN000N]

الي اقول بان التوظيف بقطر فاونديشن مستحيل مافيه واسطه اتحداه !!

تتحداني يعني؟
انا اكبر مثال واتحدى حد يشكك فيني
انا توظفت ف قطر فاونديشن من المعرض المهني :)

[حمد 2002]

تتحداني يعني؟
انا اكبر مثال واتحدى حد يشكك فيني
انا توظفت ف قطر فاونديشن من المعرض المهني :)

انا ماعرفج لكي اثق فيج او لا ..

وكيف احكم على انسان لا اعرفه معرفه شخصيه او اشكك فيه ؟

[الأسبانية للمصاعد]

الي اقول بان التوظيف بقطر فاونديشن مستحيل مافيه واسطه اتحداه !!

لا طبعا فيه واسطة واتكون خشنة بعد .

هذيك ايام فتحي سعود

اما احين بوفهد , الله يعطيه العافية معتمد على هل قطر

للاسف كل مكان .

حتى الأوقاف , دش عندهم كأنك داش عند داعش من المعاملة الجافة والواسطة المستشرية

[حمد 2002]

لا طبعا فيه واسطة واتكون خشنة بعد .

هذيك ايام فتحي سعود

اما احين بوفهد , الله يعطيه العافية معتمد على هل قطر

للاسف كل مكان .

حتى الأوقاف , دش عندهم كأنك داش عند داعش من المعاملة الجافة والواسطة المستشرية

طيب والي ايقولون لك مافيه واسطه شترد عليهم ؟ واحنا توظفنا بدون واسطه ؟

[حسن]

مشكله توظيف الاجانب لازالت تعاني منها الهيئات والوزارات
والسبب

المسؤل عنها الوزير او المدير
كثير من معلوماتنا تنشر برع في صحفهم بسبه التسريب وانا كتبت كثيرا ونبهت
وللاسف الظاهر الجماعه رقود ولا هم منتبهين
احدي الوزراء اذكر لما استلم طلب من جميع المدراء عدم تقديم اي طلب بتمديد
مده الاجانب القدماء
مده وانترست الوزراء من هل العتاوله الكبار من صعاليك الدول برواتب
خياليه
مشكله المراقبه صعبه على هل الوزراء
اقترح بتوظيف في كل وزراه ظابط من الجهاز الامني
صدقوني لايكتشفون البلاوي

واذا مهب مصدقيني يشوف مجلس الورزاءه تعين الموظفين االاجانب تمر عليهم العقود

وبعدين لاتلومون معولماتنا السريه مسربه الى جرايدهم

اللهم اني بلغت اللهم اني فاشهد

:victory:

[حمد 2002]

مشكله توظيف الاجانب لازالت تعاني منها الهيئات والوزارات
والسبب

المسؤل عنها الوزير او المدير
كثير من معلوماتنا تنشر برع في صحفهم بسبه التسريب وانا كتبت كثيرا ونبهت
وللاسف الظاهر الجماعه رقود ولا هم منتبهين
احدي الوزراء اذكر لما استلم طلب من جميع المدراء عدم تقديم اي طلب بتمديد
مده الاجانب القدماء
مده وانترست الوزراء من هل العتاوله الكبار من صعاليك الدول برواتب
خياليه
مشكله المراقبه صعبه على هل الوزراء
اقترح بتوظيف في كل وزراه ظابط من الجهاز الامني
صدقوني لايكتشفون البلاوي

واذا مهب مصدقيني يشوف مجلس الورزاءه تعين الموظفين االاجانب تمر عليهم العقود

وبعدين لاتلومون معولماتنا السريه مسربه الى جرايدهم

اللهم اني بلغت اللهم اني فاشهد

:victory:

اسمحلي بوعلي بس انت دائما عايش في تناقض مره اتقول بانه الاجانب مهم تواجدهم ودايما ترفعهم فووق ، والحين تنتقدهم ، ياخي اثبت لك على راي واحد ولاتهون ؟

[الأسبانية للمصاعد]

طيب والي ايقولون لك مافيه واسطه شترد عليهم ؟ واحنا توظفنا بدون واسطه ؟

صراحة اتوقع مافي توظيف بدون واسطة بنسبة 75 في المية

اتكلم عن العدد اللي اعرفه بس اكيد في ناس عندهم مهارات معينة والله يسر لهم .

[JN000N]

انا ماعرفج لكي اثق فيج او لا ..

وكيف احكم على انسان لا اعرفه معرفه شخصيه او اشكك فيه ؟

عاد انا بحط حالي من حال يهال؟
انا اشتغلت بدون واسطه رضيت والا انرضيت شعلي منك
انت سالت وانا جاوبت
واسطتي ربي وشهادتي وتعليمي :)
اما المتخلفين نفسك دايما يشككون ف هالشي
لانهم فشله وشهاداتهم تفشل ومحد يرضى فيهم الا بالواسطه

لعلمك اخواني او انا لو اقول لابوي وين ابي اتوظف باتوظف خاصه مكان اهم شي هو راضي عليه الحمدلله كلمته مسموعه وله شان ومكان :)
لكن علمنا مانتعمد على هالشي وقالنا مابي اتوسط لعيالي ابي شهاداتهم ترفعهم ابيهم نفسي يتعلمون ويطلبون اعلى الدرجات
بواسطه اقدر اكون بمكان احسن من الي انا فيه ووظيفه احسن لكن بدون واسطه اعرف قدراتي وشهادتي وين بيوصلوني
هالشي لين تعلمته انت اول شي تعال ناقشني
اما تتكلم عن جهل وتنتقد وتتهم الناس بدون حق ولا دليل هذا غلط وعيب استح على ويهك

[JN000N]

لا طبعا فيه واسطة واتكون خشنة بعد .

هذيك ايام فتحي سعود

اما احين بوفهد , الله يعطيه العافية معتمد على هل قطر

للاسف كل مكان .

حتى الأوقاف , دش عندهم كأنك داش عند داعش من المعاملة الجافة والواسطة المستشرية

توظفت قبل سعد المهندي وبدون واسطه

[حمد 2002]

صراحة اتوقع مافي توظيف بدون واسطة بنسبة 75 في المية

اتكلم عن العدد اللي اعرفه بس اكيد في ناس عندهم مهارات معينة والله يسر لهم .

صحيح كلامك يالذيب .

[حمد 2002]

عاد انا بحط حالي من حال يهال؟انا اشتغلت بدون واسطه رضيت والا انرضيت شعلي منكانت سالت وانا جاوبت
واسطتي ربي وشهادتي وتعليمي :)
اما المتخلفين نفسك دايما يشككون ف هالشي
لانهم فشله وشهاداتهم تفشل ومحد يرضى فيهم الا بالواسطه

لعلمك اخواني او انا لو اقول لابوي وين ابي اتوظف باتوظف خاصه مكان اهم شي هو راضي عليه الحمدلله كلمته مسموعه وله شان ومكان :)
لكن علمنا مانتعمد على هالشي وقالنا مابي اتوسط لعيالي ابي شهاداتهم ترفعهم ابيهم نفسي يتعلمون ويطلبون اعلى الدرجات
بواسطه اقدر اكون بمكان احسن من الي انا فيه ووظيفه احسن لكن بدون واسطه اعرف قدراتي وشهادتي وين بيوصلوني
هالشي لين تعلمته انت اول شي تعال ناقشني
اما تتكلم عن جهل وتنتقد وتتهم الناس بدون حق ولا دليل هذا غلط وعيب استح على ويهك

هل هذا اسلوب انسانه جامعيه متعلمه ؟ تشتغل بمكان راقي كقطر فاونديشن ؟

[ودي أكون]

اقترح ان الموضوع يغلق أحسن .. واللي يبي يسولف يروح الاستراح افضل له

والله المستعان

[الأسبانية للمصاعد]

توظفت قبل سعد المهندي وبدون واسطه


الله ايوفقك .

الربع يتكلمون عن الأغلبية ,

انا مثلا توظفت ( بدون واسطة ) وتنقلت ولله الحمد لاكثر من 5 أماكن قيادية في البلد ( ولله الحمد بدون واسطة )

القصد من الشباب ان بالفعل , الفساد الإداري في التوظيف مستشري .

مثلا عندنا قطرية سكرتيره , تحسفت اشتغلت في احد الاماكن الحكومية لانها مفروضة من شخص قوي ( بس شلووووه عقب مسكين )

والأحنبية تتنقل من ادارة لادارة

شهادتها + جمالها

السبب

عندنا عقدة ازلية من الشقر

حمد اقولك وانا اخوك , خل نصبغ شعورنا وانركب عدسات زرق لعل وعسى

اذا حد بيشاركنا , قدام

[JN000N]

معاك انت يا حمد هاي اسلوبي
مع غيرك ارقى :)
كلن ياخذ ع قده يالطيب

[الأسبانية للمصاعد]

اقترح ان الموضوع يغلق أحسن .. واللي يبي يسولف يروح الاستراح افضل له

والله المستعان


وين الديمقراطية والرأي الاخر

يا نساء العصر الذهبي

[حسن]

اسمحلي بوعلي بس انت دائما عايش في تناقض مره اتقول بانه الاجانب مهم تواجدهم ودايما ترفعهم فووق ، والحين تنتقدهم ، ياخي اثبت لك على راي واحد ولاتهون ؟

الموضوع طويل وله مخطط كبير مااقدر اشرح لك
نعم ولا زلت اقول الاجانب وامدحهم ولكن ممهب الكل مهب الجدادا اللي مكوشين
الرواتب العاليه اللي محطوطين سومان ديقه وغصت بهم الوزارات
الا عين وفنش وعين وفنش
مجلس الوزراء ليش مايشوف الجهات الامنيه تشوف
هذا ضرر على الدوله واحيانا تحت يدهم معلومات سريه

للاسف تعينات مسؤلين قطريين مايسوا فراش وش تتوقع النتيجه
انا علشان قريب ولا علشان اللي فوقه يكون قوي
والبلد تدفع ملايين على التطوير وهذولا يسيئون لها
انتقاضه عن البسيط لكن لما المرض يتمدد ونحس بخطر مانقدر نسكت
هذه بلادنا محنا مرتزقه ولي الحق ان اقوله غصب على اللي يريضى واللي مايرضى
واللي مهب عاجبه يشرب من البحر من اي جهه يبي

[S S]

صحيح كلامك وماخفي كان اعظم

[حسن]

اقترح ان الموضوع يغلق أحسن .. واللي يبي يسولف يروح الاستراح افضل له

والله المستعان

ليش ياودي اكون
اللي متجاوز يمسح ردوده او ينبه ةهناك مشرفين
ليش نحذف الموضوع
خليه يمكن حد من المسؤلين يتعض

[الأسبانية للمصاعد]

ليش ياودي اكون
اللي متجاوز يمسح ردوده او ينبه ةهناك مشرفين
ليش نحذف الموضوع
خليه يمكن حد من المسؤلين يتعض

اقولك بوعلي .

اشكرك على الدعم اللوجستي.

[Abu Muhsen]

انا مع توظيف القطرين وتفنيش الاجانب ..

بتعتبرونها عنصريه ..

اي نعم عنصريه ..

السلام عليكم ورحمة الله وبركاته ..
لا اخوي مش عنصرية هذا حقكك ... انا مقيم واقلك هذا حقكك مش عنصرية ...
الوظيفة الي ممكن يشغلها قطري ليش يشغلها اجنبي ؟؟

كلمة الحق ما تزعل .. المقيم وظيفته يسد شاغر .. لا يتوفر فيه قطري ... او خبرة للبلد والبلد بحاجته ... او وظيفة لا يمكن يشتغلها القطري ...

الواحد يقول الحق يعني ... ابن البلد اولى طبعا ...

ومن عشرة بهالبلد الطيب 25 سنة انا نفسي تحز بخاطري لما اشوف اجنبي من اصحاب العيون الزرقاء افخم السكن وبدلات عن كلشيئ ورواتب خيالية ... والكثير من الشباب القطرين لا ياخذون ربع هذا الراتب ...

فا ااقول اخي كل الحق معك وهذه ليست عنصرية ...

[بالمرصاد]

الله المستعان

[JN000N]

اقترح ان الموضوع يغلق أحسن .. واللي يبي يسولف يروح الاستراح افضل له

والله المستعان

محد سولف
كلننا نتكلم ف اطار الموضوع
محد تكلم عن الزواج والمراه وغيره
كلامنا عن الوظايف

[ودي أكون]

وين الديمقراطية والرأي الاخر

يا نساء العصر الذهبي

اذا اتظن نفسك بتستفزني .. فريح نفسك أخوي .. انا اليوم بالي طويل :)
ونساء العصر الذهبي حولك وحواليك .. الحمدلله احنا بنات وطر أول ..
يوم يرتقي نقاشك وتسأل بنيه حسنه اسألني هالسؤال ..


بالنسبه للرأي والرأي الاخر الموضوع صار دردشه بصراحه! .. والله المستعان


والسلام عليكم ورحمة الله وبركاته

[حسن]

وين الديمقراطية والرأي الاخر

يا نساء العصر الذهبي

يااخ مادري شسمك اسمك صعب

الموضوع خرجت بعض الردود عن ادب الحوار وليس بموضوع ديمو قرطيه
فعلا انا اشوف ردود ماتنم على ثقافه حواريه
نقول نمزح في بعض الردود بغشمره مافيها شي
لاكن توصل الى كلمات مااستطيع ان اكتبها فهذا مرفوض
ويجب ان يوقف عند حده كل عضو مسى للاخر
وشكرا

[Right]

الواحد إذا كان عنده واسطة من عند بوعيون زرق وخضر وشعر أشقر ، أموره في الروب :victory:


لأن الخيط والمخيط عندهم !!

[الأسبانية للمصاعد]

محد سولف
كلننا نتكلم ف اطار الموضوع
محد تكلم عن الزواج والمراه وغيره
كلامنا عن الوظايف

ما شاء عليك اختي جووونووون

صح مثقفة وتتقبل الرأي الآخر

هذا اللي نبيه .

لا تزعلين من حمد , انا اعرفه من خلال المنتدى , شكله راع مزاج والظاهر التي بوي مالهم ما جاب له كرك الصبح

[Right]

اقترح ان الموضوع يغلق أحسن .. واللي يبي يسولف يروح الاستراح افضل له

والله المستعان





زين روحي إنتي هناك بالأول ، وإنطرينا لاحقينج

[حسن]

اقولك بوعلي .

اشكرك على الدعم اللوجستي.

شوف ياخوك ماوقفت ادعم حد عن حد ضلم صدقني
وانا تكلمت بالحق فقط اللي انا اشوفه
ومجرد راي وتعبير

انا شفت رد مهب طبيعي فقلت يجب ان نلتزم بعدم الخروج عن الحوار
وانا لم احدد من سواؤ عضو ولا عضوه
وتفاجات ام ودي اكون تطالب باغلاق الموضوع فقلت ليش
يااخي هذه في اهميه وخصوصا للدوله

وبس هذا شرح لقصدي لكي لا يضن انت وغيرك اني ادعم حده
لا ياخوك مافينا شده حوادث

تحياتي لك

:victory:

[الأسبانية للمصاعد]

اذا اتظن نفسك بتستفزني .. فريح نفسك أخوي .. انا اليوم بالي طويل :)
ونساء العصر الذهبي حولك وحواليك .. الحمدلله احنا بنات وطر أول ..
يوم يرتقي نقاشك وتسأل بنيه حسنه اسألني هالسؤال ..


بالنسبه للرأي والرأي الاخر الموضوع صار دردشه بصراحه! .. والله المستعان


والسلام عليكم ورحمة الله وبركاته


والله العظيم قصدي التوظيف بس البعض لف عرض في الموضوع

خلونا نتكلم واناقش

في فئة كبيرة والله متضررة من التوظيف ونبي حل لها

الواسطة صارت مرض وخلوونا انشوف الحل

اعتذر لكل شخص بس الموضوع يمكن شد وايد من اعضاء لأهميته

انت بالذات , اعتذر لك من اي تعبير

شكرا

[JN000N]

ما شاء عليك اختي جووونووون

صح مثقفة وتتقبل الرأي الآخر

هذا اللي نبيه .

لا تزعلين من حمد , انا اعرفه من خلال المنتدى , شكله راع مزاج والظاهر التي بوي مالهم ما جاب له كرك الصبح

لا اخوي
هذي مب اول مره لحمد
وانا ما امشي على مزاجية حد
ف هذي اسمحلي
ردي عليه يستاهله اذا مايستاهل اكثر بعد ..
كنت اتكلم عدل لكن في ناس مايون الا الهواش كلمة الطيب ماتنفع معاهم
ماقصد حمد بالخصوص لكن محموعه لاحظتها ف المنتدى تحتاج تتسنع قبل تدش
انا مب ملاك ولا اتحكم ف اعصابي لكن لا يوصلونها لاي مرحله افضل لاني ف معظم الاوقات افضل السكوت عشان اعرف وقتها شبيصير

خلنا على موضوع التوظيف
احنا هني كبار وواعبن للكلام الي ينقال
ولين حد قال كلام مانشكك فيه ولا نكذبه
مثل ماً انت قلت عن التقطير ف الاتش ار رديت عليك بادب ولا شككت ف كلامك بالعكس رديت ع حسب معرفتي

[العلياا]

السلام عليكم


انا معاك في موضوع الاجنبي يتوظف قبل القطري لاسباب كثيرة منها الفرق فالراتب وان الاجنبي يكرف اكثر وبعد خوف المسؤول من ان القطري ياخذ كرسيه
اما موضوع الواسطة بصراحة انا معها لاني توظفت بواسطة من بعد ما رحت للجهة اللي ابي اتوظف فيها وما ردوا علي رغم معرفتي بوجود شواغر فيها ما كان عندي الا كلمت حد اهناك وثاني يوم نادوني عشان المقابلة ..

:)

[الأسبانية للمصاعد]

لا اخوي
هذي مب اول مره لحمد
وانا ما امشي على مزاجية حد
ف هذي اسمحلي
ردي عليه يستاهله اذا مايستاهل اكثر بعد ..
كنت اتكلم عدل لكن في ناس مايون الا الهواش كلمة الطيب ماتنفع معاهم
ماقصد حمد بالخصوص لكن محموعه لاحظتها ف المنتدى تحتاج تتسنع قبل تدش
انا مب ملاك ولا اتحكم ف اعصابي لكن لا يوصلونها لاي مرحله افضل لاني ف معظم الاوقات افضل السكوت عشان اعرف وقتها شبيصير

خلنا على موضوع التوظيف
احنا هني كبار وواعبن للكلام الي ينقال
ولين حد قال كلام مانشكك فيه ولا نكذبه
مثل ماً انت قلت عن التقطير ف الاتش ار رديت عليك بادب ولا شككت ف كلامك بالعكس رديت ع حسب معرفتي

بيض الله وجهك

اعتقد وزارة العمل لازم تتحرك عاجل في هالموضوع

انا يوميا ايكلموني ناس عشان اعيالهم

والله قهر

مرة رحت إدارة حكومية اقدم اوراق حق وحدة من الجماعة , قال لي مافي وظايف

قلت له مب شركة ابوك وجدام ربعه في المكتب وقام وفز وعصب.

قلت له هاك كرتي عشان اتحدد لي الموعد على حسب المعمول به عندكم وخاصة والحمدلله يوم شاف كرتي , عرف وين اشتغل وخاف ابلغ وزيرهم

لاني كنت بامسح فيه الأرض

والله قهر ولله الحمد قطر فيها خير بس ثلة من القطريين هم الغوغائيين فيما يتعلق بالاتش ار .

[حمد 2002]

صدق بن معلاي يوم قال قصيدته


هذي قطر محدا بها داج الا اللي ذاق سموم اللوهيب
لولا الابار الي بها قوى الانتاج ماقاللج يادار حلو التراحيب .



مادري اذا هالبيت الي انا حافظه قلته صح ول لا ، لاني حافظه من كمن سنه !! ...

[الدوحه1]

ممكن هالكلام يكون صحيح بالنسبه للجهات اللي ماتتبع قانون الموارد البشريه لان وزارة التنميه البشريه فارضه رقابه صارمه على التوظيف.
عدد الخريجين القطريين في ازدياد والدوله مجبره على توفير الوظائف المناسبه للقطريين باسرع وقت حتى لايتراكم العدد ويزداد مما قد يؤدي الى رفع نسبة البطاله بين القطريين.
عدد القطريين اللي يدخلون سوق العمل سنويا حوالي 3500 مواطن مابين خريجين وثانويه.
والدوله ماتقدر تستحدث 3500 جديده سنويا لان هذا راح يؤدي الى تخضم بند الرواتب والاجور وأصلا هناك تخضم في عدد موظفين الدوله.
فالحل هو تقطير وظايف الدوله.
نسبة التقطير اوصلت الى نسب عاليه ومرضيه في بعض الجهات الحكوميه مثل وزارة الداخليه(اكثر من 70%).
فانا اتوقع مع هالزياده الكبيره في اعداد الجامعيين القطريين ان تبدأ قريبا الهجره العكسيه للاجانب الى بلادهم.

[JN000N]

بيض الله وجهك

اعتقد وزارة العمل لازم تتحرك عاجل في هالموضوع

انا يوميا ايكلموني ناس عشان اعيالهم

والله قهر

مرة رحت إدارة حكومية اقدم اوراق حق وحدة من الجماعة , قال لي مافي وظايف

قلت له مب شركة ابوك وجدام ربعه في المكتب وقام وفز وعصب.

قلت له هاك كرتي عشان اتحدد لي الموعد على حسب المعمول به عندكم وخاصة والحمدلله يوم شاف كرتي , عرف وين اشتغل وخاف ابلغ وزيرهم

لاني كنت بامسح فيه الأرض

والله قهر ولله الحمد قطر فيها خير بس ثلة من القطريين هم الغوغائيين فيما يتعلق بالاتش ار .

والله ياخوي مب بس اجانب ضد القطريين
القطريين ضد القطريين
بنت خالتي بتتوظف كانت ف وزاره
وكان في شاغر
عقب المقابله راحو البنات الي سوولها مقابله قالو هذي ماتبي تتوظف!
طيب ماتبي تتوظف ليش جايه تقدم عالوظيفه؟
ف هالموضوع اي نعم دخلت الواسطه وعرفنا وقتها ان هالبنات تقريرهم كان غلط عن بنت خالتي وكانو يقربون لبعض من عايله وحده والظاهر انهم مسيفين المكان لوحده من اهلهم
وهالشي معروف كلن يدني الظو صوب قرصه

ماعليهم شرهه الاجانب لين تفرعنو
اذا بعض القطريين متفرعنين على بعض شلون الاجانب؟
الاجنبي متغرب ياي يبي فلوس يدري ان لو تفنش يروح ف داهيه
طيب القطري شنو السبب الي يخليه يكون ضد قطري

[حسن]

ممكن هالكلام يكون صحيح بالنسبه للجهات اللي ماتتبع قانون الموارد البشريه لان وزارة التنميه البشريه فارضه رقابه صارمه على التوظيف.
عدد الخريجين القطريين في ازدياد والدوله مجبره على توفير الوظائف المناسبه للقطريين باسرع وقت حتى لايتراكم العدد ويزداد مما قد يؤدي الى رفع نسبة البطاله بين القطريين.
عدد القطريين اللي يدخلون سوق العمل سنويا حوالي 3500 مواطن مابين خريجين وثانويه.
والدوله ماتقدر تستحدث 3500 جديده سنويا لان هذا راح يؤدي الى تخضم بند الرواتب والاجور وأصلا هناك تخضم في عدد موظفين الدوله.
فالحل هو تقطير وظايف الدوله.
نسبة التقطير اوصلت الى نسب عاليه ومرضيه في بعض الجهات الحكوميه مثل وزارة الداخليه(اكثر من 70%).
فانا اتوقع مع هالزياده الكبيره في اعداد الجامعيين القطريين ان تبدأ قريبا الهجره العكسيه للاجانب الى بلادهم.

مادري ممااقتعت بالكلام اللي تقوله يالدوحه
قول هناك بطاله مقنعه اقولك اي قول توظيف عشوائي اتفق معك
وبعدين من يقولك ان الزياده كبيره
اذا المطار حسب ماسمعنا يوقال 30 الف وظيفه واذكر مره اسولف مع واحد
من عيال الشيوخ شغال في مكان قال محتاجه الى 60 الف وظيفه سنير غير الجنير
يبا الدوله قاعده تصغر ولا تكبر
ياشيخ اللعد كلماله يزيد وبيوصل الى 5 الى 6 مليون نسمه
وين تضخم في باب الرواتب والاجور
معلوماتك غير دقيقه

[القطو السمين]

ليش شهاداتهم ماتعرض علي اللجنة معادلة الشهادات والله تطلع بلاوي بس شاطرين علي عيال البلد يتشرطون علي الأقل عيال البلد مايختلسون مثل أكثر الاجانب

[بن لادن]

عاد انا بحط حالي من حال يهال؟
انا اشتغلت بدون واسطه رضيت والا انرضيت شعلي منك
انت سالت وانا جاوبت
واسطتي ربي وشهادتي وتعليمي :)
اما المتخلفين نفسك دايما يشككون ف هالشي
لانهم فشله وشهاداتهم تفشل ومحد يرضى فيهم الا بالواسطه

لعلمك اخواني او انا لو اقول لابوي وين ابي اتوظف باتوظف خاصه مكان اهم شي هو راضي عليه الحمدلله كلمته مسموعه وله شان ومكان :)
لكن علمنا مانتعمد على هالشي وقالنا مابي اتوسط لعيالي ابي شهاداتهم ترفعهم ابيهم نفسي يتعلمون ويطلبون اعلى الدرجات
بواسطه اقدر اكون بمكان احسن من الي انا فيه ووظيفه احسن لكن بدون واسطه اعرف قدراتي وشهادتي وين بيوصلوني
هالشي لين تعلمته انت اول شي تعال ناقشني
اما تتكلم عن جهل وتنتقد وتتهم الناس بدون حق ولا دليل هذا غلط وعيب استح على ويهك

كلام سوقي بكل ماتحمله الكلمه من معنى

قاعدين فالشارع مب في منتدى

[JN000N]

^ لين تعلمت انت تتكلم عدل تعال عيب على غيرك
بس معروف المثل مابي اقوله

والي مايعجبه كلامي لايرد علي ولا يتناقش وياي لو سمحتو يعني لاحد اييب لي عوار الراس

[بومحمد المطاوعه]

مابي اتفضل واطرح قلمي في هذا الموضوع

[مخطط قطري]

المساله تخضع للعرض والطلب اوقات يبون اجانب ويصير توظيفهم اسرع واوقات القيادات العليا تطلب توظيف القطرين ويشتطون ربعنا ويوظفونهم ويكتبون على الطلب تم وحكيم ياشيخ فالمساله لها معايير بحته وخاصه مانقدر نقول هذا اسرع ولا هذاك

[بانغ بانغ]

مابي اتفضل واطرح قلمي في هذا الموضوع

يا شيخنا , اثرينا بعلمك

[OREO]

كل دول العالم فيها واسطات لكن هذا الشي غير مبرر بشكل كلي بأن الوظيفة لا تأتي الا بالواسطة !!!

من وجهة نظري الشخصية بعض المواطنين هم السبب الرئيسي في عدم تمكنهم من الحصول على الوظيفة المناسبة و السبب هي الاشتراطات الغير مبررة و التركيز على الراتب اكثر من اي شئ اخر و هذا سبب تهميشه و ايضاً هناك اسباب اخرى كمثال من فترة تبين مواطن قد اشتكي في برنامج "وطني الحبيب" بأن اكثر من ثلاثة سنوات لا يجد عمل .. الخ .. في الاخير اكتشفت الجهات المعنية بأن المتصل لم يقل الحقيقة او بالاصح الجريمة التي ارتكبها بحقه و بحق غيره " قضية مخدرات" و هذا سبب عدم حصوله على شهادة سير و سلوك ..

كثير من المواطنين يتشكون بحجة لم تتوفر لهم وظائف من خلال المعرض المهني و بالاصل هذا المواطن على رأس عمله و يستلم راتبه بالكامل اخر الشهر و كل ما يريد خلق بلبلة بحجة لم يحصل على وظيفة اخرى بدرجة اعلى .. " ياخي لا تكذب لكن قول اني قاعد ادور وظيفة بدرجة مدير و في الاخير شهادة اعدادية ما عنده .,..

هذه هي الاسباب الرئيسية التي لم تخدم البعض من المواطنين القطريين بتقدم شكوى على الهوى او بجريدة رسمية ..

[حسن]

ليش شهاداتهم ماتعرض علي اللجنة معادلة الشهادات والله تطلع بلاوي بس شاطرين علي عيال البلد يتشرطون علي الأقل عيال البلد مايختلسون مثل أكثر الاجانب

كلام سليم

اساسا اللي يجيبونهم من كفو يقيم شهاداتهم وهذاا انا اقوله منهو قولو لنا
يجيبون لهم سيفيات والمدير ويهزراسهه كانه سومان ديقه
والله عندي شخص مهب قطري كان من يجيبون لنا من هل الاوادم يقول تعال احظرمعاي المقابله
كان شيسوي فيهم يفرهم فر من الاسئله وكنا نكشفهم كشف
ونكشف تخصصاتهم لكن للاسف هذا الان مجمد سبحان الله ولا زال المدير القطري
يخربط يمين ويسار مؤهله بكلريوس والله اعلم يمكن مضروب

كان ادائما يقولي انتو مشكلتكم تجيبون ناس ومهب عارفين وش تبون منهم ولا ايش تخصصهم
ماشفت مثل هذا لادكتور العربي انسان جيد جيد جدا

[OREO]

المساله تخضع للعرض والطلب اوقات يبون اجانب ويصير توظيفهم اسرع واوقات القيادات العليا تطلب توظيف القطرين ويشتطون ربعنا ويوظفونهم ويكتبون على الطلب تم وحكيم ياشيخ فالمساله لها معايير بحته وخاصه مانقدر نقول هذا اسرع ولا هذاك

البعض مهب راضي يقتنع بأن الوظائف ذات الدرجة العالية تتم منحها بالطلب من الجهه العليا و ليس بالتقديم .. لان مصلحة الجهة او الادارة او الوزارة اهم .. بالضبط مثل التشكيل الوزاري و تعيين الوزراء..

[الدوحه1]

كل دول العالم فيها واسطات لكن هذا الشي غير مبرر بشكل كلي بأن الوظيفة لا تأتي الا بالواسطة !!!
من وجهة نظري الشخصية بعض المواطنين هم السبب الرئيسي في عدم تمكنهم من الحصول على الوظيفة المناسبة و السبب هي الاشتراطات الغير مبررة و التركيز على الراتب اكثر من اي شئ اخر و هذا سبب تهميشه و ايضاً هناك اسباب اخرى كمثال من فترة تبين مواطن قد اشتكي في برنامج "وطني الحبيب" بأن اكثر من ثلاثة سنوات لا يجد عمل .. الخ .. في الاخير اكتشفت الجهات المعنية بأن المتصل لم يقل الحقيقة او بالاصح الجريمة التي ارتكبها بحقه و بحق غيره " قضية مخدرات" و هذا سبب عدم حصوله على شهادة سير و سلوك ..
كثير من المواطنين يتشكون بحجة لم تتوفر لهم وظائف من خلال المعرض المهني و بالاصل هذا المواطن على رأس عمله و يستلم راتبه بالكامل اخر الشهر و كل ما يريد خلق بلبلة بحجة لم يحصل على وظيفة اخرى بدرجة اعلى .. " ياخي لا تكذب لكن قول اني قاعد ادور وظيفة بدرجة مدير و في الاخير شهادة اعدادية ما عنده .,..
هذه هي الاسباب الرئيسية التي لم تخدم البعض من المواطنين القطريين بتقدم شكوى على الهوى او بجريدة رسمية ..

شنهو تفسيرك لوجود قطريين مهمشين وبعضهم من حملة الماجستير والدكتوراه وفي تخصصات مطلوبه؟؟؟

[OREO]

كلام سوقي بكل ماتحمله الكلمه من معنى

قاعدين فالشارع مب في منتدى

هد بالك عزيزي و اعمار و اخلاق الاعضاء غير متساوية .. فلذا كن صبورا

[OREO]

شنهو تفسيرك لوجود قطريين مهمشين وبعضهم من حملة الماجستير والدكتوراه وفي تخصصات مطلوبه؟؟؟

حط لنا احصائية موثوقة و بعدها راح نتناقش بالموضوع ان شاءالله ..

[الأسبانية للمصاعد]

اخوي اوريو

والله اعرف ناس حملة شهادات عليا وهم موظفين بس طافشين ويبون ايغيرون لان مثلا

واحد عنده شهادة ماجستير كيمياء

وشغال مشرف طلاب في مدرسة

[حسن]

هد بالك عزيزي و اعمار و اخلاق الاعضاء غير متساوية .. فلذا كن صبورا

دام اوريو في الموضوع خلاص انا طالع ومطمن ان بيصفي عليهم
ان شاء الله

هاهاهاها

استلم البقيه ياريو واللي يخرج من الطابور شوفله حل
انا رايح اتمشى اشم هو على هذا الجو والمطر الخفيف واكحل عيوني
بالبشر

هاهاهاها

[بـن عدوان]

شوف انا بقولك

الاجنبي المقيم توظيفه صعب، هو ممكن يلاقي بسهولة بس ادارة العمل ترفض طلباتهم وايد، خصوصا اذا راتبه كان عالي او شغلته كانت عادية، يشترطون القطري فيها ... وهالشي قاعد يصير فعليا ...

االاجنبي اللي جاي بعقد خارجي هني المشكلة، راتب عالي تذاكر وسكن ... والخ

وفي البعض المدراء القطريين او حتى اجانب يتحايلون عالقانون يجيب موظفين اجانب يعطونهم رواتب قليلة ويتحكمون فيهم، لانه القطري مايقدر يتحكم فيه وراتب اكثر،،



بالنسبة لتوظيف القطري الموضوع سهل جدا ومافي اي تعقيد وماشاءالله كل ربعي القطريين متوظفين في وظايف ممتازة

[peace-qtr]

اي والله

انا بالغصب توظفت عقب عناء ومقابلات

[OREO]

اخوي اوريو

والله اعرف ناس حملة شهادات عليا وهم موظفين بس طافشين ويبون ايغيرون لان مثلا

واحد عنده شهادة ماجستير كيمياء

وشغال مشرف طلاب في مدرسة

ما نختلف اخوي على هذا الشي .. لكن الامثلة هذه قليله بالنسبه لبقية الشكاوي ..

نعم البعض مظلوم لكن الاغلبية خربت على الاقلية و بحسبة بسيطة شوف كم نسبة الموظفين الى العاطلين عن العمل !!!

النسبة لا تذكر و الا مجلس الوزراء مهب ساكته عن هالشي ..

نعم في تجاوزات و في واسطات لكن مهب بالشكل اللي الناس تبالغ فيه و هذا موجود بكل دول العالم.. واوقات احس اني اوغندي و ساكن تحت قش من كثر ما الناس تتشكى بغير علم او بسوء نيه ..


اخوي عبدالرحمن يعطيك العافيه

[OREO]

دام اوريو في الموضوع خلاص انا طالع ومطمن ان بيصفي عليهم
ان شاء الله

هاهاهاها

استلم البقيه ياريو واللي يخرج من الطابور شوفله حل
انا رايح اتمشى اشم هو على هذا الجو والمطر الخفيف واكحل عيوني
بالبشر

هاهاهاها

اهلاً اهلاً ياخوي حسن ..

وربي عندي ميتنق و قاعد اكتب بوقت بريكي و ان شاءالله من اخلص دوام برجع لك مع كوب كرك ثاني و لا تشل هم و تراك عزيز و غالي هههههههههه

[الأسبانية للمصاعد]

ما نختلف اخوي على هذا الشي .. لكن الامثلة هذه قليله بالنسبه لبقية الشكاوي ..

نعم البعض مظلوم لكن الاغلبية خربت على الاقلية و بحسبة بسيطة شوف كم نسبة الموظفين الى العاطلين عن العمل !!!

النسبة لا تذكر و الا مجلس الوزراء مهب ساكته عن هالشي ..

نعم في تجاوزات و في واسطات لكن مهب بالشكل اللي الناس تبالغ فيه و هذا موجود بكل دول العالم.. واوقات احس اني اوغندي و ساكن تحت قش من كثر ما الناس تتشكى بغير علم او بسوء نيه ..


اخوي عبدالرحمن يعطيك العافيه

عزيز وغالي طال عمرك
مادام بوعلي امكلفك , ماعندي كلام
ههههه

[بـن عدوان]

بيض الله وجهك

اعتقد وزارة العمل لازم تتحرك عاجل في هالموضوع

انا يوميا ايكلموني ناس عشان اعيالهم

والله قهر

مرة رحت إدارة حكومية اقدم اوراق حق وحدة من الجماعة , قال لي مافي وظايف

قلت له مب شركة ابوك وجدام ربعه في المكتب وقام وفز وعصب.

قلت له هاك كرتي عشان اتحدد لي الموعد على حسب المعمول به عندكم وخاصة والحمدلله يوم شاف كرتي , عرف وين اشتغل وخاف ابلغ وزيرهم

لاني كنت بامسح فيه الأرض

والله قهر ولله الحمد قطر فيها خير بس ثلة من القطريين هم الغوغائيين فيما يتعلق بالاتش ار .


اشكر فنك

[طلعة الروح]

البدعه الجديدة اللي طالعه في عالم التوظيف ، يتصلون لك شركات توظيف خارجية ع اساس ماخذين سيرتك الذاتية من موقع
ف يطلبون منك تروح الجهه الفلانية خل نقول (بنك من البنوك) وتقابل مدير الادارة هناك
طبعا يتمون يحنون على راسك عشان تروح لأنهم لهم نسبه من هالموضوع ويزينون لك الموضوع على أنهم اعرضوا سيفيك للموارد البشرية وان مهاراتك وخبرتك نالت اعجابهم
وفي النهاية تروح المقابلة وتحس بعدم الجدية في التوظيف من قبل الشخص المقابل يعني كأنه جايبك يدردش معاك لا وفوق هاي يطلع لك عيوبك (مثلا انا قالي عندج تنقلات وايد بين الوظايف وهالشي يخليني ماحب اوظفج) زين شحقه تناديني من الأصل.
ف يطلع كلام فاضي ومشاوير ع الفاضي.

[ودي أكون]

البدعه الجديدة اللي طالعه في عالم التوظيف ، يتصلون لك شركات توظيف خارجية ع اساس ماخذين سيرتك الذاتية من موقع
ف يطلبون منك تروح الجهه الفلانية خل نقول (بنك من البنوك) وتقابل مدير الادارة هناك
طبعا يتمون يحنون على راسك عشان تروح لأنهم لهم نسبه من هالموضوع ويزينون لك الموضوع على أنهم اعرضوا سيفيك للموارد البشرية وان مهاراتك وخبرتك نالت اعجابهم
وفي النهاية تروح المقابلة وتحس بعدم الجدية في التوظيف من قبل الشخص المقابل يعني كأنه جايبك يدردش معاك لا وفوق هاي يطلع لك عيوبك (مثلا انا قالي عندج تنقلات وايد بين الوظايف وهالشي يخليني ماحب اوظفج) زين شحقه تناديني من الأصل.
ف يطلع كلام فاضي ومشاوير ع الفاضي.

بالفعل التنقل الزايد مو لصالحج

بس كان قلتي له .. ابي انوع خبرتي واخذها ف اكثر من مكان ..

بس حتى لو قلتي لهم كلامي بعد ماراح يوظفونج بيخافون تسحبين عليهم عقب :nice::secret:

[طلعة الروح]

بالفعل التنقل الزايد مو لصالحج

بس كان قلتي له .. ابي انوع خبرتي واخذها ف اكثر من مكان ..

بس حتى لو قلتي لهم كلامي بعد ماراح يوظفونج بيخافون تسحبين عليهم عقب :nice::secret:

محد طقهم على يدهم وقالهم يقابلوني، أكيد أنهم قروا السيفي وشافوا التنقلات!
والشغله الثانية عطوني الفيدباك أن لو عطوني هالوظيفه (حرام بتنظلم) والأحسن إني أروح قسم ثاني بالشركة يناسب مؤهلاتي أكثر (تصريفه حلوه)

[koketa]

مؤسسه حمد الدكاتره مب اداريين

الادارين كلهم بريطانيين و علل ما يشتغلون ويحاربون القطري

وللأسف الشديد كل القطريين اللي عندهم مؤهلات يقدمون استقالاتهم من المؤسسه لان ما فيها مستقبل للقطري ابدا ابدا

[طلعة الروح]

المشكلة أكبر من ما نعتقد خصوصا بالنسبة للشباب اللي ينتظره الكثير لبناء مستقبله

جرت العادة أن الواحد عشان يكون بزنس خاص غير (راتبه) ويستغني عن الوظيفة، على الاقل يبيله 10-15 سنة عشان يبتدي يكون له راس مال جيد

(هالكلام للي بيمسك فلوسه وبيوفر عدل)

ف نرجع نؤكد أن مشكلة عدم توظيف القطريين شئنا أم أبينا يتحملها المجتمع بأكمله بالسلب والايجاب

[POINT]

كلام قديم..
الحين يوظفون القطري من بعد المقابلة على طول بس خطة تطفيشه جاااااهزه عشان لي طلب نقل او قدم استقالته، يقولون شفتوا؟؟؟؟!!!!!!!
هذا هو القطري، كسول ومايحب الشغل و ملولي. مابيذكرون ان جابولة الضغط والسكر وصار يمشي يكلم عمره.

[طلعة الروح]

كلام قديم..
الحين يوظفون القطري من بعد المقابلة على طول بس خطة تطفيشه جاااااهزه عشان لي طلب نقل او قدم استقالته، يقولون شفتوا؟؟؟؟!!!!!!!
هذا هو القطري، كسول ومايحب الشغل و ملولي. مابيذكرون ان جابولة الضغط والسكر وصار يمشي يكلم عمره.

اتفق معاك ان التوطيف سهل لكن التطفيش اسهل

[الخيالة]

ذ
في كل الدوائر

الأجنبي دربه خضر في كل المعاملات الخاصة بالتوظيف خاصة الفتيات

اما القطري والله لو ولد من ،،، دربه كله شوك

ليش مرض الواسطة

كل يوم ايكلموني حريم ورياجيل عشان ايوظفون اعيالهم

والأجنبي إيميل واحد لا وينفرض عليك

الموضوع فقط في إطار التوظيف

ومعرض التوظيف طلع خدعة وبعض المسئولين القطريين عنصريين



انا مواليد قطر وبنت ادور علي وظيفه والله كريم بس كلامك صح لان شفت بعيني لما كنت ابي اساعد ناس وديت أوراقهم عشان يتوظفون شفت ان ماخذوهم وجابوا من بره يمكن احنا مواليد قطر نفس المواطنين نفس المعاناة اما الأجانب جنسيات معينه وخصوصا بنات بالراحة حتي في مكان شغلي كنت اشوف جايه وحده من يونان او من هالدول لاخبرة ولي شي معطينها وظيفه وراتب حلو وسكن في احسن مكان والتأمين وووووو الله كريم

[POINT]

لا، وكله كوم ولما الاجنبي يجيب مرته، بقدرة قادر في غضون أسابيع تلاقيها شغالة في مكان محترررررم
وعندها بدال العرض اثنيييين و ثلاثة.

والأجمل من ذي كله، ان الاجانب يساعدون و يعاونون بعض الله خير، مب مثلنا.
تلاقي الأجنبي يوظف الأجنبي و يفزعله حتى لو من جنسيه ثانيه، سياسة "فرق تسد"

والمؤسف في ذي كله، القطري اذا جاك يهاجم اخوه القطري و يفضل الاجانب!!
منها يرتاح على مكانه و منها يضمن ان غسيلة و عدم كفاءته فالعمل محد يشم خبر عنها.

[طبيب قطري]

لا، وكله كوم ولما الاجنبي يجيب مرته، بقدرة قادر في غضون أسابيع تلاقيها شغالة في مكان محترررررم
وعندها بدال العرض اثنيييين و ثلاثة.

والأجمل من ذي كله، ان الاجانب يساعدون و يعاونون بعض الله خير، مب مثلنا.
تلاقي الأجنبي يوظف الأجنبي و يفزعله حتى لو من جنسيه ثانيه، سياسة "فرق تسد"

والمؤسف في ذي كله، القطري اذا جاك يهاجم اخوه القطري و يفضل الاجانب!!
منها يرتاح على مكانه و منها يضمن ان غسيلة و عدم كفاءته فالعمل محد يشم خبر عنها.

مب بس يجيب مرته وعياله .. اللي اسمعه ان المره اذا اتوظفت تقدر تجيب زوجها وعيالها وطبعا على اساس انها توظف زوجها وبعد كده تدخل عيالها المدارس وامورهم في الروب..

[ترياق]

انزين تعرفون جهه تدور وظايف للاجنبي؟! ريلي عيز وهو يدور ع وظيفه

وانا قطريه وعيزت القى بعد

والحين ما حصلنا لا للقطري ولا للاجنبي

افيدونا افادكم الله

[الخيالة]

ترياق اذا ريلج اجنبي خل يقدم في القطرية اكيد بيحصل

[POINT]

انزين تعرفون جهه تدور وظايف للاجنبي؟! ريلي عيز وهو يدور ع وظيفه

وانا قطريه وعيزت القى بعد

والحين ما حصلنا لا للقطري ولا للاجنبي

افيدونا افادكم الله

طولي بالج معانا، الضغط زايد عالوظايف خبرج تعدادنا صار مليونين وشي.
القطريين يعانون ومثل مانتي شايفه صرنا نسمع عن جيل قاعد فالبيت للحين مب لاقي شغل

[برشلوني قطر]

معقول قطري او قطرية خريجين في بيوتهم من سنة

خلوهم يتشرطون في الوظائف فهاذي بلادهم والأجنبي يتنقل مثل الماي

السؤال الي يطرح نفسه

ليش الاجنبي يجي من بلاده بشهاده من جامعه عندهم ويعتمدونها عندنا

ويتوظف عليها. ونفس الجامعه القطري مخلص منها مايعتمدونها ؟؟؟

آسف اذا طلعت خارج الموضوع

[R 7 A L]

Cv الاجنبي من ثلاث اوراق وكلها انشاء وتعبير وزخرفه

و cv القطري من نص ورقه


يمكن هذا السبب

[POINT]

Cv الاجنبي من ثلاث اوراق وكلها انشاء وتعبير وزخرفه

و cv القطري من نص ورقه


يمكن هذا السبب

خاف الله يا رجل
الموظف القطري دؤوب وطموح، ياخذ في هالكورسات و يتعمق في مجال عمله ولا في فايده!

كم من اجنبي مخربط فالسيفي وتارسة إنشاءات على قولتك بس من يوم ماجانا لحد اليوم ما أنجز شي واحد!
بل بالعكس، يخترع لك أشياء وتحسينات و أمور ويسويلك دراسات يا بالفيت بس كلها عالهولد، عشان يطبقها بيصك سن التقاعد و لا طبق نصها! وهذا المطلوب يضيع وقت لا اكثر

المفروض الاجنبي يجيبونه بعقد محدود، يعني سنتين وقابل للتجديد، يشوفون إنجازاته، اضافاته، تقصيره
و بناء عليه يجددونله او يستغنون عن خدماته..

والله بتطلع علووووووووووم


و فوق هذا، الي فيه خير يفكر بس يقطر وظيفته ههههههههه
وان جاه التقطير، مدير الادارة القطري بيطلع وبيخلق عيوب لاخوه القطري الي المفروض يمسك مكانه
جماعتنا يحسون بالأمان معاهم مادري ليش، حتى لو ما يشتغل، الظاهر برستيج فالإدارة يمكن؟؟

[طبيب قطري]

مؤسسه حمد الدكاتره مب اداريين

الادارين كلهم بريطانيين و علل ما يشتغلون ويحاربون القطري

وللأسف الشديد كل القطريين اللي عندهم مؤهلات يقدمون استقالاتهم من المؤسسه لان ما فيها مستقبل للقطري ابدا ابدا

كلامج مظبوط وللاسف ان هذا الشي قاعد يتكرر في مستشفى سدره.. اذا كانت الحجه انه مافي اطباء قطريين انزين ليش يحيبون اجانب لشغل وظائف بعيده تماما عن القطاع الطبي !!
كلمه سمعتها من مدير قطري في مؤسسه من المؤسسات: ليش اجيب تحتي موظف قطري مااقدر اتحكم فيه بعدين ويخربلي الشغل!!
شوفوا العقليات بس استغفرالله العظيم

[R 7 A L]

خاف الله يا رجل
الموظف القطري دؤوب وطموح، ياخذ في هالكورسات و يتعمق في مجال عمله ولا في فايده!

كم من اجنبي مخربط فالسيفي وتارسة إنشاءات على قولتك بس من يوم ماجانا لحد اليوم ما أنجز شي واحد!
بل بالعكس، يخترع لك أشياء وتحسينات و أمور ويسويلك دراسات يا بالفيت بس كلها عالهولد، عشان يطبقها بيصك سن التقاعد و لا طبق نصها! وهذا المطلوب يضيع وقت لا اكثر

المفروض الاجنبي يجيبونه بعقد محدود، يعني سنتين وقابل للتجديد، يشوفون إنجازاته، اضافاته، تقصيره
و بناء عليه يجددونله او يستغنون عن خدماته..

والله بتطلع علووووووووووم


و فوق هذا، الي فيه خير يفكر بس يقطر وظيفته ههههههههه
وان جاه التقطير، مدير الادارة القطري بيطلع وبيخلق عيوب لاخوه القطري الي المفروض يمسك مكانه
جماعتنا يحسون بالأمان معاهم مادري ليش، حتى لو ما يشتغل، الظاهر برستيج فالإدارة يمكن؟؟

عزيزي بوينت
انا خايف الله
ردي لم يكن اعتراض او تقليل من قيمة الشاب القطري الباحث عن عمل
ردي ان المسئولين ماينفع معهم الا الجمبزه
ومنها جميزة السي فيات الي ذكرت ان فيها انشاء وزخارف وكلام خرطي
وانا مطلع على سيفيات من ام الزخارف وكانت نهايتها التوظيف فوراً


واحد من الربع مخلص هالسنة ماجستير من بريطانيا وصار له كم شهر ومافيه مكان ماقدم عليه
وكلهم يتحججون نبي خبرة
قلت له دور واسطة بدل ماتضيع وقت وبتشتغل

[POINT]

أنا عندي الحل وبأذن الله!

نترك لهم مجال العمل المكتض بهم ونريح بالنا و صحتنا
ليش مايشوفون لنا وظايف ادارية استراتيجيه في هارودز، الشركات الي لنا فالخارج، مكاتب، اي مكااااان بس الرحمة
عالاقل ما بنزاحم حد و بنعيش في سكينة مهنية و أمورنا طيبه. هجرة مهنيه يسمونها ههههههههه

أنا عندي الاستعداد أني استحمل مرارة الغربة و الشحططه و العمل خارج بلدي ولا انقهر بمكتبي وتجيني سكتة من الظلم