عندك رغبتك بشراء سياره ما ، ماهي المعاير التي تضعها ( حياكم

[حمد 2002]

السلام عليكم ورحمه الله وبركاته


السياره نعمه عظيمه ، وتقرب لنا المسافات البعيده والي يمكن نقطعها بايام لولا تلك الوسيله ، والله يجزي خير الي صنعها سواءا مسلم او كافر .

والكل منا يمتلك سياره طبعا او اكثر من سياره .

لذلك اول ماتفكر اتروح المعرض وتشتري سياره

ماهي المعاير التي تضعها قبل الشراء والمواصفات في ظل الميزانيه الماديه المتوفره لديك ؟


بالتوفيق ..


اخوكم


حمد 2002

[عازف]

وعليكم السلام ورحمة الله وبركاته،،،

1-المعاير-أكثر السيارات المرغوبة افكر اشتريه لتوفر الصيانة بإي مكان في البلد
2-المواصفات- فوريل لكثرة المطبات والحفر في البلد:omen2:

[7llo]

الصراحه احسن شي الواحد يكون عنده فورويل وصالون او بالعربي فور ويل موتر سبورت او موتر كشخه صالون , بس المواصفات الي تكون في السيارتين سوا كان فور ويل او صالون حساسات ورا ويكون 8 سلندر ويكون فيه سيدي ووصله aux وباقي ويكون مريح بس ماتهمني الكماليات الثانيه

[غايه الطواش]

البراند
شكل الموتر
سعر قطع الغيار ومدى توفرها فالدوحه
كاميرات وحساسات
خدمه مابعد البيع
وصله aux
الامور الالكترونيه فالسياره مثل القير المكيف تبريد السيتات
الباركينغ الالكتروني (لاني مهب ذاك الزود فالبراكينغ)

[super jet]

عن نفسي
المعاير تكون عندي كالآتي

تكون السياره مستعمل لتحديد من نسبة الخسارة اثناء البيع فيما بعد
طبعاً من خبره اكثر من 18 سياره
السعر الأفضل في السوق والأدنى
ملاحظات حالت السياره ومواصفاتها هل هي مرغوبة اثناء البيع لدا السوق العام
استخدام السياره لا يكون اكثر من 6 أشهر لتقليل من نسبة الخساره
السيارات المملوكة حاليا
رابتر 2013
GX-R 2004
GMC1986
السيارات المملوكة سابقا
تويوتا الصنف مشكل عدد 12 سياره
بورش GTS موديل 2014
رنج فوج se 2013
BMW X6 2008
BMW 750 2009
C63 AMG 2009
Cls63 2012
GTR 2009
موستنق GT1965

تندرا عدد2 غماره واحده 2011-2012
وفي سيارات ناسيها هههههه
وتجربت البيع والمشتري كانت غرض الاستخدام وليست التجاره
اكثر موتر تم عندي هو التندرا + الرابتر كمل السنه عندي


الله يبارك ان شالله

[LiL iNVe$ToR]

اهم شي متعة سواقتها عندي لاني اقدر السيارات المتعوب عليها وشلون هندستها غير عن السيارات الثانيه. وعقب اشوف الاشيا الثانيه...سعر - الخدمه مابعد البيع - الصيانه ..إلخ ..

[Taiki]

الشكل و القيادة

تقدرون تشوفون هذا الحساب لأسعار السيارات الجديدة في قطر على الانستجرام

Www.instagram.com/alwakalat

[ya3coub]

بما اني من عشاق السيارات و كل جديد تهمني التفاصيل

و اكون عارف اكثر عن السيارات الجديدة قبل ما تنزل و توصل قطر

و بالعادة اقارنها بالسوق الأأمريكي

و لما افكر اشتريها احاول اخذ المواصفات الي تعجبني و اقارن سعرها بامريكا اذا اغلى بوايد و مافي مجال للتنزيل اهون عنها


اهم شي عندي محركها و استحماله للسفر و الحر و السرعات العالية + السسبنشن يكون بنضام تعليق هوا او امكانية تغير الارتفاع بسهولة

امكانية التعديل <<< بحكم اني احب اعدل عالسيارات

الصوند سستم و السماعات لازم اتكون أعلى و احسن نوع و اذا هالأمكانية غير متوفره أكلم الوكالة اني بعدها بدون ما يتأثر الضمان.

احب السيارات العادية "قواطي اللبن" الصغار و اقعد اعدل عليهم بكيفي

ولكن لشوارعنا و البيئة الفورويل اهو الي يمشي فقط للأسف :(