هل تؤيدون طرد الاولاد في الشارع بعد سن 18 سنة

[QATAR 77]

المجتمع يمشي على خطى الغرب في تغريبه للمرأة ( العصر المرأة الذهبي :secret:) فهل تؤيدون هذا الشئ و لا لسى بدري

[حمد 2002]

الحين اشدخل الاولاد بالمرأه ؟!!

يعني اتروحون واتجون على هالمرأه المسكينه ؟!!

وماعندكم سوالف الا النساء ..

رفقا بالقوارير ..

[ya3coub]

ما تسوى الكلمة عليهم مساكين


طبعا لا و هاي الفرق بينا و بين الغرب

اذا الشاب قادر يعتمد على نفسه و يكون بروحه فبيت الأفضل انه يتزوج و يطلع

بس 18 لا بالنسبة لي توه يبيله شوية يمكن لين ما يوصل 24 25 يكون جمع و صادته كم صفعه بالحياة العمر مو مقياس قد اعتماده على نفسه و عدم اتكاليته و تحمله للمسؤوليات

بس علشان وصل 18 ينطرد من البيت لا إلا اذا عالة بيتم فالبيت مع وقف المصروف عليه علشان يتحرك و يشتغل و يسوي شي منه فايدة

[ودي أكون]

طرد مره واحده!؟

يعني بأمانه هذا موضوع :rolleyes2:

[QATAR 77]

نعم عشان المرأة تتفرغ للمساهمة في رفع المجتمع

[ام خليفه79]

إذا على الأولاد مالهم عمر يعقلون وخفوا علينا عاد بس المراة والمراة مافي سالفة خلاص (هالعصر الذهبي للمراة لعوزنا وياه ما يسوى أسم الصراحة ) خخخخخخخخ:discuss:


الحين حتى اللي بال30 باليالله عاقل ، بس صعبه 18 وبروحه لا ما أييد كلش الغرب لهم عاداتهم وأحنا مالنا دخل فيهم مب لهالدرجة بنطرد أعيالنا من البيت إذا تزوج وصار قد المسئولية ذيك الحزة الله يحفظه بس 18 لا بدري من قلب

[OREO]

الحين اشدخل الاولاد بالمرأه ؟!!

يعني اتروحون واتجون على هالمرأه المسكينه ؟!!

وماعندكم سوالف الا النساء ..

رفقا بالقوارير ..

كادت عيناي أن تسقط في كوب الكرك من شدة الذهووول :shy:

كبير يا حبيبي هههههههههههههههههههههههه

[OREO]

الابو اذا قط ولده برا ,, اعرف ان ابوه كان شايته من قبل و قاطه برا البيت ..

كما تدين تدان و ربي لا يجيب هاليوم اللي نشوفها ظاهرة في مجتمعنا ,,

[الأسبانية للمصاعد]

طرد مره واحده!؟

يعني بأمانه هذا موضوع :rolleyes2:

يمكن شغال حكم كورة ؟؟؟؟؟؟

[QATAR 77]

إذا على الأولاد مالهم عمر يعقلون وخفوا علينا عاد بس المراة والمراة مافي سالفة خلاص (هالعصر الذهبي للمراة لعوزنا وياه ما يسوى أسم الصراحة ) خخخخخخخخ:discuss:


الحين حتى اللي بال30 باليالله عاقل ، بس صعبه 18 وبروحه لا ما أييد كلش الغرب لهم عاداتهم وأحنا مالنا دخل فيهم مب لهالدرجة بنطرد أعيالنا من البيت إذا تزوج وصار قد المسئولية ذيك الحزة الله يحفظه بس 18 لا بدري من قلب

و الشباب الي يدرسون برع اعمارهم 18 و في غربة مين يطبخ لهم و مين يخلص اشغالهم مب هم

[JN000N]

الحين اشدخل الاولاد بالمرأه ؟!!

يعني اتروحون واتجون على هالمرأه المسكينه ؟!!

وماعندكم سوالف الا النساء ..

رفقا بالقوارير ..

هههههههههههههههههههههههههههههههههههههههههههههههههه هههههههههههههه

[المحاميه]

ايه بنطردهم فالشارع


انت اشرايك؟

[peace-qtr]

ليش الطرد فالشارع مافهمت !!

[QATAR 77]

مثل الغربين

[الجـــوديّ]

هم ليش يطردون عيالهم ؟

[QATAR 77]

عشان يتفرغون لحياتهم و مواهبهم و يبنون المجتمع

[بالمرصاد]

لا تعليق!!!!!

[ريتويت]

والله في ردود الصراحه تحير .. وماتدري نفاق ولا غشمره ولا عبط ولا يمكن انفصام فالشخصيه!!!

[الجـــوديّ]

عشان يتفرغون لحياتهم و مواهبهم و يبنون المجتمع

هذا جانب من جوانب الأسباب
بس السبب الرئيسي واللي يقره قانونهم انه صار بو 18 سنة يعني انسان بالغ عاقل راشد يعتمد على نفسه ويعيش حياته
فاذا اطردوه فهم ما ارتكبوا شي غلط .. بالعكس يبونه يصطلب ويشوف حياته
بالنسبة لمجتمعنا مو بالضرورة ينطرد لأن الدين يحثنا على رباط الدم واللحم ...
لكن في موضوع الاعتماد على النفس للحين عيالنا مش مؤهلين ولا حتى والدينهم أهولهم
وهم في عمر فعلا لازم يعتمدون على نفسهم واذا طول بالكثير ووهو يعتمد على نفسه بنقول لين 21 سنة لأنه مازال يحتاج التوجيه التربوي من الوالدين أما المصرف أعتقد لازم يدبر له دخل لو كان صغير

[يمامـة]

الحين اشدخل الاولاد بالمرأه ؟!!

يعني اتروحون واتجون على هالمرأه المسكينه ؟!!

وماعندكم سوالف الا النساء ..

رفقا بالقوارير ..

بوك بوك بوك يوووومة منك

تأخذ دورات في نصرة المرأة من ورانا ؟


المهم لصاحب الموضوع

الأولاد مع تطور الفكر بيطلعون من نفسهم اول شي
فالغرب في بداية الأمر كانوا يعانون أولا من هجرة الأولاد من بيوتهم
ومن ثم تحولت الهجرة هذه الى نفي اذا ما تمرد الولد او البنت على قرارات الأب او الأم..

لذلك
ربنا يستر من القادم من الأجيال.. وكل يمسك عياله ويتعب عليهم
علشان يحضنهم ويحضنونه بدل الشتات الاجتماعي اللي ممكن يحصل..

[بومحمد911]

شئنا ام ابينا فالطرد قادم لا محاله.

[Dmy Enabi]

الطرد ليش من قال إن الغرب يطردون عيالهم وشدخل العصر الذهبي للمرأة
صاحب الموضوع بارك الله فيك ممكن توضح لنا فكرتك

[درر قطرية]

الصراحة أنا جديدة في المنتدى
واللي أقراه شئ مب طبيعي ليش جدية انتم وافكاركم
العنوان غير والموضوع غير والسالفة مالها خص في بعض والتعليقات كلا في وادي
ولا جنكم في بلاد وحدة كلا له رأي
الحين موضوع العيال والطرد ولا واحد قال هذا ما يجوز في الاسلام نفصل عيالنا عنا المفروض حتى لو اعتمدوا على أنفسهم وعاشوا في بيوت غير عنا

( مع أن هالشئ مستحيل على اللي متربي في جو اسري .. الا إذا كان مع زوجته ) لازم أنكون مع بعض والتواصل مستمر
والبنات طبعا مستحيل يطلعون عن أهلهم الا إذا تزوجوا
ما ادري من يرضى عياله يطلعون عنه وهما مش متزوجين ,, الا إذا كان يبي الفكة منهم

[يمامـة]

الصراحة أنا جديدة في المنتدى
واللي أقراه شئ مب طبيعي ليش جدية انتم وافكاركم
العنوان غير والموضوع غير والسالفة مالها خص في بعض والتعليقات كلا في وادي
ولا جنكم في بلاد وحدة كلا له رأي
الحين موضوع العيال والطرد ولا واحد قال هذا ما يجوز في الاسلام نفصل عيالنا عنا المفروض حتى لو اعتمدوا على أنفسهم وعاشوا في بيوت غير عنا

( مع أن هالشئ مستحيل على اللي متربي في جو اسري .. الا إذا كان مع زوجته ) لازم أنكون مع بعض والتواصل مستمر
والبنات طبعا مستحيل يطلعون عن أهلهم الا إذا تزوجوا
ما ادري من يرضى عياله يطلعون عنه وهما مش متزوجين ,, الا إذا كان يبي الفكة منهم

مراحب يا درر في المنتدى واهلا وسهلا فيج..

الموضوع يستشرف المستقبل في ظل التغييرات اللي طرأت على المجتمع والاسر ..

أمور كثيرة يحث عليها الإسلام تغيرت اليوم وأصبحت مالها دخل في الإسلام
وفي ظل هالتغييرات الموضوع يتساءل هل ممكن نوصل الى ما وصل له الغرب؟

هذا هو بيت القصيد بغض النظر عن ما يحثنا عليه الإسلام..

[ودي أكون]

شئنا ام ابينا فالطرد قادم لا محاله.

ع الارامكس والا البريد الممتاز . حدد

[بريق الحق]

ع الارامكس والا البريد الممتاز . حدد

:rolleyes2::discuss:

[bo-ibrahem]

مواضيع المنتدى احسها تنتقل للأسوء:secret:

[مليونيرة مفلسة]

الصراحة أنا جديدة في المنتدى
واللي أقراه شئ مب طبيعي ليش جدية انتم وافكاركم
العنوان غير والموضوع غير والسالفة مالها خص في بعض والتعليقات كلا في وادي
ولا جنكم في بلاد وحدة كلا له رأي



أختي من قال عشان كلنا في بلاد وحدة يعني كلنا نفس الأراء و الافكار؟؟؟؟
و هاي منتدى للمناقشة شلون يعني تبين كل الأراء تكون متشابهة عيل ليش فاتحين مواضيع؟؟؟؟
شكلج يديدة بالانترنت مب بس في المنتدى
ع العموم حياج الله

[ودي أكون]

:rolleyes2::discuss:

يبيلك طرد انت بعد :tease:

[ضوى]

معليش الموضوع لا يصلح في مجتمعنا اطلاقا

[يمامـة]

معليش الموضوع لا يصلح في مجتمعنا اطلاقا

وهل يصلح في مجتمعنا.. البنت عمرها 18 سنة تشتكي على ابوها في المركز وتهدده بسكن بروحي في شقة ؟

[الحاقول]

اكيد صاحب الموضوع غير متزوج
أطفالنا اولادنا أكبادنا تمشي على الارض .... اشلون نطردهم من البيت
هم فرحة عمرنا
وبسمة أيامنا
هم بهجة قلوبنا
وقرة أعيينا
حلم الأمس كانوا
واقع اليوم صاروا
وأمل المستقبل باتوا
قال تعالى : " المال والبنون زينة الحياة الدنيا "

[ضوى]

وهل يصلح في مجتمعنا.. البنت عمرها 18 سنة تشتكي على ابوها في المركز وتهدده بسكن بروحي في شقة ؟

ولا هذا يصلح بعد ، هذي شواذ في مجتمعنا والشواذ ماينذكرون

[يمامـة]

ولا هذا يصلح بعد ، هذي شواذ في مجتمعنا والشواذ ماينذكرون

المشكلة لما اعدادهم تبتدي تزيد وتكبر وتكبر وتكبر وتكبر..

قبل كانت الشاذة اللي تروح بروحها السينما مع صديقاتها.. اليوم لو وقفتي صوب السينما
بتشوفين بنات عبيهم فوق مستوى القدم وفلات ومكياج ومجموعات يحجزون يدخلون السينما
ومرات يفرق معاهم الوقت..

فالموضوع ما يتكلم عن الحاضر يا ضوى.. الموضوع رسالة لكل من يفكر ان التربية سهلة
عليه انه ينتبه ان التغيير قادم رضينا او انرضينا.. أمور كثيرة نشوفها اليوم ما كان يخطر على بالنا
انه ممكن نشوفها..

على قولة اخوي قبل عشرين سنة اللي تحط روج هذي يسمونها صايعة الفريج( مع احترامي للجميع)
واليوم اللي ما يتمكيجون ينعدون على الاصايع.. شوفي اشلون التغيير يصير وينتشر بشكب كبير..

[naklan]

اويد جره الا الاعتماد على النفس منذ نعومة اضافره بدل رميه في الشارع
يعني ما نشد الحبل على الاخر او نرخيه تصدق ان فيه شباب وصلت اعمارهم فوق
الاربعين وياكل ويشرب هو وعياله على حساب ابوه هنيه نقول يستاهل الطرد
وينشات على موخرته ويطرد الي ما علم من الصغر يتعب في الكبر
هاذا راءيي ومتاكد من كل العادات الاجنبية قادمه لا محالة
ومنها الرمي في الشارع حتى لو كنا لا نرغب في ذالك