هل ترضى بهذا التصرف !!!!!

[بوغانم995]

ياجماعه تعرفون أن مواقف السيارات أصبحت حلم وخاصه عند المولات ....البارحه ماصدقة اني محصل موقف .....واذا بي أتفاجاء بعربة المشتريات تأخذ عني الموقف !!!!؟

http://store2.up-00.com/2014-08/1409203902811.jpg

ماهو الحل مع هذا التصرف الغير حضاري .....من الوافدين الينا ....انا لا أريد تجريح بل حلول ....تساعد على ان تحب لأخيك ماتحبه لنفسك ...بسسسسسسسس


http://store2.up-00.com/2014-08/1409203902811.jpg

[بوغانم995]

ممكن المراقب ينزل الصوره أسهل لفهم الموضوع ,,,,,مع كل التحيه والتقدير لكم أجمعين ....وبس

[الحياة الخالدة]

تم تنزيل الصورة أخوي .. أتمنى تكون طالعة

[غريب الدّار]

ياخي الله لايهينك حرك القاري وصف

وين المشكلة؟
وشدخل الوافدين الينا في الموضوع؟

[حمد بن سعد]

اشوف الموضوع عادي لو ان انزل اشل الجاري وصف ونتهى الموضوع اذا بتابع الاولي والتالي مراح اخلص

[بومحمد المطاوعه]

مايستحون على ويهم

اغلب الناس

يستخدم العربانه وعقب يحذفها ورى موتر ثاني او يقطها اي مكان


تصرف اطفال

[بومحمد المطاوعه]

ياخي الله لايهينك حرك القاري وصف

وين المشكلة؟
وشدخل الوافدين الينا في الموضوع؟

اخوي ليش مايكون العتب على مستخدم القاري .؟

يعني استخدم القاري واحذفه اي مكان

انت تشوف هالشي زين .؟

او انسان محترم الي يسوي جذي ؟

[غريب الدّار]

اخوي ليش مايكون العتب على مستخدم القاري .؟

يعني استخدم القاري واحذفه اي مكان

انت تشوف هالشي زين .؟

او انسان محترم الي يسوي جذي ؟

ماقلنا لا
ولاحظ ان اكبر المجمعات اتخصص ناس يشيلون القواري
لكن هاذي نلقاها في كل مكان حتى برع قطر
ومن قال لك العتب مهب على مستخدم القاري؟
انا ماقلت انه صح

[بومحمد المطاوعه]

اشوف الموضوع عادي لو ان انزل اشل الجاري وصف ونتهى الموضوع اذا بتابع الاولي والتالي مراح اخلص

بس اخوي انا وانت مش ملزومين نشيل تخلف اشخاص مش محترمين

[بومحمد المطاوعه]

ماقلنا لا
ولاحظ ان اكبر المجمعات اتخصص ناس يشيلون القواري
لكن هاذي نلقاها في كل مكان حتى برع قطر
ومن قال لك العتب مهب على مستخدم القاري؟
انا ماقلت انه صح

صحيح موجودين العمال يشيلون القواري

ولاكن ليش المستخدم مايرجع القاري لنفس المكان
او بالمكان المخصص

بعض المجمعات حاطين مواقف للقواري مع مواقف السيارات

ليش اصف القاري ورى سياره ثانيه


في وجهه نظري اي شخص يسوي جذي اشوفه تخلف ومب محترم

طبعآ وجهه نظري وكل شخص له وجهه نظر :)

[monatee]

والله يهوون الموضوع اذا على القاري ،، بنزل بحركه

القهر اللي ينزل ويضرب باب سيارته بسيارتي ،، ويدمر لي السياره

سيارة بي ام اخر موديل ماكملت شهرين وفيها ضربتين لدرجة مقشر لون السياره :(

والله قهر :weeping:

[غريب الدّار]

والله يهوون الموضوع اذا على القاري ،، بنزل بحركه

القهر اللي ينزل ويضرب باب سيارته بسيارتي ،، ويدمر لي السياره

سيارة بي ام اخر موديل ماكملت شهرين وفيها ضربتين لدرجة مقشر لون السياره :(

والله قهر :
weeping:

اختي هذا المفروض تشتكين عليه
ومواقف المولات الكبيرة فيها كيمرات
المفروض يشيكون عليها لما حد يشتكي

[بومحمد المطاوعه]

والله يهوون الموضوع اذا على القاري ،، بنزل بحركه

القهر اللي ينزل ويضرب باب سيارته بسيارتي ،، ويدمر لي السياره

سيارة بي ام اخر موديل ماكملت شهرين وفيها ضربتين لدرجة مقشر لون السياره :(

والله قهر :weeping:

الله يعينج اختي

المشكله بعض المواقف ضيقه
والبعض يوقف ولا يحاسب للسياره الي حذاه


مره من المرات انا قاعد ف سيارتي وواحد وقف وبطل الباب وضرب موتري ونزل ولا كأنه صار شي

نزلت له وتكلمت معاه يقول عادي هونها قلت له اوكي

بطلت باب موتري واضرب باب موتره نفس ماسوى ف موتري

جدام عينه وسكت ولاقال شي


في ناس مافيهم احساس اصلن

[MAZEN37]

طبعا تصرف غير مسؤل
لكن كل انسان تصرفاته ناتج تفكيره
والله يهدي الجميع
وهذه التصرفات ما تطلع من وافد فقط
قبل فتره شفت ...... وقف سيارته مكان 3 سيارات معاقين ونزل الجمعيه
ويا ارض نهدي ما عليكي قدي .

[معاند احساسه]

اخوي ليش مايكون العتب على مستخدم القاري .؟

يعني استخدم القاري واحذفه اي مكان

انت تشوف هالشي زين .؟

او انسان محترم الي يسوي جذي ؟





السلام عليكم الشي او التصرف هذا مش حلو انك تاخذ القاري او العربه
وبعد ماتخلص حاجتك تحطها في اي مكان اذا انت مش قادر اترجعها
اخذلك واحد من الصبيان الي فاالمجمع وعطه المقسوم
المسأله مش مسألة ان الرجال مش قادر يشيلها يقدر بس يتكلم باالشي الصح الي لازم يصير
نفرض انه بعيد الشر عنكم ان الرجال من ذو الاحتياجات الخاصه شيسوي
هني انا اقول الشي بسيط بس المطلوب ان احنا نسعى شوي ولاهو عيب
لو رجعنا الشي مكانه او حطيناه في المكان المناسب اشكرك اخوي على طرح الموضوع هذا والله يوفقك دنيا واخره

[بومحمد المطاوعه]

وافدين وقطريين يسوون هالحركات

مب فقط وافدين

اتمنى عدم العنصريه فالموضوع ياجماعه

[موظف ((حكومي]

بس تعالو لليله جمعه عند سباير بتشوفون العجب

عربات في كل مواقف سيارات والاجانب اهم الي يجيبونها من الجمعيه حياه بلازا


لو نظام اوربا عندنا كان الكل يرجع عربته

لان في جمعيات اوربا ماتاخذ العربه لان العربات كلها مربوطه في بعض ماتنفك الا بوضع يورو في المكان مخصص له في العربه

[بومحمد المطاوعه]

السلام عليكم الشي او التصرف هذا مش حلو انك تاخذ القاري او العربه
وبعد ماتخلص حاجتك تحطها في اي مكان اذا انت مش قادر اترجعها
اخذلك واحد من الصبيان الي فاالمجمع وعطه المقسوم
المسأله مش مسألة ان الرجال مش قادر يشيلها يقدر بس يتكلم باالشي الصح الي لازم يصير
نفرض انه بعيد الشر عنكم ان الرجال من ذو الاحتياجات الخاصه شيسوي
هني انا اقول الشي بسيط بس المطلوب ان احنا نسعى شوي ولاهو عيب
لو رجعنا الشي مكانه او حطيناه في المكان المناسب اشكرك اخوي على طرح الموضوع هذا والله يوفقك دنيا واخره


وعليكم السلام ورحمه الله وبركاته

صح كلامك الواحد لو مب قادر ومب فاضي خل احد من العمال يساعده ويعطيه 5 و 10

الشكر لله تعالى
تحياتي لك ياخوي

[بومحمد المطاوعه]

بس تعالو لليله جمعه عند سباير بتشوفون العجب

عربات في كل مواقف سيارات والاجانب اهم الي يجيبونها من الجمعيه حياه بلازا


لو نظام اوربا عندنا كان الكل يرجع عربته

لان في جمعيات اوربا ماتاخذ العربه لان العربات كلها مربوطه في بعض ماتنفك الا بوضع يورو في المكان مخصص له في العربه

اي والله صادق

فالامارات بعد مسوين هالنظام

عاد

في حد يفهم هني

[لمعة الالماس]

لو يسون العربانات بفلوس وسلسلة نفس جمعيات دبي ولندن

بتخف هالحركة وكلن بيحاول يرجع العربانه عشان ترجع له فلوسه

وفي ناس من يخلصون من العربانه يدزونه بقوه وساعات يضرب سيارات ثانية وعادي ولا مفتكرين

[توشيبا]

انا شفت بعيني في مواقف الستي سنتر

حمل اغراضه في السياره ودز القاري راح لين دعم في السياره اللي مقابله لسيارته

وركب وحرك

لو حد سواها في سيارته ضنكم بيكون عادي عنده!

الله يهديهم تصرفات غبيه وقلت ادب واحترام لشخصه

[بومحمد المطاوعه]

انا شفت بعيني في مواقف الستي سنتر

حمل اغراضه في السياره ودز القاري راح لين دعم في السياره اللي مقابله لسيارته

وركب وحرك

لو حد سواها في سيارته ضنكم بيكون عادي عنده!

الله يهديهم تصرفات غبيه وقلت ادب واحترام لشخصه


ياريال
الله يهديهم

بس الحين عادي بتحصل رد هني بيقولك

انزل روح شل القاري هههههههههههه

الله يهديهم

[Right]

أحسن وأفضل حل هو: أن تتم إستخدام عربة التسوق عن طريق دفع مبلغ مالي معين


نفس ما يصير في أوروبا ، الواحد يحط له كم باوند أو يورو عشان يفتح القفل ويقدر يستخدم القاري



وذلك لضمان شيئان:

إجبارالمتسوق بإرجاعه لمكانه + عدم تركه بالخارج ليسبب مشاكل

[بومحمد المطاوعه]

أحسن وأفضل حل هو: أن تتم إستخدام عربة التسوق عن طريق دفع مبلغ مالي معين


نفس ما يصير في أوروبا ، الواحد يحط له كم باوند أو يورو عشان يفتح القفل ويقدر يستخدم القاري



وذلك لضمان شيئان:

إجبارالمتسوق بإرجاعه لمكانه + عدم تركه بالخارج ليسبب مشاكل





بارك الله فيك
صدقت اخوي

[بومحمد المطاوعه]

لو يسون العربانات بفلوس وسلسلة نفس جمعيات دبي ولندن

بتخف هالحركة وكلن بيحاول يرجع العربانه عشان ترجع له فلوسه

وفي ناس من يخلصون من العربانه يدزونه بقوه وساعات يضرب سيارات ثانية وعادي ولا مفتكرين

الله المستعان

في الي يسوي هالحركات وفي الي يرجع القاري مكانه

كل شخص وتربيته

الله يهديهم

[حسن]

صباح الخير جميعا

هذه القواري نشاهدها دائما ترمى برع المجمعات واثناء المواقف شي ماهوب غريب
المشكله الالول عندنا جمعيياتاذا تذكرون ولا زالت ودائما هناكعامل يحمل ويوصل الى السياره
وياخذ المقسوم
الحين وين البلاد فيها الف مجمع تجاري
شوفوو ياجماعه الخير دام الثقافه شبه معدومه فعادي ننظر مثل هذه المناظر
الحل ان تربط هذه بسلاسل وعمله فئه ال5 ريال او 10 ريال لان لو بوريال نفس الشي
الناس ماتفتكر
والمفترض ان اصحاب الجمعيات مثل كارفور واللو لو وغيرهم يحطون كم عامل
مخصصين
واعتقد موجوده ولكن اخينا بوغانم تفاجئا بهذا الغريب في الموقف
وبعدين ياجماعه عادي باحول ووخر القاري وانتهىت المشكله
يعني مهب شي صعب
انشرو روح لتسامح انا هني ماسمعت هرن والكل متسامح
ممن ترجع الناس في الدوحه يتهاوشون حتى في الشوارع
البلا من ماي الحكومه يمكن


صباح الخير يابومحمد وصباح الخير ياغريب الدار

عاد مهب شنكم عفستو البطح على سبه هل القاري

خفو بارك الله فيكم انا مركلس حدي ولين الحين ماسمعت هرن

:victory:

[حمد 2002]

الحل بسيط جدا ..

انك اذا تبي جاري تدفع عليه 50 ريال قطري كتامين.. ومايعطونك فلوسك الا اذا رجعت الجاري في مكانه مرتا أخرى ..

بالتوفيق ..

[غريب الدّار]

يابومحمد وياغريب الدار

عاد مهب معقوله ياخوان

خلاص انتهى حرام تنزلون لهذا المستوى

وتخربون الموضوع

بووغانم شوفهم مايصير

لو سمحتو قلتو رايكم وانتهي

ولحد يزعل منى

ابشر


ان شاء الله

[بومحمد المطاوعه]

السموحه ياراعي الموضوع

تطفلت فالردود

[بومحمد المطاوعه]

الحل بسيط جدا ..

انك اذا تبي جاري تدفع عليه 50 ريال قطري كتامين.. ومايعطونك فلوسك الا اذا رجعت الجاري في مكانه مرتا أخرى ..

بالتوفيق ..

اي والله

لو يسوون هالشي زين

بنرتاااح

[حسن]

ابشر


ان شاء الله

جزاك الله خير وهذا العشم

وشكرا لك

:victory:

[حسن]

الحل بسيط جدا ..

انك اذا تبي جاري تدفع عليه 50 ريال قطري كتامين.. ومايعطونك فلوسك الا اذا رجعت الجاري في مكانه مرتا أخرى ..

بالتوفيق ..

حمد العمله مطلوبه صحيحي
ولاكن انت بالغت كثيرا انا قلت يااما 5 او عشر على الاقل معقوله

وهذا اخر رد لي في الموضوع
واعلن خروجي منه

وشكرا للجميع

[بومحمد المطاوعه]

حمد العمله مطلوبه صحيحي
ولاكن انت بالغت كثيرا انا قلت يااما 5 او عشر على الاقل معقوله

وهذا اخر رد لي في الموضوع
واعلن خروجي منه

وشكرا للجميع

وانا وراك طال عمرك

[حمد 2002]

وبعضهم للاسف ايودي معاه جاري الجمعيه للبيت وايصدره ههههه ، وخصوصا الي بيوتهم قراب من الجمعيات ، ويستقلون الجاري بالبيت لقط الكجره = الخمام = الزباله (( ونتوا بكرامه )) ، وللعب اليهال .

بالتوفيق .

[غريب الدّار]

وبعضهم للاسف ايودي معاه جاري الجمعيه للبيت وايصدره ههههه ، وخصوصا الي بيوتهم قراب من الجمعيات ، ويستقلون الجاري بالبيت لقط الكجره = الخمام = الزباله (( ونتوا بكرامه )) ، وللعب اليهال .

بالتوفيق .





هاذي ضحكتني :)

[العلياا]

اشوف الموضوع عادي لو ان انزل اشل الجاري وصف ونتهى الموضوع اذا بتابع الاولي والتالي مراح اخلص

:victory:

[ام خليفه79]

بصراحة انا أشوف هالسوالف وايد إذا على هذا القاري عادي حركه وصف

لكن العتب على اللي يأخذ موقفين وصاف غلط وحالته حاله هني الورطة

[JN000N]

ربعنا ف قطر يحبون يخربون

لكن لو مسافرين دولة اجنبيه؟ يمشون بقلم ومسطره
جاري الجمعيه ف قطر بينحذف ف الشارع عادي
لكن ف دول غربيه؟ لاا ممنوع روح ود القاري مكانه المخصص

[بومحمد المطاوعه]

ربعنا ف قطر يحبون يخربون

لكن لو مسافرين دولة اجنبيه؟ يمشون بقلم ومسطره
جاري الجمعيه ف قطر بينحذف ف الشارع عادي
لكن ف دول غربيه؟ لاا ممنوع روح ود القاري مكانه المخصص

اي والله
ههههههه
صدقتي
بالفيت شو
وبالفيت انهم اتيكيت
ولاهم شافو الايتيكيت

الله يهديهم

[7llo]

ياشيخ انزل شل القاري وصف مكان القاري مايبيلها شي , كلها 5 ثواني لين ماتنزل تشل القاري

[ضوى]

وايد صارت لنا هالحركة ، انزل احرك القاري او ريلي ينزل ، الموضوع جدا بسيط ، ووايد تصير ،

[بومحمد المطاوعه]

وايد صارت لنا هالحركة ، انزل احرك القاري او ريلي ينزل ، الموضوع جدا بسيط ، ووايد تصير ،

اختي ضوى
مافي مانع انزل انا واشل القاري عن الموقف

بس المشكله والعيب ان التصرف هذي مش تصرف انسان مثقف وانسان محترم

عيب والله

انا ادري ان الي يحترم ويقدر الناس مايسوي هالسواة

[S S]

المفروض ياخذون مبلغ رمزي على القاري ويتم استرجاع المبلغ بعد اعاده القاري فيه مكانه المخصص وصدقوني ماراح اتجوفون هالفوضى الي صايرة

[طلعة الروح]

مجمع المول فيه كاميرات مراقبة كثيرة، أتمنى كل واحد فينا يوم يشوف هالحركات يبلغ الادارة ويسوي زوبعه بحيث تخرج لنا الفاعل وبالتالي معاقبته او على الاقل تحذيره والا شفايدة الكاميرات اللي يحطونها اذا هالافعال التي قد يراها البعض بسيطة والبعض الآخر عظيمة، مالها رادع

اقل درجة من درجات الإيمان بالله (إماطة الأذى عن الطريق) وأي شي يضر المال العام والعباد يجب التبليغ عنه وتأكيد عدم الرضى عليه من قبل الجمهور، ترك الموضوع للاراء الفردية لن يفيد أحد.

[Noof_mz]

ماادري احنا ليش غير عن الاجانب بنموت اذا ردينا شي مكانه

[فرفوش]

اذا معاي عبري سهالات

لكن المشكله اذا بروحك ومحد حولك يحرك القاري

الله كريم

[النهار]

اخوي الامر بسيط وايد اروح الجمعيات احصل قاري احركه واوقف
ولكن الطامه الكبرى تحصل الواحد شاري له غرض ب 50 او 60 ريال ياخذ القاري معاه يتم يدز فيه لين مايوصل بيته ويقطه هناك
واسعار القواري غاليه مهب رخيصه

[ALJokar]

بو غانم ف ذمتك ذا موضوع ؟!


الواحد قام يتذمر من كل شي للاسف بكره واحد بيكتب ف المنتدى طلبت من راعي السوبرماركت بيبسي جاب لي ماي

[نوار قطر]

ماشوف فيها اي مشكله ،، صح المفروض الي استخدم الترولي يحطه على جنب مايخليه فالوسط ،، بس يعني مب ذاك الشي الصعب الي ماتقدر توخره وتشيله عن الموقف ،، حتى ممكن انك تكلف واحد من عيالك ،يايبه انزل وشيل القاري عشان اصف السياره ،،

وبعدين شدخل الوافدين ،،، يمكن قطري هو الي مخليه في الموقف:discuss:

[نوار قطر]

المفروض ياخذون مبلغ رمزي على القاري ويتم استرجاع المبلغ بعد اعاده القاري فيه مكانه المخصص وصدقوني ماراح اتجوفون هالفوضى الي صايرة

في البحرين ماياخذون القاري الا عقب مايحطون ظ،ظ*ظ* فلس بس انه هالمبلغ غير مسترجع ،، وحتى خذو مبلغ مثل ما انت تقول رمزي مب رادينه عشان ياخذون هالمبلغ الرمزي ماراح يهمهم المبلغ ،، المسأله مب في الفلوس المسأله في الشخص نفسه ،،، المفروض ماتطلع هالتصرفات منه

[ذرية صالحة]

من حق الطريق " كف الأذى" الحل بإختصار دراسة الدين و تطبيق ادابه !

[دااانة قطر]

من حق الطريق " كف الأذى" الحل بإختصار دراسة الدين و تطبيق ادابه !


كفيت ووفيت

[S S]

في البحرين ماياخذون القاري الا عقب مايحطون ظ،ظ*ظ* فلس بس انه هالمبلغ غير مسترجع ،، وحتى خذو مبلغ مثل ما انت تقول رمزي مب رادينه عشان ياخذون هالمبلغ الرمزي ماراح يهمهم المبلغ ،، المسأله مب في الفلوس المسأله في الشخص نفسه ،،، المفروض ماتطلع هالتصرفات منه
صحيح كلامج الخلل بشخص نفسه هو كسول او اتكالي ما تدرين ولاتنسين الناس تختلف فى الاطباع مب كل الناس تقدر اطنش حق المبلغ خصوصا اذ كان مبلغ مدفوع كالتأمين الا بالعكس يمكن يعتبر نوع من تخفيف الفوضى ومع الأيام راح تختفي على حسب المبلغ المدفوع

[بومحمد المطاوعه]

استغفرالله من بعض الردود

هههههههه

يتركون الجانب السلبي ويردون على الجانب الايجابي

يعني بالعربي وين المشكله عادي اقط العربانه فالشارع والي بيوقف ينزل يشيلها

هاي الي فهمته من البعض

واعتقد اهم يسوون مثل هالشي من جذي مب عاجبهم موضوع العربانات فالمواقف


احيييكم الصراحه

[طلعة الروح]

كفيت ووفيت

كل مشكلاتنا هالايام عدم تطبيق روح الدين الحنيف ، في مثل هالمواقف تبين المعامله والفطره السويه

[نوار قطر]

صحيح كلامج الخلل بشخص نفسه هو كسول او اتكالي ما تدرين ولاتنسين الناس تختلف فى الاطباع مب كل الناس تقدر اطنش حق المبلغ خصوصا اذ كان مبلغ مدفوع كالتأمين الا بالعكس يمكن يعتبر نوع من تخفيف الفوضى ومع الأيام راح تختفي على حسب المبلغ المدفوع

صح مب كل الناس تقدر تطنش هالمبلغ الصغير بس تدري من الي بيرجع ياخذ التأمين ،، الوافدين هم الي بيرجعون ياخذونه والي اغلبيتهم اساسا مايقطون القاري ويمشون ،، وين بتلقى قطري بيرجع عشان ياخذ مثلا خل نقول 5ريال مالت التأمين والله مايرجعون ،، ،