ليش ما تستـــغل إجازة أبنائك ؟ ...

[راجي العفو]

سلام عليكم و رحمة الله و بركاته .. انقول ( مسا الخير ) عالجميع ..

أبناءنا انتهوا من المدارس و دخلو إجازتهم .. و بينتهون منها الآن ..

انقول : هل أشغلت أبناءك بشئ مفيد في اجازتهم ( سواء كانت صيفية ، نهاية الاسبوع ، ... )

ليش ما نحدد لهم برنامج ديني ، كتاب نقراه معهم يحدد له وقت يوميا ( في الاجازات الكبيرة ) أو جزء من الوقت في الاجازات الصغيرة ، مثل كتاب : الأصول الثلاثة للشيخ محمد بن عبد الوهاب .. ونحيي فيهم روح التنافس ونعمل لهم اختبار مصغر ونكافئهم على ذلك ..

وأيضا نجري لهم مسابقات عامة في التاريخ الاسلامي ، و الثقافات العامة .. سؤال و جواب إلخ

القصــد .. نربط اعيالنا بالقراءة و التثقيف ( بخاصة القراءة من الكتب الورقية لأنها أفضل وأرسخ للمعلومة ) ..


آراؤكــــــــــــــــم ؟ مع التحــية ..

[QATAR 77]

الاجازة عشان الاطفال يقتلون مو نربطهم في فعاليات في اشياء مملة

[يمامـة]

احب استغلال وقت الاجازة بأمور تعود بالفائدة على عيالي..
سواء القراءة او حفظ القرآن او المشاركة بأي نشاطات.. حتى لو بيسافرون..

لكن الاجازة هذي ما ادري اشلون كانت .. دخلنا في رمضان
وعقب العيد وعقب سافروا وعقب ردوا بالسلامة والجدول للحين معتفس..

[نوار قطر]

الصراحه ابد مافكرت ادخلها مركز او انها تستغل الاجازه في شي ،،، وعليه ينطرون الاجازه على نار ،،وبعد نبلشهم في مواعيد وقومه ،،، خلهم براحتهم لعب وتقضي اجازتها باللي هي تحبه مب الي انا ابيه لها ،، مابقى شي عن المدارس ، وبيرجعون حق الشقى والتعب ،،

[alsoq]

افضل شي دخلهم تحفيظ القرأن لان ماده الشرعيه صارت دراستها ضعيفه في المدارس

[طبيب قطري]

افضل شي دخلهم تحفيظ القرأن لان ماده الشرعيه صارت دراستها ضعيفه في المدارس

اتفق معاك

[راجي العفو]

الاجازة عشان الاطفال يقتلون مو نربطهم في فعاليات في اشياء مملة

حياك الله أخوي .. وصباحك خير..

ما اختلف معاك .. خلهم يتونسون و يلعبون ، بس مب طول وقت الاجازة ..

الطفل المسلم مختلف عن بقية الاطفال .. عنده أمر خلق من أجله و لأجله ..

مع التحية ..

[راجي العفو]

الصراحه ابد مافكرت ادخلها مركز او انها تستغل الاجازه في شي ،،، وعليه ينطرون الاجازه على نار ،،وبعد نبلشهم في مواعيد وقومه ،،، خلهم براحتهم لعب وتقضي اجازتها باللي هي تحبه مب الي انا ابيه لها ،، مابقى شي عن المدارس ، وبيرجعون حق الشقى والتعب ،،

الله يحيج اختي و يحفظ لج عيالج ..

عاد ما قلنا نقومهم من: الساعة :6 ، لي: 1 الظهر..

مجرد تخصيص وقت معين في اليوم ، من باب ربطهم بالعلم و القراءة ..

لازم نشيل هم تربية الاجيال ، ونظغط عليهم اشوي لمصلحتهم ، والامم ما قامت الا بالعلم ..

والموضوع مو مختص بالاجازة الصيفية ، بل في اي اجازة ، ولو كانت اجازة نهاية الاسبوع ..

مع التحية ..

[راجي العفو]

الله يحيك أخوي ..

هذا من الامور المحبذة ، فكرة طيبة و حلوة إنك تشغلهم بحفظ القران وكذا الاحاديث النبوية مثل كتاب الاربعين النووية ، وأيضا نرشدهم لما هو أهم من حفظ القران والاحاديث ، وهو دراستهم لهما وفهمهما الفهم الصحيح ، وذلك بالتحاقهم بالحلقات العلمية التي تدرس العقيدة - ككتاب (الاصول الثلاثة ) صغير و صالح للاطفال و الكبار - و الفقه و الحديث و التفسير و غير ذلك .. هذا الذي نفتقده في أبناء بلدنا !! .. أين العلماء ؟!! ، والله المستعان ..

بوركت عالاقتراح الطيب ، وكذا الاخ طبيب ..

مع التحية ..

[طبيب قطري]

سلام عليكم و رحمة الله و بركاته .. انقول ( مسا الخير ) عالجميع ..

أبناءنا انتهوا من المدارس و دخلو إجازتهم .. و بينتهون منها الآن ..

انقول : هل أشغلت أبناءك بشئ مفيد في اجازتهم ( سواء كانت صيفية ، نهاية الاسبوع ، ... )

ليش ما نحدد لهم برنامج ديني ، كتاب نقراه معهم يحدد له وقت يوميا ( في الاجازات الكبيرة ) أو جزء من الوقت في الاجازات الصغيرة ، مثل كتاب : الأصول الثلاثة للشيخ محمد بن عبد الوهاب .. ونحيي فيهم روح التنافس ونعمل لهم اختبار مصغر ونكافئهم على ذلك ..

وأيضا نجري لهم مسابقات عامة في التاريخ الاسلامي ، و الثقافات العامة .. سؤال و جواب إلخ

القصــد .. نربط اعيالنا بالقراءة و التثقيف ( بخاصة القراءة من الكتب الورقية لأنها أفضل وأرسخ للمعلومة ) ..


آراؤكــــــــــــــــم ؟ مع التحــية ..

موضوع راقي.. امس مخلص اون كولي الصبح وقررت افطر في مجمع من هالمجمعات من باب التغيير .. المهم دخلت لقيت معظم زوار المجمع حريم مع اطفالهم يلعبونهم بالالعاب ويلفلفون بالهالمجمع!
هذي الام ليش مااستغلت اجازه عيالها في شي مفيد بدال تعوديهم على ثقافه الدواره بالمجمعات.. ماقلنا كل يوم دراسه وانشطه صيفيه بس عالاقل ماتروح الاجازه عالفاضي بدون ماتنشط مخ الياهل بأي معلومه او شي مفيد

[راجي العفو]

موضوع راقي.. امس مخلص اون كولي الصبح وقررت افطر في مجمع من هالمجمعات من باب التغيير .. المهم دخلت لقيت معظم زوار المجمع حريم مع اطفالهم يلعبونهم بالالعاب ويلفلفون بالهالمجمع!
هذي الام ليش مااستغلت اجازه عيالها في شي مفيد بدال تعوديهم على ثقافه الدواره بالمجمعات.. ماقلنا كل يوم دراسه وانشطه صيفيه بس عالاقل ماتروح الاجازه عالفاضي بدون ماتنشط مخ الياهل بأي معلومه او شي مفيد

الله يحيك أخوي طبيب ..

كلامك عين العقل .. وهذا اللي نقوله ..

جميل إنك تستغل أوقات أبنائك بأشيا تفيدهم في مستقبلهم ، ويفيدون بها أمتهم ..

وإلا .. فاللعب كل(ن) يقدر عليه .. بس العلم و الاجتهاد فيه - و خاصة العلم الشرعي - كم عدد من أبدعوا في هذا المجال ؟

محصورين ..

شاكر مرورك ..

[نوار قطر]

الله يحيج اختي و يحفظ لج عيالج ..

عاد ما قلنا نقومهم من: الساعة :6 ، لي: 1 الظهر..

مجرد تخصيص وقت معين في اليوم ، من باب ربطهم بالعلم و القراءة ..

لازم نشيل هم تربية الاجيال ، ونظغط عليهم اشوي لمصلحتهم ، والامم ما قامت الا بالعلم ..

والموضوع مو مختص بالاجازة الصيفية ، بل في اي اجازة ، ولو كانت اجازة نهاية الاسبوع ..

مع التحية ..

ويخلي لك عييلك ويحفظهم لك

مادري انا ينكسر خاطري عليها عشان جذي ماجبرها على شي مع اني من البدايه قلت لها انه فيه كذا نشاط تبين اسجلج واوديج تغيرين جو ،، عييت ،، خليتها براحتها وحتى الويك اند اخيرها شتبين وين تبين تروحين ،،

[راجي العفو]

ويخلي لك عييلك ويحفظهم لك

مادري انا ينكسر خاطري عليها عشان جذي ماجبرها على شي مع اني من البدايه قلت لها انه فيه كذا نشاط تبين اسجلج واوديج تغيرين جو ،، عييت ،، خليتها براحتها وحتى الويك اند اخيرها شتبين وين تبين تروحين ،،

وأنا معاج أختي ..

بس هنا يجي دور ولي الأمر ، وتقدير المصلحة لهم .. نربطهم بالعلم و القراءة ويكون هو همهم الأول .. ونفس الوقت نجازيهم بالمكافئة المناسبة لجهدهم حتى نحسسهم إن احنا كافئنهم لانهم شدوا حيلهم في التعلم ..وخاصة : العلم الشرعي ، اللي نفتقده افتقاد .... لايذكر !

والله المستعان ..

[R 7 A L]

حتى بالسفر فوائد
سوء للعمره
او لاماكن تراثية تاريخية

[راجي العفو]

حتى بالسفر فوائد
سوء للعمره
او لاماكن تراثية تاريخية

صادق .. ليش لا .. سفره و فايده .. حجه و حاجه ..


وأناأحرّص بخاصة على : القــــــــراءة


الله يحيك ..

[ضوى]

بكل صدق عندما كانوا صغار كان سهل التحكم في جدول يومهم ، الان لا استطيع الا توجيههم ونصحهم وارشادهم لتنظيم الوقت حسب قدرتي باستعانة برب العالمين ، صعب جدا اجبارهم على القراءة او عدم السهر او عدم نشاهدة القناة الفلانية لكن نصحهم باللتي هي احسن وربنا وحده هو المستعان وهو الهادي ، الله يوفقنا في تربيتهم ويعيينا ويقدرنا بما حيب ويرضى اللهم امين

[راجي العفو]

بكل صدق عندما كانوا صغار كان سهل التحكم في جدول يومهم ، الان لا استطيع الا توجيههم ونصحهم وارشادهم لتنظيم الوقت حسب قدرتي باستعانة برب العالمين ، صعب جدا اجبارهم على القراءة او عدم السهر او عدم نشاهدة القناة الفلانية لكن نصحهم باللتي هي احسن وربنا وحده هو المستعان وهو الهادي ، الله يوفقنا في تربيتهم ويعيينا ويقدرنا بما حيب ويرضى اللهم امين

اميــن ..

الله يحيج أختي ..

الكلام كله منصب و مركز أكثر على الصغار ..

والكبار لهم أسلوبهم الخاص مثل ما ذكرتي ، والمفروض إنهم يستوعبون النصح الارشاد استيعاب أكبر من الصغار ..

ونحن نسدد و نقارب ..


مع التحية ..

[حسن]

اي استغلال الاجازه وتم زرع في فكر الابناء بااهميه السفر والتجوال
بدون اي فائده

ياعمي شعوب الترف ماتفكر بهذا الفكر

يقولك من الحين انا خلصت وحاجزه من يوم الوقفه على اوربا يابوك
ويقولك من الحين اليوم الوطني حاجزين على العمره
واليوم الرياضي على الحسى يجيبون شامبو للدفاف
ومن الحين عطله الربيع على شرق اسيا
وم الحين حاجزين على اجازه شهر 4 على دبي


تصدق ترا الكلام اللي اقوله واقسم بالله انها حقيقه

وانت تقول في الاجازه وش تسوي

هو عاد بقى فيه اجازه اصلا


:)

[راجي الْعفو]

اي استغلال الاجازه وتم زرع في فكر الابناء بااهميه السفر والتجوال
بدون اي فائده

ياعمي شعوب الترف ماتفكر بهذا الفكر

يقولك من الحين انا خلصت وحاجزه من يوم الوقفه على اوربا يابوك
ويقولك من الحين اليوم الوطني حاجزين على العمره
واليوم الرياضي على الحسى يجيبون شامبو للدفاف
ومن الحين عطله الربيع على شرق اسيا
وم الحين حاجزين على اجازه شهر 4 على دبي


تصدق ترا الكلام اللي اقوله واقسم بالله انها حقيقه

وانت تقول في الاجازه وش تسوي

هو عاد بقى فيه اجازه اصلا


:)


ههههه .. الله المستعان اخوي حسن ..

المشكلة لي جت الحزّه وادور وينك يامثقف .. محد حولك !

والترف ما يدوم :

لكل شئ اذا ما تم نقصانُ .. فلا يُغرّ بطيب العيش إنسان


انحاول انغير الجدول اخوي بقدر الإمكان .. لازم نبين لهم الحقيقة المُغيّبة و المسؤولية اللي عليهم بالأسلوب الجميل و الطريقة الحسنة ..


شاكر مرورك ..