اشتري شقة او ارض للاستثمار

[q6ryah]

إخواني الأعزاء أنا واختي خذنا سلفة من البنك وزدنا عليها مبلغ مجمعينه صار عندنا مليون ونص المهم نبي نشتري عقار شفنا فلل ازدان الوكير حلوة بس تخوفنا منها ان في مجمع نخاف لو نبي تبيعها ماتجيب لنا قيمة عقب فكرنا ناخذ في ام عبيرية او سميسمة او بوظلوف ارض تصلح لاستراحة ،شار علينا احد الأقارب ان ناخذ شقة في اللؤلؤة او لوسيل بحيث تكون مؤجرة ويرجع لنا دخلنا من البداية.انتوا شرايكم ايش احسن مكان له مستقبل في قطر وشنو نقدر نشتري بمبلغنا ؟

[الوسيط العقاري]

في الوقت الحالي شقه ف اللولوه او الابراج المتعرجة او مشروع الوسيل افضل من الاراضي لان الاراضي وصلت لأسعار خرافيه

وموفقه

[roma27]

اعتقد فلل ازدان ما تن باع

[شموخ دائم]

,

,


مرحبا

ارض في المناطق الشماليه من ام صلال الى ام عبيريه او الصخامه ام العمد
او ام قرن
ما بين هذه الاماكن ولا تروحون شمال كثير الطلب اقل عليها

هذا والله اعلم

,

,


اخوك

شموخ دائم

[السيليه]

ما انصح ب شقه في اللولوه اشتري ارض في مناطق الشمال افضل

[السيليه]

الله يوفق

[GWU]

إخواني الأعزاء أنا واختي خذنا سلفة من البنك وزدنا عليها مبلغ مجمعينه صار عندنا مليون ونص المهم نبي نشتري عقار شفنا فلل ازدان الوكير حلوة بس تخوفنا منها ان في مجمع نخاف لو نبي تبيعها ماتجيب لنا قيمة عقب فكرنا ناخذ في ام عبيرية او سميسمة او بوظلوف ارض تصلح لاستراحة ،شار علينا احد الأقارب ان ناخذ شقة في اللؤلؤة او لوسيل بحيث تكون مؤجرة ويرجع لنا دخلنا من البداية.انتوا شرايكم ايش احسن مكان له مستقبل في قطر وشنو نقدر نشتري بمبلغنا ؟


بما انكم ماخذين قرض من البنك الشقه او البيت الجاهز افضل لان اب مبلغ الاجار راح تقدرون اتسددون القرض وانتوا مرتاحين وثانيا شقق اللؤلؤه فيها قيمتها وعليها اقبال حلو ولها مستقبل صحيح ما ترتفع اسعارها اب شكل كبير نفس البيوت لكن لها مستقبل باذن الله ... هذا رايي الشخصي ويمكن في حد يخالفني الراي ..

وبالتوفيق

[خليفـة]

انصحكم بالابتعاد كليا عن الابراج المتعرجه .. والشقق المعروضه في ذيك المنطقة
استثمار فاشل بنسبة 100%
عقود الاجارات هناك كلها لفترات قصيرة .. بالشهرين والثلاثه
واكثرهم ستة اشهر
بالاضافة للرسوم الي مفروضة على الملاك يدفعونها بشكل سنوي
والمصيبة وقت البيع .. محد يشتري بسهوله
خذي طله على الاعلانات في الجرايد .. وبتشوفيم كم هائل من الشقق معروض للبيع
اسعار العرض عاليه .. ولكن محد يشتري
والبايع الي جاد .. بينزل السعر لما يحصل له واحد بيشتري

اشتروا ارض من ام صلال لين ام قرن
وهذي المناطق الي عليها الطلب حالياً وفي المستقبل بيزيد اكثر واكثر

ملاحظة : فكرة الاقتراض من البنك .. للدخول في استثمار
لا اعتبرها فكره ناجحه .. والله اعلم

بالتوفيق ان شاء الله

[وحيد-الشوق]

سؤال هل في شقق للبيع في مشروع لوسيل ؟

[وحيد-الشوق]

طيب مليون نص تجيب لكم ارض اذا مب محتاجين سكن في الوقت الحالي

[الدبلوماسي]

انصحكم تشترون ارض لو 400 متر ف المناطق الشماليه من ام اصلال محمد لين ام عبيريه وام العمد

[bus3od]

انصحكم تشترون ارض لو 400 متر ف المناطق الشماليه من ام اصلال محمد لين ام عبيريه وام العمد
و هل هاذي الطريقة أفضل من شراء فله و تأجيرها ؟

[الدبلوماسي]

و هل هاذي الطريقة أفضل من شراء فله و تأجيرها ؟

طبعا شراء ارض فقط مايكفي لازم يبينيها الواحد على سعه صج البنيان يتعب بس ف الاخير بيكون موفر الشخص على نفسه مبلغ وبعدها ياجرها او يبيعها ف كلا الحالتين ربحان ربح حلوو
،،

[love life]

ارض بمليون ونص صار لي 4-5 شهور ادور مب محصله لا في مناطق شمالية ولا غيرها

[الدبلوماسي]

ارض بمليون ونص صار لي 4-5 شهور ادور مب محصله لا في مناطق شمالية ولا غيرها

للاسف المشكله الي حاصله ف السوق ان عروض الاراضي شحيح جدا والسبب الدوله ما فتحت مناطق جديده والسوق متعطش جدا للاراضي بسبب الطفره العمرانيه وازدياد عدد السكان بالنسبه لي انا تميت ادور اراضي مناسبه للمواصفات الي حاطها ف بالي مالقيت لدرجه ان نزلت ف اغلب الجرايد طلبات شراء ل اغلب مناطق الدوحه والمناطق الشماليه ولاتلفون جاني واذا دورت عن طريق وسيط اشوف بعض الملاك رافعين اسعارهم فوق السوق بمبالغ كبيره بالعربي مستغلين وضع قله معروض الاراضي هذا غير عياره بعض الوسطاء ومعروفه جنسياتهم

[رداد]

العروض متوفره والدليل النشره الخاصه بوزارة العدل مبايعات وايد واغلبها اراضي صغيره ام قرن وغيرها

[الجنوبي 11]

ابعد عن الشقق اللى في اللولوه والوسيل،سهوله في إجراءات الشراء وتعقيد في إجراءات البيع، رسوم الخدمات مبالغ فيها،وماسكينها في الادارة مجموعه من جنسيه عربيه الله يفكنا منها ومن استغلالهم

[تبوك]

انصحكم بالابتعاد كليا عن الابراج المتعرجه .. والشقق المعروضه في ذيك المنطقة
استثمار فاشل بنسبة 100%
عقود الاجارات هناك كلها لفترات قصيرة .. بالشهرين والثلاثه
واكثرهم ستة اشهر
بالاضافة للرسوم الي مفروضة على الملاك يدفعونها بشكل سنوي
والمصيبة وقت البيع .. محد يشتري بسهوله
خذي طله على الاعلانات في الجرايد .. وبتشوفيم كم هائل من الشقق معروض للبيع
اسعار العرض عاليه .. ولكن محد يشتري
والبايع الي جاد .. بينزل السعر لما يحصل له واحد بيشتري

اشتروا ارض من ام صلال لين ام قرن
وهذي المناطق الي عليها الطلب حالياً وفي المستقبل بيزيد اكثر واكثر

ملاحظة : فكرة الاقتراض من البنك .. للدخول في استثمار
لا اعتبرها فكره ناجحه .. والله اعلم

بالتوفيق ان شاء الله

أوافقك الراي في اللي قلته

إلأ شي واحد بس ، فكرة الاقتراض من البنك للدخول في الاستثمار
هي أحسن فكرة

مجرد أن الدخل يتجاوز قيمة فائدة البنك أنت الربحان 100%

مثال بسيط فيلا ب5 ملايين ومؤجرة ب20 الف في الشهر

القسط الشهري من البنك على 25 سنه 26 الف

هل أنت خسران أم ربحان ؟؟؟

يعني انت راح تدفع من جيبك6000 بالشهر يعني 72 ألف بالسنة
يعني في ال25 سنه بتدفع فعلياً مليون و 800 الف ريال

يعني أنت اشتريت فيلاً قيمتها 5 ملايين ب مليون و800 الف راح تتقسط على 25 سنه
والكل يعرف أن 5 ملايين اليوم تساوي على الاقل 10 ملايين بعد 25 سنه وممكن 15 أو 20 مليون