رأيكم في الصرف الصحي يكون دكت (مخفي)

[البيت القديم]

السلام عليكم

حبيت اعرف عيوب ان يكون الصرف الصحي مخفي ويكون دكت داخلي

لاني محتار اخليه دكت او يكون على برع

انتظر ردودكم اخواني الكرام

[شموخ دائم]

,

,


مرحبا

دكت خارجي افضل بكثير وانظف ولعده اسباب


اذا داخلي وصيانته من الداخل بياخذ حيز من المساحه وبياخذ زاويه والمساحه جنبه بتكون ضايعه
تغطيته من الداخل مافيها جماليات وبتستخدم مواد كثيره منها الالمنيوم
وبتخرب الشكل الجمالي لشكل والالوان السيراميك والديكور
وصيانته تسبب عفسه بالبيت خاصه لو حصل تسريب بعد سنوات
وهذا متوقع
لو حبيت تفكه بتلاقي مشكله ان السقف المستعار للحمام يتاثر ويحتاج فك ايضا لانه ملاصق له
يعمل صوت ( الهوى ) ويكون مسموع في البيت
يدخل ( غبار ) مهما كان محكم

بينما لو كان خارج بتكون مرتاح من كل هذي الامور
ولا تدري عنها


,

,


اخوك

شموخ دائم

[Hamad_qa]

اخوي شموخ

انا التصميم عندي دكت داخلي :( و بيكون من ضمن البناء
جماليا أفضل و تصميم الحمامات متناسق مع هذي الزوايا
بخصوص الصيانة .. ايش ممكن يصير ؟ :/ نادرا ما تصير مشكلة في البيبات الداخلية .. ولا؟ :(

[نور الحور]

ممكن شرح لو سمحتوا عن معنى الدكت الداخلي للصرف الصحي ؟

هل المقصود تمديدات البايبات ؟

ومنكم نستفيد :victory:

[البيت القديم]

,

,


مرحبا

دكت خارجي افضل بكثير وانظف ولعده اسباب


اذا داخلي وصيانته من الداخل بياخذ حيز من المساحه وبياخذ زاويه والمساحه جنبه بتكون ضايعه
تغطيته من الداخل مافيها جماليات وبتستخدم مواد كثيره منها الالمنيوم
وبتخرب الشكل الجمالي لشكل والالوان السيراميك والديكور
وصيانته تسبب عفسه بالبيت خاصه لو حصل تسريب بعد سنوات
وهذا متوقع
لو حبيت تفكه بتلاقي مشكله ان السقف المستعار للحمام يتاثر ويحتاج فك ايضا لانه ملاصق له
يعمل صوت ( الهوى ) ويكون مسموع في البيت
يدخل ( غبار ) مهما كان محكم

بينما لو كان خارج بتكون مرتاح من كل هذي الامور
ولا تدري عنها


,

,


اخوك

شموخ دائم



مرحبا اخوي شموخ دائم
ومشكور على سرعة تجاوبك على استفساري
وبخصوص موضوع الدكت للصرف الصحي
المهندس قالي بيكون من ضمن المبنى يعني بيصكره بالطابوق
وبعد قالي على شغله مادري اذا زينه او لاء
وهي ان مجاري الصرف الصحي بتكون نازله على تحت يعني اذا صار تسريب تروح الغرفه الي فوقها الحمام الي فيه تسريب وتشل الجبسن بورد وتصلح المجاري وبس يعني بدون لا تكسر الحمام وتغير البلاط.. مادري اذا هالحركه عملية او لاء اتمنى تفيدني في هاي الموضوع

[مواقف النجادة]

مثل ما تفضل اخوي شموخ ..

حطه برع ..

اسهل في الوصول اليه واسهل في الصيانة عند الحاجة .. و يكون قدام عينك اذا حصل ضرر.. واذا حصل تسرب يكون خارج البيت في الحوش و ليس داخل البيت .. يوفرمساحات داخل الفيلا .. و يخلي ابعاد الحمامات من الداخل مربعة او مستطيلة بدون تاكل الدكتات اجزاء منها.

[شموخ دائم]

,

,


مرحبا


الاخت نور
حمدالله على السلامه

نعم صحيح هو البيبات الصرف في الفيلا

الافضل الطريقه المتعارف عليها مثل هذه الصوره

http://www.shabaktqatar.com/up/uploads/images/domain-bb727656f2.jpg

واضح الدكت الخارجي يمين الصوره وباينه بيبات الصرف
وبعدها تغطيته بالجي ار سي او اي ماده مشابهه


http://www.homekw.com/bet/attachment.php?attachmentid=8605&stc=1&d=1305659484

اما هذه الطريقه وهي تستخدم في العمارات وواضح البيبات في سقف الغرفه
انا ما افضلها نهائيا في ( البيوت ) الا اذا كنا مجبرين عليها وهي اخر الحلول

http://www.al-ramada.com/html/images/projects/new_prj_331.JPG

الطريقه القديمه بدون دكت وهذه الان ممنوعه بقطر لتشويه المنظر العام
يجب تغطيتها بدكت او جي ار سي

http://www.plastics4arab.com/forum/imgcache/2153.imgcache

هذه الطريقه المستخدمه في اكثر الفنادق وهي دكت داخلي وفي لها اكثر من طريقه

http://www.bunyanq8.com/Sahi/pic/Scan0001.jpg

دكت داخلي بزاويه الحمام ويتم تغطيته ( المنيوم ابيض ) وله مشاكل كثيره ايضا
ذكرتها بالرد الاول


البيت القديم

ما انصحك بالطريقه الي قالك عنها الصرف يكون بسقف الغرفه
هناك طرق اسهل منها بكثير وعمليه اكثر

لو قدرت تخلي الصيانه على الطريقه العاديه من الخارج افضل لك

والخيار لك



,

,


اخوك


شموخ دائم

[wrc]

اسمحو لي على المداخلة مافي امكانية ان تكون البيبات مدفونه بأرضية الحمام بدون ماتكون مكشوفة ومشبوكة بالدكت؟!

[بنت الجزيرة]

اخوي شموخ
شرح وافي ' الله يجزاك خير ..

[نور الحور]

الله يسلمك يارب شموخ دائم ..

بيض الله ويهك وجزاك خير على الشرح الوافي ..

صرت معاكم بالصورة خلاص :o

[معماري قطري]

موضوع شيق قريته على التلفون من بدايته بس كنت صايم عن الرد أَثناء السفر

انا في بيتي أَخفيت البايبات كلها داخل خرسانة في الحائط .. وبدون دكت وبدون مشاكل الحمد لله للحين .. المشكلة الوحيدة اللي ممكن تحصل يكون انسداد البايب وفيه طرق لفتحه بدون تكسير وبسهولة والتسريب لو تم تركيب الوصلات صح بيكون مستحيل

اتعجب من البعض اللي يسوون دكت وتغطية وقصة وفي النهاية قيمة البايب كله ما توصل 200 ريال من فوق لتحت .. نخليه مخفي في الحايط ونسوي شغلنا صح أَو لو خليناه خارجي وبنينا فوقه طابوق بعد بنكون صح أَقلها يكون الطابوق متجانس مع تشطيب الحايط وما يكون متكلف وخط جي ار سي بروحه شاذ في الحايط .. صحيح البعض يسونه صح ومتجانس بس صعب ومكلف ومحد محتد عليه

[wrc]

موضوع شيق قريته على التلفون من بدايته بس كنت صايم عن الرد أَثناء السفر

انا في بيتي أَخفيت البايبات كلها داخل خرسانة في الحائط .. وبدون دكت وبدون مشاكل الحمد لله للحين .. المشكلة الوحيدة اللي ممكن تحصل يكون انسداد البايب وفيه طرق لفتحه بدون تكسير وبسهولة والتسريب لو تم تركيب الوصلات صح بيكون مستحيل

اتعجب من البعض اللي يسوون دكت وتغطية وقصة وفي النهاية قيمة البايب كله ما توصل 200 ريال من فوق لتحت .. نخليه مخفي في الحايط ونسوي شغلنا صح أَو لو خليناه خارجي وبنينا فوقه طابوق بعد بنكون صح أَقلها يكون الطابوق متجانس مع تشطيب الحايط وما يكون متكلف وخط جي ار سي بروحه شاذ في الحايط .. صحيح البعض يسونه صح ومتجانس بس صعب ومكلف ومحد محتد عليه

ممكن اخوي توضح طريقتك؟

[وحيد-الشوق]

اخ شموخ وباقي الاخوان انتوا قصدكم بيبات الحمامات تكرمون نخليها مكشوفه بالخارج وغير مخفيه ؟؟ هل هذا قصدكم ؟؟ انه افضل طيب الحين الكل يخفيها في البيوت الجديدة والفنادق شكلها بايخ ويخرب منظر الحمام !!

[معماري قطري]

ممكن اخوي توضح طريقتك؟

سامحني ما انتبهت لسؤالك الا الحين

عندك بايبات الصرف الصحي وتصريف المطر هذي تكون بقطر 10 سم في الغالب أَو 15 سم وتكون مصنوعة من البلاستيك المخلوط بتربة طينية .. وتتأَثر بالشمس وتقل قوتها بالتدريج على مدى سنوات لكن الملاحظ إِنها تدوم حتى لو كانت خارجية .. وإِن كانت داخلية في الحائط وحولها صبية بسيطة تكون أَقوى ومحمية أَكثر وتعمر بعمر المسكن .. ولو فرضاً صار تسريب ممكن تتكنسل وتنعمل خارجية أَو يتكسر حولها وتتصلح بوصلة وينعمل بلاستر.

انا ركبتها كلها في الحائط والحمد لله للحين حول 10 سنوات بدون مشاكل.

[معماري قطري]

سامحني ما انتبهت لسؤالك الا الحين

عندك بايبات الصرف الصحي وتصريف المطر هذي تكون بقطر 10 سم في الغالب أَو 15 سم وتكون مصنوعة من البلاستيك المخلوط بتربة طينية .. وتتأَثر بالشمس وتقل قوتها بالتدريج على مدى سنوات لكن الملاحظ إِنها تدوم حتى لو كانت خارجية .. وإِن كانت داخلية في الحائط وحولها صبية بسيطة تكون أَقوى ومحمية أَكثر وتعمر بعمر المسكن .. ولو فرضاً صار تسريب ممكن تتكنسل وتنعمل خارجية أَو يتكسر حولها وتتصلح بوصلة وينعمل بلاستر.

انا ركبتها كلها في الحائط والحمد لله للحين حول 10 سنوات بدون مشاكل.


بالنسبة لبايبات النحاس تحتاج تغليف بلزقة خاصة عن الرطوبة والصدأَ وبنفس الطريقة تكون داخل صبية أَما البي بي ار فتكون داخل الخرسانة بسبب تأَثرها البسيط جداً من أَشعة الشمس.

[ابو يوسف1]

http://plasticindustries.net/up/do.php?img=338 (http://plasticindustries.net/up/)

[القلم الصريح]

في بيت الوالد داكت داخلي وصار له 25 سنه بدون مشاكل ولا تشويه للمنظر ولله الحمد

[طبيب قطري]

,

,


مرحبا

دكت خارجي افضل بكثير وانظف ولعده اسباب


اذا داخلي وصيانته من الداخل بياخذ حيز من المساحه وبياخذ زاويه والمساحه جنبه بتكون ضايعه
تغطيته من الداخل مافيها جماليات وبتستخدم مواد كثيره منها الالمنيوم
وبتخرب الشكل الجمالي لشكل والالوان السيراميك والديكور
وصيانته تسبب عفسه بالبيت خاصه لو حصل تسريب بعد سنوات
وهذا متوقع
لو حبيت تفكه بتلاقي مشكله ان السقف المستعار للحمام يتاثر ويحتاج فك ايضا لانه ملاصق له
يعمل صوت ( الهوى ) ويكون مسموع في البيت
يدخل ( غبار ) مهما كان محكم

بينما لو كان خارج بتكون مرتاح من كل هذي الامور
ولا تدري عنها


,

,


اخوك

شموخ دائم

اتفق معاك..