قطع الغيار والتصليح ........ برع قطر

[الأسبانية للمصاعد]

موضوع قديم يتجدد


بدون تفاصيل , خاصة انها واضحة للشباب

الواحد يضطر ايصلح سيارته جير ومكينة وشاصي في الشارجة وعجمان ودبي والحسا لانها ارخص بالف مرة

حتى تضبيط المواتر كيت او شراء قطع غيار اصلية ..... والله العظيم رخص التراب في كثير من القطع لكل السيارات

حماية المستهلك ... مستهلكة خلاص

والتاجر بدون رقيب

لآرائكم

[الأسبانية للمصاعد]

واحد شاري كراتين سفايف لبورش وكروزر ودرام ويلات

وتواير وووووو

ليش ؟؟؟؟؟؟؟؟؟؟

والله قهر

امس جاي من هناك من مع واحد من الربع والعالم امحملين اغراض سيارات

[7llo]

والله يالربع موتري يوم سويت حادث وجهه الموتر راح وطلعت الاير باقات , مع العلم موتري جي اكس 2011 رحت ابي اشتري القطع بس قطع بدون اير باقات طلعت علي القطع ب 16 الف مع العلم اخذت هل الاغراض من الحسا ب 6500 وتوصيل لين قطر ب400 والاير باقات طلعي علي مع السنسرات في الشركه ب 18 الف طلبلتهم من الحمادي الي في الامارات عطاني اياهم ب 8500 وتوصيل 350 ريال شوفو فرق الاسعاررر والله يالربع حررام وااايد اسعارنا مبالغ فيها ماعرف ليش

[bos3eed]

امس راجعين من دبي كلمنا واحد من الشباب جبنا له على الطياره قطع غيار وزنها اكثر من 70 كيلو

[نيساني]

المشكله راح يكون العذر اجاراتهم رخيصه

اغراض النيسان 2014 ليتات اماميه وخلفيه مع شبك في الدوحه ب10500 وفي البحرين والامارات ب8500


الله المستعان

[S S]

مرات لو تحسب مصاريف السفر بتحصلها أرخص وأفضل من التصليح عندنا

[airbus]

ماحد يقول أجارات الحين اي قطعة تطلبها ماتحصلها في الدوحة لازم الطلب من الوكالة يعني الوكالة ماعندها مخزن كبير لكل القطع حتى لو سيارتك موديل 2015

[بن لادن]

هذا الموضوع ماله حل ، ارجع وشوف من رؤوس غرفة التجارة ، هم نفسهم اصحاب الوكالات ..

ممنوع المحلات اتجيب قطع غيار من الخارج

تقدر اتجيب سيارات لكن ممنوع اتجيب قطع بقصد التجارة

اكثر من مليون طقم سفايف ينباع فالسنة لسيارات لاندكروزر فقط !! لو يربح 20 ريال من الطقم هذي بروحها 20 مليون ريال !! لكن الطمع يخليهم يبون يربحون 100 مليون من بدال ال 20 ..

[مواقف النجادة]

هذا الموضوع ماله حل ، ارجع وشوف من رؤوس غرفة التجارة ، هم نفسهم اصحاب الوكالات ..

ممنوع المحلات اتجيب قطع غيار من الخارج

تقدر اتجيب سيارات لكن ممنوع اتجيب قطع بقصد التجارة

اكثر من مليون طقم سفايف ينباع فالسنة لسيارات لاندكروزر فقط !! لو يربح 20 ريال من الطقم هذي بروحها 20 مليون ريال !! لكن الطمع يخليهم يبون يربحون 100 مليون من بدال ال 20 ..

:thumbup1:

[بوغانم995]

خوش موضوع : اولاً السلام عليكم أجمعين .
الصراحه عندي ليكزيس 2003 كوبيه وأبي لها قطع غير ...مثل جانبين قدام ...الخ ز
الوكاله نطلب لك وبعد كم يوم تصل الطلبيه ..10 أيام 20 يوم مافيه موعد محدد يمكن شهر ...واذا جات البظاعه لا أحد يتصل بك ..انته كل يوم تتصل ومن واحد لواحد علشان يخبرك عن الطلب ...و كموستكا مابوتي ......على طول الأنتر نيت حصلت كل الأغراض المطلوبه و هي سة قطع 2380 ريال .....بدون التركيب .....يعني المبلغ لن يتجاوز 3500 ...الأغراض من الوكاله ...مبلغ ......غريب مقارنه بمبل الدول المجاورها .....وبسسسسسسسسسسس

[بوغانم995]

خوش موضوع : اولاً السلام عليكم أجمعين .
الصراحه عندي ليكزيس 2003 كوبيه وأبي لها قطع غير ...مثل جانبين قدام ...الخ ز
الوكاله نطلب لك وبعد كم يوم تصل الطلبيه ..10 أيام 20 يوم مافيه موعد محدد يمكن شهر ...واذا جات البظاعه لا أحد يتصل بك ..انته كل يوم تتصل ومن واحد لواحد علشان يخبرك عن الطلب ...و كموستكا مابوتي ......على طول الأنتر نيت حصلت كل الأغراض المطلوبه و هي سة قطع 2380 ريال .....بدون التركيب .....يعني المبلغ لن يتجاوز 3500 ...الأغراض من الوكاله ...مبلغ ......غريب مقارنه بمبلغ الدول المجاورها .....وبسسسسسسسسسسس

[Aaziz]

50% من سبب الرخص هو ان الامارات و السعودية تعتبر اسواق كبيره ،، طلب كبير و تنافس تجار ينعكس ايجابياً على الاسعار
50% تجارنا طماعين اوي اوي

[BoFahed]

50% من سبب الرخص هو ان الامارات و السعودية تعتبر اسواق كبيره ،، طلب كبير و تنافس تجار ينعكس ايجابياً على الاسعار
50% تجارنا طماعين اوي اوي


اخوي لا تظلمهم ما انكر انه نسبة منهم طماعين وخصوصا المحتكرين واللي عندهم اراضي ومحلات ومخازن خذوها بسعر التراب

بس الاسعار المحلات حاليا توصل 10 اضعاف الدول المجاورة مثل السعودية شلون تبيهم يبيعون نفس البضاعه بنفس السعر باي منطق

المحل في ام صلال الحين ب 14 الف وهاي يعتبر اجار سنوي في السعودية :eek5::eek5:

[Eng. q6r]

عندي بي ام وبغيت ابدل لها قطع كثيره << بدون ذكر اسماء القطع لان القائمه طويله وناسيها

الزبده سألت في وكالة الفردان عن القطع اطلعو تقريبا كلهم على 27 الف

طلبتهم من الامارات على 7500 ريال !!!!!!!!!!

مساكم الله بالخير حماية المستهلك
واتركو عنكم الاسطوانه المشروخه اللي نسمعها كل يوم
اجارات واجارات اجارات واجارات

[بانغ بانغ]

عندي بي ام وبغيت ابدل لها قطع كثيره << بدون ذكر اسماء القطع لان القائمه طويله وناسيها

الزبده سألت في وكالة الفردان عن القطع اطلعو تقريبا كلهم على 27 الف

طلبتهم من الامارات على 7500 ريال !!!!!!!!!!

مساكم الله بالخير حماية المستهلك
واتركو عنكم الاسطوانه المشروخه اللي نسمعها كل يوم
اجارات واجارات اجارات واجارات

للأسف بس قادرين على المخابز والحلاليق ومحلات الفقارة

صادق

[فيصل99]

يالربع درت الدوحه ابي قطع حق موتري التيوتا شلخوني الي يعرف رقم مندوب فالحسا والامارات يشتريهم ويوصلهم لي يسوي خير

[Charisma]

قبل فتره اتصلوا فيني شركه سيارات في الدوحه
مسوين استبيان عن خدماتهم والجوده و و و و و
بكل سؤال اسالوه اعطي التقييم (2 او 1 )
يعني مقبول او سيء .. ويسالون ليش اقولهم
اسعاركم مبالغ فيها ودول مجاوره ارخص بكثير منكم
وانا متاكد ان الاغلب بيقيمهم نفس التقييم ..
وبعدها باسبوعين بتلقى في الجريده وبالخط العريض
الشركه الفلانيه تحصل على تصنيف الامتياز في خدماتهم
وتحوز على رضى العملاء .

[mr.hamouda]

هذا الموضوع ماله حل ، ارجع وشوف من رؤوس غرفة التجارة ، هم نفسهم اصحاب الوكالات ..

ممنوع المحلات اتجيب قطع غيار من الخارج

تقدر اتجيب سيارات لكن ممنوع اتجيب قطع بقصد التجارة

اكثر من مليون طقم سفايف ينباع فالسنة لسيارات لاندكروزر فقط !! لو يربح 20 ريال من الطقم هذي بروحها 20 مليون ريال !! لكن الطمع يخليهم يبون يربحون 100 مليون من بدال ال 20 ..

متأكد أنت !!!
قطع غيار موتري كلها من كراجات يقولون بضاعتهم اصليه من الامارات !!!

[حسن]

اولا مافي مقارنه بين ايجارت الدوحه وبين ايجارات باقي الدول
عندنا اضربها عشر اضعاف
وبعدين الرواتب بعد مافي مقارنه بينا وبين دول المنطقه واضربها بكم مره
والبعض بعشرات
هذه من الاسباب الاولى لارتفاع الاسعار
وهذه مالها علاقه في حمايه المستهلك
وحبيت اضيف شي دور حمايه المستهلك شغالين شغل الله يعطيهم العافيه
وحبيت بعد اقولكم ان الكثير من القطع اللي موجوده في السعوديه
مش اصليه مثل الوكاله
هذه حقيقه روح لحمايه المستهلك وشوف شلون بيراونكم الفرق
وبعدين لو اي وكاله مافيها قطع غيار واشتكيت لحمايه المستهلك
ليخالفونهم ويرصونهم رص
انت جيب اسم حمايه المستهلك جدام الشركه لو ماعندها قطع غيار يرتعبون رعب
بنفسي لما قلت لهم عن قطع غيار لموتر عندي مسوي حادث
قالولي بس امهلنا يومين ودبرولي ولاكان بيفكونها من موتر جديد
ويدبرونها لي كانو اشكالهم صاديهم رعب من حمايه المستهلك

الله يعطيهم العافيه

[بن لادن]

متأكد أنت !!!
قطع غيار موتري كلها من كراجات يقولون بضاعتهم اصليه من الامارات !!!

متأكد 100% ، يشترون من الوكيل بخصم التوزيع

لكن ممنوع يستورودون قطع أصليه لا من الامارت ولا اي بلد ثاني ..

[بن لادن]

اللي يقولون اجارات ، الايجارات مالها دخل في اسعار القطع ، الوكيل يملك الوكالة وليس مستأجر