الشحن مع القطريه

[ALJokar]

لو سمحتوا عندي استفسار بسيط انا عندي حجز ع درجه رجال الاعمال الى بريطانيا
لكن عندي 4 شناط هل بيسمحون لي فيها او بيدخلونها من غير ما ادفع شي لان وحده منهم كبيره و3 متوسطات يعني بالراحه الوزن بيوصل 90 كيلو وحول تقريبا اذا مو اكثر
واذا ابدفع كم بيوصل المبلغ اذا دفعت ؟
الي عنده خلفيه عن الموضوع ياليت يفيدني اكون شاكر له .

[المارونـــي]

لازم كل شنطه اكثر شي فيها 32 كيلو ماتزيد عن هالوزن اما بنسبة لدرجة رجال الاعمال كم كيلو مسموح لك ماعندي علم عنها بس الاغلب انك ماراح تفدع شي ان شاء الله

[للصبر اخر]

مسموح لك 40 كيلو بس

[ضوى]

لك اربعين كيلو ، وعشرة اذا عندك بطاقة الامتياز الفضية والباقي يدفعونك اياه ، دفعوني 22.5 يورو عن كل كيلو زايد

[Chambray]

اشحن اغراضك ابرك لك ، الكييلو بمبلغ وقدره على القطريه ، او شوف حد من ربعك رايح معاك وماعنده شئ ، اغلب الي يروحون بريطانيا يروحون دراسه ، واغراضهم في بريطانيا يعني يرجعون اغراضهم بسيطة ..

الوزن المسموح فيه 40 كيلو كونك رجال اعمال واذا عندك بطاقة الامتياز لك 10 او 15 كيلو اضافيه على حسب نوع البطاقه ، يعني 55 كيلو بيمشونها لك ، اكثر انسى :)

100 qar لكل كيلو اضافي

يعني 10 كيلو اضافي ( 1000 ريال )

40 كيلو اضافي ( 4000 ريال ) !!

[غير البشر]

لك 40 كيلو

كل كيلو زياده تدفع 110 ريال

اذا عندك البطاقه الفضيه مسموح لك 10 كيلو زياده يعني لك مجموع 50 كيلو مجاني
اذا عندك البطاقه الذهبيه مسموح لك 15 كيلو زياده يعني لك مجموع 55 كيلو مجاني
اذا عندك البطاقه البلاتينيوم مسموح لك 20 كيلو زياده يعني لك مجموع 60 كيلو مجاني


اذا بتشتري اوزان اضافيه عن طريق الاون لاين في موقع القطريه
بيطلع لك الكيلو اقل من 110 ريال

وبالتوفيق

[(عبدالله)]

مسموح لك بعدد 4 مب مشكلة لكن حجمها لازم تكون في حدود 406 سم.. يعني (الطول + العرض + الارتفاع) للشنطة الوحدة او الكرتون= 406سم

أنا رجعت من لندن أول أمس ومجرب :nice:

أما بالنسبة للوزن مسموح لك تشحن 40 كيلو + 10 (إذا بطاقتك عنابية) أو +15 (للفضية) أو +20 (للذهبية)

أنصحك تشحن الاغراض عن طريق شركات الشحن أحسن لك وأوفر لك

لقيت هالعناوين في موقع المسافرون العرب

مكتب الخليج للشحن
Tel 020 68350566
وهذا موقعهم على النت
http://www.gulfagencies.com/

وهذي زيادة ..
الشامل للشحن 02077230016

المكتب العربي للشحن 02073735017 (أغلب الأعضاء في العرب المسافرون ينصح فيه)

والله ييسر لك ويوفقك

[ALJokar]

ماقصرتوا بس احد يعرف شركات شحن من هنا قطر تبعث لبريطانيا ؟
Door to door