اهل الوكره او ذوي الخبره استفسار .... استفسار

[كروشيه]

السلام عليكم ورحمة الله وبركاته

اخواني وخواتي عندي ولدي عمره 13 سنه وحابه ادخله نادي ولا مركز يقضي وقت مفيد فيه بحدود يومين في الاسبوع او ثلاث بالكثير عشان ما يأثر على دراسته لانه جربت ودخلته النادي بس صراحه وايد اثرت على دراسته لانه النادي بشكل يومي وبعد الدوام المدرسي مباشره مافي راحه ويوصل البيت قريب صلاه المغرب واحيانا بعد العشى فيكون منهك وتعبان وماله خلق للدراسه كلش , فاضطريت اظهره من النادي بس هو شاب في سن مراهقه وحابه انمي شخصيته بشي مفيد ويكون المكان قريب من الوكره لانه المواصلات للاماكن البعيده صعبه علي والوقت ما يسمح مع المدارس ياريت حد عنده مقترح ولا معرفه بمكان زين اقدر اشاركه فيه

وشاكرين لكم وجزاكم الله كل خير

[سليمان احمد]

دخله تحفيظ قران ينصلح حاله ويربيه القران ويكون مكرم يوم القيامه على روؤس الاشهاد

[Al Basha]

وديه مسبح نادي الوكرة، كم يوم بالاسبوع بس منها يتعلم سباحة ويستفيد، منها يستانس ويغير جو، ومنها انه بيقدر يركز على دراسته لانه مب يومي، وربي يبلغكم فيه، في خيارات اكثر واكثر بس هاي قريب لكم