العقوبات المفروضة من البلدية ........ و أرواح هل قطر

[الأسبانية للمصاعد]

حماية المستهلك والبلدية وبعض إدارات الداخلية

بس حاطين راسهم في الفقارة

ومافي اصلا عقوبات رادعة ضد اي جهة اتضر بصحة القطريين والمقيمين

بس ايسكرونه شهر ويفتح مرة ثانية ويعوث في الارض فسادا

ليش كل محل لو خالف في منتج ايضر صحة الناس مثل المطاعم او الحلاليق او المنتجات المسمومة يتم اجبارهم على دفع غرامة خمسين او مية الف عشان يتأدب

كثير من المحلات بس غرامة مالية بسيطة واغلاق شهر .... ياخذونها اجازة بعض المخالفين

معقول محل ايبيع اكل محشو بالزهيوية وبشاميل الببريعصية .... بس خمسة الاف ريال غرامة واغلاق شهر

لازم رادع وقص راس فهذه حياة الناس مب لعبة

للقصف وشكرا

[الأسبانية للمصاعد]

سووووري سووووووري يمكن العنوان ما يعبر عن اللي مكتوب وكنت باغيره بس يالله خلاص ارسلته

[معاند احساسه]

صباح الخير الله كريم صبر جميل

[ودي أكون]

50 والا 100 !! ..:rolleyes2:

ليش كم مدخول المحلات لصغيره ف ظنك !

غرامه + تسكير شهر / يعني شهر مافي دخل من المحل وغير رواتب العمال ..

ترا القصد من العقوبات اخوي التأديب مو هلاك اصحاب المحلات ..

العقوبه تكفي اعتقد .. وجهة نظر

[وحيد-الشوق]

تذكرت محل السمبوسة في الوكرة سكروه البلدية شهر لقوا صراصير في العجين وفي المطعم وفي الاخير فتح والعالم تاكل منه !!

[الأسبانية للمصاعد]

50 والا 100 !! ..:rolleyes2:

ليش كم مدخول المحلات لصغيره ف ظنك !

غرامه + تسكير شهر / يعني شهر مافي دخل من المحل وغير رواتب العمال ..

ترا القصد من العقوبات اخوي التأديب مو هلاك اصحاب المحلات ..

العقوبه تكفي اعتقد .. وجهة نظر

غريبة ... لا قدر الله وصار شي لعيالك الله يحفظهم

اكيد بتتمنين هلاك المجرمين

احترم رأيك وهذا للنقاش

مشكورة على المداخلة

[ودي أكون]

غريبة ... لا قدر الله وصار شي لعيالك الله يحفظهم

اكيد بتتمنين هلاك المجرمين

احترم رأيك وهذا للنقاش

مشكورة على المداخلة

يعني حسستني ان الـ 50 والا الـ 100 بترجع اعيال الناس لو صار شيء ..:rolleyes2:

[الأسبانية للمصاعد]

يعني حسستني ان الـ 50 والا الـ 100 بترجع اعيال الناس لو صار شيء ..:rolleyes2:


حلو هذا اللي ابيه

قبل ما الناس تخسر اعيالهم

ايحطون رادع

الله يخليك خلي النقاش لغيرك لان مداخلاتك ما فيها موضوعية ولا فايدة للاعضاء

[العلياا]

تذكرت محل السمبوسة في الوكرة سكروه البلدية شهر لقوا صراصير في العجين وفي المطعم وفي الاخير فتح والعالم تاكل منه !!

:rolleyes2::rolleyes2:

[Right]

الحكمة من ذلك ، لكنكم لا تعلمون !!


هم يبون بطونكم تتعود على الأكل التعبان والملوث ،

عشان إذا سافرتوا وكلتوا شيء تبعان تكون حزتها عندكم مناعة مسبقة !!

[ريتويت]

استغفر الله اصلا المفروض العالم يكون عندهم وعي شوي بمطاعم الشوراع والمحلات الصغيره لان اكيد مابيكون عندهم نظافه ولاذمه ولاضمير.. خصوصا لما يكون فيه ظ¤ او ظ¥ هنود يعني بصراحه هالجنسيه معروفه بالوصاخه مايهم زهيوي دخل فاكل او غيره.. ياحلاته اكل البيت نظيف وصحي وتدرين شنو الي فيه ومسويته بايدينج

[بانغ بانغ]

صراحة الموضوع خطير

من فترة صالون نسائي ايبيع حق الحريم اشياء مش معتمده وتسبب في ايذاء الحريم وتساقط الشعر ( في الجريدة من كم شهر )

وفي محل الصابون الشهير اللي ايبيع دهن الخنزير اجلكم الله في الصابون

والله الموضوع خطير ومحد راح ايحس الا لين ايصير شي

المشكلة ان احنا شعب لا نفكر في الوقاية الا بعد المرض والمشكلة

اشكرك على الموضوع

[بانغ بانغ]

وأيضا اتذكر الطفل المصري الله يرحمه اللي عمال اشغال او كهرماء تركوا البالوعة مفتوحة وطاح ومات

من بيعوض هله وبيحاسب المقصرين

في نفس السياق , انا طرحت موضوع بخصوص حقوق الناس مهضومة

[الأسبانية للمصاعد]

مرة رحت البحار اشتري العاب كشرة حق اليهال سندروني

وجيت احاسب , ايقول الصغير يبا في فرو في اللعبة ...... يوم شفت اللعبة من الخلف وإذا بفار ميت مرعوص في اللعبة الظاهر شارد من الرف

اتصلت في الشرطة وحماية المستهلك وراعي المحل وصل وقام يترجاني وووو

طبعا حماية المستهلك ما وصلوا ابدا

الشرطة خذت محضر وقالت لي لو ابغي اسامح راعي المحل راح ايكون احسن ...

قكرت فيها صار لي ساعتين منتظر ... فسامحته

النقطة هي = كم فار انرعص وكم بلاوي جت ومسكها اطفال وصار لهم شي ويمكن ماتوا من هالشي

مين بيحاسبهم

لا قانون ولا بطيخ

والله لو في اوروبا كان رفع قضية وحصله كم مليون

[همر]

انت تبي تعاقب الاجنبي اللي يشتغل ..

في النهايه بتعاقب القطري راعي الحلال ..


من كم يوم كنت في لخويا .. حاجزين سيارة واحد

قطري متقاعد مأجرها على مصنع ..

دريول الرجال طبعاً اسيوي صايدينه

التحريات يتكس بسيارة الكفيل ..

ويصكونه حجز اسبوعين ..

تعال شوف حال الكفيل وهو صادق ..

حجز السياره عقوبة للكفيل مب للسايق

لأنه بيخسر عقده مع المصنع ..

انا متقاعد وراتبي عشرة الاف

ومأجر السياره بخمسة الاف اترزق منها

وش ذنبي ؟!!


مطلوب من كل القطريين السعي وراء دخل

ثاني من باب الاعتماد على النفس في رفع مستوى

المعيشه والاكتفاء الذاتي ...

في نفس الوقت تحملوا عواقب تشغيل

الاجانب في محلاتكم ومطاعمكم وسياراتكم !!


مافي الا القطري يشتغل في مطعمه ولا حلاقه

ويسوق سيارة الورة بنفسه !!!

[نور الحور]

هالموضوع على أهميته وتقديري لصاحب الموضوع لاهتمامه وخوفه .. فيه كمية معلومات وملاحظات تثير الغثياااااااان :eek3:


أنا اتفق مع همر في الرد .. وفي نفس الوقت ما أخلي مسؤولية المستهلك عن عدم التنازل عن حقه وفي الإبلاغ عن مثل هالحالات

[حفيدعمر]

المفروض اول مره يتسكر شهرين وغرامة 15000 الف وثاني مرة 4 شهور وغرامة 30000 الف ريال

[Dmy Enabi]

حد يفهمني شدخل الأجانب ؟

[Dmy Enabi]

انت تبي تعاقب الاجنبي اللي يشتغل ..

في النهايه بتعاقب القطري راعي الحلال ..


من كم يوم كنت في لخويا .. حاجزين سيارة واحد

قطري متقاعد مأجرها على مصنع ..

دريول الرجال طبعاً اسيوي صايدينه

التحريات يتكس بسيارة الكفيل ..

ويصكونه حجز اسبوعين ..

تعال شوف حال الكفيل وهو صادق ..

حجز السياره عقوبة للكفيل مب للسايق

لأنه بيخسر عقده مع المصنع ..

انا متقاعد وراتبي عشرة الاف

ومأجر السياره بخمسة الاف اترزق منها

وش ذنبي ؟!!


مطلوب من كل القطريين السعي وراء دخل

ثاني من باب الاعتماد على النفس في رفع مستوى

المعيشه والاكتفاء الذاتي ...

في نفس الوقت تحملوا عواقب تشغيل

الاجانب في محلاتكم ومطاعمكم وسياراتكم !!


مافي الا القطري يشتغل في مطعمه ولا حلاقه

ويسوق سيارة الورة بنفسه !!!



+1 صحيح الهمة ياناس لاتعتمدون على حد كلش ولا 1%

[بانغ بانغ]

القصد هو ان الأجنبي هو اللي يتعامل مع الجمهور

القطرية ما راح اتبيع سمبوسة

والقطري ما راح يشتغل نجار

الموضوع برمته , الضرب بيد من حديد على المقصرين واللي ارواح الناس بيدهم

اما الكفيل او راعي المحل ماله خص وقت المشاكل

صحيح لازم ايجابل شغله بس محد يتحمل اخطاء الثانيين