الى متى وغلاء الأسعار تغزونا ....

[بومحمد المطاوعه]

السلام عليكم ورحمة الله وبركاته ..

شخباركم يا أخواني وأخواتي فالله ..

صبحكم الله بالخير .. جميعآ

موضوعي اليوم ..

الى متى وغلاء الأسعار تغزونا ؟؟

الصراحه اسعار مبالغ فيها هنا في دولتنا الحبيبه قــطـــر

لماذا .؟ وأين حمايه المستهلك .؟

يوم الجمعه سافرت لـدبي لغرض حق السياره والبيت
طبعآ فرق الأسعار شيء لايوصف اول ماوصلت دبي رحت محلات الكهربائيه في دبي

وشريت ثريات للصاله والمجلس
والأسعار خياليه وفرق بين اسعارنا هني

4 ثريات كبيره + 4 كشافات للحوش + ورق جدران ايطالي للمجلس طلع علي ب 3500 ريال

في الدوحه الثريات كلفوني 5000 وشوي وورق الجدران كلفني تقريبآ 2000 وشوي


فرق شاسع فالأسعار ...!

ويوم السبت الصبح
رحت محل التواير اشتري تواير اماميه لموتري الكورفت

http://im63.gulfup.com/mGb7vB.jpg (http://www.gulfup.com/?wSlVBG)

نيتو

275/35/18 NITTO INVO

في الدوحه التاير الواحد على : 1200 ريال وسنه الصنع 2013

وانا شريتهم من الشارجه الأثنين على 1200 وسنه الصنع 2014

نفس النوع ونفس النقشه والحجم وكل شي

يعني الواحد على 600 ريال طبعآ مع المكاسر لأن كان ب 650

وخذت 4 تواير لي 2 وحق رفيجي 2


ليش هالتخبط فالأسعار ..؟
وين الرقابه

من قبل طرحت موضوع التواير للجمس

نوعهم قود يير 20

طبعآ حدث ولا حرج هني فالسعر
عند كيو تاير التاير الواحد على 1150 ريال

فالأمارات وفي الشارجه بالتحديد 650 ريال

تخيلو الفرق
نفس النوع ونفس الضمان ونفس القياس والنقش

حتى خذيتهم من الشارجه وييت عند كيو تاير قلت له ركبهم وخذ الفاتوره شوف السعر
انصدم الفلبييني ماقدر يتكلم


انا اتمنى من اي شخص يبي يتشرى لايتعنى للمشتريات القليله
لو الموضوع يستاهل تعنى له

انا رحت لان الموضوع يستاهل وفرق شاسع بين الأسعار



اترك الموضوع لكم والنقاش الطيب


دمتم في حفظ الرحمن :)
بومحمد المطاوعه

[Right]

ردد يا ليل ما أطولك !!


حماية المستهلك out of service !!

[بومحمد المطاوعه]

ردد يا ليل ما أطولك !!


حماية المستهلك out of service !!




الظاهر جذي ياخوي

سيرفس للأجانب والمقيمين يمكن بس اما القطري مضروب على راسه

[ودي أكون]

ماشاءالله عليك أخوي بومحمد .. فرق شاسع ف الاسعار والله المستعان

خلاص كل ما احتجنا شيء مافي الا انوكلك اتجيب لنا .. بس بدون فوايد :shy: .. والا ما سوينا شيء :tease:

أمزح^ .. بس بالفعل الموضوع محتاج وفقه جديه لان صار تلاعب في الاسعار ومبالغات خلت الواحد يتعنى ويروح برع.. وحتى احنا البنات صرنا نطلب من برع ( اكوالتي وفرق فالسعر ) والسبب الطمع الزايد اللي عند التجار !!

الله المستعان

[لـبـيـه]

طول ما اصحاب القرار هم نفسهم اصحاب العقار

والمتهم هو القاضي والحكم

[A-Alansari]

سؤال يبطح نفسه

هل حماية المستهلك لها حق تتحكم في سعر البضاعة الي يبيعها التاجر؟

او انه لها حق انه مايرفع السعر بدون موافقة؟

اذا كان الاول فيعني حماية المستهلك في سبات

اما اذا الثاني فلاحول ولا قوة لهم

[حمد 2002]

تبي الاسعار تنخفظ ،، وتبي سياحه تجاريه ؟ وتبي نكسر سوق دبي ؟

انخلي الدوحه بدون قوانين بالتجاره وتقدر اتبيع من اي مكان وتستورد اي بضاعه وبدون جمارك وشروط وقوانين ، وانخلي التجاره سهله ((للمواطنين )) ونكسر الاحتكارات ، ووقتها دبي وغيرها باي باي ،،


حمد 2002

[العلياا]

من قبل يومين رفيجتي تشتكي لي من نفس الموضوع تقول زوجها سافر الامارات عشان ياخذ سيراميك لبيتهم الجديد قالت لقى اهنيه قريب ال200 وشوي الف وهناك ب75 الف وحق الشحن الفين والرسوم 700 ريال يعني ما يوصل ال 100 الف !!!!!

لا تعليق بصراحة :)

[بومحمد المطاوعه]

ماشاءالله عليك أخوي بومحمد .. فرق شاسع ف الاسعار والله المستعان

خلاص كل ما احتجنا شيء مافي الا انوكلك اتجيب لنا .. بس بدون فوايد :shy: .. والا ما سوينا شيء :tease:

أمزح^ .. بس بالفعل الموضوع محتاج وفقه جديه لان صار تلاعب في الاسعار ومبالغات خلت الواحد يتعنى ويروح برع.. وحتى احنا البنات صرنا نطلب من برع ( اكوالتي وفرق فالسعر ) والسبب الطمع الزايد اللي عند التجار !!

الله المستعان

اكييييييييييد فرق شاسع اختي

هههههههههههههه بدون فوايد ماتحرك من مكاني :tease:

الله يهديهم جشع التجار هذي

[بومحمد المطاوعه]

طول ما اصحاب القرار هم نفسهم اصحاب العقار

والمتهم هو القاضي والحكم

الله المستعااان

[بومحمد المطاوعه]

سؤال يبطح نفسه

هل حماية المستهلك لها حق تتحكم في سعر البضاعة الي يبيعها التاجر؟

او انه لها حق انه مايرفع السعر بدون موافقة؟

اذا كان الاول فيعني حماية المستهلك في سبات

اما اذا الثاني فلاحول ولا قوة لهم

الله اعلم
ولاكن المفروض يشوفون الاسعار
ويشوفون موضوع الجشع

[بومحمد المطاوعه]

تبي الاسعار تنخفظ ،، وتبي سياحه تجاريه ؟ وتبي نكسر سوق دبي ؟

انخلي الدوحه بدون قوانين بالتجاره وتقدر اتبيع من اي مكان وتستورد اي بضاعه وبدون جمارك وشروط وقوانين ، وانخلي التجاره سهله ((للمواطنين )) ونكسر الاحتكارات ، ووقتها دبي وغيرها باي باي ،،


حمد 2002

هههههههههه حمد مب جذي عاد وين قاعدين ف غابه

[بومحمد المطاوعه]

من قبل يومين رفيجتي تشتكي لي من نفس الموضوع تقول زوجها سافر الامارات عشان ياخذ سيراميك لبيتهم الجديد قالت لقى اهنيه قريب ال200 وشوي الف وهناك ب75 الف وحق الشحن الفين والرسوم 700 ريال يعني ما يوصل ال 100 الف !!!!!

لا تعليق بصراحة :)


صح كلامج اختي

هاي ولاشي

اصلن لو راح الرياض ارخص وارخص بعد

[المحقق كونان]

كل شي غالي عندنا وتجار محد يوقفهم عند حدهم

مادري الي عندنا صانعينه من الذهب والي برع قطر بدون ذهب !!

[بـارود]

صرنا مطنزه للي يسوى واللي ما يسوى
والبلا في الأسعار اللي مب راضيه تطيح
كأن اللي عندنا يقولون لك : لو فيك خير
اشتر من عندنا !

[ameeer3]

حماية المستهلك نوم العوااافي وأحلام سعيدة

[Right]

حماية المستهلك نوم العوااافي وأحلام سعيدة





ههههههههههههههه :nice:

[Dana’1]

اسعار غالية هذا اذا مو غش بالبضاعة بعد!
تو وحدة كاتبة موضوع عن غش محل مجوهرات معرووف غاشها بساعة.. كنت برد الا الموضوع أختفى الظاهر انحذف!
ياإن راعية الموضوع اخذفتة لسبب خاص فيها.. وهذا من حقها طبعا

أو إن الواسطة وصلت هنا!!
او العتب عالنظر:)

والله أعلم

[بومحمد المطاوعه]

كل شي غالي عندنا وتجار محد يوقفهم عند حدهم

مادري الي عندنا صانعينه من الذهب والي برع قطر بدون ذهب !!

ههههههههههههه
اي والله
شدراني يمكن لأن الي هني محطوطه على رفوف من ذهب :tease:

[بومحمد المطاوعه]

صرنا مطنزه للي يسوى واللي ما يسوى
والبلا في الأسعار اللي مب راضيه تطيح
كأن اللي عندنا يقولون لك : لو فيك خير
اشتر من عندنا !

الله المستعان
صدقت في كلامك

[بومحمد المطاوعه]

حماية المستهلك نوم العوااافي وأحلام سعيدة

هههههههههههه
نوم العوافي

[بومحمد المطاوعه]

اسعار غالية هذا اذا مو غش بالبضاعة بعد!
تو وحدة كاتبة موضوع عن غش محل مجوهرات معرووف غاشها بساعة.. كنت برد الا الموضوع أختفى الظاهر انحذف!
ياإن راعية الموضوع اخذفتة لسبب خاص فيها.. وهذا من حقها طبعا

أو إن الواسطة وصلت هنا!!
او العتب عالنظر:)

والله أعلم

هههههههههه

اما الواسطه تتحكم بعد هني

[Mbarkaji]

الظاهر جذي ياخوي

سيرفس للأجانب والمقيمين يمكن بس اما القطري مضروب على راسه

لا والله ياخوي الغلا ع الجميع دبحني الغلا بس الشكوي لرب العباد

[بوNasser]

تجارنا بوق عيني عينك
بس

هل فيه اصلا توجه من الدولة لخفض الأسعار؟؟؟؟؟

ناخذ كم مثال

محلات بروة

الاراضي من الدولة ببلاش، وتسهيلات في كل الامور ،

وفي الأخير

اسعار الايجار للمحلات (بدلا من ان تكون باسعار رمزية او متناسبة من الكلفة الفعلية) لقيناها أغلى من باقي المناطق التجارية.


اسعار الوقود

لما ترفع الدولة فجأة اسعار الوقود والديزل، ما تتوقعون ان التجار بيطلعون هالزيادة من كبودنا؟؟؟


وكالات السيارات

لما رئيس الوزراء السابق حمد بن جاسم يطالب الوكالات بخفض اسعار السيارات والا فيه اجراءات بتتخذ، وبعدين ما فيه اي اجراء او متابعة....
ما تتوقعون الوكالات بطنش، لا وبتستقوي اكثر.

الامثلة كثيرة والله المستعان

تحياتي للجميع

[بومحمد المطاوعه]

لا والله ياخوي الغلا ع الجميع دبحني الغلا بس الشكوي لرب العباد

انا معاك ياخوي
الغلا على الكل

لاكن اقصد حمايه المستهل

يسمعون للمقيمين والأجانب
اما القطريين مضروب على راسنا

[ANONYMOUS]

ياأخي الاجارات غاليه فلا تنتظر اسعار اقل

بالاضافه إلى ان عدد الكاستمرز في الدوحه قليل مقارنه باسواق الامارات والمملكه

اذا عندي محل في الرياض ببيع خمسين الف قطعه ( ل خمسين الف عميل ) بربح مئة ريال .... اذا في الدوحه على اساس ابيع الف قطعه (ل الف عميل ) احتاج ربح خمسمائة ريال .. على اساس اغطي المصاريف .. هذا مثال

والتاجر يبي يغطي المصروفات ويربح

اجار المحل الواحد هالايام = ايجار فيلا

[wesam82]

واحد من الربع من سنيين قال لي أن القطري هو اللي يسبب الزيادة..!!
قال لي على سبيل المثال: قطري يروح لمحل تأجير السيارات علشان يستأجر رنج روفر وموظف المحل يقول الإيجار ب600 بس السيارة محجوزة. القطري يقول للموظف بعطيك 1000 ريال بس تعطيني الموتر وتعتذر للي حجز الموتر والموظف صار فيه طمع ووافق وصار الموظف يرفع الأسعار
حتى مرات إذا رحت للمحلات أشوف القطري يقول للعامل بعطيك فلوس زيادة بس خلص لي هالشغلة
وطبعا القطري يشتري زيادة زيااادة عن حاجتة اليومية وبكميات في الجمعيات وكل مكان
والقطري صاحب عقار المحلات يزيد سعر الإيجار وبالتالي راعي المحل يرفع أسعار البضائع بسبب قيمة الإيجار والقطري المستهلك يدفع قيمة البضاعة بالأسعار الغالية


يعني في النهاية القطري مبهذل أخوه القطري

[كيلو حديد]

دام في ناس يشترون ليش ينزل التاجر الاسعار
محد يبغي يتعب ويصبر
لو افترضنا قرروا الناس عدم شراء السيارات الجديدة لمدة سنتين فقط
سترى ماذا سيحصل لاسعار السيارات وقطع الغيار

واحد من الربح جاب قطع غيار التاهو من امريكا بالدي اتش ال
طلع سعرهم بالشحن اقل ب 40% من سعر الدوحه
غيره مستعد يدفع
خله يدفع بس لا يتشكى
الي سويته هو الصح والله يبارك لك
غيرك يقول 600 ما تسوى وهم الأكثرية

[كيلو حديد]

ياأخي الاجارات غاليه فلا تنتظر اسعار اقل

بالاضافه إلى ان عدد الكاستمرز في الدوحه قليل مقارنه باسواق الامارات والمملكه

اذا عندي محل في الرياض ببيع خمسين الف قطعه ( ل خمسين الف عميل ) بربح مئة ريال .... اذا في الدوحه على اساس ابيع الف قطعه (ل الف عميل ) احتاج ربح خمسمائة ريال .. على اساس اغطي المصاريف .. هذا مثال

والتاجر يبي يغطي المصروفات ويربح

اجار المحل الواحد هالايام = ايجار فيلا
كلامك صحيح
الغلاء الحاصل اساسه ارتفاع الاجار
بس التاجر ما خسر شيء لان المستهلك هو الي يدفع
التاجر نجى وصاحب العقار نجى والمستهلك يتحمل
البعض ماعنده مشكله
والبعض يحاسب و مايبغى حد يقص عليه
بو محمد عجبني بالي سواه

لو فرق السعر ما يهمه يتبرع فيه لفقير افضل من انه يعطيه للتاجر ليزداد غنى

[بومحمد المطاوعه]

للرفع المناقشه ...

[BoFahed]

السلام عليكم ورحمة الله وبركاته ..

شخباركم يا أخواني وأخواتي فالله ..

صبحكم الله بالخير .. جميعآ

موضوعي اليوم ..

الى متى وغلاء الأسعار تغزونا ؟؟

الصراحه اسعار مبالغ فيها هنا في دولتنا الحبيبه قــطـــر

لماذا .؟ وأين حمايه المستهلك .؟

يوم الجمعه سافرت لـدبي لغرض حق السياره والبيت
طبعآ فرق الأسعار شيء لايوصف اول ماوصلت دبي رحت محلات الكهربائيه في دبي

وشريت ثريات للصاله والمجلس
والأسعار خياليه وفرق بين اسعارنا هني

4 ثريات كبيره + 4 كشافات للحوش + ورق جدران ايطالي للمجلس طلع علي ب 3500 ريال

في الدوحه الثريات كلفوني 5000 وشوي وورق الجدران كلفني تقريبآ 2000 وشوي


فرق شاسع فالأسعار ...!

ويوم السبت الصبح
رحت محل التواير اشتري تواير اماميه لموتري الكورفت

http://im63.gulfup.com/mGb7vB.jpg (http://www.gulfup.com/?wSlVBG)

نيتو

275/35/18 NITTO INVO

في الدوحه التاير الواحد على : 1200 ريال وسنه الصنع 2013

وانا شريتهم من الشارجه الأثنين على 1200 وسنه الصنع 2014

نفس النوع ونفس النقشه والحجم وكل شي

يعني الواحد على 600 ريال طبعآ مع المكاسر لأن كان ب 650

وخذت 4 تواير لي 2 وحق رفيجي 2


ليش هالتخبط فالأسعار ..؟
وين الرقابه

من قبل طرحت موضوع التواير للجمس

نوعهم قود يير 20

طبعآ حدث ولا حرج هني فالسعر
عند كيو تاير التاير الواحد على 1150 ريال

فالأمارات وفي الشارجه بالتحديد 650 ريال

تخيلو الفرق
نفس النوع ونفس الضمان ونفس القياس والنقش

حتى خذيتهم من الشارجه وييت عند كيو تاير قلت له ركبهم وخذ الفاتوره شوف السعر
انصدم الفلبييني ماقدر يتكلم


انا اتمنى من اي شخص يبي يتشرى لايتعنى للمشتريات القليله
لو الموضوع يستاهل تعنى له

انا رحت لان الموضوع يستاهل وفرق شاسع بين الأسعار



اترك الموضوع لكم والنقاش الطيب


دمتم في حفظ الرحمن :)
بومحمد المطاوعه


اخوي بومحمد الموضوع انكتب وتكلم عنه المختصين والاعلاميين والمسئولين والمجالس والصغار والكبار الالاف المرات لانه التطور والمشاريع اللي صارت بالبلد وتضاعف عدد السكان 3 مرات من 600 الف لين 2 مليون !!!

صارت بشكل سريع جدا والبلد ما تحملته هذا غير التخبط الحكومي والتخطيط السيء اللي صار من هدم مناطق باكملها والتاخير في المشاريع الخدميه

البلد تعاني من سوء تخطيط وادارة ولا سمو الامير(الله يحفظه ) مب مقصر حاط اكبر الميزانيات في المنطقة(بالنسبة لعدد السكان ) علا المشاريع والتعليم والصحة بس المشكلة في سوء ادراتها وتنفيذها والنتيجة معاناة المواطن في كل شي علا رغم الامكانات المهولة .

انا اشوف الوضع يبيله وقت ولازم نصبر والحكومة الجديدة برئاسة سعادة الشيخ عبدالله بن ناصر اشوفها مب مقصره واحنا كلنا ثقة فيه لانه رجل وطني وشريف بكل ما تحمله الكلمة من معنى ويسعى ليل نهار علا حل المشاكل القديمة والشعور بالمواطن وتطوير البلد بس يبيلها وقت لانه ما يملك عصا سحرية لحلها

ومنها معضلة الايجارات عندك مشروع الفرجان وتاجير المحلات باسعار رمزية علشان تقل الاسعار علا المواطن وتخدمه وعند مشروع قاعات الزواج واستفادة المواطنينمن اسهم اكبر الشركات الحكومية مثل امسيعيد للمواطنين وغيره وغيره والخير جاي ان شالله.

مب من العدل والمنطق انه تقارن اسعارنا ب دبي والسعودية بسبب الايجارات اللي اضعافهم بس انا معاك انه المشكلة لما يكون السعر الدبل بس ان شالله الحكومة الجديدة تساعد الكل تجار ومواطنين علا خفض السعر

[بومحمد المطاوعه]

اخوي بومحمد الموضوع انكتب وتكلم عنه المختصين والاعلاميين والمسئولين والمجالس والصغار والكبار الالاف المرات لانه التطور والمشاريع اللي صارت بالبلد وتضاعف عدد السكان 3 مرات من 600 الف لين 2 مليون !!!

صارت بشكل سريع جدا والبلد ما تحملته هذا غير التخبط الحكومي والتخطيط السيء اللي صار من هدم مناطق باكملها والتاخير في المشاريع الخدميه

البلد تعاني من سوء تخطيط وادارة ولا سمو الامير(الله يحفظه ) مب مقصر حاط اكبر الميزانيات في المنطقة(بالنسبة لعدد السكان ) علا المشاريع والتعليم والصحة بس المشكلة في سوء ادراتها وتنفيذها والنتيجة معاناة المواطن في كل شي علا رغم الامكانات المهولة .

انا اشوف الوضع يبيله وقت ولازم نصبر والحكومة الجديدة برئاسة سعادة الشيخ عبدالله بن ناصر اشوفها مب مقصره واحنا كلنا ثقة فيه لانه رجل وطني وشريف بكل ما تحمله الكلمة من معنى ويسعى ليل نهار علا حل المشاكل القديمة والشعور بالمواطن وتطوير البلد بس يبيلها وقت لانه ما يملك عصا سحرية لحلها

ومنها معضلة الايجارات عندك مشروع الفرجان وتاجير المحلات باسعار رمزية علشان تقل الاسعار علا المواطن وتخدمه وعند مشروع قاعات الزواج واستفادة المواطنينمن اسهم اكبر الشركات الحكومية مثل امسيعيد للمواطنين وغيره وغيره والخير جاي ان شالله.

مب من العدل والمنطق انه تقارن اسعارنا ب دبي والسعودية بسبب الايجارات اللي اضعافهم بس انا معاك انه المشكلة لما يكون السعر الدبل بس ان شالله الحكومة الجديدة تساعد الكل تجار ومواطنين علا خفض السعر

بارك الله فيك ياخوي
وجزاك الله خير

والله يحفظ اميرنا الغالي ويشهد الله ان لم يقصر معنا بأي شي ولله الحمد

عسى ربي يطول عمره وعمر اميرنا الوالد

بس ياخوي بخصوص الارتفاع

ترى نفس الشركات هنا هناك

مب غير ولا غير المصنع

[كازانوفا]

حتى السوق الصينى غالي..حسبي الله عليهم

[ام ناصر1]

من المشاكل الي مالها حل ...تدري ليش
بسبب التجارة ونوعية التجار والملاك لدينا ...نخبة ...التجارة في قطر مش للصغار والي ما عندهم علاقات ...إضافة لاخطاء شخصية ...بعد تجربتين في المجال التجاري وكلها بائت بالفشل والديون والمخاسير
بسبب أمور تتعلق بكون ميناء قطر ليس بميناء رئيس بالمنطقة ...إذا تجيب إي بضاعه تنتظر بالشهور وتتحمل طول فترة دورة الاستيراد والشحن
وبسبب التوجه العام ...وبخاصة الحكومي منه
بمعنى هل تريد حكومتنا الرشيدة ....وقف احتكار التجار ...تبي تصف مع الي فوق أو الي تحت ...وتشرع لذلك ....وتعاقب على ذلك
هل تريد الحكومة مجتمع منتج أو استهلاكي ....إذا تبي مجتمع منتج وين الدعم للمشاريع الميكرو ..بو 100 ألف ونازل

وهل المجتمع يبي معادلة معاش عادي واسعار حلوة ومقبولة ..... أو معاش عالي واسعار عالية ...وياريت في قطر رفع الاسعار بطريقة علمية بسبب جودة الاعمال أو المنتج أو الندرة
بل بسبب طمع هذا العامل وذاك المهندس وذاك البايع و جشع هذا التاجر وذاك الهامور ....وهاي اهو الي يحر والله ....

[الجوكر90]

سبحان الله دوم تحطون اخاطاكم ع غيركم
اذا انتو عرفتو ان مب كل شي تتمنونه لازم تشترونه بعدين قولو ليش الاسعار ترتفع
ليش قبل يوم نروح كنتاكي الظهر نحصل غداء حتى الاسباع ب15 وكانو كل شوي يمرون علينا ويحطون لنا دياي وشبس وببسي
اما الحين 3 قطع ب15 وخلاص
لان كنا نعتمد ع اكل الييت ومره فالاسبوع ناكل من المطاعم
وليش قبل سنه 2008 كنا نركب اسيام 4 تواير ب2200
الحين 4 تواير ب4000
لان اليهال كبروا وتعلمو يستعرضون واهاليهم يعطونهم فلوس من غير كلمه ليش او لا

يعني دوم تحصل الشعب هو سبب الارتفاع فالاسعار او خفض الاسعار

[ريتويت]

حتي الجمعيه اسعارها تغيرت

[بومحمد المطاوعه]

للرفع والمناقشه

الله المستعان