المساعد الشخصي الرقمي

مشاهدة النسخة كاملة : شلون احول فلوس لـ لندن؟( مصاريف جامعة)


Al Basha
03-09-2014, 07:15 AM
السلام عليكم ورحمة الله وبركاته
عندكم حد ببريطانيا، شلون تحولون له فلوس ؟
50 الف ريال مثلاً؟ او 10000 باوند
الكاش صعب حد يشيله معاه،
عندكم طرق ثانيه ؟ بقى حد يستخدم الشيكات السياحية ولا ما تنفع؟
بوNasser
03-09-2014, 08:24 AM
السلام عليكم ورحمة الله وبركاته
عندكم حد ببريطانيا، شلون تحولون له فلوس ؟
50 الف ريال مثلاً؟ او 10000 باوند
الكاش صعب حد يشيله معاه،
عندكم طرق ثانيه ؟ بقى حد يستخدم الشيكات السياحية ولا ما تنفع؟

السلام عليكم ورحمة الله

بعد احداث سبتمبر وعلى قولتهم تمويل الارهاب صارت مسألة التحويل شوي صعبة

اسهل حل افتح لك حساب في بنك في بريطانيا وحول له.

ايام ما كنا ندرس هناك فتحنا حسابات في البنك البريطاني hsbc وكنا نحول بدون مشاكل

بنك قطر الوطني ايضا له فرع في لندن، تقدر تحول له هناك ، ومن هناك تقدر تسحب او تحول الى اي بنك لك حساب فيه في اي مدينة بريطانية.

ما ادري اذا البنوك الاسلامية لها افرع هناك او لا.

ايضا تقدر تستخدم بطاقة البنك الاي تي ام، للمشتريات والسحب النقدي (المحدود)، وتقدر ترفع الحد الاقصى للفيزا وتستخدمها وأمورك في السليم.

موفق بإذن الله
Al Basha
03-09-2014, 10:08 AM
الله يرضى عليك يا بو ناصر
بس بخصوص بنك hsbc، هل يحتاج افتح حساب بالفرع اللي بقطر؟ ولا افتح حساب هناك واطرش عن طريق رقم الايبان ؟ ونفس السؤال ينطبق لبنك قطر الوطني
بوحارب
03-09-2014, 12:17 PM
ياخي ماله داعي 5000 باوند تكفيني

انتظرك :)
Al Basha
03-09-2014, 12:57 PM
ياخي ماله داعي 5000 باوند تكفيني

انتظرك :)
ما هي من قدرك و مقامك ولا تفدى راسك يا بو حارب :)
ما قلت لي دامك خبير لندن شتسوي في مثل حالاتي ؟
بوحارب
03-09-2014, 03:21 PM
الله يرحم والديك
أحرجتني :)

تصدق أمس كنت في محل للصرافه حسافة ما شفت موضوعك ولا سألته لك

ع العموم واحد من الربع يحول عن طريق الوسترن يونيون

جرب روح اي محل صرافة في الدوحة وانشده !

ومحلات الوسترن يونيون كثر في كل لندن

وأي خدمة من هنا انا حاضر لك ^*^
Al Basha
03-09-2014, 04:50 PM
الـ 5000 باوند عمولتها 1700 ريال بالويسترن
لا تعليق :)
شكلي بروح أسأل على موضوع التحويل من البنك للبنك مباشرة :)
قلب صادق
03-09-2014, 09:56 PM
السلام عليكم ورحمة الله وبركاته

اخوي بالنسبة لفتح حساب في البنك البريطاني في قطر بيكون بدون جدوى لانه بيكون فيه فارق في تحويل العملة حيث انه هتا بيودع بالريال وهناك بيستلم بالباوند وايضا العمولة والبطاقة بيكون على كل سحبه ايضا عموله وفارق بالعملة

اليوم انا رحت المصرف الاسلامي وفتحت لولد اخوي حساب حيث انه سافر للدراسة اليوم واتصلت لخدمة العملاء لتفعيل البطاقة اثناء السفر اي انك تقدر تسحب من بريطانيا بدون اي عرقلة وكل سحبة عليها عمولة 15 ريال يعني ان سحبت مائة باوند او عشرين الف باوند تكون نفس العمولة اي ما يعادل وعند التفعيل سألوني تريدها للسحب فقط او للمشتريات او للاثنين معا
وتقدر تحاول اي مبلغ من البنك الى اي حساب في بريطانيا وعمولتها بسيطه بس تستغرق حوالي من يومين الى ثلاثة ايام عمل وهذا يرجع لتعليمات المصرف المركزي حسب كلام الموظف
بوحارب
04-09-2014, 01:52 AM
الـ 5000 باوند عمولتها 1700 ريال بالويسترن
لا تعليق :)
شكلي بروح أسأل على موضوع التحويل من البنك للبنك مباشرة :)

أوف أوف واجد 1700 عسا ماشر !

شوف حد من الطلبة راجع لندن خبرك الحين بيبدأ موسم الدراسة

بس يكون ثقه
Bin Hood
04-09-2014, 03:16 AM
اذا كانت هذه رسوم الجامعة

تقدر تكتب demand draft الي هو نفس الشيك الاداري بس دولي

حق المستفيد وهو الجامعة
الســيل
04-09-2014, 07:24 AM
السلام عليكم اخوي


انا كنت احول من المصرف الي حسابي البريطاني من الجوال

احسن حساب والشباب يمدحونه وعن تجربه شخصيه بنك لويدز

تقدر تفتح فيه حساب اسلامي.

طريقة فتح الحساب تروح الجامعه تاخذ كتاب ياكد انك طالب وجوازك

ومكان سكنك لازم تجيب شي يثبت مكان سكنك. وهالشي الجامعه يعطونك اياه

والله يوفقك
ANONYMOUS
04-09-2014, 07:59 AM
اخوي يكلم الجامعه القسم المختص حق الحسابات

ويعطيهم رقم الفيزه

ويسحبون المبلغ