ماهي اسلم طريقه لتحويل مبلغ مالي للامارات

[Aaziz]

السلام عليكم


واحد يبي يشتري سياره من الامارات و مش عارف ايش هي الطريقه الصحيحه لنقل المبلغ للامارات 200 الف تقريبا .
هو بيسافر بالطياره ،، اعتقد صعبه ياخذها معاه و في نفس الوقت يبي يحول الفلوس اماراتيه في الدوحه عشان يكسب فرق العمله لصالحه .
ماهو التصرف السليم ؟

[عاشق العديد]

اعتقد اسلم طريقه

يحط فلوس بحسابه ويروح هناك ويسحب
او يفتح له حساب ببنك اماراتي ويحول من حسابه القطري الئ الحساب الاماراتي واموره سليمه

[Aaziz]

ما اعتقد فيه فرع للبنك القطري في الامارات
بخصوص فتح الحساب اشوف السالفه ماتسوى تفتح حساب عشان تشتري سياره .

الواحد كم يقدر ياخذ معاه كاش في مخباه وهو مسافر ؟

[Aaziz]

سويت اتصالات و ابغي اتاكد اذا حد فيكم جرب ... يقولون اذا كان معك مبلغ كبير يتجاوز 60 الف ريال ،، تبلغ المركز و يعطيك ورقه تثبت ان هذي فلوسك

هل هذا صحيح ؟

[عاشق العديد]

والله ماعندي فكره ياخوي عبدالعزيز

لكن موضوع البطاقه مايتاخر هي سيفتي واسسهل طريقه
وانت تدري جمارك الامارات يدورون سبه فا عشان تبعد عن المشاكل اشوف فتح حساب سيفتي

[Al Basha]

في ورقة تعليمات في سلوى ومن ضمنها تصريح عن المبالغ الكبيرة،
عندك من البنوك اللي لها فرع بالامارات بنك الدوحة،

[Aaziz]

اشكرك على مشارتك معاي عاشق .. ايش تقصد بموضوع البطاقه ؟
سالفه فتح الحساب يعني ؟

المشكله في فتح الحساب ،، يبيله يوم تفتحه و يبيلها الحواله يومين ولا ثلاث عشان توصل و يبيلك ترجع تسكر الحساب .. ماتسوها ،، الرجال بيروح صد ورد

[أبورودي]

اسلم طريقه وطبعا اا جربتها أكثر من مره ان يكون معاك بطاقه أئتمان تضع بها المبلغ وتدفع من خلالها ...... غير هذا ستعرض نفسك لمشاكل مع الجمرك

[Aaziz]

اسلم طريقه وطبعا اا جربتها أكثر من مره ان يكون معاك بطاقه أئتمان تضع بها المبلغ وتدفع من خلالها ...... غير هذا ستعرض نفسك لمشاكل مع الجمرك

هل ينسحب مبلغ 200 الف ببطاقه صراف من معرض ؟
و اعتقد البنك بياخذ عموله و فرق العمله بيكون قليل .

[Rider]

خل يكلم البنك الي هو تابع له اذا يقدر يسحب هذا المبلغ عن طريق البطاقة لاني الله يسلمك ماخذ نيسان بترول طبعا من هنيه في الشركة قالي بتدفع بالبطاقة قلت شلون يصير قال عادي تكلم البنك يحطونك صلاحية قلت ياخوي خذ الكاش وفكنا

[أبورودي]

هل ينسحب مبلغ 200 الف ببطاقه صراف من معرض ؟
و اعتقد البنك بياخذ عموله و فرق العمله بيكون قليل .
من بطاقه الأئتمان يمكن السحب بدون حد اقصي والعوله 3% على فرق العمله فى حالة الدفع بالدولار

[الزجاجي]

انا شريت تندرا من الامارات والطريقة كالاتي
رحت صرافه الخليج وعملت حواله وسالت عن الصرافه الي قريب المعرض وقالي هذا الفرع وبس
رحت الامارات وعلى طول رحت لصرافه الانصاري الفرع الي خبروني عنه واستلمت الفلوس كاش

اهم شي تتاكد كم عموله التحويل علشان مايخصمون من المبلغ

[Al Basha]

حل ثاني تقدر تسوي حوالة لنفسك تستلمها بالامارات مثل ما ذكر احد الاخوان بنفس الوقت اسمها اكسبرس تروح اي محل صرافه
تقوله بحول اكسبرس للامارات
وعمولتها ظ¢ظ¥ ريال مهما كان المبلغ

[توشيبا]

انا مره حولت باسمي

من الصرافه الاماراتيه القطريه

ورحت الامارات واستلمتها من فرعهم اهناك

بس السالفه من زمان ماعرف اذا فيه اجراءات جديده او لا

بس عطيتهم اثبات ورقه من البنك ان المبلغ ساحبه من حسابي والسبب شراء سياره

[Aaziz]

جزاكم الله خير ورحم الله والديكم جميعا

[ترياق]

اقصى مبلغ تسحبه البطاقه 20000 على حد علمي

اذا ماكان فيه امكانيه للتحويل بالحساب الاسلم تحويلها من خلال شركة صرافه مع العلم راح ياخذون عموله

ابدا ما انصح ان الواحد ياخذ مبلغ كاش كبير معاه بطريق سفر

وبالتوفيق