إنتهاء مشروع قاعات الأفراح في شارع "الرفاع" نهاية العام!!!!

[دايموند]

89945





رصدت "الشرق" بالصور قرب انتهاء المرحلة الأخيرة من مجمع قاعات الأفراح فى شارع الرفاع، حيث أصبح المبنى جاهزًا بنسبة كبيرة لإقامة الأفراح فيه مع بدء العام الجديد.


وأعرب مواطنون عن سعادتهم بقرب انتهاء المشروع، مؤكدين أنه سيدفع الكثير من الشباب العازفين عن الزواج نتيجة ارتفاع تكاليفه للإقبال عليه، معبرين عن سعادتهم العارمة بهذا المشروع الذي سيخدم شريحة كبيرة من الشباب الذين كانوا ينتظرون انتهاء المشروع بفارغ الصبر، حيث ستكون أسعارها رمزية للمواطنين مقارنة بقاعات الأفراح الخاصة بالفنادق، ويتوقع اكتمال المشروع نهاية العام الجاري.

[مــاي ورد]

متى الواحد يقدر يحجز معاهم ؟؟

[Dmy Enabi]

ماشاء الله عساهم عالقوة دوووم
يلا يالمعاريس شدوا حيلكم

[حسن]

السؤال هل القاعات هذه نسائيه ورجاليه اي اذا المتزوج يحجز قاعتين عند بعض يعني
بينهم مسافه الامتار 200 متر ولا 300 متر او 500 متر

ولا قاعه لحالها

اذا كان القاعات جنب بعض هذا شي ممتاز جدا يعني المتزوج يحجز له القاعتين للنسوان وللرجال

مشروع تشكر عليه الدوله ولو انه كان متاخر جدا لاكن ان تصل خير ان لاتتاتي

[BoFahed]

السؤال هل القاعات هذه نسائيه ورجاليه اي اذا المتزوج يحجز قاعتين عند بعض يعني
بينهم مسافه الامتار 200 متر ولا 300 متر او 500 متر

ولا قاعه لحالها

اذا كان القاعات جنب بعض هذا شي ممتاز جدا يعني المتزوج يحجز له القاعتين للنسوان وللرجال

مشروع تشكر عليه الدوله ولو انه كان متاخر جدا لاكن ان تصل خير ان لاتتاتي


الخير جاي ان شالله والامل كبير في حكومتنا الجديدة الرشيدة في حلحلة المشاكل اللي يعاني منها المواطن

[ممنوع اللمس]

اتوقع بس القاعه خاصه بالنساء علشان تسمح لعدد اكبر من الناس بالحجز
الله يعطيهم العافيه عالمشروع الطيب ويبارك لصاحب الفكره واللي نفذها

وما ننسى نشكر مؤسسه عيد الخيريه على الخيام الي فالعزيزيه
والله يجزاهم خير جميع

[Charisma]

السلام عليكم ورحمة الله وبركاته

فكرة القاعات المدعومه من الدوله فكره ممتازه .. ولكن المخاوف في بعض النقاط
اذا كان استئجار القاعه بمبلغ رمزي فبالتاكيد لايشمل العشاء وعلى اقل تقدير لو البوفيه من برى
وبيحسبون للشخص ميتين والمعازيم 400 = 80 الف + الرسوم الرمزيه + باقي الترتيبات وبتطلع لك
تقريبا نفس باقي اسعار القاعات في الفنادق.

حل المشكلة مب في انشاء القاعات بس المفروض يتعاقدون مع شركه مطاعم معروفه
وتكون اسعار البوفيهات رمزيه ويتعاقدون بعد مع شركة لتجهيز الافراح وايضا بمبلغ رمزي
وتكون لهم مكاتب في مرافق القاعات بس من دون احتكار فاللي حاب يجيب البوفيه والتجهيزات من برى براحته
هذا اذا بغوا فعلا يدعمون الشباب وتخفيف الاعباء عليهم ... ولو اني مب متطمن لمصير هالقاعات .

[بوحارب]

القاعة محجوزة بتاريخ 1/1/2015

عرسي الثاني ان شاء الله

والكل معزوم. ;)

[قطريه ماركه]

ان شااااء الله ما ينظرون لها الناس نظره دونيه لأنها مجانيه !!

[مــاي ورد]

القاعات مجانية وليست رمزية!!

يشترط ان يكون الطرفين قطريين وان يكون اول زواج

[حسن]

السلام عليكم ورحمة الله وبركاته

فكرة القاعات المدعومه من الدوله فكره ممتازه .. ولكن المخاوف في بعض النقاط
اذا كان استئجار القاعه بمبلغ رمزي فبالتاكيد لايشمل العشاء وعلى اقل تقدير لو البوفيه من برى
وبيحسبون للشخص ميتين والمعازيم 400 = 80 الف + الرسوم الرمزيه + باقي الترتيبات وبتطلع لك
تقريبا نفس باقي اسعار القاعات في الفنادق.

حل المشكلة مب في انشاء القاعات بس المفروض يتعاقدون مع شركه مطاعم معروفه
وتكون اسعار البوفيهات رمزيه ويتعاقدون بعد مع شركة لتجهيز الافراح وايضا بمبلغ رمزي
وتكون لهم مكاتب في مرافق القاعات بس من دون احتكار فاللي حاب يجيب البوفيه والتجهيزات من برى براحته
هذا اذا بغوا فعلا يدعمون الشباب وتخفيف الاعباء عليهم ... ولو اني مب متطمن لمصير هالقاعات .

يابايلوت اختلف معاك اختلاف كلي في هذا الرد

الحكومه ماقصرت بتوفير القاعات ولكن قصرت في سن قوانين
تحد من المهور قصرت في تثقيف الشعب بشن حمله على العصر الذهبي
احنا نعرف المشكله ولكن ندرو حواليها ليش
البلاء في النسوان قصدك !!
في هذا اناىاؤيدك !!!

تقول 200 ولا 400 وبوفيه خير ياطير
ومنهم اساسا عرس الريايل بعد الساعه9 منهي والعشاء حق العمال
لكن البلاء فيهم اللي مهب راضيين يعترفون ويتتبعون مظاهر
وانت تفتكر بكره مهب مسوين كوشات وتغير فرش سجاد وفرش كلام افضي

اعترف ان مافي رجال الى قليل
وين تلقى وهو راتبها اعلى من راتبه وتصرف عليه
ويت تلقى من يقدر يقول لا كان ماينرمي في الشارع
هاهاهاها

لحد يزعل من صراحتي ولا لف وندرو والرجال ماتخاف من قوله الحق

[QATAR 77]

في العصر الذهبي باقي هم الي يخطبون الرياييل قام سوقك يا بو علي :)

[حسن]

في العصر الذهبي باقي هم الي يخطبون الرياييل قام سوقك يا بو علي :)

يخطبون اي احنا جاهزين للاجر ولم الشمل
ولكن بدون هل الخرابيط اللي تدفع لك لو اجرت لك فله
صغيره
اجار 5 الى 6 سنوات جدام ول شرايك

بدال تروح في الهوا

تعلمو من الغرب التقدم ابرك لكم لاتبعو دينا ولا اتبعو الغرب
يعتي اذا هل المخديين قامو يتبعون الغربان وش بيهيدهم تتوقوعون
اكيد لدار الخراب

معروفه

:)

[مخطط قطري]

يجماعة الخير اسمحولي بكلمه بيض الله وجهه سمو الامير الوالد / الشيخ حمد بن خليفه ال ثاني والشيخه موزه وانجالهم الكرام جمعيا وسمو الامير الشيخ / تميم بن حمد وعبدالله بن ناصر رئيس مجلس الوزراء الموقر وسعادة / حمد بن خليفه بن عبداللة العطيه (مستشار سمو الامير)
الي ماقصرو على الشعب القطري في شي رواتب عاليه مجانيه التعليم والصحه والكهرباء والماء والامور الاساسية في دوله ولو بتكلم عن الدعم اللوجستي للمواطن يبيلي 10 صفحات يالله اني اوفي حق هلاشخاص الي قلبهم على قطر وعلى مصلحه الشعب ورفاهيته تدخل عيادات خاصه تعالج مجانا وين صارت هذي في دوله في العالم؟ ادخل عيالي اعرق الجامعات العالميه الخاصه بلاش والحين القاعات الروعه هذي الي شكلها الخارحي من داخل ومن برى ارقى من الفنادق حتى ,,, الحمدالله انه الله سخر لنا هالقياده الي تحب شعبها والشعب يبادلها نفس الشعور والله انه احنا في خير ونعمه يحسدنا عليها القريب قبل البعيد فاشكرو الله واحمدوه وخلو عنكم التعنت والنوعيه الفاشله الي مايعجبها العجب
ملاحظه اخيره في منتديات وايد اماراتية وكويتية وسعودية وبحرينية وغيرهم روح اقرا عن مشاكلهم وعن كلامهم لقطر بتعرف وين احنا

[حسن]

يجماعة الخير اسمحولي بكلمه بيض الله وجهه سمو الامير الوالد / الشيخ حمد بن خليفه ال ثاني والشيخه موزه وانجالهم الكرام جمعيا وسمو الامير الشيخ / تميم بن حمد وعبدالله بن ناصر رئيس مجلس الوزراء الموقر وسعادة / حمد بن خليفه بن عبداللة العطيه (مستشار سمو الامير)
الي ماقصرو على الشعب القطري في شي رواتب عاليه مجانيه التعليم والصحه والكهرباء والماء والامور الاساسية في دوله ولو بتكلم عن الدعم اللوجستي للمواطن يبيلي 10 صفحات يالله اني اوفي حق هلاشخاص الي قلبهم على قطر وعلى مصلحه الشعب ورفاهيته تدخل عيادات خاصه تعالج مجانا وين صارت هذي في دوله في العالم؟ ادخل عيالي اعرق الجامعات العالميه الخاصه بلاش والحين القاعات الروعه هذي الي شكلها الخارحي من داخل ومن برى ارقى من الفنادق حتى ,,, الحمدالله انه الله سخر لنا هالقياده الي تحب شعبها والشعب يبادلها نفس الشعور والله انه احنا في خير ونعمه يحسدنا عليها القريب قبل البعيد فاشكرو الله واحمدوه وخلو عنكم التعنت والنوعيه الفاشله الي مايعجبها العجب
ملاحظه اخيره في منتديات وايد اماراتية وكويتية وسعودية وبحرينية وغيرهم روح اقرا عن مشاكلهم وعن كلامهم لقطر بتعرف وين احنا

الكلام واقف الحين ومانقدر اي حد يتكلم الحمدلله ونقول الله لايغير علينا
كلش بلاش في قطر وجهه لكل من يتمناها من الناس
وفخر لنا
ماي تعليم كهرب صحه تموين اكل رخص التراب
يارجل خياره هني بيورو وفي قطر صندوق كامل ب 2 يور
صندوق الطماط ساعات عندنا يوصل ال2 ب5 ريال
نعمه
لكن هل االاوادم بتعلمون الاقتصاد الادخار وتحكيم العقل
والعيش ببساطه
عيزت الحكومهحتى الاسهم ربطت نصها علشان مايفسفسون الفلوس باعوها
لا والحين هابين يسافرون 20 دوله في 10 ايام
معقوله

يخرب بيت الشيطان لو صاعقه هلقت تشوف حاله يسحب هل الشنط
وش حادكم اركدو شوي
قال يا خلنا نلعب بالفلوس والله مهب منه من الكوريلا اللي وراك
قرو قعدو قالك نشوف تقافات ثقافات طل
اذا عقب هذه السفرات ماتعلمو السنع من الغرب صب عليهم قاز
مهب بترول علشان يتعذبون بالحرق

[R 7 A L]

الكلام واقف الحين ومانقدر اي حد يتكلم الحمدلله ونقول الله لايغير علينا
كلش بلاش في قطر وجهه لكل من يتمناها من الناس
وفخر لنا
ماي تعليم كهرب صحه تموين اكل رخص التراب
يارجل خياره هني بيورو وفي قطر صندوق كامل ب 2 يور
صندوق الطماط ساعات عندنا يوصل ال2 ب5 ريال
نعمه
لكن هل االاوادم بتعلمون الاقتصاد الادخار وتحكيم العقل
والعيش ببساطه
عيزت الحكومهحتى الاسهم ربطت نصها علشان مايفسفسون الفلوس باعوها
لا والحين هابين يسافرون 20 دوله في 10 ايام
معقوله

يخرب بيت الشيطان لو صاعقه هلقت تشوف حاله يسحب هل الشنط
وش حادكم اركدو شوي
قال يا خلنا نلعب بالفلوس والله مهب منه من الكوريلا اللي وراك
قرو قعدو قالك نشوف تقافات ثقافات طل
اذا عقب هذه السفرات ماتعلمو السنع من الغرب صب عليهم قاز
مهب بترول علشان يتعذبون بالحرق

ههههههههههههههه
don't care

[عنيــــد]

الحكومة سوت كل شي و لا قصرت علينا و الحمدلله رب العالمين ،،

لكن العله منا و فينا و مالهم ذنب الحكومة ،، حب المجتمع للزبو و المظاهر هو اللي مضيع الكثير ،،

[Noof_mz]

الله يسر الامور ان شاء الله

[الجوكر90]

يعني اخطب الحين
هو صج مافرقت بين القاعه الي ابلاش والي بفلوس لان اعرف بعض الناس بيسون فهل القاعه وبيدفعون مليون

نفس ما قالوا اخواني الاعضاء البلا فينا مب فالدوله

[Charisma]

يابايلوت اختلف معاك اختلاف كلي في هذا الرد

الحكومه ماقصرت بتوفير القاعات ولكن قصرت في سن قوانين
تحد من المهور قصرت في تثقيف الشعب بشن حمله على العصر الذهبي
احنا نعرف المشكله ولكن ندرو حواليها ليش
البلاء في النسوان قصدك !!
في هذا اناىاؤيدك !!!

تقول 200 ولا 400 وبوفيه خير ياطير
ومنهم اساسا عرس الريايل بعد الساعه9 منهي والعشاء حق العمال
لكن البلاء فيهم اللي مهب راضيين يعترفون ويتتبعون مظاهر
وانت تفتكر بكره مهب مسوين كوشات وتغير فرش سجاد وفرش كلام افضي

اعترف ان مافي رجال الى قليل
وين تلقى وهو راتبها اعلى من راتبه وتصرف عليه
ويت تلقى من يقدر يقول لا كان ماينرمي في الشارع
هاهاهاها

لحد يزعل من صراحتي ولا لف وندرو والرجال ماتخاف من قوله الحق

مرحبا اخوي حسن وصبحك الله بالخير

بالنسبه لموضوع تحديد المهر ففيه اختلاف شرعي ولنا في قصة عمر بن الخطاب رضي الله عنه مثال .. وردي عالموضوع بذكر نقاط الترتيبات المصاحبه للقاعه لان تكاليف الاعراس مقرونه فيها .. انا قعدت قبل فتره مع مدير قاعه من القاعات وذكرت له شنو مصير قاعاتكم بعد القاعات المجانيه من الدوله .. ورد علي بجواب مقنع وقال انت لو حجزت عندنا القاعه هل ناخذ عليك رسوم القاعه ولا عالشخص ؟ فاغلب قاعات الفنادق تعطيك السعر بناءا على عدد الاشخاص ونوع المينيو في البوفيه وقال هذا اللي بيصير في القاعات المجانيه لانك بتظطر تجيب البوفيه من برى وبيحسبون لك عالشخص وبتظطر تجيب مكتب تجهيز افراح يرتب لك القاعه وبالاخير التكلفه بتطلع وكانك حاجز قاعه في فندق .. انا ذكرت في ردي الاول ان المفروض الجهه المسؤوله عن تنظيم القاعات تتعاقد او توفر انواع من قائمه الطعام وباسعار غير مبالغ فيها ونفس الشي بالنسبه لتجهيز القاعه بهالطريقه بيكون المشروع كامل ومتكامل ..
الدوله فعلا ماقصرت كفت ووفت ولكن مثل هالمشاريع تتطلب دراسه ورؤويه مستقبليه لمصيرها اذا تركت بدون تنظيم لان محد بيستفيد منها الا اصحاب المطاعم ومكاتب تجهيز الاعراس بيرفعون الاسعار بحجه ( القاعه مجانيه ) . الموضوع محتاج وعي حتى من المجتمع ان ياجماعه ملينا وطفشنا وزهقنا وكرهنا المفوشر والشو خلاص السالفه صارت ممله يازين الاعراس البسيطه .

اما فيما يخص الحريم ومبالغتهم في الاعراس فهذا يبيله موضوع بروحه مع حبتين بندول :weeping:

[رهج السنابك]

كلام بايلوت كله صح
اساسا انت لما تحجز قاعه في فندق السعر هو سعر الاكل والقاعه مجانيه
يعني نفس الشي
لو بتطلب بوفيه العشا ل 200 شخص وقيمة المنيو للشخص الواحد نقول 350 بيطلع عليك ب سبعين الف

[مرتبش]

اذا على البوفيه ممكن من اي مكان لان النقص في الصالات.. الحين هذي الصالة الضخمة ممكن تقسيمها لكنها تظل غير كافية..اتوقع نحتاج 4 او 5 صالات اخرى مماثلة والامور بتكون معقولة

[حسن]

يعني اخطب الحين
هو صج مافرقت بين القاعه الي ابلاش والي بفلوس لان اعرف بعض الناس بيسون فهل القاعه وبيدفعون مليون

نفس ما قالوا اخواني الاعضاء البلا فينا مب فالدوله



صحيح كلامك يالجوكر المصيبه فينا وبالتحديد بفرح النساء هو المكلف والمتعب والمدمر للمجتمع وهو احداالاسباب للطلاق بعد الزواج

وبعدين المفروض تحدد مهب تقول البلا منا حط ايدك على الجرح ولا تخاف خل يشوفون الصوره الحقيقيه

فعلشان جذي اناطالبت بتدخل الدوله لحمايه المجتمع عن طريق سن قوانين وانشاء قوانين خاصه

[حسن]

مرحبا اخوي حسن وصبحك الله بالخير

بالنسبه لموضوع تحديد المهر ففيه اختلاف شرعي ولنا في قصة عمر بن الخطاب رضي الله عنه مثال .. وردي عالموضوع بذكر نقاط الترتيبات المصاحبه للقاعه لان تكاليف الاعراس مقرونه فيها .. انا قعدت قبل فتره مع مدير قاعه من القاعات وذكرت له شنو مصير قاعاتكم بعد القاعات المجانيه من الدوله .. ورد علي بجواب مقنع وقال انت لو حجزت عندنا القاعه هل ناخذ عليك رسوم القاعه ولا عالشخص ؟ فاغلب قاعات الفنادق تعطيك السعر بناءا على عدد الاشخاص ونوع المينيو في البوفيه وقال هذا اللي بيصير في القاعات المجانيه لانك بتظطر تجيب البوفيه من برى وبيحسبون لك عالشخص وبتظطر تجيب مكتب تجهيز افراح يرتب لك القاعه وبالاخير التكلفه بتطلع وكانك حاجز قاعه في فندق .. انا ذكرت في ردي الاول ان المفروض الجهه المسؤوله عن تنظيم القاعات تتعاقد او توفر انواع من قائمه الطعام وباسعار غير مبالغ فيها ونفس الشي بالنسبه لتجهيز القاعه بهالطريقه بيكون المشروع كامل ومتكامل ..
الدوله فعلا ماقصرت كفت ووفت ولكن مثل هالمشاريع تتطلب دراسه ورؤويه مستقبليه لمصيرها اذا تركت بدون تنظيم لان محد بيستفيد منها الا اصحاب المطاعم ومكاتب تجهيز الاعراس بيرفعون الاسعار بحجه ( القاعه مجانيه ) . الموضوع محتاج وعي حتى من المجتمع ان ياجماعه ملينا وطفشنا وزهقنا وكرهنا المفوشر والشو خلاص السالفه صارت ممله يازين الاعراس البسيطه .

اما فيما يخص الحريم ومبالغتهم في الاعراس فهذا يبيله موضوع بروحه مع حبتين بندول :weeping:






اولا انا بعد اختلف معاك ومع راعي القاعه الخراط

وضحكتني في اخر سطر بحبتبن البندول لانك عرفت الصدام من وين يجي وعرفنا من مسببات الجلطات وغيره
هاهاهاها

ردك دبلوماسي

شوف يابايلوت قبل لااكتب الرد الان سيده سئلت المره قلت لها البوفيه كم
قالت فيه الشخص ب 100 وب200 وانت تختار على حسب نوع الاكل
يعني قول لو نبي حق بو200 في 200 مدعو 40 الف رايال
وخلاص لازم كوشه وخرابيط كرسين وانقز ياخي عقول لازالت تفقكر بهذا التفكير على المجتمع السلام
باي باي يابيلوت
وبعدين تعال ليش اعزم خلق الله كلهم وليش ماسوي بطاقات بسيطه ولا عن طرق التواصل الواتس اب
ولا الاستغرام يطرشون دوعه للمعازم ولا مايرضون ام خماس وشلتها
انا حظرت اعراس الممناصير في السلع
القاعات جنب بعض بينهم مسافه 300 الى 400 متر
القاعه بلاش وعشى ريايل والساعه 9 الريايل خلاصين العشي
كله علا بعضه مايوصل 20 الف ويمكن اقل والله
وماعليك من كلام راعي القاعه يابيلوت خراط

[Charisma]

اولا انا بعد اختلف معاك ومع راعي القاعه الخراط

وضحكتني في اخر سطر بحبتبن البندول لانك عرفت الصدام من وين يجي وعرفنا من مسببات الجلطات وغيره
هاهاهاها

ردك دبلوماسي

شوف يابايلوت قبل لااكتب الرد الان سيده سئلت المره قلت لها البوفيه كم
قالت فيه الشخص ب 100 وب200 وانت تختار على حسب نوع الاكل
يعني قول لو نبي حق بو200 في 200 مدعو 40 الف رايال
وخلاص لازم كوشه وخرابيط كرسين وانقز ياخي عقول لازالت تفقكر بهذا التفكير على المجتمع السلام
باي باي يابيلوت
وبعدين تعال ليش اعزم خلق الله كلهم وليش ماسوي بطاقات بسيطه ولا عن طرق التواصل الواتس اب
ولا الاستغرام يطرشون دوعه للمعازم ولا مايرضون ام خماس وشلتها
انا حظرت اعراس الممناصير في السلع
القاعات جنب بعض بينهم مسافه 300 الى 400 متر
القاعه بلاش وعشى ريايل والساعه 9 الريايل خلاصين العشي
كله علا بعضه مايوصل 20 الف ويمكن اقل والله
وماعليك من كلام راعي القاعه يابيلوت خراط

ههههههههه هو بيني وبينك اكيد بيطلع اعذار عشان الشغل بس مايمنع ان كلامه فيه نوع من الصحه .. بالنسبه لبوفيهات من برى والشخص بميه فهذا الشي شبه مستحيل والسبب هو نفسه سبب البندول .. والشي الثاني تتوقع الهوامير بيرضون تنضرب مصالحهم في بزنز الاعراس ؟ طبعا لا اذا ماكان في تنظيم وخطه كامله لتشغيل القاعات وانا اقترحت انهم يتعاقدون او يوفرون عدة انواع من قائمه الطعام وباسعار غير مبالغ فيها ونفس الشي بالنسبه لتجهيز القاعه بهالطريقه ماراح تترك المجال لمحلات تجهيز الافراح او المطاعم يستغلون الوضع ويرفعون الاسعار وبهالطريقه بيكون الهدف تحقق من انشاء القاعات وهي تسهيل وتشجيع الزواج ..
والله لو علينا احنا الشباب يابو علي كان غيرنا اشيا وايد بنظام الاعراس مثلا التوقيت يكون من العصر لين العشا بالكثير وكنسلنا سوالف كوش وخرابيط سندريلا ياخي اسمع سوالف شاب شعري منها .. يجهزون لك القاعه اتقول عرض مسرحي وشوي ينقلب الموضوع سرك روسي وتنزل العروس من فوق وهي معلقه بكرين ولا سوالف الدخان وشوي تطلع من تحت الارض اتقول دخلة الاندر تيكر ( مع موسيقى وشغل خيالك معاي ) يارججججججججول ...
انا اتمنى من كل قلبي ان معشر النساء يتفهمون الحقيقه المره ... ان هالسوالف اممم ( مافي زين ) هالسوالف امممم ( اوفر ) هالسوالف امممم ( تضحك ) تقلدون الاجانب بالموضه وبامور كثيره عالاقل قلدوهم ببساطتهم في اعراسهم مايسوى على المعاريس واهلهم الضغط النفسي فالعرس اصلا مافي فرحه بيوم العرس الكل متوتر وعلى اعصابه لايخترب شي لايعتفس شي ... وتخيل كل هالامور وكل هالتجهيزات عشان يسمعون هالجمله ( العرس كان وايد حلو ) وكل هالامور وكل هالتجهيزات عشان ( شبيقولون الناس عنا ) ياحبيبي والله محد درا عنكم .

الله يهديك ياخوي حسن خليتني استرسل بهالموضوع وانا اللي احسب للكلمه حسابها :weeping:

[حسن]

ههههههههه هو بيني وبينك اكيد بيطلع اعذار عشان الشغل بس مايمنع ان كلامه فيه نوع من الصحه .. بالنسبه لبوفيهات من برى والشخص بميه فهذا الشي شبه مستحيل والسبب هو نفسه سبب البندول .. والشي الثاني تتوقع الهوامير بيرضون تنضرب مصالحهم في بزنز الاعراس ؟ طبعا لا اذا ماكان في تنظيم وخطه كامله لتشغيل القاعات وانا اقترحت انهم يتعاقدون او يوفرون عدة انواع من قائمه الطعام وباسعار غير مبالغ فيها ونفس الشي بالنسبه لتجهيز القاعه بهالطريقه ماراح تترك المجال لمحلات تجهيز الافراح او المطاعم يستغلون الوضع ويرفعون الاسعار وبهالطريقه بيكون الهدف تحقق من انشاء القاعات وهي تسهيل وتشجيع الزواج ..
والله لو علينا احنا الشباب يابو علي كان غيرنا اشيا وايد بنظام الاعراس مثلا التوقيت يكون من العصر لين العشا بالكثير وكنسلنا سوالف كوش وخرابيط سندريلا ياخي اسمع سوالف شاب شعري منها .. يجهزون لك القاعه اتقول عرض مسرحي وشوي ينقلب الموضوع سرك روسي وتنزل العروس من فوق وهي معلقه بكرين ولا سوالف الدخان وشوي تطلع من تحت الارض اتقول دخلة الاندر تيكر ( مع موسيقى وشغل خيالك معاي ) يارججججججججول ...
انا اتمنى من كل قلبي ان معشر النساء يتفهمون الحقيقه المره ... ان هالسوالف اممم ( مافي زين ) هالسوالف امممم ( اوفر ) هالسوالف امممم ( تضحك ) تقلدون الاجانب بالموضه وبامور كثيره عالاقل قلدوهم ببساطتهم في اعراسهم مايسوى على المعاريس واهلهم الضغط النفسي فالعرس اصلا مافي فرحه بيوم العرس الكل متوتر وعلى اعصابه لايخترب شي لايعتفس شي ... وتخيل كل هالامور وكل هالتجهيزات عشان يسمعون هالجمله ( العرس كان وايد حلو ) وكل هالامور وكل هالتجهيزات عشان ( شبيقولون الناس عنا ) ياحبيبي والله محد درا عنكم .

الله يهديك ياخوي حسن خليتني استرسل بهالموضوع وانا اللي احسب للكلمه حسابها :weeping:






هههههههههههههههههههههههاي

طلعت المستخبي من صج تراك قلبك متروسه

هاهاهاها

الصراحه والله شي يفشل ويبين عقول ماعندها تفكير ولا منطق والناس رايحه وطي
الصراحه انا منصدم والله من اللي سمعته
حسبي الله عليهم كان ماتقوم القيامه علينا

عيل تقول سيرك عالمي

هاهاهاهاها

فتحت على نفسك جبهه وافشيت سر من اسرار الاعراس اللي تسير عندنا
واتمنى من الصحافه القطريه ان تسلط الضو على هذا السيرك العرسي
اللي يسير عندنا وهل التكاليف اللي ماا نزل الله بها من سلطان
اتمنى من صحفي قطري جري وليس مستورد

بيطلعون لك الحين يقول عنهم ناصر بن حمد المدافعين عن هذه الفوضى بحجه اخر ليله لها بقراطيسها

هاهاها

[JN000N]

يجماعة الخير اسمحولي بكلمه بيض الله وجهه سمو الامير الوالد / الشيخ حمد بن خليفه ال ثاني والشيخه موزه وانجالهم الكرام جمعيا وسمو الامير الشيخ / تميم بن حمد وعبدالله بن ناصر رئيس مجلس الوزراء الموقر وسعادة / حمد بن خليفه بن عبداللة العطيه (مستشار سمو الامير)
الي ماقصرو على الشعب القطري في شي رواتب عاليه مجانيه التعليم والصحه والكهرباء والماء والامور الاساسية في دوله ولو بتكلم عن الدعم اللوجستي للمواطن يبيلي 10 صفحات يالله اني اوفي حق هلاشخاص الي قلبهم على قطر وعلى مصلحه الشعب ورفاهيته تدخل عيادات خاصه تعالج مجانا وين صارت هذي في دوله في العالم؟ ادخل عيالي اعرق الجامعات العالميه الخاصه بلاش والحين القاعات الروعه هذي الي شكلها الخارحي من داخل ومن برى ارقى من الفنادق حتى ,,, الحمدالله انه الله سخر لنا هالقياده الي تحب شعبها والشعب يبادلها نفس الشعور والله انه احنا في خير ونعمه يحسدنا عليها القريب قبل البعيد فاشكرو الله واحمدوه وخلو عنكم التعنت والنوعيه الفاشله الي مايعجبها العجب
ملاحظه اخيره في منتديات وايد اماراتية وكويتية وسعودية وبحرينية وغيرهم روح اقرا عن مشاكلهم وعن كلامهم لقطر بتعرف وين احنا

احلى رد
عساك عالقوه

[رهج السنابك]

احساسي يقول بيسون خدمات كاترينغ ( قوائم طعام) تكون خاصه بالقاعات وممنوع تجيب مطعم من برا بالتالي التحكم بالاسعار بتظل موجوده ويابو زيد ماغزيت
وحتى ان فتحوا المجال للمطاعم الخارجيه ترا مافي اقل من ظ،ظ¥ظ* للشخص الواحد من مطعم شامي
متوسط اسعار البوفيهات من ظ،ظ¥ظ*-ظ¥ظ*ظ* ريال
غير طبعا لازم تجيبون حلويات الضيافه والورد والمقهويين والمقهويات والذبايح وغيره

[دايموند]

اطلبوا بوفيه من الربوه هههه

[جبر ال جبر]

المشروع فاششل جدا ،،،، الغلا في البوفيه ليشش مب الدوله تعطي اي مواطن يبي يتزوج ولمره وحده بس القاعه مجانا والبوفيه مجانا وتخفف عليه ،،، الاكل والشرب للضيوف المتعنين اهم من المكان

[جبر ال جبر]

اطلبوا بوفيه من الربوه هههه

اسعاره زينه بعد مب شرط بوفيه من الرتز كارلتون ولا سانت ريجنت

[بطل الفريج]

مطلوب المزيد من صالات الافراح في الوكرة و الخور ,

[Class - Qtr]

السلام عليكم
شكرا سيدي سمو الشيخ / تميم بن حمد ال ثاني .. حفظك الله ورعاك
وهذا المشرع رساله واضحه لجميع ابناء قطر خاصه الشباب منهم عليكم
بالالتزام في دينكم والبحث عن اكمال الدين بالزواج الاسلامي الشرعي
وخدمه الوطن وان تكونو خير مايمثل المواطن القطري