من عندة فكر باحلى منتجع في تركيا

[ام الحلوين]

السلام عليكم

بعيد الاضحى ان شاء الله ناوين على تركيا لكن نبي نغير عن اسطنبول ونبي منتجع ويصلح بعد للاطفال
امدحوا لي منتجع سانتغيت في انطاليا هل عندكم فكرة عن غيرة؟

بصراحة اثق في ذوقكم وارائكم الحلوة

[ضوى]

نطاليا حر مووت :weeping: ومناظر وايد متعبة ما انصحج مع اليهال

كان فيه منتجع اسلامي حلو يقولون عنه شوفيه في زاد المسافر يمكن تحصلين حجز فيه

[ام الحلوين]

اختي ضوى يعجبني رايك كثير
اما انطاليا حر؟؟ يقولون بالاضحى الجو حلو وين تنصحينا اختي

[ضوى]

تسلمين اختي الغالية

يمكن شهر 10 يكون الجو مختلف

بس بصراحة انا ما استمتعت ابدا ، كان حر ومناظر ماتعجبني ولا قدرت اخذ راحتي ابدا

اذا مسافرة ولا بد تركيا روحي اوردو صج بتستمتعين وايد بحر وجو حلو وفيه اماكن تطلعين لها من هالمدينة بصراحة وايد وناسة او روحي طربزون اقلها جو جمسل جدا ومحافظة جدا ومابتحسين بغربة ولا بتشوفين مناظر مب شي

[ام الحلوين]

شكرا اختي لردك

بجلس اقرا عن اوردو وبدور منتجع او طرابزون

[ذرية صالحة]

بورصة حلوة كثير رحناها و حسيتها محترمين الناس الي فيها محافظين اكثر من اسطنبول و يمدحون ترابزون بس ما رحتها بروحها المرة الجاي ان شاء الله
بورصة فيها الشلالات و جبال اولوداج و حدائق و اشيا كثير تجنن

[القطرية1]

شكرا اختي لردك

بجلس اقرا عن اوردو وبدور منتجع او طرابزون

انا أيضاً أفكر في تركيا فالعيد ان شاء الله بس مب اسطنبول
اذا توصلتي لمعلومة ، فيدينا جزاج الله خير

[ماجد البدر]

الجو حار في شهر 7 و 8 الحين الجو حلو وخاصة في العيد بيكون روعه انطاليا معروفه بمنتجعاتها و فنادقها الراقية وبحرها برغم من اني ما تعمقت في دخولها ولكن من كثر ما ابحث واسال واتابع مواضيع عنها
شلالات و انهار كماهو في بقية الاراضي التركية
ممكن زيارة كيمر وشلالات دودون خلو عندكم سيارة بسايق يفضل يكون تركي واحذروا من التعامل مع العرب بالعموم
موفقين ان شاء الله

[peace-qtr]

فيه ملاهي ماذكر اسمه ف اسطنبول لليهال