ايش الحل مع الزحمه والتكسيرات

[السيف500]

صار لنا فترة الا مكسرين شارع الا إشارة ماتشتغل الافترة زمنية قصيرة والزحمة في كل مكان حتى قدام بيتك ماتقدر تطلع
ايش الحل ياشباب كل واحد يعطي حل وان شاء ينظرون
لهذه الحلول
انا اقترح وضع الجهات الحكومية في منطقه خارج الاحياء السكنية
واذا بنتم كذا كل واحد يركب بطبطة وخلاص ����

[يوسف0]

الحل ان الكل يطول باله ويضحك فالزحمة والأمور ان شاء الله بتتعدل خلال 50 الى 100 سنه

[غير البشر]

وانا امشي بالشارع احس نفسي في موزمبيق

[وحيد-الشوق]

اشارات التويوتا مأساة الله يستر يوم الاحد من الزحمة :(

[ودي أكون]

أهم شي أنك تطلع للدوام 6وربع .. وتوصل سبع وثلث .. زين ليش يعني ليش :cry2:

انا قايمه من وقت وطالعه من وقت .. ينكتب علي تأخير حول النص ساعه ليش :cry2:

هذا ظلم :eek3:

[بريق الحق]

صلو الفجر واطلعو

[طلعة الروح]

ماشوف فيه فايده من اعادة رصف بعض الشوارع سوى التضييق ع خلق الله وزيادة الحفريات.
حتى إذا فرضنا ان الشارع الواحد زاد 4 مسارات نجد في النهايه تحويلة اجباريه تحتوي 3 مسارات.
الخلاصه مشاريع فاشلة وفلوس ضايعه وبنية تحتية لا تلبي حاجة الافراد والسكان.

[جاسم الدوحة]

مشروع تطوير الطريق الدائري الثالث مهم جدًا
وكان لازم توسعة هالطريق من زمان ...
من دوار الصالة الأميرية (وكنت أتمنى إزالته تمامًا)
إلى تقاطع رامادا (وصولًا إلى تقاطع السد) .

الجزء اللي قرّب يخلص وهو (تقاطع برج تويوتا)
واضح إنه صار حلو جدًا ، وواسع ، وراح يخدم
الحركة المرورية بشكل فعــّال ، حسب بوادر الطريق
الجديد الظاهرة هاليومين .

هذا تصوري المبدئي رغم المعاناة اليومية الشديدة ..
لكن هالمشروع - في نهاية الأمر - لازم يُـنفذ ، ولازم
ياخذ مدته (اعتقد سنة كاملة على 4 مراحل)
ولازم نتحمل ، ولا نملك أي خيار في ذلك .

الله يعطيهم العافية جميعـًا ، وشكرًا لأشغال
وللجهات المنفذة ، والمهم إنه ما نرجع نحفر
مرة ثانية وثالثة بعد إنجاز المشروع
لأن هذا هو العيب بعينه .

[Abdulla O]

فيه حلول كثيرة

ظ،- كل واحد يجيب له دريول خاص يوديه دوامه / وهو يرقد ورى ( استغلال الوقت)
ظ¢- كل مجموعة شباب يداومون في مكان واحد يتقاطون لين يجيبون سعر هلكوبتر ويشترونها علشان يروحون عليها الدوام
ظ£- تروح الدوام في سيكل (( كانوع من الرياضة
ظ¤- تطلع من البيت الساعة ظ¢ بالليل


يعني لين متى الزحمة ولا يبوننا نسوي الاربع نقاط فوق
صراحة انا الحمدلله دوامي في الشمال وغير كذا مااروح الدوحة الا اذا عندي شي ضروري
بس بصراحة اكتشفت اني قاعد أوفر فلوس لاني ما اطلع الدوحة

[Dana’1]

الحل الوحيد هو إنك تتكيف مع هالوضع إلي ماقد في حياتي كلها شفت قطر خاليه من هالمنظر
أنت قدر الساعة كم تطلع= الساعة كم توصل ... وعليها

والسلام ختام

[R 7 A L]

اذا مافيه اتفاق بين اشغال وكهرماء واوريدو
ماراح تنتهي هالمشكلة

[حمد 2002]

صار لنا فترة الا مكسرين شارع الا إشارة ماتشتغل الافترة زمنية قصيرة والزحمة في كل مكان حتى قدام بيتك ماتقدر تطلع
ايش الحل ياشباب كل واحد يعطي حل وان شاء ينظرون
لهذه الحلول
انا اقترح وضع الجهات الحكومية في منطقه خارج الاحياء السكنية
واذا بنتم كذا كل واحد يركب بطبطة وخلاص ����

اذا ماسوو لكم مشاريع وطوروا الشوارع احتجيتوا !

وإذا حفروا الشوارع وسكروها بداعي تحسين البنيه التحتيه بعد احتجيتوا ؟!

ليش سياسه الاحتجاج دائما على لسانكم ووجهكم ؟!

ليش مانجوف منكم كلمه شكرا ؟!

ليش ماعندكم صبر ؟!

تبون الشيء يستوي بغمضه عين يعني ؟!

[نور الحور]

الحل الوحيد هو التأقلم ..

من وعيت على الدنيا والمشكلة ذي موجودة ..

يمكن على زمن أحفاد أحفاد أحفادنا تتغير ؟ .. الله أعلم .. ماقدر أوعدك أو أعطيك قرنتي :omen2:

[العنيده]

اعتقد تغيير وقت الدوامات يعني ماتكون كلها بنفس الوقت ممكن يخفف وااااااايد من زحمة ان الكل لازم يوصل بموعد محدد
لان الخطط تتغير كل فتره حسب التعداد السكاني وياجماعة الخير قاعدين نزيد :) يعني كل 3 مسارات بيتسكر بيصير 4 وياخوفي ال5 في الطريق

اي صح وياريت تفعيل الباصات بيخفف وايد من كل حد ياخذ سياره و بس

وهم يكسرون براحتهم :)