تحويل مطبخ داخلي الى غرفة طعام

[الحـ قطر ــب]

السلام عليكم

عندي مطبخ داخلي وشبه مفتوح عالصاله وابي احولة غرفة طعام

والحين ابي اغطي السيراميك والحلول :-

تركيب جبسنبورد

تركيب خشب

تكسير السيراميك وعمل بلاستر جديد

محتاج اعرف تكلفة كل شغله ولو في اي طرق ثانية ياريت تنصحوني فيها

وجزاكم الله خير

[ashhal_q]

على حسب الميزانيه ...
الافضل تكسير السيراميك وعمل بلاستر بالاضافه الى تعديل المياه والكهرباء والارضيه والسقف
هناك حلول بديله وتعتمد على مكان المطبخ في البيت ... وكيقية دخول الشمس للغرفه او المطبخ .
يعني لوكانت نسبة الرطوبه عاليه انا لا انصح بتغطية السراميك بالخشب او الجبس لانه رايح يسبب ريحه ورطوبه
...

[الحـ قطر ــب]

المطبخ مفتوح عالصاله ومافي رطوبة كلش

انا للحين مب عارف الاسعار

[w.qatar]

الافضل تكسير البلاط كله و ابتدي صح عشان ما تتعب و تزيد التكاليف عليك

[القلم الصريح]

انا مره شفت واحد حاط باركيه عالطوفه انصحك بهالفكره

[معماري قطري]

يا اخوي الجبس بسهولة يقدرون يسونه ويثبتونه .. وتقدر تبعده شوي عن الطوفة بخشب مربع وتسوي فيه كسرات لو حبيت وانارة وتمديدات كهربية في التجويف .. وبالنسبة للسعر يعتمد على التفاصيل والمواد وبيحسبه لك اللي بيشتغل والجبس سعره معقول مقارنة بالباقي .. وإِذا اللي تبيه تغطية وبس يمكن حتى ورق الجدران ينفع إِن كان السيراميك ما فيه بروزات قوية.