صبغ الغرف والمجلس..... هل من جديد؟؟؟

[بوNasser]

السلام عليكم ورحمة الله

عندي غرفتين ومجلس، ودي اصبغهم ومحتار

لاني عارف اي نوعية للصبغ اختار، ولا عند من اصبغ، هل اي محل ديكور يصبغ زين؟ والا يبي لها شوية فن واحترافية؟

كل اللي سويته اني صبغت برايمر معا تركيب الجبس ووقفت.

رايكم يا اهل الرأي والمشورة، جزاكم الله خير.

تحياتي للجميع

[ashhal_q]

انا من وجهت نظري تعتمد طريقة الصبغ على نوع الديكورات في الغرفة
بحيت دمج اكثر من نوع لون ... بس محتاجين صوره للجبس والحوائط اذا عليها اي ديكورات

[Aaziz]

اذا مجلس رجال ،، اصبغ الطوفه اوف وايت (بيج فاتح) و و الجبس خل يصبغونه بالوان حليوه لان الطوفه ساده ،، و ركب ستاير تمشي مع الجبس و الزوليه و الكراسي .
الصبغ خله ساده و اهتم بالجبس و الاثاث مع الستاير .
و اذا مجلس حريم .. الله يعينك على الدندشه

[بوNasser]

انا من وجهت نظري تعتمد طريقة الصبغ على نوع الديكورات في الغرفة
بحيت دمج اكثر من نوع لون ... بس محتاجين صوره للجبس والحوائط اذا عليها اي ديكورات

شكرا لك على التجاوب

الغرف ما فيها ديكورات غير الجبس، وان شاء الله باحط صورة الجبس

المجلس اضافة للجبس فيه بورسلان بارز من جهة واحدة، بعد باحط الصور ان شاء الله


اذا مجلس رجال ،، اصبغ الطوفه اوف وايت (بيج فاتح) و و الجبس خل يصبغونه بالوان حليوه لان الطوفه ساده ،، و ركب ستاير تمشي مع الجبس و الزوليه و الكراسي .
الصبغ خله ساده و اهتم بالجبس و الاثاث مع الستاير .
و اذا مجلس حريم .. الله يعينك على الدندشه

حياك الله اخوي عزيز

لا ابشرك مجلس شباب، يعني كل شي يمشي

بس هل فيه نوعية معينة من الصبغ؟؟؟

و الا اخذ لي قوطي رش وافك عمري:con2::con2:

جزاك الله خير على تجاوبك.

[خليفـة]

مافيه احلي من الصبغ الساده
اوف وايت ويكون البرايمر خذ حقه عدل
موضة الاصباغ والالوان الغريبة تنتهي بسرعه
اما شغل الساده يدوم لفترة طويلة
باختصار .. الديكور الزايد في الصبغ
يحسس الضيف ان راعي البيت مب شايف خير

موفق ان شاء الله

[الحـ قطر ــب]

ركب ورق جدران

لو جبته من الامارات بيطلع عليك المتر مع التركيب 20 ريال

الصبغ لو كان صبغ ديكور اقل شي المتر 40 ريال

[أم وضاحي]

ورق الجدران نوع من التغيير
أحسن من الصبغ الأوف وايت
حتى لو مجلس شباب
في تشكيلات تناسب مجالس الشباب
وأفضل شي المخطط خطوط عريضه
إذا كان المجلس كبير طوفتين متواجهات مخطط و طوفتين متواجهات ساده واللون ممكن غامق بدرجتين
و إذا كان المجلس صغير
ثلاث اطوف ساده و طوفه مخططه و اللون يكون فاتح
و تجنب سالفة الستارة و الأطقم و السجادة نفس اللون
اختار الطقم قبل و عقب شوف اللون إللي ( ما يبين ) وايد في الطقم و أختارة للسجاد و الستاير
و سلامتكم

[بوNasser]

مافيه احلي من الصبغ الساده
اوف وايت ويكون البرايمر خذ حقه عدل
موضة الاصباغ والالوان الغريبة تنتهي بسرعه
اما شغل الساده يدوم لفترة طويلة
باختصار .. الديكور الزايد في الصبغ
يحسس الضيف ان راعي البيت مب شايف خير

موفق ان شاء الله

انا بعد رايي من رايك، صبغ سادة وانقز.

بس هل تنصحني بنوع معين من الصبغ (( النوع مب اللون)).

والا ننتظر نشوف الوان مجلسك عقب ما يخلص (( عساه مجلس مبارك و عامر بهله)).

[بوNasser]

ركب ورق جدران

لو جبته من الامارات بيطلع عليك المتر مع التركيب 20 ريال

الصبغ لو كان صبغ ديكور اقل شي المتر 40 ريال

للغرف افكر بورق الجدران، بس متخوف من سالفة ان الصمغ يفك من الحرارة.

عندي في غرفة من الغرف الداخلية ورق الجدران صمد امام الحرارة ولا تقشر، المشكلة المكيف سرب ماي وقام بالواجب....

[بوNasser]

ورق الجدران نوع من التغيير
أحسن من الصبغ الأوف وايت
حتى لو مجلس شباب
في تشكيلات تناسب مجالس الشباب
وأفضل شي المخطط خطوط عريضه
إذا كان المجلس كبير طوفتين متواجهات مخطط و طوفتين متواجهات ساده واللون ممكن غامق بدرجتين
و إذا كان المجلس صغير
ثلاث اطوف ساده و طوفه مخططه و اللون يكون فاتح
و تجنب سالفة الستارة و الأطقم و السجادة نفس اللون
اختار الطقم قبل و عقب شوف اللون إللي ( ما يبين ) وايد في الطقم و أختارة للسجاد و الستاير
و سلامتكم

نفس الرد السابق

بالنسبة للغرف تقريبا رسيت على ورق الجدران

اما المجلس فمساحته صغيرة ومن جهه وحدة فيه ديكور، والجهة المقابلة فيها درايش، والمدخل من جهه والمغاسل من الجهة المقابلة.

شكرا لك.

[بوNasser]

انا من وجهت نظري تعتمد طريقة الصبغ على نوع الديكورات في الغرفة
بحيت دمج اكثر من نوع لون ... بس محتاجين صوره للجبس والحوائط اذا عليها اي ديكورات

السلام عليكم ورحمة الله

هذه الصور وطبعا لأني مستخدم العدسة العريضة فالأبعاد غير مستوية، على كل حال المجلس صغير 5م × 7م

هذه الصورة من جهة المغاسل
http://www.ab2004.com/muntada/mj01.jpg

وهذه من جهة الشبابيك، ومكان التلفزيون بيكون في الوسط تقريبا.
http://www.ab2004.com/muntada/mj02.jpg

وهذه الجهة المقابلة للديكور
http://www.ab2004.com/muntada/mj03.jpg

اما الغرف فمدخل صغير، ثم مساحة مربعة 5×5م اضافة الى تقريبا 3×1.8م لخزائن الملابس.

هذا مدخل الغرفة (الباب ما تركب)، والتلفزيون بيكون تحت المكيف على اليسار شوي
http://www.ab2004.com/muntada/rm02.jpg

وهذه جهة السرير تقريبا في النص
http://www.ab2004.com/muntada/rm01.jpg

وهذا مكان خزائن الملابس
http://www.ab2004.com/muntada/rm03.jpg

وهذي الغرفة الثانية بنفس النظام
http://www.ab2004.com/muntada/rm04.jpg

مشورتكم بارك الله فيكم.