هل تؤيدون البنات البلوقرز والفلوقرز ؟

[الجـــوديّ]

في آخر سنتين تقريباً ظهرت لنا مجموعة من البنات والسيدات الي يحبون يشركون كل العالم في يومياتهم اما كتابة عبر تدوينات (البلوقرز) أو بالفيديو ..صوت وصورة وألوان .. وكامل المؤثرات (الفلوقرز)

يعلمونا وين راحو ووين جاو ..
شنو شروا وشنو كلوا .. ومن معاهم
دخلونا بيوتهم وغرفهم ... وروونا أهاليهم وأغراضهم الشخصية ..
وسافرنا معاهم وجينا معاهم
وحطينا المكياج معاهم ..


لين الناس حبت اسلوبهم ..
منهم اللي صارت وجه اعلامي وحققت شهرة
واللي صارت سيدة مجتمع خليجية نعرف اسمها وشوي من حياتها بس ما شفناها .. وهذول يتواجدون بكثرة في الانستغرام


أحب أعرف آرائكم فيهم ...

هل هذا النمط الاجتماعي محبب ؟
هل هالشي مقبول عندنا كمجتمع قطري (تحديداً) ..
ونأيده من باب تبادل المعلومات ونستفيد من الأشياء اللي يعرضونها ويعلمونا عنها
والا ... لا بد من قليل من الخصوصية كسمة من سمات المجتمعات الخليجية ؟






كل الاراء مرحب بها ومحل تقدير إذا كانت بدون قدح للأشخاص


تحيــة،

[QATAR 77]

صور مستورة و لا مكشوفة

[حسن]

الحمدلله اول مره اسمع هذا الشي والى الان مااتضحت الصوره
بشكل اوضح

ممكن تفسير اكثر ماعرف شنهو هذه الاشياء خير شر

:telephone:

[الجـــوديّ]

صور مستورة و لا مكشوفة

الفلوقرز ...

البنت تسجل فيديو وتقول سالفتها وتنزله على اليوتيوب
مستورة إن شاءالله عليها عبايتها وشيلتها ..
ولها متابعين عشرا الالاف


الانستغرام
في محجبات يستعرضون جمالهم وملابسهم وصاروا عارضات أزياء خليجيات بس مستورات
وفيه بس تعرض موديلات ومايظهر وجهها
وهذول لهم شهرة كبيرة وتقريبا هم في الاساس مصممات وماكييرات (ويعطون البنات دورات على المكياج)

[الجـــوديّ]

الحمدلله اول مره اسمع هذا الشي والى الان مااتضحت الصوره
بشكل اوضح

ممكن تفسير اكثر ماعرف شنهو هذه الاشياء خير شر

:telephone:

عيل الشرح بيكون صعب نوعاً ما .. :shy:

تابع الموضوع وخلنا نعرف آراء المتابعات من البنات .. يمكن تتضح الصورة شوي

[قطريه ماركه]

الانستغرام
في محجبات يستعرضون جمالهم وملابسهم وصاروا عارضات أزياء خليجيات بس مستورات
وفيه بس تعرض موديلات ومايظهر وجهها
وهذول لهم شهرة كبيرة وتقريبا هم في الاساس مصممات وماكييرات (ويعطون البنات دورات على المكياج)

يمكن نفس سندس اللي في الانستقرام

اشوفه شي جديد على الخليج
بس اذا متحجبه و محافظه عادي
لانه تفيد البنات في امور المكياج و اخر صيحااات الموضه ،،، الخ

[حسن]

عيل الشرح بيكون صعب نوعاً ما .. :shy:

تابع الموضوع وخلنا نعرف آراء المتابعات من البنات .. يمكن تتضح الصورة شوي

حتى انا كنت باكتب باخر الرد نبي نسمع اراء البنات هل هذا صحيح ولا لا
واذا كان صحيح لنا راي اخر

حسبي الله ونعم الوكيل

كل يوم نسمع يتتبعون توافه الحياه

:anger1:

[قهوة الضحى]

بصرراحة اغلبهم استفدنا منهم خاصة اللي في الانستقرام يعرضون لنا منتجات استخدموها شخصيا وحبوا يفيدونا فيها مع لبسهم والشوزات والاكسسورات وبعض من اسرار عنياتهم

بغض النظر عن كثرة الاعلانات والدعايات اللي يسونها

[الجـــوديّ]

يمكن نفس سندس اللي في الانستقرام

اشوفه شي جديد على الخليج
بس اذا متحجبه و محافظه عادي
لانه تفيد البنات في امور المكياج و اخر صيحااات الموضه ،،، الخ

هلا ماركة .. إيه وحدة منهم سندس
هي حبوبة ومفيدة ما تبخل علينا بشي تعرفه

[الجـــوديّ]

حتى انا كنت باكتب باخر الرد نبي نسمع اراء البنات هل هذا صحيح ولا لا
واذا كان صحيح لنا راي اخر

حسبي الله ونعم الوكيل

كل يوم نسمع يتتبعون توافه الحياه

:anger1:

المكياج توافه !

إذا صارت الزوجة هاملة وماتعرف اتعدل نقدتوا عليها ..
وعلى أولكم رحتوا تدورون وحدة تعرف تكشخ وتطالبونها بحسن التبعل للزوج:anger1:

[غايه الطواش]

وايد استفدت منهم وبعضهم ادخل على قنواتهم اليوتيوب
سندس
افنان
داليد
مرمر
نوف ميكب
شعيب
حتى كشخات البنات وآخر الصيحات فالموضه نشوفها
وف السفرات نشوف الأماكن والمطاعم والأماكن الي يروحونها ويكتبون عنها مثل كويتيه كول ورحال إماراتي

[sweet qatar]

من بنات قطر

تابعت
kawkawii
Ms his last name

استفدت منهم وحبيت تقاريرهم

حلو تكون عندج فكرة عن المعرض و جو المعرض قبل لا تروحينه

وتعرفين المحلات الي فتحت في الدوحة والهبات الجديدة

علي حسب البنت

في بنت قطرية اوووفر الله يعافينا احس سوالفها مالها داعي مع ان لها جمهور ومتابعين وايد

بس الفكرة بالأساس حلوة ومفيدة

[غايه الطواش]

حسن خير ان شاء الله
اي توافه
المعلومة والتعلم صار توافه
وحتى المكياج المره مفطوره على حب الزينه
والتزين
والصراحه الي ماتحب العدال هاي مشكوك في امرها

[الجـــوديّ]

بصرراحة اغلبهم استفدنا منهم خاصة اللي في الانستقرام يعرضون لنا منتجات استخدموها شخصيا وحبوا يفيدونا فيها مع لبسهم والشوزات والاكسسورات وبعض من اسرار عنياتهم

بغض النظر عن كثرة الاعلانات والدعايات اللي يسونها


أنا معاج صج لانستغرام سوى نقلة في الاهتمام الشخصي والعناية الذاتية وهو المفضل عند الخليجيات

ومن كلامج هل تأيدين ظهور بنات قطر يعرضون لنا أزياءهم ومكياجهم ظهور كامل حتى لو كانوا محجبات لأن اللي أعرفهم لين ألحين خليجيات

لأن العدوى تجي بسرعة ما تطول

[حسن]

المكياج توافه !

إذا صارت الزوجة هاملة وماتعرف اتعدل نقدتوا عليها ..
وعلى أولكم رحتوا تدورون وحدة تعرف تكشخ وتطالبونها بحسن التبعل للزوج:anger1:

والله يااخت جاكلين القصد في التوافه اكبر من المكياج اصبحت يعني المراءه عندنا
ماتفكر الا بماراكات المكياج وتتبعها ولا الشنط ولا العبايات ولا ولا ولا والله العالم بكره وش يطلع لنا
بالنسبه للمكياج صراحه لو تعدلون حق ريالهم كان زين الى حق السوق والمجمعات والطلعات
للاتمشيه ولا للشغل ولا الزيارات لصديقاتها
انا حق الزوج مادري ماخبر يتمكيجون حق الزوج الى في ليه الدخله ولا عقب
هاهاهاها
بعدين انا اساسا ضد المكيكب اذا البنت جمالها طبيعي ليش اصبغ ويهي والله
تبين الصراحه انا برع الحين سبحان الله تعالي شوفي الجمال الطبيعي ولا تشوف
اي ميكب
لكن تعالي شوفي الخليج اوه يادهينه لاتنكتين ولا حق سواقه ومجمعات
من يطالعك هني منهو متفيق لك ولا يبيك
يااخي قمت احتقر هؤلاءء الصراحه الكثير من البعض
اوفر
حق سوق يتمكيجون

!!!!

كلشي فاهمينا بالمنكوس

حقيقه

[قهوة الضحى]

أنا معاج صج لانستغرام سوى نقلة في الاهتمام الشخصي والعناية الذاتية وو المفضل عند الخليجيات

ومن كلامج هل تأيدين ظهور بنات قطر يعرضون لنا أزياءهم ومكياجهم ظهور كامل حتى لو كانوا محجبات لأن اللي أعرفهم لين ألحين خليجيات

لأن العدوى تجي بسرعة ما تطول


من بنات قطر في بنات اوك الي يعرضون ميك اب او مناكير او تاتو الهبات الجديدة بس في الازياء نادر

وبصراحة لحد الحين ماطلعت وحدة صج مثل مستوى الكويتيات

وحدة فيهم بس قاعدة تحاول تقلدهم بالاسلوب لحد الحين مافي وحدة متميزة او طلع منها شي يديد

[قهوة الضحى]

اذا هي عادي عندها وماعندها مانع تظهر وتبي تصير فاشنيستا

هالشي راجع لها

تأكدي هالنوعية لهم متابعين كثااار رغم ان الكثير منهم ينتقد ظهورهم مع ذلك يتابعونهم واستفادوا منهم

[غايه الطواش]

في وحده قطريه
عاده نفسها ستايلت وفاشنيستها
والصراحه لبسها شماطيط وفوق هاي كله مقتنعه انها كشيخه!!

[سهم عتيج]

يعطيك العافية على هالموضوع اللي يهم شريحة كبيرة من الناس ,, وكنت ناوي أطرح موضوعا مشابها لموضوعك وكنت باسميه(( سياحة الانستغرام))

حيث أحسست في سفرتي الأخيرة انني والكثيرين مثلي لا نتمتع بخصوصية وراحة بسبب هذا البرنامج (انستغرام) رغم استمتاع أهلي وعيالي بالسفرة ولله الحمد..

فقبل مغادرتنا البيت متجهين للمطار,, برز توقيع زوجتي على جهازها بصورة طيارة تقلع,, وتعليق يدل على أننا سنسافر بعد قليل.. ولحظة وصولنا المطار,, صورة الدبدوب تصدرت صفحة زوجتي في صفحتها على الانستغرام,, وعند وصولنا بدأت الصور تباعا وصور الفندق وكل شيء حتى شعرت بأن ضغط العمل لازال يؤثر علي وأريد الراحة من أي شيئ والابتعاد عن الناس لبرهة,, الا ان هذا الشعور بدأ يزدا ضغطا علي وشعوري بأن المكان الذي أذهب اليه ينتشر بين الناس وحتى الآيسكريم لا أشعر بمتعته لأني أشعر بأن خصوصيتي تم اختراقها..

وكنت أظن بأن هذا الشيئ يحدث لي فقط.. الا أنني عندما أذهب الى أي مكان جميل,, أرى الأجانب في قمة الاسترخاء والمتعة وأرى الخليجيات كل وحدة معلقة الكاميرا في رقبتها وتقعد بالساعات تصور هنا وهناك,, وأكاد أجزم بأنها لم تستمتع بجمال المكان لأنها انشغلت بالكاميرا والانستغرام أكثر من جمال المكان نفسه..

وفي المطعم عندما يأتي الأكل,, تخرج الكاميرات وكل وحدة تقوم بتصوير وجبتها وعلى طول برود كاست وينتشر للعالم قبل أن تبدأ بالأكل..

وفي مكان جميل وبديع يدعو النفس للتأمل في منظر البحر على متن قارب كبير,, وفي مؤخرة السفينة حيث يبدو المنظر أكثر من رائع,, كانت تلك المرأة تبدو بأنها تستمتع بمنظر البحر وكأنها تمثال جامد,, الا أنني عندما اقتربت من تلك المرأة من الطرف الآخر,, وجدتها مشغولة جدا بكاميرتها لتلتقط صورة لعلها تستعرض بها امام صديقاتها رغم انها فقدت الشعور بمتعة ذلك المكان,, بينما زوجها يقف بالقرب منها يتأمل جمال المنظر باسترخاء تام..

وفي السيارة وفي كل مكان للأسف أقولها بأن الانستغرام تم استخدامه بشكل سيئ من قبل البعض أكثر من ايجابياته الكثيرة لتأريخ وتوثيق حياتنا بطريقة تحفظ خصوصياتنا..

شخصيا أعتقد بأن الانستغرام شيئ جميل,, ولكن استخدامه بهذه الطريقة تفقده جماله خاصة وأن البعض يستخدمه بحسن نية قد تنعكس عليه سلبا فيما بعد..

والله أعلم

[حسن]

تقولي ياسهم عيج قمت اضحك يااخي والله حتى بنتي مساعه اقولها شفتي الشعب هني شلون
عايشين البساطه تحملي تتبعين هذولا شنسوي نعلم ونعلم ولاكن المجتمع خراب
التفكير كله من الرواتب العالييه بطرت العالم بطر

[ضوى]

بصراحة بنتي وايد استفادت خاصة من الماكياج خاصة سندس ولورين كورتز ودلال تقول ماكياجها انظف وبصراحة وفرت علي الصالونات ، غير هذا تاخذ تصاميم الملابس وتفصل مثلها ، الانستغرام حلو والمتابعة حلوة بس اهم شي بعيد عن الملاغة وثقل الدم وبالطبع الحسد والغيره

[حسن]

في وحده قطريه
عاده نفسها ستايلت وفاشنيستها
والصراحه لبسها شماطيط وفوق هاي كله مقتنعه انها كشيخه!!

مسكينه اي الحين لبس القطريه صار شماطيط
الصراحه اذا حبيتو شانيل رفعتوها فوق
وهي العام مصورهم هل الخليجيات بدفافهم قاطينهم برع
ذكرني بزكاه بيت الربان في رمضان

هاهاهاهاها

روحو نامو ابرك لكم جنازه وتبون تشبعون فيها لطم

:)

[غايه الطواش]

انا أتكلم عن وحده معينه لاتفسر كلامي على كيفك
وانا اقول روح نام عشان بكره تشوف حريم الديره الي انت فيها وتتخرع انهم واو وكل شي يسونه احسن من القطريه

[بريق الحق]

اظن مواضيع نسائيه مالنا خص فالنقاش احنا الرجال
وافضل ماتنطرح فالحوار العام

[white bird]

أتابع البعض ..
بس ولامرة فكرت أحاسبهم
عندهم أغلاط و أحنا كذلك .. كلنا بشر

يعطيج العافية
و أستمري ^-^

[حسن]

انا أتكلم عن وحده معينه لاتفسر كلامي على كيفك
وانا اقول روح نام عشان بكره تشوف حريم الديره الي انت فيها وتتخرع انهم واو وكل شي يسونه احسن من القطريه

شورك وهدايه الله وسوالفكم ماتخلص ونام ابرك وعلى كلام بريق الحق
موضوع لكم مايخصنا كيفكم انتو ابخص بس لاتفتحون مواضيع عقب قصو علينا

اخر رد لي في الموضوع

قود ناخت

:)

[غايه الطواش]

تانكشن

[الجـــوديّ]

وايد استفدت منهم وبعضهم ادخل على قنواتهم اليوتيوب
سندس
افنان
داليد
مرمر
نوف ميكب
شعيب
حتى كشخات البنات وآخر الصيحات فالموضه نشوفها
وف السفرات نشوف الأماكن والمطاعم والأماكن الي يروحونها ويكتبون عنها مثل كويتيه كول ورحال إماراتي

اضافة مميزة غاية .. تسلمين

[الجـــوديّ]

من بنات قطر

تابعت
kawkawii
Ms his last name

استفدت منهم وحبيت تقاريرهم

حلو تكون عندج فكرة عن المعرض و جو المعرض قبل لا تروحينه

وتعرفين المحلات الي فتحت في الدوحة والهبات الجديدة

علي حسب البنت

في بنت قطرية اوووفر الله يعافينا احس سوالفها مالها داعي مع ان لها جمهور ومتابعين وايد

بس الفكرة بالأساس حلوة ومفيدة


فعلاً صار الانستغرام هو وجهتنا الرئيسية اذا بنعرف الجديد ... من غيره نحتاس

kawkawii تحية شكر وتقدير كبيرة ..من البلوقرز القطريات المتخصصة ...

ابديت اول باول .. وترتييييب .. نستفيد منها الله يعطيها العافية

[الجـــوديّ]

والله يااخت جاكلين القصد في التوافه اكبر من المكياج اصبحت يعني المراءه عندنا
ماتفكر الا بماراكات المكياج وتتبعها ولا الشنط ولا العبايات ولا ولا ولا والله العالم بكره وش يطلع لنا
بالنسبه للمكياج صراحه لو تعدلون حق ريالهم كان زين الى حق السوق والمجمعات والطلعات
للاتمشيه ولا للشغل ولا الزيارات لصديقاتها
انا حق الزوج مادري ماخبر يتمكيجون حق الزوج الى في ليه الدخله ولا عقب
هاهاهاها
بعدين انا اساسا ضد المكيكب اذا البنت جمالها طبيعي ليش اصبغ ويهي والله
تبين الصراحه انا برع الحين سبحان الله تعالي شوفي الجمال الطبيعي ولا تشوف
اي ميكب
لكن تعالي شوفي الخليج اوه يادهينه لاتنكتين ولا حق سواقه ومجمعات
من يطالعك هني منهو متفيق لك ولا يبيك
يااخي قمت احتقر هؤلاءء الصراحه الكثير من البعض
اوفر
حق سوق يتمكيجون

!!!!

كلشي فاهمينا بالمنكوس

حقيقه

أخوي حسن ..
صج الخليجية بالمقارنة مع الاوروبية تكون متكلفة ..لكن المقارنة في هالحالة غير عادلة
تقارن بنت العز والخير وادل والدلال مع وحدة مكروفة تجحت من الصبح لين المغرب عشان تعيش ويالله تعيش ..
معيار الجمال عندنا يتفاوت عنهم
خل خليجية تلبس مثلهم كجوال وتجحت من الصبح لين المغرب مثلهم ... اشتطلع على قولة لاوليين .... ريالوه ههههه
انتو (الرياييل) عيشتونا في مستوى معيشي معين .. واحنا لقينا نفسنا فيه ... وكل العالم حاسدينا عليه ... شنسوي يعني ؟


أما هذيلا اللي يلوصون ويوهم من الصبح مكياج صارخ ... هذول حالة خاصة حتا احنا الحريم احترنا فيهم
لكن في الفترة الآخيرة ومع الانستغرام صاروا البنات يعرفون شلون يبرزون جمالهم
وأنا اتكلم هنيه عن البنات في اطار محارمهم مالي شغل في اللي يتبرجون للشارع ..


المراة الي ماتعرف اتعدل لزوجها مالها عذر .. مثل لاول
تدش الانستغرام وتشوف هذيلا الحريم شينصحون به .. حتى في سنع البيت وتربية الاولاد وتعليمهم .

[الجـــوديّ]

في وحده قطريه
عاده نفسها ستايلت وفاشنيستها
والصراحه لبسها شماطيط وفوق هاي كله مقتنعه انها كشيخه!!


من بنات قطر في بنات اوك الي يعرضون ميك اب او مناكير او تاتو الهبات الجديدة بس في الازياء نادر

وبصراحة لحد الحين ماطلعت وحدة صج مثل مستوى الكويتيات

وحدة فيهم بس قاعدة تحاول تقلدهم بالاسلوب لحد الحين مافي وحدة متميزة او طلع منها شي يديد



اذا هي عادي عندها وماعندها مانع تظهر وتبي تصير فاشنيستا

هالشي راجع لها

تأكدي هالنوعية لهم متابعين كثااار رغم ان الكثير منهم ينتقد ظهورهم مع ذلك يتابعونهم واستفادوا منهم


مثل ماقلتي قهوة الضحى ..

البنات اللي اطلعوا وانشهروا حطوا مستوى لأناقة الملابس والمظهر والذوق العام .. وساهمت في انتشاره المعارض
اللي بتنزل عنه او ما تواكبه .. بتكون نوعا ما جاية من كوكب ثاني .. او بتكون امشمططه مثل ماتقول غاية
الشي الحلو .. انهم محجبات وملتزمات بالطويل والمحتشم والمستور .. وهالشي يحد من الملابس العارية اللي تفرضها الموضة الغربية.

[الجـــوديّ]

يعطيك العافية على هالموضوع اللي يهم شريحة كبيرة من الناس ,, وكنت ناوي أطرح موضوعا مشابها لموضوعك وكنت باسميه(( سياحة الانستغرام))

حيث أحسست في سفرتي الأخيرة انني والكثيرين مثلي لا نتمتع بخصوصية وراحة بسبب هذا البرنامج (انستغرام) رغم استمتاع أهلي وعيالي بالسفرة ولله الحمد..

فقبل مغادرتنا البيت متجهين للمطار,, برز توقيع زوجتي على جهازها بصورة طيارة تقلع,, وتعليق يدل على أننا سنسافر بعد قليل.. ولحظة وصولنا المطار,, صورة الدبدوب تصدرت صفحة زوجتي في صفحتها على الانستغرام,, وعند وصولنا بدأت الصور تباعا وصور الفندق وكل شيء حتى شعرت بأن ضغط العمل لازال يؤثر علي وأريد الراحة من أي شيئ والابتعاد عن الناس لبرهة,, الا ان هذا الشعور بدأ يزدا ضغطا علي وشعوري بأن المكان الذي أذهب اليه ينتشر بين الناس وحتى الآيسكريم لا أشعر بمتعته لأني أشعر بأن خصوصيتي تم اختراقها..

وكنت أظن بأن هذا الشيئ يحدث لي فقط.. الا أنني عندما أذهب الى أي مكان جميل,, أرى الأجانب في قمة الاسترخاء والمتعة وأرى الخليجيات كل وحدة معلقة الكاميرا في رقبتها وتقعد بالساعات تصور هنا وهناك,, وأكاد أجزم بأنها لم تستمتع بجمال المكان لأنها انشغلت بالكاميرا والانستغرام أكثر من جمال المكان نفسه..

وفي المطعم عندما يأتي الأكل,, تخرج الكاميرات وكل وحدة تقوم بتصوير وجبتها وعلى طول برود كاست وينتشر للعالم قبل أن تبدأ بالأكل..

وفي مكان جميل وبديع يدعو النفس للتأمل في منظر البحر على متن قارب كبير,, وفي مؤخرة السفينة حيث يبدو المنظر أكثر من رائع,, كانت تلك المرأة تبدو بأنها تستمتع بمنظر البحر وكأنها تمثال جامد,, الا أنني عندما اقتربت من تلك المرأة من الطرف الآخر,, وجدتها مشغولة جدا بكاميرتها لتلتقط صورة لعلها تستعرض بها امام صديقاتها رغم انها فقدت الشعور بمتعة ذلك المكان,, بينما زوجها يقف بالقرب منها يتأمل جمال المنظر باسترخاء تام..

وفي السيارة وفي كل مكان للأسف أقولها بأن الانستغرام تم استخدامه بشكل سيئ من قبل البعض أكثر من ايجابياته الكثيرة لتأريخ وتوثيق حياتنا بطريقة تحفظ خصوصياتنا..

شخصيا أعتقد بأن الانستغرام شيئ جميل,, ولكن استخدامه بهذه الطريقة تفقده جماله خاصة وأن البعض يستخدمه بحسن نية قد تنعكس عليه سلبا فيما بعد..

والله أعلم




أقدر معاناتك أخ سهم عتيج .. قلت بسوي مثل مايسوون الحريم .. ماقدرت .. صورت صورة وحدة ..وما كملت
ابي استمتع بالرحلة والمطار والطيارة وكل شي لكن التركيز على التصوير واني انزل واشوف الردود واللايكات افقدني المتعة فخليت السالفة بكبرها

ماعندنا اولويات للاهتمامات ..
جمعة العايلة والتفرغ التام للأخر في السفر من أجمل الآوقات .. حرام نفسد هالجمعة الحلوة بانستغرام وغيره حتى لو كان لمقربين

فيه بيوت تهدمت سبة هالصور .. وناس راحت عافيتها من فزة المتابعين وحسبتهم كم بلد راحو وكم مطعم كلوا فيه .. !
وبدل من هالصداع كله ممكن يكون حسابي ينقل افكاري ويذكر باحاديث وعبادات أو أي شي ثاني فيه تواصل ومتعة مع الناس
احنا مسلمين مأمورين بالستر وقضاء الحاجة بالكتمان .. احنا غير الاجانب اللي حياتهم الخاصة مشاعة للكل (مب كلهم)... وهذا اللي احنا فاهمينه غلط.

[الجـــوديّ]

بصراحة بنتي وايد استفادت خاصة من الماكياج خاصة سندس ولورين كورتز ودلال تقول ماكياجها انظف وبصراحة وفرت علي الصالونات ، غير هذا تاخذ تصاميم الملابس وتفصل مثلها ، الانستغرام حلو والمتابعة حلوة بس اهم شي بعيد عن الملاغة وثقل الدم وبالطبع الحسد والغيره



ذكرتي نقطة مهمة ضوى ... ان البنت تكون مدبرة وهي تفصل مثل اللي تشوفه ..
مب تنطفق وتشتري الشي باسعار خيالية خاصة عند المصممات
بالإضافة إلى روحة الصالونات والاسعار المبالغ فيها ..
البنت تزين نفسها في البيت تحت عين امها وابوها وبتكاليف معقولة تطلع حلوة وأنيقة ...
ماله داعي البذخ في هالأمور لأنها اذا تعودت عليه وهي بنت يمكن ما تلقى زوج يطاوعها أو يقدر يعيشها نفس عيشة بيت ابوها.

[الجـــوديّ]

اظن مواضيع نسائيه مالنا خص فالنقاش احنا الرجال
وافضل ماتنطرح فالحوار العام

الموضوع انطرح للاثنين .. مب للنساء فقط
حتى لو كان خط سير النقاش عن أزياء وتجميل .. الموضوع الاساسي فيه جوانب أنا اعنيها ومحد تطرق لها حتى لان

وأقله تعرفوا على ثقافتنا النسائية .. ولا تعتبرونها تفاهات ... وتحطون فاصل كبير .. المراة في صوب والرجل في صوب
وعقب تقعدون تنتقدون روحتها وجيتها ... مخلينها بروحها وماتبون تعرفون عنها شي (اقصد النساء المحارم)

المشاركة الصغييييييييرة في اهتمامات الطرفين تقرب ما تبعد .. ان مانفعت ماضرت

[الجـــوديّ]

أتابع البعض ..
بس ولامرة فكرت أحاسبهم
عندهم أغلاط و أحنا كذلك .. كلنا بشر

يعطيج العافية
و أستمري ^-^

وأنتي استمري بالاضاءات الحلوة ...

صحيح كلنا بشر .. وهالموضوع مب لتسليط الضوء لمحاسبتهم
وإنما طرحته لمعرفة مدى تقبل الاسلوب الجديد علينا والملاحظ إنه يكبر بشكل متسارع
اسلوب حلو عليه مآخذه بعض الشي .. لكن أتمنى ان يزول ويتجه للأفضل إن شاءالله.

[romoz]

هناك ناس تابعتهم لاجل الاستفادة من خبرتهم في مجالات عدة (( ميك اب // سفر و سياحة // و فيه حسابات متخصصة للمغتربين مفيدة جدا جدا // و هناك حسابات اجتماعية و حسابات طبيه ... إلخ ))

و فيه ناس اكتشفت ان حساباتهم مجرد (هياط) يعني تصور سيارتها الروزريز ، و اكياس مشترياتها ، طيارتهم الخاصة ، حاولت اجد فائدة لكن ابدا
مجرد ردائة قي التصوير و تعليقات ماسخة

يعني الافضل عمل بلوك لامثال هؤلاء ، لان الانستقرام صُنع للتواصل خصوصا مع العائلة و الاصحاب او من اجل إفادة الاخرين عن طريق خبراتهم و تجاربهم


الموضوع جميل ، شكرا لك

[مرتبش]

الانستجرام من احلى البرامج ..اتابع فيه متخصصين في التغذية وبعض الحسابات المهتمة بالتمارين والرياضة واشوفه وايد مفيد.

في فرق كبير بين حساب مختص بشغلة او هواية معينة وحساب يعرض يوميات او مذكرات.

[ريتويت]

مناظر تسد النفس والعياذ بالله

[Rider]

ﻻ تعليق على المواضيع الي فيها بنات مب خالصين اذا حق قال كلمة الحق زعلوا

[ضوى]

رتويت شنهي المناظر اللي تسد النفس ؟!!
رايدر دام تقول رايك اللي انت مقتنع فيه بكل ذوق ولباقة محد بيزعل

[شيخ الديرة]

لا أفهم ما الجديد في الأمر. كل برامج الأنترنت هي أشكال جديدة للنشر حالها حال المجلات والجرائد, وكلنا نعرف هناك ألاف المجلات بتخصصات مختلفة من صيد السمك الى لعب الشطرنج. اليوم كل شخص ينشر مجلته ويعود قرار متابعة حساب معين لنا, كما كان قرار أختيار المجلة أيام زمان.

http://www.bbc.co.uk/pressoffice/bbcworldwide/images/mags-feb.jpg

أما سؤالك عن التأييد أم لا فالجواب غير مجدي لأن القرار ليس لك أو لي في النشر, وأنما لنا قرار المتابعة.

[Dmy Enabi]

البلوقرز عرفته الفلوقرز شنو ؟

[نوار قطر]

في وحده قطريه
عاده نفسها ستايلت وفاشنيستها
والصراحه لبسها شماطيط وفوق هاي كله مقتنعه انها كشيخه!!

ههههههه هذي الي يسمونها ،، ثقه ياحبيبتي ثقه


عن نفسي لو ماقالو البنات عن سندس جان ماعرفت شتقصدون ،، انا من متابعين سندس الصراحه عجيبه وفوق هذي لبسها وشكلها محتشمه ،،، اذا هم راضين يطلعون بهالصوره سواء محتشمه او لا ف هالشي راجع لهم كلن عقله في راسه ويعرف خلاصه ،، دام اني بستفيد وبتعلم منها ،، شعلي هي شمهببه في عمرها باخذها زينها وبترك شينها

[طبيب قطري]

رجاء تعذروا جهلي بهالاشياء بس فيني فضول اعرف اشلون انزل هالبرامج على الايفون!!

[رهج السنابك]

اول ماقريت بلوقرز قلت باااال غبار اخبر البلوق والبلوقرز قبل عشر سنين وهم اصحاب المدونات

الفلوقرز ذيلا ماعرفهم كائنات جديده

لكن عموما واضح المقصد انتي قصدج بنات الانستغرام

انا ما اايد ان وحده تنشر حياتها الشخصيه ولا حتى تحط اسمها الحقيقي
حتى بلنكد ان الي يعتبر موقع رسمي ما اايد ان وحده تحط فيه معلوماتها

بقطر فيه بنات مب محجبات عندهم انستغرام وحابين تكون لهم شهره مثل الكويتيات لكن مايعجبني كلش ذوقهم

[الجـــوديّ]

أشهر فلوقر خليجية


http://youtu.be/o8yaet9wmX4

[هبوب الكوس]

عيب عندنا هالفلوقر

[حسن]

حلو هل الفلوز

هاهاها

[الجـــوديّ]

هناك ناس تابعتهم لاجل الاستفادة من خبرتهم في مجالات عدة (( ميك اب // سفر و سياحة // و فيه حسابات متخصصة للمغتربين مفيدة جدا جدا // و هناك حسابات اجتماعية و حسابات طبيه ... إلخ ))

و فيه ناس اكتشفت ان حساباتهم مجرد (هياط) يعني تصور سيارتها الروزريز ، و اكياس مشترياتها ، طيارتهم الخاصة ، حاولت اجد فائدة لكن ابدا
مجرد ردائة قي التصوير و تعليقات ماسخة

يعني الافضل عمل بلوك لامثال هؤلاء ، لان الانستقرام صُنع للتواصل خصوصا مع العائلة و الاصحاب او من اجل إفادة الاخرين عن طريق خبراتهم و تجاربهم


الموضوع جميل ، شكرا لك


شكراً رموز .. تعقيب جميل

الحسابات المتخصصة طورت حياتنا للافضل واغبط الانستغرامرز اللي اقدروا يخصصون وقت لافادة الناس وبث خبرات الواحد يستفيد منها ...
الانستغرام والاستفادة منه بحر واسع لا نهاية له ... وكل يوم اتفاجأ بحسابات تخصصية في مجال جديد ... هو اداة تعتمد علينا احنا شلون نستخدمها وشلون نستثمرها علشان تكون لنا مب علينا.

الحسابات التافهة ترا عندنا وعند الاجانب خير ... مسوينها علشان الناس اتطمش عليهم وهذا اقصى مايتمنون!

في النهاية التواصل مع الناس شي جميل وودنا يأثر علينا بكل ماهو ايجابي ان شاءالله.

[الجـــوديّ]

الانستجرام من احلى البرامج ..اتابع فيه متخصصين في التغذية وبعض الحسابات المهتمة بالتمارين والرياضة واشوفه وايد مفيد.

في فرق كبير بين حساب مختص بشغلة او هواية معينة وحساب يعرض يوميات او مذكرات.


فعلاً ... صار في الانستغرام نجوم في كل تخصص معلوماتهم مفيدة ومثرية وبعيدين تماما عن وسائل الاعلام.. لهم كل الشكر والتقدير

وحدة من دوافع اللي يسجلون يومياتهم في الانستغرام او غيره هو افادة الناس ومشاركتهم ونقل خبراتهم ..
لذلك حبيت اعرف الانطباع العام عنهم.

[الجـــوديّ]

مناظر تسد النفس والعياذ بالله

أي مناظر رتويت ؟

قولي رايج .... Feel free

[الجـــوديّ]

ï»» تعليق على المواضيع الي فيها بنات مب خالصين اذا حق قال كلمة الحق زعلوا


رتويت شنهي المناظر اللي تسد النفس ؟!!
رايدر دام تقول رايك اللي انت مقتنع فيه بكل ذوق ولباقة محد بيزعل

:victory:
تعليقك مهم رايدر ..بس مافي داعي تشترون في البنات وتقدحون فيهم
نقول الراي وكلمة الحق في عملهم مب شخصهم.

[الجـــوديّ]

لا أفهم ما الجديد في الأمر. كل برامج الأنترنت هي أشكال جديدة للنشر حالها حال المجلات والجرائد, وكلنا نعرف هناك ألاف المجلات بتخصصات مختلفة من صيد السمك الى لعب الشطرنج. اليوم كل شخص ينشر مجلته ويعود قرار متابعة حساب معين لنا, كما كان قرار أختيار المجلة أيام زمان.

http://www.bbc.co.uk/pressoffice/bbcworldwide/images/mags-feb.jpg

أما سؤالك عن التأييد أم لا فالجواب غير مجدي لأن القرار ليس لك أو لي في النشر, وأنما لنا قرار المتابعة.


مش جديد في العالم بس جديد علينا في المجتمعات الخليجية ...
ونلاحظ هناك اكتساح نسائي في التدوين والمتابعة ..
هو في حد ذاته اسلوب جميل واصبح هناك تواصل مع عدد اكبر من الناس ذات الاهتمام المشترك


بحسب الاراء ... انهم استفادوا
لكن بدينا نسمع "عيب" لانه يتعارض مع قيم محلية لا يتقبلها كثير من الناس.

هذا المد قادم بقوة .. الحين صار في you know .. التواصل فيه اسرع ومباشر .. واعتقد انه بيعطي فرصة اكبر لكل من يسوي برنامجه الخاص ويلتقي باكبر شريحة من الناس ... والعداد يعد المتابعين الموجودين في اللحظة..

كل هالتدوين والاتصال المباشر وغير المباشر له مزايا وله عيوب ...
وحقيقة انا بشكل شخصي يهمني "القيمة الاسلامية" في كل البرامج والتطبيقات
لقيت نفسي confused

ومثل ما قلت يبقى قرار المتابعة لدينا.

[الجـــوديّ]

ههههههه هذي الي يسمونها ،، ثقه ياحبيبتي ثقه


عن نفسي لو ماقالو البنات عن سندس جان ماعرفت شتقصدون ،، انا من متابعين سندس الصراحه عجيبه وفوق هذي لبسها وشكلها محتشمه ،،، اذا هم راضين يطلعون بهالصوره سواء محتشمه او لا ف هالشي راجع لهم كلن عقله في راسه ويعرف خلاصه ،، دام اني بستفيد وبتعلم منها ،، شعلي هي شمهببه في عمرها باخذها زينها وبترك شينها


نوار ... هم راضيين واحنا ماعلينا منهم .. ذيه شي مفروغ منه
اللي لاحظته ان هالبلوقرز كل مالهم ويزيدون وفيه يالله خير قمة في الاحتشام تسمعين بس صوت ولا يظهر منها شي وفيه العكس ..
ولاحظت فيه تعلق كبير واهتمام بالمتابعة من جيل الشباب والمراهقين

عني .. هذا شي جديد علي وللحين ما كونت موقف واضح مع نفسي
لكن بكرة لما اتجيني بنتي تبي تكون بلوقر والا فلوقر في وقت عم وانتشر وصار عادي
هل برفض او بحط عليها قيود ومحاذير .. ؟!
وهل هالشي ماراح يعرقل حياتها لما تصير بعمر زواج .. مايبونها ومحد يبي يخطبها لانها بلوقر او لان صوتها طلع او او او ...
تختلف العوائل والقناعات ولكن هل بشكل عام هالتدوين مقبول في المجتمع القطري بالتحديد .....؟
حتى الان الاحظت قبوله عند البنات ورفضه عند الشباب !!

[الجـــوديّ]

البلوقرز عرفته الفلوقرز شنو ؟

شوفي الرد #46

[الجـــوديّ]

رجاء تعذروا جهلي بهالاشياء بس فيني فضول اعرف اشلون انزل هالبرامج على الايفون!!

من الابستور نزل instagram و younow
اذا عندك وقت تابع دكتور حمود على يو ناو

[R 7 A L]

عيب
ولي لها اهل ماتطلع في هالخرابيط

[جبر ال جبر]

امحق سنع منقود وعيب وقله حياء وخلل في التربية وهالشي مقدمه لامور خطيره

[شيخ الديرة]

وحقيقة انا بشكل شخصي يهمني "القيمة الاسلامية" في كل البرامج والتطبيقات
لقيت نفسي confused

ومثل ما قلت يبقى قرار المتابعة لدينا.

أول ما طلع التفلزيون كانو المسلمين يعتبروه حرام لأن كل ما يطلع فيه هو رقص وأفلام بيها خمر ولبس قصير.

نفس التلفزيون اليوم ملئ بقنوات الدعوات الأسلامية والأرشاد الديني, هل أصبح حلالا؟

الحقيقة أن الأسلاميين تقوقعوا وقرروا الأنهزام من التلفيون أيامها, اليوم وجدوا أنه وسيلة لأيصال صوتهم للملايين

البرامج الأنترنتية نفس الشي, ما علينا بما هو موجود عليها, اذا أنت شاطر, أنشر ما تؤمن به, وأكسب ملايين المتابعين.

[طبيب قطري]

أشهر فلوقر خليجية


http://youtu.be/o8yaet9wmX4

شهالمصاخه وثقل الدم..
ناس ماعندهم سالفه ويعانون من الفراغ.. الله يستر على بناتنا

[طبيب قطري]

من الابستور نزل instagram و you know
اذا عندك وقت تابع دكتور حمود على يو ناو

بعد ماشفت هالمقطع لابنزل برامج ولاشي ..

[ضوى]

أول ما طلع التفلزيون كانو المسلمين يعتبروه حرام لأن كل ما يطلع فيه هو رقص وأفلام بيها خمر ولبس قصير.

نفس التلفزيون اليوم ملئ بقنوات الدعوات الأسلامية والأرشاد الديني, هل أصبح حلالا؟

الحقيقة أن الأسلاميين تقوقعوا وقرروا الأنهزام من التلفيون أيامها, اليوم وجدوا أنه وسيلة لأيصال صوتهم للملايين

البرامج الأنترنتية نفس الشي, ما علينا بما هو موجود عليها, اذا أنت شاطر, أنشر ما تؤمن به, وأكسب ملايين المتابعين.

هذا الرد يمثلني

شكرا

[alsoq]

استغرب الصراحة من يسمح لزوجته او بنته بستخدام انستغرام
هل تضمن انها لا تمر على صوره خادشه للحيا بل مرت وشافت

اتقوا الله في انفسكم وفي اهلكم

[alsoq]

أشهر فلوقر خليجية


http://youtu.be/o8yaet9wmX4

شعر والقذله طالعين

لا تعليق

اذا هولا غدوه الله يعينكم على انفسكم يا بنات

[الأصيلة]

الحين عرفت السالفة
وليش بنتي الصغيره تحب تسوي فديوهات على الآي باد
تعرض فيه مكياجي وكريماتي
وأدواتي الأخرى
ترى هذا السبب كتقليد لهذا النوع من الناس
وأشوفها تفتح يوتيوبات من ها النوع
لكن ماكنت أعرف إنهم فعلا ناس معروفه !!!!!!!
افتكرتهم اعلانات عادية..

اول مرة أسمع كلمة فلوقر منكم الحين...

[الأصيلة]

عشان جذيه البنات مايشيلون راسهم من هالآي فون والآي باد
انشغلوا عن أهلهم وواجباتهم الإجتماعيه والدينية ...
البنات أطباعهم تبدلت وتغيرت وملابسهم
وقناعات أهلهم صارت مختلفه عن أول
تنازلات غريبة من الرجل الأب والأخ والزوج
ومن المرأة الأم والأخت والبنت...

الله يستر علينا ويثبتنا يارب على مانحن عليه الآن من قناعات..

[R 7 A L]

��


أول ما طلع التفلزيون كانو المسلمين يعتبروه حرام لأن كل ما يطلع فيه هو رقص وأفلام بيها خمر ولبس قصير.

نفس التلفزيون اليوم ملئ بقنوات الدعوات الأسلامية والأرشاد الديني, هل أصبح حلالا؟

الحقيقة أن الأسلاميين تقوقعوا وقرروا الأنهزام من التلفيون أيامها, اليوم وجدوا أنه وسيلة لأيصال صوتهم للملايين

البرامج الأنترنتية نفس الشي, ما علينا بما هو موجود عليها, اذا أنت شاطر, أنشر ما تؤمن به, وأكسب ملايين المتابعين.

انتمى في المستقبل
تنقلب المصخرة الحاصلة الي اشياء مفيدة

[الجـــوديّ]

عيب عندنا هالفلوقر


شاكرة حضورك واحترم رايك


عيب
ولي لها اهل ماتطلع في هالخرابيط


وإذا أهلها راضيين ...

هل للحين احنا متمسكين بكلمة عيب القديمة بدون أدنى تفكير منا بمستجدات العصر اللي احنا فيه ..
اليوم عيب .. وعقب كم سنة بتذوب وبتختفي .... وبتصير من الكلمات المغبرة .....

مع إني توقعت رايك وأكيد احترمه.

[الجـــوديّ]

امحق سنع منقود وعيب وقله حياء وخلل في التربية وهالشي مقدمه لامور خطيره

هالفلوقر ... على ان لها في احد الفيديوهات 10 الاف ديسلايك .. في المقابل 30 الف لايك .. يعني لاقي تشجيع ...
هل بيسمعون وبينصاعون لكلمة "عيب " ... ؟!

مثل ما قلت هذا مد جديد من اساليب الحياة الدخيلة علينا ... الله يستر على الجميع

[شيخ الديرة]

أول ما طلع التفلزيون كانو المسلمين يعتبروه حرام لأن كل ما يطلع فيه هو رقص وأفلام بيها خمر ولبس قصير.

نفس التلفزيون اليوم ملئ بقنوات الدعوات الأسلامية والأرشاد الديني, هل أصبح حلالا؟

الحقيقة أن الأسلاميين تقوقعوا وقرروا الأنهزام من التلفيون أيامها, اليوم وجدوا أنه وسيلة لأيصال صوتهم للملايين

البرامج الأنترنتية نفس الشي, ما علينا بما هو موجود عليها, اذا أنت شاطر, أنشر ما تؤمن به, وأكسب ملايين المتابعين.



هذا الرد يمثلني

شكرا



شكرا لكي على الأشادة بالرغم من الأغلاط الأملائية :deal:

[الجـــوديّ]

اول ماقريت بلوقرز قلت باااال غبار اخبر البلوق والبلوقرز قبل عشر سنين وهم اصحاب المدونات

الفلوقرز ذيلا ماعرفهم كائنات جديده

لكن عموما واضح المقصد انتي قصدج بنات الانستغرام

انا ما اايد ان وحده تنشر حياتها الشخصيه ولا حتى تحط اسمها الحقيقي
حتى بلنكد ان الي يعتبر موقع رسمي ما اايد ان وحده تحط فيه معلوماتها

بقطر فيه بنات مب محجبات عندهم انستغرام وحابين تكون لهم شهره مثل الكويتيات لكن مايعجبني كلش ذوقهم


ترا للحين ناس وايد مايعرفون البلوقرز .... :nice: وشفتي مثال على الفلوقر ...

وما اقصد أهل الانستغرام بس ... هم بكثرة في اليوتيوب .. فيه منهم ظهور كامل وفيه صوت بس وفيه بس اليد يعرضون أشياء يتكلمون فيها خبراتهم
اللي طبخات .. واللي عناية شخصية .. واللي مشتريات وتسوق .. وبصراحة عالم كبير وفيه أخوات عربيات يعرضون مهارات منزلية


ما قلتي لنا وشي أسباب الرفض .. ارستقراطية
الحين صرنا بعالم منفتح ... ليش الانغلاق والعزلة ؟
هل من الصحيح نمشي عكس التيار ؟

[الجـــوديّ]

أول ما طلع التفلزيون كانو المسلمين يعتبروه حرام لأن كل ما يطلع فيه هو رقص وأفلام بيها خمر ولبس قصير.

نفس التلفزيون اليوم ملئ بقنوات الدعوات الأسلامية والأرشاد الديني, هل أصبح حلالا؟

الحقيقة أن الأسلاميين تقوقعوا وقرروا الأنهزام من التلفيون أيامها, اليوم وجدوا أنه وسيلة لأيصال صوتهم للملايين

البرامج الأنترنتية نفس الشي, ما علينا بما هو موجود عليها, اذا أنت شاطر, أنشر ما تؤمن به, وأكسب ملايين المتابعين.



انا ما تكلمت عن خطر هالتطبيقات .. عدينا هالمرحلة من النقاش..
أنا تكلمت عن استخداماتها بتدوين اليوميات والانفتاح على العالم ... بالمشاركة وانعدام الخصوصية

جيل الشباب والمراهقين اصبحوا اكبر متابع لهم وتقريبا ما يعرفون نجوم التلفزيون .. هذول هم النجوم عندهم
وهم يتابعونهم والاهالي مايدرون عنهم لين يصير هذا الشي عادي عند هذا الجيل وعيب ومنقود عند أولياء الأمور !

[الجـــوديّ]

شهالمصاخه وثقل الدم..
ناس ماعندهم سالفه ويعانون من الفراغ.. الله يستر على بناتنا


#بيتزتي_بيتزتي_بيتزتييييييي و #طحينة_ثوث .....وتقول ثقل دم :nice:


دوعابة أخوي طبيب .. من وحي الفيديو :shy:
ترا هالسوالف لها شعبية كبييييييرة عند الجيل الشاب

[الجـــوديّ]

بعد ماشفت هالمقطع لابنزل برامج ولاشي ..


مب حل ...
واذا عندك عيال من عمر 10 سنين وطالع لازم تجاريهم وتشوف شالبرامج اللي ينزلونها وانت تماشيهم علشان اتابعهم وتقدر توجههم بشكل صحيح
اسلوب المنع والانغلاق ولى وراح


استغرب الصراحة من يسمح لزوجته او بنته بستخدام انستغرام
هل تضمن انها لا تمر على صوره خادشه للحيا بل مرت وشافت

اتقوا الله في انفسكم وفي اهلكم




الانستغرام حاله حال التلفزيون والتليفون وتويتر وواتساب وغيره من الالات والتقنيات
و كل هذي البرامج فيها الزين وفيها الشين

المراة والبنت اذا متربيين واخلاقهم عالية بيرفضون اي شي منافي للدين سواء معاهم رجالهم او غايب
شالفايدة اذا خافوا قدامه والعبوا من وراه ؟!

[الجـــوديّ]

الحين عرفت السالفة
وليش بنتي الصغيره تحب تسوي فديوهات على الآي باد
تعرض فيه مكياجي وكريماتي
وأدواتي الأخرى
ترى هذا السبب كتقليد لهذا النوع من الناس
وأشوفها تفتح يوتيوبات من ها النوع
لكن ماكنت أعرف إنهم فعلا ناس معروفه !!!!!!!
افتكرتهم اعلانات عادية..

اول مرة أسمع كلمة فلوقر منكم الحين...




عشان جذيه البنات مايشيلون راسهم من هالآي فون والآي باد
انشغلوا عن أهلهم وواجباتهم الإجتماعيه والدينية ...
البنات أطباعهم تبدلت وتغيرت وملابسهم
وقناعات أهلهم صارت مختلفه عن أول
تنازلات غريبة من الرجل الأب والأخ والزوج
ومن المرأة الأم والأخت والبنت...

الله يستر علينا ويثبتنا يارب على مانحن عليه الآن من قناعات..


ايواااا .. شفتي شلون العيال يتاثرون حتى لو كانوا في بيئة محافظة وما ترضى بهالاشياء
صار لهم عالمهم اللي احنا بعيد عنه .ز بيبرز أكثر وبيتغير المجتمع تغير كبيييير خلال 5 سنين الجاية
صار الحين تناقل الصورة والفيديو سهل .. فاللي كان يستحي من التسجيل .. صار عادي نوعاً ما .. والمشجعين والمعجبين وايد أكثر من المنتقدين
وكلها تبعات .. الله يستر علينا ..
فهل بنوقف في وجه هالتطور .. وبنسكر البيبان ؟

[حسن]

ايواااا .. شفتي شلون العيال يتاثرون حتى لو كانوا في بيئة محافظة وما ترضى بهالاشياء
صار لهم عالمهم اللي احنا بعيد عنه .ز بيبرز أكثر وبيتغير المجتمع تغير كبيييير خلال 5 سنين الجاية
صار الحين تناقل الصورة والفيديو سهل .. فاللي كان يستحي من التسجيل .. صار عادي نوعاً ما .. والمشجعين والمعجبين وايد أكثر من المنتقدين
وكلها تبعات .. الله يستر علينا ..
فهل بنوقف في وجه هالتطور .. وبنسكر البيبان ؟


اللي بالاحمر هذه مقولتي لو سمحتي هذا حق لي انا من تنباء بهذا الشي

وتنبات بالكثير
ومنها زواج الورقه ومنها اندثار العبايه ومنها اندثار الشيله واختفائها
ومنها سفرات البنات لحالهم بكثره كغثاء السيل
ومنها العنوسه بشكل كبير
ومنها اختفاء االاعياد وغيرها وغيرها نقليه نوعيه كبيره

بس هناك سبب واحد يقدر يقلب الموازين كلها

[R 7 A L]

اللي بالاحمر هذه مقولتي لو سمحتي هذا حق لي انا من تنباء بهذا الشي

وتنبات بالكثير
ومنها زواج الورقه ومنها اندثار العبايه ومنها اندثار الشيله واختفائها
ومنها سفرات البنات لحالهم بكثره كغثاء السيل
ومنها العنوسه بشكل كبير
ومنها اختفاء االاعياد وغيرها وغيرها نقليه نوعيه كبيره

بس هناك سبب واحد يقدر يقلب الموازين كلها

ضف الي ذلك سكن بعض البنات بروحهم
هي في شقة واهلها في بيت بروحهم وهي طبعاً بروحها
يقولون موجود هالشي الان في مجتمعاتنا الخليجية بس انا ماشفت

[حسن]

ضف الي ذلك سكن بعض البنات بروحهم
هي في شقة واهلها في بيت بروحهم وهي طبعاً بروحها
يقولون موجود هالشي الان في مجتمعاتنا الخليجية بس انا ماشفت



لا فيه حاليا بنات ساكنين بروحهم ولكن بيزيد العدد مع النسوات
شي طبيعي لانفتاح الشعوب على بعضها
بدون اسس وقواعد ومبادي
بس هل هذا الشي وليد صدفه ؟؟؟

الى حد الان مااتضحت لي الرؤيا بس بعد ماارجع اقدر اعطيك تحليل اكثر وضوح

[R 7 A L]

شاكرة حضورك واحترم رايك




وإذا أهلها راضيين ...

هل للحين احنا متمسكين بكلمة عيب القديمة بدون أدنى تفكير منا بمستجدات العصر اللي احنا فيه ..
اليوم عيب .. وعقب كم سنة بتذوب وبتختفي .... وبتصير من الكلمات المغبرة .....

مع إني توقعت رايك وأكيد احترمه.


مستجدات العصر كلنا معها اذا تم استخدامها استخداماً صحيح
اما ماتراه اليوم اغلبهم استعراض لانفسهم تعالوا شوفوني شمسويه
وشوفوا حواجبي وعيوني وجسمي الا بنقول عيب

[R 7 A L]

لا فيه حاليا بنات ساكنين بروحهم ولكن بيزيد العدد مع النسوات
شي طبيعي لانفتاح الشعوب على بعضها
بدون اسس وقواعد ومبادي
بس هل هذا الشي وليد صدفه ؟؟؟

الى حد الان مااتضحت لي الرؤيا بس بعد ماارجع اقدر اعطيك تحليل اكثر وضوح

طبعاً ليس وليد الصدفه
فيها ناس تخطط وتشتغل لهذا الشي مستغلين المراهقين وضعاف النفوس
طبعاً هالناس الي تشغل اما جايين من مجتمعات اخرى وهالشي عادي عندهم ويبونه يصير عادي عندنا
او ناس لفو اصبحوا تابعين لمجتمعاتنا

[حسن]

خلني يارحال واسع افقك وانظر الى البعيد شوي
ركز معي شوي

اولا مادري ليش احنا دائما المدافعين عن المراه وضد التصرفات اللي تصدر منها
الغير مالوفه ووياريت كانت للافضل كان صفقنا لها
ثانيا هل التغير بيكون للمجتمعات عن طريق المراءه ؟؟؟

هل هي سبب التغير

هذا السؤال يدور في ذهني ولم القى اجابه !!!
يعني بدال تفكيرنا ماينحصر في المستقبل جلسنا نفكر بيود مجنونك لا يجيك اجن منه!!

مالقيت اجابه لها في مخي

[R 7 A L]

خلني يارحال واسع افقك وانظر الى البعيد شوي
ركز معي شوي

اولا مادري ليش احنا دائما المدافعين عن المراه وضد التصرفات اللي تصدر منها
الغير مالوفه ووياريت كانت للافضل كان صفقنا لها
ثانيا هل التغير بيكون للمجتمعات عن طريق المراءه ؟؟؟

هل هي سبب التغير

هذا السؤال يدور في ذهني ولم القى اجابه !!!
يعني بدال تفكيرنا ماينحصر في المستقبل جلسنا نفكر بيود مجنونك لا يجيك اجن منه!!

مالقيت اجابه لها في مخي

سؤالك
يبي له مجلادات وكتب وبحث في التاريخ القديم والعصور الماضية
حتى انا ماعرف جوابة

[طلعة الروح]

مادام ماتغضب ربها بهالفعلة وهي مقتنعه فيها كهدف ورسالة معينة وبضوابط معينه ف ماشوف فيها مشكلة خاصة وان السواد الاعظم من المتابعين لطبيعة هذه الفيديوهات هن الفتيات، والاحرى بالفتاه المحجبه ترك هذه الامور اتقاءا لشبهة فتنة الرجال وتحميل نفسها ذنوب من غير ماتدري، عن نفسي اتابع بعض الفيديوهات من هذا النوع على اليوتيوب واجدها مفيده واللي اتابعهم من الاوربيات والامريكيات وباقي الاجانب.

[الجـــوديّ]

#فاصل_و_نواصل

:nice:


http://www.youtube.com/watch?v=DrX_ZYbeJzc

[ضوى]

جاكلين الفيديوهات الاخيرة مليغة مررررة

[الجـــوديّ]

^

هذا الواقع والمشهور عند فئة الشباب (البنات)اللي اقول عنها حسب متابعاتي وملاحظاتي ... أحياناً لامضمون ...
وهالبنت حاطة ادعية واذكار الله يجزاها خير في مقدمة الفيديو ..
http://www.youtube.com/watch?v=pMGYAQjd9k8
للعلم صار لي تقريباً 4 شهور وانا اتابع واقرا واشوف شالموجود بشكل عام علشان افهم بس شالحاصل .. !!


الأشياء المفيدة والجادة يتابعها الكبار

[نوار قطر]

استغرب الصراحة من يسمح لزوجته او بنته بستخدام انستغرام
هل تضمن انها لا تمر على صوره خادشه للحيا بل مرت وشافت

اتقوا الله في انفسكم وفي اهلكم

اسمح لي ياخوي انت غلطان الانستغرام حاله حال اي من البرامج الي فيها الزين وفيها الشين ،،، حتى التلفزيون فيه الزين والشين ،، امنع عن اهلك النت وامنع عنهم التلفزيون بحجة ان ممكن يدخلون على مواقع او صور خادشه للحياء،،، لا ياخوي اهني تطلع تربية كل ام حق عيالها وهي على شنهو ربتهم ،،،وبما ان تربيتي صح ف انا متأكده ان شالله انها ماراح تدخل على هالاشياء ،،،

[JN000N]

في وحده قطريه
عاده نفسها ستايلت وفاشنيستها
والصراحه لبسها شماطيط وفوق هاي كله مقتنعه انها كشيخه!!
اللي قصت معدتها وزر عقلها شوي؟

[نوار قطر]

نوار ... هم راضيين واحنا ماعلينا منهم .. ذيه شي مفروغ منه
اللي لاحظته ان هالبلوقرز كل مالهم ويزيدون وفيه يالله خير قمة في الاحتشام تسمعين بس صوت ولا يظهر منها شي وفيه العكس ..
ولاحظت فيه تعلق كبير واهتمام بالمتابعة من جيل الشباب والمراهقين

عني .. هذا شي جديد علي وللحين ما كونت موقف واضح مع نفسي
لكن بكرة لما اتجيني بنتي تبي تكون بلوقر والا فلوقر في وقت عم وانتشر وصار عادي
هل برفض او بحط عليها قيود ومحاذير .. ؟!
وهل هالشي ماراح يعرقل حياتها لما تصير بعمر زواج .. مايبونها ومحد يبي يخطبها لانها بلوقر او لان صوتها طلع او او او ...
تختلف العوائل والقناعات ولكن هل بشكل عام هالتدوين مقبول في المجتمع القطري بالتحديد .....؟
حتى الان الاحظت قبوله عند البنات ورفضه عند الشباب !!


للامانه للامانه ياجاكلين انا هالبلوقرز والفلوقرز اول مره اسمع عنه واعرفه منج ومن هالموضوع طلع عاالم واااسع وكبير وانا خبر خير :rolleyes2:،،، يمكن مالي اهتمامات وايد في هالعالم ،، انا الانستغرام توني متعلمه شلون استخدمه ،،، بس الحين صادني فضول اعرف اكثر عنهم ،، طلعت سندس منهم وانا اساسا ضايفتها عشان مكياجها ماادري ان عندها شي بلوقرز مادري فلوقرز:(

[ANONYMOUS]

كرااب

[Al-Kuwari]

ترا للحين ناس وايد مايعرفون البلوقرز .... :nice: وشفتي مثال على الفلوقر ...

وما اقصد أهل الانستغرام بس ... هم بكثرة في اليوتيوب .. فيه منهم ظهور كامل وفيه صوت بس وفيه بس اليد يعرضون أشياء يتكلمون فيها خبراتهم
اللي طبخات .. واللي عناية شخصية .. واللي مشتريات وتسوق .. وبصراحة عالم كبير وفيه أخوات عربيات يعرضون مهارات منزلية


ما قلتي لنا وشي أسباب الرفض .. ارستقراطية
الحين صرنا بعالم منفتح ... ليش الانغلاق والعزلة ؟
هل من الصحيح نمشي عكس التيار ؟

نعم امشي عكس التيار

" لا تتنازل عن مبادئك حتى لو أصبحت وحيداً فالذنب يبقى ذنب حتى لو جميع اهل الأرض ارتكبوه ! "

الحكمه كمقياس بعيداً عن كون ما يفعلونه البنات المذكورات في الموضوع

[غايه الطواش]

اللي قصت معدتها وزر عقلها شوي؟

هي ماغيرها قصت معدتها وعقلها فصل السنسر مال التركيز

[نوور الدووحه]

مقبول..بالعكس اهما قاعدين يفيدونا :shy:

[الجـــوديّ]

اللي بالاحمر هذه مقولتي لو سمحتي هذا حق لي انا من تنباء بهذا الشي

وتنبات بالكثير
ومنها زواج الورقه ومنها اندثار العبايه ومنها اندثار الشيله واختفائها
ومنها سفرات البنات لحالهم بكثره كغثاء السيل
ومنها العنوسه بشكل كبير
ومنها اختفاء االاعياد وغيرها وغيرها نقليه نوعيه كبيره

بس هناك سبب واحد يقدر يقلب الموازين كلها








طيب .. مابينا خلاف إن شاءالله ... وان كنت احتفظ بحقها لانها من بنات أفكاري .... :waiting:

أوكي .. وتنبئنا ... شلون اقدر أحمي نفسي من هالتيار والانفتاح ؟
ترا سهل نقول كلام .. وصعب نثبت قدام الريح واحنا محتفظين بكل قيمنا وبكل عاداتنا وتقاليدنا (حتى هالكلمة خلال 5 سنين راح تكون من التراث فقط)


ما أحب أكون متشائمة .. وما أحب أشوف النص الفارغ من الكاس
فيه تطور ايجابي يحصل لنا الحمدلله
والوسطية في هالحالة صعبة والله المستعان

[الجـــوديّ]

ضف الي ذلك سكن بعض البنات بروحهم
هي في شقة واهلها في بيت بروحهم وهي طبعاً بروحها
يقولون موجود هالشي الان في مجتمعاتنا الخليجية بس انا ماشفت

وصل لي عندنا .. للأسف .. بس اللي سووا هالحركة مش في كامل الاتزان
عندهم صراعات ومشاكل مع نفسهم اصلاٍ ومع أهاليهم الله يهديهم ويصلحهم

[الجـــوديّ]

طبعاً ليس وليد الصدفه
فيها ناس تخطط وتشتغل لهذا الشي مستغلين المراهقين وضعاف النفوس
طبعاً هالناس الي تشغل اما جايين من مجتمعات اخرى وهالشي عادي عندهم ويبونه يصير عادي عندنا
او ناس لفو اصبحوا تابعين لمجتمعاتنا

ترا فيه من هالبنات قمة في الأدب والاحترام والاخلاق
وأهاليهم سامحين لهم ومسجلين معاهم فيديوهات




الا بقولك .. رحال

من قال ظهور المرأة في التلفزيون أو الفيديو حرام ؟
والا التحفظ على طريقة العرض ومحتواها؟

[الجـــوديّ]

خلني يارحال واسع افقك وانظر الى البعيد شوي
ركز معي شوي

اولا مادري ليش احنا دائما المدافعين عن المراه وضد التصرفات اللي تصدر منها
الغير مالوفه ووياريت كانت للافضل كان صفقنا لها
ثانيا هل التغير بيكون للمجتمعات عن طريق المراءه ؟؟؟
هل هي سبب التغير

هذا السؤال يدور في ذهني ولم القى اجابه !!!
يعني بدال تفكيرنا ماينحصر في المستقبل جلسنا نفكر بيود مجنونك لا يجيك اجن منه!!

مالقيت اجابه لها في مخي

أنتو مستقلينها وميودينها تقطع .. ومقارنة مع غيرها

طيب قارنوا غيرها معاها ولو مرة وشوف كلمة حافظ ابراهيم صحيحة والا لا ؟

× الأم مدرسة إذا أعددتها أعددت شعباً طيب الآعراق ×

يعني مب شعب عادي .. زيد عليه طيب الآعراق يعني هاي كوالتي :discuss:

[حسن]

هي ماغيرها قصت معدتها وعقلها فصل السنسر مال التركيز


لو سمحتى هذه مقولتي اللي قص المعده نشال سنسر المخ وياه

:(

الصراحه اشوف وايد قامو ياخذون افكاري االظاهر باوثقها في براءه الاختراع
هذهافكاري وادبياتي ولي الحق القانوني
انا اتعب مخي وغيرها ياخذها بلاش

:discuss:

على العموم بين من الموضوع اهتمامات المراءه عندنا فقط للشو والمكياج والكشخه
يعني بدون اي فائده تذكر للمواطن اي الزوج شغلات تخص العمل ولا جلسات الصديقات
او حفلاتهم زواج ولا طلاق ولا خطوبه
والزوج طلع اخر اهتمامات المرءاه يعني بلوشي

محد فيكم ذكر اكله شعبيه مجبوس برنيووش برياني
بزار كركم ولا شي

الصراحه حاجه تكسف

وبعد هذا يسجل لي كااكتشاف

:victory:

[الجـــوديّ]

مادام ماتغضب ربها بهالفعلة وهي مقتنعه فيها كهدف ورسالة معينة وبضوابط معينه ف ماشوف فيها مشكلة خاصة وان السواد الاعظم من المتابعين لطبيعة هذه الفيديوهات هن الفتيات، والاحرى بالفتاه المحجبه ترك هذه الامور اتقاءا لشبهة فتنة الرجال وتحميل نفسها ذنوب من غير ماتدري، عن نفسي اتابع بعض الفيديوهات من هذا النوع على اليوتيوب واجدها مفيده واللي اتابعهم من الاوربيات والامريكيات وباقي الاجانب.

راييي من رايج ..
نقطة الدين والرأي الشرعي مطلوبة كمتابعين وكبلوقرز وفلوقرز
صحيح إني استفيد منهم ويعجبني شغلهم لكن في قرارة نفسي ما أتمنى لهم أنهم يستاثمون (لأي سبب كان) من ورانا كمتابعين

[الجـــوديّ]

للامانه للامانه ياجاكلين انا هالبلوقرز والفلوقرز اول مره اسمع عنه واعرفه منج ومن هالموضوع طلع عاالم واااسع وكبير وانا خبر خير :rolleyes2:،،، يمكن مالي اهتمامات وايد في هالعالم ،، انا الانستغرام توني متعلمه شلون استخدمه ،،، بس الحين صادني فضول اعرف اكثر عنهم ،، طلعت سندس منهم وانا اساسا ضايفتها عشان مكياجها ماادري ان عندها شي بلوقرز مادري فلوقرز:(

بلوقرز وفلوقرز مجرد مسميات نوار .. يعني هذولا اللي يدونون بالكتابة أو الفيديو ..
نفس كييييييكرزززز حق اهل الكييك
واللي يستخدمون الانستغرام يسمونهم انستغرامرز
وبلوقرز اللي يستخدمون موقع blog للتدوين ..
وعادة هالبنات الي ينزلون في الانستغرام .. ينزلون اشياء وفيديوهات اطول في اليوتيوب

[الجـــوديّ]

كرااب

حد يفهمني :rolleyes2:

[الجـــوديّ]

نعم امشي عكس التيار

" لا تتنازل عن مبادئك حتى لو أصبحت وحيداً فالذنب يبقى ذنب حتى لو جميع اهل الأرض ارتكبوه ! "

الحكمه كمقياس بعيداً عن كون ما يفعلونه البنات المذكورات في الموضوع

ما عندي مشكلة .. بمشي عكس التيار ...
وأكيد المحرمات خط أحمر ما نتجاوزها و ما فيها نقاش أصلاً ..
لكن هل بستحمل وبصمل ... هل المجتمع اللي احنا فيه يساعد؟
خاصة إن المستجدات تدخل علينا ناعمة ما نحس فيها لين تتأصل وتصير شي عادي

أعتقد إنها تعتمد على حجم الوازع الديني ... :(
الله يعيننا ويثبتنا .. أجمعين



شاكرة لك الله يجزاك خير

[يمامـة]

يعتمد على طريقة العرض

دام انها محترمة في أسلوب عرضها وطريقة كلامها
ومستورة .. الله يوفقها..

اما اللي تتغنج او تبرز مفاتنها بكل ما اكتسبت من حيل او طرق لتجميل ويهها
او صوتها او تعابيرها ( بأسلوب غير محترم) طبعا ضد..

اما بالنسبة لي ( اشوف نفسي بشكل عام صرت ضد ظهور المرأة
لا صوت ولا صورة ولا حتى يمكن الكتابة بعد اقضي عليها بسبب الفتن اللي صايرة حولنا..)

[الجـــوديّ]

مقبول..بالعكس اهما قاعدين يفيدونا :shy:

انزين .. اذا جاء ولدج بكرة يبي يخطب بنت شافها في الانستغرام وهي تعرض اشياء مفيدة وهي محترمةفي ظهورها وشكلها

وأنتي وهو من متابعينها .. توافقين ؟

سؤال افتراضي

[الجـــوديّ]

يعتمد على طريقة العرض

دام انها محترمة في أسلوب عرضها وطريقة كلامها
ومستورة .. الله يوفقها..

اما اللي تتغنج او تبرز مفاتنها بكل ما اكتسبت من حيل او طرق لتجميل ويهها
او صوتها او تعابيرها ( بأسلوب غير محترم) طبعا ضد..

اما بالنسبة لي ( اشوف نفسي بشكل عام صرت ضد ظهور المرأة
لا صوت ولا صورة ولا حتى يمكن الكتابة بعد اقضي عليها بسبب الفتن اللي صايرة حولنا..)

عن نفسي أأيد عدم الظهور ..

لكن .... المرأة روح .. تبي اتنفس .. تبي تبدع لو هي موهوبة .. تبي تشارك .. .. في نطاق المباحات
بنحكرها في البيت ..... والعالم مفتلة .... صعبة شوي .. والدنيا تغيرت ..
مع ان للحين وايد محكورات ولا يشمون الهواء
مالهم الا وظايفهم ويحطون الحرة فيها

[R 7 A L]

ترا فيه من هالبنات قمة في الأدب والاحترام والاخلاق
وأهاليهم سامحين لهم ومسجلين معاهم فيديوهات




الا بقولك .. رحال

من قال ظهور المرأة في التلفزيون أو الفيديو حرام ؟
والا التحفظ على طريقة العرض ومحتواها؟



مسألة التحريم والحلال عند اهل الاختصاص
ولكن طريقة العرض هي الي عليها الاختلاف
وبعضها عليها مليون خط احمر
حياة الشخص وخاصة الحريم شي خااااااص جداً وعيب حتى اقرب الناس يطلع عليها والي نشوف هالايام قلب الموازين وصار ان بعض البنات من عادها في سريرها تصور للعالم

[R 7 A L]

حـكـم تصـوير الـمرأة لـ يدهـا أو شيء من جسدها وتنزيلها للعرض ؟؟

وَتَحْسَبُونَهُ هَيِّنًا وَهُوَ عِنْدَ اللَّهِ عَظِيم

( http://t.co/Ro8HQ7Q2ro )

[JN000N]

هي ماغيرها قصت معدتها وعقلها فصل السنسر مال التركيز

اي اللي يبلفيت مودل الحين وخر عنها الرشيقه خخخ
لا اسلوب ولا ويه ينتجابل لا وعرج مصري بحت ف تجميع الفلوس على كل شي نسبه
ابدا ماتمثل بنات قطر

[العلياا]

الفلوقرز اعتقد تقصدين اليوتيوبرز

شخصيا اتابع عدد معين من خبيرات التجميل الكويتيات بالتحديد لان احس هذا مجالهم والى الان ماجفت قطرية بنفس المستوى (وما اتمنى اشوفهم لا احين ولا بعدين ) ،
استفدنا منهم واايد واذكر في وحدة تصور يومياتها فقط وانشهرت ومن فترة اطلبوها عندنا تفتتح معرض نسائي على مستوى وشوفي عاد كم اندفع لها !! وهي اصلا لا مصمم وعارضه ولا حتى ممكيجه ولا لها فالهالمجال !

ومن ناحية ثانية الانستقرام له دور كبير في تسويق المنتجات مثال:
من منا كان يشتري من بينفت او اريبان ديغو ؟ كان المتعارف عليه اول ما تدخلين أي محل مكياج تلاقين البنات عند شانيل ودي اند جي واليوم كلها عند هالماركات !!

[شيزكيك]

الحمدلله في السفرة ما صورت شي نويت اني استمتع بالاماكن قلت لزوجي صور وطرش لي الصور ههه ولبي امسك ولدي

[شيزكيك]

وصج احب الانستغرام واحب اشارك المتابعات لي للاماكن الي اروحها

[ضوى]

الفلوقرز اعتقد تقصدين اليوتيوبرز

شخصيا اتابع عدد معين من خبيرات التجميل الكويتيات بالتحديد لان احس هذا مجالهم والى الان ماجفت قطرية بنفس المستوى (وما اتمنى اشوفهم لا احين ولا بعدين ) ،
استفدنا منهم واايد واذكر في وحدة تصور يومياتها فقط وانشهرت ومن فترة اطلبوها عندنا تفتتح معرض نسائي على مستوى وشوفي عاد كم اندفع لها !! وهي اصلا لا مصمم وعارضه ولا حتى ممكيجه ولا لها فالهالمجال !

ومن ناحية ثانية الانستقرام له دور كبير في تسويق المنتجات مثال:
من منا كان يشتري من بينفت او اريبان ديغو ؟ كان المتعارف عليه اول ما تدخلين أي محل مكياج تلاقين البنات عند شانيل ودي اند جي واليوم كلها عند هالماركات !!

صح كلامج ، اشوف بنتي بالسفر تدور ماركة بنفيت ماخلت شي ماخذته تقول نفس اللي قالت عنه دلال بالانستغرام

[بو خليفه 123]

خليجياً .. هي انتشرت بالكويت اولاً و الآن بدت تنتشر بالخليج , اصبحت للبعض تجاره مربحه جداً و البعض منهم اصبحوا مؤثرين اعلامياً من ناحية تسيير الموضه و بيع ادواتهم او بضاعتهم الشخصيه .

أنا بصراحه ضد الفكره و الوم كيم كارداشيان و برنامجها الي اثر على مجتمعنا المسلم .

اما انا متابع لبعض الـ فود بلوقر بما اني متذوق و محب للاكل و احب استكشف مطاعم جديده .

[sweet qatar]

فعلاً صار الانستغرام هو وجهتنا الرئيسية اذا بنعرف الجديد ... من غيره نحتاس

kawkawii تحية شكر وتقدير كبيرة ..من البلوقرز القطريات المتخصصة ...

ابديت اول باول .. وترتييييب .. نستفيد منها الله يعطيها العافية





تستاهل التحية والاحترام

لها سنين تفيد بنات قطر بكل احترام لنفسها ولاسمها

ليش في هالمنتدي ما يبرزون الا الناس الشاذة !!

ليش الي يشتغل صح محد يطريه

شوفي جاكلين صح الخليج واحد لكن الكويت غير وقطر غير

يمكن في المستقبل نصير نفسهم

لكن الي الآن نسبة الي محافظين علي العباة التقليدية أكبر

شخصياً لا أؤيد تطلع بنت قطرية نفس دلال .. ممكن تكون ورا الشاشة بدون ماتعرض نفسها أفضل

مع اني أحب دلال واحترمها بس مجتمعهم غير عنا

[sweet qatar]

وعلي طاري الي قالت عنها غاية

خاطري أعرف شباب قطر الي مسوين لها فولو .. شيبون ؟؟

[العلياا]

صح كلامج ، اشوف بنتي بالسفر تدور ماركة بنفيت ماخلت شي ماخذته تقول نفس اللي قالت عنه دلال بالانستغرام

طبعا لان مسوقين لها صح وشوفي هالميك اب ارتست شكثر تجيها هدايا من الشركة مجانا

[Dana’1]

اتابع خليجيات واجانب بس الموضوع عن الخليجيات الي عندي اشوفهن رائعات والكل فية ميزة تختلف عن الثانية

من ضمن الي اتابعهم بالانستغرام
سندس القطان
أفنان الباتل
غادة العودة<< بنت الشيخ سلمان

وغيرهم بس تصدقون بنات ما عندي قطريات! تو اعرف إن فية قطريات
لأن أغلب الي واجهتم وتابعتهم سعوديات وكويتيات



بالنسبة للمجتمع حتى الرجال صاروا يتقبلون هالشي إن كان في حدود الشرع
مثل والد وحدة سعودية اسمها جوجو القحطاني من جدة لها قناتين باليوتيوب ومسوية لقاء مع أبوها
والتعليقات من الجنسين تمدح فية ولبنتة هذا يعني إن فيه تقبل للفكرة طالما فيه أحتشام.. البنت ما تظهر بس تطبق المكياج على أختها الصغيرة ... هذا الكلام من زماان ما اعرف اذا للحين تنزل او لا لان ما تابعتها!


القصد إن هالمجال دخله الكل المحتشم والغير محتشم .... الي يفيد والي بس زيادة عدد بالنت مامنه فود كلش
وأنت يالمتابع تقرر من اتابع
والسلام ختام

[نوار قطر]

صح كلامج ، اشوف بنتي بالسفر تدور ماركة بنفيت ماخلت شي ماخذته تقول نفس اللي قالت عنه دلال بالانستغرام

ماركة بنفيت واايد حلووه من قبل ماكنت اخذ منها بس شفت خواتي طايحين فيها وجربتها حلوه

[نوار قطر]

بلوقرز وفلوقرز مجرد مسميات نوار .. يعني هذولا اللي يدونون بالكتابة أو الفيديو ..
نفس كييييييكرزززز حق اهل الكييك
واللي يستخدمون الانستغرام يسمونهم انستغرامرز
وبلوقرز اللي يستخدمون موقع blog للتدوين ..
وعادة هالبنات الي ينزلون في الانستغرام .. ينزلون اشياء وفيديوهات اطول في اليوتيوب

ههههههههههه تبين الصج الحين فهمت شتقصدين تووها وااصله لي :shy:

[بوحارب]

ما تلاحظون ان الحركات السخيفة والمليغة اللي مالها اي معنى

داااائماً تطلع من اخواتنا في الله :)

الحين اشدخلنا احنا تصورين لنا فيديو كامل وش سويتي ووين رحتي !!!

مالت على البلوقرز مادري البرنقلز خخخخخ

[الجـــوديّ]

^
^
^
احنا ما قللنا مانبي قدح في حد

وكلٍ عليه من نفسه

[ودي أكون]

هل تؤيدون البنات البلوقرز والفلوقرز ؟

ش هالمسميات والبرامج اللي اطلعت، كل يوم والثاني نسمع شيء جديد :rolleyes2::swoon:

[الجـــوديّ]

حـكـم تصـوير الـمرأة لـ يدهـا أو شيء من جسدها وتنزيلها للعرض ؟؟

وَتَحْسَبُونَهُ هَيِّنًا وَهُوَ عِنْدَ اللَّهِ عَظِيم

( http://t.co/Ro8HQ7Q2ro )


قلت وقولك الفصل ..

جزاك الله خير على الرابط نفع الله بك ،،

[حسن]

عندنا مثل دارج

الجنون فنون وقل العقل مصيبه

واحتراما لقملي المميز هذا اخر رد لي في موضوع لايرتقى
الى الحوار الراقي والهدف المرجو من تلك التصرفات السخيفه


ودمتم سالمين


:)