استشارة يا أهل الخير

[راعي ارقام]

السلام عليكم

ممكن استشارة قانونية .. مماً لديهم اي معلومة ؟
اليوم طلبت وجبة غدى من احدى المطاعم ..
وبعد اخذ الوجبة والذهاب بها الى البيت للغدى انا واهلي ؟
وبعد ثاني لقمة وجدت الطامه الكبرى بين الرز ( العيش ) وجدت وانتم بكرامه صرصور
نعم صرصور .. وواضح !!
السؤال انتصلت لحماية المستهلك قالوا ارجع للبلدية ..
رجعت للبلدية بعد حن ورن استمر حوالي ال 20 دقيقه لا موظفة البداله لم تتمكن من خدمتي ابدا ولا عندها اي ادنى علم كيف تتعامل مع المشكلة .. وبعد الحنه واني اريد محادثة مسؤول .. اعطتني احد الاخوه .. ف قلت انه ان الوجبه معي واريد ان يعاينها احد .. او ان اذهب بالوجبه لمختبر صحي .. الصراحة انا ماافهم باجراءاتهم بس من باب المنطق ..!!؟ قال لي الموظف تكفي الصوره !
المهم .. قلت للموظف ليش مايتم اخذ الاجراءات الان لان نفس هذي المطاعم على ارضنا الطيبه في تؤدي بحياتنا او حياة اطفالنا .. ف قال لي ان الاجراءات تاخذ فتره ؟؟
المواد .. البلدية بتعرف تعاقب المطعم ؟ انزين وانا ؟؟
وانا وحالة المعنوية لانه اليوم ماحطيت ف حلجي لقمه غير الماي والكوافي !!
الصراحة انا منصدم !!
وتعبت نفسياً من اللي شفته !!
ومااقدر اكل شي ؟
واحس اني باقعد افتش بالاكل من اليوم ورايح ؟
هذا اذا قدرت اكل ؟
السؤال ماذا تنصحوني ان اعمل ؟
والوجبه موجوده ومغلفه ومحفوظه ف الثلاجه ؟
لاني مااارتحت نفسياً ؟
واغلي من داخلي على ما رايت ؟
وشكرا ..
والسموحه على الاطاله .. والسموح لي اذا كانت هناك اخطاء املائية .. لعدم مراجعتي للموضوع ولسرعة كتابة الموضوع ..!!

[حسن]

والله ياخوك شاقولك
لوانا الصراحه ماشتكي الا اذا الشي تكرر
ياخوك عادي ياما وياما كلنا ولحسنا التراب ومناعتنا زي الفل الحمدلله
زيهوي مسكين مر وطاح في الجدر اجله
الله يعينك عاد الناس تختلف نفسياتها بالنسبه لي عشت في اقسى الظروف
وانا على الرصيف مافي مشكله

الله يعينك وبعدين هذا تخصص البلديه مش حمايه المستهلك

بس حبيت اسئلك الازيهوي اي من الالماني ولا مانا مال البواليع العود !!!

ونصيحه لك ياخوي انا ماكل مطاعم خير شر الا اذا ممسافر انظف واحسن وساعات نلقى شعر راس ميري
عادي نسحبها ونكمل اللقمه!!

تحياتي

[طبيب قطري]

لاتسكت عن حقك وحاول توصل شكواك الى اعلى مستوى لين مايسكرون هالمطعم، مايخافون الله حسبي الله عليهم..
وكلمه اخيره.. ادري لاعت جبدك من الحشره بس هذا مايمنع انك تاكل من اكل البيت لانه والله انظف بمليون مره من اكل الشارع..

[راعي ارقام]

صحيح كلامكم .. اكل البيت غير .والزهيوي مال البواليع بس حجمه وسط ..

[aziz4z]

خليك متواصل مع البلدية لين يسكرون المطعم , الله يعينك عليهم , لو رحت المطعم بنفسك في البداية وخبرتهم , كان عرضوا عليك عروض لين تتنازل , وكان خافوا أكثر وفوق هاي اشتكيت عليهم
خليك على أكل البيت أحسن لك بمليون مرة , أكل المطاعم بدون كاتشب و ماينيز ماله طعم , كأنها قطع بلاستيك

[بوسعود1122]

قانونا مالك الا البلديه ، وغير هالمكان ماتقدر تقدم فيه شكوئ

[فاهم وساكت]

فيه وايد مطاعم تكون فيه كيمرات داخل المطبخ وتقريبا بكل مكان بالمطعم .. تقدر تستغل هالشي

اما انك خذت الوجبه البيت .. هالشي صعب تثبته عليهم والاسباب كثيره .. ولكن بهالحاله اشوف ان الجهات المعنيه اكثر شي يقدرون يسوونه يطرشون حد على هالمطعم مره ومرتين ويشوفون شلون الاوضاع بالمطبخ

[وليف الشوق]

اللي قاعد اشوفه من ردود اخواني واخواتي نصايحهم انك تاكل من البيت والسبب انظف ومادري وشو !! صدقوني يااخوان مو ذنبنا اذا عندنا ظروف في البيت مثل الوالده تعبانه او الزوجه تعبانه او مثلا كان عندنا مواعيد في المستشفى او خارج البلاد ومايمدي نسوي غدى فنضطر كثير من الاحيان للاعتماد على المطاعم عشان نتغدى لوجود الاسباب اللي ذكرتها !! لكن مش ذنبنا لما نروح المطعم ونلقى اعزكم الله حشرة او اي شي غير طبيعي فهذا من المسؤول عنه في المقام الاول ومن المسؤول عن ارواح المواطن والمقيم على حد السواء !! فنصيحتي للاخ الفاضل تكلمة الاجراءات القانونيه من الجه المسؤوله لماتبعه الحاله ولا تسكت ابد عن الموضوع ولو لجأت الى رفع قضيه وانا متأكد من الاخوان والمسؤولين في البلدية راح يتجاوبون معاك لكن اللي فهمته من كلامك انك تبي يجي موظف او مفتش على وجه السرعه وهذي الامور لها تسلسل من وجهه نظري الاتصال ثم عمل بلاغ ثم ثم ثم ولها اجراءات انت اصلا ماتدري عنها الى ان يجي الموظف فهذا محتاج وقت وعليك بالصبر لكن اهم شي انك تعمل بلاغ ضد المطعم مع وجود الدليل القاطع على صخة كلامك لكن نصيحه مني لا تاخذ الامور بالاستعجال لان مثل هذه الحاله لها اجراءات راح تجري من وراك من المسؤولين في البلدية وانا من خلال هذا الموقع اشكر وزير البلدية ومساعديه وجميع الطاقم الاداري والعاملين وجميع افرع البلديات على مايقومون به من مجهودات مميزة ورائعه لخدمه الوطن والمواطن والمقيم على حد السواء فبارك الله لهم وجزاهم الله خير الجزاء

ملاحظه : يعني مستحيل نرجع البيت الساعه 1 الظهر بعد عناء من الانتهاء من بعض الاعمال والمراجعات في عدة وزارات واخلي زوجتي او الوالده تسوي غدى !! حزتها ممكن نمر في طريقنا مطعم وناخذ غدانا ونروح البيت وفوق كل هذا نلقى في الغدى صرصور ؟ الله المستعان

[ريتويت]

اخوي اي مطعم ذي لازم تذكر اسمه عشان تنبه الناس

[رهج السنابك]

لازم تشهر بالمطعم وتنزل صوره بكرا كل الجرايد منزلين موضوعك وبدال لا انت تتصل هم يتصلون فيك :)

[دايموند]

نبي اسم المطعم لو سمحت
ولا تسكت عن حقك كمل مع البلديه

[راعي ارقام]

اللي قاعد اشوفه من ردود اخواني واخواتي نصايحهم انك تاكل من البيت والسبب انظف ومادري وشو !! صدقوني يااخوان مو ذنبنا اذا عندنا ظروف في البيت مثل الوالده تعبانه او الزوجه تعبانه او مثلا كان عندنا مواعيد في المستشفى او خارج البلاد ومايمدي نسوي غدى فنضطر كثير من الاحيان للاعتماد على المطاعم عشان نتغدى لوجود الاسباب اللي ذكرتها !! لكن مش ذنبنا لما نروح المطعم ونلقى اعزكم الله حشرة او اي شي غير طبيعي فهذا من المسؤول عنه في المقام الاول ومن المسؤول عن ارواح المواطن والمقيم على حد السواء !! فنصيحتي للاخ الفاضل تكلمة الاجراءات القانونيه من الجه المسؤوله لماتبعه الحاله ولا تسكت ابد عن الموضوع ولو لجأت الى رفع قضيه وانا متأكد من الاخوان والمسؤولين في البلدية راح يتجاوبون معاك لكن اللي فهمته من كلامك انك تبي يجي موظف او مفتش على وجه السرعه وهذي الامور لها تسلسل من وجهه نظري الاتصال ثم عمل بلاغ ثم ثم ثم ولها اجراءات انت اصلا ماتدري عنها الى ان يجي الموظف فهذا محتاج وقت وعليك بالصبر لكن اهم شي انك تعمل بلاغ ضد المطعم مع وجود الدليل القاطع على صخة كلامك لكن نصيحه مني لا تاخذ الامور بالاستعجال لان مثل هذه الحاله لها اجراءات راح تجري من وراك من المسؤولين في البلدية وانا من خلال هذا الموقع اشكر وزير البلدية ومساعديه وجميع الطاقم الاداري والعاملين وجميع افرع البلديات على مايقومون به من مجهودات مميزة ورائعه لخدمه الوطن والمواطن والمقيم على حد السواء فبارك الله لهم وجزاهم الله خير الجزاء

ملاحظه : يعني مستحيل نرجع البيت الساعه 1 الظهر بعد عناء من الانتهاء من بعض الاعمال والمراجعات في عدة وزارات واخلي زوجتي او الوالده تسوي غدى !! حزتها ممكن نمر في طريقنا مطعم وناخذ غدانا ونروح البيت وفوق كل هذا نلقى في الغدى صرصور ؟ الله المستعان


صحيح اخوي هذا اللي يجبرنا ع هالمطاعم .. وانا بحولها قضيه باذن الله ..

[راعي ارقام]

اخوي اي مطعم ذي لازم تذكر اسمه عشان تنبه الناس

اخوي مااقدر اذكر اسم المطعم الا بعد اخذ الاجراءات بحقه .. هذا كلام البلديه

[راعي ارقام]

لازم تشهر بالمطعم وتنزل صوره بكرا كل الجرايد منزلين موضوعك وبدال لا انت تتصل هم يتصلون فيك :)


البلديه منبهيني من هذا الشي لانهم عندهم اجراءات ومداهمه للمطعم عشان تثبت وصاخة المطعم

[راعي ارقام]

نبي اسم المطعم لو سمحت
ولا تسكت عن حقك كمل مع البلديه


اسم المطعم ان شاء الله او ماتاخذ البلدية اجراءتها ويتم اغلاق المطعم .. والصور موجوده

[Rider]

عادي زهيوي حط على جنب وكمل اكل مافيه حد يمك

[حسن]

صحيح كلامكم .. اكل البيت غير .والزهيوي مال البواليع بس حجمه وسط ..
راجع البلديه وشو مكانهم وروح لهم وقدم بلاغ فيه وسلم لهم الاكل
وتحمل تذكر اسم المطعم هني هذه فيها قضيه تشهير
هناك جههات رسميه هي المخوله
واستغرب من البعض من الاعضاء اللي يجهلون القانون
بدال ماتسير شاكي بتتحول الى متهم
فنصيحتي لك بالتوجه للبلديه مع الاكل وهم بيقومون بالاجراء
ولا له داعي الموضوع اساسا هذا شي يحصل في جميع المطاعم
تحياتي لك

[جوال 11]

لاتسكت عن حقك وحاول توصل شكواك الى اعلى مستوى لين مايسكرون هالمطعم، مايخافون الله حسبي الله عليهم..
وكلمه اخيره.. ادري لاعت جبدك من الحشره بس هذا مايمنع انك تاكل من اكل البيت لانه والله انظف بمليون مره من اكل الشارع..

هذا الكلام الصحيح لو كل واحد اشتكى كان امور كثيرة تصلحت في اي موقع حصلت مشكلة وصل شكواك لاي مسؤل وتابعها حتى تحل الامور في الشارع صور المخالفين وارسل الصور الى مطراش 2 خل الناس تتعلم وتلتزم بالقوانين بدل الفوضى ولنترك العاطفة

[راعي ارقام]

راجع البلديه وشو مكانهم وروح لهم وقدم بلاغ فيه وسلم لهم الاكل
وتحمل تذكر اسم المطعم هني هذه فيها قضيه تشهير
هناك جههات رسميه هي المخوله
واستغرب من البعض من الاعضاء اللي يجهلون القانون
بدال ماتسير شاكي بتتحول الى متهم
فنصيحتي لك بالتوجه للبلديه مع الاكل وهم بيقومون بالاجراء
ولا له داعي الموضوع اساسا هذا شي يحصل في جميع المطاعم
تحياتي لك
انا منتظر اجراءات البلدية ان شاء الله يوم الاحد بيتواصلون معاي اذا ماتواصلوا بتصل للمسؤولين .. نبي ننظف بلدنا من هالمطاعم وغاليه على الفاضي .

[راعي ارقام]

هذا الكلام الصحيح لو كل واحد اشتكى كان امور كثيرة تصلحت في اي موقع حصلت مشكلة وصل شكواك لاي مسؤل وتابعها حتى تحل الامور في الشارع صور المخالفين وارسل الصور الى مطراش 2 خل الناس تتعلم وتلتزم بالقوانين بدل الفوضى ولنترك العاطفة

بيض الله وجهك اخووي والمفروض مانسكت عن حقنا والمستهتر مفروض ياخذ جزاه .

[ودي أكون]

الله يعينك .. ماتنلام والله .. لزهيوي تشوفه اتجيك غشعريره شلون لو كان فالاكل
الله يعز النعمه ..
لا تسكت عن حقك .. وانتمنى البلديه بنفسها بعد الاجراءات تعلن عن اسم المطعم او المعصره

والله المستعان

[بريق الحق]

شمعنى المصره ؟؟؟.

[ودي أكون]

شمعنى المصره ؟؟؟.

شمعنى المصره أخوي برق ؟

طيحتك فيها بروحك :tease:

[راعي ارقام]

والله ابشركم ولا صار شي ف المطعم والمطعم شغال شكله واسطته قووووويه اقولها علني ..