حد واجهتة هالمشكلة@@@@!!!!!!!!؟؟؟؟؟؟؟

[المجد]

:eek3: السلام عليكم عندي مشكلة مع اجهزة نوكيا....n 70.....n72.......n73 الجديدةوهي أن التيلفون يتصل عشوائيآ بأرقام من الذاكرة بدون أمر مني...يعني بالعربي يتصل على كيفة ...المهم اتصلت في ورشة النوكيا وخبرتهم بالمشكلة..بعد أنكار كبير من الموظف بعدم وجود المشكلة.......أعترف أن هذي المشكلة موجودة في أجهزة نوكيا الموديل أن....وفي حالة واحدة أذا الواحد مركب سماعة سواء العادية أو البلوتوث.....سلمت أمري لله ونزعت السماعة وبعد أسبوع قمت من النوم ولا التيلفون متصل برقمين أنا ماطلبتهم!!!!!!!!!!!!!!!والله العظيم أني ما أكذب عليكم هذا اللي صار معي.....سؤالي ماهو الحل في ظنكم.
تحياتي
:anger2: :anger2: crazy :con2:
أتمنى من الأخوان المشاركة بالحلول

[Cash]

المفروض تكون المشكله في الاتي :
1)البرمجه: تبديل البرمجه
2) الرموز الصوتيه :روح على الاسامي وشوف البرمجه والمفروض تكون الاسامي من غير رموز الصوت

[المجد]

المفروض تكون المشكله في الاتي :
1)البرمجه: تبديل البرمجه
2) الرموز الصوتيه :روح على الاسامي وشوف البرمجه والمفروض تكون الاسامي من غير رموز الصوت
معليش أخوي ياريت كاش طول بالك مافهمت وش تقصد...ياريت تشرح لي شوي

[CNBC]

عندي ان 73 وماواجهتني المشكلة اللي تقول عنها اخوي

[سهم الخيانة]

اخوي تلفونك مستعمل وله جديد ، اذا كان مستعمل شوف السيستم يمكن عطلان وله في بله مثل سيستم السوق عندنا ، يعطي أوامر بدون ما تدري ؟؟

[المجد]

اخوي تلفونك مستعمل وله جديد ، اذا كان مستعمل شوف السيستم يمكن عطلان وله في بله مثل سيستم السوق عندنا ، يعطي أوامر بدون ما تدري ؟؟
لا والله أخوي جديد ومن الوكيل.....وعمري ماشريت في حياتي تيلفون مستعمل.

[ولـــد قطـــر]

يالغالي أنا كان عندي n70 وكان تستويله هالحركات وبعته

وخذت الــ n72 والصراحه ماشتكيت منه وألحين عندي n73 والحمدلله ماشتكيت منه

يمكن أخوي لو غيرت السوفتوير تروح المشكله الي عندك ؟؟؟

[أغلى البـشر]

جرب السوني أريكسون وماراح تندم

[قناص قطر]

السلام عليكم

ن73

زي العسل مافي شيء

كانت عندي هالمشكله في 7621 اعتقد رقمه جذي الابيض المهم

كان في فيروس بس ايطرش رسايل للجميع مب يتصل للجميع

[Qatari 1980]

هلا أخوي المجد .. شخبارك عساك طيب
لين ألحين تذكرني والا لا ?? :shy:
:confused:

أخوي المجد أبشرك .. أنا عندي نفس المشكله وما لاحظتها الا بعد ما اتصل لي أخوي ويقولي متصل فيني بالغلط مع أني ما لمست التلفون ومن بعدها حطيت بالي على التلفون وبديت أراجع الارقام اللي أتصل فيها واكتشفت أن التلفون يتصل حق أي رقم من قائمة الارقام وبشكل عشوائي

تصدق أحيان يكون التلفون قدامي في المكتب ويتصل في اي شخص وبدون ما ألمس الجهاز ....


أنا نبهت أكثر من واحد على هالشي وفعلاً بعد فتره أكتشف أن عنده نفس هالمشكله

أنا لحد الآن ما رحت الشركه ولا قلت لهم عن المشكله لان عندي جهاز ثاني في الوقت الحالي ...

لكن ألحين أنا رايح لهم وأشوف المشكله معاهم ...

[Qatari 1980]

السلام عليكم

ن73

زي العسل مافي شيء

كانت عندي هالمشكله في 7621 اعتقد رقمه جذي الابيض المهم

كان في فيروس بس ايطرش رسايل للجميع مب يتصل للجميع

أخوي المشكله اللي عندنا لاهي فايروس ولا شي

أتوقع أنها مشكله في برمجة التلفون وكثير ما يدرون بهالمشكله الا اللي يصيده موقف مع اي شخص ..

مثلاُ أنا جالس أسولف مع واحد في السياره والجهاز كان قدامي في السياره و اتصل لي شخص يقولي أنا سمعت كل سوالفكم وأنت اتصلت فيني بدون ما تدري

أنا انصدمت وقتها لأن التلفون قدامي ولا لمسته و الجهاز كان مقفول ...

وبعدها راقبت التلفون وعرفت اساس المشكله وهو التلفون نفسه ...

[Qatari 1980]

نسيت أقول لكم أن جهازي هو N80

[بوخالد911]

اسمعها مني :

أي تلفووون جديد تشتريه ع طوووول نزل عليه آخر سوفت ووير من الوكيل فقط

تحياتي %%

[bnb]

أخي الغالي المجد الله يعطيك العافية
المشكلة موجودة في بعض موديلات نوكيا الجديدة فئة N
وأنا متكلم مع أحد المهندسين الفليبينيين في الشركة
أكد على وجود المشكلة والحل الوحيد هو
تنزيل السوفت وير مرة أخرى
وعدم استعمال سماعات البلوتوث لان بها داتا متعارضة مع سوفت وير التلفون
والحلو ما يكمل

[qatari1]

أخي الكريم...
تأكد من إصدار البرمجة للجهاز...
إضغط على مايلي من اليسار لليمين:-
#0000#*
أو:-

*
#
0000
#
إذا لقيت التاريخ 24-4-2006
معناه هذا آخر تحديث للبرمجة(السوفتوير)، ومالك إلا تطالبهم بجهاز جديد بحكم الضمان.
إذا التاريخ قبل 24-4-2006م، خل يسوون لك تحديث للبرمجة.
وبالتوفيق أخوي.