×× والحل مع بعض نفسيات المراجعين ××

[شبح الصمت]

السلام عليكم ورحمة الله وبركاته ،،


المواقف كثيرة ويا كثرها والناس الي تحشم عالعين والراس نخدمها ونخلص امورها كان نقدر عليها وما نقدر الله يكتب لنا الاجر ..

والي ما يحشمون قلة قليلة ولكنها تسبب للواحد قلق ان سكت وان رد عليه بعد تسبب له قلق له يكون طلع عن طوره وشخصيته ..


المهم الموضوع عن المراجعين وخدمتها وتحاول انك تساعدهم وتحاول انك قد ما تقدر تمشي معاملتهم لكن البعض ما يبي يفهم وإلا يبي يقتـنع انك موظف او مسؤول او في من اعلى منك منصب هو من بيده القرار ..



عن نفسي جاني مراجع او مراجعة والبلاء مع احترامي كله مع المراجعات اشلون تتفاهم معاهم ومع رفع صوتهم قلت له او لها الموضوع وعدته له مليون الف مره ووضحت له أني ما اقدر والموضوع عند جهة ثانية ليش ياخي ما تفهم ليش تروح تتكلم من وراي

جزاتي اني خدمتك ووضحت له الطريق الصحيح وحاولت اني اساعدك او اساعدج لكن صلاحياتي ما تسمح لي .


السؤال لو شخص ساعدته في شيء ولكن هالشخص خلونا نقول انسان ما يحترم ولا يحشم يوم كان يبي حاجته كان وجه بريئ ويوم شافك ما تقدر افتر عليك وعلى الي حولك واذا رفع صوته عليك هل تسكت عنه وتحشمه وآلا ترد عليه بمثل ما رد ..



لو مديرك ما قدر يتاخذ قرار في الشخص الي غلط عليك ما هو اجراءك له ..


هل تقول حسبي الله ونعم الوكيل
ام هل هناك إجراء آخر ..

[R 7 A L]

استخدم معه القانون بحذافيرة لاتساهل معه

[شبح الصمت]

اشلون استعمل معاه اخوي رحال اذا مديرك او المسؤول الي فوق قالك اسكت عنه !!


لا خذت حقك وإلا يبونك تاخذ حقك !

وانت مهب راعي مشاكل والشخص الي ما يحشم لسانه طويل !!

اتمنى يكون في مكتب صغير في كل ادارة للشكاوي اقدم شكوه ويتخذ الاجراء معاه مع تواجد الشهود لاجل يعرف انه ما يتعدى حدوده مع الموظف لانه مثل ما هو موظف يخدمك في نفس الوقت اهو عنده صلاحيات ما يقدر يتجاوزها ..

[aloosh]

مديرك اللي فوقك فيه اعلى منه
اما احد يغلط ومديري يسكتني بروح للاعلى منه ان شاء الله لحد الوزير
ومدرئنا لا يحترمون اللي يتقضا عن حقه بل يدسون عليه

[شبح الصمت]

مديرك اللي فوقك فيه اعلى منه
اما احد يغلط ومديري يسكتني بروح للاعلى منه ان شاء الله لحد الوزير
ومدرئنا لا يحترمون اللي يتقضا عن حقه بل يدسون عليه


متاكد انه كل مدير مستعد يوقف معاك !!

[qtr qtr]

مسؤولك او مديرك ماعنده صلاحيه انه يعترض شكوتك

الطريقه القانونيه تروح مركز الشرطه وتقدم بلاغ تعدي على موظف اثناء تاديه واجبه فالعمل .ز

وهو راح يسحبونه للمركز واذا تسااهلوا معاه اقل عقوبه بعطونه تعهد او غرامه مع تعهد .

[شبح الصمت]

مسؤولك او مديرك ماعنده صلاحيه انه يعترض شكوتك

الطريقه القانونيه تروح مركز الشرطه وتقدم بلاغ تعدي على موظف اثناء تاديه واجبه فالعمل .ز

وهو راح يسحبونه للمركز واذا تسااهلوا معاه اقل عقوبه بعطونه تعهد او غرامه مع تعهد .


ياخي الواحد ما وده يوصلها قضيه وملف وتعال وروح وده تكون قرصه للهشخص لاجل مره ثانية ما يتعدى حدوده


وكلامك صحيح التعهد راح يخليه يتردد مليون الف مره ..

[النهار]

ياخوي بقولك شي دخلنا دوره لمدة شهر كامل كيف تعامل العميل والطرق الكفيله بالوصول الي المثاليه في التعامل
بعد اكمال الدوره يجي المدرب ويجلس ويتفرج ويشوف مدى تتطبيق الموظف للمعاير الجديد التي اعطيت له
بعد اسبوعين من المراقبه اللصيقه للموظفين قال كلمه انسوا كل الي تعلمتوه بالنسبه للعميل المشاغب والقليل الادب
مافي شركة في العالم عندها القدره على اعطاء دورات لمثل هؤالا الاشخاص
سألناه ايش الحل قال الحل لابد تكون هناك اليه من قبل ادراتكم للتعامل القسري مع هذه النماذج حتى لوخسرت المؤسسه
مثل هؤلا العملاء

[khalid Qtr]

أحد المراجعين أساء لموظف ، فتدخل المدير وأجبر المراجع على الاعتذار أو تتم الشكوى عليه بالاعتداء على موظف حكومي في مقر عمله ، فاعتذر المراجع .. أعجبني هذا المدير

[حسن]

تعال شوفهم هني كيف الطابور له احترام وكيتف التادب في المعامله
فعلا ياشبح هذه الظاهره زادت عندنا وترجع الى قوه الاداره
وترا هذا الاسلوب مهب من غشامه انما عبط على الدوله بكبرها
شي متعمد واداره ضعيفه فهذه النتيجه
وبعدين اي شخص يستقبل مراجعين يجب واجباري ان يااخذ
دورات كيفيه التعامل مع الجمهور
تراه فن مهب بسيط وخصوصونت تتعامل مع شرائح مختلفه في المجتمع

[رجل الجزيرة]

يا الشبح
والي يقهرك اذا خلصت معاملته قال لموظف ثاني ما ينفع معاه ألا ترفع صوتك حمر عينك

[بومحمد المطاوعه]

بارك الله فيك يالغالي على طرح هذا الموضوع المهم

والصراحه نعيشه في هالزمن


بجاوب عليك ان شاءالله



السؤال
لو شخص ساعدته في شيء ولكن هالشخص خلونا نقول انسان ما يحترم ولا يحشم يوم كان يبي حاجته كان وجه بريئ ويوم شافك ما تقدر افتر عليك وعلى الي حولك واذا رفع صوته عليك هل تسكت عنه وتحشمه وآلا ترد عليه بمثل ما رد ..


طبعآ عن نفسي اول شي اشوف عمر هذا الشخص
اذا كان شايب

نسأل الله العفو والعافيه والهدايه له
وبسكت وبحترم شيبته ولاكن على حسب الكلام الي يقطه علي

اما لو شخص في سنايني
يمكن اطرده من المكتب او اصارخ عليه او اطلب له الأمن يحذفونه برع




لو مديرك ما قدر يتاخذ قرار في الشخص الي غلط عليك ما هو اجراءك له ..
هل تقول حسبي الله ونعم الوكيل
ام هل هناك إجراء آخر ..


عن نفسي انا بكتب تقرير فالمدير نفسه
بكل كلمه وكل حرف

وطبعآ بقول حسبي الله ونعم الوكيل ووبوصل التقرير لأكبر من المدير
وان لم يتم الأخذ الاجراء مع هذا الشخص

برفع يدي لله تعالى وبطلب من الله ان يأخذ حقي
ولايخيب رجائي لله تعالى

بأذن الله

[R 7 A L]

اشلون استعمل معاه اخوي رحال اذا مديرك او المسؤول الي فوق قالك اسكت عنه !!


لا خذت حقك وإلا يبونك تاخذ حقك !

وانت مهب راعي مشاكل والشخص الي ما يحشم لسانه طويل !!

اتمنى يكون في مكتب صغير في كل ادارة للشكاوي اقدم شكوه ويتخذ الاجراء معاه مع تواجد الشهود لاجل يعرف انه ما يتعدى حدوده مع الموظف لانه مثل ما هو موظف يخدمك في نفس الوقت اهو عنده صلاحيات ما يقدر يتجاوزها ..



هنا الوضع بيتغير
هالمدير لازم يعرف ان الناس مهما كانت وظايفهم مايرضون احد يغلط عليهم
وانه اذا ماقدر ياخذ لهم حقوقهم يخليهم على الأقل يأخذون حقوقه بأياديهم

[النهار]

هنا الوضع بيتغير
هالمدير لازم يعرف ان الناس مهما كانت وظايفهم مايرضون احد يغلط عليهم
وانه اذا ماقدر ياخذ لهم حقوقهم يخليهم على الأقل يأخذون حقوقه بأياديهم

احسن حل كاميرات مراقبه في حال غلط العميل على الموظف يتم تهديده بالفيديو المسجل
وان موضوعه سوف يرفع للجهات الامنيه لاتخاذ الاجراء اللازم من ما كان

[Aaziz]

السلام عليكم

الوظايف الي فيها احتكاك مباشر مع المراجعين هذي وظايف كثير ناس يتجنبونها لانها تحتاج شخص هادي و متزن و لبق و باله طويل .
اعتقد ان هذي الوظايف ممكن انها ترفع الشخص فوق او تنزله تحت ، بحيث انه اذا كسب رضا المراجعين و ذلل المعوقات اسهمه ترتفع و صيته يوصل .

بالنسبه للمدير اذا مايسوي شي .. الاجابه تختلف حسب الظروف .. ان كان المدير هذا طبعه (سلبي و يبي موظفينه يتحملون هذي الضغوطات) فهذا خطاء فيه كمدير ،، يا اطلب اجتماع في هذا المدير مع بقيه الزملاء و نحل هذي الاشكاليه يا حط المدير على اليسرا و الي يقول لك كلمه قول له عشر و قبظه الباب . الشخص المتربي المحترم عمره مايتطاول على ابن بلده الموظف ،، طبعا هذا بشكل عام ماعدى المواقف الي يكون فيها الموظف او الاجراءات البدائيه في الاداره سبب تعطيل مصالح الناس و هذا احتمال وارد .
ختاما في هذي المواقف ذكر الله و الصلاه على النبي يهدي النفس .

فيه حديث عن الرسول صل الله عليه و سلم فيما معناه ،، ان الشخص اذا غضي يغير جلسته فاذا كان واقف يقعد ،، وتطبيقه هو انك تقول للمراجه اذكر الله و صل على النبي و العن الشيطان ،، و استريح على الكرسي خل نتفاهم

[النهار]

السلام عليكم

الوظايف الي فيها احتكاك مباشر مع المراجعين هذي وظايف كثير ناس يتجنبونها لانها تحتاج شخص هادي و متزن و لبق و باله طويل .
اعتقد ان هذي الوظايف ممكن انها ترفع الشخص فوق او تنزله تحت ، بحيث انه اذا كسب رضا المراجعين و ذلل المعوقات اسهمه ترتفع و صيته يوصل .بالنسبه للمدير اذا مايسوي شي .. الاجابه تختلف حسب الظروف .. ان كان المدير هذا طبعه (سلبي و يبي موظفينه يتحملون هذي الضغوطات) فهذا خطاء فيه كمدير ،، يا اطلب اجتماع في هذا المدير مع بقيه الزملاء و نحل هذي الاشكاليه يا حط المدير على اليسرا و الي يقول لك كلمه قول له عشر و قبظه الباب . الشخص المتربي المحترم عمره مايتطاول على ابن بلده الموظف ،، طبعا هذا بشكل عام ماعدى المواقف الي يكون فيها الموظف او الاجراءات البدائيه في الاداره سبب تعطيل مصالح الناس و هذا احتمال وارد .
ختاما في هذي المواقف ذكر الله و الصلاه على النبي يهدي النفس .

فيه حديث عن الرسول صل الله عليه و سلم فيما معناه ،، ان الشخص اذا غضي يغير جلسته فاذا كان واقف يقعد ،، وتطبيقه هو انك تقول للمراجه اذكر الله و صل على النبي و العن الشيطان ،، و استريح على الكرسي خل نتفاهم

مثل هذه النوعيه من الموظفين غير مرغوب فيهم في بعض الادارات المهمه

[Aaziz]

مثل هذه النوعيه من الموظفين غير مرغوب فيهم في بعض الادارات المهمه

عندي مثال على هالنوعيه الله يبارك له طلبته جهه اخرى غير شغله و اليوم يشغل منصب مهم جدا

[توشيبا]

حتى لو تدخل مديرك شنو بيسوي له يقطه في المطبخ ويسجنه !

محد نافعك لا مدير ولا غيره

عندك ثلاث تسعات اطلب دوريه امن اهم في الخدمه علي مدار الساعه

صارت معي كم مره مادخل حد ولا حد كفو يقول لي تنازل عنه بالغصب او لاتقدم شكوى

وكل حرف يقوله لي احاسبه عليه من خلال رجال خدمه الوطن ( الشرطه )

هذا حقك مب من هب ودب يرفع صوته

يجونا نفسيات حتى السلام مايقوله نبتسم ونرحب ونجيب لهم قهوه بس يرفع صوته ولا يغلط يخسي والله


ذكرتني في شي صار عندنا واحد يبغي يدخل مواقف خاصه بالغصب دعم السكيورتي ويصارخ انا فلان ولد فلان

بالاخير سحبون الشرطه وصار خيخه وصار يبوس راس السيكورتي

وسحب ابوه واخوانه ويجونا في الدوام عشان نكلم السكورتي يتنازل قلنا مالنا شغل واذا بنكلمه بنكلمه احترام لي هالشايب اللي اهو ابوه

ونكلم السكيورتي باحترام وهذا حقه

وتنازل عنه برضاه ومحد جبره انه يتنازل

[sweet qatar]

مافي حل .. هاي أخلاقهم وما بيتغيرون


انت كموظف عليك تحمي نفسك من سوء أخلاقهم

يعني ماتسمح لأحد يتعدي عليك وتفرض احترامك

بعضهم فيهم الخير ويبين في عينهم وبعضهم العكس

بيتكلمون من وراك خلهم يتكلمون ولا يهمونك

أصلا لما تشتغل احتسب عملك كله لله والله بيسخر لك الي يبرد قلبك بالكلام الحلو والدعوات الطيبة

[sweet qatar]

وفعلا مثل ما ذكروا الاخوان قبلي

الإدارة المفروض تحفظ لك حقك .. المدير القوي عادة محد يتجرأ علي موظغينه

أما المدير الفاشل فموظفينه للأسف سبيل :(

[توشيبا]

مافي حل .. هاي أخلاقهم وما بيتغيرون


انت كموظف عليك تحمي نفسك من سوء أخلاقهم

يعني ماتسمح لأحد يتعدي عليك وتفرض احترامك

بعضهم فيهم الخير ويبين في عينهم وبعضهم العكس

بيتكلمون من وراك خلهم يتكلمون ولا يهمونك

أصلا لما تشتغل احتسب عملك كله لله والله بيسخر لك الي يبرد قلبك بالكلام الحلو والدعوات الطيبة

يجي الواحد يقول انت شوف هالمعامله خلصني < نقوله ابشر

اشفيك تاخرت وراي شغل ماتعرف تشتغل < ابتسامه دقايق يالشيخ الحين تخلص

تخلص المعامله ولا عليك امر علي هالجهه عشان يوافقون لك وامورك طيبه يالشيخ > ليه اروح خلصها انت ولا ليش جاي تشتغل

يالشيخ الختم والجهه مب تابعه لنا ولا كان ابشر اخلصها لك وكلها دقايق بي ختم وتوقيع < يرد ويقول المراجع وين مديرك ويروح له هذا الموظف مب كفو ولا يحترم احد

ويرجع لي المراجع بعد مافهمه المدير يسال وين هالجهه اللي تقول عنها > مع ابتسامه يالشيخ تعرف كذا وكذا تحصلها علي يسارك

يرد المراجع والله محد ماخرني الا انت حسبي الله عليك وعلي اللي وظفك > نسوي له ابتسامه

بس فجاه يقول واهو رايح لابوك لابو اللي يراجع عندكم > في هاذي ويش تبين نسوي له نبتسم ونقول ناخذ اجر ؟

لا والله اقوله تعال انت تعال واتصل علي ثلاث تسعات واطلب تحويلي علي امن العاصمه ويرد علي الضابط او شرطي واقوله هالكلمتين

الدوله فيها قانون ياخذ حقي ولا اخذ حقي بايدي الحين ؟

هذا المراجع بو نفسيه ياكل تبن ساعتها ويعرف ان للاحترام واجب


هذا الموقف صار معي

واللي مب فاهم شنو كتبت يدفع خمسه ريال وافهمه حبه حبه :omen2:

[R 7 A L]

يجي الواحد يقول انت شوف هالمعامله خلصني < نقوله ابشر

اشفيك تاخرت وراي شغل ماتعرف تشتغل < ابتسامه دقايق يالشيخ الحين تخلص

تخلص المعامله ولا عليك امر علي هالجهه عشان يوافقون لك وامورك طيبه يالشيخ > ليه اروح خلصها انت ولا ليش جاي تشتغل

يالشيخ الختم والجهه مب تابعه لنا ولا كان ابشر اخلصها لك وكلها دقايق بي ختم وتوقيع < يرد ويقول المراجع وين مديرك ويروح له هذا الموظف مب كفو ولا يحترم احد

ويرجع لي المراجع بعد مافهمه المدير يسال وين هالجهه اللي تقول عنها > مع ابتسامه يالشيخ تعرف كذا وكذا تحصلها علي يسارك

يرد المراجع والله محد ماخرني الا انت حسبي الله عليك وعلي اللي وظفك > نسوي له ابتسامه

بس فجاه يقول واهو رايح لابوك لابو اللي يراجع عندكم > في هاذي ويش تبين نسوي له نبتسم ونقول ناخذ اجر ؟

لا والله اقوله تعال انت تعال واتصل علي ثلاث تسعات واطلب تحويلي علي امن العاصمه ويرد علي الضابط او شرطي واقوله هالكلمتين

الدوله فيها قانون ياخذ حقي ولا اخذ حقي بايدي الحين ؟

هذا المراجع بو نفسيه ياكل تبن ساعتها ويعرف ان للاحترام واجب


هذا الموقف صار معي

واللي مب فاهم شنو كتبت يدفع خمسه ريال وافهمه حبه حبه :omen2:



الله يلوم من لامك
صراحة عندك صبر غير طبيعي
اكثر المراجعين يفكرون الموظفين شغالين عندهم

[يوسف0]

لازم يكون تعاون بين المدير والاداره لحل هذه المشكله

ووضع لافته عند الباب بان يحترم نفسه المراجع والا لايتم تخليصه واتباع الاجرائات القانونيه اذا عمل فوضى ولو صغيره اضن هذي بتحل المشكله

والحمد لله اشتغلت فتره بسيطه لخدمه الجمهور ( الاغلب اجانب ) ولا مر علي هذا الموقف والا ارتكبت جريمه في المراجع

والله يعينكم

[هيلو كيتي]

بالنسبه لي الحمدلله في حياتي ماتعرضت لاي موقف سئ مع المتعامل ,, بالعكس تماما , مع اني وظيفتي قانونيه فنية يعني في اكثير من المعاملات ممكن اردها , لكن يغلب على المراجعين جانب الادب واللباقه ,,

بالنسبه لنا خذنا دورات عن فن لتعامل مع الجمهور , ودايما عندهم ان المتعامل على حق ..

وكانت الدورة امصنفين فيها المتعاملين ومنهم هاي النوعيه ابصراحه الدورة من اربع سنوات خذتها ونسيت كيف حل لهاي النوعيه , بحاول ارجع للمذكره الخاصه الي في هالدوره واحط لك بعض الحلول .

لكن الي اتعلمناه كبداية , انك لابد اتكون ريلاكس مهما حصل , والمفروض ايكون في مشرف ايمر عبر الأقسام علشان مثل هاذي الحالات , وايحاول يمتص غضب المراجع وياخذه مكتبه ايهديه وايفهمه وماايخلون الامر كله راجع للموظف بس..

بالتوفيق .

[ضوى]

السلام عليكم

الوظايف الي فيها احتكاك مباشر مع المراجعين هذي وظايف كثير ناس يتجنبونها لانها تحتاج شخص هادي و متزن و لبق و باله طويل .
اعتقد ان هذي الوظايف ممكن انها ترفع الشخص فوق او تنزله تحت ، بحيث انه اذا كسب رضا المراجعين و ذلل المعوقات اسهمه ترتفع و صيته يوصل .

بالنسبه للمدير اذا مايسوي شي .. الاجابه تختلف حسب الظروف .. ان كان المدير هذا طبعه (سلبي و يبي موظفينه يتحملون هذي الضغوطات) فهذا خطاء فيه كمدير ،، يا اطلب اجتماع في هذا المدير مع بقيه الزملاء و نحل هذي الاشكاليه يا حط المدير على اليسرا و الي يقول لك كلمه قول له عشر و قبظه الباب . الشخص المتربي المحترم عمره مايتطاول على ابن بلده الموظف ،، طبعا هذا بشكل عام ماعدى المواقف الي يكون فيها الموظف او الاجراءات البدائيه في الاداره سبب تعطيل مصالح الناس و هذا احتمال وارد .
ختاما في هذي المواقف ذكر الله و الصلاه على النبي يهدي النفس .

فيه حديث عن الرسول صل الله عليه و سلم فيما معناه ،، ان الشخص اذا غضي يغير جلسته فاذا كان واقف يقعد ،، وتطبيقه هو انك تقول للمراجه اذكر الله و صل على النبي و العن الشيطان ،، و استريح على الكرسي خل نتفاهم


وانا اقول ليش المراجعين من عند الباب يسألون عني ( ويه خجول )

دوعابة مع انها صج ،

التعامل مع المراجعين يحتاج إلى صبر ولباقة وسرعة بديهة وحسن تصرف وارتجال بشك لا يصدق ، كلامي هذا من واقع خبرة عمل في هذا المجال 32 سنة الصبر هو مايحتاج الموظف في هذه الاماكن

[المحاميه]

الحل بسيط

قوله وين قاعد الاخ وياريت تحترم نفسك واذا مافاد قوله اطلع برا واعلى مافي خيلك اركبه وخلصنا الموضوع

كيف يحسبون الناس شغاله عندهم
وين الاحترام وين السنع

امحق

[راجي العفو]

الله يحيك أخوي شبح و يقويك ..

(( وإذا خاطبهم الجاهلون قالوا سلاما ))

(( و أعرض عن الجاهلين ))

اعمل بالآيتين ^^^ و لا عليك منهم .. اسمع من هني و طلع من ( هناك ) و عش حياتك ..

دامك محتسب الاجر في عملك .. تحتاج لشي من الصبر على ما يجيك .. واجرك ما يضيع ..

مع التحية ..

[جوال 11]

كثير من الموظفين نفسياتهم مريضة فتراه لا يلتزم بالدوام والوعود كثيرة دون انجاز العمل والبعض لا يفهم طريقة عمله وربما مسؤله كذلك الموظف يتقاضى راتب ولابد من اخلاصه في العمل فتجد المراجع لينهي معاملته يحتاج لاكثر من يوم في المجلس الاعلى يتحدث الي صديق عن موظفة قالت له ليش انت حنان وكله تحن ويقول اول مره ادخل مكتبها اسال عن كتاب حول اليها .
هذا اسلوب موظفة لرجل يسال عن موضوعه طبعا هذه الموظفة في اعتقادي غير مؤدبة ولا تصلح ان تكون في المجلس الاعلى .
والامثلة كثيرة هنالك موظف يهدد بقطع خدمة الكهرباء والماء بسبب عدم وضع مؤسستهم رقم للمياه على الفيلا بعد تركيب العداد كانه يملك المؤسسة .

[شبح الصمت]

اشكر كل من رد وقال رأية عن بعض الفئات الناس الي ما يهمه الموظف وفي نفس الوقت اهم موظفين وعارفين القوانين ولكن البعض ما يبي يتعب القوانين او الاجراءات في موضوعه يبي الكل يتجاوز لاجل يخلص وان ما خلصته نشر غسيلك في كل مكان ..


الحل معاهم انك تتعب اخلاقك ولكن لا تخلي احد يتعدى عليك
حاول قد ما تقدر تمتص الغضب ولكن ان ما حصل حوله على الي اكبر منك

ما صار في ذيك الحزه لكل حادث حديث ..

[Right]

الله يعينك ياخوي ويعين إلي يشتغل في المكاتب الأمامية Front office والتعامل مع الجمهور


عن نفسي ما استحمل وأفضل العمل في المكاتب الخلفية Back office :victory:

[شبح الصمت]

الله يعينك ياخوي ويعين إلي يشتغل في المكاتب الأمامية Front office والتعامل مع الجمهور


عن نفسي ما استحمل وأفضل العمل في المكاتب الخلفية Back office :victory:





ترى انا مكتبي باك بس اوقات اصير في وجه المدفع ..

الله يعين ياخوي

المشكلة والله تحاول تقول لهم هالطريق الصحيح لكن في نظرهم لا انك قاعد تعطيهم شيء غلط وفي النهاية يدورن انك على صح ..


الحمد لله بالي طووويل بس ينكسر خاطري يوم احاول اساعد واحد وتفاجا فيه انه ما يستاهل صدق بس الواحد يحتسب هالشيء لوجه الله تعالى ..

[بو خليفه 123]

مهما بلغنا من الرقي و اكتبسبنا فن التعامل مع العميل و حضرنا دورات بخدمة العملاء و الخ . ليس لأي عميل الحق بالتطاول او اقتصار من حق موظف خدمة العملاء , فهذا العميل ليس مرحب به و خسارته مكسب لجهة العمل , بل سوف تكسب الموظف و تبين له اهميته و مدى اهمية كرامته لدى مديره و ادارته .

[Right]

ترى انا مكتبي باك بس اوقات اصير في وجه المدفع ..

الله يعين ياخوي

المشكلة والله تحاول تقول لهم هالطريق الصحيح لكن في نظرهم لا انك قاعد تعطيهم شيء غلط وفي النهاية يدورن انك على صح ..


الحمد لله بالي طووويل بس ينكسر خاطري يوم احاول اساعد واحد وتفاجا فيه انه ما يستاهل صدق بس الواحد يحتسب هالشيء لوجه الله تعالى ..








الله يجزيك الخير ، سوو إلي عليك


صدق إلي قال: لحيةً تحشمها .. ولحيةً تحشم نفسك عنها

[شبح الصمت]

مهما بلغنا من الرقي و اكتبسبنا فن التعامل مع العميل و حضرنا دورات بخدمة العملاء و الخ . ليس لأي عميل الحق بالتطاول او اقتصار من حق موظف خدمة العملاء , فهذا العميل ليس مرحب به و خسارته مكسب لجهة العمل , بل سوف تكسب الموظف و تبين له اهميته و مدى اهمية كرامته لدى مديره و ادارته .


بوخليفة معاك انا مثل هالعميل يسبب لنفسه اول شيء مشاكل مع الكل في كل مكان .

يعني بقولك مثال في شخص جاني حلو اقوله المدير بيعطيك موعد وجدوله مزحوم تخيل بوخليفة كل يوم اشوفه محضر وشافه المدير انا انحرجت واحرج نفسه لين المدير قالي قوله خلاص يتسهل لين نرد عليه ..

ياخي لا تضغط على نفسك وعلى غيرك وتراني انسان مامور من ادارة اعلى مني فتبع كلامهم ..

[شبح الصمت]

الله يجزيك الخير ، سوو إلي عليك


صدق إلي قال: لحيةً تحشمها .. ولحيةً تحشم نفسك عنها







ويجزاك الف خير اخوي


يبيله هالكلام ينحط على باب الدخول للمراجعين

ههههههههههاي

لحيةً تحشمها .. ولحيةً تحشم نفسك عنها

[نور الحور]

شغلي يتطلب مني التعامل مع المراجعين ..

الصبر والكلمة الطيبة والتعامل الحسن والتسامح مع الزلات والتغافل عنها ..

واعتقاد الموظف الراسخ أن هذا هو دوره ووواجب عليه أن يؤديه وليس تكرماً منه ..

إضافة لإشعار العميل بأهميته وخصوصيته العالية وسرية معلوماته وأنه محل ثقته .. كلها أمور مهمة جداً ..

لكن مع ذلك من المهم أن :

1. نضع الحدود .

2. الحزم مع من يتطاول .


شكراً على الموضوع شبح :victory:

[ودي أكون]

ويجزاك الف خير اخوي


يبيله هالكلام ينحط على باب الدخول للمراجعين

ههههههههههاي

لحيةً تحشمها .. ولحيةً تحشم نفسك عنها

وإذا كان المراجع غير ملتحي خير شر :tease:

عموماً هي تبين من ثاني او ثالث مره .. يعني تقوله الموضوع مو بيدي ولو بيدي ساعدتك .. فيقوم يغلط عليك .. واتقوله الحل ويرد ويغلط عليك .. أهني المفروض خلاص تفتح عيونك شوي لو كانت صغيره مع رفع الحاجب وتبين له أن أي كلمه زياده هو الخسران ..
أما أني بنطر لين مايطلع من الباب وهو يالس سب وشتم .. وعقب اقول شتمني مايصير!
لا تتركون لهم المجال .. وان غلط قوله من الاخير توكل على الله يالشيخ موضوعك مو عندي اذا تبي روح شوف لك أي موظف ثاني .. وخل يقول فيك بعدها الا يقوله .. هو أهداك الأجر وانت مكانك شتبغي اكثر بعد :victory:

والله يعينكم ..

[شبح الصمت]

شغلي يتطلب مني التعامل مع المراجعين ..

الصبر والكلمة الطيبة والتعامل الحسن والتسامح مع الزلات والتغافل عنها ..

واعتقاد الموظف الراسخ أن هذا هو دوره ووواجب عليه أن يؤديه وليس تكرماً منه ..

إضافة لإشعار العميل بأهميته وخصوصيته العالية وسرية معلوماته وأنه محل ثقته .. كلها أمور مهمة جداً ..

لكن مع ذلك من المهم أن :

1. نضع الحدود .

2. الحزم مع من يتطاول .


شكراً على الموضوع شبح :victory:




الله يوليج العافيه

وصادقه في كل كلمة ..

بس اختي تدرين انه اخطر شيء التعامل مع النساء لانه بعضهم تجيك شادة الحيل وتطاول ..

وتدرين في ناس عندهم مقوله

خذوهم في الصوت تغلبووووهم

فيحاولون انهم ياخذون الواحد بالصوت العالي والجهوري لاجل يخلصون امورهم ..

وما يدرون انه مهما سوووا وزاعقوا دام في سياسة وقانون معين ما راح يغير لهم شيء

[Riku3]

انا تعاملت مع الجمهور لسنوات طويله وفي المجلس الاعلى للتعليم وهي من اصعب الجهات بسبب التخبط وسوء الادارة وكثرة القرارات العشوائية الي تحط الموظفين بحرج مع المدارس واولياء الامور علشان محد يشكك اني اتكلم بدون تجربه .. ابتسموا شوي واحترموا الناس وقدروا الي قدامكم مين ما يكون بس لا تصغر من نفسك .. محد بيتهاوش معاكم :] ..

فأي شخص يشوف ان ما يمر شهر الا ويجيه واحد يعطيه كم كلمة او تحصله مشكلة في الدوام .. الاحسن يراجع نفسه ويغير اسلوبه مع الناس .

من سنتين كنت في وزارة الاعمال والتجارة وصارت قدامي مشكلة بين موظف ومراجع والاثنين مواطنين ، بعد ما انتهت المشكلة وطلع المراجع قام الموظف يتحلطم ويسولف معاي ويشرح وانا طبعاً كنت اوافقه علشان اخلص معاملتي واطلع .. بس الحقيقة هي ان هو سبب المشكلة في اسلوبه الجاف كأن الناس تطر منه وهالفئة موجوده بكل مكان ! .

ومن فترة كنت اجدد رخصة البلدية وتأخرت لين خلصت المعامله صارت الساعة 1 .. حولوني لموظف مخيس النفس وقاعد يرجع المناديب ويقول خلاص بكره بكره .. دخلت عليه ما قدر يرجعني قال بيستلم الطلب بس طلع ناقصني صورة السجل التجاري .. قالي خلاص لازم تجي بكره .. قتله وكل هذا وانا اضحك وبكل احترام واسولف مع الي في المكتب ، اني بصور الورقة وبرجع خلال دقيقه .. قال لا ممنوع التصوير داخل المبنى محد بيصورلك !! .. قتلك بإبتسامه افا عليك نص دقيقة وبرجعلك بالصورة .. الا اشوفه تنرفز ومد البوز مب عاجبه هههههه .. طلعت وصورة السجل في القسم الي جنبه ورجعت الا اشوفه شرد من المكتب هههههه .. الشباب الي معاه ما قصروا اعتذروا وخذوا الطلب مع ان مب شغلهم وواحد فيهم الله يجزاه خير خلصني بنفسه قام معاي وخلصلي المعاملة .

والامثله كثيرة .. طبعاً في حالات فردية ما تستحق الذكر وهذا الي يدخل عليك اصلا معصب ومباشرة يقط الكلمة .. مثل هالناس المفروض ما تعطيهم اكبر من حجمهم وتحترمه مثله مثل غيره وما تدخل بنقاشات جانبيه معاه لان بيسحبك للغلط .

يعطيك العافية شبح على الموضوع :] .

[شبح الصمت]

انا تعاملت مع الجمهور لسنوات طويله وفي المجلس الاعلى للتعليم وهي من اصعب الجهات بسبب التخبط وسوء الادارة وكثرة القرارات العشوائية الي تحط الموظفين بحرج مع المدارس واولياء الامور علشان محد يشكك اني اتكلم بدون تجربه .. ابتسموا شوي واحترموا الناس وقدروا الي قدامكم مين ما يكون بس لا تصغر من نفسك .. محد بيتهاوش معاكم :] ..

فأي شخص يشوف ان ما يمر شهر الا ويجيه واحد يعطيه كم كلمة او تحصله مشكلة في الدوام .. الاحسن يراجع نفسه ويغير اسلوبه مع الناس .

من سنتين كنت في وزارة الاعمال والتجارة وصارت قدامي مشكلة بين موظف ومراجع والاثنين مواطنين ، بعد ما انتهت المشكلة وطلع المراجع قام الموظف يتحلطم ويسولف معاي ويشرح وانا طبعاً كنت اوافقه علشان اخلص معاملتي واطلع .. بس الحقيقة هي ان هو سبب المشكلة في اسلوبه الجاف كأن الناس تطر منه وهالفئة موجوده بكل مكان ! .

ومن فترة كنت اجدد رخصة البلدية وتأخرت لين خلصت المعامله صارت الساعة 1 .. حولوني لموظف مخيس النفس وقاعد يرجع المناديب ويقول خلاص بكره بكره .. دخلت عليه ما قدر يرجعني قال بيستلم الطلب بس طلع ناقصني صورة السجل التجاري .. قالي خلاص لازم تجي بكره .. قتله وكل هذا وانا اضحك وبكل احترام واسولف مع الي في المكتب ، اني بصور الورقة وبرجع خلال دقيقه .. قال لا ممنوع التصوير داخل المبنى محد بيصورلك !! .. قتلك بإبتسامه افا عليك نص دقيقة وبرجعلك بالصورة .. الا اشوفه تنرفز ومد البوز مب عاجبه هههههه .. طلعت وصورة السجل في القسم الي جنبه ورجعت الا اشوفه شرد من المكتب هههههه .. الشباب الي معاه ما قصروا اعتذروا وخذوا الطلب مع ان مب شغلهم وواحد فيهم الله يجزاه خير خلصني بنفسه قام معاي وخلصلي المعاملة .

والامثله كثيرة .. طبعاً في حالات فردية ما تستحق الذكر وهذا الي يدخل عليك اصلا معصب ومباشرة يقط الكلمة .. مثل هالناس المفروض ما تعطيهم اكبر من حجمهم وتحترمه مثله مثل غيره وما تدخل بنقاشات جانبيه معاه لان بيسحبك للغلط .

يعطيك العافية شبح على الموضوع :] .



الله يعافيك ياخوي وسردك له اضافة جميلة الموظف بعد نفس الشيء صح

الابتسامة واللباقة في الكلام وصدقني يا كثرهم وتحصل ناس من بعيد قبل لا توصل له مبتسم لك الله يكثر من امثالهم ..

والبعض صح يحسسك انه اهو الي يمن عليك وهالشيء غلط ..

شوف كموظف انا اخدم بلي اقدر عليه بس في اشياء ممنوع نتجاوزها وغير صلاحيتنا وهالشيء يسبب احراج لنا والمراجع يحسب انه ما نبي نمشيه ..

فما تقدر تستغل مكانك لاجل تخلص هالمراجع في ادارات ثانية لانه تجاوزك لمثل هالاشياء راح يدخلك في احراجات كثيرة انت تبي تسوي خير وفي نفس الوقت راح ينقلب عليك في بعض الاحيان الى مشاكل وعوار راس ..


فالعميل عطه الي يبيه من ادارت والباقي حوله على الادارة الثانية وهي بكيفها وبموظفينها وحسب سياستها وحسب المطلوب يا يخلصونه يا يتاخرون عليه .


احنا كلنا تحت في وزارات وفي دوائر حكومية حيوية

شعارنا " نحن في خدمتكم "

وليس نحن ضدكم ..

بس تعال فهم البعض

الله يجعلنا من المبتسمين ومن الناس الي يخلصون العالم والا يآخرونهم في حاجتهم


من سعى في حاجة اخيه المسلم سعى الله في حاجته

[A-Alansari]

والله في ناس ماتفهم مهما تسوي

المخ قفل

اذا جاك واحد مخيس ونفسيه خيس معاه وخلك نفسيه

مب على كيفه يرفع صوته ولا يقل أدبه مب سبيل الدولة فيها قانون

في ناس ماتستحي لازم جذي تتعامل معاهم بمثل اسلوبهم

[كيلو حديد]

العن شيء تشتغل شغله فيها تعامل مع البشر

اي شغله بعيده عن الناس والبشر ومافيها اي تعامل معاهم ستجد فيها الهدوء والراحة

[نور الحور]

العن شيء تشتغل شغله فيها تعامل مع البشر

اي شغله بعيده عن الناس والبشر ومافيها اي تعامل معاهم ستجد فيها الهدوء والراحة



وليش ما تقول انها تسخير من الله لك ..

بالعكس اخوي كيلو حديد .. مثل هالوظايف فيها اجر كبير من الله ..

وفرصة لاكتساب الصبر .. وتربية النفس ..

واللي ربي يسخره لخدمة الناس ترى محظووووظ

[نور الحور]

لكن صحيح .. مو كل انسان فيه صفات تاهله للتعامل مع الناس ..

اللي يشوف نفسه ما يقدر يدور له وظيفة مكتبية او ادارية

ما فيها تعامل مع الجمهور ..

وكل ميسر لما خلق له

[قلم محايد]

قد تكون في القطاع الحكومي لديك قانون يحميك (موظف عام) بحيث لو اعتدى او تطاول عليك موظف و رفع صوته او قل ادبه فراح ترد عليه او تستخدم القانون و هو في صفك ، لكن لا يوجد قانون يحمي موظف القطاع الخاص اللي في شركة اتصالات او بنك مثلا ، و ممكن يكون التطاول عبر خدمة العملاء بالهاتف ، يتصل او تتصل إحدى العملاء و تتطاول و ربما تشتم بالفاظ بذيئة او تقوم بالصراخ حتى قبل ان تشرح المشكلة ، و حجتهم انهم عملاء (يدفعون فلوس) مقابل الخدمة !

طيب هل دفعك للفلوس يمنحك الحق بالصراخ و الشتم للموظف المسكين الذي يرد على الهاتف او يستقبل المراجعين ؟ في حين قد لا يكون حل الموضوع بيده انما وضع في واجهة المدفع كما يقال !

[طلعة الروح]

الموظف مها كان واثق من نفسه ومن مؤهلاته ومن خبرته بمجال خدمة الجمهور،
لا بد أن يواجه هالنوعيه من حثالة العملاء لأنه ما انحط الا عشان يكون في وجه المدفع حتى لو ما بيده شي يسويه،
ونقطة على السطر.،.

[الزعيـم]

بحكم عملي في القطاع المالي ومع المراجعين تحديدا صدقني بتشوف العجب العجاب ، من المعروف عني اني امشي ع القوانين بالملي ياحبيبي بالملي حتى لو جاني امر من مسؤولي المباشر راح ارفض دام انه مب بكتاب رسمي او ايميل وشرط الايميل لازم اسويله حفظ :) والكل يعرف اسلوبي لانه بكل بساطه لو صار تدقيق انا اللي بطيح في السالفه وهالسبب يخلي بعض المراجعين يتنرفزون مني ، صدقني انت الصح اذا تتبع القوانين ومحد يقدر يتكلم معاك

نصيحه في بعض الاحيان لازم تتغاضي واتكون حليم عند الغضب اذا المراجع رفع صوته يكون عندك كنترول على نفسك وتخفف من غضب المراجع اما اذا غلط المراجع وزودها بقلة ادب او اهانه ابسط شي تسويه لاتعور راسك وياه وقدم شكوى رسميه عليه

في احد المرات ، احد المراجعين متعني مسكين وموضوعه ممكن ينحل عن طريق التلفون والاتصال بالكول سينتر وتفاجأ العميل لين وصل عندي انه قلت له موضوعك تحله على التلفون مع الكول سنتر مب عندي فجأه غضب العميل وصااارخ وانا ضارب مشوار واتقولولي كول سنتر والكول سنتر يقولي لازم تروح الفرع حرام عليكم ، قلت للعميل ياخوي خلاص ماراح تطلع من عندي الا وانت حال مشكلتك اتصل الحين ع الكول سنتر اذا ماحلو مشكلتك انا راح اتواصل معاهم واشوف شالموضوع ، واتصل العميل ع الكول سنتر وانحلت مشكلته قلت له شفت مشكلتك مب عندي بس يمكن الموظف اللي استقبل مكالمتك الاولى جديد او مافهم الموضوع ..! وفجأه انقلب الرجال 180 درجه وتأسفلي مليوووووووووووون مره


الامور اللي تصير مع المراجعين طبيعيه طالما ان المراجع ما قل ادبه عليك ولا تلفظ بالفاظ خارجه

[الزعيـم]

قد تكون في القطاع الحكومي لديك قانون يحميك (موظف عام) بحيث لو اعتدى او تطاول عليك موظف و رفع صوته او قل ادبه فراح ترد عليه او تستخدم القانون و هو في صفك ، لكن لا يوجد قانون يحمي موظف القطاع الخاص اللي في شركة اتصالات او بنك مثلا ، و ممكن يكون التطاول عبر خدمة العملاء بالهاتف ، يتصل او تتصل إحدى العملاء و تتطاول و ربما تشتم بالفاظ بذيئة او تقوم بالصراخ حتى قبل ان تشرح المشكلة ، و حجتهم انهم عملاء (يدفعون فلوس) مقابل الخدمة !

طيب هل دفعك للفلوس يمنحك الحق بالصراخ و الشتم للموظف المسكين الذي يرد على الهاتف او يستقبل المراجعين ؟ في حين قد لا يكون حل الموضوع بيده انما وضع في واجهة المدفع كما يقال !


من قالك هالكلام ... اخوي راجع قوانين عملك وبتعرف حقك اذا احد غلط عليك ..!!

انا في القطاع الخاص وصارت مره سالفه احد العملاء تلفظ بألفاظ جدا بذيئه على موظف ، والموظف قدم شكوى وتم التحقيق بالشكوى وسماع المكالمه وتم احضار العميل والتأسف للموظف لانه بكل بساطه اذا العميل ما تأسف تقدر تاخذ الاجراء القانوني وتشتكي عليه رسميا في الشرطه

[شبح الصمت]

الله يجزاكم خير جميع


الزعيم كلامه صحيح وهو امتصاص الغضب والحمد لله فيني هالطبع بس في النهاية احنا بشر ...

مره جاني رجال معصب وموضوعه عن اداراه ثانية وقال بشتكي وبسوي ووطني الحبيب قلت له حياك الشيخ اجلس وش موضوعك شرحي لي الموضوع قلت له ابشر بخلصه لك وما كان خطأ من الادارة الي الموضوع عندها بس لبس وغلط وتفهم الوضع والرجال اموره خلصت وكل شيء تمام..

يعني طولت البال موجوده بس صارخ علي لكن لا تغلط علي

في ناس تدخل في شخصك في حياتك وهالنوعية استغفر الله العظيم مدري اشلون عايشين

على نظام خذوهم بالصوت تغلبوووهم


الله يجعلنا من اصحاب القلوب الرقيقة الطيبه والابتسامة الحسنه وإياكم ..

[حسن]

شوف ياشبح

وقتنا الحالي بتشوف اشكال كثيره من الاودام اولا بحكم بعض التعقيدات اللي صارت في الاجراءات
وثانيا البعض يبي يخلص متجاوز الاخرين والبعض ممنوع ويدور الواسطه
فهؤلا المراجعيني المزعجين

مره جاني مراجع والشرار يطلع من عينه فقالي وين المدير
قلت له خير
اشتكى لي عن سؤ معامله موظف وله وفعلا هذا الموظف سي ولكن بحكم المدير من جماعته فما تقدر تسوي شي
رغم انه قطري لكن البعض منهم اسؤ من السئ
فا قلت له استريح شوي
طلبت له الفراش وقلت له وش تشرب قالي ماابي شي قلت له جيب له ماي بارد يبرد عليه
كان يقولي ماابي
قلت جيب له ماي حار

كان يضحك من ردي ماتوقع
هههههه

فااهديته وطلع مركلس وخلصت له الموضوع وشكرني
فاتعلمت من وظيفتي اسواء انواع العنف الوظيفي
انا اسميها

فاصبحت من تعابير وجهه وارتفاع حواجبه وطول اذنيه
اذا هذا المراجع طبعي ولا غير طبيعي

فا الحياه تعلمك شلون تتعامل مع البشر مع الدورات والثقافه النفسيه



تحياتي ياشبح

[Dmy Enabi]

والله إن في رمضان رحت وزارة أخلص معاملة إن المسؤول يسب المراجع سب بذيء والله على ما أقول شهيد آنا ماعرف الموظف شقاله
لمن إذا المسؤول جذيه الموظفين شلون
الهدوء في مثل هذه المواقف هو طوق النجاة والابتسام حتى لو كان المراجع خطأ لكن الصراخ يحسسك إن احنا في الجبره

[طلعة الروح]

شوف ياشبح

وقتنا الحالي بتشوف اشكال كثيره من الاودام اولا بحكم بعض التعقيدات اللي صارت في الاجراءات
وثانيا البعض يبي يخلص متجاوز الاخرين والبعض ممنوع ويدور الواسطه
فهؤلا المراجعيني المزعجين

مره جاني مراجع والشرار يطلع من عينه فقالي وين المدير
قلت له خير
اشتكى لي عن سؤ معامله موظف وله وفعلا هذا الموظف سي ولكن بحكم المدير من جماعته فما تقدر تسوي شي
رغم انه قطري لكن البعض منهم اسؤ من السئ
فا قلت له استريح شوي
طلبت له الفراش وقلت له وش تشرب قالي ماابي شي قلت له جيب له ماي بارد يبرد عليه
كان يقولي ماابي
قلت جيب له ماي حار

كان يضحك من ردي ماتوقع
هههههه

فااهديته وطلع مركلس وخلصت له الموضوع وشكرني
فاتعلمت من وظيفتي اسواء انواع العنف الوظيفي
انا اسميها

فاصبحت من تعابير وجهه وارتفاع حواجبه وطول اذنيه
اذا هذا المراجع طبعي ولا غير طبيعي

فا الحياه تعلمك شلون تتعامل مع البشر مع الدورات والثقافه النفسيه



تحياتي ياشبح

أبي دورة ابلاش ومنك نتعلم