الهدايا بالسفر ،، هل تشكل عبئا على اصحابها ؟

[حمد 2002]

السلام عليكم ورحمه الله وبركاته


الهدايا بالسفر


عندما تسافر لبلد ما ، كيف تختار الهدايا لاهلك واصدقائك ؟

وهل صحيح بأن الهدايا تشكل عبئا ماديا على اصحابها ؟

ومارأيكم بالشخص الي يزعل لو ماجبت له هديه ؟


ومارايكم بالشخص الي ايجيب هدايا خربطه واي كلام للناس ؟


وهل انت مع استمارار تلك العاده ام ضدها ؟


بالتوفيق ،،

[بو خليفه 123]

أنا ضد تلك العاده رغم اني مجبر بالالتزام بها بالذات اذا سافرت مع هلي :(

اما اذا سافرت عزوبي و رديت بفائض بالخزينه الماليه ممكن اشتري عطورات من السوق الحره كـ صوغه او تذكار/سوفينير من البلد الي كنت فيها .

[غايه الطواش]

اي والله تشكل عبئ كبير
فالفتره الاخيره اتفقنا انا وهلي مانجيب لي سافرنا
بس بعد فيه من يتجاهل ,وخاصه اذا سافرنا والوالد ةمعانا
تقريبا ثلثين الميزانيه تروح ع الصوايغ تحت بند عيب ومنقود مانجيب او نرد يدنا فاضيه
مع ان السفر صار امره سهل والكل يقدر يسافر

[شبح الصمت]

اشتر حق امي وخواتي وعمتي ورفيجاتي وفلانه وعلانه


وجارتنا الي وراء فريجنا


انزين وانا الربع اجيب لهم ميدلية يستانسون ويتم يحضنك سنه قدام

والحريم لو ما تجيب لها شيء عدل قالت فلانه هذه قدري عندها ..

وحشوو فيها حش لين اجردو ظهرها


ههههههههههههاي

[غايه الطواش]

اشتر حق امي وخواتي وعمتي ورفيجاتي وفلانه وعلانه


وجارتنا الي وراء فريجنا


انزين وانا الربع اجيب لهم ميدلية يستانسون ويتم يحضنك سنه قدام

والحريم لو ما تجيب لها شيء عدل قالت فلانه هذه قدري عندها ..

وحشوو فيها حش لين اجردو ظهرها


ههههههههههههاي



هاذي من سنع هل قطر قبل , وما انكر ان البعض بالغ فيها ولكنها من عاداتنا :)

[بو خليفه 123]

غايه وين صوغتي :)

[نور الحور]

نعم تشكل عبء ..

بالنسبة لي اشتري للمقربين هدايا بسيطة تذكارية كل على ذوقه وحسب شخصيته .. وفي الغالب ما اتعنى لها ..

واللي يسافر ويتذكرني بهدية حلوة ما بقول لأ .. أهم شي إنه تذكروني ولو بشي بسيط ..

واغلبهم يجيبون لي أشياء أحبها واحتفظ فيها .. يعرفون ذوقي :shy:


التكلف يذهب بلذة السفر .. أنا رايحة استانس مو اشتري هدايا .. في معلوم ؟:omen2:

[ضوى]

في الفترة الاخيرة اجيب الشي اللي تتميز به الدولة اللي انا فيها

اوروبا الشوكلت وبس وهذا بعد يكلف مب شي سهل

الخليج جلابيات على عطور على عبايات على بخور

تركيا الحلقوم والبقلاوة وبس وكان الله بالسر عليم

لازم نجيب هدايا تعودنا وصعب نغير هالعادة والاكيد اني اكون عاملة حسابها في الميزانية وما اتجاوزها الا ماندر

[غايه الطواش]

ابشر بسعدك يا بوخليفه
انا كريمه وانت تستاهل لادا صناعه استراليه

[المــزن*]

بالعكس عادي :nice:

امي وابوي واخواني وربعي

لازم هدايا لانهم مايقصروون معاي


اما الباقي تشوكليت

[نوار قطر]

اغلبكم شوكلت او هدايا تذكاريه ليش :( انا والله الصوايغ تكلفني واااايد ،، تعودت ان اختي اييب لها شنطه لها وحق عيالها وامي نصيب الاسد خاصة لانها ماتسافر معانا ،،، طبعا غير صديقاتي ،،، ومثل مايقولون من وده حب ياب طحين وناس تقدرني اكيد اني بقدرها ،،، وانا اساسا متعتي الشوبنق ف ما اتملل

[حمد 2002]

انا اذا سافرت مايب شيء لاني ماسافر إلا ماندر هه هه هه

[نوار قطر]

انا اذا سافرت مايب شيء لاني ماسافر إلا ماندر هه هه هه

انت مااتييب خوصه معاك ما ينشفي عليك ياحمد

[حمد 2002]

باكتب ممنوع الشات هه هه هه

[دااانة قطر]

لأقرب النااس لي وبس

[R 7 A L]

احسن شي لما تجي من السفر
وتنتظرك هدية صافطة قدام صالة القادمون (:

اما الهدايا مجبورين خاصة لاقرب الناس خاصة اذا لنا فترة طويلة ماشفناهم

[النهار]

انا اذا سافرت مايب شيء لاني ماسافر إلا ماندر هه هه هه

انت متى سافرت قال الا ماندر هههههههههههههه

[حفيد الأنصار]

حلووه هذا يزعلون
انا مرره كذا ومرره كذا .؛ على حسب يعني
واللي بيسافر وبيجيب لي هدية ماقصر وان ماجاب برضو مش ملزوم فيها
اهم شي الشخص يسافر وستانس ويغير جو

[بصمة قطرية]

بالنسبة لي متعه ..
صحيح يبي بها ميزانية خاصة
و مرات كثيرة أطير فلوسي بس على هدايا
بس في الأخير اكون مستانسة و أهم شي أشوف الإبتسامة على وجوههم ..
هلي و أهل زوجي و جاراتي
صحيح العدد كبير بس في المقابل
هم ما ينسوني أبداً في سفراتهم
اليوم وصلتني صوغة لندن من بنت عمي
و صوغة دبي من جارتي
و دهن العود من الهند من إختي زوجها كان في الهند ..
حلوة الهدايا حتى لو كانت بسيطة
الهدية بالنسبة لي تقدير مب شرط سعرها و نوع البراند ..