تنبيه معسكر ريال مدريد في قطر

[Dmy Enabi]

إخواني وخواتي
أنبهكم والله يعلم إن مالي مصلحة إلا التنبيه
قبل سنتين حصل معاي موقف من قبل إحدى الشركات التي تنظم مجموعة من الأحداث الرياضية في الدولة وسجلت أبنائي في معسكر زعمت الشركة إنه لفريق ريال مدريد طبعا الرسوم كانت 2500 ريال للشخص
ودفعت الرسوم وكالعادة من تأجيل لين تأجيل واعتذارات عبر الإيميل وكل مرة عذر مرة صادف اليوم الوطني ومرة إجازة الربيع ومرة التأخير من ريال مدريد وبعد سنة قلت لهم أبي فلوسي قالوا بنكتب لج شيك ،وخذت الشيك وكل ماروح بدون رصيد رحت 3 مرات نفس الشي وطبعا حرصت كل الحرص إني أحل الموضوع ودي خاصة إن البنك قالوا لي في حركة كبيرة في الحساب أتصل محد يرد وكل واحد يحولني عالثاني ويقول بكرة بكرة وعلى فكرة المدير هندي وكلمته قبل قال آنا أسف وبارجع لج فلوسج وثاني يوم مايرد وحتى المالك قطري كلمته وصكر في ويهي كلمت حماية المستهلك قالوا مانقدر نسوي شي دام السالفة فيها شيك ولاهم مابيقصرون آخرتها طلبت ورقة شكوى من البنك كإثبات ورحت الشرطة ونفس اليوم جابوا لي الفلوس لين عندي
إلي خلاني أكتب الموضوع اليوم إنه ياني اتصال من هالشركة تقول إن في معسكر قريب لريال مدريد في شهر 12 وإلي قبل كانوا مسجلين لهم عرض خاص طبعا آنا واجهته وقلت له إنتو نصابين
نصيحتي انتبهوا رجاء لاتسمحون لحد يستغفلكم وممكن الشركة صادها ظرف إذا حطينا حسن النية لكن كفاية استغلال و طريقة التعامل مع الكستمر عليها علامة استفهام

[CH Engineer]

انقلي الموضوع للحوار العام افضل

ريال مدريد لو يزورون قطر الكل بيعرف وراح يكون خبر رسمي مب الهندي ب2500 ريال هو الي بيدري
وبعدين شلون تسجلين عيالج!! مافهمت بصراحه طريقة الهندي بالكذب والي مافهمته اكثر ان في ناس يصدقونه

[Dmy Enabi]

انقلي الموضوع للحوار العام افضل

ريال مدريد لو يزورون قطر الكل بيعرف وراح يكون خبر رسمي مب الهندي ب2500 ريال هو الي بيدري
وبعدين شلون تسجلين عيالج!! مافهمت بصراحه طريقة الهندي بالكذب والي مافهمته اكثر ان في ناس يصدقونه
انا الي اخوي مافهمت شنو الي مافهمته سجلت العيال هالكلام من سنتين على أساس معسكر تدريبي بإشراف فريق ريال مدريد وعقب اسحبوا علينا لكن رجعت فلوسي السؤال كم واحد سجل عياله وكم واحد رجع فلوسه اذكر قالي سجلنا 1500شخص ولك الحسبة أخوي
موضوع الحوار العام أتمنى ينقل وماعرف شلون هل لازم أطلب ولا شنو الي يعرف يفيدنا

[بو خليفه 123]

أختي سجلي العيال في نادي محلي معروف افضل بكثير و هم افضل في رصد المواهب و تنميتها . اما هذي الشركات و بالذات اذا ماكانت بأشراف من اسباير اكاد اجزم ان مالها علاقه في ريال مدريد ولا قد شافوا النادي .

[Dmy Enabi]

أختي سجلي العيال في نادي محلي معروف افضل بكثير و هم افضل في رصد المواهب و تنميتها . اما هذي الشركات و بالذات اذا ماكانت بأشراف من اسباير اكاد اجزم ان مالها علاقه في ريال مدريد ولا قد شافوا النادي .

مشكور بوخليفة العيال أهم مسجلين في أندية بس كان هذا فترة وخبرك ريال مدريد غير وللعلم الشركة تنظم الكثير من الأحداث وبالتعاون مع اللجنة الأولمبية وأصلا سمعت عن الموضوع من خلال جريدة الراية الرياضية

[QATAR 77]

1500 واحد و الرسوم 2500 ما شاء المبلغ 3 مليون و 750 الف حلوين لو من الهندي اشل عليها و اصير ملك في الهند

[Dmy Enabi]

1500 واحد و الرسوم 2500 ما شاء المبلغ 3 مليون و 750 الف حلوين لو من الهندي اشل عليها و اصير ملك في الهند

والله إنه شي يعور القلب والله يعلم ماحطيت هالموضوع إلا عشان أقول الكل انتبهوا والله كلامهم مثل العسل عقب يذلونك ذل كم واحد سكت عن حقه دورنا كبير لازم نبين للكل ان صار عندنا الوعي لا وبعد الهندي يقول لاتودين الشيك الشرطة قلت له خير ان شا الله وللعلم الي ياب لي الشيك قال احنا ماستلمنا رواتبنا كم شهر سؤال الناس هذولا شلون ينامون الله يبعدنا عن الكسب الحرام يارب

[الزعفراني]

عاد مالقيتي الا ريال مدريد ؟ :)

[Dmy Enabi]

عاد مالقيتي الا ريال مدريد ؟ :)

مع إني برشلونية شنسوي بس رغبة اليهال

[بوحارب]

والله هذي الشركات لاعبين لعبتهم في الدوحة لارقيب ولا حسيب :)

الله يعوضج اختي ويحفظ لج العيال

وانصحج تسجلينهم في سباير

[Dmy Enabi]

والله هذي الشركات لاعبين لعبتهم في الدوحة لارقيب ولا حسيب :)

الله يعوضج اختي ويحفظ لج العيال

وانصحج تسجلينهم في سباير

شكرًا لك أخوي بوحارب

[الزعفراني]

مع إني برشلونية شنسوي بس رغبة اليهال

الله يحفظهم ..


والله هذي الشركات لاعبين لعبتهم في الدوحة لارقيب ولا حسيب :)

الله يعوضج اختي ويحفظ لج العيال

وانصحج تسجلينهم في سباير

يقولك ردوا فلوسها خلاص

[Right]

المشكلة كلن يخيط ويبيط وخاصةً هالأجانب ، وللأسف ما فيه رقابة ولا حساب !!


مادري ليش تذكرت خطاب القذافي يوم قال: ارقصوا ، غنوا ، افرحوا ، امرحوا !!

[Dmy Enabi]

المشكلة كلن يخيط ويبيط وخاصةً هالأجانب ، وللأسف ما فيه رقابة ولا حساب !!


مادري ليش تذكرت خطاب القذافي يوم قال: ارقصوا ، غنوا ، افرحوا ، امرحوا !!




للأسف واحنا ياغافلين لكم والله

[غير البشر]

مرحبا اختي

ممكن تعطيني اسم الشركه على الخاص لو تكرمتي

[Dmy Enabi]

مرحبا اختي

ممكن تعطيني اسم الشركه على الخاص لو تكرمتي
مرحبا أخوي غير
ممكن أعرف شنو السبب

[غير البشر]

مرحبا أخوي غير
ممكن أعرف شنو السبب



لان في شركه متعلقه في ها الامور
في موضوع ريال مدريد وغيره
اعرفها واعرف اصحابها

يمكن تكون هي نفسها واقدر افيدكم


على اساس لو طلعت نفسها اقدر افيدكم بالموضوع

[Dmy Enabi]

لان في شركه متعلقه في ها الامور
في موضوع ريال مدريد وغيره
اعرفها واعرف اصحابها

يمكن تكون هي نفسها واقدر افيدكم


على اساس لو طلعت نفسها اقدر افيدكم بالموضوع

جعلك تسلم أخوي آنا خالص موضوعي وخذت فلوسي لكن طرحت الموضوع للفايدة

[BoFahed]

سبحان الله ولدي سندرني عليها وعالم يدفعون بس انا مارتحت لهم وعطيتهم السين

[Dmy Enabi]

سبحان الله ولدي سندرني عليها وعالم يدفعون بس انا مارتحت لهم وعطيتهم السين

كفو عليك أخوي

[Dmy Enabi]

رفع للفائدة