عين ماصلت على النبي

[حمد 2002]

السلام عليكم ورحمه الله وبركاته


ولدهم طاح ،،، عين ماصلت على النبي ،،

ولدهم سقط بالامتحان ،،، عين ماصلت على النبي ،،

يدها وريولها ايعورونها ،، منضوله ،،

طلع حرار ابوجهها ،، مسحوره ومنضوله ،،

ماحصل ترقيه ،، منضول وحاسدينه ،،

ليه بعض الناس كل ماصادهم شيء كل تفكيرهم انهم منضولين ومسحورين وصاكينهم عين ؟


اترك التعليق لكم ،،


اخوكم

حمد 2002

[حمد 2002]

للرفع للفائده العامه ..


وشكرا ..

[النهار]

حمد العين حق

[ريتويت]

العين حق والحسد موجود .. اليوم رفيجتي مثلا اقولها انا اروح الجيم عطتني عين ويومي اخترب فالدوام

[مراد2015]

العين حق وشي مؤكد الله يكفينا شر عيون الحسد

لكن اعرف ناس عيونهم سكود واعرف عائلات يسوون تصفيات نفس كاس العالم اكثر واحد عينه حااااااره


لكن العين حق

[Rider]

العين حق والحسد موجود .. اليوم رفيجتي مثلا اقولها انا اروح الجيم عطتني عين ويومي اخترب فالدوام

اروح الجيم ï»»تعليق

[طلعة الروح]

ريتويت الحريم ماينعطون ويه خصوصا ف الدوام حق السوالف ونقل الكلام مافي احسن منهم يعني كل ما قل كلامج كل ماكان افضل خلج رسميه مع الكل.

[بصمة قطرية]

العين حق محد يقدر ينكر هالشي ..
الله يحفظنا و يحفظ عيالنا
و يشفي كل مريض بسبب العين و الحسد ..

[امـ حمد]

العين حق وذكر في القرآن محد ينكر هالشي، والعين ماتيجي إلا من أقرب المقربين
الله يحفظ عيالنا وعيالكم من شر حاسد إذا حسد

[R 7 A L]

العين حق


بس الي انشوف اليوم
الناس قامت تخاف من كل شي
وصاروا يخافون من الي له سوابق حتى ان بعضهم ماصار يؤمن بالقدر

[ودي أكون]

نعم العين حق .. لكن البعض مصخوها بصراحه !

طاح شي انكت شيء قالوا عين !
تأخرت قالوا عين !
ماتزوجت قالوا عين ! ماحملت قالوا عين!
أندعم قالوا عين! ما اشتغل قالوا عين !

نسوا ان عندهم الأذكار! .. ونسوا بعد هذا ان الارزاق بيد الله يرزق من يشاء !

اللي يؤمن بأن العين حق .. لازم يؤمن بضرورة قراءة الأذكار ! .. ولا يقعد ع كل شيء يقول عين وعين وعين !