ماجستك .. إليجنت .. وإلا ماسيس

[اليمامة]

السلام عليكم ورحمة الله وبركاته

هذي أول موضوع وأول مشاركة لي في المنتدى

وحبيت أتفيدوني من خبراتكم وتجاربكم

بالنسبة لتجهيزات الأعراس (كوش ، طاولات ، إضاءة ، إلخ ...)

اشرايكم في محل ماجستك ومحل إليجنت ومحل ماسيس؟

أهم شيء بالنسبة لي أن الشغل يكون مرتب ونظيف والالتزام بالوقت من غير تأخير ومشاكل...

فياليت إتفيدوني من خبراتكم وتجاربكم

وشكرا

[قهوة الضحى]

اللي حاطتهم اوك قبل كم سنة كانوا التوب معاهم فلورنسا ورفلكشن بس الحين هاذيلا صاروا ماينوعون او يجددون كله نفس الفكرة او مبيوقة
والاهم تقعدين على راسهم حق التفاصيل الصغيرة مايركزون ساعات

شوفي شغل the planner يمكن يعجبج

[النهار]

توكلي على الله ماسيس احسنهم
مو كأن اسم اليمامه مكرر

[مــاي ورد]

ماسيس للحين معروفين بتجهيزاتهم وسعر مناسب

[شموخ-qtr]

إليجنت نصيحه من مجربه ..

[غايه الطواش]

ماسيس

انا رحت اليجينت يوم عرس اخوي شفت تجهيز طاوله 2500 رحت فلورنس او الغاردينيا نفسها بالضبط ب 1200 او 1500

[لمعة الالماس]

ماسيس

كل شي عندهم منظم ومرتب وحلو

[حمد 2002]

جربي محل لمسات بالغرافه ،، شغله ممتاز واسعاره من احسن ماااااااااااايمكن ،، بس هالله هالله بمكاسر مديرهم المصري بالسعر ،،


والله يوفقج ،،،

[ضوى]

ماسيس وايد حلو

[حمد 2002]

ماسيس وايد حلو

وغالي :omen2:

[ضوى]

لا ماسيس سعره حلو ، وحسب اللي تختاره بتختار شي اوفر اكيد بيطلع غالي بتختار الشي العادي والبسيط بيناسبك سعره

[حمد 2002]

لا ماسيس سعره حلو ، وحسب اللي تختاره بتختار شي اوفر اكيد بيطلع غالي بتختار الشي العادي والبسيط بيناسبك سعره

كم سعر تزين الطاوله عنده يبدي ؟


من 800 تقريبا وفوق ؟


هاي غالي ولا ارخيص ؟


وشكرا ..

[sweet qatar]

ماسيس صح قديم ويمكن مكرر بس شغلهم مرتب ويواجه

يعني تطمنين معاهم

وألف مبروك :o

[Qatar Perfume]

مافي احسن من نظال سوا عرسي و عرس اختي
صج فنان و اهم شي هو يسوي لج الشي لج انتي بروحج مب مكرر و الفنشنج ماله وايد حلو ماتحسين فيه شي غلط بعض الاعراس انتبه لهم الصمغ مبين و واضح و الخيوط طالعه يخربون عالشكل ..

المهم المحل اسمه ديزي اللي كان المناسبات قبل

[حـ ن ـيـ ن]

أولا ألف مبرووووووك

فيه وحدة قطرية شغلها جداً راقي وذوووق لها حساب بالإنستجرام ....

[JN000N]

احلى شغل ماسسسسيس
بس اهم شي تدفعين اول باول وماتتاخرين بالدفع
كل مادفعتي كل ماكان الشغل اروع
من واقع تجارب
مافي احلى من ماسيس

[يوسف0]

توكلي على الله ماسيس احسنهم
مو كأن اسم اليمامه مكرر

اضن في وحده الهاء بدون نقط وهذي بنقط :omen2:

[المحاميه]

الموضوع يخص الجانب النسائي اكثر شدخل الشباب يردون؟

[حمد 2002]

الموضوع يخص الجانب النسائي اكثر شدخل الشباب يردون؟

مدامه ايخص الجانب النسائي .. ليش توج مشاركة ؟! وليش ماضفتي ولا معلومة بالموضوع ؟!

[اليمامة]

هلا فيكم
قهوة الصباح: شكرا على الرد وعلى النصيحة .. الاهل شافوا the planner وما عجبهم الباكج.

النهار: شكرا على الرد .. ما كنت ادري ان الاسم مكرر وما ادري اذا يصير اغيره الحين.

ماي ورد: شكرا على الرد

شموخ: مشكورة على الرد

غاية الطواش: اي سعر اليجنت اغلى من الباقي بس الباكج فيه اشياء اكثر

لمعة الالماس: مشكورة اختي

حمد: مشكور اخوي بشوف ان شاء الله

ضوي: شكرا على الرد

Sweet qatar: شكرا على الرد والله يبارك فيكم

Qatar Perfume: وين مكان محل ديزي؟

حنين: الله يبارك فيج .. بس اخاف اتعامل مع حد مب معروف خبرج هاي عرس ويصبر مره في العمر

جنون: مشكورة اختي

يوسف: شكرا على المرور اظن كلامك صحيح

المحامية : شكرا على مرورج اختي

يعطيكم العافية وما قصرتوا .. باكج ماسيس ما عجبني وايد بس بعد بشوف

تسلمون

[طموحة]

ابعدي عن اليجنت نصيحة لوجة الله

[Qatar Perfume]

هلا فيكم
قهوة الصباح: شكرا على الرد وعلى النصيحة .. الاهل شافوا the planner وما عجبهم الباكج.

النهار: شكرا على الرد .. ما كنت ادري ان الاسم مكرر وما ادري اذا يصير اغيره الحين.

ماي ورد: شكرا على الرد

شموخ: مشكورة على الرد

غاية الطواش: اي سعر اليجنت اغلى من الباقي بس الباكج فيه اشياء اكثر

لمعة الالماس: مشكورة اختي

حمد: مشكور اخوي بشوف ان شاء الله

ضوي: شكرا على الرد

Sweet qatar: شكرا على الرد والله يبارك فيكم

Qatar Perfume: وين مكان محل ديزي؟

حنين: الله يبارك فيج .. بس اخاف اتعامل مع حد مب معروف خبرج هاي عرس ويصبر مره في العمر

جنون: مشكورة اختي

يوسف: شكرا على المرور اظن كلامك صحيح

المحامية : شكرا على مرورج اختي

يعطيكم العافية وما قصرتوا .. باكج ماسيس ما عجبني وايد بس بعد بشوف

تسلمون

غيرو مكانهم بس جان تبين انستقرامهم
@daisy_for_occaison و رقمهم موجود ترا الصور ظالمه الشغل .. و شغل المناسبات معروف من زمان انه واايد حلو