الابواب والخزائن للبيت

[أم أحلى بنت]

السلام عليكم ورحمة الله وبركاته
حبيت استشير اهل الخبره في اسعار ابواب بيتي ياريت تتطلعون على عرض السعر واتقولون لي رايكم مع العلم ان هالشخص هو كان يعمل فالمتحده للتجهيزات وبعدين انفصل عنهم وكون شركه خاصه فيه انا اتعامل معاه من زمان وهلي وعملي خزانه في بيتي بس المشكله ان زوجي شككني في اسعاره مع ام شغله لا يعلى عليه نظيف بس حبيت استشيركم علشان اكون على بينه هل سعره مرتفع جدا ولا معقول افيدووووني لو سمحتوا

[أم أحلى بنت]

المبلغ النهائي صار 150 الف

[ضوى]

كم باب وكم خزانة وايد صغير الخط

[بوNasser]

كم باب وكم خزانة وايد صغير الخط

من باب اللقافة!!!! والمساعدة، حاولت اكبر الصور شوي

http://www.doha2010.com/montada/d01.png

http://www.doha2010.com/montada/d02.png

[أم أحلى بنت]

من باب اللقافة!!!! والمساعدة، حاولت اكبر الصور شوي

http://www.doha2010.com/montada/d01.png

http://www.doha2010.com/montada/d02.png


مشكور عالمساعده
هم
19 باب
5فريمات
4درسنغات كبيره المساحه
كبت بوفيه مع خلفيه بالخشب على مساحة كامل الطوفه
ثلاث كبتات للكهرباء
بابين كل واحد حجمه صفقتين وارتفاع واحد ثلاث امتار ونص تقريبا مع شغل حفر اسلامي عليه
وبانتري واحد للدور الاول
باب واحد مشغول زخارف اسلاميه بالحفر لباب حمام مجلس الرجال

هاي تقريبا كل الاشياء اللي بيسويها لي

[ضوى]

على اللي قلتيه ومستوى شغله اشوف السعر جدا مناسب

[ابوعلي]

بما ان عندج المواصفات والاسعار تقدرين تشوفين اكثر من مكان وتعرضين عليهم حتى تقارنيين بين الاسعار

ويعتمد على الديزاينات وطريقة الحفر

ذكرتي البيبان للغرف انا سويتهم عند منجرة الشرق في حدود 2200

وباب المجلس صفقتين زخرفه اسلامية في حدود 7500

فنصيحه بما ان عندج المواصفات والرسومات اعرضي على اكثر من منجرة

[ولد المنصور]

ليش ماتشوفين المتحده نفسهم .. .
اذا نفس السعر اتوقع هم معروفين بشغلهم , , وانا امجربهم ممتازين ..

[بو راشد 1]

نقطتين احب ان اقولهم:
حسب عرض السعر ان الاكسسوارات عليه:
تاكيدي ان المفصلات تكون من النحاس مش حديد مصبوغ بلون النحاس طريقة التأكد، جيبي راجس (مغناطيس) اذا مسك في المفصلات فهذي حديد مش نحاس.
تأكدي من انه يلتزم في مدة التنفيذ، كثير من المناجر يتأخرون في انهاء الاعمال بطريقة غير معقولة و لا يلتزمون بمدة التنفيذ.
جعله منزل مبارك ان شاء الله

[معماري قطري]

الأَهم تكون عنده منجره حقيقية وهو يتابع الشغل فيها .. البعض يشتغلون في مناجر غير مرخصة وخصوصاً اللي في المزارع واللي ما ندري متى يتم الالتفات لهم من قبل جهات الترخيص .. أَلحين وكلاء السيارات اشتكوا حتى عند حكومات بعض الدول اللي منعت تصدير السيارة قبل شرائها بسنة .. وما ندري متى أَصحاب المناجر والأَعمال الثانية يشتكون وممكن يتوقف شغل هذي المناجر.

[خبير ديكور]

ما هي الأشكال المتفق عليها ومقاسات غرف الملابس حتى تكون النصيحة في مكانها
لأنه توجد أبواب على 2400 أو أقل وجودتها عالية جدا
حتى الخزانات من 650 إلى 700 المتر أفضل مواصفات
وبالتوفيق