من يسترسل في الكلام وهو نائم؟

[مــاي ورد]

السلام عليكم

فيه ناس عندهم عادة التحدث و الكلام اثناء النوم .. دورت بالنت ما لقيت شنو اسبابها او طرق علاجها


اللي عنده هلمشكلة ولقى لها حل اتمنى يفيدنا

[QATAR 77]

لو متزوج راحت عليك
تحصل المرة تسوي غوري شاي و تمخمخ على السوالف :)

[بومحمد المطاوعه]

انا اعتقد قله نووم

او قلق

[QATAR 77]

قريت مرة من يكتم الكلام و هو صاحي يتكلم في النوم عشان يفضفض

[للصبر اخر]

انا اعاني منها مع اختي الصغيره
تسولف وهي نايمه
وياتها فتره تقوم وتمشي
بس الحين لا تسولف بس
ياليت اعرف اسبابها ونحاول نعالجها

[توشيبا]

المستشارة : أ.د. امل المخزومي
يلعب القلق والخوف والتوتر ومشاكل الحياة المختلفة دورا مهما في

اضطرابات النوم لدى الفرد وتتضمن هذه الاضطرابات الكوابيس ، والاستيقاظ

من النوم في حالة رعب شديد ، صرير الاسنان التبول اللارادي ، المشي

اثناء النوم ، التحدث اثناء النوم وغيرها وغيرها .

عليك ما يأتي :

1 ـ التخلص من الضغوط النفسية قدر الامكان قبل الذهاب الى النوم .

2 ـ ممارسة التمارين الرياضية البسيطة قبل ساعات النوم بفترة قصيرة .

3 ـ ممارسة تمارين التنفس واخذ كمية كافية من الاوكسجين لتنشيط المخ

وتخليصه من السموم الناتجة عن الاجهاد والتعب اليومي .


4 ـ ممارسة تمارين الاسترخاء للتخلص من التوتر والقلق .

5 ـ تجنب اخذ المشاكل اليومية لغرفة النوم .

6 ـ تجنب ممارسة او تكملة واجبات العمل قبل ساعات النوم خاصة اذا كانت

مفعمة بالمشاكل والصعوبة في حلها .

7 ـ تناول قدحا من الحليب الفاتر او اللبن قبل النوم لتهدئة الاعصاب .

8 ـ الاهتمام بملابس النوم على ان تكون مريحة ونظيفة .

9 ـ الاهتمام بالسرير على ان يكون مريحا ونظيفا .

10 ـ التخلص من الاضاءة القوية وان كان من الصعوبة في تحقيق ذلك يمكن

لبس غطاء العينين الذي يحجب الضوء المصنوع من قماش القطن كي يحمي

العينين من التعرق ايضا .

11 ـ الاهتمام بهدوء غرفة النوم وهوائها وضيائها ونظافتها وترتيبها .

12 ـ الاهتمام بشكل الوسادة ونظافتها وحجمها حسب راحة الفرد .

13 ـ تجنب اتخام المعدة بالطعام ويمكن الذهاب الى النوم بعد ساعتين من

تناوله على الاقل .

14 ـ قراءة اية الكرسي قبل النوم او اية تشعرك بالراحة

[ameeer3]

لو متزوج راحت عليك
تحصل المرة تسوي غوري شاي و تمخمخ على السوالف :)

هههههههههههههاي :court::court::court::court:

[مــاي ورد]

هي ماعندها مشاكل نفسيه او قلق او توتر بس عادتها جذي وابوها بعد عنده نفس العادة

حتى لو كانت مرتاحة ممكن تسولف و تهذي احيانا باشياء غير مفهومة بس هاي مب طول الوقت النوم


بالنسبة للاسترخاء و غيره مافي فايده وهي انسانة مب كتومة كلشي تقوله فما اعتقد ان هاي هو السبب

[عاشق العديد]

دايم اسسولف وافتح مواضيع كذلك عادي

ومره مششيت وانا نايم الفجر

[R 7 A L]

أعتقد شي طبيعي
ان الانسان لما ينام وهو تعبان يتكلم

[ولد العرب]

لو متزوج راحت عليك
تحصل المرة تسوي غوري شاي و تمخمخ على السوالف :)

والله لو تفصفص عندي ((( الجواب واضح ))) مرفووع عني القلم وش دخلج فيني جنيات او حوريات يحبوني واعرف اسماهم :secret:

[ولد العرب]

انا اعاني منها مع اختي الصغيره
تسولف وهي نايمه
وياتها فتره تقوم وتمشي
بس الحين لا تسولف بس
ياليت اعرف اسبابها ونحاول نعالجها

صارت مع ولدي ومع عيال اخواني ومع اخوي ومع ربعي ومع ناس واجد بحكم المقناص والنوم بالبر عاااادي

بتروح منه وفعلا راحت منهم

واهم نقطه ماتعلمه عن اللي صاير كلش لانه بالحاله تصير له ووسواس قهري وبتم الحاله معاه اتركه بيتعدها بدون مايدري