كيف تنظم يومك !!!

[بريق الحق]

السلام عليكم ورحمة الله وبركاته

خلصت اجازة الصيف وبدات المدارس والزحمه فالشوارع

شلون الواحد ينظم يومه واكيد المتزوج يختلف يومه عن الشخص الغير متزوج

هل الواحد فينا يحضر دوارت او دروس او يكتفي بالقعده فالبيت ؟

شنو نوع الانشطه اليوميه الي الواحد لازم يسويها غير الارقاد ؟

ان شاء الله تفيدونا جزاك الله خير


ترى الموضوع ماله دخل فالمراة القطريه ولا فالحريم ان شاء الله الكلام واضح (:

[ودي أكون]

عندك الجم .. تحضر محاضرات دينيه .. او حفظ القران .. تعلم الطبخ بالنسبه للبنات/ لسويتات .. مجالسة الأهل .. تتبرع اتخلص حاجة احد فالبيت خاصه اليهال من مكتبات او تدريس .. اتصلح شيء خربان فالبيت .. تخلي مواعيدك الشخصيه للعيادات العصر .. الخ

اما اذا كان الشخص طالب .. فيشغل وقته بالدراسه والابحاث :)

[R 7 A L]

اصلاً الوضع صعب
اغلبنا يطلعون الساعة 3 يصلون العصر واكيد بيريحون لين قبل المغرب يصلون المغرب وبعدها بيرجعون للبيت
لين صلاة الشعاء بعدها مافيه الا ساعة ونص يستغلها الواحد يجيب اغراض للبيت او يزور عمانه ولا خواله ولا خوانه ولا خواته
وخلاص انتهى الوقت

[بو الجوري]

تعب شديد يا زوووول :rolleyes2:

جدولي حالياً ..

أوصل البيت 4:15 .. طبعاً مافي وقت أنام ( نااااادراً تلاقيني غفيت شوي )

أقعد مع اليهال

عالـ 8 ونص أروح الجيم لين 10:30 .. وبس أرجع البيت :yawn:

الجدول تعباااان .. ما يمدي الواحد يسوي شي ..

ااااخ بس لو يخلون الدوام لين 12:30 :secret:

[بـارود]

لازم نراعي الجوانب الستة وتقسيم المهمام حسب كل جانب ..

والجوانب الستة الرئيسية هي :

الجانب الإيماني
الجانب الأسري
الجانب الشخصي
الجانب الإجتماعي
الجانب الصحي
الجانب المعرفي

مع الأخذ بالإعتبار مدة كل جانب حسب
طبيعة الشخص والمهام اللي بيأديها

[راجي الْعفو]

تعب شديد يا زوووول :rolleyes2:

جدولي حالياً ..

أوصل البيت 4:15 .. طبعاً مافي وقت أنام ( نااااادراً تلاقيني غفيت شوي )

أقعد مع اليهال

عالـ 8 ونص أروح الجيم لين 10:30 .. وبس أرجع البيت :yawn:

الجدول تعباااان .. ما يمدي الواحد يسوي شي ..

ااااخ بس لو يخلون الدوام لين 12:30 :secret:


وعليك و رحمة الله ..

المشكلة انا خذينا كل شي من الغرب ، لكن هناك امور ما تصلح للمسلم

الغربي ما عنده مشكله يشتغل طول اليوم لانه ما له هدف خلق لأجله

بعكس المسلم ، فهو إنما خلق لعبادة الله ، وليس للدوام او غيره ،


فالمفروض ان يستغل اغلب الوقت في طاعة الله ،

ولا اتوقع حدوث ضرر ما لو تم تقليل عدد ساعات الدوام ساعة عالاقل ..


والله المستعان


الله يقويك بو الجوري وباقي الأعضاء ..

[راجي الْعفو]

لازم نراعي الجوانب الستة وتقسيم المهمام حسب كل جانب ..

والجوانب الستة الرئيسية هي :

الجانب الإيماني
الجانب الأسري
الجانب الشخصي
الجانب الإجتماعي
الجانب الصحي
الجانب المعرفي

مع الأخذ بالإعتبار مدة كل جانب حسب
طبيعة الشخص والمهام اللي بيأديها


الله يحيك اخوي بارود ..

هناك جوانب ذكرتها داخلة في الجانب الإيماني

الإسلام دين شامل لجميع الجوانب


مع التحية

[بريق الحق]

عندك الجم .. تحضر محاضرات دينيه .. او حفظ القران .. تعلم الطبخ بالنسبه للبنات/ لسويتات .. مجالسة الأهل .. تتبرع اتخلص حاجة احد فالبيت خاصه اليهال من مكتبات او تدريس .. اتصلح شيء خربان فالبيت .. تخلي مواعيدك الشخصيه للعيادات العصر .. الخ

اما اذا كان الشخص طالب .. فيشغل وقته بالدراسه والابحاث :)
الجم والرياضه بشكل عام شي مهم الواحد كله قاعد
والمحاضرات والدروس اغلبها تكون يوم الخميس غير الدروس الخاصه
وحتى الطالب لازم يتحرك بحوث ودراسه حسستيني قاعد يتكتب تقرير حق وكالة ناسا

[بريق الحق]

اصلاً الوضع صعب
اغلبنا يطلعون الساعة 3 يصلون العصر واكيد بيريحون لين قبل المغرب يصلون المغرب وبعدها بيرجعون للبيت
لين صلاة الشعاء بعدها مافيه الا ساعة ونص يستغلها الواحد يجيب اغراض للبيت او يزور عمانه ولا خواله ولا خوانه ولا خواته
وخلاص انتهى الوقت

بس الروتين متكرر وممل وبتشيب بسرعه دخل في جدولك اشياء جديده

[رهج السنابك]

ماعندي وقت لاي شي
ارجع البيت اربع ونص اريح ساعه وعلى الخمس ونص افتح اللاب توب ارد على الايميلات الي مامداني ارد عليها خلال اليوم لان بداومي اغلب يومي اجتماعات
واسوي شغلي لين تسع واحيانا عشر اخذ فاصل خفيف على المغرب اتقهوى وارجع اكمل
احد عش اتعشا وافتح النت اتسلى شوي بالمنتدى واشيك تويتر والواتس اب وبعدها انام ليوم عمل جديد

[راجي الْعفو]

ماعندي وقت لاي شي
ارجع البيت اربع ونص اريح ساعه وعلى الخمس ونص افتح اللاب توب ارد على الايميلات الي مامداني ارد عليها خلال اليوم لان بداومي اغلب يومي اجتماعات
واسوي شغلي لين تسع واحيانا عشر اخذ فاصل خفيف على المغرب اتقهوى وارجع اكمل
احد عش اتعشا وافتح النت اتسلى شوي بالمنتدى واشيك تويتر والواتس اب وبعدها انام ليوم عمل جديد


الله لا يبلانا بجدولج ..

اختي .. لا تنسين احتساب الاجر في شغلج حتى لا يضيع الوقت سدى ..