وين اقضي عطلة نهاية الاسبوع؟

[مستثمر مبتدئ]

يمسيكم بالخير
حاليا احس بضغط نفسي من الدوام وحتى الاهل نفس الشي وحابب اسافر في عطلة نهاية الاسبوع وين تنصحوني وحتى لو بدون سفر كيف اقضي العطلة عشان اخفف من ضغط العمل وشكرا لكم

[ضوى]

نصيحتي احجز بقندق شرق والا جراند حياه واستمتع بالبحر والجو الحلو هاليومين بيتغير جوك تماما باذن الله ، السفر مكلف ليومين ثلاثة

[المحاميه]

اايد ضوئ تقدر تستمع بالبحر والبركه وصالة الرياضه وتتريق فالفندق وبجذي تكون غيرت جو وكسرت الروتين

[kka]

عندك فندق الانتر جيد او اجراند جراند حياة او الفور سيزون

[Abdullah_89]

سانت ريجيس وجراند حياة اسعارهم حلوة وغرفهم واسعه وامان وشرح والبركة في سانت ريجيس احلى

اما شرق زحمه ويهال والبركة مو لي هناك والسعر جدا مبالغ فيه

[سهم ماينزل]

escapeescapeلندن

[حمد 2002]

افرشله زوليه على السيف بالغاريه ، وحط قدامك دله القهوه والجاي ومطاره الماي ، وخذ معاك كمن خيط مقاس 40 ومقاس 50 ، وسمح خيوطك ، وانتظر رزقك ايجيك ،، وود معاك مينو قطر وجبس عمان وكمن سندويج ،،


بتستانس وناااسه لاصارت ولا ستوت ،،


لافندق ولا خساير ولا هم يحزنون ،، :):)

[المتفرج]

كككككككككككككككككككككككك


صدقت يا حمد وشكلي بسويها هالاسبوع

لأني مبطي من هالجلسه

سلامن عليكم

[بشائر]

يمسيكم بالخير
حاليا احس بضغط نفسي من الدوام وحتى الاهل نفس الشي وحابب اسافر في عطلة نهاية الاسبوع وين تنصحوني وحتى لو بدون سفر كيف اقضي العطلة عشان اخفف من ضغط العمل وشكرا لكم

إذا ماودك تسافر فالسباحة في البحر تخفف كثير من الضغوط النفسية
احجز في فندق عادي
واشترك في رحلة غوص وجرب المغامرة .. عالم البحار عالم ثاني !
المهم انك تجرب حياة مختلفة غير حياتك العادية الروتينية ..
ولو قلت إنك تحس بالملل والضيق كان اقترحت عليك ترتب زيارة للعجزة في الرميلة
مساكين ما تتصور كيف بتكون فرحتهم بزيارتك وسوالفك معهم واهتمامك فيهم وهداياك البسيطة لهم ..
قال رسول الله صلى الله عليه وسلم: "من أفضل العمل إدخال السرور على المؤمن تقضي عنه ديناً تقضي له حاجة تنفس له كربة". صحيح الجامع (5773).


أتمنى في النهاية أنك تخبرنا كيف قضيت إجازتك حتى تعم الفائدة.

[Dmy Enabi]

أخوي مستثمر أنصحك بالآتي
الأول سيف الوكرة مسوين ألعاب مائية نطاطيات والمكان حلو للعايلات
والثاني تأجر طيارة شراعية بتستانس وايد في بونفرر وبونفرين و3
وفي تعليم غوص مع مدرب للصغار والكبار

[كلاسيك قطر]

شباب في فندق او منتجع في له برجه خاصه في قطر

[captin]

منتجع قصر البستان - مسقط

http://www.ritzcarlton.com/en/Properties/AlBustan/Default.htm

منتجع لي ميريديان الفجيرة

http://www.starwoodhotels.com/lemeridien/property/overview/index.html?propertyID=1901

منتجع جزيرة السعديات أبوظبي

http://www.saadiyat.ae/ar/hospitality-and-leisure/St-Regis-resorts.html

منتجع شانغريلا مسقط

http://www.booking.com/hotel/om/shangri-la-s-barr-al-jissah-resort-spa-muscat.ar.html


بالتوفيق ان شاء الله

[المــزن*]

شاليهات سيلين او الغارية

[Only Me]

انصحك بفندق شنغريلا ( مسقط ) شي حلو وخيالي

[بو الجوري]

انصحك بفندق شنغريلا ( مسقط ) شي حلو وخيالي

إنت من وين طلعت !! :rolleyes2:

[للصبر اخر]

انا مع رد اختي ضوى
وتقدر بعد تاجر يخت او سنبوك وتطلع لين السافليه
هناك عالم اخر جت سكي وتلاقي الناس قاعدين ع الدونت يلعبون وفي ناس يشوون