هل أنت/ أنتي .. مهيئه لمثل هالامور .؟!!

[ودي أكون]

السلام عليكم ورحمة الله وبركاته،،

كنوع من التغيير .. حبيت انقلكم للخيال .. والكلام اللي بقوله وبنتناقش فيه مو خيال .. واقعي 100 بالمئه والله اعلم .. لكن حدوثه وقرب او بعد حدوثه كله ف علم الغيب والله اعلم واعلم ..

كلنا نعتمد على التكنولجيا اعتماد كلي .. والتكنولوجيا اهني ما اقصد فيها الاتصال فقط .. انما جميع الاجهزة اللي تعتمد أيضاً على الكهرباء الخ ..

ماذا اذا انعدمت التكنولجيا نهائياً ..؟!

من كم يوم قرينا بعض الاخبار وهي اخبار قديمه ومن كم سنه كنا نعلمها والله العالم سبحانه.. عن الانبعاثات اللي تطلع من الشمس .. الانفجارات الشسميه .. واللي كثرتها وكبر حجمها قد يؤثر على جميع الاتصالات ووسائل الاتصال على الأرض .. سبحان الله

سؤال .. هل أنت/ أنتي .. مهيئه لمثل هالامور .. هل تم الاستعداد نفسياً .. هل تم التخيل ..؟!..
أم أن لكل حادثةٍ حديث .. بمعنى الكلام بوقته حلو !؟!! ..


ان شاءالله يعجبكم الموضوع.. وشكراً،، :shy:






اللي بيجيب طاري الحريم والرياييل ياويله :anger1:

[بريق الحق]

من علامات الساعه راح نرجع للخيول والسيوف فالجهاد
الله يرحمنا برحمته

[راجي العفو]

وعليك و رحمة الله ..


أخذ الاحتياطات أمر طيب و مهم ..

ولعلنا تناسينا ذلك ..

لكن أقول .. كما تعودنا عالتكنلوجيا ..


بنتعود ( غصب ) عالعصر الحجري ..


ولكل حادث ..حديث ..


والأحكام تنزل .. عند وقوعها ..


مع التحية ..

[نور الحور]

وعليك و رحمة الله ..


أخذ الاحتياطات أمر طيب و مهم ..

ولعلنا تناسينا ذلك ..

لكن أقول .. كما تعودنا عالتكنلوجيا ..


بنتعود ( غصب ) عالعصر الحجري ..


ولكل حادث ..حديث ..


والأحكام تنزل .. عند وقوعها ..


مع التحية ..



أنا مع هالرأي :nice:

[ودي أكون]

من علامات الساعه راح نرجع للخيول والسيوف فالجهاد
الله يرحمنا برحمته

الفوارس العشر .. بالنسبه لي دليل على إنتهاء التكنلوجيا والعوده إلى الفوارس والخيول والسيوف ..
والله أعلم ..

فهل تمت التهيئه النفسيه والتفكر ومحاولة زهد الرفاهيه ..

الله أعلم

[ودي أكون]

وعليك و رحمة الله ..


أخذ الاحتياطات أمر طيب و مهم ..

ولعلنا تناسينا ذلك ..

لكن أقول .. كما تعودنا عالتكنلوجيا ..


بنتعود ( غصب ) عالعصر الحجري ..


ولكل حادث ..حديث ..


والأحكام تنزل .. عند وقوعها ..


مع التحية ..

صحيح بنتعود غصب .. لكن في ناس بيكون سهل عليها التعايش مع الواقع !

وفي ناس يبيلها وقت طويل لين تخرج من أثر الصدمة ومحاولة العيش مع الواقع في ذلك الوقت وبالغصب طبعاً ..

والله أعلى وأعلم ..

[بريق الحق]

الفوارس العشر .. بالنسبه لي دليل على إنتهاء التكنلوجيا والعوده إلى الفوارس والخيول والسيوف ..
والله أعلم ..

فهل تمت التهيئه النفسيه والتفكر ومحاولة زهد الرفاهيه ..

الله أعلم
في اشياء كثير الصراحه منها هلاك العرب في الزمان
هل راح يصير شي فالكون او راح تكون حرب الله اعلم

[sweet qatar]

والله فله

بنعيش مثل ما عاشوا الأوليين :o

[ودي أكون]

في اشياء كثير الصراحه منها هلاك العرب في الزمان
هل راح يصير شي فالكون او راح تكون حرب الله اعلم

الله اعلم بالثنتين ..


الله أعلم والله المستعان

[راجي العفو]

أنا مع هالرأي :nice:

وأنا ايضا مع هالراي !



( وأقول في قلبي : الله يستر لي جت ذيج الحزه ههه )


الله لا يحرمنا النعم ..

[بريق الحق]

والله فله

بنعيش مثل ما عاشوا الأوليين :o
زمن تكثر فيه الفتن يقل فيه الرجال وتكثر فيه النساء
زمن يخرج فيه الدجال ( اذا رجعنا للسيوف والخيول )

[ودي أكون]

والله فله

بنعيش مثل ما عاشوا الأوليين :o

نعم فله .. لكني اتكلم عن الوضوع بشكل أعمق وأكبر !

اوصفي لي شلي بالضبط تقصدينه من عيشة الأوليين ! .. اذا عن ابهاتنا فالبعض منهم نعم عاش فنعمه ..
في عندهم راديو في فالبيت التلفون في الغاز وفي وفي وفي .. انا اتكلم حبيبتي عن انعدام لأكثر هالامور .. وغيرها الكثير من الاحتياجات اليوميه !

والله المستعان

هم عاشوها على فقر وتطوروا وتقدموا .. اما احنا اذا الله كتب راح انعيشها بعد تجربت التطور .. فالوضع مو مجرد كلام

[ودي أكون]

زمن تكثر فيه الفتن يقل فيه الرجال وتكثر فيه النساء
زمن يخرج فيه الدجال ( اذا رجعنا للسيوف والخيول )

صبر يابرق .. خذ الامور حبه حبه لين مانوصل لـ هالنقطه ..

[بريق الحق]

صبر يابرق .. خذ الامور حبه حبه لين مانوصل لـ هالنقطه ..
تفكيرها تفكير عاطفي (:

[ضوى]

لا مش مهيئة نفسي ، بس شخصيا اتأقلم مع كل شي واي شي ماعندي مشكلة من هالناحية

[sweet qatar]

زمن تكثر فيه الفتن يقل فيه الرجال وتكثر فيه النساء
زمن يخرج فيه الدجال ( اذا رجعنا للسيوف والخيول )

أعوذ بالله .. والله يكفينا الشر
دايما ندعي ان الله راد الفتنة لعباده يقبضنا إليه غير مفتونين





نعم فله .. لكني اتكلم عن الوضوع بشكل أعمق وأكبر !

اوصفي لي شلي بالضبط تقصدينه من عيشة الأوليين ! .. اذا عن ابهاتنا فالبعض منهم نعم عاش فنعمه ..
في عندهم راديو في فالبيت التلفون في الغاز وفي وفي وفي .. انا اتكلم حبيبتي عن انعدام لأكثر هالامور .. وغيرها الكثير من الاحتياجات اليوميه !

والله المستعان

هم عاشوها على فقر وتطوروا وتقدموا .. اما احنا اذا الله كتب راح انعيشها بعد تجربت التطور .. فالوضع مو مجرد كلام

عزيزتي انتي قلتي تخيلوا

وانا تخيلت الحياة بدون تكنولوجيا

ليش تحسسوني إني تكلمت خارج الموضوع !!! :(

[ودي أكون]

تفكيرها تفكير عاطفي (:

أنواع .. اللي تفكيره بيكون عاطفي
واللي واقعي
واللي بيرفض وبينكر حدوث هالامور
واللي بيقول هالشيء بينا وبينه أجيال وأجيال وأجيال ..الخ
واللي بياخذ الامور بمزح
واللي واللي واللي ..


نسأل الله الثبات يارب

[sweet qatar]

تفكيرها تفكير عاطفي (:

مب عيب

ولو اني ما شفت ان الموضوع فيه عاطفة أصلا حسبته خيال علمي

[ودي أكون]

أعوذ بالله .. والله يكفينا الشر
دايما ندعي ان الله راد الفتنة لعباده يقبضنا إليه غير مفتونين




عزيزتي انتي قلتي تخيلوا

وانا تخيلت الحياة بدون تكنولوجيا

ليش تحسسوني إني تكلمت خارج الموضوع !!! :(

بالعكس أنتي ماتكلمتي خارج الموضوع لان بالفعل في منج وايد والله أعلم ..

شوفي بعض الدول تقريباً ردوا فالعيش نفس أول والسبب الحرب.. والله المستعان

يلا كلميني فكرتي فيوم انعيش مثلهم .. تراهم حالياً عايشين نفس ماعاشوا ابهاتنا تقريباً ..

[بريق الحق]

مب عيب

ولو اني ما شفت ان الموضوع فيه عاطفة أصلا حسبته خيال علمي
ترى ماقصد شي وشي عادي اصلن
يعني انا اذا نقاشني شخص فالموضوع ماراح اقول الله راح نستانس ونولع شموع نفس قبل وكلنا مع بعض وبنلعب صياد حرامي

[ودي أكون]

مب عيب

ولو اني ما شفت ان الموضوع فيه عاطفة أصلا حسبته خيال علمي

هههه شدعوه خيال علمي .. والابحاث وصور الشمس والانفجارات الشمسيه اغلبنا شفنا او سمعنا عنها حبيبتي :)

[بريق الحق]

وللعلم اختي سويت مااقصد شي في كلامي لا اني استهزاء ولا شي

[راجي العفو]

أظن أن الأشخاص اللي تعودوا على المبيت في البر وضعهم في التأقلم مع هالموقف سهل جدا ..

[sweet qatar]

ترى ماقصد شي وشي عادي اصلن
يعني انا اذا نقاشني شخص فالموضوع ماراح اقول الله راح نستانس ونولع شموع نفس قبل وكلنا مع بعض وبنلعب صياد حرامي

رديت بعفوية و كنت جادة في ردي

فكرت الموضوع عن أهمية التكنولوجيا في حياتنا




والسموحة منكم

[راجي العفو]

وأيضا هل البحر ممكن يتأقلمون عالوضع بسهولة ..

[ودي أكون]

رديت بعفوية و كنت جادة في ردي

فكرت الموضوع عن أهمية التكنولوجيا في حياتنا




والسموحة منكم

ردج ف محله لان بالفعل ودنا انعيش مثل ماعاشوا الاوليين ..

بس السؤال هل بإمكانا التأقلم .. في ناس بتحب لانها حابه اتعيش هالعيشه وماعندها مشكله ..
لكن في ناس تعودت عالرفاهيه والمكيفات والتلفزيون والتلفون والسيايير الخ .. ف هالناس بتقدر بالسهوله تتعايش مع الوضع أم .. ؟!!

والله المستعان

[بريق الحق]

ترى الموضوع اكبر من انه كافي ومكيف راح يكون زمن صعب على الامه الله يرحمنا برحمته

[راجي العفو]

ترى الموضوع اكبر من انه كافي ومكيف راح يكون زمن صعب على الامه الله يرحمنا برحمته


صادق .. نسال الله أن يلطف بنا و لا يحرمنا نعمه ..

[R 7 A L]

ترى الموضوع اكبر من انه كافي ومكيف راح يكون زمن صعب على الامه الله يرحمنا برحمته

الله يكفينا الشر
ويلطف فينا

[ودي أكون]

ترى الموضوع اكبر من انه كافي ومكيف راح يكون زمن صعب على الامه الله يرحمنا برحمته

ياليت اللي نقل الموضوع للاستراحه يفهم هالشيء ..!

ان الموضوع مو ضحك ولو تخلله بعض المزاح .. الا ان الموضوع جدي ..

اللي نقل الموضوع مادري شوضعه من الموضوع عطنا رأيك عالاقل :anger1:

[Dana’1]

كله يهون إلا المكيف... من كذا ممكن انتقل للجنوب او مكة او المدينة:)

[شيخ الديرة]

ترى الموضوع اكبر من انه كافي ومكيف راح يكون زمن صعب على الامه الله يرحمنا برحمته

فعلا هناك دراسات دولية تقوم بتقييم مؤشر كل دولة بمدى تحملها ومرونتها للتأقلم في حالات الكوارث البيئية او غيرها. الدول الغنية والتي تعتمد بنيتها التحتية على التقنيات الحديثة هي التي تعاني أكثر, أما الدول الفقيرة والزراعية فتكون مناعتها أقوى بحكم بساطة الحياة وتوفر الموارد الغذائية محليا

[ضوى]

بريق الحق ،راجي العفو

الموضوع صحيح اكبر من مكيف وكافي لكن مقتنعه انه ربي ماراح يكلف انفسنا فوق طاقتها ،كل شي بيكتبه رب العالمين راح نتكيف معاه كلا حسب قدرته

[بريق الحق]

بريق الحق ،راجي العفو

الموضوع صحيح اكبر من مكيف وكافي لكن مقتنعه انه ربي ماراح يكلف انفسنا فوق طاقتها ،كل شي بيكتبه رب العالمين راح نتكيف معاه كلا حسب قدرته
التكيف راح يسهل الي متمسك بكتاب الله وسنة المصطفى صلى الله عليه وسلم

تخلي ترجف مكة والمدينه ويخرج منها المنافقين
زمن الرجل يربط اهله خوف من انهم يفتتنون في هذا الزمن

[نوار قطر]

لكل حادث حديث وكل شي بوقته ليش اتخيل واعور قلبي خخخخ ولو صادفنا هالزمن بنكون مجبورين ان احنا انتقبله لان مافيه فرصه للرفض او القبول .. ولازم انتعايش مع الي بيصير

[راجي الْعفو]

بريق الحق ،راجي العفو

الموضوع صحيح اكبر من مكيف وكافي لكن مقتنعه انه ربي ماراح يكلف انفسنا فوق طاقتها ،كل شي بيكتبه رب العالمين راح نتكيف معاه كلا حسب قدرته

طبعا اختي وانا اتفق معاج ..

ولم اقصد شيئا بتعليقي .. وإنما مواكبة لما ستؤول اليه الأمور والتي اسال الله ان يجنبنا شرها ..

[الحياة الخالدة]

ياليت اللي نقل الموضوع للاستراحه يفهم هالشيء ..!

ان الموضوع مو ضحك ولو تخلله بعض المزاح .. الا ان الموضوع جدي ..

اللي نقل الموضوع مادري شوضعه من الموضوع عطنا رأيك عالاقل :anger1:

أختي الله يرضى عليج .. المشاركات اللي كانت سوالف عددها 26 مشاركة مب مشاركة أو مشاركتين لإضفاء جو من المرح .. يعني الموضوع غلب فيه المزح على الجد
انتي يا أختي صاحبة الموضوع المفروض تنبهين كل من يخرج عنه و توجهينه مو تشاركينهم أو تسكتين عنهم

أنا مسحت مشاركات السوالف .. و برد الموضوع للحوار العام .. لكن أتمنى حسن إدارته من ناحيتج .. و الالتزام من ناحية الأعضاء

[ودي أكون]

أختي الله يرضى عليج .. المشاركات اللي كانت سوالف عددها 26 مشاركة مب مشاركة أو مشاركتين لإضفاء جو من المرح .. يعني الموضوع غلب فيه المزح على الجد
انتي يا أختي صاحبة الموضوع المفروض تنبهين كل من يخرج عنه و توجهينه مو تشاركينهم أو تسكتين عنهم

أنا مسحت مشاركات السوالف .. و برد الموضوع للحوار العام .. لكن أتمنى حسن إدارته من ناحيتج .. و الالتزام من ناحية الأعضاء

مايسمعون شسوي فيهم :shy:
ولازم حبيبتي بعض المواضيع تطلع عن مسارها بس سرعان ماترجع للهدف الرئيسي.. وحتى المزح كان من ضمن الموضوع حبيبتي .. الامور المترتبه على انعدام التكنولوجيا والكهربه.. وهم جابوا بطريقة مزح ..
صدقيني لو طلع الموضوع برع نطاقه كان مسكته وكنت صارمه تأكدي من هالشيء ..

كل شيء ولا مواضيعي :tease:

[غايتي الجنة]

من علامات الساعه راح نرجع للخيول والسيوف فالجهاد
الله يرحمنا برحمته

وانا مع هالرأي ..

[غايتي الجنة]

عجبني الموضوع .. واقعي جداً ومهم


والله يعيينا لمن تيحي هالايام .. بتكون صعبة علينا لاننا بكل بساطة تعودنا على الرفاهيه

بس اكيد بيكون فيها جانب جديد واسلوب حياة مختلف بسيط مريح ..

في راايي ﻻ يوجد اجمل من الحياة البسيطة البعيدة كل البعد عن الماديات

تحيااااااتي للكاتب

[بريق الحق]

ههههه المهور بتقل ان شاء الله

[ودي أكون]

عجبني الموضوع .. واقعي جداً ومهم


والله يعيينا لمن تيحي هالايام .. بتكون صعبة علينا لاننا بكل بساطة تعودنا على الرفاهيه

بس اكيد بيكون فيها جانب جديد واسلوب حياة مختلف بسيط مريح ..

في راايي ﻻ يوجد اجمل من الحياة البسيطة البعيدة كل البعد عن الماديات

تحيااااااتي للكاتب

نعم الحياه بتكون بسيطه .. لكن هل بتكون مريحه حبيبتي

الله اعلم

نسأل الله الثبات .. والله المستعان

[راجي الْعفو]

من رأيي إن ولي الامر لابد وان يربي ابناءه على شئ من الشدة حتى لا ينصدم - لا قدر الله - بمثل هذه الحوادث ..

[الجـــوديّ]

اذكر لما وقف الواتساب العام وقبله مسنجر البلاك بيري اعتفسوا الناس.. ردهم إلى الهدوء النسبي اللي ماتعودوا عليه
أنا كنت مستأنسة على الهدوء لان كلن قام يسولف مع اللي جنبه ومع اللي قدامه في البيت

أحس بنرجع للحياة العائلية الجميلة .. اللي يبي شي يطلبه وجه بوجه
واللي بيعزم على مناسبة يجي يعزم وجه بوجه
وااااايد أحلى :victory:

[خليفـة]

قل لن يصيبنا الا ما كتب الله لنا

[ودي أكون]

اذكر لما وقف الواتساب العام وقبله مسنجر البلاك بيري اعتفسوا الناس.. ردهم إلى الهدوء النسبي اللي ماتعودوا عليه
أنا كنت مستأنسة على الهدوء لان كلن قام يسولف مع اللي جنبه ومع اللي قدامه في البيت

أحس بنرجع للحياة العائلية الجميلة .. اللي يبي شي يطلبه وجه بوجه
واللي بيعزم على مناسبة يجي يعزم وجه بوجه
وااااايد أحلى :victory:

بس في نقص ف التموين والله اعلم
مافي مجمعات.. ولا صوالين.. ولا مطاعم
مافي سيايير.. ومافي ومافي ..

شرايج حلوو صح :victory: