قرار الزامي باستخدام الباص لطلبه المدارس !!!

[حسن]

السلام عليكم ورحمه الله وبركاته

طرحت العام موضوع بيجب فرض قرار الزامي لاستخدام الباصات للمدارس
وهذا انا اطرحه مره اخرى لعل من يستجيب القدر في صدور هذا القرار

استوقفتني تغريده من ساعات للمرزوقي ويقول عجز المجلس عن اصدار بالزاميه
الباصات واستخدامه للطلبه لتخفيف الزحمه

ومن خلال شبكه الاسهم القطريه نريد ايصال صوتنا الى الجهات المسؤله
والمعانه اليوميه في كل بيت واسره قطريه

ومميزات هذا القرار كثيره لاتعد ولا تحصى

منها اجتماعي ومنها سياسي


ماارايكم بهذا القرار لو اصبح واقع كم من الفوائد اللتي سوف نجنيها وتجنيها الدوله
على المستوى المحلي وعلى والمستوى الامني وعلى المستوى السياسي
وعلى المستوى الاجتماعي

اتمنى مشاركتكم بهذا الموضوع وسماع ارائكم القيمه

لكي تضاف الى الخطط الاستراتيجيه للدوله في المرحله القادمه



وفي جعبتي الكثيرمن الاقتراحات ومن المميزات ولكن
حبه حبه



تحياتي لكم

:victory:

[وحيد-الشوق]

صح انه بيكون حل لتخفيف الزحمة بس مانقدر نجبر الطلاب او اهاليهم باستخدام الباصات الباصات تصير فيها مشاكل وفيها عيال هيلق وغير متربيين مع احترامي

[ودي أكون]

لا صعبه اخوي حسن ..

الباص بلف فيهم لف من صباح الله خير ولين مايلقط كل الطلاب شوف مساكين شلون بيهلكون ..

وغير هذا اذا واحد تعب او رجع/ زوع .. يلا يالباص رد مكان ماجيت ..

وغير هذا اذا محد كان فالبيت او الخدامه ما افتحت الباب .. يا ينطر الباص يا يرد مره ثانيه او يرده المدرسه الخ ..

لا الباص مو حل اخوي .. مع احترامي لقلمك الناشف :tease:

[النهار]

صح انه بيكون حل لتخفيف الزحمة بس مانقدر نجبر الطلاب او اهاليهم باستخدام الباصات الباصات تصير فيها مشاكل وفيها عيال هيلق وغير متربيين مع احترامي

اسمح لي اخوي الهيلق بس موجدين في الباص مو الهليق موجدين معاهم في المدرسه يالله تعال حلي لي المعادله الباص بالكثير ساعه ولا ساعه ونصف
وفي المدرسه حوالي 5 الي 6 ساعات
الاقتراح جيد بوعلي وخاصه للمرحله الابتدائيه والاعداديه عيال الثانويه اكثرهم يسوقون بدون لياسن او بالكشه انا بيتي جنب مدرسه ثانويه
اشوفهم طول اليوم مع مواترهم برع المدرسه ( شاردين ) كل موتر فيه من 3 الي 4 طلاب

[Dana’1]

لو كان توزييع المدارس عالأحياء بطريقة رائعة ومن ثم توزيع الطلبه عليها بطريقة أروع لكان قلت قدام أنا معك
أنا مو ضد الباصات للطلاب أبدا وسبق وسجلت بنتي بالباص
بس بمثل هالوضع وهالتوزيع صعب شوي بسبب التأخير وغيرة
غير كذا محد يقدر يلزم الي عيالهم بمدارس خاصة لان الباصات بفلوس ومو الكل ملزوم يدفع قيمه الباص وهو يقدر يمر بالسيارة وياخذ عياله

وحاليا الوسيلتين متاحة والخيار لولي الأمر بما يتناسب معه وهذا هو الأفضل

[حسن]

صح انه بيكون حل لتخفيف الزحمة بس مانقدر نجبر الطلاب او اهاليهم باستخدام الباصات الباصات تصير فيها مشاكل وفيها عيال هيلق وغير متربيين مع احترامي

مرحبا ياوحيد الشوق
بالقانون يجبرون مثل ماوضعت القوانين الاخري والدول المتقدمه
احنا مهب احسن منهم
وكل وقت وله ظروفه وقوانينه
مشكله المشاكل بسيطه جدا ولها حل بسيط في تقويم السلوك
وذا على الهواش ياما شفت هواشهم مع السواقين والله ان احيانا
يضربهم ضرب
ترا عندي صوره تذذكرتها وموجده ياهل مطلع جسمه من السياره وهو مع السواق
طالعين من المدرسه !!!
فا اللي يقول انه السواق اضمن اعتقد لو في احصائيات حقيقه
تصدر عن مشاكل الطلبه والطالبات مع السواقين
كان بتشوف البلاوي ولكن ماندري عنها يااما التكتم من قبل الاهل او الجهات الرسميه

شكرا لك يالغالي


:)

[غير البشر]

يسوونها الكبار ويطيحون فيها الصغار

بس بوعلي الاطفال مالهم ذنب يمكن بعظهم يوصلون الساعه 3 العصر لو بالباص
وخبرك احنا عندنا

نشتغل بدون تخطيط او تخطيط غلط
ونحمل الخطأ الاطفال وتطيح في راسهم

الا اذا بطلعونهم الساعه 12 او 12 ونص بالكثير ممكن يصير

وتدري احنا عندنا تعذيب لطلاب المدارس
مايطلعون من المدرسه الا لين ينشفون طاقتهم

[حسن]

لا صعبه اخوي حسن ..

الباص بلف فيهم لف من صباح الله خير ولين مايلقط كل الطلاب شوف مساكين شلون بيهلكون ..

وغير هذا اذا واحد تعب او رجع/ زوع .. يلا يالباص رد مكان ماجيت ..

وغير هذا اذا محد كان فالبيت او الخدامه ما افتحت الباب .. يا ينطر الباص يا يرد مره ثانيه او يرده المدرسه الخ ..

لا الباص مو حل اخوي .. مع احترامي لقلمك الناشف :tease:



اولا ضحكتيني على قلمي الناشف

هاهاهاها

شاسوي يتفاعل مع الحدث احيانا ناشف واحيانا مدمر واحيانا رومانسي

احيانا ماتفهمين من شي

:)


لا لا لا لا

انتي تكلمتى عن افتراضيات وليس عن حقيقه
انا اقولك
ولدي العام طول السنه يوصله الباص
الساعه 1 و35 دقيقه هو في البيت
بحكم نحن نتبع مدرستنا اللي بمنطقتنا وبعدين شنهي المشكله نزيد عدد الباصات
لكل مدرسه ونخليها صغيره
وبالنسبه للمريض ولا شي حالات نادره واذا حصل شي ادراه المدرسه هي المسؤله عنه

شكرا لك ياودي اكون

:)

[نفسي عزيزه]

حق الهواش بالباص هههههه

الله ايام قبل ياحسن يوصلنا علي بن ناصر النعيمي ولازحمه ولا شي كلنا بالباص ووناسه واذا شاف حباره لحقها بالباص مال المدرسه ههههههه وكان المنجد قبل واول ماصار الجيش الحافي طرد وراها واحنا مستانسين

الحين سيارات وزحمه وعفسه كل واحد بيروح بموتره

[شيخ الديرة]

أنا كنت عايش في دولة غربية وكان عندي أطفال بالمدارس, لم يكن الباص أجباري, مادري منين جبت أجباري أخوي أبو علي.

هناك حل وسط, اللي يريد يروح ويجي بغير الباص, يخصصون محطة صعود ونزول قبل المدرسة ومسافة عنها حتى لا يكون هناك فوضى على باب المدرسة. الصبح ينزلوهم أهلهم هناك, وياخذوهم الظهر من هناك, وحافلة مكوكية مخصصة من المدرسة توصلهم من والى تلك المحطة.

[لبيبة]

يسوونها الكبار ويطيحون فيها الصغار

بس بوعلي الاطفال مالهم ذنب يمكن بعظهم يوصلون الساعه 3 العصر لو بالباص
وخبرك احنا عندنا

نشتغل بدون خطيط او تخطيط غلط
ونحمل الخطأ الاطفال وتطيح في راسهم

الا اذا بطلعونهم الساعه 12 او 12 ونص بالكثير ممكن يصير

وتدري احنا عندنا تعذيب لطلاب المدارس
مايطلعون من المدرسه الا لين ينشفون طاقتهم




كلامك هو الواقع، ما في داعي ان الأطفال يدفعون ثمن سوء تخطيط المسؤولين

[حسن]

[quote=النهار;9736595]اسمح لي اخوي الهيلق بس موجدين في الباص مو الهليق موجدين معاهم في المدرسه يالله تعال حلي لي المعادله الباص بالكثير ساعه ولا ساعه ونصف
وفي المدرسه حوالي 5 الي 6 ساعات
الاقتراح جيد بوعلي وخاصه للمرحله الابتدائيه والاعداديه عيال الثانويه اكثرهم يسوقون بدون لياسن او بالكشه انا بيتي جنب مدرسه ثانويه
اشوفهم طول اليوم مع مواترهم برع المدرسه ( شاردين ) كل موتر فيه من 3 الي 4 طلاب[/quote

اشكرك يالنهار

على المشاركه وكلامك صحيح والكل يدري فيه

مادرو بك الول تروح المدرسه مشي رايح وجاي ماحط لك ابوك خدامه وسايق كانه سفير مرتز

:)

[حسن]

لو كان توزييع المدارس عالأحياء بطريقة رائعة ومن ثم توزيع الطلبه عليها بطريقة أروع لكان قلت قدام أنا معك
أنا مو ضد الباصات للطلاب أبدا وسبق وسجلت بنتي بالباص
بس بمثل هالوضع وهالتوزيع صعب شوي بسبب التأخير وغيرة
غير كذا محد يقدر يلزم الي عيالهم بمدارس خاصة لان الباصات بفلوس ومو الكل ملزوم يدفع قيمه الباص وهو يقدر يمر بالسيارة وياخذ عياله

وحاليا الوسيلتين متاحة والخيار لولي الأمر بما يتناسب معه وهذا هو الأفضل


مرحبا اخت ديور واشكرك على المشاركه

بس حبيت اوضح لك ان كل منطقه فيها مدارس تابعه لها
ولكن الباس بيكشف امور اخري ؟
الاول كانا نروح المدرسه مشي وعقب باصات ويوم تعدل الحال صارت الناس تودي بالسيارات
وتالي اصبح السواق والخادمه هو من يودي ويجيب وتالي الظروف لها احكام
مثل ماتغيرت وتطورت الطرق فيجب ان تطور مع التقدم والازدهار اللي تمر به الدوله
يعني حال كل واحد وسايق وخدامه اليوم ولا بكره هذا الوضع سوف ينتهي
مافي شي يتم على حاله وضعه ويمكن في المستقبل يسير التعليم عن طريق المنزل!!!

مافي شي مستبعد

نورتي

:)

[romoz]

الباصات في الزمن هذا تعتبر من طرق تعذيب الطلاب

انا اودي بنتي للمدرسة و اجيبها ، اطلع ست و ع الردة ظ¢ وشي

لو تكون مع الباص متى تروح و ساعة كم ترد !!

الحل الامثل لتفادي الزحمة هو تغيير اوقات الدوام للموظفين القطاعات الخاصة و الحكومية و الطلاب

مايصير كلهم مع بعض

[حسن]

يسوونها الكبار ويطيحون فيها الصغار

بس بوعلي الاطفال مالهم ذنب يمكن بعظهم يوصلون الساعه 3 العصر لو بالباص
وخبرك احنا عندنا

نشتغل بدون تخطيط او تخطيط غلط
ونحمل الخطأ الاطفال وتطيح في راسهم

الا اذا بطلعونهم الساعه 12 او 12 ونص بالكثير ممكن يصير

وتدري احنا عندنا تعذيب لطلاب المدارس
مايطلعون من المدرسه الا لين ينشفون طاقتهم


اهلين ياغير البشر

هذا احنا نقول ان شاء الله يستجيب القدر لهذه الرويه وتطبيقها
انت تسافر شكثر وماخليت اوربا كلها
ياايخي تصدق يروحون بالنقل العالم بعد ولا سيكل مهب باص مدرسه
يعني مافي
احنا مانقول اركبو سياكل ولا نقل عام
باصات مكيفه متطوره وش زينها
وبعدين لا تسيرون حنيين على العيال عاد اكثر من الدلع اللي عايشين فيه
لين خلوهم منتفخين من الجنكفود ونقص الفتامين د الى هو اكبر مسبب للامراض
ولا تحاتي طاقه الياهل هذولا مايسون شي ماتشوفهم مطنبلين
ولا على ايامنا سلاحيت ونراكض في الشوارع ولوا مايطروشون علينا حق العشى والنوم
مارجعنا من الطاقه والنشاط
الياهل يرقدك ولا ترقد انت
التخطيط ماشي وهذا احنا نخطط ببلاش وبدون خبير من برع يقص علينا
ويروح
خلاص اللي عندهم في الغرب شفنا ليش مانطبقه عندنا

ولا لا تشتكي من الزحمه مره ثانيه

هاهاهاها

مراحب ياغيرو

:victory:

[حسن]

حق الهواش بالباص هههههه

الله ايام قبل ياحسن يوصلنا علي بن ناصر النعيمي ولازحمه ولا شي كلنا بالباص ووناسه واذا شاف حباره لحقها بالباص مال المدرسه ههههههه وكان المنجد قبل واول ماصار الجيش الحافي طرد وراها واحنا مستانسين

الحين سيارات وزحمه وعفسه كل واحد بيروح بموتره

الله يشفي علي بن ناصر ويرده من المانيا

:)

وين ذاك الوقت وذي الوقت الول باصات لا تكيف ولا شي وذيك السيتات
اللي مايحتاج
اما الحين لا تقول قاعد في الخطوط القطريه درجه اولى

الزحمه هذه ضريبه الترف وبدون دارسه وعي وسببت ازعاج للدوله ولنا
والحل جدا بسيط

كم تتوقع سياره وخادمه وسايق بيخفون في البلد

شي ماهول عدد مخيف جدا وصداع في راس الحكومات بسبه هذه العماله
وابتزاز لدول الخليج ومذله من منظمات عالميه ومن سفارات بلادهم
وتشرطهم علينا بسبب اصبحنا تنابله السلطان

بس قول الصراحه كم مره الشطك على بن ناصر

هاهاهاها

:victory:

[رُفق المجنّا]

البعض صار يخشى ع عياله لدرجة ان وده يغلفهم بجدار حماية من مل شي ! الباصات فيها مراقبين واذا ما عايش أشكال وأصناف وعاش في كنف المثالية التي يصورها له الآباء والأمهات بيطلع كائن مندوب يكره المجتمع او الى أسوء من ذلك.

البعض يصور الباصات ع انها حواري أوكلاند الامريكية !

انا مع القرار وهو يحل جزء كبير من أزمة كثرة العمالة والازدحام ويخفف الأعباء المالية ع بعض الأسر

[wesam82]

يسوونها الكبار ويطيحون فيها الصغار

بس بوعلي الاطفال مالهم ذنب يمكن بعظهم يوصلون الساعه 3 العصر لو بالباص
وخبرك احنا عندنا

نشتغل بدون تخطيط او تخطيط غلط
ونحمل الخطأ الاطفال وتطيح في راسهم

الا اذا بطلعونهم الساعه 12 او 12 ونص بالكثير ممكن يصير

وتدري احنا عندنا تعذيب لطلاب المدارس
مايطلعون من المدرسه الا لين ينشفون طاقتهم

صح. الشوارع والنظام والوقت بدون تخطيط وحرام أحط عيالي بالباص ويتعذب بسبب سوء التخطيط. حنا تعبنا وتحملنا وعقب كل هذا نسبب التعب والأرهاق لعيالنا
وبخصوص الزحمة مثل ما تشوفون السيارات تحت قيادة أجانب وأنا قلت من قبل القطري يشتغل عن عشرة أجانب وفي ذاك الوقت الشوارع بتكون ما فيها زحمة إذا كل الوظائف تحت القطريين
قال تعالى: إن الله لا يغير ما بقوم حتى يغيروا ما بأنفسهم

[لاجل QT]

واليهال اللى ماعندهم حد يستقبلهم في البيت مافي خدامة واهلهم في دوامهم

من يتحمل المسؤولية لو صارلهم شي

اقول لويطلع قانون تقاعد بجلوس من تعيل في البيت مع راتبها كامل بتخف الزحمة

[حمد 2002]

بوعلي الي أعرفه بأن فلذات اكبادك = يور بيبي = كتاكيتك = اطفالك ايروحون ابسيارات للمدرسه ؟!


فكيف ولماذا وليش ولييه وواي يو ونت = تبي = تريد اطفال خلق الله ايروحون اباصات ؟!

المفروض انت اتكون قدوه للجميييع واتطبق القرار علييك .. ياصاحب القلم ( الذهبي )


شكرا ...

[دايموند]

انا مع صاحب الموضوع

واللي يقول في الباص نلس هيلق !!

ترى الهيلقيه بكل مكان

والي تقول حرام الباص بيلفلف فيهم بيت بيت ترى عادي
اللحين باصات الندارس مطوره وفيها تكييف وبعضها فيها تلفزيونات

الله يرحم ايام الباص العنابي تخرجنا واحنا نركبه وماشوف صار فينا شي !!!

[بومحمد55]

أنا الصراحة ضد هالشي واتمنى مايصير . ﻷني ساكن في بني هاجر
ومدارس عيالي في المعمورة والحصه تبدأ الساعة 7 أنا اذا طلعت الساعه 6 وربع أوصل هناك الساعه 7 بالظبط شلون اذا كانو في باص وخاصه الظهر يمكن يردون البيت سكارى

[R 7 A L]

بعضهم برستيجعم مايسمح لهم يخلون عيالهم
يركبون الباصات

[الساجد لربه]

موفقين

حلوة القلم الناشف هههههه

[نفسي عزيزه]

الله يشفي علي بن ناصر ويرده من المانيا

:)

وين ذاك الوقت وذي الوقت الول باصات لا تكيف ولا شي وذيك السيتات
اللي مايحتاج
اما الحين لا تقول قاعد في الخطوط القطريه درجه اولى

الزحمه هذه ضريبه الترف وبدون دارسه وعي وسببت ازعاج للدوله ولنا
والحل جدا بسيط

كم تتوقع سياره وخادمه وسايق بيخفون في البلد

شي ماهول عدد مخيف جدا وصداع في راس الحكومات بسبه هذه العماله
وابتزاز لدول الخليج ومذله من منظمات عالميه ومن سفارات بلادهم
وتشرطهم علينا بسبب اصبحنا تنابله السلطان

بس قول الصراحه كم مره الشطك على بن ناصر

هاهاهاها

:victory:

اللهم امين

لا مايلشطنا ههههههههه

ايام معاه الله يرحمه بالدنيا والاخره يارب رجال ونعم فيه وفي جماعته

[MAZEN37]

انا اقولك فكره احسن
تغير موعد المدارس من 7 الي 9 صباحا
اولا شريحة العمال والعمل كل بيوصل مقصده
ثانيا اولاد المدارس يرد البيت 3 العصر يعني يومه اخترب وبيرد يرقد ويسهر بالليل
ثالثا ايضا شريحة الموظفين بيتحركون بالشوارع بفتره بين العمال وبين الطلاب

[mr.hamouda]

ضد هالاجراء
لانه ممكن يقعد الطفل في الباص ساعه لكن ...
بالسياره الخاصه سواء دريول أو احد من هله بياخذه 10 دقايق لين يوصل البيت

[ابوعلي]

انا معاك يالنوخذة على الاقتراح والحمدلله الباصات مكيفة


واتمنى تقليل ساعات الحصص لاربعين دقيقة حتى الطالب يرجع البيت من وهل

[نوار قطر]

انت يا بوعلي عدت وزدت فالموضوع واحنا نعيد ونزيد ونقول لا والله مانبي باصات ولا شي احنا نودي عيالنا وانييبهم أأمن لنا وماعندنا مشكله خل انتأخر.. خل نوصل البيت المغرب بس عيالنا تحت عينا ماعندنا مويهه ندفقها على السيسان ياحسن ... الي يبي يسجل ماعنده مشكله بس مافي حد يقدر يلزم الاهالي بهالقرار اذا طلع ... ومن خاف سلم

[تركواز]

مطلب اناني جدا ومب كل الناس تهيت عيالها وياما اطفال توفوا من اهمال هالباصات اللي تناشد انه يلزمونا نحط عيالنا فيهم ،، عاد تدري انه حتى لوصار الزامي انا واهالي كثير مابيلتزمون فيه

[تركواز]

موكل شي في الغرب يصلح لنا واي الوزير اللي مرتز اللي في سيارته يستاهل احط له 20سياره بعد اذا مادلعنا عيالنا محد بيدلعهم ولاتقارن الماضي بالحاظر قبل غير والحين غير وبدون انانيه وبدل لاتنقع عيالنا ساعه وساعتين في الباص في عز القايله عشان مضايق من الزحمه انت ماعليك شر لاتنقعت شوي في الزحمه:tease:

[kitmat]

اسمحلي معليش ولدي مع السايق ويوصل الساعة ثنتين وزيادة احيانا مع الباص متى بيوصل غير دورة الراس اللي في الباص من بيت لين بيت

[بنت الجزيرة]

‘


اقتراح جيد
لكن لازم يكون ضمن خطة متكاملة
يعني مثلاً
يخففون الدوام عليهم لأنهم بيقضون وقت طويل ف الباص
ويكون فيه اهتمام وحرص على سلامة الأطفال من قبل المدرسة
ويُستثنى من الالزام من اللي ساكنين مناطق بعيدة
وبالنسبة للحريم اللي ما عندهم من يستقبل عيالهم يستثنونهم
وبشكل عام لازم تكون فيه اعادة جدولة لأوقات خروج الموظفين من الدوام عشان تخف الزحمة ‘

[wesam82]

موكل شي في الغرب يصلح لنا واي الوزير اللي مرتز اللي في سيارته يستاهل احط له 20سياره بعد اذا مادلعنا عيالنا محد بيدلعهم ولاتقارن الماضي بالحاظر قبل غير والحين غير وبدون انانيه وبدل لاتنقع عيالنا ساعه وساعتين في الباص في عز القايله عشان مضايق من الزحمه انت ماعليك شر لاتنقعت شوي في الزحمه:tease:

صح :nice:

"لا تحملوا أولادكم على عاداتكم فإنهم خلقوا لزمان غير زمانكم" .علي بن أبي طالب

[خليفـة]

أولا الحمدلله على السلامة يا بوعلي
ثانياً: انت تطالب بشي انت مخالف له
اشلون تبي تلزم الطلاب باستخدام الباصات
وانت تودي عيالك بسيارة خاصة !
لا يكون هذي محاولة منك لتقليل الزحمة
الي تواجهها في التوصيل كل يوم !

العب غيرها
ههههه

[بوحارب]

أولا الحمدلله على السلامة يا بوعلي
ثانياً: انت تطالب بشي انت مخالف له
اشلون تبي تلزم الطلاب باستخدام الباصات
وانت تودي عيالك بسيارة خاصة !
لا يكون هذي محاولة منك لتقليل الزحمة
الي تواجهها في التوصيل كل يوم !

العب غيرها
ههههه

هههههههههههههههههااااايييي

حسن رد عليه بسرعة ;)

[همر]

صادوك يا بوعلي ..

قول اعترف تبي تخلى لك الشوارع ولا

تبي تتهرب من مسؤوليتك الأسريه تجاه

ابنائك فلذات اكبادك وتروح تقعد في كوفي

شوب في المولات مثل بعض الشياب ؟!!

:nice:


معاك قلباً وقالباً وودي اعيّنك وزير التربيه

والتعليم والمواصلات والنقل .. لكن مشغول حالياً

بس اوعدك ماقدر ...


على بالي هالقرار من كم يوم بس تدري وش

اللي بيفك الزحمه ؟!!


اجبار المدارس الخاصه بنقل طلابها ببلااااااش ...


واذا ماخفت الزحمه انا باتنزل لك عن منصبي

في وزارة الاحلام والطل...

[نوار قطر]

اشكرك يا خليفه على شفافيتك

حسن طبق انت اول وابتدي في عيالك وعقب بندرس اقتراحك

[حمد 2002]

اشكرك يا خليفه على شفافيتك

حسن طبق انت اول وابتدي في عيالك وعقب بندرس اقتراحك

مايقدر ايطبق هالقرار على عياله ، لانه يمكن اذا هو يبي ايودي اعياله اباص زوجته ماتبي ذلك ؟!!

مع احترامي لصاحب القلم الذهبي ابوعلي ،،

[المقاول]

اكيد اقتراح غلط يا اخ حسن .
يعني طلبة المدارس هم اللي مسوين الزحمة ... الزحمة موجودة من غيرهم .. اطلع
حزة المغرب الى بعد العشاء وشوف... في هذا الوقت مافية مدارس والزحمة في كل مكان .
الموضوع يحتاااج اكبر من هذا الاقتراح .

[Riku3]

للي موافقين .. ليش ما تروحون دواماتكم بسياكل علشان الطلاب يوصلون مدارسهم بسهولة :] .

الباصات حجمها كبير وعدد الطلاب ما يتناسب مع توفير راحه وحماية للطلبة من المضايقات .. المفروض والحمد لله على نعمة المال ، ان يتم توفير باصات 24 راكب على اعلى تقدير للتوصيل وان ما ينعطى الباص الواحد اكثر من منطقة او منطقتين اذا في شوارع داخلية بينهم ..

وحتى سواقين الباصات يسوقون برعونه ومستعجلين ومب كل المدارس تشرف بشكل جيد على مشرفات او مشرفي الباصات .... في مدارس اجنبيه نشوفها من يوقف الباص تنزل المشرفه مع الطالبه او الطالب لين باب البيت وتمسك يده وعندنا ينزلهم على اللفه علشان ما يضيع وقته ويدخل الشارع ..

وترى الزحمة في العادة تزيد مع عودة الاجانب من اجازاتهم السنوية مع بداية سبتمبر وقاعدة تزيد مع الايام كل ما يرجعون .. والا شدخل زحمة الكورنيش في الطلاب ما اخبر في مدارس كثيرة هناك او عد ساكن في الدفنه وعياله يدرسون في الوكرة ! .

[شيخ الديرة]

الباصات حجمها كبير وعدد الطلاب ما يتناسب مع توفير راحه وحماية للطلبة من المضايقات .. المفروض والحمد لله على نعمة المال ، ان يتم توفير باصات 24 راكب على اعلى تقدير للتوصيل وان ما ينعطى الباص الواحد اكثر من منطقة او منطقتين اذا في شوارع داخلية بينهم ..


أتفق معك , لكن هل تتوقع كروة تشتري 4000 باص صغير يخدم المدارس؟

[رRاAدDاAرR]

قامت مجموعة مخربة من اعضاء المنتدى بقيادة حمد 2002 بإحراق أكثر من 26 باص تابع لكروة من أجل إفشال مخطط نوخذتنا بوعلي بإلزامية استخدام الباص لطلبة المدارس


http://i.imgur.com/L3v1598.png






















































لا حد يصدق بس

:tease:

[Rider]

والله ياخوي لو في كل منطقة سوا مجمع مدارس بنين وبنات بس لأبناء للمنطقة كان نحلت الازمة

[qrt_trading]

أنا أعيالي كانوا في باصات 5 ونص كان الباص عند البيت وبعض الأحيان قبل هالوقت 5 وربع او 5 بالضبط وعلى الساعة 2 ونصار قريب ال 3 يكونون في البيت ويرجعون رأسهم منتفخ ولا لهم بارض حتى للغدا ومالهم بارض على الدراسه او كتابة الواجبات تعبت معاهم وايد اما الحين حطيت لهم سايق وارتحت يطلعون من البيت 6 ونص وساعات 7 الا ربع ويرجعون 2 الا ربع تقريبا ولين ما أوصل البيت من دوامي يكونون تغدوا والعبوا اشوي وتجدد نشاطهم فما اتعب وأيد معاهم في دراستهم، وعليه لا أنا مش معاكم في هالرأي ولو يدفعون لي هم علشان أحط اليهال مره ثانية في الباص ما راح أحطهم.

[لمعة الالماس]

افضل حل تعديل اوقات الدوام

ما يصير المدارس سبع والدوام في الشغل 7

وبعدين شلون الدوامات تخلص 2 والطلبه وحده ونص

مب كل الناس عندهم دريول وخدامة

والباصات اخطارها ومساوئها اكثر من نفعها

[فيصل99]

حل عملي ، شوفوا شلون الزحمة تخف وقت إجازة المدارس

لكن اتمنى دراسة الموضوع بشكل جدي للتخفيف على الطلاب وقت الإنتظار قبل اللركوب وأثناء التنقل بما في ذلك زيادة عدد الباصات في الأحياء وتوفير اكثر من مشرفة في الباص الواحد

[رذاذ]

الله يرحم الباص العنابي الى سايقه عربي محدن يتكلم به وهدوء لين ما ننزل ..

العيب مش ف الباص .. العيب فينا ولد فلان فلان راكب باص يا زينا قبل اياااااام حلوه ايام لا تنسى

الباص يمر جنب الدكان يتجمع الطلبه عنده اكثر من 20 ولين واحد رفيجه ما جاا ينتظر خمس دقايق ويحرك ..

ايااااام رحنا مشي مسافه كيلو ونص وكيلوين للمدرسه

[غير البشر]

حطوة اجباري او لا

عيالي ماراح يركبونه :victory:

[حسن]

أنا كنت عايش في دولة غربية وكان عندي أطفال بالمدارس, لم يكن الباص أجباري, مادري منين جبت أجباري أخوي أبو علي.

هناك حل وسط, اللي يريد يروح ويجي بغير الباص, يخصصون محطة صعود ونزول قبل المدرسة ومسافة عنها حتى لا يكون هناك فوضى على باب المدرسة. الصبح ينزلوهم أهلهم هناك, وياخذوهم الظهر من هناك, وحافلة مكوكية مخصصة من المدرسة توصلهم من والى تلك المحطة.

مرحبا ياشيخ الديره

ردك ممهب واضح بالنسبه لي والله ومادري كنت في اي بلد
فا يريت تقولنا عن البلد وتجربتك وكيف النظام كان هناك

تحياتي لك

:)

[حسن]

كلامك هو الواقع، ما في داعي ان الأطفال يدفعون ثمن سوء تخطيط المسؤولين




كلشي له ضريبه في الحياه هناك تخطيط يتحمله ىالجميع وليس المسؤلين


وشكرا

[حسن]

الباصات في الزمن هذا تعتبر من طرق تعذيب الطلاب

انا اودي بنتي للمدرسة و اجيبها ، اطلع ست و ع الردة ظ¢ وشي

لو تكون مع الباص متى تروح و ساعة كم ترد !!

الحل الامثل لتفادي الزحمة هو تغيير اوقات الدوام للموظفين القطاعات الخاصة و الحكومية و الطلاب

مايصير كلهم مع بعض

حلك ينفع الى زمن معين ولكن بعد فتره تسؤ الاوضاع نظره للزياده السكانيه في المستقبل
والباصات في وقتنا الحالي مشاء الله متطوره بشكل ممتاز من كراسي وتكيف

ومن افضل الباصات

تحياتي

[حراير قطر]

حطوة اجباري او لا

عيالي ماراح يركبونه :victory:

وانا بعد :victory:

[حسن]

البعض صار يخشى ع عياله لدرجة ان وده يغلفهم بجدار حماية من مل شي ! الباصات فيها مراقبين واذا ما عايش أشكال وأصناف وعاش في كنف المثالية التي يصورها له الآباء والأمهات بيطلع كائن مندوب يكره المجتمع او الى أسوء من ذلك.

البعض يصور الباصات ع انها حواري أوكلاند الامريكية !

انا مع القرار وهو يحل جزء كبير من أزمة كثرة العمالة والازدحام ويخفف الأعباء المالية ع بعض الأسر

رد فيه الكثير من الصراحه
فعلا تناقض وهذا اللي اذكرته شيخه المسند لما قالت الحقيقه
مع العلم اعليل بيد الخدم مهب نقول الجميع الى الغالبيه الساحقه

اشكرك ياشيخ

[حسن]

صح. الشوارع والنظام والوقت بدون تخطيط وحرام أحط عيالي بالباص ويتعذب بسبب سوء التخطيط. حنا تعبنا وتحملنا وعقب كل هذا نسبب التعب والأرهاق لعيالنا
وبخصوص الزحمة مثل ما تشوفون السيارات تحت قيادة أجانب وأنا قلت من قبل القطري يشتغل عن عشرة أجانب وفي ذاك الوقت الشوارع بتكون ما فيها زحمة إذا كل الوظائف تحت القطريين
قال تعالى: إن الله لا يغير ما بقوم حتى يغيروا ما بأنفسهم


وانا اتكلم من منطلق الايه الكريمه فيجب ان نغير طريقه انفسنا
مادري االايه الظاهر فهمتها بالغلط
انا معك سلوكيات الوزراء الاطفال يجب ان تتغير


:)

[حسن]

واليهال اللى ماعندهم حد يستقبلهم في البيت مافي خدامة واهلهم في دوامهم

من يتحمل المسؤولية لو صارلهم شي

اقول لويطلع قانون تقاعد بجلوس من تعيل في البيت مع راتبها كامل بتخف الزحمة

والله يالاجل اللي يقول الحيين احنا في صحراء كاليهاري ولا نيفادا ولا النفود
مافي وسائل اتصال

ردك يصورلي ان احنا عايشين سبهلله في الحياه
عيل وش نقول اللي المره هاده عيالها مع الخدامات ومحد في البيت
هذا لو يدرون الغرب كان ثلاثه ارباع عيال في دور الحظانه وتسقط عن الامهات الحظانه القانوينه
عجل نطالب بعوده المراءه الى الحظيره وواقعها اللي له وليش هي تغيرت على المجتمع
مثل مانطلب تغير العوده الى الباصات

حياك الله يالاجل وش جبتي لي صوغه من لندن

:)

[حسن]

بوعلي الي أعرفه بأن فلذات اكبادك = يور بيبي = كتاكيتك = اطفالك ايروحون ابسيارات للمدرسه ؟!


فكيف ولماذا وليش ولييه وواي يو ونت = تبي = تريد اطفال خلق الله ايروحون اباصات ؟!

المفروض انت اتكون قدوه للجميييع واتطبق القرار علييك .. ياصاحب القلم ( الذهبي )


شكرا ...

ها انا اذا اطالب بتطبيق القرار ويكون الزامي وانا منهم يعني با ستثني نفسي
ولا ياحمد حد يبط عينه بصبعه
:)

قزرنا سنوات ونحن نودي ونجيب ولكن الاوضع اصبح اوفر ونحن كاولياء نطالب من الجهات العليا بالتدخل
السريع مثل مافرضت الثوب والغتره والعقال على الطلبه لحمايه هويه المجتمع من الانسلاخ

لما تتزوج ياحمد وتجيك عيال بعدين بتتعرف المسؤليه والمعاناه بس اتوقع على ايام عايلك
بيركبون القطار

:victory:

[حسن]

انا مع صاحب الموضوع

واللي يقول في الباص نلس هيلق !!

ترى الهيلقيه بكل مكان

والي تقول حرام الباص بيلفلف فيهم بيت بيت ترى عادي
اللحين باصات الندارس مطوره وفيها تكييف وبعضها فيها تلفزيونات

الله يرحم ايام الباص العنابي تخرجنا واحنا نركبه وماشوف صار فينا شي !!!


اشكرك يادايموند

اي والله ركبتب انا كنت اروح مشي نقطع فرجان لين نوصل
لك لوقت له زمان ماقلنا شي ولكن الحين بعد سفر المجتمع الى الدول الغربيبه واطلاعهم على تقدمهم
وكيف اباءهم ماتسمعين لهم حس في قطار ولا شارع ولا سوق تجاري
فا هذا يخلي الناس تتغير للاحسن
ماتشوفين عيال الحين مايعين جيل بلوفر وكيكرز وساكسويل وغيره

الله يستر من الجاي

تحياتي لك

[حسن]

أنا الصراحة ضد هالشي واتمنى مايصير . ﻷني ساكن في بني هاجر
ومدارس عيالي في المعمورة والحصه تبدأ الساعة 7 أنا اذا طلعت الساعه 6 وربع أوصل هناك الساعه 7 بالظبط شلون اذا كانو في باص وخاصه الظهر يمكن يردون البيت سكارى

انت يابومحمد موضوعك اخر

انت خارج دائره منطقتك كلش والصراحه ينقالك الداد
ومن قالك انا الباص بيجيبهم من هناك هذه خارج حدود منطقته نهائيه

الله يعينك الصراحه

تحياتي لك

[شيخ الديرة]

مرحبا ياشيخ الديره

ردك ممهب واضح بالنسبه لي والله ومادري كنت في اي بلد
فا يريت تقولنا عن البلد وتجربتك وكيف النظام كان هناك

تحياتي لك

:)

بلاد العم أوباما.

نظام المواصلات بالمدارس العامة مثل النظام هنا. باصات مجانية وسيارات خاصة. بيتي كان 10 دقائق مشي عند المدرسة, لذلك شيخة الديرة كانت توديهم وتجيبهم بالسيارة, وكانت تروح توقف في طابور السيارات قبل نصف ساعة من نهاية أخر حصة حتى يرجعون بسرعة للبيت.

الفرق أن مديرة المدرسة هناك كانت يوميا بنفسها تصعد الأطفال للسيارة واحد واحد, وتضمن عدم ظهور أي تصرف يخل بالسلامة. ألله يذكرها بالخير.

[حسن]

بعضهم برستيجعم مايسمح لهم يخلون عيالهم
يركبون الباصات

ماوداني ورا الشمس الا هل البرسيتج الخايس يارحال

السواسيه زينه ودك القانون يطبق على الكل

تهقى لو كل طالب ياخذ 500 ريال على ركوبه الباص شهريا
تتوقع البرستيجات هذه بتم ولا بتنهار

ذكرتني يالبيت
يقول اذا بغيت تعرف النفوس ارم الفلوس ...ينكشف زيف الشعارات اذا حمي الوطيس

هاهاهاها

صدقني اللي عنده اربع الفين في لشهر وبيوفر ثلاثه الاف في الشهر
يعني يسر المجموع خمسه الاف شهري
ولا راتب كبار موظفين احدى الدول الخليجيه المجاوره

شوفو الفرق شلون


حيالك الله يارحال

:)

[حسن]

موفقين

حلوة القلم الناشف هههههه

احلي شي الناشف كتابته ماتروح
مثل الحبر

بالتوفيق وياك

:)

[شيخ الديرة]

يسوونها الكبار ويطيحون فيها الصغار

بس بوعلي الاطفال مالهم ذنب يمكن بعظهم يوصلون الساعه 3 العصر لو بالباص
وخبرك احنا عندنا

نشتغل بدون تخطيط او تخطيط غلط
ونحمل الخطأ الاطفال وتطيح في راسهم

الا اذا بطلعونهم الساعه 12 او 12 ونص بالكثير ممكن يصير

وتدري احنا عندنا تعذيب لطلاب المدارس
مايطلعون من المدرسه الا لين ينشفون طاقتهم

المدارس اليوم تسع لحوالي 1000 طالب, وهي مدرسة أبتدائية او أعدادية او ثانوية

لو المدرسة نفسها تقسمت, بعد موافقة البلدية اوكي :tease: , وأصبحت من الأول أبتدائي الى الثالث ثانوي, سوف تكون تكفي فقط المنطقة التي تقع بها المدرسة, وهذا يقلل من زمن الباص وينفي الحاجة الى دخول السيارات الخاصة الى الشوارع الرئيسية في الذهاب والعودة من المدرسة

[حسن]

انا اقولك فكره احسن
تغير موعد المدارس من 7 الي 9 صباحا
اولا شريحة العمال والعمل كل بيوصل مقصده
ثانيا اولاد المدارس يرد البيت 3 العصر يعني يومه اخترب وبيرد يرقد ويسهر بالليل
ثالثا ايضا شريحة الموظفين بيتحركون بالشوارع بفتره بين العمال وبين الطلاب

مادري يامازن مافهمت عليك شكلك من شليت التوكس وانت مهب على بعضك

حاول مره اخره لان الموضوع متابع من قبل حلف النيتو

فا يمكن نستفيد بفكرتك

تحياتي لك

[حسن]

ضد هالاجراء
لانه ممكن يقعد الطفل في الباص ساعه لكن ...
بالسياره الخاصه سواء دريول أو احد من هله بياخذه 10 دقايق لين يوصل البيت

من يقول عشر دقايق ياشيخ
بيني وبني المدرسه كيلو عيالي يدخولن الساعه 2و20 دقيقه معقوله
ويوم الباص يجيون 1 و35 دقيقه

حقيقه وانا اتمنى فكرتي تاخذ بعد اكبر واتمنى من صحفي قطري اذا وجد
ان يتبنى هذه الفكره
مثل مامنعو المطايا تسرح بقرار فاتمانا يطبقون الذهاب بالزاميه الباص بقرار

تحياتي لك

[ودي أكون]

من يقول عشر دقايق ياشيخ
بيني وبني المدرسه كيلو عيالي يدخولن الساعه 2و20 دقيقه معقوله
ويوم الباص يجيون 1 و35 دقيقه

حقيقه وانا اتمنى فكرتي تاخذ بعد اكبر واتمنى من صحفي قطري اذا وجد
ان يتبنى هذه الفكره
مثل مامنعو المطايا تسرح بقرار فاتمانا يطبقون الذهاب بالزاميه الباص بقرار

تحياتي لك

واذا محد فالبيت .. واذا الاب والام يشتغلون وماعندهم خادمه !

شنو الزامي .. ع كيف كيفك هو :tease:

[حسن]

واذا محد فالبيت .. واذا الاب والام يشتغلون وماعندهم خادمه !

شنو الزامي .. ع كيف كيفك هو :tease:

شقحت الردود كلها علشانك بارد عليك

شنهو محد في البيت كم مره سمعت وطنشت وماردت ولكن انتي خليتني ارد
معقوله بيوت مافيها حد

:eek5:

وش صار في المجتمع القطري محد يقعد في البيت

كارثه

الحمدلله بيتنا مزدحم المره واختي الكبيره واخوي الكبير
مايسير هذا الكلام نهمل بيوتنا للخدم السواقين وخدامه والشيطان ثالثهاما
بل ترا البيوت فيها افلام يوميه تسير فيها واهلها يدرون
بس مايبون يشاهدون الحقيقه لانها مؤلمه

ارفع العقال لكل سيده قطريه محافظه على زوجها واعيالها وواجبها الفطري

وتعس عبد شانيل وديور ولويس فيتو


اهلين ياودي اكون

:)

[غير البشر]

وانا بعد :victory:



كفوووو عليج والله :nice:

[ودي أكون]

شقحت الردود كلها علشانك بارد عليك

شنهو محد في البيت كم مره سمعت وطنشت وماردت ولكن انتي خليتني ارد
معقوله بيوت مافيها حد

:eek5:

وش صار في المجتمع القطري محد يقعد في البيت

كارثه

الحمدلله بيتنا مزدحم المره واختي الكبيره واخوي الكبير
مايسير هذا الكلام نهمل بيوتنا للخدم السواقين وخدامه والشيطان ثالثهاما
بل ترا البيوت فيها افلام يوميه تسير فيها واهلها يدرون
بس مايبون يشاهدون الحقيقه لانها مؤلمه

ارفع العقال لكل سيده قطريه محافظه على زوجها واعيالها وواجبها الفطري

وتعس عبد شانيل وديور ولويس فيتو


اهلين ياودي اكون

:)

مادري ليش مرات اتخبص فالردود وتجمع وتطرح وتقسم وتضرب بنفس الوقت!
احين نتكلم عن الباص .. وشدخل الدريوليه والخدامه والافلام فالسالفه ؟

اتصدق أنت اتذكرني ف حمد .. وحمد يذكرني فيك

ترا اتكلم من صجي :) :tease:

الباص لين تعمم ماراح يشمل بس القطريين .. راح يشمل الغير مواطنين بعد واللي هم بالفعل اغلبهم مايعتمدون عالخدم .. فاذا كانوا الزوجين يشتغلون واوقات دوامهم متأخره بشوي عن موعد جية الولد !

انزين اذا الخدامه فالبيت مافتحت الباب او شارده او نايمه او او او .. والطفل عند الباب ينطر حد يفتح له ! والاب والام فالشغل !

واذا واذا واذا .. وبعدين احنا ماعندنا مشكله يا اخ حسن .. لازم يكون الباص الزامي عشان ادخل اعيالك فيهم
يعني مايصير ادخلهم من اللحين وتخف زحمتك عنا شوي

شرايك :tease:

[غير البشر]

المدارس اليوم تسع لحوالي 1000 طالب, وهي مدرسة أبتدائية او أعدادية او ثانوية

لو المدرسة نفسها تقسمت, بعد موافقة البلدية اوكي :tease: , وأصبحت من الأول أبتدائي الى الثالث ثانوي, سوف تكون تكفي فقط المنطقة التي تقع بها المدرسة, وهذا يقلل من زمن الباص وينفي الحاجة الى دخول السيارات الخاصة الى الشوارع الرئيسية في الذهاب والعودة من المدرسة



تخبط يا اخوي شيخ الديره
والله ولا يعرفون شلون يمشي الشغل
كلشي بالبركه والمليارات في يدهم

لو تحط هالمليارات في موزمبيق كان شفت شغل احسن

[حسن]

انا معاك يالنوخذة على الاقتراح والحمدلله الباصات مكيفة


واتمنى تقليل ساعات الحصص لاربعين دقيقة حتى الطالب يرجع البيت من وهل

اشكرك يابوعلي

فعلا بخدم الدوله هذا القرار على جميع الاصعده قلت لكم
وانا معاك في تخفيض الساعات شوي
ولكن بيطلعونك عيال بقعه بيقولون البيت محد فيه


شرفت ياشيخ


حيالك الله

[حسن]

انت يا بوعلي عدت وزدت فالموضوع واحنا نعيد ونزيد ونقول لا والله مانبي باصات ولا شي احنا نودي عيالنا وانييبهم أأمن لنا وماعندنا مشكله خل انتأخر.. خل نوصل البيت المغرب بس عيالنا تحت عينا ماعندنا مويهه ندفقها على السيسان ياحسن ... الي يبي يسجل ماعنده مشكله بس مافي حد يقدر يلزم الاهالي بهالقرار اذا طلع ... ومن خاف سلم


المصلحه العامه يانوار هي اللي تحدد وهناك أصوات بدأت تطلع وتطالب بتدخل الدوله واتا منهم
نظرا لتحمل الدوله والاسره والمجتمع أعباء كبيره
الدوله حددت اللبس في المدارس
والزمت الطالبة بالبس القطري
والكل نفذ
وهي مش مسألة تحدي هي حل للكثير من المشاكل
ونظرة مستقبليه لاتلاشي القادم ويجب أخذ الخطط من الآن

مهب بكره بنقعد نسوط ونولول

وبعدين تخفيف العباء علينا احنا كاولياء أمور

تحياتي لك يانوار

[المحاميه]

لا
ماايد

كل واحد وكيفه
مانقدر نجبر حد

تعال يافلان اركب باص والزامي وغصبا عنك مايسير

فيه ناس ماترضى عيالها تركب باصات

ف صعب جدا ان هالقرار يتنفذ

حتى دول برا كيفهم .. ناس تمشي وناس باص وناس سياره محد قالهم الا وغصب

لاتقيسون احتياجاتكم على احتياجات وطلبات الغير

[eXpert*]

الأب يسوق
الأم تسوق
العيال الكبار يسوقون
البنات الكبار يسوقون
الصغار مع الدريول

وفي الأخير كل(ن) متأخر عن دوامه ...


1) أنا مع قرار الباصات بشرط تكون صغيرة و لها مسار خاص فيها ،، و أهم شي التخطيط في توزيع الطلاب على المدارس ..

2) يجب تفعيل دور المواصلات العامة (الباصات) حالياً و القطارات مستقبلاً ،،

3) القضاء على ظاهرة التاكسي (الجوال) .. في ناس تجيب سائقين و يسلمه سياره و يقوله (كد) و عطني المقسوم كل شهر !!

4) ضبط عملية صرف رخص القيادة و الحرص على جودة المخرجات بهدف تقليل السيارات وهذا راح يفيد النقطة الثانية في الأعلى ..




والله ولي التوفيق

[بنت الجزيرة]

الأب يسوق
الأم تسوق
العيال الكبار يسوقون
البنات الكبار يسوقون
الصغار مع الدريول

وفي الأخير كل(ن) متأخر عن دوامه ...


1) أنا مع قرار الباصات بشرط تكون صغيرة و لها مسار خاص فيها ،، و أهم شي التخطيط في توزيع الطلاب على المدارس ..

2) يجب تفعيل دور المواصلات العامة (الباصات) حالياً و القطارات مستقبلاً ،،

3) القضاء على ظاهرة التاكسي (الجوال) .. في ناس تجيب سائقين و يسلمه سياره و يقوله (كد) و عطني المقسوم كل شهر !!

4) ضبط عملية صرف رخص القيادة و الحرص على جودة المخرجات بهدف تقليل السيارات وهذا راح يفيد النقطة الثانية في الأعلى ..




والله ولي التوفيق

بارك الله فيك
وضعت النقاط على الحروف
وهذا اللي المفروض يتطبق كـ حل لتفاقم العدد السكاني ‘
ومليون خط تحت جودة المخرجات ‘ اللي بنفس الوقت بتقضي على تلف الاعصاب قبل كل شئ ‘

[حبر وقرطاس]

توقيتك غلط اسمح لي اقول لك هالشي ولن تجد ااذان صاغيه اطلاقا

خاصه في هذا التوقيت التعيس
محد فاضي يحط قرار والمدارس بدت وبدون دراسته هذا شي الشي الثاني تكبدت كروه خسائر احتراق 22 باص وشوف موقع وزاره الداخليه

الامر الاخر لكي تنتفع وتنفع غيرك بالاقتراح ويكون له صدى
اكتب مذكره وارسلها للجهه المعنيه وهي المجلس الاعلى للتعليم بعد الامتحانات وانشالله ينظر بعين الاعتبار

[MAZEN37]

مادري يامازن مافهمت عليك شكلك من شليت التوكس وانت مهب على بعضك

حاول مره اخره لان الموضوع متابع من قبل حلف النيتو

فا يمكن نستفيد بفكرتك

تحياتي لك
ههههه انا قلت خلاص حسن خرج ولم يعد انت تحب الاكشن بمواضيعك
الفكره ببساطه
تقسيم المجتمع لاستخدام الشارع
بمعني اول الصبح بطبيعة الحال العمال وشركات المقاولات بيتحركون بالشوارع لين 6 وموظفين الدوله والادارات بعدهم وطلاب المدارس عقب
يعني تاخير دوام الطلاب

[QTR TV]

انا معك ياحسن قلب وقالبا على الأقل لدريول ابنفتك منه وزحمه بتخف والمصاريف بتقل بس بشرط يكون في تنظيم لعملية التوزيع ومراقبة السلوك من مشرف يكون متواجد في الباص وبنسبه للمناطق يطبقون برنامج الا خويا الجغرافي gps ترا الموضوع بسيط لأكن يبغي اهتمام ونشوف الدول شنهي تجاربهم في الموضوع ونأخذ إيجابيات تجاربهم ونتحاشا سلبياتهم ومافي مانع نبدع من عندنا مثال يكون ممرض مختص في الطوارئ العامه في كل باص وترا مب مكلف كثير لان رواتبهم بسيطه وأشكرك ياخوي حسن على طرح الموضوع الكثر من رائع

[تاجر كشخة]

+1 معك

[درر قطرية]

لما يصيرون السواقين عرب ويدلون عدل ويخافون على عيالنا وما يسرعون أنا بركب عيالي بالباص
لكن السواقين ولا كلمة عربي ولا يدل مكان ولا يدري وين الله قاطه ويخلي الباص بدون بترول يوقف بالطلاب في الشارع
ومشرفين الباصات في كروة كل سنة يغيرون السواقين
أقول اسفة // اوصل عيالي بنفسي وارجعهم البيت بنفسي وقلبي مطمئن عليهم أن شاء الله اقعد ساعتين بالزحمة وعيالي ماخذين قيلوله بالسيارة أحسن واريح
لو المدارس بالفريج ما صادتك الزحمة لكن بيتك في الخريطيات وعيالك مدرستهم بعين خالد وتقول زحمة .. أقول بس الله يشوف لكم

[حسن]

الأب يسوق
الأم تسوق
العيال الكبار يسوقون
البنات الكبار يسوقون
الصغار مع الدريول

وفي الأخير كل(ن) متأخر عن دوامه ...


1) أنا مع قرار الباصات بشرط تكون صغيرة و لها مسار خاص فيها ،، و أهم شي التخطيط في توزيع الطلاب على المدارس ..

2) يجب تفعيل دور المواصلات العامة (الباصات) حالياً و القطارات مستقبلاً ،،

3) القضاء على ظاهرة التاكسي (الجوال) .. في ناس تجيب سائقين و يسلمه سياره و يقوله (كد) و عطني المقسوم كل شهر !!

4) ضبط عملية صرف رخص القيادة و الحرص على جودة المخرجات بهدف تقليل السيارات وهذا راح يفيد النقطة الثانية في الأعلى ..




والله ولي التوفيق




اشكرك

افضل رد في الموضوع اشوفه من وجهه نظري ورد منطقي
وفيه حلول ممتازه جدا جدا
اتمنى يوصل الى ولي الامر او المسؤلين او اصحاب الرؤيا
او مجلس التخطيط التنموي
وخذو افكار القطريين وبدون هل الاجانب اللي قاعدين نشوفوهم بتسميه خبراء
نعم خبراء بالرواتب العاليه خبراء بان يقول للمسؤل القطري الغبي انت صح
خبراء لما مافي قطري يقدر يختبر شهاداتهم المضروبه والمزوره
فعلا خبراء



اشكرك على هذا الرد


تحياتي لك

:)

[حسن]

سؤال اوجه للجميع لو فرض المجلس الاعلى على كل طالب قطري يستخدم الباص له راتب شهري 1000 ريال

هل ستوافقون ام ترفضون ؟؟

اتمنى اللي عنده اولاد في المدارس فقط يرد على هذا السؤال بكل مصداقيه وصدق

وشكرا لكم

[حسن]

مطلب اناني جدا ومب كل الناس تهيت عيالها وياما اطفال توفوا من اهمال هالباصات اللي تناشد انه يلزمونا نحط عيالنا فيهم ،، عاد تدري انه حتى لوصار الزامي انا واهالي كثير مابيلتزمون فيه


موكل شي في الغرب يصلح لنا واي الوزير اللي مرتز اللي في سيارته يستاهل احط له 20سياره بعد اذا مادلعنا عيالنا محد بيدلعهم ولاتقارن الماضي بالحاظر قبل غير والحين غير وبدون انانيه وبدل لاتنقع عيالنا ساعه وساعتين في الباص في عز القايله عشان مضايق من الزحمه انت ماعليك شر لاتنقعت شوي في الزحمه:tease:

هذا مطلب عادل صدقيني العاطفه يجب ماتغلب على مصلحه المجتمع بكبره
انا عندي عيال والحمدلله الدوله عندها باصات جدا ممتازه وفوق الممتازه
وبعدين بعض الردود تحسسني ان البيئه القطريه خطره كانها بيئه اجرام
خوف شديد على شنهو مادري
وبعدين من قال الغرب مايصلح لنا ماشفت في الغرب الا الزين والقوانين والادب والاحترام
وياريت اللي مسافرين هناك ينقلون لنا الجيد وتعلمون منه
وبعدين خلو العيال يتعلمون الاعتماد على نفسهم مهب الخدم

وبعدين توصيل المدارس اساسا هذه ظاهره جديده والاول يااما مشي ولا باص والاغلبيه مشي
على ارجيلهم

زين لو قالولك بنعطي على كل راس الف ريال وش بيكون رايك؟؟

[حسن]

اسمحلي معليش ولدي مع السايق ويوصل الساعة ثنتين وزيادة احيانا مع الباص متى بيوصل غير دورة الراس اللي في الباص من بيت لين بيت

بيوصل 1 ونصف هذا اللي انا اعرفه معى ولدي

زين لو عطوك راتب بترفض ولا بتوافق عليه ؟؟

[حسن]

‘


اقتراح جيد
لكن لازم يكون ضمن خطة متكاملة
يعني مثلاً
يخففون الدوام عليهم لأنهم بيقضون وقت طويل ف الباص
ويكون فيه اهتمام وحرص على سلامة الأطفال من قبل المدرسة
ويُستثنى من الالزام من اللي ساكنين مناطق بعيدة
وبالنسبة للحريم اللي ما عندهم من يستقبل عيالهم يستثنونهم
وبشكل عام لازم تكون فيه اعادة جدولة لأوقات خروج الموظفين من الدوام عشان تخف الزحمة ‘


كل هذه تكون في الاعتبار والموضوع جدا بسيط بس مادري ليش يخدعون الحكومه
ويحسسونهاه انا احنا شعب الله المختار
الحين جميع الدوله تستخدم المواصلات ومن استوت الدنيا عندنا الناس تروح مشي ولا باصات ولا سيارات خاصه
الحين هناك ظروف تغير وتطورت واحنا بعد يجب ان نحافظ على التطور
وان نتقدم ونبي ننتغل في مصاف الدول المتطوره مثل اوروبا بدال الاتكاليه على الخدم والعماله
في كل شي

اشكرك يابنت الجزيزه وشرفتي الموضوع

[حسن]

أولا الحمدلله على السلامة يا بوعلي
ثانياً: انت تطالب بشي انت مخالف له
اشلون تبي تلزم الطلاب باستخدام الباصات
وانت تودي عيالك بسيارة خاصة !
لا يكون هذي محاولة منك لتقليل الزحمة
الي تواجهها في التوصيل كل يوم !

العب غيرها
ههههه


اولا انت ماقلت لي عيالك يروحون باي وسيله انت توديهم ولا سواق ولا باص ولا مشي ؟؟
بعدين لا ترد الهجوم بالهجوم علشان رديت عليك في موضوع المجلس تبي تنتقم
مني هني
هاهاهاهاها

شوف يابو دعيج من زمان وانا اودي رغم مدارس عيالي في قطر الكيلوات البيسطه بحكم قرب منزلي
ولكن الاوضاع تغيرت الحين والفلوس زادت والناس طفحو الحمدلله يقولك بوشريم
المره لفت به العالم في هذه الاجازه مسافر 11 دوله في و20 يوم
حسسبي الله عليها مرته لفت به العالم وهو مثل العسو وراها وهني يقولك ماتسقيه قلاص ماي
انها علامات الساعه يالساده

:eek5:

ماعلينا

ياخليفه انا اطالب الحيين وانا ابي اكون اول المطبقين خبرك مجتمعنا دائما يقلد ويحاسب
حق الزين شين والشين زين قالها يوسف
يعني يقلدون السئ والزين مايقلدونه سبحان الله
يعني الحين الوحده لين سافرت قطت العبايه ولبست البنطلون الراص وكشفت الشعر
وهني ردت على ماهو عليه
يعني هناك يركبون تكاسي وقطارات وباصات وهني لا عيب يشفون المره ولا الريال
حتى على الحمار بيركب مافي مشكله المهم اوصل
منكر ياريال منكر

زين يابودعيج لو قالولك على كل راس من عيالك بنمشيله معاش 1000 ريال كل شهر بتوافق ولا بترفض ؟
مع العلم اني اخبرك تحب البيزه!!

هاهاهاهاها

خلص ميلس خاشقجي ولا لين الحين
:)


نبي العشا


:victory:

[حسن]

هههههههههههههههههااااايييي

حسن رد عليه بسرعة ;)



هلا هلا

بوحارب شكرا لك على الريوق الحلوي عشت معاك احلى جو

:)

رديت عليه وانتظر منه الجواب !!

:victory:

[حسن]

صادوك يا بوعلي ..

قول اعترف تبي تخلى لك الشوارع ولا

تبي تتهرب من مسؤوليتك الأسريه تجاه

ابنائك فلذات اكبادك وتروح تقعد في كوفي

شوب في المولات مثل بعض الشياب ؟!!

:nice:


معاك قلباً وقالباً وودي اعيّنك وزير التربيه

والتعليم والمواصلات والنقل .. لكن مشغول حالياً

بس اوعدك ماقدر ...


على بالي هالقرار من كم يوم بس تدري وش

اللي بيفك الزحمه ؟!!


اجبار المدارس الخاصه بنقل طلابها ببلااااااش ...


واذا ماخفت الزحمه انا باتنزل لك عن منصبي

في وزارة الاحلام والطل...




هاهاهاها

يااخي وينك انت من زمان مختفي على الانظار هل حي استراحه محارب
ولا الاصطياد في المياه العكره

اما ياهمر فعلا قلت لو يسون ببلاش حق الاجانب لا تشوف الشوارع تفضى
ولو يسون لنا رواتب بعد بتشوف النتيجه
الكل يبحث عن مصلحته
وخبرك وبتقولك انا غنيه واحب الهديه

:eek5:

خبرك هل الايام الفلوس حلوه وخصوصا حق تصيفه زلامسي والقعده في ذاك الفندق اللي مطلع على البحيره
هاهاهاهاها

شرفت ياهمر ولكن اقتراحك هذا مهب جداجدا لو بلاش كان شفت الاجانب كلهم فيها
هاهاهاها
واحنا البلاش مايبونها

انها علامات الساعه ياساده

:)

[حسن]

اشكرك يا خليفه على شفافيتك

حسن طبق انت اول وابتدي في عيالك وعقب بندرس اقتراحك

ماهو طبقت جزء وجزء ولكن اليد الوحده ماتصفق
فيد الله مع الجماعه

:)

فانا اطالب من ولي الامر انقاذنا من هذا الوضع واللي يعايشه كل بيوت قطر
ولكن في صمت

وما انا الا عود من طرف حزمه

على مايقولون

وهو حل لمشاكل كثيره وشي منها سياسي ايضا

والله انابارتاح من قلب لو تطبق

هاهاها

[حمد 2002]

escapeبوعلي سؤال خارج الموضوع ..

من أكبر مجلس أخونا خليفه ولا مطبخكم ؟!

:shy: والله أمزح معا بودعيج :weeping:

[eXpert*]

إلى من يزعم أن " أطفاله يصلون للمنزل متأخر مع السائق فما باله مع الباص " ..

عزيزي / عزيزتي :-

لننظر معاً للنصف الممتلئ من الكوب عوضاً عن النصف الفارغ ،،

بحسبة فرضية من دون إستخدام أي آلة حاسبة :

كل باص طاقته الإستيعابيه 24 طالب و عندنا 100 باص = 2400 <=== عدد السيارات الخاصة التي لن يكون لها داعيّ في الشارع ..

فمقابل كل 100 باص تقل زحمة الشارع بـ 2400 سيارة (( عدد مهوْول )) !

وبديهياً كلما قل عدد السيارات بالشارع ،، وصل الأطفال منازلهم بوقت أسرع ..

الموضوع يحتاج تكاتف الجميع :

- جهات حكومية
- جهات خاصة
- آفراد و أهالي

عتب كبير على المجلس الأعلى للتعليم ،، المدارس الخاصة تفرض رسوم توصيل بمتوسط 7000 ريال !!

أنا كمقيم أكيد راح أفضل أوصل أطفاليّ و أتاخر على الدوام مقابل أوفر مبلغ 7000 خصوصاً لمن لديه أكثر من طفل ..

دمتم في حفظ الله و رعايته ،،

[طير حوران]

السلام عليكم ورحمه الله وبركاته

طرحت العام موضوع بيجب فرض قرار الزامي لاستخدام الباصات للمدارس
وهذا انا اطرحه مره اخرى لعل من يستجيب القدر في صدور هذا القرار

استوقفتني تغريده من ساعات للمرزوقي ويقول عجز المجلس عن اصدار بالزاميه
الباصات واستخدامه للطلبه لتخفيف الزحمه

ومن خلال شبكه الاسهم القطريه نريد ايصال صوتنا الى الجهات المسؤله
والمعانه اليوميه في كل بيت واسره قطريه

ومميزات هذا القرار كثيره لاتعد ولا تحصى

منها اجتماعي ومنها سياسي


ماارايكم بهذا القرار لو اصبح واقع كم من الفوائد اللتي سوف نجنيها وتجنيها الدوله
على المستوى المحلي وعلى والمستوى الامني وعلى المستوى السياسي
وعلى المستوى الاجتماعي

اتمنى مشاركتكم بهذا الموضوع وسماع ارائكم القيمه

لكي تضاف الى الخطط الاستراتيجيه للدوله في المرحله القادمه



وفي جعبتي الكثيرمن الاقتراحات ومن المميزات ولكن
حبه حبه



تحياتي لكم

:victory:

:nice:

موافق ومؤيد بشده يابوعلي

[حسن]

إلى من يزعم أن " أطفاله يصلون للمنزل متأخر مع السائق فما باله مع الباص " ..

عزيزي / عزيزتي :-

لننظر معاً للنصف الممتلئ من الكوب عوضاً عن النصف الفارغ ،،

بحسبة فرضية من دون إستخدام أي آلة حاسبة :

كل باص طاقته الإستيعابيه 24 طالب و عندنا 100 باص = 2400 <=== عدد السيارات الخاصة التي لن يكون لها داعيّ في الشارع ..

فمقابل كل 100 باص تقل زحمة الشارع بـ 2400 سيارة (( عدد مهوْول )) !

وبديهياً كلما قل عدد السيارات بالشارع ،، وصل الأطفال منازلهم بوقت أسرع ..

الموضوع يحتاج تكاتف الجميع :

- جهات حكومية
- جهات خاصة
- آفراد و أهالي

عتب كبير على المجلس الأعلى للتعليم ،، المدارس الخاصة تفرض رسوم توصيل بمتوسط 7000 ريال !!

أنا كمقيم أكيد راح أفضل أوصل أطفاليّ و أتاخر على الدوام مقابل أوفر مبلغ 7000 خصوصاً لمن لديه أكثر من طفل ..

دمتم في حفظ الله و رعايته ،،


والله انت يبيلك حبه على الخشم

سبحان الله

شوفو المنطق والتفكير السليم انا ياخوك عارف كم التكلفه والعبئ على الاسر جميعا
وهذا طير حوران يطلب الفزعه يقول سواقه شرد وغيرهوغيره من القصص ونلوم الدوله
ومسكينه الحكومه بروحها مهب راضين يتعاونون معاها
ياخي انا اعرف الكم المهول من السيارات لاني جندي مجهول
ودائما في ارض الواقع والميدان وانظر الى ابعد ماينظرون
ليش مانتعود من الحين ونجهز انفسنا ونعيش محترمين ومعتمدين على انفسنا
والمشكله لو العدد بيتم كما هو بنقول معليه لكن تخيل لما العدد سنويا يزيد ويزيد
وغير صداع الخدم والخادمات زين والى متى تتحمل الاسر والدوله تلك الضغوط
مادري ليش احنا سلبيين ومانبي نفكر في ايجابيه
هل تضمون الوضع مايتغير انا اضمن لكم استمرار الخدم
لكن هيهيات هيهات
بالنسبه لي اشوف هذا الشي اسهل مما يكون والبعض يهول الموضوع كانا يحسسنا
انا في دوله من اكبر دول الاجرام وخلق مبرارات وهميه يبيلهم عكاشه

انا اطرح مواضيع ذات بعد استراتيجي ومنطقيه

صدقني لو تطبق الدوله على كل راس فلوس لاتشوف مالك مكان في الباص

اتمنى صوتي يصل الى اصحاب القرار

نسخه حق عضو المجلس البلدي احمد الشيب المحترم


وشكرا

[حسن]

:nice:

موافق ومؤيد بشده يابوعلي

اشكرك ياطير حوران

محد يعرف قيمه القرار الى من تزين الشيب فيه لحيته

هاهاها

الله يعقل سواقك مالومك والله واقسم بالله ان عندي اثنين ومسافرين ولا عمري
اعتمتد عليهم على المدارس نهائيا
وعساهم مايردون انا اللي مرتاح
بس طباخي مال الرحلات ابيه لان عندي افواه جائعه وش يسد حلوجهم
بوالذيب وطقاته
بطونهم تقول كساره الحكومه اللي في ام الافاعي الاول

حياك الله

:)

[طير حوران]

اشكرك ياطير حوران

محد يعرف قيمه القرار الى من تزين الشيب فيه لحيته

هاهاها

الله يعقل سواقك مالومك والله واقسم بالله ان عندي اثنين ومسافرين ولا عمري
اعتمتد عليهم على المدارس نهائيا
وعساهم مايردون انا اللي مرتاح
بس طباخي مال الرحلات ابيه لان عندي افواه جائعه وش يسد حلوجهم
بوالذيب وطقاته
بطونهم تقول كساره الحكومه اللي في ام الافاعي الاول

حياك الله

:)

ههههههههه

لاتفاول علينا يابوعلي انا سواقيني ماشرد منهم حد هالسنه لكن العام شرد واحد ووقع في شر أعماله

اللهم لاشماته

[حسن]

ههههههههه

لاتفاول علينا يابوعلي انا سواقيني ماشرد منهم حد هالسنه لكن العام شرد واحد ووقع في شر أعماله

اللهم لاشماته

زين ياريال طمنتنا والله فكرت ان سواقك سرد

حيالك الله يابوخالد

[حسن]

مايقدر ايطبق هالقرار على عياله ، لانه يمكن اذا هو يبي ايودي اعياله اباص زوجته ماتبي ذلك ؟!!

مع احترامي لصاحب القلم الذهبي ابوعلي ،،

هاهاهاها

صادق ياحمد صادق

هذا احنا نستخدم سياسه العصى والجزره
ومبداء رفقا بالقوارير

هاهاهاها

وبعدين انت تعرف ياحمد نسوان الحين لا زم تسايسهم لان
كل القوانين والافكار والاعرف ضد الرجل
فانوخذه الذكي يسارير الموجه لين يتغلب عليها وعقب
يركب فوقها

:victory:

يعني تنصح بالزواج من ثانيه ! بحكم مبداء مايكسر الحصاه الا اختها؟؟

هاهاها

ولع وافجار ضخم


:)

[الحياة الخالدة]

حسن خلك في صلب الموضوع و لا تتسبب على موضوعك

[حسن]

حسن خلك في صلب الموضوع و لا تتسبب على موضوعك

ماهو هو اللي يسئلني يالحياه ويطلعني برع

ماتعرفين حمد

احذفي ردوده وبعدين انا اخلاص زبدتي طلعت من هل الموضوع رساله وابهيا
توصل واتمنى تفاعل الاذاعه وخصوصا في برامجهم الظهريه
لان الكثير منها ياخذون من مواضيع وافكار اعضائ المنتدي


ان شاء الله

[حمد 2002]

طيب بوعلي بعد هالنقاشات ولاخذ والرد والصد مع الاعضاء الكرام ، شنهي النتيجه والخلاصه الي توصلت لها ؟

[حسن]

طيب بوعلي بعد هالنقاشات ولاخذ والرد والصد مع الاعضاء الكرام ، شنهي النتيجه والخلاصه الي توصلت لها ؟

الخلاصه ياحمد

ان الله لا يغير مابقوم حتى يغيرو مابانفسهم

صدق الله العظيم

طرحت افكار كثيره ووضحت لهم ماهي المخاطر والايجابيات والسلبيات
التغير ياحمد لازم فيه معارضه مهما كانت وهذه نتيجه عاديه
مهب الكل يملك النظره البعيده
الكل يفكر بعدد السكان الحين مايفكر بس سنوات قليله جدا وبتمر بلمحه البرق
طرحت افكار حتى للوزراه وكيفيه تطيبيقه ولو تطلب الامر بصرف مبالغ
مثل الطفل طلع له الحلاوه ولا الكافي واطلب منه وش تبي بيلبيلك
يعني في الماضي القريب سواقه المراءه كانت من المحرمات في المجتمع القطري
ومن الكبائر والخروج عن المله بعد
الحين الغالبيه العضمى تسوق ولا حد يفتكر فيهم ولا ينظر لهم
ليش

التغير قادم شاء من شاء ابي من ابي
كلنا عندنا عيال ونخاف عليهم ولكن لما يكون هناك خوف مبالغ عند البعض ولا خوف متناقض
عند الاخر
هني يعني هناك خلل واطرابات نفسيه
الناس والبلد تعاني من الزحمه ولكن ماالحل توسيع وسعت الشوارع
نع الشاحنا ت منعت وما الحل
هناك زياده مطرده نتيجه التطور والعمران والنهضه يعني كثافه بشريه
وايظا يجب الاسراع بعمل مواقف باصات نقل عام متطور مثل اوروبا
وشبكه قطارات والمفروض عملت من زمان
بحكم ان دبي سبقتنا في هذه المشالكل واحنا كانت دولتنا لين الحين بكر
يعني اخاطئهم يمكن تلافيها

وبعدين احنا جزء من المعاناه ولازم نشرح وجهه نظرنا اكيد بتلاقي معارضه في بدايه الامر
ولكن صدقني بعد خوض التجربه بيشوفون الفرق
الا اذا عاد البعض عندهم مشاكلنفسيه هذا وضع اخر

اتمنى من الصحافه واتمنى من الاعلام كامل تصليط الضوء
بحكم انها اصبحت مشكله كبيره وليست مشكله صغيره

الوضع في المستقبل بيززداد سؤ اذا لم بتداركو الامر من الان

اللهم اني بلغت اللهم اني فاشهد

وشكرا لك

[حمد 2002]

ليش بوعلي الحين في صوره متكونه لدى الاطفال

بأن ركوب الباص عيب وحق الاجانب فقط ؟! ماسبب تلك النظره لدى الأطفال ؟ هل السبب الوالدين ام الطفل نفسه ام ماذا بالظبط ؟

وشكرا

[حسن]

ارجو من المشرفين اغلاق الموضوع


واشكر منتدي شبكه الاسهم القطريه

لا اتاحته الفرصه لتوصيل ارائنا ومشاكلنا للمسؤلين وصناع القرار


هذا اخر رد لي في الموضوع


تحياتي لكل من شارك برايه سواء اختلفت او اتفقت فهذه سنه الحياه


ولكم الشكر

[البيروني]

السبب الرئيسي لعزوف الاسر من ارسال ابنائهم الى المدرسه عبر الباص هو الطلبه المشاغبين

يتواجد بكل باص طالب او اثنيين مشاغبين و بدلا عن رفض توصيل الطالب المشاغب و الزام ولي امره بتوصيله يدفع الثمن معظم الطلبه الطبيعيين و المتربيين و بالنهايه يترك معظم الطلبه الباص لهذا المشاغب

الباص تحول الى غابه و البقاء للاقوى و اداره المدرسه تشجع هذا النهج عندما تعتبر هذه التصرفات طبيعيه وغير جديره باتخاذ اي اجراء

المفروض الزام كروه بتركيب كاميرات مراقبه و يتم تسجيل كل الاحداث وفي حاله وجود اي شكوى من ولي امر او من السائق و مرافقيه يتم مراجعه الفلم المسجل و اتخاذ اجراء ضد الطالب المشاغب برفض نقله عبر باص المدرسه

[يمامـة]

قبل اغلاق الموضوع..

اذا كان القرار الزامي.. يعني ما نقدر نرفض..

لكن كان باختياري .. راح اختار السيارة الخاصة
وان اضطريت ادفع 999 ريال ،، والريال الباقي يدفعه بوعلي
لأنه صاحب هالاقتراح..

والأسباب كثيرة لا حصر لها.. ومب لأني اترفع على البسوس
ولكن لأني ابحث عن مدارس توفي حق عيالي في تعليم متميز
لذلك البسوس بتضيع اوقاتهم وهم بحاجة الى الى هذا الوقت
فهذا سبب من الأسباب .. والباقي عيزانة اكتبهم..

وشكرا لكم..

[حسن]

قبل اغلاق الموضوع..

اذا كان القرار الزامي.. يعني ما نقدر نرفض..

لكن كان باختياري .. راح اختار السيارة الخاصة
وان اضطريت ادفع 999 ريال ،، والريال الباقي يدفعه بوعلي
لأنه صاحب هالاقتراح..

والأسباب كثيرة لا حصر لها.. ومب لأني اترفع على البسوس
ولكن لأني ابحث عن مدارس توفي حق عيالي في تعليم متميز
لذلك البسوس بتضيع اوقاتهم وهم بحاجة الى الى هذا الوقت
فهذا سبب من الأسباب .. والباقي عيزانة اكتبهم..

وشكرا لكم..

لكن تخيل لو قالولك بندفع لك الف واحنا بنصلها في الباص
هني اكيد بتغيرين رايك
:victory:

باليمامه كل وقت وله ظروفه ومتطلباته وايستحي من وقته
انتي الحين ربه بيت ولكن الكثير حولك يرفض اطلاقا البيت ويفضل العمل
لعده اسباب عيزان اكتبها
وبعدين الصراحه انا اشوف كل المدارس وحده مافيها زود الا بالانجليزي
تصدقين المقيمين يودون عيالهم ملزومين لان لا زم يدفعون للمواصلات
واحنا ببلاش متفسقين على الحكومه
تذكرت مقوله شيخه المسند اللي قامت الدنيا عليها لانها تكلمت
عن واقع
احنا عندنا مكابر وغرور وانا اعتبره من اسؤ الامراض الفتاكه
لانها هشه ونعيش في عالم الاحلام والتخيلات

قبل نستنكر المراه تسوق الحين الجميع يسوقون قبل نستنكر كشف الوجه الحين
اذا الشعر مستور زين قبل نستنكر سفر البنت بروحها الحين تسافر بروحها
وبالهبل
مع العلم ان البسوس خرجت مسؤلين كبار ولطلبنا نستنكر عليها
الى رجوعها بسبب الظروف
بدان نصيح ونطلب الحكومه وسعو الشوارع ليل نهار وماقصرو وسعو
ولكن بعد بتظل الزحمه لان الدوله في تطور ونمو

تعالي لين سو القطار بعدين يعني مهب راكبته يعني

:telephone:

[يمامـة]

لكن تخيل لو قالولك بندفع لك الف واحنا بنصلها في الباص
هني اكيد بتغيرين رايك
:victory:

باليمامه كل وقت وله ظروفه ومتطلباته وايستحي من وقته
انتي الحين ربه بيت ولكن الكثير حولك يرفض اطلاقا البيت ويفضل العمل
لعده اسباب عيزان اكتبها
وبعدين الصراحه انا اشوف كل المدارس وحده مافيها زود الا بالانجليزي
تصدقين المقيمين يودون عيالهم ملزومين لان لا زم يدفعون للمواصلات
واحنا ببلاش متفسقين على الحكومه
تذكرت مقوله شيخه المسند اللي قامت الدنيا عليها لانها تكلمت
عن واقع
احنا عندنا مكابر وغرور وانا اعتبره من اسؤ الامراض الفتاكه
لانها هشه ونعيش في عالم الاحلام والتخيلات

قبل نستنكر المراه تسوق الحين الجميع يسوقون قبل نستنكر كشف الوجه الحين
اذا الشعر مستور زين قبل نستنكر سفر البنت بروحها الحين تسافر بروحها
وبالهبل
مع العلم ان البسوس خرجت مسؤلين كبار ولطلبنا نستنكر عليها
الى رجوعها بسبب الظروف
بدان نصيح ونطلب الحكومه وسعو الشوارع ليل نهار وماقصرو وسعو
ولكن بعد بتظل الزحمه لان الدوله في تطور ونمو

تعالي لين سو القطار بعدين يعني مهب راكبته يعني

:telephone:

بوعلي. لما كتبت اني مستعدة ادفع 999 ريال فهذا يعني
مشتغنية عن الالف ريال اللي ممكن الدولة تدفع لي..

لأن في الأخير ابحث عن راحة عيالي وما ابحث عن الفلوس
اللي أساسا مسخرينها للاستثمار فيهم..

وعن تجربة حقيقية اليوم لو قالوا لي بنعطيج شهريا 10 الاف ريال قطري
وخلي خوسيه في مدرسة حكومية،،، برفض هالعرض وبدفع له من جيبي وبدخله مدرسة
اجنبية..
بتقول لي ليش؟

بقول لك التأسيس غير من جميع المستويات
وهالشي لمسته بنفسي..

فنقطة الفلوس ما تشكل هاجس لي بحيث اضحي بمستقبل عيالي علشانها.
والبسوس لو احنا وكبار المسؤولين ترى احنا مشينا للمدرسة من فريج الغانم لين
ام غولينة وما همنا المشي ولا همنا ركوب البسوس،، لأن كنا نوصل في دقايق
عكس هالوقت اللي ياخذون ساعات في الزحمة..

القطار بغيت اركبه في دبي ضحكوا علي وقالوا لي اشدعوة وافدة؟
وبغيت اركبه في تركيا قالوا لي زحمة..
زين بيسوونه في قطر بيحققون لي امنيتي وبركبه..

[نوار قطر]

احنا الي رافضين بنعطيهم الف بس نوصل عيالنا بنفسنا :victory:

[حسن]

احنا الي رافضين بنعطيهم الف بس نوصل عيالنا بنفسنا :victory:

انتو النسوان ماتصلحون حق تطوير كلش

تحفظون ذهبكم في خزاين
وتقطون عيالكم على الخدم

مادري وشو الاغلي الحين

:(

[عاهد بن علي]

بو علي مساك الله بالخير
لا ((((((( تسكر ))))))) الموضوع مهم

[نوار قطر]

انتو النسوان ماتصلحون حق تطوير كلش

تحفظون ذهبكم في خزاين
وتقطون عيالكم على الخدم

مادري وشو الاغلي الحين

:(

والله ياحسن كل واحد ويتكلم على مجتمعه والي حواليه ... عمرنا ماقطينا عيالنا على خدم والحمدلله نشيلهم ونحطهم بنفسنا اصابعك مب سوى ... وترى حسبتك غلط .. المره الي تهتم انها تودي عيالها واتييبهم بنفسها هذي الي تقوم في عيالها وماتعتمد على الخدم ولاتقط عيالها. يعني مب معقوله طول عمري وطول يومي عيالي همل وعند الخدامه ووقت المدارس الصبح والظهر تطلع الحنيه المخشوشه ويطلع دور الام واصر اني اوديهم واييبهم بنفسي....

تطور انت ياحسن وخل عيالك في باصات وخل نبتدي فيك مايصير باب النجار مخلع تقول لنا سوو وافعلو وانت حاط عيالك في سيارتك وتودي واتييب

[حسن]

بو علي مساك الله بالخير
لا ((((((( تسكر ))))))) الموضوع مهم

هلا هلا حيالله بوعلي

الموضوع تحت امرك

[R 7 A L]

احنا ماعندي ولا دريول
بس بنضطر بكرة نجيب بدل الواحد ثلاثة

ماتسوى علينا ياخوي كلنا نوصل اشغالنا متأخرين

[حسن]

احنا ماعندي ولا دريول
بس بنضطر بكرة نجيب بدل الواحد ثلاثة

ماتسوى علينا ياخوي كلنا نوصل اشغالنا متأخرين

اسكت يارحال خلها على الله محد حاس فيها الا انا وانت ومن الاباء المخلصين مثلنا
اللي مانرضى بظاهره تربيه الخدم لعيال هذا الوطن وبعدون بيشتكون منهم مشاغبين
الصراحه يبيله قانون الزامي ويصدر مثل قرار المطايا اللي ماعاد تشرح وهو قرار مهب قانون على مااضن

ههاهاهاها
هو لو الحكومه بس تمشي رواتب سنه سنتين وتعودهم عليه صدقني 95% بيروح في الباص
خبرك المال عزيزوعديل الروح

:)

[R 7 A L]

اسكت يارحال خلها على الله محد حاس فيها الا انا وانت ومن الاباء المخلصين مثلنا
اللي مانرضى بظاهره تربيه الخدم لعيال هذا الوطن وبعدون بيشتكون منهم مشاغبين
الصراحه يبيله قانون الزامي ويصدر مثل قرار المطايا اللي ماعاد تشرح وهو قرار مهب قانون على مااضن

ههاهاهاها
هو لو الحكومه بس تمشي رواتب سنه سنتين وتعودهم عليه صدقني 95% بيروح في الباص
خبرك المال عزيزوعديل الروح

:)


العملية بسيط

بس يقللون الحصص و الوقت
على شان الطلاب يوصلون بدري

بعددها ماحد له عذر

[ودي أكون]

اسكت يارحال خلها على الله محد حاس فيها الا انا وانت ومن الاباء المخلصين مثلنا
اللي مانرضى بظاهره تربيه الخدم لعيال هذا الوطن وبعدون بيشتكون منهم مشاغبين
الصراحه يبيله قانون الزامي ويصدر مثل قرار المطايا اللي ماعاد تشرح وهو قرار مهب قانون على مااضن

ههاهاهاها
هو لو الحكومه بس تمشي رواتب سنه سنتين وتعودهم عليه صدقني 95% بيروح في الباص
خبرك المال عزيزوعديل الروح

:)

:taunt:

سؤال أخوي حسن يوم تقول الخدم يربون .. هل هم اللي يدرسون لعيال مثلاً :victory:

جاوبني وبعدون بنشوف يروحون بالباص والا لا :taunt:

[حسن]

:taunt:

سؤال أخوي حسن يوم تقول الخدم يربون .. هل هم اللي يدرسون لعيال مثلاً :victory:

جاوبني وبعدون بنشوف يروحون بالباص والا لا :taunt:

تراني اذا بتشوفين الاخطاء والحروف ناقصه بتتعبين لان انا اكتب وانا اطالع سيده ومارجع ريوس
مثل البلدوزر تشيل اللي جدامها

والله في منهم الكثر يدرس وخصوصا الفلبينيات لمعرفتهم بالانجليزي
امس وانا في الحلاق التركي كان اقوله من يدرس ولدك يايوسف
قالي الخدامه علشان الانججليزي

ماهو بعض الخدامات تحمل شهادات ومتعلمه

وبعدين

خليني اروح اجيب ولدي من المدرسه تبهدلني نطالب بقررار الزامي والله علشان نفتك
من برستيج المجتمع

[بومحمد المطاوعه]

حق الهواش بالباص هههههه

الله ايام قبل ياحسن يوصلنا علي بن ناصر النعيمي ولازحمه ولا شي كلنا بالباص ووناسه واذا شاف حباره لحقها بالباص مال المدرسه ههههههه وكان المنجد قبل واول ماصار الجيش الحافي طرد وراها واحنا مستانسين

الحين سيارات وزحمه وعفسه كل واحد بيروح بموتره


ههههههههههههه ذبحتني
ماله حل والله

[بومحمد المطاوعه]

مافي امل اخلي عيالي فالباصات

الله لايجيب هذا اليوم يارب

باصات أول غير
الحين الي يبي يضيع ولده فالتهلكه يدخله باصات كروه

لاسواقه مثل الناس ولا اهتمام للسلامه

[R 7 A L]

مافي امل اخلي عيالي فالباصات

الله لايجيب هذا اليوم يارب

باصات أول غير
الحين الي يبي يضيع ولده فالتهلكه يدخله باصات كروه

لاسواقه مثل الناس ولا اهتمام للسلامه




زين واذا صار تقطير في وظائف سائقين كروه يعني يخلون كل السواقين قطريين اصحاب خبرة ويسوقون عدل
بتخلي عيال يروحون مع الباصات ولا لا ؟

[بومحمد المطاوعه]

زين واذا صار تقطير في وظائف سائقين كروه يعني يخلون كل السواقين قطريين اصحاب خبرة ويسوقون عدل
بتخلي عيال يروحون مع الباصات ولا لا ؟

اي نعم بخليهم اذا ماقدرت اوصلهم ومضغوط فالعمل
تدري ليش

لأن ولد بلادك غير عن المتوظفين الحاليين

بعضهم كينيين ومب مسلمين وبعضهم مادري شنو جنسياتهم


ماتخبر سالفه الي داسه الباص
الله يرحمه

[ودي أكون]

تراني اذا بتشوفين الاخطاء والحروف ناقصه بتتعبين لان انا اكتب وانا اطالع سيده ومارجع ريوس
مثل البلدوزر تشيل اللي جدامها

والله في منهم الكثر يدرس وخصوصا الفلبينيات لمعرفتهم بالانجليزي
امس وانا في الحلاق التركي كان اقوله من يدرس ولدك يايوسف
قالي الخدامه علشان الانججليزي

ماهو بعض الخدامات تحمل شهادات ومتعلمه

وبعدين

خليني اروح اجيب ولدي من المدرسه تبهدلني نطالب بقررار الزامي والله علشان نفتك
من برستيج المجتمع

يعني ادرسها ماده مو كل المواد.. ادرسها اللغه الانجليزيه مو الشرعيه والا العربي ..!

صحيح ان حريم الله يهديهم يقطون اعيالهم عند الخدم لكن هذا مو معناته ان كل حرمه عندها خدامه يعتبرون اعيالهم تربية خدم .. هذا اولاً

وبعدين يعني انت مشكلتك مع الخدم صح .. زين في حريم يحطون لاعيالهم مدرسات العصر يدرسونهم وهذا اللي حاصل حالياً .. يعني لعيال بعيد عن الخدم فالدراسه ..

واما انت فلا اتعب نفسك اخوي حسن وتروح اتجيب لعيال .. سجلهم فالباص من اللحين وارتاح .. وين المشكله :victory:

[نوار قطر]

يعني ادرسها ماده مو كل المواد.. ادرسها اللغه الانجليزيه مو الشرعيه والا العربي ..!

صحيح ان حريم الله يهديهم يقطون اعيالهم عند الخدم لكن هذا مو معناته ان كل حرمه عندها خدامه يعتبرون اعيالهم تربية خدم .. هذا اولاً

وبعدين يعني انت مشكلتك مع الخدم صح .. زين في حريم يحطون لاعيالهم مدرسات العصر يدرسونهم وهذا اللي حاصل حالياً .. يعني لعيال بعيد عن الخدم فالدراسه ..

واما انت فلا اتعب نفسك اخوي حسن وتروح اتجيب لعيال .. سجلهم فالباص من اللحين وارتاح .. وين المشكله :victory:


قلتها له مرتين ابتدي ياحسن وخل عيالك يروحون في الباص وعقب احنا بندرس اقتراحك بس وحياتج فالمرتين مارد علي ،،، ايتهرب :(

[حسن]

[/size]


قلتها له مرتين ابتدي ياحسن وخل عيالك يروحون في الباص وعقب احنا بندرس اقتراحك بس وحياتج فالمرتين مارد علي ،،، ايتهرب :(

حاظرين الحين ارد عليك ولا هو تهرب

انا كنت اودي عيالي يوم كن في منطقه غير وكان مافي ازدحام مثل الحين مع العلم
ترا عندي سواقين في البيت
:)

لكن ولا واحد يودي عيالي مالهم خص انا اودي واجيب وحولت ولدي العام على الباص
والحمدلله الساع 1 ونصف كان هو في البيت
وانا اجيب البنات الساع 2 الا ربع
بتقولين ليش مايرحون البنات اساسا مهيب متعودين من قبل والحين انا مااقدر الزمهم
لان المجتمع القطري ينظر عيب وماهو برستيجنا هذا هو الواقع ولا اللي يقول نخاف عليهم كله خرطي في خطري
يقصون علينا احنا عاد
العيال مهملمن مع الخدم اربع وعشرين ساعه و90 % السواقين وخدامات هم من يوصولهم ويجيبونهم ويلعبونهم

زين ماعلنيا نرجع لصلب الموضوع

فكيف تبيني اطبق على عيالي ركبون الباص واحنا في مجتمع الكل فارط
فانا جزء من هذا المجتمع اللي يسونه هم غصب علي اسويه
فانا اطالب قانون يلزم علشان معاد له اي واحد حجه
وانا اول من بيطبق القانون انا ماقلت مايتطبق علي فانا اطالب تدخل الدوله لا نقاذنا احنا الرجال اللي باقين
لان الكثره تغلب الشجاعه
الحين ولدي يقول انقلني مدرسه ثانيه قريبه وباركب الباص الحين في في تفاوض
محد خرب البنات ودلعهم الا انتو يالنسوان اخ وع وعيب هذه هي الحقيقه

اعترفي

[الشانزلزيه]

هو صحيح راح يخف الزحمه ,, بس اسوال ... اذا اجبروهم على الباصات الساعه كم راح يجيهم البيت والساعه كم راح يصلون ..؟ راح يطلعون بدري وبيوصلون البيت متاخر

ثاني شي : ماحد يقدر يجبر العوايل الطلبه على شي .. والزامهم ببصات ... صعبه وايد ..

بس في الاخير هو حل لتخفيف الزحمه ...

[حسن]

هو صحيح راح يخف الزحمه ,, بس اسوال ... اذا اجبروهم على الباصات الساعه كم راح يجيهم البيت والساعه كم راح يصلون ..؟ راح يطلعون بدري وبيوصلون البيت متاخر

ثاني شي : ماحد يقدر يجبر العوايل الطلبه على شي .. والزامهم ببصات ... صعبه وايد ..

بس في الاخير هو حل لتخفيف الزحمه ...


عجبني النك مادري وين سامعه ولا وش تعني
هوحبوب تخسيس مادري اكتئاب
ولا مشباص بنات

:)

اشكرك هو فعلا بتخف الزحمه مهب في الشوارع بل بيسير نزوح جماعي من السواقين والخدم
الى بلدانهم
وبيخف الكثير من عمليات الاجرام وغيرها من الزنا وهلم مجره
وبتخف السرقات
ولا وعلى ذالك تخف الضغوطات من المنظمات اللي تعايرنا ليل ونهار بنظام الرق والعبوديه
وبيزيد دخل المواطن القطري بنسبه كبيره جدا جدا
وبتغير سلوك اجيالنا بشكل كبير كبير جداجدا بيرجع الاحترام والادب والاخلاق
والرجوله والاعتماد على النفس والترابط الاسري مميزاتها لا تعد ولا تحصى
انا اشوف شي انتو ماتشوفونه
المساءه مهب بس عمليه توصيل اذا كان جذي عندي سواقين اثنين اقط عيالي عليهم
ووانا مستانس ولكن الظمير يؤنبني مااقدر
:weeping:
احيانا اقول ليت ماعندي ضمير حي
:(


يارجال هذا المطايا بشبوكها مهب كفو تسرح تقول مانقدر الدوله طبقه
الحين ولا واحد كفو يحط خيمه يتراقل من هل القارارات كانه ارهابي

خلها على الله يالشانز ليزيه

اسمك حلو

تعرف شرع الاصمخ

:)

[الشانزلزيه]

عجبني النك مادري وين سامعه ولا وش تعني
هوحبوب تخسيس مادري اكتئاب
ولا مشباص بنات

:)

اشكرك هو فعلا بتخف الزحمه مهب في الشوارع بل بيسير نزوح جماعي من السواقين والخدم
الى بلدانهم
وبيخف الكثير من عمليات الاجرام وغيرها من الزنا وهلم مجره
وبتخف السرقات
ولا وعلى ذالك تخف الضغوطات من المنظمات اللي تعايرنا ليل ونهار بنظام الرق والعبوديه
وبيزيد دخل المواطن القطري بنسبه كبيره جدا جدا
وبتغير سلوك اجيالنا بشكل كبير كبير جداجدا بيرجع الاحترام والادب والاخلاق
والرجوله والاعتماد على النفس والترابط الاسري مميزاتها لا تعد ولا تحصى
انا اشوف شي انتو ماتشوفونه
المساءه مهب بس عمليه توصيل اذا كان جذي عندي سواقين اثنين اقط عيالي عليهم
ووانا مستانس ولكن الظمير يؤنبني مااقدر
:weeping:
احيانا اقول ليت ماعندي ضمير حي
:(


يارجال هذا المطايا بشبوكها مهب كفو تسرح تقول مانقدر الدوله طبقه
الحين ولا واحد كفو يحط خيمه يتراقل من هل القارارات كانه ارهابي

خلها على الله يالشانز ليزيه

اسمك حلو

تعرف شرع الاصمخ

:)



اسلمت ,, هاي اسم شركتي ,, وهاي شارع معروف في بايس ,, ومعناه قوس النصر في فرنسا وفي التحديد في باريس ,,
بخصوص الاسم هاي لا حبوب تخسيس ولا ام هليل ولا اكتائب ,, بالعكس هاي اذا اسمعوه يستانسون لانه اسم شارع مشهور وفيه كل الماركات العالميه ,, بالعكس هاي علاج الاكتئاب هههههه ,,

واذا بتروح لازم المت البنك مفتووحه هههههههههههههههه

[حمد 2002]

ها بوعلي سجلت اعيالك اباصات ولا للحين ؟!