شالحل لشموخ السياره الخفيفه والصبغ؟

[دايموند]

السلام عليكم

انا تعبت من سالفه الشموخ

كل 4 ايام الاقي شموخ جديده ع السياره

خاصه لما تكون السياره صافطه احذى سياره ثانيه ولما يجي الشيخ يفتح باب سيارته يضرب بباب سيارتي وتتشمخ شمغه صغيره

وهاي غير اليهال لما يلعبون بالسيكل لازم يموتون اذا مامروا صوب السياره وحكوها


فهل في حل لحمايه السياره من الخدوش ؟ يعني جلاد شفاف او اي شي تراني بنت ماعرف هالسوالف

وفي باب السياره خدوش صغيره جدا يبي لها صبغ خفيف جدا

فمادري شنو الحل؟
ابي حل للخدوش الي في سيارتي والصبغ
وابي حل لحمايه سيارتي


شفت موضوع لعضو يبيع قلم يزيل الخدوش
وجهاز صغير لصبغ الاماكن الصغيره

مادري اشرايكم فيهم ؟حد جربهم؟
ووين اقدر اشتري هالقلم وهالجهاز؟



http://www.qatarshares.com/vb/showthread.php?335704-%26%231758%3B%26%231758%3B-%CD%D5%D1%ED-%DE%E1%E3-%C7%E1%D5%C8%DB-%E6-%C7%E1%D1%D3%E3-%C8%C7%E1%E5%E6%C7%C1-%26%231758%3B%26%231758%3B


ناطره نصايحكم شكرا لكم

[وبشرالصابرين]

اخوي اذا موترك جديد الله يعينك في ناس عندهم (عقد نفسيه )خاصه في المجمعات التجاريه اذا شاف موترك جديد لازم يخبط بابه في سيارتك او يحك صدامك ويمشي


.

[دايموند]

اشكرك اخوي ع المواساه ههه


اشرايكم بذي المنتج ؟

http://www.amazon.com/gp/aw/d/B000UVUAFO?pc_redir=1410348606&robot_redir=1

[Abu Haya]

مزيل الخدوش يكون عباره عن طبقه تكون فوق الخدوش وتروح مع الوقت (حل مؤقت)

مافي حل الا اذا تبين تغطين السياره كامله هههههههه

[دايموند]

لالا مابي حل مؤقت

واغطي السياره عباااله
واذا بروح السوق او المجمعات ماقدر اغطيها هههه

[التميمي 3]

نفس المعاناة

[علي بن جاسم]

جربي تسوين بولش اول شي وإذا مافاد في قراجات تلون لج الشموخ في الصناعية
وفي محلات العازل الحراري يركبون حماية عالسياره ب4000 ريال تقريبا نفس محل تيتانيوم

[العساس]

الشموخ العميقة والضربات مالها حل.

مافي الا الواحد يتأقلم معاها.

لاتعبون حالكم....وشغل السيارة ومش

[الكاسر007]

المفروض تكون حمله لتركيب القطعه البلاستيك للكل عشان حتى لو الواحد ضرب باب بالغلط ما يتاثر الباب

[دايموند]

لاااااااااااااااااا
شمخه جديده ومحترمه ع سيارتي !!

طولها 3 الى 4 سم !!سيارتي سوده والشمخه امبينه انها عميقه امبين اللون الابيض :weeping:

استغفر الله العظيم انا اراعي سيايير العالم وحاطه هالربر مادري النايلون ع بيبان سيارتي بس عشان ما اظر بسيايير العالم بالغلط وهم شغالين ع سيارتي :(

طب ليه ليه

استغفر الله ما يسوى علي رحنا فيلاجيو وحديقه اسباير

الله كربم

مثل ماقلتوا مافي حل غير اصبغها واركن بعييييييييييد عن العالم
وشكلي بركب كاميرا بسيارتي

انتظروني راح انزل موضوع ثاني استفسر فيه عن اماكن تركيب الكاميرات للسياره ههههه

[monatee]

مافي حل ،، سيارتي يديده وفيها ضربتين في الباب لدرجة طايح الصبغ من مكانه

من مواقف فلاجيو :weeping:

[R 7 A L]

الحل توقفين عدل في المواقف

[S S]

انا شخصيا اعاني من هالضربات وعلى حسب الضربه الاغلب لاازم صبغ اما القلم وصبغ الفرشاه ماينفع

[علي مهنا]

القلم هذا ماينفع ابيزه جربناه على كذا سياره ومافي فايده يعني بالعربي شغل نصب واحتيال