سبحانك اللهم
12-09-2014, 01:59 AM
قالها لي واحد من ربعي وانا على ويهي بعد رحت معاه ابي اشوف شنو هالفرصه الي ماتجي الا مره وحده في العمر,
لااازم استغل هالفرصه ولازم اطلعلي منها ابرقم مميز حق الكشخه
ويوم دشيت وشفت الارقام الي المفروض تكون مميزه وتنباع بالالاف اهني كانت الصدمه
قلت حق رفيجي هذي مب ارقام مميزه هذي مقلب واستوى فينا على قولتهم (خنشيه) مب بس مقلب
شفنا ارقام الله لايراويكم اياها وامصنفينا ضمن الارقام المميزه
انا اخبر الرقم المميز يكون سهل الحفظ اما باحتوائه على بعض الارقام المكرره او المتسلسله او قد يكون مميز بقلة نطاق عدد الارقام يعني مثلا الارقام الثلاثيه مميزه لان نطاق الرقم ثلاثة ارقام والارقام السداسيه نظاق ارقامها سته
وارقام السيارات متعددة النطاقات يعني في ثلاثي ورباعي وخماسي وسداسي واكثر
غير عن ارقام الهواتف الارضيه والمحموله الي عدد نطاق ارقامها 8 ارقام في الوقت الحالي وقابل للزياده مستقبلا
يعني لو سوينا مقارنه سريعه لعدد الارقام المميزه المتوفره لدى ادارة المرور مقابل الارقام المميزه المتوفره لدى اوريديو ( كيوتل سابقا )
المفروض يكون عند ادارة المرور ارقام مميزه اكثر من اوريدو لان نطاق الارقام عندهم مفتوح مب مغلق مثل اوريدو وباعطيكم مثال سريع للتوضيح
خلونا انقول الرقم 7 وتكراره كم واحد الفروض يكون متوفر عند المرور وكم واحد بيكون عند اوريدو
المرور لازم يكون عندهم 7و77و777و7777و77777و777777و7777777و77777777 يعني من نطاق واحد الى 8 نطاقات ويقدرون يزيدون على كيفهم ابعدد النطاقات
اما اوريدو الله يجزاهم خير ماعندهم الا 77777777 وبسسس لان نطاق الارقام مقيد ابثمان ارقام ومايقدرون يزيدون ولا ينقصون لا وفديتهم يحطونها في المزاد العلني ويدعون اهل الخير الى المزاد ويتزايدون مب لان الرقم يسوى هالمبلغ لا بالعكس يتزايدون لان يدرون ان ريع المزايده بيروح للفقراء والمحتاجين المتواجدين داخل الدوله وخارجها وهذي بمثابة صدقه بشكل غير مباشر تحمل رساله تشجيعيه لفعل مثل هذا العمل يعني تنافس في عمل الخير ويمكن وايد ناس كانت غافله عن هالشي وعلبالهم ان هذول ناس افلوسهم زايده ومايعرفون شيسوون فيها وهم في الحقيقه ناس خيره ومعروفين لدى اوريدو
انزين ليش ادارة المرور ماتسوي مثلهم واتحط الارقام المميزه في المزاد العلني ويذهب عائد هذه المزادات للجهات والجمعيات الخيريه
يمكن يجي واحد ويقول لا بالعكس حتى ادارة المرور عارضه ارقامها للبيع ويمكن سوت او بتسوي مزادات فبارد عليه وباقوله ادارة المرور عندها ارقام مميزه اكثررر من اوريدو ابالف مره لكن مادري وين هالارقام الي حتى في الشوارع مانشوفها ( لاتخشونها طلعوها نبي انشوفها على سيارات هل قطر )
او حطوها في مزاد خيري مثل ماتسوي اوريدو الله يجزاهم عنا الف خير
والغريب ان ادارة المرور خدميه ومب ربحيه واتبيع الارقام واتحطها عائداتها في خزينتها واوريدو مؤسسه ربحيه ويهمها اتزيد من ارباحها علشان ترفع من سهمها والعائد من بيع ارقام الهواتف المحموله كبير وبيحسن من وضعها وبيزيد من ارباحها الا انها جادت بها نفسها وتبرعت في هالارقام المميزه للجهات الخيريه ( ايش هالأيثار يا اوريدو ) احييج واحيي كل شخص منتسب لهذه المؤسسه المشرفه الي اسمها اوريدو,
ويمكن يجي واحد ويقول ان ارقام السيارات المميزه اتروح لفئه وطبقه معينه من افراد المجتمع فردي عليه لاا والف لااا
لان احنا كنا انشوف سيارات الشخصيات الهامه في سائر الاحتفالات والمناسبات وارقام سياراتهم جدا عاديه اسوه بسائر ارقام سيارات المواطنين العاديين
الله يحفظ لنا سمو الامير الوالد وسمو الشيخ تميم بما حققوا لهذا الشعب من امن وعدل ومساواه
---------
انزين ولو رجعنا اشوي بنشوف ان احنا وصلنا لنتيجه وحده ان ادارة المرور تمتلك ارقام مميزه كثيره وهي اضعاف الارقام المميزه لدى اوريديو
والمعروف في قاعدة تحديد سعر اي منتج او خدمات قاعدة العرض والطلب يعني اذا زاد العرض عن الطلب نزل السعر وهذا يسمونه فائض في العرض وتترتب عليه مشاكل واذا قل العرض وزاد الطلب ارتفع السعر مثل ماهو حاصل عندنا في العقارات وهذا يسمونه تضخم
انزين الغريب في الموضوع ان ادارة المرور لازم يكون عندهم وايد عرض لكن للاسف اهم مايطلعون الارقام المميزه الا على دفعات ويراعون دايما ان يكون العرض اقل من الطلب بكثيررر علشان يضمنون ارتفاع اسعار ارقام السيارات وهذا يسمونه احتكار ومحرم شرعا وبعض الدول تعاقب عليه اذا صدر من شركه خاصه
ولو ان ادارة المرور نزلت جزء كبير من الارقام المميزه وطرحتها للبيع في السوق صدوقني بينهار وبينزل سوق ارقام السيارات المميزه وبيرجع الى وضعه الطبيعي وبتكون اسعار الارقام معقوله وفي متناول الجميع لكن للتنويه في شريحه بسيطه بتتضرر وبتخسر الي هي شرت الارقام وقت الغلا لكن السواد الاعظم من الناس بيتسفيديون وعلى الاقل بيرجع الوضع طبيعي والمصلحه العامه مقدمه على المصلحه الخاصه,
يعني لاتبون اتنزلون الارقام على شكل دفعه وحده انزين نزلوها على شكل دفعات علشان ماينهار سوق ارقام السيارات المميزه
انزين اقل شي سووا مثل ماتسوي اوريدو وخصصوا العائد من بيع الارقام المميزه للجمعيات الخيريه العامله لدى الدوله
-------
انزين نرجع لمحور حديثنا وباقول لكم ايش الي حصلي عقب ماشفت الارقام المميزه لدى ادارة المرور
ارقام الله لايراويكم اياها
مالها علاقه بالتميز صدقوني
مب متكرره ولا متشابهه ولا منظرها حلو ولا لها علاقه بالمنظر الجمالي ولا حتى نطاق ارقامها قليل
تدرون عاد اشلون صارت ارقام مميزه
بس لانهم قالوا لنا هذي ارقام مميزه وحطوها ضمن فئة الارقام المميزه المدفوعه وبس انطوت علينا الخديعه
وحنا صدقناهم وكذبنا اعيونا واعقولنا وقلنا اي صح هذي مميزه ليش لا
اشرايكم انا اعرف ناس شرت ارقام مميزه من المرور وعلقوها على سياراتهم ولما اسألهم شنهي ارقام سياراتكم يقولون لي اتصدق عاد مب حافظينها ولا انتذكرها هههههههه
انزين يعني مثل ماهو معروف ان رقم السياره المميز سهل الحفظ صح انزين ليش اصحابها مايتذكرونها ابسهوله او حتى على الاقل يجدون صعوبه في تذكرها
يعني لو باتفلسف لكم اشوي باقول لكم العله من ورى شراء الارقام المميزه انتفت لان اهم شي اتكون سهله الحفظ وللاسف الواقع يقول انها مب سهلة الحفظ .
الي مايصدقني ان صار سوق اسمه سوق الارقام المميزه للسيارات واكثر الارقام الي فيه مش مميزه يروح فوق في المنتدى قسم ارقام السيارات المميزه علشان يتاكد ابنفسه
وكل ماادخل ابي اشوف لي رقم مميز الا واشوف عروض الله لايراويكم اياها
صار كل رقم ممكن تتخيله مميز
توني رايح فوق وشفت رقم الله لايراويكم اياه اشلون شكله اشطووول ومافيه رقمين مكررين ولا متسلسل وراعيه كاتب في الموضوع رقم مميز للبيع
هذااا صار الحين رقم مميز هذا اشطووله جنه رقم تأشيرة خدااامه وين صار الحين رقم مميز
هذا المفروض يسوون عليه مسابقه والي يقدر يحفظه المفروض يكرمونه ويعطونه جائزه لقوة حفظه
لا والمشكله يقول شاريه بفلوس هههههه
هذا الرقم المفروض يمسحونه من المرور من طوله ومن الخبصه الي صايره فيه لان يمكن يخرب برمجة اي كيمرا اوبيحرق افلاش اجهزة الرادار المثبته في الطرق السريعه
تدرون عاد هذا الرقم لو يدرون عنه عصابات المافيا الي يستعملون سياراتهم في تنفيذ جرايمهم صدقوني بيشترونه منه ابملايين لانهم يدرون ان مستحيل احد يقدر يلقط الرقم ويبلغ عليهم
هذا الرقم الي كاتب راعيه في الاعلان مميز لو حفظته صدقني انه بالمقابل بينسيك رقم بيتك فنصيحه مني لاتعب عمرك وتحفظه
--------
انزين حتى من منظور شرعي وهذا اهمها اتفق العلماء على حرمة شراء ارقام السيارات المميزه لانه لا طائل ولا توجد منفعه منها وهذا نوع من انواع الزهو واللهو والبطر والله سبحانه وتعالى مايحب المبذرين
اما ارقام الهواتف المميزه فاجازها اكثر العلماء لان انت بتستعمل هذا الرقم وهو نوع من انواع الدعايه لمؤسستك وارقام الهواتف المميزه تخدم الناس وتسهل عليهم امور كثيره وصعوبات ممكن تواجهم في حياتهم يعني مثلا رقم الشرطه 999 ورقم طوارىء كهرماء 991 يسهل على الناس ويوفر عليهم الكثير من العناء كونه سهل الحفظ حينما يريد الاتصال بهم بس احنا ماقط سمعنا ان رقم السياره المميز يسهل ويخدم الناس ويوفر عليهم الكثير من العناء والوقت والجهد
يعني احنا اتهمنا ارقام التلفونات المميزه لان احنا نستعملها في اتصالاتنا وفي نفس الوقت كشخه وللمظاهر لكن ماقط خبرنا او سمعنا واحد استعمل رقم سيارته في شي غير للفت النظر والانتباه,
انزين ليش مثلا ماتنطرح فكرة اضافة حرف قبل رقم السياره لتقليل نطاق الخانات مثلا يصير (ب22) او (خ55) او (م 66) اسوة بدول الجوار ولتحسين منظر المركبات التي تسير في طرقات بلدنا الحبيبه وبعد في مجال انا انكبر حجم الرقم اذا كان ثلاثي علشان يكون اوضح اما اذا كبرناه وهو نطاق ارقامه 6 هذا مايبيله لوحة سياره هذا يبيله منشب او لقن عزايم او صينيه تستوعب ارقام محفوره بخط كبير ومكونه من 6 ارقام
ففي ناس مساكين مايشوفون عدل او يبون خط كبير علشان يقدرون يطالعون الرقم زين واحنا امقيدين ابحجم لوحة سياره متعارف عليها دوليا
يعني يا اما انكبر خط الارقام بس يقل عدد نطاق الرقم او انصغر حجم الخط اذا كان عدد نطاق الرقم كبير واهني المشكله
بس حررف واحد بيسوي لنا شغل وبيعالج لنا المشكله
وللعلم ويمكن اتكون هذي المعلومه صعبه ومب مفهومه لدى الجميع لكن حبيت اوضحها ان عدد الارقام 10 ارقام تبتدي من ال0 الى ال9 ولو بتحسب وبتعد من الرقم 0 الى الرقم تسعه بتشوف الاجمالي 10 ارقام
اما الحروف فعددها 28 حرف
يعني انا لو ابي احسب كم رقم مميز عندي يتكون من نطاقين (لنأخذ ارقام السيارات مثلا)بيكون عندي بس 99 رقم يبتدون من ال1 الى ال99 وهذي كل الخيارات الي عندي
اما لو استعملنا الاحرف الذين يتكونون من نطاقين بيكون عندي 28ضرب 28 وبيكون الناتج =784 شوفوا الفررق
ولو كنا نبي انعرف كم رقم ثلاثي النطاق ممكن نحصل عليه اذا استعملنا الارقام بيكون الناتج 10 ضرب 10 ضرب 10 وبيكون الناتج 1000 رقم ناقص الصفر لان الرقم صفر ماينحسب بيصير الاجمالي 999 رقم سياره مميز
اما لو حبينا انعرف كم لوحة سياره ثلاثيه ومميزه ممكن نحصل عليها باستخذام الاحرف بيكون الناتج 28 ضرب 28 ضرب 28 = 21952 رقم مميز
شوفوا الفرق يعني تقريبا اكثر من عشرين ضعف الارقام واللوحات المميزه الي ممكن نحصل عليها باستخدام الارقام فقط ومن ثلاث خانات فقط
والي سافر منكم برع اكيد شاف وايد لوحات تتكون من حرفين ورقم مثلا (h f 3) شوفوا اشحلاته واشلون كشخه صاير مع العلم ان تعداد سكان هذه الدوله يقدر بمئات الملايين وبعد ارقامهم كشخه.
يعني لو تطبقت هذي الطريقه عندنا بيصير مافي لوحة سياره في قطر تتعدى اربع نطاقات
لان 28 ضرب 28 ضرب 28 ضرب 28 =614 656 لوحة ارقام مميزه
ويمكن يقول لا الارقام احلى ومب حلوه نستخدم الاحرف باقوله كل الدول الحين قاعده اتغير لهي الاتجاه لما له من فوائد
والارقام والاحرف يستعملهم كل واحد فينا في كل شي يعني اي قطع غيار حق سيارتك له اسم وله رقم
واحنا لنا اسماء اتدل علينا واتعرفنا ولنا ارقام اتدل علينا مثل الرقم الشخصي وحتى البيوت لها اسماء لاصحابها ولها رقم للمنزل وحتى مناطق الدوله مقسمه لاسماء وهذي الاسماء يقابلها ارقام يعني مثلا منطقة المطار القديم اسمها المطار القديم ورقمها 45 والشوارع لها اسماء مثلا شارع اسد ابن زراره وهالشارع له رقم والناس الي في البلديه يعرفون هالشي
يعني الاثنين يكملون بعضهم ودايما مقرونين ابعضهم وبالعكس لغة الاحرف اثمن واكثر تعبيرا من لغة الارقام
يعني لو واحد اسمه حمد وخيروه بين رقم 111 وبين لوحه سياره ( ح م د ) اكيد بيفز قلبه وبيختار الي بالاحرف الي على اسمه حمد لان الارقام تشير الى اشياء كثيره قد نجهلها اما الاحرف فهي بحد ذاتها مفهومه ومعبره
وللعلم هذا الحرف الزائد بيسوي شغل وبيصير سهل على كل شخص الحصول على رقم من ثلاث خانات مميز وبسعر معقوول(هذا اذا ماكان لدى ادارة المرور ارقام مميزه)
انزين الغريب ان انت تقدر تحصل على رقم هاتف او رقم جوال مميز وبسعر مناسب وهذا من المباحات المحلله شرعا اما لو تبي رقم سياره مميز,,,, سوري على كلمة مميز الي قلتها لان المميز هذا بيطلع هطووووووول جنه حاقوول وبيككون سعره خيااالي ويمكن ندفع عليه تدرون ليش,,,,
( لان قالولنا انه مميز واحنا صدقناهم )
وشكرا لكم
لااازم استغل هالفرصه ولازم اطلعلي منها ابرقم مميز حق الكشخه
ويوم دشيت وشفت الارقام الي المفروض تكون مميزه وتنباع بالالاف اهني كانت الصدمه
قلت حق رفيجي هذي مب ارقام مميزه هذي مقلب واستوى فينا على قولتهم (خنشيه) مب بس مقلب
شفنا ارقام الله لايراويكم اياها وامصنفينا ضمن الارقام المميزه
انا اخبر الرقم المميز يكون سهل الحفظ اما باحتوائه على بعض الارقام المكرره او المتسلسله او قد يكون مميز بقلة نطاق عدد الارقام يعني مثلا الارقام الثلاثيه مميزه لان نطاق الرقم ثلاثة ارقام والارقام السداسيه نظاق ارقامها سته
وارقام السيارات متعددة النطاقات يعني في ثلاثي ورباعي وخماسي وسداسي واكثر
غير عن ارقام الهواتف الارضيه والمحموله الي عدد نطاق ارقامها 8 ارقام في الوقت الحالي وقابل للزياده مستقبلا
يعني لو سوينا مقارنه سريعه لعدد الارقام المميزه المتوفره لدى ادارة المرور مقابل الارقام المميزه المتوفره لدى اوريديو ( كيوتل سابقا )
المفروض يكون عند ادارة المرور ارقام مميزه اكثر من اوريدو لان نطاق الارقام عندهم مفتوح مب مغلق مثل اوريدو وباعطيكم مثال سريع للتوضيح
خلونا انقول الرقم 7 وتكراره كم واحد الفروض يكون متوفر عند المرور وكم واحد بيكون عند اوريدو
المرور لازم يكون عندهم 7و77و777و7777و77777و777777و7777777و77777777 يعني من نطاق واحد الى 8 نطاقات ويقدرون يزيدون على كيفهم ابعدد النطاقات
اما اوريدو الله يجزاهم خير ماعندهم الا 77777777 وبسسس لان نطاق الارقام مقيد ابثمان ارقام ومايقدرون يزيدون ولا ينقصون لا وفديتهم يحطونها في المزاد العلني ويدعون اهل الخير الى المزاد ويتزايدون مب لان الرقم يسوى هالمبلغ لا بالعكس يتزايدون لان يدرون ان ريع المزايده بيروح للفقراء والمحتاجين المتواجدين داخل الدوله وخارجها وهذي بمثابة صدقه بشكل غير مباشر تحمل رساله تشجيعيه لفعل مثل هذا العمل يعني تنافس في عمل الخير ويمكن وايد ناس كانت غافله عن هالشي وعلبالهم ان هذول ناس افلوسهم زايده ومايعرفون شيسوون فيها وهم في الحقيقه ناس خيره ومعروفين لدى اوريدو
انزين ليش ادارة المرور ماتسوي مثلهم واتحط الارقام المميزه في المزاد العلني ويذهب عائد هذه المزادات للجهات والجمعيات الخيريه
يمكن يجي واحد ويقول لا بالعكس حتى ادارة المرور عارضه ارقامها للبيع ويمكن سوت او بتسوي مزادات فبارد عليه وباقوله ادارة المرور عندها ارقام مميزه اكثررر من اوريدو ابالف مره لكن مادري وين هالارقام الي حتى في الشوارع مانشوفها ( لاتخشونها طلعوها نبي انشوفها على سيارات هل قطر )
او حطوها في مزاد خيري مثل ماتسوي اوريدو الله يجزاهم عنا الف خير
والغريب ان ادارة المرور خدميه ومب ربحيه واتبيع الارقام واتحطها عائداتها في خزينتها واوريدو مؤسسه ربحيه ويهمها اتزيد من ارباحها علشان ترفع من سهمها والعائد من بيع ارقام الهواتف المحموله كبير وبيحسن من وضعها وبيزيد من ارباحها الا انها جادت بها نفسها وتبرعت في هالارقام المميزه للجهات الخيريه ( ايش هالأيثار يا اوريدو ) احييج واحيي كل شخص منتسب لهذه المؤسسه المشرفه الي اسمها اوريدو,
ويمكن يجي واحد ويقول ان ارقام السيارات المميزه اتروح لفئه وطبقه معينه من افراد المجتمع فردي عليه لاا والف لااا
لان احنا كنا انشوف سيارات الشخصيات الهامه في سائر الاحتفالات والمناسبات وارقام سياراتهم جدا عاديه اسوه بسائر ارقام سيارات المواطنين العاديين
الله يحفظ لنا سمو الامير الوالد وسمو الشيخ تميم بما حققوا لهذا الشعب من امن وعدل ومساواه
---------
انزين ولو رجعنا اشوي بنشوف ان احنا وصلنا لنتيجه وحده ان ادارة المرور تمتلك ارقام مميزه كثيره وهي اضعاف الارقام المميزه لدى اوريديو
والمعروف في قاعدة تحديد سعر اي منتج او خدمات قاعدة العرض والطلب يعني اذا زاد العرض عن الطلب نزل السعر وهذا يسمونه فائض في العرض وتترتب عليه مشاكل واذا قل العرض وزاد الطلب ارتفع السعر مثل ماهو حاصل عندنا في العقارات وهذا يسمونه تضخم
انزين الغريب في الموضوع ان ادارة المرور لازم يكون عندهم وايد عرض لكن للاسف اهم مايطلعون الارقام المميزه الا على دفعات ويراعون دايما ان يكون العرض اقل من الطلب بكثيررر علشان يضمنون ارتفاع اسعار ارقام السيارات وهذا يسمونه احتكار ومحرم شرعا وبعض الدول تعاقب عليه اذا صدر من شركه خاصه
ولو ان ادارة المرور نزلت جزء كبير من الارقام المميزه وطرحتها للبيع في السوق صدوقني بينهار وبينزل سوق ارقام السيارات المميزه وبيرجع الى وضعه الطبيعي وبتكون اسعار الارقام معقوله وفي متناول الجميع لكن للتنويه في شريحه بسيطه بتتضرر وبتخسر الي هي شرت الارقام وقت الغلا لكن السواد الاعظم من الناس بيتسفيديون وعلى الاقل بيرجع الوضع طبيعي والمصلحه العامه مقدمه على المصلحه الخاصه,
يعني لاتبون اتنزلون الارقام على شكل دفعه وحده انزين نزلوها على شكل دفعات علشان ماينهار سوق ارقام السيارات المميزه
انزين اقل شي سووا مثل ماتسوي اوريدو وخصصوا العائد من بيع الارقام المميزه للجمعيات الخيريه العامله لدى الدوله
-------
انزين نرجع لمحور حديثنا وباقول لكم ايش الي حصلي عقب ماشفت الارقام المميزه لدى ادارة المرور
ارقام الله لايراويكم اياها
مالها علاقه بالتميز صدقوني
مب متكرره ولا متشابهه ولا منظرها حلو ولا لها علاقه بالمنظر الجمالي ولا حتى نطاق ارقامها قليل
تدرون عاد اشلون صارت ارقام مميزه
بس لانهم قالوا لنا هذي ارقام مميزه وحطوها ضمن فئة الارقام المميزه المدفوعه وبس انطوت علينا الخديعه
وحنا صدقناهم وكذبنا اعيونا واعقولنا وقلنا اي صح هذي مميزه ليش لا
اشرايكم انا اعرف ناس شرت ارقام مميزه من المرور وعلقوها على سياراتهم ولما اسألهم شنهي ارقام سياراتكم يقولون لي اتصدق عاد مب حافظينها ولا انتذكرها هههههههه
انزين يعني مثل ماهو معروف ان رقم السياره المميز سهل الحفظ صح انزين ليش اصحابها مايتذكرونها ابسهوله او حتى على الاقل يجدون صعوبه في تذكرها
يعني لو باتفلسف لكم اشوي باقول لكم العله من ورى شراء الارقام المميزه انتفت لان اهم شي اتكون سهله الحفظ وللاسف الواقع يقول انها مب سهلة الحفظ .
الي مايصدقني ان صار سوق اسمه سوق الارقام المميزه للسيارات واكثر الارقام الي فيه مش مميزه يروح فوق في المنتدى قسم ارقام السيارات المميزه علشان يتاكد ابنفسه
وكل ماادخل ابي اشوف لي رقم مميز الا واشوف عروض الله لايراويكم اياها
صار كل رقم ممكن تتخيله مميز
توني رايح فوق وشفت رقم الله لايراويكم اياه اشلون شكله اشطووول ومافيه رقمين مكررين ولا متسلسل وراعيه كاتب في الموضوع رقم مميز للبيع
هذااا صار الحين رقم مميز هذا اشطووله جنه رقم تأشيرة خدااامه وين صار الحين رقم مميز
هذا المفروض يسوون عليه مسابقه والي يقدر يحفظه المفروض يكرمونه ويعطونه جائزه لقوة حفظه
لا والمشكله يقول شاريه بفلوس هههههه
هذا الرقم المفروض يمسحونه من المرور من طوله ومن الخبصه الي صايره فيه لان يمكن يخرب برمجة اي كيمرا اوبيحرق افلاش اجهزة الرادار المثبته في الطرق السريعه
تدرون عاد هذا الرقم لو يدرون عنه عصابات المافيا الي يستعملون سياراتهم في تنفيذ جرايمهم صدقوني بيشترونه منه ابملايين لانهم يدرون ان مستحيل احد يقدر يلقط الرقم ويبلغ عليهم
هذا الرقم الي كاتب راعيه في الاعلان مميز لو حفظته صدقني انه بالمقابل بينسيك رقم بيتك فنصيحه مني لاتعب عمرك وتحفظه
--------
انزين حتى من منظور شرعي وهذا اهمها اتفق العلماء على حرمة شراء ارقام السيارات المميزه لانه لا طائل ولا توجد منفعه منها وهذا نوع من انواع الزهو واللهو والبطر والله سبحانه وتعالى مايحب المبذرين
اما ارقام الهواتف المميزه فاجازها اكثر العلماء لان انت بتستعمل هذا الرقم وهو نوع من انواع الدعايه لمؤسستك وارقام الهواتف المميزه تخدم الناس وتسهل عليهم امور كثيره وصعوبات ممكن تواجهم في حياتهم يعني مثلا رقم الشرطه 999 ورقم طوارىء كهرماء 991 يسهل على الناس ويوفر عليهم الكثير من العناء كونه سهل الحفظ حينما يريد الاتصال بهم بس احنا ماقط سمعنا ان رقم السياره المميز يسهل ويخدم الناس ويوفر عليهم الكثير من العناء والوقت والجهد
يعني احنا اتهمنا ارقام التلفونات المميزه لان احنا نستعملها في اتصالاتنا وفي نفس الوقت كشخه وللمظاهر لكن ماقط خبرنا او سمعنا واحد استعمل رقم سيارته في شي غير للفت النظر والانتباه,
انزين ليش مثلا ماتنطرح فكرة اضافة حرف قبل رقم السياره لتقليل نطاق الخانات مثلا يصير (ب22) او (خ55) او (م 66) اسوة بدول الجوار ولتحسين منظر المركبات التي تسير في طرقات بلدنا الحبيبه وبعد في مجال انا انكبر حجم الرقم اذا كان ثلاثي علشان يكون اوضح اما اذا كبرناه وهو نطاق ارقامه 6 هذا مايبيله لوحة سياره هذا يبيله منشب او لقن عزايم او صينيه تستوعب ارقام محفوره بخط كبير ومكونه من 6 ارقام
ففي ناس مساكين مايشوفون عدل او يبون خط كبير علشان يقدرون يطالعون الرقم زين واحنا امقيدين ابحجم لوحة سياره متعارف عليها دوليا
يعني يا اما انكبر خط الارقام بس يقل عدد نطاق الرقم او انصغر حجم الخط اذا كان عدد نطاق الرقم كبير واهني المشكله
بس حررف واحد بيسوي لنا شغل وبيعالج لنا المشكله
وللعلم ويمكن اتكون هذي المعلومه صعبه ومب مفهومه لدى الجميع لكن حبيت اوضحها ان عدد الارقام 10 ارقام تبتدي من ال0 الى ال9 ولو بتحسب وبتعد من الرقم 0 الى الرقم تسعه بتشوف الاجمالي 10 ارقام
اما الحروف فعددها 28 حرف
يعني انا لو ابي احسب كم رقم مميز عندي يتكون من نطاقين (لنأخذ ارقام السيارات مثلا)بيكون عندي بس 99 رقم يبتدون من ال1 الى ال99 وهذي كل الخيارات الي عندي
اما لو استعملنا الاحرف الذين يتكونون من نطاقين بيكون عندي 28ضرب 28 وبيكون الناتج =784 شوفوا الفررق
ولو كنا نبي انعرف كم رقم ثلاثي النطاق ممكن نحصل عليه اذا استعملنا الارقام بيكون الناتج 10 ضرب 10 ضرب 10 وبيكون الناتج 1000 رقم ناقص الصفر لان الرقم صفر ماينحسب بيصير الاجمالي 999 رقم سياره مميز
اما لو حبينا انعرف كم لوحة سياره ثلاثيه ومميزه ممكن نحصل عليها باستخذام الاحرف بيكون الناتج 28 ضرب 28 ضرب 28 = 21952 رقم مميز
شوفوا الفرق يعني تقريبا اكثر من عشرين ضعف الارقام واللوحات المميزه الي ممكن نحصل عليها باستخدام الارقام فقط ومن ثلاث خانات فقط
والي سافر منكم برع اكيد شاف وايد لوحات تتكون من حرفين ورقم مثلا (h f 3) شوفوا اشحلاته واشلون كشخه صاير مع العلم ان تعداد سكان هذه الدوله يقدر بمئات الملايين وبعد ارقامهم كشخه.
يعني لو تطبقت هذي الطريقه عندنا بيصير مافي لوحة سياره في قطر تتعدى اربع نطاقات
لان 28 ضرب 28 ضرب 28 ضرب 28 =614 656 لوحة ارقام مميزه
ويمكن يقول لا الارقام احلى ومب حلوه نستخدم الاحرف باقوله كل الدول الحين قاعده اتغير لهي الاتجاه لما له من فوائد
والارقام والاحرف يستعملهم كل واحد فينا في كل شي يعني اي قطع غيار حق سيارتك له اسم وله رقم
واحنا لنا اسماء اتدل علينا واتعرفنا ولنا ارقام اتدل علينا مثل الرقم الشخصي وحتى البيوت لها اسماء لاصحابها ولها رقم للمنزل وحتى مناطق الدوله مقسمه لاسماء وهذي الاسماء يقابلها ارقام يعني مثلا منطقة المطار القديم اسمها المطار القديم ورقمها 45 والشوارع لها اسماء مثلا شارع اسد ابن زراره وهالشارع له رقم والناس الي في البلديه يعرفون هالشي
يعني الاثنين يكملون بعضهم ودايما مقرونين ابعضهم وبالعكس لغة الاحرف اثمن واكثر تعبيرا من لغة الارقام
يعني لو واحد اسمه حمد وخيروه بين رقم 111 وبين لوحه سياره ( ح م د ) اكيد بيفز قلبه وبيختار الي بالاحرف الي على اسمه حمد لان الارقام تشير الى اشياء كثيره قد نجهلها اما الاحرف فهي بحد ذاتها مفهومه ومعبره
وللعلم هذا الحرف الزائد بيسوي شغل وبيصير سهل على كل شخص الحصول على رقم من ثلاث خانات مميز وبسعر معقوول(هذا اذا ماكان لدى ادارة المرور ارقام مميزه)
انزين الغريب ان انت تقدر تحصل على رقم هاتف او رقم جوال مميز وبسعر مناسب وهذا من المباحات المحلله شرعا اما لو تبي رقم سياره مميز,,,, سوري على كلمة مميز الي قلتها لان المميز هذا بيطلع هطووووووول جنه حاقوول وبيككون سعره خيااالي ويمكن ندفع عليه تدرون ليش,,,,
( لان قالولنا انه مميز واحنا صدقناهم )
وشكرا لكم