اهل الشوون يستاهلون وايضا العاطلين عن العمل يستاهلون ..

[الصغيره]

بدايه

اسال الله ان يطيل بعمر صاحب السمو امير البلاد المفدى الشيخ تميم بن حمد بن خليفه ال ثاني حفظه الله

والله يجزاه عن كل قطري وقطريه الف خير

صاحب الايدي الكريمه المعطاء

الله يخليه لنا وللوطن وللانسانيه


وابارك لكل قطر على هالمكرمه التي جائت بوقتها ويستاهلون اهل الشوون


كما اتمنى ان ينظرون بعين الاعتبار للعاطلين والعاطلات عن العمل وان يكون لهم رواتب تغطي مصروفاتهم الضروريه

خاصه من بحث عن العمل ولم يجد وطافه قطار العمل او من لم يوفق بعمله او من كسرته الدنيا ولم تسانده الظروف للعمل او الاستمرار بالعمل

حيث ان هذه الفئه ليست باحسن حال من اهل الشؤوون وهم يستاهلون ايضا ان يكون لهم مدخول ولو بسيط يساعدهم على الحياه


واهل قطر يستاهلون


نتمنى ان تحضى هذه الفئه برواتب اسوه باهل الشوون الاجتماعيه




ونقووول الله كريم

[bus3od]

ممكن افهم شلون طافه قطار العمل؟

[(بوطلال)]

ممكن افهم شلون طافه قطار العمل؟

تقصد الي يحب الكسل والرباده يمشون له راتب

[bus3od]

تقصد الي يحب الكسل والرباده يمشون له راتب


والله فلّه عيل الواحد اول ما يتخرج من الجامعه يبسط في البيت ماكل شارب و يمشي له راتب بعد يا سلام عالدلع و الدلال و هشتكنا و بشتكنا يا ريس

[الصغيره]

لاااااا اخخواني

اقصد من لم يوفق بعمل وطاف عمر الشباب سواء رجل او مراه

او عمل عمل لكن لم يوفق لظروف اسريه

يكون عمره على 50 لاهو يشتغل ولا عنده مدخول لاهو من اهل الشووون ولا هو عامل ولا متقاعد

وترى هذولا بعد يحتاجون بس ما عندهم مدخول ولا شي بس ما تنطبق عليهم مواصفات الشوون الاجتماعيه



مثلا بحث عن عمل وظل يبحث صار عمره 35 سنه لقى وظيفه لكن ما وفق فيها اما لشهادته او امكانياته او تعسف مديره سواء هو رجل او امراه

وراح يبحث من جديد عن عمل ومرت السنين مالقى فرصه دخل الخمسين عام ؟


هذا او هذه وين يصنفون ؟

[bus3od]

وتشمل الفئات التي تستفيد من معاشات الضمان الاجتماعي 10 فئات هي: المطلقة، والأسرة المحتاجة وأسرة المسن وأسرة المفقود، والزوجة المهجورة، والأرملة، وأسرة السجين، والمعاق، والعاجز عن العمل، واليتيم.

اعتقد الفئات المذكوره شملت اللي تقصدينهم
اما اللي بسبب تعسف مديره فهذا يبحث عن عمل و ماله عذر يكون عاطل و عذر ما لقى عمل مب مبرر ان ينصرف له راتب و هو قاعد في البيت و توه في عز شبابه مثلا 35 مثل ما ذكرتني هذا يلقى له عمل لو اقتنع باي فرصه تجيه كانه محتاج

[R 7 A L]

اعتقد على حسب علمي الي كبير ومايشتغل يمشي له شؤون

[basma222]

المطلقة، والأسرة المحتاجة وأسرة المسن وأسرة المفقود، والزوجة المهجورة، والأرملة، وأسرة السجين، والمعاق، والعاجز عن العمل، واليتيم

لهم شؤون

[alsoq]

المطلقة، والأسرة المحتاجة وأسرة المسن وأسرة المفقود، والزوجة المهجورة، والأرملة، وأسرة السجين، والمعاق، والعاجز عن العمل، واليتيم

لهم شؤون

هذا اللي تقصده اختنا صاحبة الموضوع والله اعلم

[حسن]

السؤال كم الزياده قرروها ولا لا !

محد ذكر لنا الزياده كم

[وليف الشوق]

السؤال كم الزياده قرروها ولا لا !

محد ذكر لنا الزياده كم

اللي فهمته من 4 الى 5 الاف ريال والله اعلم

[الصغيره]

العاجز يكون عنده هاعهه اما السليم اللي ماوفق بعمل يش يسوي مثلا يكتب له راتب لحد ما يوجد له عمل لان حرام بعد يصبح عاله على الناس اعرف شخص عنده رخصه قياده خفيفه حب يعمل سائق بموسسه قالوا هات رخصه ثقيله يبي يعيد بمدرسه سواقه ماعنده حتى يقدم رخصه ثقيله لا هو طايل ولا قادر وكم من يدور وظيفه له سنتين وثلاث واربع سواء جامعي او ثانوي او اعدادي او اآمي ولا لقى على الاقل مصروف لين الله يسهل له ويلقى وظيفه اشوف ان لابد من هيئه توظيف للمواطنين والمواطنات مثل الحين المدارس المستقله بنات يقدمون بالمدارس المستقله كله مافيه شواغر وناس من المدرسه نفسها يقولون فيه شواغربس يدورون المقيمات لان رواتبهم اقل


يعني بناتنا وين يروحون للهند يدروسون عيال الهند....؟

[R 7 A L]

العاجز يكون عنده هاعهه اما السليم اللي ماوفق بعمل يش يسوي مثلا يكتب له راتب لحد ما يوجد له عمل لان حرام بعد يصبح عاله على الناس اعرف شخص عنده رخصه قياده خفيفه حب يعمل سائق بموسسه قالوا هات رخصه ثقيله يبي يعيد بمدرسه سواقه ماعنده حتى يقدم رخصه ثقيله لا هو طايل ولا قادر وكم من يدور وظيفه له سنتين وثلاث واربع سواء جامعي او ثانوي او اعدادي او اآمي ولا لقى على الاقل مصروف لين الله يسهل له ويلقى وظيفه اشوف ان لابد من هيئه توظيف للمواطنين والمواطنات مثل الحين المدارس المستقله بنات يقدمون بالمدارس المستقله كله مافيه شواغر وناس من المدرسه نفسها يقولون فيه شواغربس يدورون المقيمات لان رواتبهم اقل


يعني بناتنا وين يروحون للهند يدروسون عيال الهند....؟


شلون ماعنده الي يخليه ياخذة رخصة ثقيلة ؟
ترا المبلغ بسيط اي واحد يقدر يدفعه


مادري احس الموضوع ما فهمناه
يا انك ماعرفتي تفهمينا الي تقصدين
يا انك ماتعرفين ظروف الحالات الي ذكرتي بالضبط
فيه حلقه مفقودة بالموضوع

[طلعة الروح]

احب اشكر كاتبة الموضوع على اهتمامها وتفكيرها في جميع فئآت المجتمع،
وان تكون الفئة المذكورة لها بحث حالة وتضمينها من ضمن فئة الاستحقاق الاجتماعي.
البعض للاسف ماعنده غير الاعتراض والانتقاد بدون اقناع الاخرين بالسبب وكانه الموضوع طالع من جيبه الخاص.

[romoz]

يا ليت ربت المنزل يكون لها معاش
و الله هي ابدى من غيرها

[الصغيره]

شلون ماعنده الي يخليه ياخذة رخصة ثقيلة ؟
ترا المبلغ بسيط اي واحد يقدر يدفعه


مادري احس الموضوع ما فهمناه
يا انك ماعرفتي تفهمينا الي تقصدين
يا انك ماتعرفين ظروف الحالات الي ذكرتي بالضبط
فيه حلقه مفقودة بالموضوع

اخي الكريم

المبلغ بسيط لي ولك لكن عند ناس غيرنا يكون كسر ظهر لما يجب عليه ياخذ رخصه ثقيله لازمه تدريب ومبلغ قد يتجاوز 3000ريال او يقل وهو لا عمل ولا سند من وين يجيب على الاقل يكون له راتب وبحث حاله وايجاد عمل مناسب حتى يقدر يشق طريقه


يعني الحين هالفلبينيين والهنود اللي يسوقون بمواصلات مستشفى حمد توصيل النرس المدينه الطبيه ومن حمد ولباقي فروع الموسسه مش الاولى هم مثل هالحالات وبعد يطورون ويعطون فرصه تكمله مشوار علم وتعديل وضع


أي يصرف لهم راتب وتعدل اوضاعهم


الحمد لله الخير واجد والشوون الاجتماعيه بدات تدرس الحالات وبدت تعطي اللي حتى زوجها راتبه ضعيف تكتب لها شووون مثل المطلقه والارمله


وهالفئات يعطون شووون حتى يجدون لهم وظائف



موضوعي مفهو ووواضح لن البعض يحب انه مايفهم



اشكرك على المداخله

[الصغيره]

يا ليت ربت المنزل يكون لها معاش
و الله هي ابدى من غيرها
ترى بعض دول الجوار يعطون ربة البيت معاش

[الصغيره]

احب اشكر كاتبة الموضوع على اهتمامها وتفكيرها في جميع فئآت المجتمع،
وان تكون الفئة المذكورة لها بحث حالة وتضمينها من ضمن فئة الاستحقاق الاجتماعي.
البعض للاسف ماعنده غير الاعتراض والانتقاد بدون اقناع الاخرين بالسبب وكانه الموضوع طالع من جيبه الخاص.

انا اللي اشكرك على كلمة الحق التي قلتها


لك مجمل الشكر والتقدير