هل احتاج رخصة بناء

[QtrGate]

بسم الله الرحمن الرحيم

باغير جزء من طوفة الغرفه إلى زجاج
لكي تطل على الحديقة

وبغير اعزكم الله ديكور الحمام

هل احتاج رخصة بناء

وممكن تفيدوني بمقاول فنان فالديكور

[شموخ دائم]

,

,


مرحبا


بالتوفيق لك

لا ما تحتاج أي اوراق من البلديه لانها اعمال داخل المبنى
انت ما بنيت شي جديد او جزء جديد او اضافه جديده وما قربت من أي ارتداد
وهذي تعتبر اعمال ديكور

اهم شي المخلفات الناتجه عن العمل ما ترمى خارج البيت
ولا تحط أي كميات اتربه او طابوق خارج المنزل
خل كل المواد داخل المنزل
الى وقت التخلص منها


,

,


اخوك

شموخ دائم

[معماري قطري]

إِذا الغرفة في الدور الأَرضي ما اتوقع فيها مشكلة أَما فوق فاحتمال تحتاج موافقة حسب ظروف الإِرتداد والإِنفتاح على منزل مجاور.

[QtrGate]

شكرا اختي شموخ دائم

وشكرا أخوي معماري قطري .. الغرفة في الدور الأرضي

واذا تعرفون أي مصمم ممتاز ؟

[معماري قطري]

شكرا اختي شموخ دائم

وشكرا أخوي معماري قطري .. الغرفة في الدور الأرضي

واذا تعرفون أي مصمم ممتاز ؟

العفو إِخوي .. شتحتاج لتصميمه؟ مبين من كلامك الحمام .. وما ادري شحدود الشغل اللي تبيه .. باعطيك مجرد أَفكار ورؤوس أَقلام.

تقدر تزيل بعض الحوائط وتقدر تغير البلاط لو الشغل شغل صيانة وتغيير كامل .. حتى عندك البايبات والصرف الصحي تقدر تسويه من جديد ولكل شغلة تحتاج تصميم وميزانية معينة ووقت.

لاحظ من خلال الصور والأَفكار الكثيرة اللي ناقشناها بعض الدرايش الكبيرة ما تجي مع حدود الحائط وممكن عمل كسرات لها وجلسة بسيطة قرب الدريشة والستارة تكون عادية وسميكة علشان تعوض العزل الحراري والضوئي من الدريشة الكبيرة .. يعني الستارة تغطي هذا التجويف ووقت فتحها تكون عندك مساحة إِضافية .. والحمام كذلك لو عندك مجال وخلصت رخصة البناء وممكن عملها حتى قبل رخصة البناء بطلب تعديل بسيط وبموافقة.

تحتاج ترتب الغرفة من حيث موقع السرير وباقي قطع الأَثاث وتركب خزانة حائط بمساحة زايدة شوي عن حاجتك ولو قدرت تسوي غرفة ملابس تدخل فيها بباب وبكبتات مفتوحة تكون أَفضل .. شوف المناقشات والصور في موضوع غرف النوم وخذ أَفكار ولو حبيت نسوي التوزيع بالرسم على الاوتوكاد هنيه مستعد بس عطني مقاسات وظروف الغرفة والحمام.