مول الخور والا سوق خميس وجمعه !!!

[دايموند]

السلام عليكم

اكتب هالموضوع من حرقه قلبي

في الخور لا يوجد غير مول واحد وسكان الخور مب قادرين يستمتعون فيه نهائيا

هاذي ثاني زياره لي للمول وزحمه لا تطاق داخل المجمع وكلها عماله وافده من الاسيويين
وياليتهم جايين يتشرون يس قاعدين يتلفلفون في المول بلا هدف!!

حرام والاه مول جميل وفيه محلات ماركات ومطاعم وكوفي شوبات مشهوره لكن شبه خاليه بسبب العماله الوافده الي مسببه زحمه وتضيق ع العوائل




http://im23.gulfup.com/2012-07-08/1341704492582.jpg
صوره توضيحيه الي ما زار مول الخور
http://im23.gulfup.com/2012-07-08/1341704492651.jpg
صوره قديمه من ايام الافتتاح ولكن هذا المشهد يتكرر كل خميس وجمعه

((ملاحظه :الصور تم اخذها من مشاركه العضو شموخ دائم ))

اناشد المسؤولين انهم ع الاقل يخلون الويكند للعوائل لان مب حاله بصراحه

والله اني ما ابالغ لدرجه ان المول يخلو من القطريين والخليجين مافي غير الهنود والفلبن والنيباليين!!

ياليت صوتي يوصل للمسؤلين

[البيروني]

لو تدرك القيمه الاقتصاديه للآسيوين بالبلد بالمصانع و البناء و الاعمار و تجاره لما ازدريت هذه الفئه

الشكر و التقدير للعماله الآسيويه و الناس بآعمالها و ليس بمناظرها

[دايموند]

اخوي البيروني
مطالبي واضحه انا ماقلت ننفيهم!!
وثانيا روح انت واهلك معاك الى الخور وبتعرف ذيك الساعه قيمه كلامي

انا اتكلم عن شي وانت تتكلم عن شي ثاني

لما تروح مجمع وماتشوف غير تجمعات لعماله الاسيويه وقاعدين بلا هدف بس خز بالناس وباهلك ذيك الساعه بتعرف قيمه كلامي

تحياتي

[دايموند]

وثانيا لو كل هندي وبتاني جاي المول مع عايلته بقول معليه

المول تحول الى سوق حراج من كثر العماله الي تدور بالمجمع بلا هدف

صار نقطة تجمعهم اهناك !!


ياليت يخصصون الويكند عالاقل للعوائل

[البيروني]

وثانيا لو كل هندي وبتاني جاي المول مع عايلته بقول معليه

المول تحول الى سوق حراج من كثر العماله الي تدور بالمجمع بلا هدف

صار نقطة تجمعهم اهناك !!


ياليت يخصصون الويكند عالاقل للعوائل

المول هو قطاع خاص ولو لم يجد القطاع الخاص منفعه ببناء مول لما عمل هذه المولات الكبيره

عدد القطريين بالخور اعتقد لايشجع القطاع الخاص ببناء مولات كبيره ولهذا الاسيويين نشطوا الحركه الاقتصاديه و زادت القوه الشرئيه و دفع القطاع الخاص للتفكير بالمولات العملاقه

باختصار لولا الاسيويين بالخور لما شاهدتي هذا الموال

انا اقف مع رآيك بالمطالبه بوقت مخصص للعائلات اسبوعيا مثلا يوم السبت بعد الساعه الرابعه يكون للعائلات

[دايموند]

اشكرك اخوي ع التفاعل معاي

لكن اخوي لفتت انتباهي قوه الشرائيه!!

اخوي اقول لف وتخزز ودواره بلا هدف تقولي قوه شرائيه!!
هندي راتبه مايتعدى ال 800 ريال شنو بيشتري من ستاربكس او كوستا كوفي ؟!
ستي استايل لايف
سبلاش
وغيرها من الماركات !!

معليه اخوي طول الاسبوع خل يتفررون في المول لكن عالاقل يوم او يومين من الاسبوع يكون للعوائل
اخوي انا ادري انك عبالك اني ابالغ اذا فاضي اليوم او باجر مر المول وخذلك لفه صغيره
صغيره وقرر
اشك انك تقدر تكمل لفه في المول لان المكان مزدحم بطريقه غير طبيعيه كإن العيد

[شموخ دائم]

,

,


مرحبا


شكرا على الموضوع

http://im23.gulfup.com/2012-07-08/1341704492582.jpg
صوره توضيحيه الي ما زار مول الخور
http://im23.gulfup.com/2012-07-08/1341704492651.jpg
صوره قديمه من ايام الافتتاح ولكن هذا المشهد يتكرر كل خميس وجمعه


اتفق معاك ان في ( مشكله ) كبيره
بتواجد العمال بهذا العدد المخيف وضيقوا على الناس وعلى اصحاب المحلات

علما ان هذا النوع من ( الاسواق ) لايصلح للعمال نهائيا
وحتى اصحاب المحلات متضاييقين منهم وتكلموا مع الاداره

لان اصبح اهل الخور ما يدخلون هذا المول الخميس والجمعه نهائيا
لكثره ( باصات ) العمال الي تنزلهم في هذا المول وعددهم يفوق
ال 3 الاف عامل ينزلون مع بعض
وهدفهم هو ( اللؤلؤ هايبرماركت ) الموجود داخل المول

المشكله الثانيه في مدينه الخور لايوجد فرع ( الميره ) للاسف
وهذا سوء تخطيط من اداره الميره و( تخبط ) ما بعده تخبط

من المعروف ان ( العمال ) مشترياتهم ( تموين ) وليس تسوق

ومن المفترض ان تموينهم من السوبر ماركت الكبيره والميره وهذه المحلات او فتح فروع لهم قريب من سكنهم

كلامك صحيح 100% الموضوع يحتاج تدخل من اداره المول
لان اهل الخور ما يدخلون هذا المول نهايه الاسبوع
واصبحت المحلات ( تخسر ) الكثير لان بضاعتهم مخصصه للعائلات
والايجارات عاليه وافضل ايام التسوق هو في الاجازه الاسبوعيه
التي يحتلها ( العمال )



,

,


اخوك


شموخ دائم

[MAZEN37]

المشكله انصار جاليري توه فاتح وبعد هبة اسيويين عليه
الحل هو انهم يفتحون لهم اسواق تموينية قريب سكن العمال
اعتقد راس غاز اغلبهم حتغŒ باصاتهم بالخور طابور

[R 7 A L]

الحل
الخميس والجمعه لاحد يروح
عندكم من السبت للاربعاء

[رهج السنابك]

عندي اروح مكان فيه هنود ولا اروح مكان يجمع شباب قطريين وعرب مثل كتارا او اللاجونا

[رهج السنابك]

وانتي قلتي مب يشترون بس يفرفرون معناتها باخذ راحتي في المحلات بتكون فاضيه والكاشير فاضي بالعكس ماشوف فيها مشكله

وايد سمعت من بنات تصنيفات للمولات
هالمول كله بدو
هالمول كله هنود
هالمول كله حضر
هالمول كله براقع
هالمول كله اجانب مافي قطريين

حسستني رايحه للناس!! الوحده تروح المول لقضاء حاجة شرائيه يفترض ماتلتفت للناس

[قلوب قطر]

السلام عليكم ورحمة الله وبركاته

لكل اللي اعترض على كلام صاحبة الموضوع وقال الموضوع مافيه مشكله
تخيلوا انكم داخلين مجمع وتبون تتشرون .. بس من كثر الزحمه انتي يا انثى جى اسيوي و دعمج بالغلط ولمس جسمج .. او انت يا رجل شفت هالمنظر صار مع احد من اهلك .. شلون راح تتصرف ؟؟
انا اقولكم اهل الخور اغلبهم مايروحون المول في الويكند .. لان العماله تارسه المكان ..

اشكرج اختي على الموضوع

وانا بعد من اللي يطالبون بتخصيص الويكند للعائلات فقط ..

[دايموند]

وانتي قلتي مب يشترون بس يفرفرون معناتها باخذ راحتي في المحلات بتكون فاضيه والكاشير فاضي بالعكس ماشوف فيها مشكله

وايد سمعت من بنات تصنيفات للمولات
هالمول كله بدو
هالمول كله هنود
هالمول كله حضر
هالمول كله براقع
هالمول كله اجانب مافي قطريين

حسستني رايحه للناس!! الوحده تروح المول لقضاء حاجة شرائيه يفترض ماتلتفت للناس

انا بختصر كلامي لج

واتحداج تروحين المول يوم الجمعه والخميس
وعقب تعالي تكلمي
اقولج يدخلون المحلات بس جذي حق الفراره ومافي مكان تقدرين تدخلينه من كثر الزحمه والتلصق

وراح ارد ع بقيه الردود

[الجـــوديّ]

الصور اللي حطها الآخ شموخ دائم خير شاهد

اتفق معاج ان العمالة مكانهم غلط .. كان الستي سنتر بهالوضع والواحد يكره يروحه لانهم عمالة فاضية شغلتها بس يقزون الحريم ومسوين زحمة عالفاضي.


هم بعد ارواح من حقهم يكون لهم أماكن ترفيهية .. الشركة اللي جابتهم يفترض تكون مسوية لهم في مواقع سكنهم ملعب كريكت أو كورة .. وسينما على قدهم .. يحبون الافلام
وحتى الميرة فرع خاص بالعمالة .. أو فرع بالمنتجات الاسيوية تكون بالسلع اللي يستهلكونها دايماً.. خضرتهم ... قواطيهم .. ملابسهم ... وكل شي يحتاجونه.

[رهج السنابك]

توني اشوف الصور
اذا المول صغير هالشكل والعمال بهالعدد يمه لا بالله محد بيروح ماتخيلت جذي !!!
اخييييه لازم تشتكون ويحطون يومين فقط للعزاب وباقي الايام عوايل او يخلونه كله عوايل نفس وذنان مول وسكيورتي عند الباب
حرام هذا متنفس العوايل الوحيد

[دايموند]

عندي اروح مكان فيه هنود ولا اروح مكان يجمع شباب قطريين وعرب مثل كتارا او اللاجونا

اختي لو سمحتي السالفه مب سالفه عنصريه مثل ما انتي تمشين ع منطقج جذي
اشدخل اذا في عرب وقطريين ماتروحين واذا في هنود تروحين!!

اشفيهم العرب؟والقطريين؟

انا اتكلم عن الزحمه الي لا تطاق مافي مجال تمشين بدون ماتلصقين بحد او حد يلصق فيج !!

[دايموند]

,

,


مرحبا


شكرا على الموضوع

http://im23.gulfup.com/2012-07-08/1341704492582.jpg
صوره توضيحيه الي ما زار مول الخور
http://im23.gulfup.com/2012-07-08/1341704492651.jpg
صوره قديمه من ايام الافتتاح ولكن هذا المشهد يتكرر كل خميس وجمعه


اتفق معاك ان في ( مشكله ) كبيره
بتواجد العمال بهذا العدد المخيف وضيقوا على الناس وعلى اصحاب المحلات

علما ان هذا النوع من ( الاسواق ) لايصلح للعمال نهائيا
وحتى اصحاب المحلات متضاييقين منهم وتكلموا مع الاداره

لان اصبح اهل الخور ما يدخلون هذا المول الخميس والجمعه نهائيا
لكثره ( باصات ) العمال الي تنزلهم في هذا المول وعددهم يفوق
ال 3 الاف عامل ينزلون مع بعض
وهدفهم هو ( اللؤلؤ هايبرماركت ) الموجود داخل المول

المشكله الثانيه في مدينه الخور لايوجد فرع ( الميره ) للاسف
وهذا سوء تخطيط من اداره الميره و( تخبط ) ما بعده تخبط

من المعروف ان ( العمال ) مشترياتهم ( تموين ) وليس تسوق

ومن المفترض ان تموينهم من السوبر ماركت الكبيره والميره وهذه المحلات او فتح فروع لهم قريب من سكنهم

كلامك صحيح 100% الموضوع يحتاج تدخل من اداره المول
لان اهل الخور ما يدخلون هذا المول نهايه الاسبوع
واصبحت المحلات ( تخسر ) الكثير لان بضاعتهم مخصصه للعائلات
والايجارات عاليه وافضل ايام التسوق هو في الاجازه الاسبوعيه
التي يحتلها ( العمال )



,

,


اخوك


شموخ دائم

مرحبا اخوي دائم الشموخ ان شاء الله

اشكرك ع مداخلتك القيمه
لكن اسمح لي الصوره ظالمه جدا للي شفته اليوم !!

اليوم شفت دبل الي بالصور

والله اني مابالغ عددهم كثير كثير كثير

واخوي ما اتوقع الحل ان يفتحون الميره

لان راح يكون مصير الميره نفس مصير مول الخور وانصار جالري وغيرها من المحلات
لان نصف العماله هدفها انها تتمشى مب تشتري

لان مول الخور العماله ماكان فقط تركيزهم ع اللولو لا بالعكس كانوا منتشرين بكل مكان بالمجمع لدرجه مافي مكان اقدر ادخله براحه

الحل اخوي تخصيص ايام للعائلات هاي الحل بنظري
بالاضافه مثل ماتفضلت يبنون محلات تموين اخرى لتقليل الازدحام


ملاحظه :
لفتت انتباهي الصوره الاولى ان في اقطري متقلقص معاهم بالغلط ههه
شكرا لك

[ana_ana]

الخميس والجمعه كل مكان زحمه يفضل التسوق في ايام الاسبوع العاديه ونخلي هذه الفئه الكادحه تغير جو روتين العمل والتعب طوال فتره الاسبوع يشتغلون في الهواء الطلق وانتو قاعدين تحت المكيفات طول ايام الاسبوع فمن الانسانيه نعيش ونرفه نفسنا ونخلي غيرنا يعيش واتقو الله في نفسكم وفي غيركم

[نفسي عزيزه]

اساسا الخور انتهت من زمان كل هنود واسيويين حتى الواحد يخاف يخلي باب بيته مفتوح او باب الصاله
وكم مره يصيدون اسيويين سكارا والي شاقح وهو سكران
طبعا انا اتكلم لاني شبه يوميا اروح الخور + ربعي هناك
فالمول ضحيه بس تفرفر على خالي بلاش اما بالايام العاديه فاضي لنا

[دايموند]

الخميس والجمعه كل مكان زحمه يفضل التسوق في ايام الاسبوع العاديه ونخلي هذه الفئه الكادحه تغير جو روتين العمل والتعب طوال فتره الاسبوع يشتغلون في الهواء الطلق وانتو قاعدين تحت المكيفات طول ايام الاسبوع فمن الانسانيه نعيش ونرفه نفسنا ونخلي غيرنا يعيش واتقو الله في نفسكم وفي غيركم


زحمه عن زحمه تفرق

ولا تزعل اخوي قولي اي مجمع تحب تروح له ويكند وخل الباصات الي تنزل العمال بدال الخور تنزلهم بالمجمع الي انته فيه مع اهلك وبتحس فيني

ثانيا اشدخل الانسانيه بالسالفه!!

ياسلام عشان خاطرهم نروح المول ايام دوامنا !!

هاذي ديرتنا واحنا اولى من الغير

خل طول الاسبوع لهم لكن الويكند خلها لنا احنا العائلات

وبخصوص الشغل ترى في منا يشتغل تحت الشمس بعد
ولا تدخل طبيعه الشغل بموضوعي

انا اتكلم عن تكدس العماله العزابيه في المول

تخيل تدخل فيلاجيو او الستي وماتقدر تحط ريولكم من كثر العماله العزابيه ولا تقدر تاخذ هلك في وقت اجازتك اهناك !!

[دايموند]

اساسا الخور انتهت من زمان كل هنود واسيويين حتى الواحد يخاف يخلي باب بيته مفتوح او باب الصاله
وكم مره يصيدون اسيويين سكارا والي شاقح وهو سكران
طبعا انا اتكلم لاني شبه يوميا اروح الخور + ربعي هناك
فالمول ضحيه بس تفرفر على خالي بلاش اما بالايام العاديه فاضي لنا

لست من سكان الخور لكن قريبا راح اكون من سكانها والله يعيني ع هالعزابيه
شفتهم حتى فارشين زل فالشوارع وقالبينها قعدات عند انارات الشوارع هههه

مادري هالشي طبيعي بالخور؟

[دايموند]

المشكله انصار جاليري توه فاتح وبعد هبة اسيويين عليه
الحل هو انهم يفتحون لهم اسواق تموينية قريب سكن العمال
اعتقد راس غاز اغلبهم حتغŒ باصاتهم بالخور طابور

انا مش عارفه ليش باصات العمال تجيبهم المول بالذات ,؟
ترى في سوبرماركتات. واايده وكبيره اهناك خل يشترون من اهناك اذا فعلا ان هدفهم الشراء. مب التفرفر فالمول للخز

[نفسي عزيزه]

لست من سكان الخور لكن قريبا راح اكون من سكانها والله يعيني ع هالعزابيه
شفتهم حتى فارشين زل فالشوارع وقالبينها قعدات عند انارات الشوارع هههه

مادري هالشي طبيعي بالخور؟

هههههههههه

الله يعينك انا اتردد ع الخور من سنة 1995 وحاليا شبه يومي

الهنود والاسيويين يفرشون بالشارع ومكاين السحب كل مافيها فلوس بسببهم بالويك اند هههه

المطاعم تربح هناك

لكن اذا بتسكن ورى مول الخور او قدامه صوب الفيلل الجداد هناك منطقه هاديه مافيها مشاكل

المشاكل بوسط الخور زحمه وغربال

[مشـــــاعر]

الخميس والجمعه كل مكان زحمه يفضل التسوق في ايام الاسبوع العاديه ونخلي هذه الفئه الكادحه تغير جو روتين العمل والتعب طوال فتره الاسبوع يشتغلون في الهواء الطلق وانتو قاعدين تحت المكيفات طول ايام الاسبوع فمن الانسانيه نعيش ونرفه نفسنا ونخلي غيرنا يعيش واتقو الله في نفسكم وفي غيركم

أنا أتفق مع هالرأي صراحة . .
إحنا 24 ساعة طالعين خل نتشرى بالأيام العادية شالمشكلة ؟؟
إللي يسمع يقول كلش التشري ماينفع إلا في الويكند وبسسس . .

لكن هذيلا حدهم الويكند إللي يفضون فيه . .
بسنا دلع وكل شي نبيه نحصله حتى لو على حسآإب غيرنا . .

[نيساني]

عندي اروح مكان فيه هنود ولا اروح مكان يجمع شباب قطريين وعرب مثل كتارا او اللاجونا



اختي الموضوع واضح عن الآسيويين بشكل عام بس مادري ليش كله في صف الهنود في اكثر من موضوع !

واذا موعاجبج القطري شي راجع لج مب مجبوره انج تعلنين على الهوا

والله يعينهم أهل الخور

وشكراً

[دايموند]

أنا أتفق مع هالرأي صراحة . .
إحنا 24 ساعة طالعين خل نتشرى بالأيام العادية شالمشكلة ؟؟
إللي يسمع يقول كلش التشري ماينفع إلا في الويكند وبسسس . .

لكن هذيلا حدهم الويكند إللي يفضون فيه . .
بسنا دلع وكل شي نبيه نحصله حتى لو على حسآإب غيرنا . .

ماتبون نفضي لهم الخور بعد عشان ياخذون راحتهم ؟!!

ديرتنا والا ديرتهم ؟!

الاولويه لنا في الويكند

اخبر من طلعت من الدنيا وانا الي اعرفه الاماكن الي تخصص للعائلات غالبا تخصصها بالويكند مب الايام الدوام!!

وبخصوص ان "احنا طالعين 24 ساعه"
لوسمحتي تكلمي عن نفسج لا تتكلمين بلسانا

انا شخصيا ما اطلع الا بالويكند
نادرا جدا اطلع بنص الاسبوع

[دايموند]

هههههههههه

الله يعينك انا اتردد ع الخور من سنة 1995 وحاليا شبه يومي

الهنود والاسيويين يفرشون بالشارع ومكاين السحب كل مافيها فلوس بسببهم بالويك اند هههه

المطاعم تربح هناك

لكن اذا بتسكن ورى مول الخور او قدامه صوب الفيلل الجداد هناك منطقه هاديه مافيها مشاكل

المشاكل بوسط الخور زحمه وغربال

هاه !!:eek5:

الحمدلله الحمدلله سكني للخور بيكون مؤقت بعد. لين مايبني ريلي بيته بروضه الحمام

[البيروني]

هاه !!:eek5:

الحمدلله الحمدلله سكني للخور بيكون مؤقت بعد. لين مايبني ريلي بيته بروضه الحمام

كلها اشاعات و كلام فاضي

الخور و الذخيره امن و آمان و استقرار لابعد حد و انا موجود فيها و ياسلام عليها والله توسع الصدر

الآسيويين بشر بحالهم مساكين ويخدمون البلد و يخدمونا و بالنهايه كلنا من آدم و آدم من تراب

[Aaziz]

الحل ؟؟ ماهو الحل ؟

لو تم منع هذه العماله من دخول المول خصوصا في عطله نهايه الاسبوع اتوقع راح تكون النتيجه سلبية على المنطقه و اهل المنطقه ،، بحيث بتكثر المشاكل او السرقات او الشجارات و المضايقات .
اتوقع الحل انشاء سوق ارضي بسيط عباره عن مساحة 800m X 800m محوط بشبك و بوابه واحده و دور ارضي و ممرات فيها محلات تفتح على هذه الممرات
تكون فيه دار سنما بسيطه و مكشوفه و محلات تبيع البضاعه المناسبه لرواد السوق مع الخدمات من دورات مياه و مطاعم اسيويه بسيطه مع بعض محلات الترفيه كالعاب للكبار الي مثلا يقط حلقه على مجموعه غراش و يكسب هديه و الخ الخ
ويكون عباره عن جبرات تقريبا يفتح في الويك اند .

[Miss]

دايموند الخميس والجمعه والسبت انسي تدخلين هالمجمع
تعرفين ليش ؟؟
عمال لفان اجازتهم هذي فيطلعون يتشروون ويتمشوون

دشيناه مره بالغلط الخميس مع أمي
دخلنا من الباب الرئيسي وطلّعتنا امي من الباب الثاني :(

[دايموند]

انا ياخوفي مول الوكره الي بيفتح بيصر حاله حال مول الخور لان مول الوكره احذاه مجموعه من مجمعات ازدان السكنيه منها ازدان سكنيه للعائلات ومنها للعمال العزابيه والله يستر بس

[قطريه ماركه]

المنظر مزعج جدا جدا

[panda]

الزحمة صارت في كل مكان تو جاي من فيلاجيو و الله ندمت الي رحت له.....
ساكن في الخور و اؤيد دايموند!

[معماري قطري]

وضع أَمني خطير لو تصير هوشة بين فئتين من العمال في العمل ويتلاقون هناك تخيلوا شيصير؟

[الجنوبي]

افضل حل تسكين العمال في مجمعات سكنية فيها ملاعب ومولات وسينمات ووسائل ترفيه

[ms-qtr]

حسب علمي الخور تزدحم بالويكند
لأن العمالة الي براس لفان ينزلون لها
فأبدا ما تندخل في الويكند
حتى الشوارع والكورنيش كله عماله

[نور الحور]

سوري دايموند .. استغربت قريت العنوان اول مرة :

نور الحور ولا سوق خميس وجمعة هههههههههه

المهم .. صراحة الوضع مخييييف .. انا من زمااان ما رحت الخور ..

ولما زرتها من كم شهر تفاجأت بعدد الاجانب والعمال فيها ..

تغيرت علي وااااايد .. صاروا سكانها اقلية للاسف :(

نتمنى نشوف حل .. لان الوضع مو شكلي بس ..

انما متصل بامور كثيرة امنية وحتى ثقافية ..

الله يعينهم صراحة

[دايموند]

شكرا لكل من شارك فالموضوع

انا فعلا مستغربه من الي شفته بالخور

ومستغربه اشلون سكان الخور راضين بهالوضع ؟!!!!!

ماشوف حد اشتكى غيري ههههههه


اوجه مطلبي الى مسؤولين واداره مجمع الخور بتخصيص الويكند للعائلات


انا حرتني سالفه الباصات باص ورا باص باص ورا باص ينزلون العمال المول !!حسسنوي رايحين موقع شغل ههههه

انا كنت اسمع ان الخور منطقه جميله وهاديه وفيها قبايل قطريه

لكن الي شفته عكس الي ذكرته حسيت نفسي ببومباي ومانيلا

[Rashid554]

http://www.youtube.com/watch?v=Aapws18q6Cg

[فلوس]

شي عادي وطبيعي هالزحمه بسبب شركات الغاز والنفط والايجارات لسكن العمال التي غالبا تكون ارخص من الدوحه
والزحمه بتزيد اكيد مع بدايه الاعمال في استاد البيت الجديد.

[فاهم وساكت]

مابنخلص من العنصريه يعني

الحين تخيل تسافر برا ويقولون لك لا مابندخلك المول لانك عربي !

وبخصوص انهم رايحين المول بدون هدف لووول بصراحه مادري شقول بس يعني فوق كل الي يمرون فيه يشتغلون تحت الشمس طول اليوم وراتبهم " اصرفه على الغدى والعشى واخلصه ف يوم واحد " يعني كل هذا وبعد زعلانيين لانهم رايحين المول ؟ عنصريه وتخلف

[ضوى]

الله يعينج دايموند

اختي مشاعر اشدعوة ظ¢ظ¤ ساعة طالعين ؟؟ نعم كلامها صحيح نقضي مشاويرنا في الويك اند ماعندنا شغل ومدارس وحاله بالايام العادية !

بصراحة الوضع لا يطاق ، اذا احنا بالدوحة واشكثر مجمعات وزحمة لا تطاق وعوايل بعد ، اشحالكم انتوا مجمع واحد وكله عزوبية يعني اعوذ بالله الله يفك عوقكم يااارب

[العلياا]

يممه المنظر يخوووف
والله يعينج اختي دايموند ويعيين هل الخور :(

[دايموند]

اخ فاهم. خلك فاهم وساكت ابرك

قال عنصريه اقول له لو عوائل هنود معليه لكن عزابيه !!يقولي عنصريه

انت اتحداك تروح الجمعه اليايه المول وتصور لنا الالاف الهنود الي اهناك وتحط لنا الصور عشان اتأكد انك رحت وعقب بتحس فيني لما قلت لك سوق خميس وجمعه

[MAZEN37]

الموضوع اقرب لفكرة تنظيم الوضع ماله خص بالعنصريه
في جميع الدول في اماكن ما يدخلها الا عوايل
الواحد ما ينتقص منهم لكن ممكن يكون لهم مجمعات سكن وسوبرماركت وملاعب وترفيه خاص بهم مثل ما ذكر عضو سابق
التنظيم مهم وصراحه الواحد ما يرضغŒ علغŒ هله يكونوا في هذه المولات وبوجود عماله

[فاهم وساكت]

الموضوع اقرب لفكرة تنظيم الوضع ماله خص بالعنصريه
في جميع الدول في اماكن ما يدخلها الا عوايل
الواحد ما ينتقص منهم لكن ممكن يكون لهم مجمعات سكن وسوبرماركت وملاعب وترفيه خاص بهم مثل ما ذكر عضو سابق
التنظيم مهم وصراحه الواحد ما يرضغŒ علغŒ هله يكونوا في هذه المولات وبوجود عماله

ههههههههههه جميع دول العالم !!! اشوف جيب لي دليل على هالكلام لاني سافرت ولفيت وماعمري شفت هالشي

وثاني شي كلنا نعرف بالمقصود بكلمة للعوايل فقط وصارت قبل بمجمعات بالدوحه وطبعا السكيورتي يدخل الناس الي يبين عليهم انهم مب عمال حتى لو بروحهم .. وهالكلام مب من راسي لاني كنت اروح بنفسي واشوف بعيني الي يصير ..

وثاني شي ردك الي انا مقتبسه فيه عنصريه اصلن ههههه تقول يخصصون اماكن لهم !! هذي مب عنصريه ؟ تخيل تسافر برا بس تحصل اماكن ماتقدر تدخلها واشياء ماتقدر تسويها لانك " عربي " ؟ مابتقول عنصريه ؟ لانه عامل فقير هندي او فلبيني ماتبيه يدخل هذي مب عنصريه ؟

[فاهم وساكت]

اخ فاهم. خلك فاهم وساكت ابرك

قال عنصريه اقول له لو عوائل هنود معليه لكن عزابيه !!يقولي عنصريه

انت اتحداك تروح الجمعه اليايه المول وتصور لنا الالاف الهنود الي اهناك وتحط لنا الصور عشان اتأكد انك رحت وعقب بتحس فيني لما قلت لك سوق خميس وجمعه

هههههههه الحين انتي كل كلامج متناقض


والله اني ما ابالغ لدرجه ان المول يخلو من القطريين والخليجين مافي غير الهنود والفلبن والنيباليين!!

هاي اقتباس من الكلام الي قلتيه بالصفحه الاولى .. واضح ان المقصود بكلامج ان يمنعونهم من دخول المجمع ، وطبعا قلتي عوايل بس " ومثل ماقلت في اخر رد كتبته كلنا نعرف شالمقصود بهالكلمه ..

و تراني مب هندي ولا فلبيني يعني فالاخير مابيضرني شي بس بنفس الوقت احب احس اني انسان متحضر واحط نفسي مكانهم واتخيل الي يمرون فيه .. وبنفس الوقت اتمنى انج تنحطين بنفس مكانهم واشوف شلون بيكون شعورج

الحين خلينا نشوف المشكله من طرف ثاني لاني اتفق معاج بان فيه مشكله " وهي الزحمه " الزحمه فقط

يعني اذا بتحطين حلول المفروض تقترحين مثلا يبنون مجمعات ثانيه " للكل طبعا " وبهالطريقه بتخف الزحمه اما مجمع واحد بس فالخور اكيد بيكون فيه زحمه اما انج تبدين تقولين بو فلبن وهنود ومانبيهم هذي يسمونها عنصريه يا بابا وانا متاكد انج ماتبين تحسين بنفس الشعور وانتي مسافره برا سياحه او دراسه

فلا تحطين المشكله على راس هالمساكين الي يشتغلون ظ¢ظ¤ ساعه تحت الشمس وراتبهم مايوصل ظ،ظ¥ظ*ظ* وبعد تبين تزيدين معاناتهم وتسوين عليهم حضر تجول !

[قطرية مثقفة]

الله يعينكم @@ مصيبة والله

[khalid525]

بصراحة مول الخور اساء اختيار نوع الهايبرماركت ، لو كان جايبين كارفور مثلا ما حصلنا تجمعات العمال بهالطريقة وبهالزحمه

[دايموند]

فاهم وساكت
لا تقعد تلف ودور وتفسر ع كيفك كلامي ابد مو متناقض
ذكرت انا في موضوعي ان الموجودين هم هنود وفلبن والاسيويين بشكل عام وذكرت حتى انهم عزابيه

لا تقعد تتفلسف علينا

قلت لك نبي يوم يخصصونه للعوائل بغض النظر عن الجنسيات سواء. قطري خليجي عربي اسيوي
اهم شي عائلات مب تجمعات عزابيه يمشون ويقعدون يخززون بالعالم!!

[.. الكاش ..]

المشكله في عدم توفر البديل لهم جميع الي يعملون في المصانع لا يوجد لديهم حل اخر يجب على الدوله عمل مولات اكثر ومركز تسوق هل يعوقل مدينة الشمال والخور يةجد فيها مول واحد فقط

[R 7 A L]

ماجات بس على مجمع الخور

حتى سفاري واللولو والسعودية هايبرماركت واكثرهم مايطلع الا ومع ( تفاحة )
حتى المقاهي الشعبية ( الشيشة ) الخميس والجمعه ماتندخل زحمة كلها عمال

[دايموند]

اخوي رحال

الاماكن تلي ذكرته محلات تموينيه

لكن مول الخور حاله حال المول و اللاند مارك

تخيل ان هالمولين مافيه ولا قطري او عوائل
كلها. عمال اسويين عزاب

تخيل المنظر بس

وعددهم بحدود ال 1000 عامل
وزحمه لدرجه ان نصهم ينطر بره المول !!!

ما تقدر تحط ريليك من كثره الزحمه

تخيل شكل الاند مارك جذي شنو شعورك؟

اتمنى اداره مول الخور التدخل السريع وجعل الويكند للعوائل وبقيه الايام كيفهم

[العنيده]

تخصيص اوقات للكل ( عام و يومين للعائلات ) , امن عند البوابات للحد من دخول اي شخص في وقت العائلات مب مجرد واقفين بدون اي ردة فعل
واتوقع لو يسوون الميره في الخور شوي بعيد ممكن هالمجمع يفضى شوي ..
المشكله ان الخور وايد فيها سكن عمال طبيعي بنلاقي زحمه يعني لما نحطهم هناك من حقهم يتشرون ويتمشون اذا كان
المكان الوحيد ,,

ولو اني مازرته ابد :secret:

[al3ned]

اعتقد والله اعلم في وقت تروحونه غير الويكند بيكون فاضي لا تقول والله ويكند نبي نستانس تراكم ما تشتغلون 12 ساعة في اليوم وفي الشمس
فارحموا خلق الله ما عندهم الا الويكند ومتغربين من عيالهم اما تخصيص يوم في الاسبوع يكون عائلات انا معاهم ولكن ما يكون ويكند

[R 7 A L]

اخوي رحال

الاماكن تلي ذكرته محلات تموينيه

لكن مول الخور حاله حال المول و اللاند مارك

تخيل ان هالمولين مافيه ولا قطري او عوائل
كلها. عمال اسويين عزاب

تخيل المنظر بس

وعددهم بحدود ال 1000 عامل
وزحمه لدرجه ان نصهم ينطر بره المول !!!

ما تقدر تحط ريليك من كثره الزحمه

تخيل شكل الاند مارك جذي شنو شعورك؟

اتمنى اداره مول الخور التدخل السريع وجعل الويكند للعوائل وبقيه الايام كيفهم




انا معك
وادري بس اعتقد صعبة على ( تاجر ) يضيع نص ريال
هذا تفكير التجار دائماً

ماتشوفيني في ردي الاول قلت لاتروحون لها



الوضع مزري ومعاناه
ولا عندنا الا الويكند نروح نشتري
والويكند غزو من ( العمال ) لهذة الاماكن

سفاري القريب من دوار الصناعية صار استحلال مستحيل تحصلين عوايل فية من كثر الزحمة متسدحين على الرصيف

[دايموند]

اعتقد والله اعلم في وقت تروحونه غير الويكند بيكون فاضي لا تقول والله ويكند نبي نستانس تراكم ما تشتغلون 12 ساعة في اليوم وفي الشمس
فارحموا خلق الله ما عندهم الا الويكند ومتغربين من عيالهم اما تخصيص يوم في الاسبوع يكون عائلات انا معاهم ولكن ما يكون ويكند
تخصيص يوم واحد عالاقل في الويكند ماراح يضرهم اذا مشاعرهم وايد هامتك!!

خل السبت لهم
ليش السبت خل طول الاسبوع لهم ويخلون الخميس والجمعه للعوائل
والسبت اجازه خل ياخذونها لهم بالعافيه عليهم

ماوصيهم عاد. هله هله خل يقعدون بستار بكس بس جذي مب لازم يطلبون
اهم شي القز

[دايموند]

http://www.youtube.com/watch?v=Aapws18q6Cg

بالضبط كان جذي

[ودي أكون]

بااال الصورة مأساه بصراحه ههه

الله المستعان

[دايموند]

شوفي الرابط الصوره ولا شي والله بالي شفته
نفس الفيديو بالضبط

[JN000N]

سوري دايموند .. استغربت قريت العنوان اول مرة :

نور الحور ولا سوق خميس وجمعة هههههههههه

المهم .. صراحة الوضع مخييييف .. انا من زمااان ما رحت الخور ..

ولما زرتها من كم شهر تفاجأت بعدد الاجانب والعمال فيها ..

تغيرت علي وااااايد .. صاروا سكانها اقلية للاسف :(

نتمنى نشوف حل .. لان الوضع مو شكلي بس ..

انما متصل بامور كثيرة امنية وحتى ثقافية ..

الله يعينهم صراحة

لالا سكان الخور مب اقليه بس ك تصحيح
ومب وايد الي طلعو من الخور بالعكس
لكن قولي مثلا منطقه الخور فيها الف شخص دشو عليهم ثلاث الاف هندي واسيوي! طبيعي بيختفون هل الخور خخخ
ف الويكند لحد يروح ماتنبط حتى الشوارع جنه ناثرين الاسيويين فيهم
وصج هل الخور استانسو ب المجمع بس مايروحون له وايد ف الويكند
ماقول هل الخور مش متضايقين بالعكس ودهم يفتكون من هالسالفه باسرع وقت لكن شيسوون وعليه