محل فحص سيارات

[Abdulla O]

السلام عليكم ورحمة الله


عندي محل ب ابتدي فيه ان شالله الاحد استلم المحل وأبدى في تركيب الرافعات والاغراض الي داخله

المحل في طريق سلوى طبعا قبل معرض المشترك (( مكانه تقدرون تقولون حلو لان قبلي معارض وانا اقرب محل لهم من المحلات الثانية

وانا احتاج أفكار ممكن تفيدني زيادة مثل كيف احسن علاقتي مع اصحاب المعارض او المندوبين الي عندهم
او احد عنده خبر او طريقة ممكن تفيدني سوانا بالشغل أو الإعلان عن محلي الجديد
او حتى لو احد عنده او يعرف عمال فنين خبرة ب الصبغ مش عرب لأن رواتبهم مرتفعه شوي ( عندي عمال لكن يمكن اغيرهم)


وهل تشوفون ان المشروع ناجح (( طبعا انتم تشوفون الزحمة الي بالمحلات الثانية بغض النظر عن جودة شغلهم
علما ان صار لي اكثر من سنة اتابع وادرس الموضوع ورأس مال اكثر من نص مليون

[فيصل الفيصل]

نصيحة تخصص في مجال او خل ينعرف عن محلك خبرة مثلا في الجيات
والله يوفقك

[بودحوم]

أنا ماعندي خبرة في هذا المجال . ولكني باكلمك بنظرة زبون

مثل هالنشاط نجاحة يعتمد على عدة عوامل أساسية

1- الموقع . وانت توفقت ولله الحمد بموقع مثالي لنشاطك .
2- الأجهزة الحديثة للفحص لكل جزء من السيارة ( صبغ - الميكانيكية _ الكهرباء ) .
3- العماله الماهره ( المتخصصة ) كلً في مجالة .
4- الصدق في التعامل مع الزبائن لكسب ثقتهم . وهم من سيعملون لك دعاية مجانية .
بالإضافة إلى التنظيم داخل المحل لفحص السيارة والتنسيق بينهم كلً حسب اختصاصة .

ويفضل أنك تزور أصحاب المعارض اللي جنبك وتسألهم عن المشاكل اللي يواجهونها في عملية فحص السيارات
لتتجنب أخطأ غيرك و في نفس الوقت تعرفهم على نشاطك .

في رأيي أن المشروع ناجح بإذن الله
وتمنيات لك بالتوفيق إن شاء الله

[شموخ دائم]

,

,


مرحبا

الله يوفقك يارب ومبروك عليك المحل

اول شي تحتاج تعمل لمحلك ( زبائن ) واسرع طريقه لتجميع الزبائن
هو ( المنافسه ) في السعر
تحتاج تعرف اسعار كل المحلات المنافسه بالمنطقه
وتعطي سعر ارخص منهم ( مناسبه الافتتاح )

ولكن عليك الحذر ان هذه الطريقه مع انها ممتازه جدا جدا لجذب الزبون
الا انها خطره اذا الزبون ما ارتاح من ( الخدمه ) وقرر انها تكون اخر زياره
لذلك قبل الافتتاح وقبل تخفيض السعر
لازم المكان يكون جاهز وفيه يد عماله ماهره وجاهزه للعمل واستقبال الزبون
لا تبتدي وانت ( ضعيف ) راح تظلم المكان
ابتدي وانت جاهز حتى لو تاخرت شوي مافي مشكله
المهم تكون بدايتك صحيحه

اذا تبي تكون بروفشنال بالتسويق وتتبع الطريقه الامريكيه
تعمل مقابلات مع اصحاب المعارض الي جنبك

1- تعطيهم خصم خاص على كل سياره تجي من معرضهم وكل 5 سيارات تعمل لهم 1 مجانا
2- تعطي الموظف الي يتعامل معاك من المعرض او مديرهم خصم خاص 50% على سياراته الخاصه
3- تدفع عموله لكل وسيط يجيب لك سيارات ( مبلغ معين )
4- دعايه مستمره في الشرق بشكل اسبوعي لمده سنه كامله
5- ترسل رسائل نصيه لكل زبون يجيك وتعمل لنفسك قاعده بيانات تهنئه بالاعياد وعمل عروض وتذكير بمحلك وبالخصومات
6- توزع برشور في كل المعارض وبكل صندوق بريد العام
7- نشره مستمره توزعها عن طريق ( الايميل ) بالتنسيق مع اوريدو

بهذه الطريقه يكون الناس حفظت اسم محلك ولو فكر يعمل فحص اول اسم يجي بذاكرته هو محلك
الفكره انك توصل للناس ومن ثم الناس توصل لك اذا احتاجت هذه الخدمه

,

,


اخوك

سموخ دائم

[Abdulla O]

شكرا لكم

[saj32ss]

يعطيكم العافيه اخواني

[علي قطر]

الله يوفقك

[قطري35]

بالتوفيق

[مستثمر 999]

المشروع ناجح بأذن الله بس اهم شي ابتعد عن الرشاوي والعلاقات عشان الله يبارك لك

بس تقدر تمسك الهنود الي يطلعون للفحص وتعطيهم مثلا 20 او 30 ريال لكل سياره مثل ما يسوون المحلات الثانيه

وتحاسبهم على نهاية الدوام

بس احسب حسابك ان الشغل يمكن سنه او سنتين لان للأسف

سيتم نقل معارض السيارات الى روضة راشد او منطقه قريبه منها نفس طريقة العوير المساحه كبيره جدا لمعارض السيارات والفحص والمرور والتأمين وفندق 3 نجوم الخ الخ

والله يوفقك

[m7mad_qtr]

بتوفيق

[bu3abed]

بالتوفيق ان شاء الله