ايفون 6 بلاس ولا النوت 4

[قلب الحدث]

السلام عليكم

التلفونين يعتبروا الاحدث حاليا ومتوقع نزولهم بالسوق خلال ايام بصراحة انا مستخدم ايفون حاليا بس للاسف مواصفات الايفون الجديد ماعجبتني وايد مقارنة مع النوت 4 الجديد رجاء ارائكم في النوت بكل حيادية للناس الي جربوا النسخ السابقة من النوت وميزاته وعيوبه مقارن. مع الايفون هل الواحد يحول للاندرويد وياخد النوت ولا يتم على الايفون؟؟

[airbus]

ايفون وانت مغمض حط شي في بالك لما يقولك هدا جهاز ذكي بي برامجه مب بي بروسييور ماتستخدم ربع قوته

[بوحمد1]

انا من ظ¥ سنين او اقل مع ابل بس لما جربت النوت ظ£ عرفت اني ضيعت عمري مع الايفون
وجهة نظر

[سعد محمد]

النوت 4 وانت مغمض .. راح تستفيد من امكانياته الهاردويريه القويه اولاً من سرعة التصفح وفتح التطبيقات وقلة التهنيق والتعليق ومعاه قلم ذكي لااستعماله وثانيا قوة المعالج وسرعته وحجم الرام المقدر ب3 جيجا لتشغيل اقوى الالعاب ودقة شاشته 2k الاعلى من الفل اتش دي ..يعني متعه بمشاهدة مقاطع الفيديو والافلام وكاميرا متميزه مزوده بعدسه من شركة سوني المنافسه لااقوى شركات الكاميرا مثل كانون ونيكون بدقة 16 ميجا بيكسل بصراحه مواصفات النوت تعطيك سنتين قدام للاستخدام وعدم الحاجه لتغييره .. بس اقولك شغله الايفون 6 وخصوصاً البلاس قد يستحق الشراء ولكن كاافضليه بينه وبين النوت 4 اكيد النوت 4 .. انت تبي جوال اسم وكشخه خذ الايفون ومواصفاته جيده خذه وان بغيت جوال مواصفاته قويه ورائعه عليك بسام نوت 4

[khaldoon]

النوت و السامسونج يهنج و يعلق و هالشي معروف فيه .... مين علق معاه ايفون قديم او جديد ... انا عن نفسي حتى الايفون القديم اكثر من رائع و حاليا معاي اس 5 ولا اروع بس عيب الايفون انه شاشته صغيره

[mE mYself & i]

أنا أرشح النوت 4 مع أني من مستخدمين الأيفون

الـ ios نظام عقيم لكن أكثر أستقرارا من الأندرويد

[فلوس]

اذا كنت تستخدم التلفون بس اتصالات وشات فالايفون هو الافضل اما اذا كنت تستخدم اوفيس او بريد الكتروني او اي شيء يخص الاعمال فالنوت هو الافضل لك

[Purple]

ا يفون بدون كلام لا تاخذ شركه يقلدون ابل يعني مافي مقارنه بدون كلام والمفروض ماتفتح الموضع اصلا لنه بدون كلام الايفون احسن بمليون الف مره وجهة نظر :nice:

[قلب الحدث]

اشكر الجميع على التفاعل الايجابي وارئكم انا استخدامي متعدد للتلفون واكثر شي انترنت واوفيس بحكم. عملي واحتاج شاشة كبيرة وجوال قوي وسريع واهم شي البطارية تكون جيدة الي خلاني متردد عن الايفون ان لاجديد يذكر من قبل ابل الا ان الجهاز شاشته اكبر توقعت يكون في تحسين خصوصا الكميرا وميزات اخرى بنظام التشغيل بس للاسف لا جديد

[BuFaisal]

ايفون وانت مغمض حط شي في بالك لما يقولك هدا جهاز ذكي بي برامجه مب بي بروسييور ماتستخدم ربع قوته

حي الله اير بص ..

السامسونج له ناسه والايفون له ناسه
عن نفسي انا جربت النوت 2 لما نزل وما ضبط معاي
بعته واشتريت الايفون 5
لكن هذا لا يعني ان الكل بيشاركني نفس التجربة

انا عندي اخوي اشترى الايفون وباعه واشترى النوت 2 او 3 (ماني متاكد) وهو مرتاح معاه من فترة فوق سنة
هل انصحه بشراء الايفون 6 ؟
لا طبعا لاني اعرف انه احتمال ما يعجبه وخصوصا مواضيع احتكار البرامج وغيره

بالتوفيق

[Rashid554]

انا مو متعصب للايفون ولا لسامسونج ولكن الحق يقال

الايفون استخدمه للاتصالات فقط اما النوت فهو عملي وعموم اجهزة الاندرويد عملية وتنفعك في عملك وخصوصا النوت3
لكن نوت4 مافيه فرق عن نوت3 وبينزل سعره بقطر على 2999

[رجل الجزيرة]

ولد أختي - الله يحفظه - يدرس في جامعة بالسعودية وشاري جوال سامسونق له 4 إس ومنزل برنامج علشانه ينزله البرامج المجانية ومن ضمن البرامج الخرائط المحدثة أولا بأول فإذا بغي أي محل في منطقة في مناطق السعودية يحط إسم المحل ويحدد إسم المدينة وعلى يطلع له المسار لين يوصل له.

[Bu3ly]

تشعر بالحيرة قبل شراء الآي-فون؟ (http://iphoneislam.com/2014/09/feel-confused-before-buying-iphone/39202)

مقال جداً رائع وبينفعكم بإذن الله ..

[.:: القيصر ::.]

السلام عليكم

انا كمستخدم للأيفون راح اخذ ايفون 6+ ان شاء الله

جربت الاندرويد مرة و ما طول معاي اكثر شيء أسبوع

تسالني و بتقول الهارد وير في السامسونج قوي (( بقول لك طبعاً، بس لو جينا فكرنا فيها من ناحية عملية هل انا محتاج رام 3 جيجا و اكثر - هل انا محتاج معالج رباعي النواه او ثماني النواه ؟ - هل انا محتاج 16 او 20 ميجا بيكسل في كيمرة الجوال ؟ ))

على حسب اللي انت تشوفه (( انا من ناحيتي محتاج شاشة كبيرة والحمدلله الــ 6 بلاس هذا وقته + محتاج برنامج ايميلات ذكي لأن استخدمه كثير و من المعروف برنامج البريد الالكتروني لأبل ذكي و سهل بالنسبة لي + برامج محادثة وات ساب بي بي و غيره مب محتاج هارد وير خارق نصه ما تدري أصلا اذا يشتغل ولا بس مجرد رقم و اكثر من النص standby + افضل امسك جهاز كوالتي شكله حلو و الفنش فيه ممتاز + افضل امسك جهاز نظامه ثابت و سكيور اكثر و ما يحتاج انزل عليه برامج فايروسات !! ))

ناس كثير تنزل برامج كسر الحماية للاندرويد بحكم البرامج اللي ببلاش و اخر شيء بعد فترة تلفوناتها تعلق و تصير ثقيلة و كله متروس من ملفات ما يدري شنهي في الأساس بعد ما كسر الحماية نفس الايفون (( جل بريك )) و ما منه فايدة.

انا اشوف البرامج اللي بالفعل محتاج لها و اشتريها و اشتري راحتي

القرار في الأول و الأخير لك


انا أقول الايفون
وبالتوفيق للجميع

[قلب الحدث]

شكرا لردودكم جميعا
اخوي القيصر ردك مقنع الصراحة انا مثل ما قلت مستخدم للايفون ومرتاح معاه بس الي خلاني اتردد ان الهاردوير والكميرا مش بالمستوى المأمول من ابل وقلت في نفسي ان الاندرويد يستحق التجربة قسم من الاصدقاء نصحوني بجوال htc للاندرويد على العموم بنطر هل كم يوم لين ما تنزل التلفونات وقتها بيكون الاختيار اسهل

[وحيد-الشوق]

ناس وايد يقولون الايفون مايعلق بس جرب حط 3000 صورة وشوف التعليق على اصولة جوالي ال5s كله يسكر ومانت تطلع شاشة الموت الزرقاء وال5 بعد يعلق والمشكلة المعروفة وهي الكراش الي احيانا يطلع من البرامج

انا من عشاق الايفون ومن مستخدمين الاندرويد بالنسبة لي الايفون افضل في الاستخدام لكن اذا بنقارن بين النوت 4 والايفون اقول استريح يالايفون بلس في كل شيء يتفوق عليه النوت حتى من ناحية الحجم افضل منه

[قلب الحدث]

اليوم جربت جهاز زميل لي عنده النوت 3الصراحة الجهاز عجبني كأمكانيات حسيته لابتوب صغير سلس بالتعامل سريع وفي مل شي مشكلتي للحين ماعندي فكرة واضحة عن امكانيات الاندرويد كاملة عكس الايفون الي اعرفة من اول اصدار لين الاخير اخوي وحيد الشوق كلامك صحيح باخصوص الايفون لما يمتلي عندي جهاز اس 4 ولما يمتلي الجهاز. يتوفى ويصير بطيئ موت ويعلق مادري اذا هل مشاكل تصير مع الاندرويد على العموم بنطر نزول الجهازين واكيد باخد ايفون للاهل بالبيت بعدها ممكن اشوف السامسونج مرة ثانية اشكر تفاعلكم بالموضوع الي ان شاء الله يفيد الجميع وياريت الي عنده تجارب بعد يضيفها لتعم الفائدة على الجميع

[قطري سهم]

الصراحة السامسونج جربت جميع اجهزتة كل مانزل جديد شريتة خاطري يتم معاي عالاقل اسبوع مايقعد الا بايعة والي ينرفزني فية كيبورده و عرض التلفون احسة يمغط اليد وانا ماسكة دفش من قلب بعمس الايفون ملموم باليد وسستمة بسيط اما السامسونج نطام الاندروير فية معقد ووحيد الشوق بخصوص الصور انا عندي يمكن فوق ال13 الف صورة لن انقلها كل ماشتري جوال جديد ومايعلق مع العلم الذاكرة 64 الي عندي انا السامسونج مايصلح الا غسالة ولا تلفزيون اما جوالاتهم ماهب صلاح وياي كلش ماعجبتني ولاحبيت استخدامها كل ماقلت الجديد احسن يطلع اخس من الي قبله

[alq6ry]

اخوي عندك الجهازين ممتازين لكن كل واحد له مواصفاته

الايفون جودة التصنيع والسرعه والسلاسه وانه يعيش معاك وسعره ثابت اذا بتبيعه مستعمل .

والنوت 4 جهاز اكيد قوي لكن ! بتقول الكيمره 16 ميقابكسل ؟

انا عندي جلكسي اس5 كيمرته 16 ميقابكسل وعندي ايفون 5s كيمرته 8 ميقابكسل وتصوير الايفون احسن بدون مقارنه بالنسبه لي فالظلام او حتى بشكل عام .

تقبل مروري

[العيسائي]

ياليت احد يفيدنا نوت3 لاستخدمه نت توصحون فيه وشكرا

[السرمد]

انا كرهت الابل بشكل عام بسبه الاحتكار..
استعملت الايفون فتره وعقب غيرت عالنوت 2 وعقبها شريت 3 والحين انطر الedge والحمدلله تلاحظ فروقات بين كل جيل وجيل
وكل المشاكل اللي يقولون عنها الاخوان انا ماشفتها فالسامسونغ لان الموضوع يعتمد على الاستعمال
عالعموم شوف النوت edge واحكم :victory:
http://static.trustedreviews.com/94/00002ddc3/b312/Samsung-Galaxy-Edge-8.jpg

[alq6ry]

ياليت احد يفيدنا نوت3 لاستخدمه نت توصحون فيه وشكرا

السلام عليك اخوي ..

النوت 3 الصراحه جهاز جميل جدا وسريع ومواصفاته حلوه

رام 3 قيقا ومعالج سنابدراقون 2.3 وشاشه fhd وحجم شاشه مناسب لجهاز باسم النوت 3 والبطاريه والله ممتازه جدا انا جربت النوت 3 وانصحك فيه اذا تعرف لنظام الاندرويد وهو جهاز شبه متكامل وشكله حلوه ومع القلم الضوئي اذا تستخدم القلم وسعره لما الحين ماسك من 1950 تقريبا الى 2300 ريال وسعره اغلى من الجلكسي اس5 للعلم ! انصحك فيه

[_yousuf_]

اذا كنت تستخدم التلفون بس اتصالات وشات فالايفون هو الافضل اما اذا كنت تستخدم اوفيس او بريد الكتروني او اي شيء يخص الاعمال فالنوت هو الافضل لك

صحيح كلامك ..

[المحاميه]

انا ولا مره يازلي الايفون ولا جربته ولا مقتنعه فيه ولا ابي اجربه

لان شركة ابل بكبرها معقده وانا وياها اعداء

اما السامسونج استخدامه سلس وسهل وبرامجه عمليه

الايفون معقد ويعلق

وشلنا بالتعقيد والسهل موجود

بس للامانه التابلت بعد عندي يعلق هههه لكن استخدامه سهل

[businessss]

انا من مستخدمين الايفون ما قد استخدمت الايفون في شي غير الاتصال وبرامج الشات

بس بديت اقتنع ان السامسونق وخاصه النوت افضل بكثير من الايفون

اتمنا من الي يدورون الايفون يشوفون المواصفات بين الجهازين

[زعبلا]

انا ولا مره يازلي الايفون ولا جربته ولا مقتنعه فيه ولا ابي اجربه

لان شركة ابل بكبرها معقده وانا وياها اعداء

اما السامسونج استخدامه سلس وسهل وبرامجه عمليه

الايفون معقد ويعلق

وشلنا بالتعقيد والسهل موجود

بس للامانه التابلت بعد عندي يعلق هههه لكن استخدامه سهل

عاد قولي أي شي إلاّ التعليق لأنه الآيفون أحلى مافيه انه ما يعلّق خاصة انك ما جربتيه .

والسامسونج أكثر جوال بالعالم يعلّق وكأنه من ضمن خواصه التعليق .

وبالنهاية الناس أذواق .

[BuFaisal]

انا من مستخدمين الايفون ما قد استخدمت الايفون في شي غير الاتصال وبرامج الشات

بس بديت اقتنع ان السامسونق وخاصه النوت افضل بكثير من الايفون

اتمنا من الي يدورون الايفون يشوفون المواصفات بين الجهازين

الايفون رائع ايضا للايميلات وبرامج الربط مع بيئة العمل

جربت النوت 2 وما طول معاي .. بعته ورجعت للايفون

ما يهم المواصفات الي معظمها ما نستعملها لقوتها الكبيرة
اهم شيء انك ترتاح وانت تستعمل الجهاز
هذا المهم وليس مواصفات وارقام