بدأت المدارس و عادت قصة هروب السواقين!!!فما الحل ؟؟؟

[طير حوران]

السلام عليكم ورحمة الله وبركاته

مع بداية السنه الدراسيه من كل عام تبدأ مشكله متكرره وهى هروب السائقين فهل عجزوا المعنيين عن ايجاد الحل المناسب لها

جارنا لديه سائق ياخذ راتب 1500 ريال وهو عند كفيله وفجأة اختفى قبل اسبوع بعد أن عاد من الاجازه ب10 أيام وجدد له الكفيل الاقامه وأعطاه مبلغ يعينه على شراء مايحتاجه من لوازم وملابس استعدادا للعمل بعد الاجازه

يقول في احد الايام أتاني مكفولي وطلب مني غير اللي دفعته له مقدم راتب شهر ليرسله الى أهله كما يقول أنه تركهم وهم في حاجه لتوفير بعض الامور فما كان مني بعد صلاة العشاء في ذلك اليوم الا ان أعطيته راتب الشهر كما طلب


في اليوم التالي يقول نكلمه مايرد على الجوال فذهبت لغرفته فلم أجد أغراضه ولا التلفزيون ولا الدش ولم يتبقى سوى فرشة الغرفه

فعدت للأتصال به ولم يرد ثم قفل الجوال نهائيا

يقول اخذت اتكلم مع بعض الاخوه والاصدقاء والجيران ابي فزعتهم اللي حوله سائق زياده او يخبر احد من هالسواويق مرخصه كفيله للعمل بالاعاره واذا بي اتفاجأ بأن منهم من يشتكي مثلي هروب سائقه في هذه الايام


هنا نقف ونسأل المسؤولين في وزارة الداخليه الموقره

هل بالفعل عدم حل هذه المعاناه يعني عجزكم عن ذلك ؟؟!!

أم هل اصبح أمر هروب العامل قانوني ولايعاقب عليه القانون ونحن لانعلم ؟؟!!


المواطن يسلك الطرق القانونيه للحصول على التأشيره ومن ثم ينجز الاقامه ومن ثم يمكن المكفول من الحصول على الرخصه ثم يوفر له السكن ومتطلباته الحقه على أكمل وجه !!!

فما هو المطلوب أكثر من ذلك كي يضمن القانون حماية حقوقه ؟؟

ان كان لايزال هناك في القانون اسباب لم تعلن فالمواطن ليس مسؤول عن تقصيره عن مالايعلم !!!

لم يعد لنا سوى الرجاء من الله سبحانه وتعالى أما أن يعودوا هؤلاء العمال الى رشدهم او ان يعود المعنيين الى تطبيق روح القانون بكامله وعلى الكفيل والمكفول وليس على طرف دون الاخر


والله المستعان

[حسن]

الباصات هو الحل ياطير حوران

قلت لكم ولازلت اقولكم

عيو قومي يسمعون

الحل البااااااااااااااااااااااص



:victory:

[ودي أكون]

واذا شرد سواق الباص يا حسن :tease:


اعجبني صياغة الموضوع اخي طيرحوران فأحببت أن أحييك ع طريقة الكتابه فالطرح .. بارك الله فيك

[العساس]

يوجد حل قد يساعد في عدم الحاجة للسائق ويخفف من الازدحام.

ان يجعلوا الدوام المدرسي الساعة 7.30 صباحا.
وان يجعلوا دوام الموظفين الساعة 8.30 صباحا.

والعودة .

ينتهي دوام الموظف الساعة1 ظهرا.

[kka]

الحل هو تعديل اوقات الدوام المدرسي والحكومي

[ضوى]

يالله ، حسبي الله عليهم لاباركتن فيهم ولا في ساعتهم ، ياخوي مدري شنهاية هالقصص الاليمة ، طيب هذا شرد اكيد بيروح مكان يعطيه اكثر ، طيب هالمكان اشلون يتستر على هارب ؟؟ هنا قانونا لازم يتدخل ، بس وين اذا المرؤة راحت وكلا يدور على مصلحته ، نفسي نفسي ، والله مرة جاني واحد شارد ، يبي يشتغل عندي ، قلت لابو العيال يجيب لي ورقة من كفيله اعارة يعني يوم قلنا له ماشفنا الا غبرته وتحسفت اني ماطلبت جوازه وبلغت عليه

اقول للي يشغل هارب عنده اتق الله بكرة بتتحاسب عند رب العالمين بقدر ما تحسبوا عليك اللي شرد من عندهم

[رجل الجزيرة]

يالله ، حسبي الله عليهم لاباركتن فيهم ولا في ساعتهم ، ياخوي مدري شنهاية هالقصص الاليمة ، طيب هذا شرد اكيد بيروح مكان يعطيه اكثر ، طيب هالمكان اشلون يتستر على هارب ؟؟ هنا قانونا لازم يتدخل ، بس وين اذا المرؤة راحت وكلا يدور على مصلحته ، نفسي نفسي ، والله مرة جاني واحد شارد ، يبي يشتغل عندي ، قلت لابو العيال يجيب لي ورقة من كفيله اعارة يعني يوم قلنا له ماشفنا الا غبرته وتحسفت اني ماطلبت جوازه وبلغت عليه

اقول للي يشغل هارب عنده اتق الله بكرة بتتحاسب عند رب العالمين بقدر ما تحسبوا عليك اللي شرد من عندهم

المفروض يا ضوى:

تمسكونه وتطلبون من البطاقة الشخصية ومن تعرفون من شكل وجه إذا هو حرامي ولا لا؟
والشيء الثاني: المفروض إن الكفيل الجديد أي كانت جنسيته يسجن سجن إداري إسبوع ويعلن عنه في الجرايد الرسمية للإعتبار.

[Aaziz]

القانون غير رادع ولا توجد جديه لملاحقه الهاربين او ملاحقه من يقوم بتشغيلهم سواءشركات او بشكل شخصي .. هذا هو السبب

[عنيــــد]

مافي عقوبه قويه تردع اللي ياخذ سواق مب غلى كفالته ..

و للاسف اول من بدأ هالنهج هم الحكومة نفسها من خلال شركة كروة ..

و اول سواق شرد من عندنا و بلغنا عنه لقيناه يشتغل في كروه و يقول اعلى ما في خيلكم اركبوه ..!!

[غير البشر]

اخوي طير حوران امورهم طيبه
لو هرب محد يقدر يكلمه
ومافي لهم رادع يردعهم
ولو انصاد الكفيل يدفع تذكرته بعد
ولو في مخالفات تروح للداخليه ماتروح للشخص

الدريوليه والخدامات يدرون ان مافي شي يمنعهم من الهروب
كلشي في صالحهم

والفلوس الي دقعها الكفيل حق الاستقدام راحت بلوشي

يعني الكفيل ماله شي عند الدريول للأسف

[ضوى]

مافي قانون واحنا بلد القانون ؟؟ ياترا طويل العمر بو ناصر يعرف انه الكل بقطر من المواطنين يجزمون انه مافي قانون يمشي البلاد من ناحية الدريوليه والشغالات ؟!! ماظن ، لازم يوصل له هالموضوع واكيد هو معانا بالمنتدى وانت متأكدة من هالشي ومثل ماتعودنا منه قرارته تجي بالوقت المناسب وتقلب الدنيا فوق تحت من صرامتها ، والمفروض على كل كفيل يشرد له دريول والا شغاله وعقب يطلبون منه يسفره على حسابه يرفض ويطلب مقابله وزير الداخليه ويرفع قضيه على اللي تستر عليه وشغله والقانون ياخذ حقه سواء مقيم والا مواطن خاص والا عام مافي استثناءات ابدا

[غير البشر]

مافي قانون واحنا بلد القانون ؟؟ ياترا طويل العمر بو ناصر يعرف انه الكل بقطر من المواطنين يجزمون انه مافي قانون يمشي البلاد من ناحية الدريوليه والشغالات ؟!! ماظن ، لازم يوصل له هالموضوع واكيد هو معانا بالمنتدى وانت متأكدة من هالشي ومثل ماتعودنا منه قرارته تجي بالوقت المناسب وتقلب الدنيا فوق تحت من صرامتها ، والمفروض على كل كفيل يشرد له دريول والا شغاله وعقب يطلبون منه يسفره على حسابه يرفض ويطلب مقابله وزير الداخليه ويرفع قضيه على اللي تستر عليه وشغله والقانون ياخذ حقه سواء مقيم والا مواطن خاص والا عام مافي استثناءات ابدا



اختي ضوى عندنا في قطر سوق السوداء في قطر بخصوص العماله
في ناس شغالين يكلمون الدريوليه والخدامات ويغرونهم برواتب عاليه
ويرتبون معاهم على طريقه الشرده

من امن العقوبه اساء الادب
وهم اسائو الادب
ننتظر القانون الصارم في الي يسئ الادب

ولو اني اشك ينزل قانون مثل هذا

[ضوى]

قهر والله ياخوي غير البشر ، سوق سودا للبشر نخاسة يعني هذي فيها جريمتين التستر على هارب والتخبيب على الكفيل

[حسن]

اخوي طير حوران امورهم طيبه
لو هرب محد يقدر يكلمه
ومافي لهم رادع يردعهم
ولو انصاد الكفيل يدفع تذكرته بعد
ولو في مخالفات تروح للداخليه ماتروح للشخص

الدريوليه والخدامات يدرون ان مافي شي يمنعهم من الهروب
كلشي في صالحهم

والفلوس الي دقعها الكفيل حق الاستقدام راحت بلوشي

يعني الكفيل ماله شي عند الدريول للأسف



ياغير البشر في مثل قديم يقول لين شرد عبدك قول عتيق
هاهاهاها

في قانون واساسا هذه من الامور المعقده جدا وهناك ضغوطات دوليه والكل يقراها
بسبب العماله
وانا قلت ان هذولا صداع في راس الشعب والدول ياما وياما يتهمونه
بالكثير من الاتهامات

الحال يجب ان نغير مافي انفسنا وان نعتمد على انفسنا وخصوصا الحين البيوت
ماشاء الله الاب يسوق والام تسوق والابناء يسوقون
فااعتقد ماعاد لنا حجه عند الكثير يعني مهب القليل
يااخي بس شويه مسؤليه الواحد يقوم بها وصدقني بتشوف التغير
والصراحه انا مع ان الداخليه تغير من منح الفيز ووضع نظام صارم يحد من تلك العماله
مهب الكثير اصبح عددهم اكثر من الاسره في الكثير من الناس
فاحنا ندور دائما عن حل ونبيه على كيفنا مايسير
ونبي الدوله تتحمل حتى جيبهم وتسفيرهم مايسير
الثقافه يجب تنبع من المجتمع وخصوصا الحين بعد ماشافو اوربا وكيف الناس عايشه
وبدون خدم
نحن شعوب مسرفه وتدفع بدون ماتفكر ولكن والله لولا الرواتب العاليه الحمدلله
كان كانت حسبتنا غير غير
وبعدين من يقول مافي عقوبه على العمل لدي الغير
الا في ومخالفاتها عاليه ولكن الرواتب عاليه الناس تدفع ولا تفتكر
هذه حقيقه يجب ان نعترف بها بدون مكابر
ومن يقول ان الدخليه تجبرك على دفع تذكرته اللي اعرفه بعد الشهر انت مش ملزوم بتذكرته
وبعدين هو من يدفع تذكرته
هل تبي الداخليه تحط في كل بيت في كل شركه في كل محل شرطي
مخالفين الاقامات هذه في كل دول العالم وحتى اوربا والهجره الجماعيه
فايعني المشاكل في كل مكان ولكن تتخالف درجاتها

قالت الحكومه عن القانون الجيديد قومتو الدنيا وقعدتوها
مادري تبون نظام عبيد
:(

انتهي هذا الوطر خلاص


فيجب الكلام ان يكون في محله وان نتحري الدقه والصدق
وان نتعاون مع الجميع والامن
يعني الشارد والهارب ضامه غيرك اما مواطن ولا مقيم


غيرو من طبايعكم اعتمدو على انفسكم ولو القليل سوف تنتهي الكثير من المشاكل
وحتى من ضمنها الطلاق

تصدق عاد

:omg:

[رجل الجزيرة]

ياغير البشر في مثل قديم يقول لين شرد عبدك قول عتيق
هاهاهاها

في قانون واساسا هذه من الامور المعقده جدا وهناك ضغوطات دوليه والكل يقراها
بسبب العماله
وانا قلت ان هذولا صداع في راس الشعب والدول ياما وياما يتهمونه
بالكثير من الاتهامات

الحال يجب ان نغير مافي انفسنا وان نعتمد على انفسنا وخصوصا الحين البيوت
ماشاء الله الاب يسوق والام تسوق والابناء يسوقون
فااعتقد ماعاد لنا حجه عند الكثير يعني مهب القليل
يااخي بس شويه مسؤليه الواحد يقوم بها وصدقني بتشوف التغير
والصراحه انا مع ان الداخليه تغير من منح الفيز ووضع نظام صارم يحد من تلك العماله
مهب الكثير اصبح عددهم اكثر من الاسره في الكثير من الناس
فاحنا ندور دائما عن حل ونبيه على كيفنا مايسير
ونبي الدوله تتحمل حتى جيبهم وتسفيرهم مايسير
الثقافه يجب تنبع من المجتمع وخصوصا الحين بعد ماشافو اوربا وكيف الناس عايشه
وبدون خدم
نحن شعوب مسرفه وتدفع بدون ماتفكر ولكن والله لولا الرواتب العاليه الحمدلله
كان كانت حسبتنا غير غير
وبعدين من يقول مافي عقوبه على العمل لدي الغير
الا في ومخالفاتها عاليه ولكن الرواتب عاليه الناس تدفع ولا تفتكر
هذه حقيقه يجب ان نعترف بها بدون مكابر
ومن يقول ان الدخليه تجبرك على دفع تذكرته اللي اعرفه بعد الشهر انت مش ملزوم بتذكرته
وبعدين هو من يدفع تذكرته هل تبي الداخليه تحط في كل بيت في كل شركه في كل محل شرطي
مخالفين الاقامات هذه في كل دول العالم وحتى اوربا والهجره الجماعيه
فايعني المشاكل في كل مكان ولكن تتخالف درجاتها

قالت الحكومه عن القانون الجيديد قومتو الدنيا وقعدتوها
مادري تبون نظام عبيد
:(

انتهي هذا الوطر خلاص


فيجب الكلام ان يكون في محله وان نتحري الدقه والصدق
وان نتعاون مع الجميع والامن
يعني الشارد والهارب ضامه غيرك اما مواطن ولا مقيم


غيرو من طبايعكم اعتمدو على انفسكم ولو القليل سوف تنتهي الكثير من المشاكل
وحتى من ضمنها الطلاق

تصدق عاد

:omg:

أبو علي:

أنت متأكد من إلي قلته فوق بالأحمر فإذا فيه قانون فجزاك الله خير علشان نحاجج الضباط إلى في الإبعاد.

[طبيب قطري]

بعض الدريوليه- ومااقول كلهم- بعضهم مهضوم حقهم ومظلومين مب من ناحيه الفلوس ولكن من ناحية المعاملة الادميه.. قعدت مره مع دريول كان جايبه واحد من الربع بالميلس وسمعت شكوته .. يقول من اول مابدت اجازه الصيف والمدام من مول لمول مع اليهال ومن بيت لبيت وانا انتظرهم بالساعات كأني جماد حالي حال السياره اللي راكبها .. حتى برمضان مارحموني مشاوير لنص الليل وسهرات وثاني يوم قومه من الصبح اوصل المدام الدوام ويكون يوم اسود اذا تأخرت عليها دقيقه واحده ..
بعد حديثي مع الدريول بأسبوع سمعت انه شرد!
تهقون هو غلطان :omg:

[sweet qatar]

نتمني يلقون لنا حل سريع
يحفظ حقوقنا

تعبنا نفسيا وماديا

[sweet qatar]

فيجب الكلام ان يكون في محله وان نتحري الدقه والصدق
وان نتعاون مع الجميع والامن
يعني الشارد والهارب ضامه غيرك اما مواطن ولا مقيم


غيرو من طبايعكم اعتمدو على انفسكم ولو القليل سوف تنتهي الكثير من المشاكل
وحتى من ضمنها الطلاق

تصدق عاد

:omg:

شلون نعتمد علي نفسنا .. واحنا الليسن عندنا ممنوع
ولا نقاش فيه !!

[الزعفراني]

أحيانا هروب السايق ( نعمه ) لا يستشعرها كفيل هذا السايق :)

[العنيده]

يوجد حل قد يساعد في عدم الحاجة للسائق ويخفف من الازدحام.

ان يجعلوا الدوام المدرسي الساعة 7.30 صباحا.
وان يجعلوا دوام الموظفين الساعة 8.30 صباحا.

والعودة .

ينتهي دوام الموظف الساعة1 ظهرا.

ياسلام واخيرا حل منطقي
اختلاف وقت الدوامات وصدقوني مابنحتاج وايد للسواقين
هم حاسين بحاجتنا ويعرفون في ناس بتدفع وايد مقابل السواق عشان احتياجاتهم فمستغلين هالوضع عشان
جذيه الشردات تكثر وقت الدوام
الله المستعان

[حسن]

أبو علي:

أنت متأكد من إلي قلته فوق بالأحمر فإذا فيه قانون فجزاك الله خير علشان نحاجج الضباط إلى في الإبعاد.

اي بالله متاكد
وانت قريب من الابعاد مر عليهم ولا اتصل لهم

وهم مايقصرون

[حسن]

شلون نعتمد علي نفسنا .. واحنا الليسن عندنا ممنوع
ولا نقاش فيه !!

انتي عندك ممنوع ولكن عندك من يسوق في البيت اب زوج اخ
نسبه السواقه الحين اصبحت ظروريه اللي كانت في يوم من الايام
من الكبائر

شفتوشلون تغيرت والتغير محد يصده

يعني الباص بيجي يوم من الايام بينركب مثل السابق
والخدم بيتلقغون مثل السابق
الللي كان مكانه عبيد الحين ال تغي نظامهم
التغير جاي جاي وسريع جدا مثلا البرق

[ودي أكون]

انتي عندك ممنوع ولكن عندك من يسوق في البيت اب زوج اخ
نسبه السواقه الحين اصبحت ظروريه اللي كانت في يوم من الايام
من الكبائر

شفتوشلون تغيرت والتغير محد يصده

يعني الباص بيجي يوم من الايام بينركب مثل السابق
والخدم بيتلقغون مثل السابق
الللي كان مكانه عبيد الحين ال تغي نظامهم
التغير جاي جاي وسريع جدا مثلا البرق
ليش اصبحت الان في نظرك ظروريه .. وكانت فالسابق من الكبائر ..!

اللي مضطر بيحط له خدامه ودريول .. او سائقه .. او الاب او الزوج او الاخ او الابن .. هو الاحق ان يقوم بواجبات هله ..
كانا مانسوق وعايشين الحمدلله احسن عيشه.. وتصير ان السايق بيسافر وتنحط جدام الامر الواقع.. لكن مافكرنا انسوق الممنوع ممنوع.. حتى اصبح راسخ فينا .. يعني حتى لو بالمزح تنقال خلاص سوقوا انقول والله ماسقنا نقعد ورا معززين مكرمين محشومين ريل على ريل احسن من لسواقه.. تعالي نزلي اهني وكلمي هذا وروحي هناك وخلصي هذا.!

دام الاب والاخ والزوج موجود هو المسؤول الاول عن الاهل .. يوصلهم يدبر لهم بديل اللي هو .. اما السواقه كانت ومازالت عند الاغلب .. خط احمر ولله الحمد :)

[hamadazoz]

المشكله مافي قانون في صالح الكفيل كله لصالح المكفول

[الحاقول]

قصة هروب السواقين والخادمات حلها بسيط
السجن للسائق والخادمه
بنفس مدة الهروب
السجن لكل من تستر عليهما بنفس مدة التستر

[musel999]

السائق ماهرب الا مرتب وضعه في وظيفه ثانيه المفروض يسون في نقاط التفتيش تشيك على موضع انه يشتغل لكفيلة ولا ضارب عليه وشارد

[مراد2015]

السائق ماهرب الا مرتب وضعه في وظيفه ثانيه المفروض يسون في نقاط التفتيش تشيك على موضع انه يشتغل لكفيلة ولا ضارب عليه وشارد


هذا الصحيح يسوون نقاط تفتيش واذا طلع هارب يسجنون المتستر عليه ويحجزون السياره

او الشخص اللى يهرب منه السواق يحول عياله دراسه مساء

او منازل