من سيء إلى أسوء ... شالسبب؟

[المحاميه]

السلام عليكم ورحمة الله وبركاته


انا اخبر اي حدث يسير يتطور ويتحسن عن السنه اللي قبله مب العكس

انجي حق اخوانا القائمين على المكان الترفيهي الواو المتواجد على أرض المعارض

بصراحه الوضع هناك سيء جدا جدا

لا العاب ولا ترفيه ولا سوق نفس العالم والناس

الفرق شاسع بين العاب العام والسنه مادري شالسبب

المفروض السنه يكون افضل من العام مب اخس!

لما رحت انصدمت قلت شدعوه من صجهم هذي اللي تعنوا عليه هالصيف ومعتبرينه ضمن المهرجان؟

والله عيب يعني الشي بدل لايتطور يتراجع؟

بس القوا نظره على مدينة مدهش وشوفوا الفعاليات اللي هناك شلون وتجذب الكبير والصغير والالعاب متوفره لكل الاعمار

مب اهني قاصين عالناس حاطين زوليه يتزحلقون عليها بلفيت ثلج

تراجع واضح
شغل يفشل

والعتب على قناة الريان اللي مسويتلهم دعايه وحاطينلهم استديو هناك على شنو ابي اعرف

ماشفت شي عدل ولاشي يجذب

واللي ماراح نصيحه لك لاتروح ولاتفكر بتضيع وقت عالفاضي


وشكرا
ملاحظه: اعرف ان انتقادي لاذع لكن انا اقول الصج واللي شفته بعيني بعيدا عن القيل والقال

[طلعة الروح]

احنا عندنا ملاهي ف الدوحه أصلا؟

[Charisma]

وعليكم السلام ورحمه الله وبركاته

لي قصه مع مايسمى مهرجان صيف قطر وبالتحديد في ارض المعارض .. قلت لليهال بوديكم مكان وبتستانسون ( على اساس انه مفاجئه وياليتني ماخليتها مفاجئه ) .. على كل حال البسوا واكشخوا وتصفيق في السياره وجو كرنفالي .. وصلنا اهناك وللحين الحماس موجود.. بس دخلنا المكان اعتفست ويوهم .. وانا اقول معليه قدام في العاب احلى .. لين ماوصلنا عند المطاعم وخذينا ( يو تيرن ) وطلعنا وكل واحد متحلطم .. المشكلة مب في التنظيم ؟ المشكلة اني خسرت ثقه العيال فيني ؟ من بيعوضني صرت اقولهم قوموا نطلع .. كل واحد فيهم مطنش ليش يالحبيب مايجوز ..:(

اتمنى ياخوان يالمسؤولين عن تنظيم المهرجانات .. اذا ماعندكم شي ابداع فالاحسن لاتسوون .. اذا المشاريع الانشائيه وتحويلات الطرق بتسبب لكم عرقله لطموحاتكم في التنظيم .. لاتسوون واحنا بنقدر هالشي.. لكن حملات ترويجيه واعلانات وجو اكشن وبالاخير جو سلطه مانبي ..

http://www.irhal.com/image/gallery/pictures/middle-east_296/qatar_327/doha_320/Aladdin_Kingdom_qatar.jpg

يازين علاء الدين .. اختربت من تعطلت سينما الخيال :weeping:

في انتظار تنظيم افضل .. ومهرجان يحمل المعنى ... وانشطه متنوعه اذا فكرتوا تسوون مهرجان الصيف الجاي

[عاهد بن علي]

ان شاء الله راح يتطورون باذن الله
في المستقبل القريب
عطوهم فرصه
ان شاء الله

[المحاميه]

للتوضيح

فيه العاب مؤقته في قاعة المعارض يعني بس تكون فالصيف عشان مهرجان الصيف

على نمط مدينة مدهش

عرفتوا قصدي

بعدين انا قلت العام كان غير
كان سعل واو
كان فيه العاب للكل
اما السنه لاتعليق كلش
انا رحت وتحسفت

[المحاميه]

وعليكم السلام ورحمه الله وبركاته

لي قصه مع مايسمى مهرجان صيف قطر وبالتحديد في ارض المعارض .. قلت لليهال بوديكم مكان وبتستانسون ( على اساس انه مفاجئه وياليتني ماخليتها مفاجئه ) .. على كل حال البسوا واكشخوا وتصفيق في السياره وجو كرنفالي .. وصلنا اهناك وللحين الحماس موجود.. بس دخلنا المكان اعتفست ويوهم .. وانا اقول معليه قدام في العاب احلى .. لين ماوصلنا عند المطاعم وخذينا ( يو تيرن ) وطلعنا وكل واحد متحلطم .. المشكلة مب في التنظيم ؟ المشكلة اني خسرت ثقه العيال فيني ؟ من بيعوضني صرت اقولهم قوموا نطلع .. كل واحد فيهم مطنش ليش يالحبيب مايجوز ..:(

اتمنى ياخوان يالمسؤولين عن تنظيم المهرجانات .. اذا ماعندكم شي ابداع فالاحسن لاتسوون .. اذا المشاريع الانشائيه وتحويلات الطرق بتسبب لكم عرقله لطموحاتكم في التنظيم .. لاتسوون واحنا بنقدر هالشي.. لكن حملات ترويجيه واعلانات وجو اكشن وبالاخير جو سلطه مانبي ..

http://www.irhal.com/image/gallery/pictures/middle-east_296/qatar_327/doha_320/Aladdin_Kingdom_qatar.jpg

يازين علاء الدين .. اختربت من تعطلت سينما الخيال :weeping:

في انتظار تنظيم افضل .. ومهرجان يحمل المعنى ... وانشطه متنوعه اذا فكرتوا تسوون مهرجان الصيف الجاي

الله يعينك ياخوي ومقدره موقغك

لكن اللي مستغربه منه ليش العام كان تمام والسنه جذي
فرق واضح

انا لفيت القاعه كلها قلت معقول بس هذا
عيل وين الدعايات والكلام
لا وقاصين عالناس قايلين احلى من العام

لاتعليق

[نمر بن عدوان]

فعلا قلة ادب وشي يفشل وين العام وين هالسنه . فلين وكرتون ابيض بالفيت ثلج وادوات قديمه وفرق مضروبه والله احرااااااااج .

هههههههههه

الله يقطع بليسك يالكبتن ضحكت والله وعلى سالفتك لان نفس الي صار وياي كل شوي اقول جدام الالعاب لين وصلنا المطاعم

[هارون الرشيد]

أنا أسافر عشان ألعب العيال في مدينة ملاهي . مادري متى الربع عندن بيصحون من السبات العميق !
قاصين علينه جايبين لنا دزني التزلج على الجليد ! بس أجلس شاهدهم ؟
أجدد منطقة للالعاب في قطر هيه أزدان مول و لكن .... تحس نفسك في مصر أيام التسعينات للاسف

أنا أقترح ..... ( مول كامل عبارة عن مدينة ترفيهية ) يكون فيها كل شيء يسلي الطفل

راح يكون أستثمار بأذن الله ناجح ...

[همر]

للتوضيح

فيه العاب مؤقته في قاعة المعارض يعني بس تكون فالصيف عشان مهرجان الصيف

على نمط مدينة مدهش

عرفتوا قصدي

بعدين انا قلت العام كان غير
كان سعل واو
كان فيه العاب للكل
اما السنه لاتعليق كلش
انا رحت وتحسفت



يعني انتي رايحه تلعبين مب تلعبين اليهال !!!

عشان جيه مقهوره :)


عاد من زين مدهش ... فيها العاب ... بس مايمديك تلعب

اليهال لعبتين الا دافع 500 ريال ... عنبو ماتسوا ...

لا ونفس اسفنج التزحلق .. اللي مب عاجبكم هنيه ...

موجود هناك :)

[LSBU]

صحيح بصراحة شي فاشل والحركة الي مسوينها زولية بيضاء بالفيت ثلج وقصين على العالم انة تزلج ومن السماجة لا بالفيت انة يمسك الياهل والسيارات الي حطين في حوضها حصى يطير في وجية اليهال والله بلاش ما ارجع اليهال لها تميت نص ساعة والله اليهال من نفسهم قالوا خايسة نبي نطلع شنو مهرجان وحشرين الدنيا اخر شي يسون شي يفشل بصراحة مو مهرجان هذا الا السموحة على الكلمة ابو الزبالة

[LSBU]

لا والمنظمين والله وصاخة ما يعرفون يتعاملون مع يهال مجرمين اسلوبهم زبالة من بعيد انا موقف وراحوا عيالي وقفوا بالدور يبون يلعبون اشوفة يطنشهم لما يشوف بني جلدتة يقدمهم عربي هو جيتة قلت لة لو سمحت ليش مطنشهم ومنقعهم ولما حد يجي تعدية عليهم اختبص وقام يسوي نفسة اهبل بالعربي ( اعمل نفسك ميت ) ودخلهم حتى ذرابة وتعامل مع اليهال زبالة والله عيالي بنفسهم يقولون شنو هالمكان يبة الكشرة شي يفشل لا تنظيم ولا يعرفون السنع ولا اسلوب مع اليهال لا والاجانب الي يتبطحون بالفيت انهم يسون حركان بهالونية والله من تمر احذاهم تمين يقرقرون و بس قاصين على العالم والشرها على قناة الريان مضخمة مهرجان والله فشيلة شي يفشل

[رهج السنابك]

العاب فيلاجيو حلوه مدينه العاب كامله ودوا العيال لها

[المحاميه]

اشوى يعني انا ماظلمت حد

:)

[المحاميه]

يعني انتي رايحه تلعبين مب تلعبين اليهال !!!

عشان جيه مقهوره :)


عاد من زين مدهش ... فيها العاب ... بس مايمديك تلعب

اليهال لعبتين الا دافع 500 ريال ... عنبو ماتسوا ...

لا ونفس اسفنج التزحلق .. اللي مب عاجبكم هنيه ...

موجود هناك :)



والله في مدينة مدهش كان فيه ثلج وكل واحد يمسك بطريق ويتعلم شلون يتزلج

وبعدين فيه اكثر من فعاليه ولعبه هناك

حتى فيه برنامج للاطفال وفيه مسابقات وعروض ترفيهيه تجذب الصغار والكبار

ونظامهم حتى الاكل تدفعله بالبطاقه يعني لو خلصت وماتبي تلعب وعندك نقاط فالبطاقه تقدر تروح تشتري شي تاكله

وبعدين وين المشكله لو رحت ادور العاب والعب؟ محتر يالشيبه لانها راحت عليك ها

انزين العام كانت فيه العاب خطره حق الكبار شفيها لو لعبنا وكسرنا الروتين

خلك انت عاد

اقعد ف زاويه وانقد بكيفك

[المحاميه]

العاب فيلاجيو حلوه مدينه العاب كامله ودوا العيال لها

صحيح الالعاب متوفره في المجمعات على مدار السنه

لكن ادق الصدر واقول بنفاجأكم ف مهرجان الصيف والعاب السنه احسن من العام واخرتها كله كلام ف كلام!

ليش مسوين ضجه اعلاميه عيل!
ليش يخلونا نضيع وقت وفلوس على شغل اي كلامش!
فيها ضرر معنوي السالفه ترا

[ضوى]

اتذكر من سنين يوم عيالي صغار كان يسوون مهرجانات على مستوى وعيالي كانوا يستانسون ، اخبر مرة سووا مدينة حلوة كله خضار والعاب لسنهم وايد كانت حلوة وقبل عالكورنيش العاب تونس وممتعة للصغار والكبار وحتى بالمولات الشخصيات والالعاب شي حلو جدا كان ، الحين يوم العالم تطور وكل شي صار متوفر وبسعر ارخص استبخلوا يسوونه ؟ ولا افكر بمهرجانات داخلية للعيال اوديهم واقط فلوس برع ولعى شي يسعدهم ويمتعهم ولا اقط فلوس بمكان ولا في شي من الترفيه والوناسة الا اسمه

[بومحمد المطاوعه]

يلببببببببيه مدينه مدهش

عيالي لليوم يحنون عليه يبوني اوديهم

توني موديهم فالعيد

شكلي الاسبوع الجاي بوديهم ويكند

صج الالعاب غاليه بس بعد شي حلو وتستاهل تكون مدينه ترفيهيه

[المحاميه]

ومنكم نستفيد

:)

[بو خليفه 123]

فرصه نحول اهتمامات عيالنا من العاب ترفيهيه الى رياضه . ولدي مشترك في ركوب الخيل و متولع فيه الحين انشده يبي فيلاجيو ولا لاند مارك يقول ابغي اتمشى مع حصاني

لو نسوي جدول للعيال كل ويك اند الكل بيغير جو و بيستانس .. الآن بما ان الجو دافي النشاطات المائيه حلوه .. البحر .. اختاروا اي عشب فضاء و قسموا فريقين و حطوا جواتي مكان القول و العبوا مباراة كوره ..

البساطه حلوه .. زهقنا من الكماليات والالعاب الكهربائيه والايباد ..

[المحاميه]

فرصه نحول اهتمامات عيالنا من العاب ترفيهيه الى رياضه . ولدي مشترك في ركوب الخيل و متولع فيه الحين انشده يبي فيلاجيو ولا لاند مارك يقول ابغي اتمشى مع حصاني

لو نسوي جدول للعيال كل ويك اند الكل بيغير جو و بيستانس .. الآن بما ان الجو دافي النشاطات المائيه حلوه .. البحر .. اختاروا اي عشب فضاء و قسموا فريقين و حطوا جواتي مكان القول و العبوا مباراة كوره ..

البساطه حلوه .. زهقنا من الكماليات والالعاب الكهربائيه والايباد ..


انت شايف الجو؟

الرطوبه حدها

لو توقف خمس دقايق برا راح تاخذ شور عجيب وتبدا تتنرفز

[عثرة جواد]

فوق هاي كله الاسعار بل علال ع وشو

ف انتضارالمستقبل

[ثابت]

با اختصار فاشلة بكل معنى الكلمة