اصرفي مب انتي الي قاعده فالبيت!!!

[ريتويت]

هالموضوع انا اكتبه وانا متضايقه حدي اسمع ان في عوايل يستغلون بناتهن الي ماجاهن نصيبهن خصوصا لما تبقي اخر وحده فمصروف البيت او شراء سياره او قرض او طلبات البيت او راتب السايق والخدامه وغيره بس مع العلم ان خوانها الصبيان موجودين بس كلن متزوج وقاعد برا البيت مع اهله بس محد يطلبه بمصروف لانه عنده مسوءليات ومدارس واجار بيت .. السوءال هو هل الشي صحيح وان البنت دام ان ماعندها مسءوليات تصرف علي البيت مع العلم ان خوانها موجودين وهل عملهم يعتبر حجه!!!!!


وشكرا

[OREO]

هالموضوع انا اكتبه وانا متضايقه حدي اسمع ان في عوايل يستغلون بناتهن الي ماجاهن نصيبهن خصوصا لما تبقي اخر وحده فمصروف البيت او شراء سياره او قرض او طلبات البيت او راتب السايق والخدامه وغيره بس مع العلم ان خوانها الصبيان موجودين بس كلن متزوج وقاعد برا البيت مع اهله بس محد يطلبه بمصروف لانه عنده مسوءليات ومدارس واجار بيت .. السوءال هو هل الشي صحيح وان البنت دام ان ماعندها مسءوليات تصرف علي البيت مع العلم ان خوانها موجودين وهل عملهم يعتبر حجه!!!!!


وشكرا

مافي شي ببلاش ,, كون البنت شغالة لازم تشارك مع اهلها في مصاريف البيت و الا مالها داعي تشتغل من الاساس ..

[QATAR 77]

العجيب بعض الأباء يشترون سيارات او بيوت لهم اذا جا نصيب البنت و ياكلها المعرس الي يظن انها بتساعده في مصاريف الحياة

[ضوى]

البعض من الرجال سواء اب او اخ او حتى زوج يجبر البنت عالشغل عشان تصرف هي وهو يخلي فلوسه لبهانسه ، انا قلت البعض والا الريال الكفو مايرضى المرة تقط ريال بالبيت حتى وهو بعز حاجته

[العلياا]

مو اهنيه المشكلة ، المصيبة اني اعرف كذا عايله ما زوجوا بناتهم لانهم هم اللي يصرفون على البيت تخيلي !!!
واذا جاء حد يطلب البنات قالوا اصلا البنات ما يبون يتزوجون << كلام الام طبعا
وحتى مطلعين سياير للبيت وهم شايلين البيت من الى واللي ينرفز في الموضوع ان اخوانهم مع حريمهم فالبيت وما يدفعون شي

بصراحة الله يكون في عونهم

[BoFahed]

هالموضوع انا اكتبه وانا متضايقه حدي اسمع ان في عوايل يستغلون بناتهن الي ماجاهن نصيبهن خصوصا لما تبقي اخر وحده فمصروف البيت او شراء سياره او قرض او طلبات البيت او راتب السايق والخدامه وغيره بس مع العلم ان خوانها الصبيان موجودين بس كلن متزوج وقاعد برا البيت مع اهله بس محد يطلبه بمصروف لانه عنده مسوءليات ومدارس واجار بيت .. السوءال هو هل الشي صحيح وان البنت دام ان ماعندها مسءوليات تصرف علي البيت مع العلم ان خوانها موجودين وهل عملهم يعتبر حجه!!!!!


وشكرا

انا مب مؤيد الفكرة البنت تنعطى ما يناخذ منها بس فيه بنات رواتبهم بعشرات الالف وما فيهم خير لاهلهم وفلوسهم رايحه علا مواتر من نص مليون وطالع وشناط واشياء وخرابيط ثانية :shy: وتلقاهم ساكنين في بيت شعبي وحالتهم عادية تستخسر راتب الخدامة علا اهلها وتقولهم ليش ادفع عندكم عيال وبعضهم متزوجين وتاخذ من زوجها مصروف مع انه ملعون خيره في الديون وفيه شباب اعرفهم سووا دراسات في الجامعه عن هالشي



يعني كثرة المال ونقص الوعي مفسدة للرجل والمرأة وخصوصا اذا كان محروم وحصل مرة واحدة والامثلة كثيرة ونعايشها


انا الوم الاهل اذا كان مب محتاجين وحالتهم فوق الميسورة مافيها شي بس ما نعرف ليش الاهل ياخذون منها ومالنا حق نعرف

[ريتويت]

مو اهنيه المشكلة ، المصيبة اني اعرف كذا عايله ما زوجوا بناتهم لانهم هم اللي يصرفون على البيت تخيلي !!!
واذا جاء حد يطلب البنات قالوا اصلا البنات ما يبون يتزوجون << كلام الام طبعا
وحتى مطلعين سياير للبيت وهم شايلين البيت من الى واللي ينرفز في الموضوع ان اخوانهم مع حريمهم فالبيت وما يدفعون شي

بصراحة الله يكون في عونهم

ايوااااا هذا الي قصدته بالضبط.. وخوانهم مستانسين عالوضع

[بو خليفه 123]

بدال ماتصرف على الهياط والسيارات و طلعات البنات خلها تشارك من البيت الي تاكل و تشرب منه (اقصد البعض طبعا) :)


كل مابغيتوا تطلعون من الغلط قلتوا البعض ..

[OREO]

مو اهنيه المشكلة ، المصيبة اني اعرف كذا عايله ما زوجوا بناتهم لانهم هم اللي يصرفون على البيت تخيلي !!!
واذا جاء حد يطلب البنات قالوا اصلا البنات ما يبون يتزوجون << كلام الام طبعا
وحتى مطلعين سياير للبيت وهم شايلين البيت من الى واللي ينرفز في الموضوع ان اخوانهم مع حريمهم فالبيت وما يدفعون شي

بصراحة الله يكون في عونهم

اعتقد و العلم عند الله .. التصرف هذا فردي و عمري ما سمعت فيه و هي مهب ملزومة تصرف على اخوانها المتزوجين او اخوانها اذا كانوا فوق الــ 18 .. اما ابوها و امها من الواجب تصرف عليهم اذا حالتهم غير ميسورة و اذا ميسوره من الافضل تقعد في البيت عشان يجيها نصيبها ان شاءالله ,,

[مــاي ورد]

البنات من نفسهم يشاركون اصلا لانهم طيبات وقلوبهم على اهلهم

والاهل ممكن يستغلون هالشي والبعض لا.. اتوقع البنت نفسها لازم تحدد شكثر ممكن تصرف ع البيت وتحط ببالها ان ممكن اي وقت تتزوج فماله داعي تاخذ سلففيات واشياء فوق طاقتها

[طبيب قطري]

عمل المرأه ادى الى طمع الرجال فيها وفي اموالها سواء تزوجت او ماتزوجت.. ومثل نقرأ ونسمع شكاوي الحريم المتزوجات اللي يصرفون على ازواجهم مانستغرب اذا لقينا اهل البنت ايضا يطالبونها تصرف عليهم وهي فبيت ابوها..
سبحان الله صرنا في زمن العجايب..

[العلياا]

اعتقد و العلم عند الله .. التصرف هذا فردي و عمري ما سمعت فيه و هي مهب ملزومة تصرف على اخوانها المتزوجين او اخوانها اذا كانوا فوق الــ 18 .. اما ابوها و امها من الواجب تصرف عليهم اذا حالتهم غير ميسورة و اذا ميسوره من الافضل تقعد في البيت عشان يجيها نصيبها ان شاءالله ,,

اول شي اكيد حالات فردية لكن موجودة
وبعدين البنات يصرفون من طيب خاطري لكن ما توصل انهم يوقفون نصيبها عشان تصرف على بيت كامل !!
صحيح حالتهم المادية صعبة لكن ليش ما يكون الصرف من الصوبين البنت تدفع والرجال يدفع

[عنيــــد]

من الذوق و الادب و حسن الخلق ان المرأة تشارك اهل بيتها في مصاريفهم في حال كانوا محتاجين مساعدتها ..

اما يوقفون نصيبها عشان راتبها .. اقول لا حول ولا قوة الا بالله

[sweet qatar]

اعوذ بالله شهالحقد علي البنات الي يشتغلون !!

بعض الردود اقلبت الموازين .. عيل لحد يشتكي اذا البنت مشت بكيفها ولا سوت اعتبار لأبو ولا اخو .. مو هي الي تصرف !!



نرجع للموضوع


البنت مش ملزومة بالصرف وأغلب الحريم عاطفيات ومايفكرون في مستقبلهم .. تلقين راتبها كله لأهلها

ماقول ان الشي غلط.. اذا هي مستحبة فأجرها عند الله سبحانه


بس ان يطالبونها تصرف و اخوانها في البيت والله عيب
والمصيبة اذا يقطعون نصيبها عشان راتبها

لا حول ولا قوة إلا بالله

الله يعافينا من هالاشكال ولا يبتلينا

[المحاميه]

من الذوق و الادب و حسن الخلق ان المرأة تشارك اهل بيتها في مصاريفهم في حال كانوا محتاجين مساعدتها ..

اما يوقفون نصيبها عشان راتبها .. اقول لا حول ولا قوة الا بالله



معاك :)

[المهاجر]

ان بغت تشتغل فعليها بالعافيه راتبها تصرفه وتسوي فيه اللي تبيه

ودامها عندي بالبيت فعيني لها واحطها على كفوف الراحه

حتى لو راحت لنصيبها واحتاجت شي ماراح اقصر عليها ابد

ومب هي بس حتى العيال دامهم عندي بالبيت يبشرون بعزهم

وان بغوا يحطون شي من خاطرهم بكيفهم

اما اني اجبرها واخليها تصرف على البيت فهذا مب من شيم الرجال

بنتي جوهرتي لها عمري كله

يكفي انها بتكون سبب من اسباب دخولي الجنه

هاي تسوى الدنيا بكبرها

[peace-qtr]

انا اقول كفاية تريح اهلها من مصاريفها وتصرف على نفسها

وتاخذلها سيارة

وهي من نفسها اكيد بتعطي حق امها وابوها

بس ان تصرف على البيت والرياييل قاعدين عيب !!

[peace-qtr]

وانا اعرف ناس مستغلين بناتهم عشان فلوسهم ومانعينهم من الزواج

وحتى لو تزوجوا .. طبعا المهر ف جيوبهم ..مايعطونها ولا ريال !!

ماقول الا حسبي الله ونعم الوكيل

[مرتبش]

بالعودة لاصل الموضوع..التساؤل كان عن البنت اللي ماعندها اي مسؤوليات هل تصرف على بيت اهلها او لا.؟

اعتقد تصرف وشنو المانع انها ماتصرف..ماعندها مسؤوليات ولاهم يحزنون شنو بتسوي بالمعاش؟

[المحاميه]

ان بغت تشتغل فعليها بالعافيه راتبها تصرفه وتسوي فيه اللي تبيه

ودامها عندي بالبيت فعيني لها واحطها على كفوف الراحه

حتى لو راحت لنصيبها واحتاجت شي ماراح اقصر عليها ابد

ومب هي بس حتى العيال دامهم عندي بالبيت يبشرون بعزهم

وان بغوا يحطون شي من خاطرهم بكيفهم

اما اني اجبرها واخليها تصرف على البيت فهذا مب من شيم الرجال

بنتي جوهرتي لها عمري كله

يكفي انها بتكون سبب من اسباب دخولي الجنه

هاي تسوى الدنيا بكبرها


كفو
كلام يبرد الخاطر
هذا اللي شفنا وتعودنا عليه ولله الحمد



وانا اعرف ناس مستغلين بناتهم عشان فلوسهم ومانعينهم من الزواج

وحتى لو تزوجوا .. طبعا المهر ف جيوبهم ..مايعطونها ولا ريال !!

ماقول الا حسبي الله ونعم الوكيل


اعوذ بالله من هالنفوس الدنيه والمريضه

[Rider]

البنت اذا تشتغل وقاعده في البيت وين المشكلة انها تشارك في البيت يعني راتبها حق شنو ليكون تجمع المهر ههههه ولي علشان تشتري سيارة بنصف مليون

[طبيب قطري]

بالعودة لاصل الموضوع..التساؤل كان عن البنت اللي ماعندها اي مسؤوليات هل تصرف على بيت اهلها او لا.؟

اعتقد تصرف وشنو المانع انها ماتصرف..ماعندها مسؤوليات ولاهم يحزنون شنو بتسوي بالمعاش؟

مب مسألة وش بتسوي بالمعاش، اعتقد الموضوع نفسيا ماراح يكون مريح للبنت.. وخصوصا اذا ماجاها نصيبها بتحس ان كل العالم تخلوا عنها ومايبونها وحتى اهلها اللي قاعدين معاها بالبيت مب محتوينها ومعتبرينها غريبه ببيتها وتصرف على لقمتها !
مع الوقت بتحس انها مستقله ذاتيا وماديا عن اهلها ومحد يقدر يكلمها لانها تصرف على نفسها بل وتصرف على اهلها بعد . طلعاتها ودخلاتها محد بيقدر يحاسبها عليها واللي بيكلمها بتقولهم شتبون انا اصرف عليكم وماطلبت منكم شي!
شرايكم بالسيناريو هذا يصير صح؟ :)

[QATAR 77]

معظم البنات ما يقصرون في اهلهم و ان كان هناك في بعض البنات زطيات

اختي الكبيرة جزاها الله خير ساعدت ابوي وايد يوم كان محتاج و ما قصرت الله يحفظها

[Charisma]

العيب .. ان المره تشتغل وتُلزم بدفع مصاريف البيت ومتطلباته .
والمفروض .. ان المره اذا تشتغل تساهم في البيت خصوصا اذا الحاله الماديه للاسره ضعيفه.


العيب .. ان نقول راتبها وتسوي فيه اللي تبيه وتاخذ اللي تبيه وهي بكيفها .
والمفروض.. ان مادام عندها ولي امر فتشاورة في بعض الامور اللي قد تتعارض مع بعض القناعات والمبادىء مثل السياره والسواقه والسفر والصرف بلا وعي .


العيب .. ان ننظر لراتب المرأه وكأنه حق ولنا فيه نسبه .
والمفروض .. ان راتبها ملك لها ولا يحق لاحد التصرف فيه .


العيب وكل العيب ان تحرم البنت من الزواج بدافع الاستغلال والاستفاده من راتبها.

[BoFahed]

العيب .. ان المره تشتغل وتُلزم بدفع مصاريف البيت ومتطلباته .
والمفروض .. ان المره اذا تشتغل تساهم في البيت خصوصا اذا الحاله الماديه للاسره ضعيفه.


العيب .. ان نقول راتبها وتسوي فيه اللي تبيه وتاخذ اللي تبيه وهي بكيفها .
والمفروض.. ان مادام عندها ولي امر فتشاورة في بعض الامور اللي قد تتعارض مع بعض القناعات والمبادىء مثل السياره والسواقه والسفر والصرف بلا وعي .


العيب .. ان ننظر لراتب المرأه وكأنه حق ولنا فيه نسبه .
والمفروض .. ان راتبها ملك لها ولا يحق لاحد التصرف فيه .


العيب وكل العيب ان تحرم البنت من الزواج بدافع الاستغلال والاستفاده من راتبها.



:nice::nice:

[مرتبش]

مب مسألة وش بتسوي بالمعاش، اعتقد الموضوع نفسيا ماراح يكون مريح للبنت.. وخصوصا اذا ماجاها نصيبها بتحس ان كل العالم تخلوا عنها ومايبونها وحتى اهلها اللي قاعدين معاها بالبيت مب محتوينها ومعتبرينها غريبه ببيتها وتصرف على لقمتها !
مع الوقت بتحس انها مستقله ذاتيا وماديا عن اهلها ومحد يقدر يكلمها لانها تصرف على نفسها بل وتصرف على اهلها بعد . طلعاتها ودخلاتها محد بيقدر يحاسبها عليها واللي بيكلمها بتقولهم شتبون انا اصرف عليكم وماطلبت منكم شي!
شرايكم بالسيناريو هذا يصير صح؟ :)

شدعوة..غرب ..وين عايشين؟ اعتقد هالسيناريو يصير للبنت اللي ماتبي تصرف من الاصل.. وتبي تذل اهلها على كم روبية قطتهم معاش للدريول او غيره من مصاريف البيت

[العلياا]

مب مسألة وش بتسوي بالمعاش، اعتقد الموضوع نفسيا ماراح يكون مريح للبنت.. وخصوصا اذا ماجاها نصيبها بتحس ان كل العالم تخلوا عنها ومايبونها وحتى اهلها اللي قاعدين معاها بالبيت مب محتوينها ومعتبرينها غريبه ببيتها وتصرف على لقمتها !
مع الوقت بتحس انها مستقله ذاتيا وماديا عن اهلها ومحد يقدر يكلمها لانها تصرف على نفسها بل وتصرف على اهلها بعد . طلعاتها ودخلاتها محد بيقدر يحاسبها عليها واللي بيكلمها بتقولهم شتبون انا اصرف عليكم وماطلبت منكم شي!
شرايكم بالسيناريو هذا يصير صح؟ :)

الفئة اللي تكلمت عنها انا فعلا تحس انها في طلعتها ودخلتها محد يقول لها لا لكن ترجع البيت من وهل
اما انها ممكن تقول الجملة الاخيرة لا ما اعتقد

[مهرة]

مزاجي مشغول ومابي اخرب بداية الويكند واصدع .. لي رجعة ان شاءالله

[راجي العفو]

الله يحيج اختي ..

اللي رضى يشغلها !

بيرضى إنها تتحمل أعباء البيت !

( غالبا )

مع التحية ..

[الجـــوديّ]

ايوااااا هذا الي قصدته بالضبط.. وخوانهم مستانسين عالوضع

حلاتها تنشف عمرها مادياً وتحط حلها وحلالها وتحط عليها ديون بعد في شي يفيدها .. عقار أو أرض
علشان لين اطلبوها تقول ماعندي الحالة ناشفة :tease:
هي ملزومة بنفسها وأمها وأبوها بس إذا كانوا محتاجين..
ما يمنع تساعد المحتاج من أهلها لكن ماتستغل طيبتها ويحطون عليها العين .. علشانها بنت
ماحصلت زوج وعيال تحصل مال ... في القرآن المال مقدم على العيال "المال والبنون زينة الحياة الدنيا"

[رذاذ]

تصرف بالحد المعقول مبلغ معين ومبلغ توفره وومبلغ تفتل له ..

الى ما به خير بهله ما به خير بنفسه

[ودي أكون]

دام البنت مع اهلها ف البيت .. تصرف ش المشكله !
ماقلنا تصرف كل والا ثلاث ارباع راتبها .. لكن واجب عليها تصرف..
واذا والدينها احياء.. واجب عليها شهرياً تعطيهم مبلغ لهم بحكم انهم ماقصروا يوم كانت صغيره لين خلصت الدراسه..
وبحكم ان هذا ك نوع من رد المعروف للوالدين..
واذا مارضوا ياخذون تقوم هي شهرياً تمول البيت عالاقل هذا اقل شيء ..

اذا في سايق فالبيت وتشوف ان اكثر استخدم من طرفها فالواجب انها هي تقوم براتبه او نصه
اذا اكثر من خدامه فالبيت فالواجب انها تتساعد معاهم ف دفع راتب الخدم بحكم ان الخدم يخدمونها بعد.. وخاصه لو كان راتب الاهل شوي ضعيف

ومافيها شيء لين اخترب شيء .. او طلعت مكان او الاعياد او رمضان او او او .. انها تتشارك معاهم من نفسها او تجيب او تدفع من نفسها .. كونها فالبيت فهم لهم حق عليج .. والدينج طبعاً

اما من ناحية الاخو يسرح ويمرح و و و .. هالجمله تعتمد اذا البنت اتسوي وتدفع من طيب خاطر والا مغصوبه وهي مو حاسه ب هالشيء.!.. الا اذا شافت اخوها وحرمته او او او ..! ؟

لانها لو كانت تدفع من طيب خاطر ما كان اثر فيها اخوها دفع والا لا .. اختها ادفعت والا لا .. الخ
هذا اولاً

وثانياً .. اخوج المتزوج اكيد عنده التزامات الله اعلم فيها وعنده زوجه تبي وتبي وكله تبي .. واكيد عنده اعيال..
اما انتي عالاقل وحده وماعندج شيء.. مافيها شيء لو غضيتي البصر عن اخوج.. مع اني ما اتوقع ان الاخ كلش ابداً مايجيب شيء للبيت او مايحط شيء..!؟
ولو مايحط.. الموضوع كله يعتمد على البنت اذا انتي تسوينه من طيب خاطر والا مغصوبه :)


ومن وجهة نظري .. البنت واجب.. ركزوا على كلمة واجب .. انها اتحط ف البيت ولو اقل القليل .. ولو الاهل رفضوا انتي بنفسج اشتري وحطي .. هاي السنع

[العنيده]

حلوو انها تصرف على اهلها واعتقد يكون شي مش اجباري لانه واجب ورد جميل يعتبر ولاشي من اللي سووه معانا اهلنا
والبنت طول ما هي في البيت اكيد بتجيب وبتحط اللي تقدر عليه لانه مكانها مقابل مااتكلف على نفسها ولا تحط ديون اهم شي تخلها عاله عليهم بعدين
عني شخصيا راتبي في جزء منه لامي وفي جزء للبيت وجزء لي وجزء توفير للمستقبل باذن الله ولله الحمد فيه بركه

بس استغلال البنت لدرجه انه يمنع زواجها هذا شي مرفوض وحرام بحقها :eek5: ..

[sweet qatar]

معظم البنات ما يقصرون في اهلهم و ان كان هناك في بعض البنات زطيات

اختي الكبيرة جزاها الله خير ساعدت ابوي وايد يوم كان محتاج و ما قصرت الله يحفظها

الله يجزيها خير ويبارك فيك علي اعترافك وتقديرك لتضحياتها

كثر الله من أمثالك





البنت اذا تشتغل وقاعده في البيت وين المشكلة انها تشارك في البيت يعني راتبها حق شنو ليكون تجمع المهر ههههه ولي علشان تشتري سيارة بنصف مليون

تجمع لمستقبلها .. وآخرتها
وحدة بدون زوج وعيال من بيتكفل ويقوم فيها لما تكبر !!

[احلى دنياااا]

مافيها شي اذا صرفت لكن برضاهاا لان مافي شي بالغصب
لكن لما الامور توصل ان حتى الام تقول مايبون يتزوجون انا اشوف في خلل
لازم الوحدة تتمتع بنوع من القوة ع الاقل تعرف حقوقها ولا تخلي حد يتسلط عليها او يتحكم في حياتها
والله بس باقي يقولون لها لا تتنفسين انا لو مكان هالبنات اوريهم الوجه الاخر خل يعرفون ان الله حق وكل شي من حقي باخذه غصب لو كان اخر نفس بالدنيا
ولو صاروا جذي انا احلف لج بيصيرون هالمستقويين فيران جدامها لانهم مستغلينها وهي سامحه لهم
الحياه لنا نعيشها عرض وطول سواء كان بشي صح او غلط الله موجود وبيجازينا على اعمالنا بالدنيا وبالاخرة

[بريق الحق]

هذي حيل قويه مايبون يزوجون بناتهم عشان يصرفون عالبيت ليكون الشباب بعد محد يدور لهم

الي يشتغل من حقهم يطالبونه انه يساعدهم ولو بمبلغ بسيط
والله يزوج الي ماجاه النصيب (:

[LSBU]

بالعكس انا اشوف ليش تصرف على بيتها ليش تصرف على ابوها و امها ليش تساعدهم هي تشتغل وراتبها لها بروحها وتسكن معاهم وتاكل من بيتهم ويوفرون لها سيارة ودريول ويوفرون لها كل سبل الراحة ويسفرونها كل اجازة عيد و اجازتها السنوية ولو اشترت براتبها شنطة او مجوهرات علشان تكشخ فيهم بعرس او دوام لازم هم يكملون لها المبلغ الحرمة ملاك مش بشر عايش معانا هي نازلة من السماء وحنا نخدمها انا اشوف الحرمة الي تصرف من راتبها على بيت اهلها مظلومة و غلطانة .....

[دااانة قطر]

بصراحة مدري شلون اعلق
انا مع ان العيال بصفة عامه يحطون ويساعدون في مصاريف البيت بدون تذمر
وضد استغلال الاباء والامهات لهم ولرواتبهم
اعرف كذا ام ماراح اقول اب بقول ام
كانوا شايلين مسؤؤلية البيت ومتحملين ازواجهم ومتحملين ظروف صعبة لكن ماقصروا على عيالهم
وربوهم احسن تربية ويوم كبروا العيال واستغلوا كل واحد كان يسلم رابته في يد الام والام كانت ماتاخذ منه الا اللي يسد حاجة البيت وتزوجوا البنات والعيال بدون اي سلفيات وبعدها كل واحد قام ياخذ راتبه بنفسه وكاانت اعراسهم من احسن مايمكن والعيال ربي وفقهم ورزقهم بعيال ماشاء الله تبارك الرحمن
طبعا مو الكل يتصرف نفسهم لكن هذي عينه شفتها والحمدلله متوفقين



اعتقد و العلم عند الله .. التصرف هذا فردي و عمري ما سمعت فيه و هي مهب ملزومة تصرف على اخوانها المتزوجين او اخوانها اذا كانوا فوق الــ 18 .. اما ابوها و امها من الواجب تصرف عليهم اذا حالتهم غير ميسورة و اذا ميسوره من الافضل تقعد في البيت عشان يجيها نصيبها ان شاءالله ,,

ودي أفهم .. من وين جاات كلمة تصرف على .........؟؟!!
طيب طول عمرها مع أمها وأبوها وإخوانها وخواتها
ليش يوم اشتغلت صار فيها تصرف وماتصرف ولا قاعده تاكل وتشرب وتمش ايدها في الطوفه؟؟
ليش جاات كلمة صرف؟؟
ليش مانقول هم عيله وحده وعليهم انهم سعينون بعض في البيت يعني تكون حطية كل شهر بمبلغ رمزي ماعتقد 1000 ولا 2000 بتأثر على العيلة دامهم في مكاان واحد
خصوصا اذا الأب والأم شايلين كل شي هذا اقل شي اني يوم اشتغل بدون اي كلام احط
اعرف عواايل عندهم بنات وعيال مايرضون ان ابوهم ولا امهم يحطون شي في البيت
يقولون هذا اول الحين دورنا

هني نقدر نقول ان هالعيله متآلفه وقلوبها على بعض اما اني امن اقول انا اصرف وانا احط ماتنقال الا اذا في تراكمات نفسماتم ذكره استغلال من الاباء والامهات والاخوان
ومب بس على البنت



عمل المرأه ادى الى طمع الرجال فيها وفي اموالها سواء تزوجت او ماتزوجت.. ومثل نقرأ ونسمع شكاوي الحريم المتزوجات اللي يصرفون على ازواجهم مانستغرب اذا لقينا اهل البنت ايضا يطالبونها تصرف عليهم وهي فبيت ابوها..
سبحان الله صرنا في زمن العجايب..

في هذي صدقت خااصة ان الشبااب صاروا يدورون وحدة تشتغل وشرط اساسي هذا معروف طينته شلون تعاامله مع اخته او امه تلاقي طول الشهر مفسفس ويتسلف من هله



اعوذ بالله شهالحقد علي البنات الي يشتغلون !!
بعض الردود اقلبت الموازين .. عيل لحد يشتكي اذا البنت مشت بكيفها ولا سوت اعتبار لأبو ولا اخو .. مو هي الي تصرف !!
نرجع للموضوع
البنت مش ملزومة بالصرف وأغلب الحريم عاطفيات ومايفكرون في مستقبلهم .. تلقين راتبها كله لأهلها
ماقول ان الشي غلط.. اذا هي مستحبة فأجرها عند الله سبحانه
بس ان يطالبونها تصرف و اخوانها في البيت والله عيب
والمصيبة اذا يقطعون نصيبها عشان راتبها
لا حول ولا قوة إلا بالله
الله يعافينا من هالاشكال ولا يبتلينا

هني معاج حق مو من حقهم يقطعون نصيبها .. لكن في اهالي
بس تعالي شوفي نسبة البناات اللي سيشتغلون رواتبهم تروح على ايش؟؟ اعرف عوايل يشتكون من بناتهم
من الاولاد البنات تقول الام اذا مر اسبوع من الشهر وراتبها في يدها بكون مرتاحه .. الحين البنات صاروا يستغلون البنات سواء صديقات او زميلات او حتي البوي ولا الفراش اللي هم يستغلون البنات في الطلبات والبنت بحسن نسية تعطي ولا تفتكر
فانا اشوف تحط في بيتها ابرك



ان بغت تشتغل فعليها بالعافيه راتبها تصرفه وتسوي فيه اللي تبيه
ودامها عندي بالبيت فعيني لها واحطها على كفوف الراحه
حتى لو راحت لنصيبها واحتاجت شي ماراح اقصر عليها ابد
ومب هي بس حتى العيال دامهم عندي بالبيت يبشرون بعزهم
وان بغوا يحطون شي من خاطرهم بكيفهم
اما اني اجبرها واخليها تصرف على البيت فهذا مب من شيم الرجال
بنتي جوهرتي لها عمري كله
يكفي انها بتكون سبب من اسباب دخولي الجنه
هاي تسوى الدنيا بكبرها


الله يخليك لعيالك ويخليهم لك
ونعم الأب

[ودي أكون]

مافيها شي اذا صرفت لكن برضاهاا لان مافي شي بالغصب
لكن لما الامور توصل ان حتى الام تقول مايبون يتزوجون انا اشوف في خلل
لازم الوحدة تتمتع بنوع من القوة ع الاقل تعرف حقوقها ولا تخلي حد يتسلط عليها او يتحكم في حياتها
والله بس باقي يقولون لها لا تتنفسين انا لو مكان هالبنات اوريهم الوجه الاخر خل يعرفون ان الله حق وكل شي من حقي باخذه غصب لو كان اخر نفس بالدنيا
ولو صاروا جذي انا احلف لج بيصيرون هالمستقويين فيران جدامها لانهم مستغلينها وهي سامحه لهم
الحياه لنا نعيشها عرض وطول سواء كان بشي صح او غلط الله موجود وبيجازينا على اعمالنا بالدنيا وبالاخرة

عني انا ماسمعت بعيله ماتزوج بناتها بسبب الفلوس.. نعم فالسابق كان هالشيء موجود
اللي عشان فلوسها
واللي عشان يبي معرس لقطه مثل مايقولون.. حق بناتهم واللي واللي ..
لكن ف هـ الوقت ما قد سمعت .. واذا وجدت مثل هالحالات فانا اتوقعها نادره

والله اعلم

اما ناحية الصرف جاوب ع هالسوال :victory:

[مهرة]

ودي اكون )) .. هدي اختي هدي كنه انتي راعية الموضوع ..!

للعلم ترا فيه بنات مثل هالحالة والعن اذا ماعاد لها سند وصارت يتيمة اخوانها ياكلووونها ..

تدرين مفروض تاخذ مرت اخوها وعياله وتسوي لهم جولة في الدوحة انترتيمنت بعد ماتخلص من التزاماتهم ومشاويرهم وتقضي اغراض العيال والبيت ويفضل لو تشتري روج غامج وتعطيه مرت اخوها بدال الأحمر الي ماعندها غيره ..!

هي من طيب نفسها بتحط وبتعطي وبكيفها وصديقني الا ماتحط وتساعد وتشوف الأحسن لها ولبيت أهلها ولازم تأمن مستقبلها ماتدري من الي داخل البيت من ( لحمها ودمها) ولا من الذيابه الي خارج البيت ..!

[ودي أكون]

ودي اكون )) .. هدي اختي هدي كنه انتي راعية الموضوع ..!

للعلم ترا فيه بنات مثل هالحالة والعن اذا ماعاد لها سند وصارت يتيمة اخوانها ياكلووونها ..

تدرين مفروض تاخذ مرت اخوها وعياله وتسوي لهم جولة في الدوحة انترتيمنت بعد ماتخلص من التزاماتهم ومشاويرهم وتقضر اغراض العيال والبيت ويفضل لو تشتري روج غامج وتعطيه مرت اخوها بدال الأحمر الي ماعندها غيره ..!

هي من طيب نفسها بتحط وبتعطي وبكيفها وصديقني الا ماتحط وتساعد وتشوف الأحسن لها ولبيت أهلها ولازم تأمن مستقبلها ماتدري من الي داخل البيت من ( لحمها ودمها) ولا من الذيابه الي خارج البيت ..!

خير مهره انا مروقه وانا اكتب حبيبتي .. انتي روقي ياقلبي وانتي تقرين :victory:

احين انتي تبين اتقولين لي حبيبتي ان البنت قامت تصرف ع مرت اخوها بعد ..!؟
وبعدين انا ماقلت تصرف كل راتبها .. ولا قلت نصه .. ولا حددت كم اللي تصرفه من الاساس لان هذا يعتمد عليها وعلى شوف نظرها حبيبتي ..

بالنسبه لي انا اشوف صرف البنت فالبيت دامها بالفعل معاهم يعتبر واجب .. بعد حلوه تاكل وتشرب وتمش يدها بالطوفه ولا تكلموني ..!

[sweet qatar]

دانة قطر


صدقتي والله .. أكثر شي يقهر الي يحط عينه علي الراتب
انزين انتوا عايلة حلالكم واحد

لكن شبنقول كله علي التربية




مهرة


ههههههههههههه

ضحكتيني.. الله يسعدج

[طبيب قطري]

الخلاصه البنت مب مجبوره تصرف فالبيت سواء متزوجه او لا..
اذا تبي تحط شي بالبيت وتساعد بيكون برضاها ولكن ماهو غصب

[ريتويت]

دانة قطر


صدقتي والله .. أكثر شي يقهر الي يحط عينه علي الراتب
انزين انتوا عايلة حلالكم واحد

لكن شبنقول كله علي التربية




مهرة


ههههههههههههه

ضحكتيني.. الله يسعدج

شفتي الي معاهم معاهم عليهم عليهم .. ولا مثلا في بنات يردون مع رد الشياب اقصد الشباب علي اساس اكسب اعجابهم مثلا ولا ماتدرين هي اصلا فالاخير شنو هدفها عموما يقول الشاعر وإن بليت بشخص لا خلاق له فكن كأنك لم تسمع ولم يقل

[ريتويت]

الخلاصه البنت مب مجبوره تصرف فالبيت سواء متزوجه او لا..
اذا تبي تحط شي بالبيت وتساعد بيكون برضاها ولكن ماهو غصب

معاك اخوي مب مجبوره بس في بنات هوايتهم الصرف على الرجاجيل

[ضوى]

الخلاصه البنت مب مجبوره تصرف فالبيت سواء متزوجه او لا..
اذا تبي تحط شي بالبيت وتساعد بيكون برضاها ولكن ماهو غصب

هذا هو الكلام الصحيح

[مهرة]

ودي )) .. هااااه توني قبل اسبوعين ماخذتج لفة بسيارتي الجاغور نسيتي :secret:

قسم بالله قسم مروووقة حدي وتوني حاطة صور تفتح النفس بالأستراحة بس اقري الرد القبلي عدل ..!

انا قلت اكيد بتحط والله العظيم بتحط وتصرف وتشيل عن ابوها واخوها بس كلن بحدوود المعقول وعاد اخوانها لا يطمعون فيها وكلن يقط المسؤوليات عليها ويسوون لي فيها قصة الفقير والحطاب ..!

اما الجكر الي يمشووون يدهم في الطووفة للأسف الله مكثرهم وماعليهم شرهة لأن لهم قدوة عاد منهم ماتدرين ..!!

اقربي جاي خشيت لج ( روتي وجبن ودرايد توميتو)

[ريتويت]

دام البنت مع اهلها ف البيت .. تصرف ش المشكله !
ماقلنا تصرف كل والا ثلاث ارباع راتبها .. لكن واجب عليها تصرف..
واذا والدينها احياء.. واجب عليها شهرياً تعطيهم مبلغ لهم بحكم انهم ماقصروا يوم كانت صغيره لين خلصت الدراسه..
وبحكم ان هذا ك نوع من رد المعروف للوالدين..
واذا مارضوا ياخذون تقوم هي شهرياً تمول البيت عالاقل هذا اقل شيء ..

اذا في سايق فالبيت وتشوف ان اكثر استخدم من طرفها فالواجب انها هي تقوم براتبه او نصه
اذا اكثر من خدامه فالبيت فالواجب انها تتساعد معاهم ف دفع راتب الخدم بحكم ان الخدم يخدمونها بعد.. وخاصه لو كان راتب الاهل شوي ضعيف

ومافيها شيء لين اخترب شيء .. او طلعت مكان او الاعياد او رمضان او او او .. انها تتشارك معاهم من نفسها او تجيب او تدفع من نفسها .. كونها فالبيت فهم لهم حق عليج .. والدينج طبعاً

اما من ناحية الاخو يسرح ويمرح و و و .. هالجمله تعتمد اذا البنت اتسوي وتدفع من طيب خاطر والا مغصوبه وهي مو حاسه ب هالشيء.!.. الا اذا شافت اخوها وحرمته او او او ..! ؟

لانها لو كانت تدفع من طيب خاطر ما كان اثر فيها اخوها دفع والا لا .. اختها ادفعت والا لا .. الخ
هذا اولاً

وثانياً .. اخوج المتزوج اكيد عنده التزامات الله اعلم فيها وعنده زوجه تبي وتبي وكله تبي .. واكيد عنده اعيال..
اما انتي عالاقل وحده وماعندج شيء.. مافيها شيء لو غضيتي البصر عن اخوج.. مع اني ما اتوقع ان الاخ كلش ابداً مايجيب شيء للبيت او مايحط شيء..!؟
ولو مايحط.. الموضوع كله يعتمد على البنت اذا انتي تسوينه من طيب خاطر والا مغصوبه :)


ومن وجهة نظري .. البنت واجب.. ركزوا على كلمة واجب .. انها اتحط ف البيت ولو اقل القليل .. ولو الاهل رفضوا انتي بنفسج اشتري وحطي .. هاي السنع

طيب لو انها ماتشتغل؟ من وين تصرف؟

[ودي أكون]

ودي )) .. هااااه توني قبل اسبوعين ماخذتج لفة بسيارتي الجاغور نسيتي :secret:

قسم بالله قسم مروووقة حدي وتوني حاطة صور تفتح النفس بالأستراحة بس اقري الرد القبلي عدل ..!

انا قلت اكيد بتحط والله العظيم بتحط وتصرف وتشيل عن ابوها واخوها بس كلن بحدوود المعقول وعاد اخوانها لا يطمعون فيها وكلن يقط المسؤوليات عليها ويسوون لي فيها قصة الفقير والحطاب ..!

اما الجكر الي يمشووون يدهم في الطووفة للأسف الله مكثرهم وماعليهم شرهة لأن لهم قدوة عاد منهم ماتدرين ..!!

اقربي جاي خشيت لج ( روتي وجبن ودرايد توميتو)

اكيد بحدود المعقول .. ماقلنا تاخذ كل راتبها واتحطه فالبيت .. لكن دامها فالبيت وتشغل من واجبها اتساعد ..
ابي اعرف مهروه من ناحية اخوانها يطمعون فيها .. شلون ..
هي يعني تدفع لهم اقساط سييايرهم والا البترول والا تدفع عن اكلهم والا عن شنو بالضبط وضحيلي حبيبتي ..

اخلص صلاه وجايتج الكرك من يدج مايتفوت بعد شنو :shy:

[ودي أكون]

طيب لو انها ماتشتغل؟ من وين تصرف؟

موضوعج كان عن اللي تشتغل ..

اما اذا كانت ماتشتغل .. فمن واجب ولي الامر ان يقوم فيها ابوها .. لان راتب الاب ماينقطع حتى اذا توفى.. الله يرحم جميع الاباء يارب ..
وغير هذا من واجب الاخوان شهرياً يحطون ولو البسيط ف يد اختهم .. هذا اذا هم رياييل..!.. او يعدون نفسهم رياييل وان اللي عندهم تعتبر بنته او مثل بنته ..

[قطريه ماركه]

حلوو انها تدفع و تساعد من طيب نفس مب اجباري

[ريتويت]

موضوعج كان عن اللي تشتغل ..

اما اذا كانت ماتشتغل .. فمن واجب ولي الامر ان يقوم فيها ابوها .. لان راتب الاب ماينقطع حتى اذا توفى.. الله يرحم جميع الاباء يارب ..
وغير هذا من واجب الاخوان شهرياً يحطون ولو البسيط ف يد اختهم .. هذا اذا هم رياييل..!.. او يعدون نفسهم رياييل وان اللي عندهم تعتبر بنته او مثل بنته ..

انا قلت لووو .. يعني تشتغل عشان واجب تصرف عليهم

[بومحمد المطاوعه]

الاخت مافيها شي لو تشارك وتساعد امها واخوانها فالبيت

بس ام انها تشل البيت كله

لا طبعآ

ع الأقل لو مب متفرغه تساعد خلها تدفع راتب الخدامه

800 ريال او 1000 ماعتقد بينقص شي من راتبها

لو طالعه مع ربعها مطلعم بتدفع 2000 ولا بتفتكر

بس لحاجات البيت بيكبر راسها


البعض طبعآ

[العربية نت]

انا اشوف احسن وافضل حل للبنت من جميع النواحي وفي مقدمتها الصحه ان تجلس البنت بدون شغل في البيت :) خاصة اذا ما كانت في حاجه للشغل لاننا في زمن الماده والموضوع هذا يعتبر عادي وبنسمع اكثر من مجرد صرف على البيت ؟! وانا رائيي طبعاً مدامها تشتغل فواجب عليها تصرف باي شكل انا ضد كلمة راتبها وهي حره 30 الف وبعضهم 50 الف ولا مديرة مدرسة يمكن يوصل 70 الف وشتسوي فيه ؟!

[ودي أكون]

انا قلت لووو .. يعني تشتغل عشان واجب تصرف عليهم

محد قالج البنت لازم تشتغل عشان تصرف ع احد ..!
ركزي عالكلام شوي ..

البنت لين اشتغلت تشتغل حق نفسها .. لكن هذا مو معناته انها تاكل وتشرب وتروح واتجي بلاش وماتحط شيء ف البيت اذا اشتغلت ..!؟

افهمي عدل حبيبتي

[ريتويت]

محد قالج البنت لازم تشتغل عشان تصرف ع احد ..!
ركزي عالكلام شوي ..

البنت لين اشتغلت تشتغل حق نفسها .. لكن هذا مو معناته انها تاكل وتشرب وتروح واتجي بلاش وماتحط شيء ف البيت اذا اشتغلت ..!؟

افهمي عدل حبيبتي

بالعكس انا فاهمتج بس اختبر ردج

والحمدلله عرفته

كملي الكرك اشوف

[الخيالة]

انا مجبورة ادور شغل و اشتغل ابوي تعبان وكبير في العمر وإخواني كل واحد مسئول عن شي و رواتبهم علي قدهم لو بيدي بقعد في البيت علي طول بس مجبورة ومابيد حيلته عشان هاي مرات اللي يعرفون انب محتاجه يلعوزوني و يضغطون علي الله كريم ربي يوفق الجميع و ييسر امري واحصل وظيفه بدون ما انذل وبلعكس عمري مافكرت في نفسي دوم احاول البي طلبات امي و ابوي وأختي

[بومحمد المطاوعه]

القهر ان بعض يقول مب لازم تدفع للبيت او للزوج او للأخ

انزين والمديون الي مايقدر يمشي حاله لأخر الشهر

من اولى فيه مب اهله ؟.؟

ولا يروح يطر من الناس

[ودي أكون]

بالعكس انا فاهمتج بس اختبر ردج

والحمدلله عرفته

كملي الكرك اشوف

انا مو محتاجه احد يختبرني ..

شربيه عني .. انا بطلع مع مهره تقول بتغديني ع حسابها .. صح مهوي :shy:

[بومحمد المطاوعه]

انا مجبورة ادور شغل و اشتغل ابوي تعبان وكبير في العمر وإخواني كل واحد مسئول عن شي و رواتبهم علي قدهم لو بيدي بقعد في البيت علي طول بس مجبورة ومابيد حيلته عشان هاي مرات اللي يعرفون انب محتاجه يلعوزوني و يضغطون علي الله كريم ربي يوفق الجميع و ييسر امري واحصل وظيفه بدون ما انذل وبلعكس عمري مافكرت في نفسي دوم احاول البي طلبات امي و ابوي وأختي

بارك الله فيج اختي
والله يوفقج


يعلهم يعتبرون البقيه من مقصد كلامج وحاجتج

[ودي أكون]

القهر ان بعض يقول مب لازم تدفع للبيت او للزوج او للأخ

انزين والمديون الي مايقدر يمشي حاله لأخر الشهر

من اولى فيه مب اهله ؟.؟

ولا يروح يطر من الناس

ههههه معليه اخوي بومحمد بنجمع لك حطيه فالمنتدى ولا يهمك ههههه

[بومحمد المطاوعه]

انا مو محتاجه احد يختبرني ..

شربيه عني .. انا بطلع مع مهره تقول بتغديني ع حسابها .. صح مهوي :shy:

بااااااااااااالل قحط

مايطرشون لنا اكل

[بومحمد المطاوعه]

ههههه معليه اخوي بومحمد بنجمع لك حطيه فالمنتدى ولا يهمك ههههه

تحطين لي انا اشدخلني ههههههههه

حطي حق المحتاجين مساكين والأسر المتعففه


فلوسج وايد ماشاءالله
لين بتسلف بقولج هههههههه

[ودي أكون]

انا مجبورة ادور شغل و اشتغل ابوي تعبان وكبير في العمر وإخواني كل واحد مسئول عن شي و رواتبهم علي قدهم لو بيدي بقعد في البيت علي طول بس مجبورة ومابيد حيلته عشان هاي مرات اللي يعرفون انب محتاجه يلعوزوني و يضغطون علي الله كريم ربي يوفق الجميع و ييسر امري واحصل وظيفه بدون ما انذل وبلعكس عمري مافكرت في نفسي دوم احاول البي طلبات امي و ابوي وأختي

يالله يارب يفتح لج ابواب الرزق الحلال عاجلاً غير اجل يارب العالمين ..

بارك الله فيج وصدقيني، الله اعلم بحاجتج والله بيسرها لج ان شاءالله

الله يوفقج يارب حبيبتي


واتمنى من اي عضو عند القدره او الواسطه او السلطه فالتعيين او ان يدل على اي وظيفه لا يبخل على مثل هالردود .. رجاءً يا اخوه ويا اخوات .. والله المستعان

[ريتويت]

القهر ان بعض يقول مب لازم تدفع للبيت او للزوج او للأخ

انزين والمديون الي مايقدر يمشي حاله لأخر الشهر

من اولى فيه مب اهله ؟.؟

ولا يروح يطر من الناس

المديون والي عنده ظروف اخوي ماعليه اخته تساعده بس مابتشيل دينه وهي بنت مالها ظهر ولاحدن يساندها ... وفهالزمن اخوي انت تسمع البلاوي والقصص الي تشيب الراس والله لايبلانا ..

[بريق الحق]

الراحة فالجنة ياجماعة

[بومحمد المطاوعه]

المديون والي عنده ظروف اخوي ماعليه اخته تساعده بس مابتشيل دينه وهي بنت مالها ظهر ولاحدن يساندها ... وفهالزمن اخوي انت تسمع البلاوي والقصص الي تشيب الراس والله لايبلانا ..

عليج نور
انا قلت لج ماتشيل البيت كله بس تشل ع الاقل راتب الخدامه


اكيد والله عندي قصص من ربعي ومن معارفي

في منهم الي صج صج خواته مب مقصرين بشي
وفي العكس
وليش اقولج من معارفي

من هلي وقرايبي


الله يستر ع الجميع

[ريتويت]

الراحة فالجنة ياجماعة

ونعم بالله

[ريتويت]

عليج نور
انا قلت لج ماتشيل البيت كله بس تشل ع الاقل راتب الخدامه


اكيد والله عندي قصص من ربعي ومن معارفي

في منهم الي صج صج خواته مب مقصرين بشي
وفي العكس
وليش اقولج من معارفي

من هلي وقرايبي


الله يستر ع الجميع

اللهم امين مشكور للمشاركه

[ودي أكون]

تحطين لي انا اشدخلني ههههههههه

حطي حق المحتاجين مساكين والأسر المتعففه


فلوسج وايد ماشاءالله
لين بتسلف بقولج هههههههه

ههههه خير ان شاءالله والله ماعندي الا قمل ثيابي :tease:

خلنا ف الموضوع :anger1:

بالفعل اخوي بومحمد بعض البنات واعتبرهم قله .. عادي يقطون مبلغ وقدره ع ربعهم .. لكن لين جاوا للبيت استغثلوا الشغله !
وسبحان الله بقولك نقطه مادري اذا هي صج او لا بس انا ملاحظتها ف كم وحده بدون ذكر صلة القرابه .. ان البنت اللي ماتقط في البيت والله هي البنت اللي اخر الشهر اتجيك تتسلف محتاجه او كله ماعندها !

حد ملاحظ معاي هالنقطه

[ريتويت]

عليج نور
انا قلت لج ماتشيل البيت كله بس تشل ع الاقل راتب الخدامه


اكيد والله عندي قصص من ربعي ومن معارفي

في منهم الي صج صج خواته مب مقصرين بشي
وفي العكس
وليش اقولج من معارفي

من هلي وقرايبي


الله يستر ع الجميع

اللهم امين مشكور للمشاركه

[بصمة قطرية]

مب عيب إذا ساعدت في الصرف
أخوانها دامهم متزوجين اكيد إلتزاماتهم كبيرة ..
لو بيعطون يساعدون خير و بركة
ما بيعطون أعتقد محد يقدر يلومهم ..
أشوف الشغلة جداً عادية
بس ما يكون كل شي عليها ..

[يمامـة]

البعض من الرجال سواء اب او اخ او حتى زوج يجبر البنت عالشغل عشان تصرف هي وهو يخلي فلوسه لبهانسه ، انا قلت البعض والا الريال الكفو مايرضى المرة تقط ريال بالبيت حتى وهو بعز حاجته
:nice:

[JN000N]

انا واللي عندي كله ملك ابوي وامي

[الكاسر007]

هالموضوع انا اكتبه وانا متضايقه حدي اسمع ان في عوايل يستغلون بناتهن الي ماجاهن نصيبهن خصوصا لما تبقي اخر وحده فمصروف البيت او شراء سياره او قرض او طلبات البيت او راتب السايق والخدامه وغيره بس مع العلم ان خوانها الصبيان موجودين بس كلن متزوج وقاعد برا البيت مع اهله بس محد يطلبه بمصروف لانه عنده مسوءليات ومدارس واجار بيت .. السوءال هو هل الشي صحيح وان البنت دام ان ماعندها مسءوليات تصرف علي البيت مع العلم ان خوانها موجودين وهل عملهم يعتبر حجه!!!!!


وشكرا
والله لو اصرفت راتبها كامل ماتسوى حمل 9 شهور ولا المها ولا سهرها

بداية تاثير اس 26

[QATAR 77]

والله لو اصرفت راتبها كامل ماتسوى حمل 9 شهور ولا المها ولا سهرها

بداية تاثير اس 26

هههههههههههههه

[الجـــوديّ]

وايد ابهات ماسكين بناتهم عن الزواج علشانهم موظفات
والابهات يبون معاشاتهم وياخذونه ما يخلون لهم الا القليل هذا اذا خلو شي أصلاً !


وايد رياييل فاتحين بيوت ومناصب وعيونهم على رواتب خواتهم وعلى ممتلكاتهم حتى ...
التموين ياخذون من عندهم مع انه عنده بطاقه وياخذ تموينه الا بعد عينه على تموين خواته!
هذا غير الصرف اللي يصرفونه هالبنات على عيال اخوانهم بحب وقلب كبير وراضي
لكن يوم هالبنات يحاتجون اخوانهم في شي كلن يتصدد عنهم وللأسف!

[مهرة]

انا مو محتاجه احد يختبرني ..

شربيه عني .. انا بطلع مع مهره تقول بتغديني ع حسابها .. صح مهوي :shy:


لاء لاء كيدا مايصحش ..! ترا رتويت شاربة الشاي من الصبح ومصحصة وشايي مايتقاوم ,, وكاتبة هالموضوع ويهمها أرائكم وتبي تبين لكم انه هذا الواقع صج .. الله المستعان

يلا بعزمكم بس على هيلثي بايت ..!:tease: الأخت حنان وعمود ونور البيت ويزيد غلاها اذا كانت موردة نهاية الشهر ..!

[ودي أكون]

لاء لاء كيدا مايصحش ..! ترا رتويت شاربة الشاي من الصبح ومصحصة وشايي مايتقاوم ,, وكاتبة هالموضوع ويهمها أرائكم وتبي تبين لكم انه هذا الواقع صج .. الله المستعان

يلا بعزمكم بس على هيلثي بايت ..!:tease: الأخت حنان وعمود ونور البيت ويزيد غلاها اذا كانت موردة نهاية الشهر ..!

مومشكلـه كل شيء من البخيل حلو :tease:

[عاهد بن علي]

((((((( انت ومالك لابيك ))))))) لا نقاش في هذا الجانب
بس احنا نستحي ان البنت تصرف على البيت و الولد مطنش

[حسن]

دام البنت مع اهلها ف البيت .. تصرف ش المشكله !
ماقلنا تصرف كل والا ثلاث ارباع راتبها .. لكن واجب عليها تصرف..
واذا والدينها احياء.. واجب عليها شهرياً تعطيهم مبلغ لهم بحكم انهم ماقصروا يوم كانت صغيره لين خلصت الدراسه..
وبحكم ان هذا ك نوع من رد المعروف للوالدين..
واذا مارضوا ياخذون تقوم هي شهرياً تمول البيت عالاقل هذا اقل شيء ..

اذا في سايق فالبيت وتشوف ان اكثر استخدم من طرفها فالواجب انها هي تقوم براتبه او نصه
اذا اكثر من خدامه فالبيت فالواجب انها تتساعد معاهم ف دفع راتب الخدم بحكم ان الخدم يخدمونها بعد.. وخاصه لو كان راتب الاهل شوي ضعيف

ومافيها شيء لين اخترب شيء .. او طلعت مكان او الاعياد او رمضان او او او .. انها تتشارك معاهم من نفسها او تجيب او تدفع من نفسها .. كونها فالبيت فهم لهم حق عليج .. والدينج طبعاً

اما من ناحية الاخو يسرح ويمرح و و و .. هالجمله تعتمد اذا البنت اتسوي وتدفع من طيب خاطر والا مغصوبه وهي مو حاسه ب هالشيء.!.. الا اذا شافت اخوها وحرمته او او او ..! ؟

لانها لو كانت تدفع من طيب خاطر ما كان اثر فيها اخوها دفع والا لا .. اختها ادفعت والا لا .. الخ
هذا اولاً

وثانياً .. اخوج المتزوج اكيد عنده التزامات الله اعلم فيها وعنده زوجه تبي وتبي وكله تبي .. واكيد عنده اعيال..
اما انتي عالاقل وحده وماعندج شيء.. مافيها شيء لو غضيتي البصر عن اخوج.. مع اني ما اتوقع ان الاخ كلش ابداً مايجيب شيء للبيت او مايحط شيء..!؟
ولو مايحط.. الموضوع كله يعتمد على البنت اذا انتي تسوينه من طيب خاطر والا مغصوبه :)


ومن وجهة نظري .. البنت واجب.. ركزوا على كلمة واجب .. انها اتحط ف البيت ولو اقل القليل .. ولو الاهل رفضوا انتي بنفسج اشتري وحطي .. هاي السنع


اتفق معاك اي اخت ودي اكون بهذا الراي

وفرتي علي الكتابه


:victory:

[الخيالة]

يالله يارب يفتح لج ابواب الرزق الحلال عاجلاً غير اجل يارب العالمين ..

بارك الله فيج وصدقيني، الله اعلم بحاجتج والله بيسرها لج ان شاءالله

الله يوفقج يارب حبيبتي


واتمنى من اي عضو عند القدره او الواسطه او السلطه فالتعيين او ان يدل على اي وظيفه لا يبخل على مثل هالردود .. رجاءً يا اخوه ويا اخوات .. والله المستعان


الله كريم مشكور اخوي

[الخيالة]

بارك الله فيج اختي
والله يوفقج


يعلهم يعتبرون البقيه من مقصد كلامج وحاجتج

الله يوفق الجميع يارب

[Qt.1]

رايي الشخصي مافيها شي لو شاركت بشي بسيط لو هي مقتدره , طول عمرها من رباها ولبسها وصرف عليها غير والدينها ! مافيها شي لو ادفعت راتب الخادمه مثلا ! احسن من تدفع في رنج سعره 700 الف والاا شنطه بــ 50 الف واتقول ماعندي افلوس , الي مافيه خير في هله مافيه خير في الناس .

[نتفـه]

ما يمنع لو بتحط مع امها وابوها لصرف البيت لكن على اخوانها وحريم اخوانها .. يمشون بوزهم مع احترامي بالذات اذا كانو ساكنين ف نفس البيت :)

[عنيــــد]

وايد ابهات ماسكين بناتهم عن الزواج علشانهم موظفات
والابهات يبون معاشاتهم وياخذونه ما يخلون لهم الا القليل هذا اذا خلو شي أصلاً !


وايد رياييل فاتحين بيوت ومناصب وعيونهم على رواتب خواتهم وعلى ممتلكاتهم حتى ...
التموين ياخذون من عندهم مع انه عنده بطاقه وياخذ تموينه الا بعد عينه على تموين خواته!
هذا غير الصرف اللي يصرفونه هالبنات على عيال اخوانهم بحب وقلب كبير وراضي
لكن يوم هالبنات يحاتجون اخوانهم في شي كلن يتصدد عنهم وللأسف!



اللي نعرفه انه نادر جداً ما نسمع بهالتصرفات ،، و انتي تقولين وايد !!

يمكن هالشي في الناس اللي حولج ..

الله يكون في عونكم

[الجـــوديّ]

اللي نعرفه انه نادر جداً ما نسمع بهالتصرفات ،، و انتي تقولين وايد !!

يمكن هالشي في الناس اللي حولج ..

الله يكون في عونكم


يمكن أنا مصادري غير عن مصادرك ...
نختلف في وجهات النظر ... عادي..

لكن الاسقاط الشخصي ليش ؟!


... الله يعز من عزنا .. الوضع عندي استثنائي اللهم لك الحمد

الله يفرج على كل مبتلية بمثل هؤلاء من أقارب .. آباء أو أخوان

[w.qatar]

فيه بيوت البنات الي قامين بكل شي الشباب وحريمهم و حتى الابو شايلين يدهم من المسؤوليه ويتم تهديد البنت بترضين وتصرفين ولا قعدناج من الشغل كذا حاله سمعت عنها مب بيت ولا 2 اكثر !!!

[$$كلنا قطر$$]

مطلب النساء المساواه بكل شي
الا في الفلوس وفي وقت الدوام والاجازات

[بشائر]

دام البنت مع اهلها ف البيت .. تصرف ش المشكله !
ماقلنا تصرف كل والا ثلاث ارباع راتبها .. لكن واجب عليها تصرف..
واذا والدينها احياء.. واجب عليها شهرياً تعطيهم مبلغ لهم بحكم انهم ماقصروا يوم كانت صغيره لين خلصت الدراسه..
وبحكم ان هذا ك نوع من رد المعروف للوالدين..
واذا مارضوا ياخذون تقوم هي شهرياً تمول البيت عالاقل هذا اقل شيء ..

اذا في سايق فالبيت وتشوف ان اكثر استخدم من طرفها فالواجب انها هي تقوم براتبه او نصه
اذا اكثر من خدامه فالبيت فالواجب انها تتساعد معاهم ف دفع راتب الخدم بحكم ان الخدم يخدمونها بعد.. وخاصه لو كان راتب الاهل شوي ضعيف

ومافيها شيء لين اخترب شيء .. او طلعت مكان او الاعياد او رمضان او او او .. انها تتشارك معاهم من نفسها او تجيب او تدفع من نفسها .. كونها فالبيت فهم لهم حق عليج .. والدينج طبعاً

اما من ناحية الاخو يسرح ويمرح و و و .. هالجمله تعتمد اذا البنت اتسوي وتدفع من طيب خاطر والا مغصوبه وهي مو حاسه ب هالشيء.!.. الا اذا شافت اخوها وحرمته او او او ..! ؟

لانها لو كانت تدفع من طيب خاطر ما كان اثر فيها اخوها دفع والا لا .. اختها ادفعت والا لا .. الخ
هذا اولاً

وثانياً .. اخوج المتزوج اكيد عنده التزامات الله اعلم فيها وعنده زوجه تبي وتبي وكله تبي .. واكيد عنده اعيال..
اما انتي عالاقل وحده وماعندج شيء.. مافيها شيء لو غضيتي البصر عن اخوج.. مع اني ما اتوقع ان الاخ كلش ابداً مايجيب شيء للبيت او مايحط شيء..!؟
ولو مايحط.. الموضوع كله يعتمد على البنت اذا انتي تسوينه من طيب خاطر والا مغصوبه :)


ومن وجهة نظري .. البنت واجب.. ركزوا على كلمة واجب .. انها اتحط ف البيت ولو اقل القليل .. ولو الاهل رفضوا انتي بنفسج اشتري وحطي .. هاي السنع

أحسنت عزيزتي ونعم الرأي ..

ولو كان أهل البنت فعلا يرفضون زواجها لأنها تصرف على البيت - وذي مصيبة طبعا- فالمفروض إنها تكون
أذكى منهم تستقيل وتقعد في البيت وقتها بيحسون إنها عالة عليهم ( دامهم ماديين لهالدرجة)
وبيوافقون على أول معرس يدق بابهم :)

[الزعفراني]

البنات من نفسهم يشاركون اصلا لانهم طيبات وقلوبهم على اهلهم

والاهل ممكن يستغلون هالشي والبعض لا.. اتوقع البنت نفسها لازم تحدد شكثر ممكن تصرف ع البيت وتحط ببالها ان ممكن اي وقت تتزوج فماله داعي تاخذ سلففيات واشياء فوق طاقتها

اتفق مع هالرأي

[الزعفراني]

مطلب النساء المساواه بكل شي
الا في الفلوس وفي وقت الدوام والاجازات

هههههههههه

[ترياق]

مو اهنيه المشكلة ، المصيبة اني اعرف كذا عايله ما زوجوا بناتهم لانهم هم اللي يصرفون على البيت تخيلي !!!
واذا جاء حد يطلب البنات قالوا اصلا البنات ما يبون يتزوجون << كلام الام طبعا
وحتى مطلعين سياير للبيت وهم شايلين البيت من الى واللي ينرفز في الموضوع ان اخوانهم مع حريمهم فالبيت وما يدفعون شي

بصراحة الله يكون في عونهم


لا حول ولا قوة الا بالله كان الله في عونهم

[بومحمد المطاوعه]

ههههه خير ان شاءالله والله ماعندي الا قمل ثيابي :tease:





فلووووووووووس فلووووووووووووس ماشاءالله :tease:




بالفعل اخوي بومحمد بعض البنات واعتبرهم قله .. عادي يقطون مبلغ وقدره ع ربعهم .. لكن لين جاوا للبيت استغثلوا الشغله !
وسبحان الله بقولك نقطه مادري اذا هي صج او لا بس انا ملاحظتها ف كم وحده بدون ذكر صلة القرابه .. ان البنت اللي ماتقط في البيت والله هي البنت اللي اخر الشهر اتجيك تتسلف محتاجه او كله ماعندها !

حد ملاحظ معاي هالنقطه

اي والله سبحان الله فلوسها مافيها بركه

الله يهديهم يارب