حوار ساخن بين الشباب حول الأسعار

[أبو سعود]

جلسه مناقشه ساخنه دارت بين بعض الشباب

معظمهم من ذوي الدخل المحدود

والباقي من ذوي الأثرياء


وذلك حول أختلاف الأسعار بين

الدوحه ودول الخليج وأوروبا


الشباب من ذوي الدخل المحدود

قالوا أن أسعار دول الخليج

هي أرخص من أسعار أسواقنا

والدليل هو كثره خروج القطريين

بجميع المناسبات وعطله نهايه الأسبوع

لشراء أحتياجاتهم من هذه الدول

وذلك لقله الأسعار هناك


بينما ذكروا الشباب الأثرياء

أن أسعار الدوحه هي أرخص

خاصه من أوروبا

وشي عادي أن قمنا بشراء البضائع هنا

فالأسعار هي رخيصه بالنسبه لنا

ولا تؤثر على ميزانياتنا

خاصه بعد زياده الرواتب


فرد عليهم الشباب من ذوي الدخل المحدود

يبدو أنكم لم تتوجهوا لدول الخليج

ووتطلعوا على أسعارهم المنخفضه

لتقارونها مع أسعار الدوحه


وقالوا أيضآ

أذا كانت الأسعار هنا شي عادي عندكم

لكنها مب شي عادي عند الباقي كحالنا

فعندنا التزامات عديده

ومب مستعدون نضيع أموالنا مع هذه الأسعار


وقالوا صحيح أن الرواتب زادت

لكن أسعار البضائع أرتفعت معها

بشكل جنوني ومب طبيعي

ولم يستطع أحد من أيقافها


وقالوا للأسف أن بعض المسؤولين عندنا

هم بالأصل تجار

وبالتالي لا يعانون مثل ما يعاني

ذوي الدخل المحدود

ومستحيل ينزلون الأسعار لكي يستفيدوا هم

من فتره هذا الغلاء


بل أن بعضهم يستوردوا البضائع

من دول الخليج كي يبعونها هنا بأغلى الأسعار


وقالوا أيضآ أنتم مثلآ

متعودون على السائقين والخادمات

يحضروا لكم بعض السلع من الجمعيات

لهذا لا تشعروا بقيمه معاناه

أرتفاع هذه الأسعار على الناس


وقالوا صحيح أن الدوحه أرخص من أوروبا

بس مب يعني أن التجار لهم العذر برفع الأسعار

والمسؤولين عندنا خاصه بحمايه المستهلك

يتغاضون عنهم


وقالوا أن خفت الأسعار سنجد قوه الشراء هنا قويه

ولن يكون عذر للمواطنين والمواطنات

التوجه لأسواق دول الخليج

بل ربما سنجد أهل الخليج

هم سيأتون هنا للشراء !!!!


لكن للأسف الشباب من الأثرياء

لم يقتنعوا بأنه يوجد العديد من المواطنين والمواطنات

يعانون من مشاكل وتأثير أرتفاع الأسعار عليهم

في ظل زياده الرواتب

وأخذا يتكلموا عن أسعار البضائع

التي على مستواهم خاصه من الماركات العالميه


فيما بعد بقى الشباب من ذوي الدخل المحدود

التزام بالصمت والأندهاش

تجاه تفكير هؤلاء


وكما بدء الحوار بين الشباب حول الأسعار

أتمنى أن ينتقل هذا الحوار والنقاش

عبر أعضاء المنتدى

لمناقشته والمطالبه بتخفيض الأسعار

وذلك كي يكون لصالح الجميع


وشكرآ

[ودي أكون]

اخوي بوسعود .. ترا مو بسط الخليج اسعاهم اقل من قطر ..
حتى الدول الاوربيه ترا اقل من اسعارنا قصدي اسعار التجار في قطر..

بالنسبة لي اشوف ان احنا ( قطـر ) الاغلى من الخليج او الدول الاوروبيه :rolleyes2:

[همر]

الغالي للغالي ... :shy:

[ودي أكون]

الغالي للغالي ... :shy:


ماعليكم منه هذا شكله واحد من التجار ههه

[ضوى]

اخوي بوسعود .. ترا مو بسط الخليج اسعاهم اقل من قطر ..
حتى الدول الاوربيه ترا اقل من اسعارنا قصدي اسعار التجار في قطر..

بالنسبة لي اشوف ان احنا ( قطـر ) الاغلى من الخليج او الدول الاوروبيه :rolleyes2:

سلامتج فديتج

اوروبا اسعارها نااااااار لدرجة غرشة الماي بس توصل ل5 ريال واحنا الحمد لله في الجمعيات تحصلين الماي بريال ونصوان كثر ريالين ، الجبن البقرة الضاحكة عندنا المثلثات ب 10 وان كثرت 12 وباوروبا توصل 8 يورو او 9 يورو اي مايعادل 45 ريال لنفس المنتج ، البيبسي برايل ونص وريالين هناك مب اقل من ثلاثة يورو يعني 15 ريال

[ضوى]

اللي كرته لج امثلة بسيطة ، تعالي لسعر مواد التجميل والعطورات والملاحف نفس المنتجات اللي عندنا اهني هناك بضعف السعر اذا مب ثلاثة اضعاف

[ودي أكون]

سلامتج فديتج

اوروبا اسعارها نااااااار لدرجة غرشة الماي بس توصل ل5 ريال واحنا الحمد لله في الجمعيات تحصلين الماي بريال ونصوان كثر ريالين ، الجبن البقرة الضاحكة عندنا المثلثات ب 10 وان كثرت 12 وباوروبا توصل 8 يورو او 9 يورو اي مايعادل 45 ريال لنفس المنتج ، البيبسي برايل ونص وريالين هناك مب اقل من ثلاثة يورو يعني 15 ريال

ما اتكلم حبيبتي عن الاكل لان بالفعل الاكل غاالي :rolleyes2:
يعني اتمين ع وجبه او وجبتين وايد احسن هناك :rolleyes2:

اتكلم عن المشترى حبيبتي

[ودي أكون]

اللي كرته لج امثلة بسيطة ، تعالي لسعر مواد التجميل والعطورات والملاحف نفس المنتجات اللي عندنا اهني هناك بضعف السعر اذا مب ثلاثة اضعاف

بالعكس المشترى عني انا شخصياً اشوف هناك ارخص من نهب التجار والتاجرات اهني ..

جربي تعاملي مع التاجرات .. تكرهين نفسج :rolleyes2:

[ضوى]

ما اتكلم حبيبتي عن الاكل لان بالفعل الاكل غاالي :rolleyes2:
يعني اتمين ع وجبه او وجبتين وايد احسن هناك :rolleyes2:

اتكلم عن المشترى حبيبتي


والاكل اهم شي حبيبتي يعني لما تحاربين الناس في اكلهم اللي هو مصدر قوتهم شي صعب وايد صعب معناها الفقير مابياكل ولا بيشرب ، ونفس الشي اختي للبضايع والله غالية مهب رخيصة بالنسبة لسوقنا المحلي

[ضوى]

التاجرات حبيبتي هم اللي ياخذون السلع من الخليج ويبيعونها علينا باضعاف اضعاف سعرها ، شوفي الرونق ينزل توزيعات عجيبة وبسعر منافس جدا ، التاجرات من عند الباب يخمون كل الموجود وتجي تبيعه في الانستغرام مب بضعف الا بعشر اضعاف سعره وهذا شوف عيني

[دااانة قطر]

التاجرات حبيبتي هم اللي ياخذون السلع من الخليج ويبيعونها علينا باضعاف اضعاف سعرها ، شوفي الرونق ينزل توزيعات عجيبة وبسعر منافس جدا ، التاجرات من عند الباب يخمون كل الموجود وتجي تبيعه في الانستغرام مب بضعف الا بعشر اضعاف سعره وهذا شوف عيني



حسبي الله عليهم

[ودي أكون]

والاكل اهم شي حبيبتي يعني لما تحاربين الناس في اكلهم اللي هو مصدر قوتهم شي صعب وايد صعب معناها الفقير مابياكل ولا بيشرب ، ونفس الشي اختي للبضايع والله غالية مهب رخيصة بالنسبة لسوقنا المحلي

مقارنةً بين اسعارهم واسعار التاجرات اهني .. احنا الاغلى..
هناك من اي مكان بتشترينه بتحصلينه كواليتي .. وبسعر حلو .. والاحلى الاوت لت بستر فلج الماركات وباسعار حلوه.. وغير هذا التاكس فريه ..

اما عندنا هم ياخذون من هناك ويستفيدون من التاكس فريه .. والاخس لو كانوا لاحقين على تنزيلاتهم.. وتعالي شوفي ع كم يبيعونه لج اهني ..!

نعم سعرنا الاغلى .. والاكل هناك والله الوجبه والوجبتين تكفيج سبحان الله وتحسين طول وقتج شبعانه.. ولو اتفقنا ان الاكل غالي نعم ..

لكن المشترى ارخص ..

شاكرة مداخلتج عزيزتي

[ضوى]

حسبي الله عليهم

حبيبتي دانة هذي عرض وطلب وتجارة ، بس انها تكوش على كل الموجود شي يقهر يعني ناوية عالشر

[sweet qatar]

للأسف أسعارنا أغلى وجودتنا أقل

مثل ماذكرت ضوي .. ممكن بعض الأمور تكون أرخص عندنا

بس جودتها معدومة

يعني لو بتشوفون الخيارات الصحية في الأكل والشرب قطر وأوروبا
بتشوفون ان قطر الأغلي

الخضار العضوية .. المشروبات الخالية من الملونات والنكهات الصناعية والأجبان الحقيقية مب المصنعة


هناك تشتري السلعة وانت مطمن حتي لو كانت أغلي أن جودتها ممتازة

بالنسبة للخليج .. نفس البضاعة والأسعار عندنا أغلي

يقولون لأن نسبة المستهلكين أقل والإيجارات أغلي

[mr.hamouda]

إذا المواطن يشتكي من الأسعار
المقيم اللي ما يتعدى راتبه 10 ألاف وش يقول ؟!

[ودي أكون]

إذا المواطن يشتكي من الأسعار
المقيم اللي ما يتعدى راتبه 10 ألاف وش يقول ؟!

ع الجرح ..

اهز راسي وانا منزلته وانا ماشيه واقولك .. الله المستعان

لا تعليق

[للصبر اخر]

اختي ضوى صادقه بكل كلمة قلتيها
وانا تهاوشت مع تاجره وقلت لها الرونق ارخص قالت روحي اشتري
وفعلا كنت بدقع 2000 ريال على توزيعات انا سويت الفكره بالبيت كلفتني 500 ريال

[همر]

ماعليكم منه هذا شكله واحد من التجار ههه



هو "شكلي" فعلاً واحد من التجار لكن انا

في صوب والتجاره في صوب ... ماعلينا ...

يا أمةً ضحكت من سوالفها الأمم ... الحين انتوا

الرخيص ماتبونه واتدورون الغالي عقب اتمون

اتحلطمون غالي غالي لو يبعد ومهما مهما يطول الصد !!!

محد رفع اسعار التيوتا الا انتوا ..

رفعوا سعر البيض وتميتوا تخمونه بلا هواده ...

رفعوا سعر البيبسي ولا حد تفوه ببنت برطم !!!

شي اسمه مقاطعه يجيب لكم حساسيه في النخاع

الشوكي ...


وتبون التجار يرحمونكم ؟!!

التجار فاهمين طبيعة الشعب ورايحين والقلب داعي لهم :)

[يمامـة]

سلامتج فديتج

اوروبا اسعارها نااااااار لدرجة غرشة الماي بس توصل ل5 ريال واحنا الحمد لله في الجمعيات تحصلين الماي بريال ونصوان كثر ريالين ، الجبن البقرة الضاحكة عندنا المثلثات ب 10 وان كثرت 12 وباوروبا توصل 8 يورو او 9 يورو اي مايعادل 45 ريال لنفس المنتج ، البيبسي برايل ونص وريالين هناك مب اقل من ثلاثة يورو يعني 15 ريال

يا خويتي الكولا في مايا اعتقد عشر يالات ما ادري عشرين
والكولا في تشيليز بو مكاين مب معلب بعد اعتقد على عشرين!!

الأسعار ناار في قطر قياسا مع دول الخليج.. خلونا من أوروبا...

[ضوى]

يا خويتي الكولا في مايا اعتقد عشر يالات ما ادري عشرين
والكولا في تشيليز بو مكاين مب معلب بعد اعتقد على عشرين!!

الأسعار ناار في قطر قياسا مع دول الخليج.. خلونا من أوروبا...

يمامتي الحلوة هذي في المطاعم بكل العالم حتى في دبي مطاعمها وفنادقها هاي اسعار المشروبات عندهم ، لكن تعالي في الجمعيات والبقالات والدكاكين الاسعار جدا مناسبة

[ودي أكون]

هو "شكلي" فعلاً واحد من التجار لكن انا

في صوب والتجاره في صوب ... ماعلينا ...

يا أمةً ضحكت من سوالفها الأمم ... الحين انتوا

الرخيص ماتبونه واتدورون الغالي عقب اتمون

اتحلطمون غالي غالي لو يبعد ومهما مهما يطول الصد !!!

محد رفع اسعار التيوتا الا انتوا ..

رفعوا سعر البيض وتميتوا تخمونه بلا هواده ...

رفعوا سعر البيبسي ولا حد تفوه ببنت برطم !!!

شي اسمه مقاطعه يجيب لكم حساسيه في النخاع

الشوكي ...


وتبون التجار يرحمونكم ؟!!

التجار فاهمين طبيعة الشعب ورايحين والقلب داعي لهم :)




معليكم هذا شكله تاجر متخفي من كلامه امبين ههه

شكثر بنقاطع أخوي همر .. يعني اللي خاطره ف تيوتا مايشتريها ويروح ياخذ لكزس مثلاً والا نيسان
لحظه اللكزس والنيسان من تيوتا والا .. انزين ماعلينا المهم يروح ياخذ جمس يعني !

واللي فخاطره بلاليط يكنسل يعني وياكل جبن بس عشان البيض غالي .. الخ

يعني لين متى انقاطع .. ليش ماتكون في جهة رسميه اتوقف مثل هالنصب اللي جاي من التجار .. ليش مايمنع اي تاجر من ممارسة التجاره اذا كان ينصب .. ليش؟

من كم يوم وصلني مقطع ماذكر عن شنو بالضبط .. بس من بين الكلام الشايب كان يقول ان قبل كانوا يبيعون الاكل بالصلاة على النبي .. اللهم صلي وسلم على الحبيب المصطفى

يعني ما كان الهم الربح المادي فقط .. يدورون الاجر حتى ف تجارتهم .. اما اللحين .. الهم الاول هو الربح وكم المكسب و و و ..الخ

الله المستعان

[يمامـة]

إذا المواطن يشتكي من الأسعار
المقيم اللي ما يتعدى راتبه 10 ألاف وش يقول ؟!

نمط حياته غير عن نمط حياة المواطن.. ما يشوفون اللحم
والدياي نادر ما ياكلونه،، حتى الباميا غالية عليهم..

ومع هذا يدرسون عيالهم على حسابهم في دول أوروبية!!

ما شاءالله تبارك الرحمن عليهم؟

[يمامـة]

يمامتي الحلوة هذي في المطاعم بكل العالم حتى في دبي مطاعمها وفنادقها هاي اسعار المشروبات عندهم ، لكن تعالي في الجمعيات والبقالات والدكاكين الاسعار جدا مناسبة

وايد أشياء في دبي والسعودية أسعارها غير عن اسعارنا
اعطيج ابسط مثال يا ضوى؟

شوفي في سوق الذهب حماية المستهلك او غرفة تجارة قطر ما ادري
أي وحدة فيهم أجبرت محلات الذهب تحط يوميا اسعارالذهب لكل يوم..

تدرين شلي يصير؟
ينكتب سعر الجرام لعيار 18 =110
ولعيار 20= 118
ولعيار 21= 122

حلووو؟

لكن تعالي شوفي الضربة القاصمة عند حساب المصنعية
يضربون عليج اقل شي 50 ريال لكل جرام
والمصيبة ان هناك تعامل بمكيالين القطري له سعر مصنعية عالية
والمقيم سعر المصنعية اقل بواايد..

وفي دبي والسعودية هناك محلات بدائل تقدم أسعار اقل
عندنا حدنا رامز.. وكل ينهش في جيوب المواطن والمقيم لو كانت الأسعار ثابتة!!

[همر]

معليكم هذا شكله تاجر متخفي من كلامه امبين ههه

شكثر بنقاطع أخوي همر .. يعني اللي خاطره ف تيوتا مايشتريها ويروح ياخذ لكزس مثلاً والا نيسان
لحظه اللكزس والنيسان من تيوتا والا .. انزين ماعلينا المهم يروح ياخذ جمس يعني !

واللي فخاطره بلاليط يكنسل يعني وياكل جبن بس عشان البيض غالي .. الخ

يعني لين متى انقاطع .. ليش ماتكون في جهة رسميه اتوقف مثل هالنصب اللي جاي من التجار .. ليش مايمنع اي تاجر من ممارسة التجاره اذا كان ينصب .. ليش؟

من كم يوم وصلني مقطع ماذكر عن شنو بالضبط .. بس من بين الكلام الشايب كان يقول ان قبل كانوا يبيعون الاكل بالصلاة على النبي .. اللهم صلي وسلم على الحبيب المصطفى

يعني ما كان الهم الربح المادي فقط .. يدورون الاجر حتى ف تجارتهم .. اما اللحين .. الهم الاول هو الربح وكم المكسب و و و ..الخ

الله المستعان



وكلامج هذا مصداقاً لكلام الدكتوره حينما قالت انكم شعب

استحقاق لا عمل ... وتزعلون يوم حد يقولكم هالكلام ..

وعند الصجيه ... وين الحكومه ؟!! وين حماية المستهلك ؟!!

وين الامم المتحده ؟!! والشعب وين دوره ؟!!

ولا تنسين مقولة نابليون بونابرت :

اذا الشعب يوماً اراد الحياه .. فلا بد ان يستجيب القدر ...

[ودي أكون]

وكلامج هذا مصداقاً لكلام الدكتوره حينما قالت انكم شعب

استحقاق لا عمل ... وتزعلون يوم حد يقولكم هالكلام ..

وعند الصجيه ... وين الحكومه ؟!! وين حماية المستهلك ؟!!

وين الامم المتحده ؟!! والشعب وين دوره ؟!!

ولا تنسين مقولة نابليون بونابرت :

اذا الشعب يوماً اراد الحياه .. فلا بد ان يستجيب القدر ...



صدقووني هذا يا تاجر يا ولد تاجر ههه

ماعلينا .. المهم .. أخوي الحل مو المقاطعه .. اذا انا بقاطع وانت بتقاطع وهاذي بتقاطع .. لكن في غيرك المئات اللي ماراح يقاطعون .. يعني احرم نفسي والنتيجه ماشي حل !
اصوم اصوم وافطر على بصله .. احرم واحرم واحرم نفسي وفالاخير مردي اشتري البضاعه وهي غاليه !

اتكلم معاك اخوي بالعقل والمنطق .. الحل الاسلم واللي سهل تنفيذه .. هو اومر رسميه بتوحيد الاسعار وخفضها ومحاسبه كل نصب عند التجار ..
ف رمضان تم توحيد اسعار اللحوم .. شفت تاجر او جهة باعت بسعر أعلى والا شفت الناس اتشكت ؟!

اتمنى تقرا ردي بعقلانيه بدون اتهامات بارك الله فيك

[qatarman8008]

بالنسبة لي ما ادري عن موضوع غلاء الاسعار بالدوحة الا اذا رحت الجمعية فقط..
سلة اغراض منزلية بالفين وشوي.. ليش ما ادري..!!
طبعا البيت يبي له سلة كل اسبوع هذا وانا عائلتي صغيرة..
اللي عنده عائلة كبيرة الله يعينه الصراحة..
باقي الاغراض من ملابس واكسسوارات وعطور و و و كله من برى..
ومريح راسي..

[qtri06]

من ملاحظتي للماركات العالمية خصوصا

الاسعار بشكل عام في فرنسا وميلان ارخص من قطر بفارق حلو وهذا بدون حساب التكس فري ..

في شغلات ممكن اتكون اغلا من قطر مثل الماي مثلا طبعا الجودة اضعاف الموجوده عندنا ( عيل ماي حنفية يتعبى في غرشه ويتحول لماي معدني ) ؟!!

واللي يتكلم عن الغلا الفاحش في اوربا اكيد يقصد لندن بالتحديد لانها تعتبر من اغلى المناطق في اوربا بشكل جنوني ( عيل سندويش شورما ب 24 ريال هههه )