&& يجب الغاء نظام المدارس النموذجية فوراً &&

[خليفـة]

مساكم الله بالخير

عندما أصدر سموا الأمير الشيخ تميم بن حمد ال ثاني حفظه الله قانون الخدمة الوطنية اوالخدمة
الالزامية كان اهم الأهداف من وراء ذلك القانون خلق شباب يتمتع بكل مقومات الرجوله سواءً
من ناحية القدرة على التحمل .. الخشونه .. التعلم على استخدام السلاح للدفاع عن الوطن
عند الضرورة لا قدر الله .. والأهم من ذلك الحصول على شاب فيه كل معالم الرجوله
بشكل عام .. وقد يتفق معي الكثير .. اننا صرنا نعاني في الفترة الأخيرة من فئة
الجنس الثالث .. او ما يسمون بالاخوانية في لهجتنا المحلية .. والمخنث في
اللغة العربية وهو الشاب الذي يتصرف بشكل ناعم جداً ويهتم بشكله وشعره
وجسمه وبشرته اكثر من اهتمام بعض النساء لأنفسهن .. بالتالي اتقدم
للمجلس الأعلى للتعليم بالمشاركة في القضاء على وجود مثل تلك
الظاهرة المشينة والغريبة على مجتمعنا وذلك عن طرق الغاء
نظام المدارس النموذجية والتي تقوم فيها المعملة بتدريس
الطالب من الصف الأول الابتدائي وحتى الصف السادس
فلا اعتقد ان هناك من ينكر وجود د فئة من الطلاب
تتأثر بتصرفات تلك المعلمة سواء في الكلام او
الشكل او غيره الطالب في هذه المرحلة يتأثر
كثيراً ممن حوله وقد يكون ذلك التأثير سلبي
وخطير عليه مستقبلاً .. فلا يُعقل ان نبني
من جهة شاب قوي كامل الرجولة في
شكله وتصرفاته ومن جهة أخرى
نبني طفل يقضي أغلب وقته
في مجتمع نسائي بحت
ونتوقع ان يكون
رجل طبيعي
مستقبلاً


من جهة أخرى .. استغرب من وجود بعض الطلاب الكبار في الشكل والحجم .. والصغار بالسن
في بعض المدارس النموذجية .. مع معلمات سواء قطريات او اجنبيات ممن يظهرون زينتهن داخل
حرم المدرسة بشكل مبالغ فيه .. دون ان يعلمن ان هذا الطالب قد اقترب من عمر البلوغ
وقد ترد الى باله وذهنه أمور وافكار ليست بطريفة .

خليفــة

[الجـــوديّ]

أوافقك في مطالبك ...

واختلف معك في نقطة واحدة بس ...
أن المعلمات صاروا يخافون من الطلبة من صف ثاني ... ويلتزمون بلبس العباية والشيلة والاحتشام الكامل
خوفاً من الطالب نفسه لأن عيال الحين صاروا واعيين بزيادة
وخوفاً من أن هذا الطالب ينقل بالوصف مايراه من المعلمة إلى والده ..
وصارت مشاكل وايد من هالسالفة.


أتمنى فعلاً إيقاف المدارس النموذجية

وشكراً على الموضوع القيّم :victory:

[ودي أكون]

ماسكم الله بالخير



ماسك الله بالنور والسرور :secret:

نعم اتفق معاك .. بعد لو انقول التدريس للصفين الاول والثاني بنقول هاه معليه .. لكن لين الرابع الخ
هالسن بالفعل كبير ان يستوعب ويفهم و و و .. الخ
حتى المدرسه صعبه انها تتعامل مع هالعمر ووتعامل مع نظرتهم وسلوكياتهم وتصرفاتهم و و و الخ.. وخاصه لو كان الولد عايد السنه يعني اكبر من سنه بعد .!؟

اتفق معاك اتفاق كلي .. بارك الله فيك

[خليفـة]

أوافقك في مطالبك ...

واختلف معك في نقطة واحدة بس ...
أن المعلمات صاروا يخافون من الطلبة من صف ثاني ... ويلتزمون بلبس العباية والشيلة والاحتشام الكامل
خوفاً من الطالب نفسه لأن عيال الحين صاروا واعيين بزيادة
وخوفاً من أن هذا الطالب ينقل بالوصف مايراه من المعلمة إلى والده ..
وصارت مشاكل وايد من هالسالفة.


أتمنى فعلاً إيقاف المدارس النموذجية

وشكراً على الموضوع القيّم :victory:

العفوا اخت جاكلين
ولكن .. لو وقفتي بمواقف السيارات وقت انصراف الطلاب والمعلمات
بتشوف عشرات المعلمات من بعض الجنسيات العربية .. وهم طالعين من المدرسة
ولباسهن بعيد عن الاحتشام المطلوب
فيه الي لابسه بنطلون .. وفيه الي من غير عباية
وفيه وفيه وفيه
القطريات يلبسون العبايات من باب العادات والتقاليد وفيه منهن من تلبس العبايه من باب الاحتشام والدين
اما الاجنبيات .. مو الكل تلبس عبايه .. واعتقد انج متفقه معي في هالنقطه
كل الشكر للمرور الطيب




ماسك الله بالنور والسرور :secret:

نعم اتفق معاك .. بعد لو انقول التدريس للصفين الاول والثاني بنقول هاه معليه .. لكن لين الرابع الخ
هالسن بالفعل كبير ان يستوعب ويفهم و و و .. الخ
حتى المدرسه صعبه انها تتعامل مع هالعمر ووتعامل مع نظرتهم وسلوكياتهم وتصرفاتهم و و و الخ.. وخاصه لو كان الولد عايد السنه يعني اكبر من سنه بعد .!؟

اتفق معاك اتفاق كلي .. بارك الله فيك

هههههه
انا قصدي اقول ماسكم من الألماس
لأنكم كلكم اغلى من الألماس
هههههه

عموما
انا من رايي يكون تعليم الطالب من بداية حياته التعليمية على يد معلم مؤهل بشكل كامل
وماله داعي نقحم خواتنا المعلمات في تعليم الطلاب
كفايه عليهم البنات .. والهم الي عايشين فيه

كل الشكر للمرور .. ولا تركزين وايد مرة ثانية
هههههه

[ANONYMOUS]

L i k e

[khalid525]

اخوي شلون ربطت وجود ظاهرة الشواذ بالمدارس النموذجية ؟ خصوصا انه يتخرج منها الاف الطلاب والشواذ كم واحد ؟
هل المدارس العادية ما تطلع شواذ ؟
على هالمنطق معناته البنات الشاذات او البويات كانوا يدرسون في مدارس معلمينها رجال ؟

اعتقد اتهام المدارس النوذجية بتصدير هذي الظاهرة مش صحيح ، كلنا نعرف ان السبب من البيت ومن الاهل والبيئة اللي يعيش فيها الولد او البنت ،

واتفق معاك في ان الاطفال اذا وصلوا الى سن معين لازم ينقلونهم الى مدارس مدرسينها رجال

[basma222]

اضم صوتي لصوتك

جزاك الله خير على هالموضوع

[qtri80]

رأي مخالف :discuss:

معضمنا درس في المدارس النموذجيه واعيالنا الحين فيها ولا حد طلع فينا شاذ
الغلط مهب في المدارس النموذجيه الغلط في البيت في التربيه من الاهل ومن البيئه الي يعيش فيها الولد

احنا تربينا من يوم احنا صغار ان نكون رجال وقد المسؤوليه وهالشي مستمرين فيه مع اعيالنا
ولاتنسى دور الصلاه في جماعه والمساجد والمحاضرات الدينيه والجانب الديني كله


قال النبي صلى الله عليه وسلم : "كُلُّ مَوْلُودٍ يُولَدُ عَلَى الْفِطْرَةِ، فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ"
وقال صلى الله عليه وسلم: "مُرُوا أَوْلاَدَكُمْ بِالصَّلاَةِ لسَبْعِ، وَاضْرِبُوهُمْ عَلَيْهَا لعَشْرِ، وَفَرِّقُوا بَيْنَهُمْ فِي الْمَضَاجِعِ"

تحياتي لك اخي الكريم وتسلم على الموضوع طال عمرك

Qtri80

[alsoq]

كل شي يرجع للتربيه داخل البيت

سوى نموذجيه او غيرها اذا فسدت التربيه داخل البيت ولم يكن هناك من يوجهه فقد يحصل ما ذكرت

ومن يمشي معهم لهم دور في سلوك الشاب

[مرتبش]

اتفق في شي ولا اتفق في شي ثاني..
الشذوذ ما اظنه بسبب النعومة المكتسبة من المعلمات..الشذوذ يحدث نتيجة الاعتداء على الاولاد من اللي اكبر منهم او الاعنف منهم.. وبالتالي يتعلمون الخطأ على انه صح ويستمرون على هذا الخطا ومحد يصحح لهم المفهوم الغلط ولاحد يتكلم في ثقافة العيب.

اتفق مع جعل الصفوف الاعلى نقولى خامس وسادس مع معلمين عشان يخافون من المعلم اكثر وتصير السيطرة على الفصول احسن..المدارس حاليا فوضى .

[حسن]

اختلف معاك ياخليفه اختلاف طوليوعرضي في هذا المطلب اللي بنيته بدون دراسه
علميه حقيقيه

شدخل الخوانيه بالنموذجيه شقاب الى قاب
لا لا لا

انا من شفت تايم الموضوع قلت اكيد خليفه قاب العيد

هاهاها

شوف يابودعيج

الاخوانيه والبويه

هذه كلها اضطربات سلوكيه ونفسيه
يعني تخضع للطب النفسي اللي انا اطالب بنشره في الكثير من المجالالت
ويربط بتقيم الموظفين سؤاء ضباط ووصف ضباط وموضفين عاديين
ابشرك بدات الحكومه تسمع كلامي وملاحظاتي جزاه الله خير
يعني موضوعك يخضع للطب النفسي والمفروض في المدارس
لما يلاحظون على اي طالب او اي طالبه
على طول المفروض الاخصائي الاجتماعي يحوله على الطب النفسي
وهذا يرجع قوته الى قوت القانون المصدور في حمايه الطفل
لكن تخبر مجتمعنا صار فيه كذب ونفاق كبير
يعني مايرضون الاهالي يتعالجون ولكن يرضون ان ولدهم يسوي حركات الخوانيه !!!
يعني مايرضون الاهالي يعالجون البويه ولكن يدرون بتصرفاتهم عادي !!!
شفت شلون هذه الحقيقه
:)

فانت ضلمت المدارس المستقله بهذا الاتهام وهم براء كبراءه الذيب من دم يوسف

بهذا انك تتهم المدرسهبانها تنشر الفساد في الاخلاق ياخليفه
وهل سلوك المدرسات يعني مايعات يابودعيج !!
ومن هم المدرسات انهم فلاذات اكبادنا التي تمشي على الارض
:weeping:
هل الطالب ياخليفه مايلتقى بالانثى الا عن طريق مدرسه ؟؟
ماهي الي مربيته من الصغر انثي وعايش مع الانثى 24 ساعه !!
سؤاء ام خادمه اخت

:deal:

فاذا بيقلد تصرفات الانثي يعني يجب ان نفضى البيت من اي نساء

:omg:

شفت شلون انك مااصبت قلب الحقيقه
:victory:

فهنا عنصر المراءه هنا بري بري بري
لو المراؤه لاها تاثير كان شفت جميع العالم اخوانيه

هاهاهاها

بحكم مافي اي انسان مايعاشر المراءه ولا صق وياها
سواء ام زوجه اخت

التشبه بالانثي سلوك سلوك سلوك يابودعيج


:)


تحياتي


نسيت كلمه اخيره مبروك عليك المجلس الجديد

نفرح بعرسك فيه

:)

[بشائر]

اخوي شلون ربطت وجود ظاهرة الشواذ بالمدارس النموذجية ؟ خصوصا انه يتخرج منها الاف الطلاب والشواذ كم واحد ؟
هل المدارس العادية ما تطلع شواذ ؟
على هالمنطق معناته البنات الشاذات او البويات كانوا يدرسون في مدارس معلمينها رجال ؟

اعتقد اتهام المدارس النوذجية بتصدير هذي الظاهرة مش صحيح ، كلنا نعرف ان السبب من البيت ومن الاهل والبيئة اللي يعيش فيها الولد او البنت ،

واتفق معاك في ان الاطفال اذا وصلوا الى سن معين لازم ينقلونهم الى مدارس مدرسينها رجال

أتفق مع هذا الرد ..
ويفترض أن ينتقل الطالب لمدارس الرجال بعد الصف الثاني أو الثالث كأقل تقدير ..

وفقك الله .

[درر قطرية]

إذا سبب الجنس الثالث المدارس النموذجية وتدريس الحريم للأولاد
طيب البويات في مدارس البنات تعتقد من السبب ؟؟؟

[نفسي عزيزه]

في البيت امه تدرسه واخته نفس الشي

اهم شي التربيه الصالحه والاب له دور كبير بالموضوع

وابشر انه بيطلع ذيب

[كازانوفا]

موضوع تدريس الولد في بداية حياته على يد سيدات أو فتيات مرفوووض عندي من سنين طويلة لانو بداية تأسيس الولد بهذه المرحلة الأساسية. .وللأسف لازال الغلط مستمر

[JN000N]

انا معاك في سن معين
يعني صف اول وثاني يكون نموذجي ويمكن ثالث معاهم
اما الاكبر لا .. ويفضل يدرسونهم رجال
لان وقتها يكون هو كبر وفهم
اما صف اول وثاني لحين صغار ومعاملة المدرسه لهم اخف من معاملة المدرس الرجل
لكن انهم كلهم يكونون ف مدرسه وحده من صف اول لين سادس او خامس !!!
غلط من ناحيتين
لا مب بس الضرر عالمدرسة نفسها
الضرر حتى عالطلاب الصغار الي ف صف اول وثاني من الوحوش الي ف صف خامس وسادس
اخوي صغير ف صف اول يقول حق امي عن واحد دب وكبير ف صف خامس مادري سادس يخرعه يقولها انا مابي اروح المدرسه اخاف من هذاك وللعلم اخوي مب من النوع المسكين او الهادي بالعكس! الا اشطن الشياطين واكثرهم حركه وشخصيته قويه من وهو صغير ف يفترض ان ماينخاف عليه تقريبا!
عشان جي انا اقول انا موافقتك ف رايك ف الفصل لكن اختلف معاك ف صف اول وثاني لانهم مازالو اطفال صغار لحين ف مرحلة التحبيب فالتعليم

[qatara]

أوافقك في مطالبك ...

واختلف معك في نقطة واحدة بس ...
أن المعلمات صاروا يخافون من الطلبة من صف ثاني ... ويلتزمون بلبس العباية والشيلة والاحتشام الكامل
خوفاً من الطالب نفسه لأن عيال الحين صاروا واعيين بزيادة
وخوفاً من أن هذا الطالب ينقل بالوصف مايراه من المعلمة إلى والده ..
وصارت مشاكل وايد من هالسالفة.


أتمنى فعلاً إيقاف المدارس النموذجية

وشكراً على الموضوع القيّم :victory:

الخلط له اضراره السلوكيه والنفسيه
سوا مدرسات او طالبات
سوا في صغر الاولاد او كبرهم

وحتى بالدول الغربيه بدو يتكتشفون هذه النتائج السلبيه
وبدو في اعادة النظر في مثل هذه الامور
وهم دول لا عادات ولا تقاليد ولادين يحرم

الغلط غلط

[نوار قطر]

بالنسبه حق الي قالو التربيه لها دور ،،، كلامك صح مليون فالميه بس مثلا انا شذنبي كمدرسه اني ادرس ناس اهلهم ماربوهم وماعلموهم السنع ومايشوفيني كمدرسه ،،، ترى ايامنا احنا غير وهالايام غير ،، ايامنا احنا كنتو انتو يالشباب فيكم براءه كبيره ،، الحين مافيه براءه الحين الصبيان كل كلمه يقولونها وكل تصرف منهم اكبر من سنهم

عندي صديقتي تدرس الصف الرابع مادري الخامس تقول والله ان نظراتهم لي وحق لبسي تخرع مب نظرات يهال ،،واخر شي اضطرت انها تلبس وتداوم بعبايتها ،، واطلبت نقل من المدرسه ماقعدت ،،

[نوار قطر]

في البيت امه تدرسه واخته نفس الشي

اهم شي التربيه الصالحه والاب له دور كبير بالموضوع

وابشر انه بيطلع ذيب

ماله خص ابد وماله علاقه ومافي وجه مقارنه بين تدريس الام حق ولدها في البيت وان وحده غريبه تدرسه في المدرسه مع زملائه،،لاتخلط الامور خيووو :victory:

[القطو السمين]

السلام عليكم كان الهدف من انشاء المدارس النموجية هي بسبب قلة الكادر الذكوري بسبب رفض شباب القطري في الانخراط في سلك التدريس يقابله تكدس الخريجات القطريات دون عمل فاقتضت الحاجة بالاستعانه ببنت البلد للعمل في مدارس البنين وعز الله ان المدرسة القطرية اثبتت جدارتها في تربية وتدريس النشىء ولانعمم بعض الانحرافات اللي طلعت مؤخرا والسبب هي الصحبة السيئة اوغياب الاهل بس اللي ننتبهه له متى طلعت هالسلوكيات وانا اقولكم هالسلوكيات ماتطلع الافي الاعدادية اللي هي بدء ظهورعلامات البلوغ ويكونون عبارة عن شلل لو تنتبه لهم المدرسة والاسرة سهل علاجها اما الصف السادس اتمنى ان اللي يدرسهم رجال ليش لانه صعب تفرق بينهم ازا تهاوشوا بس شىء اخلاقي ماكان فيه شىء يزكر من خبرتي ملاحظة حرف الزال خربان

[حسن]

السلام عليكم كان الهدف من انشاء المدارس النموجية هي بسبب قلة الكادر الذكوري بسبب رفض شباب القطري في الانخراط في سلك التدريس يقابله تكدس الخريجات القطريات دون عمل فاقتضت الحاجة بالاستعانه ببنت البلد للعمل في مدارس البنين وعز الله ان المدرسة القطرية اثبتت جدارتها في تربية وتدريس النشىء ولانعمم بعض الانحرافات اللي طلعت مؤخرا والسبب هي الصحبة السيئة اوغياب الاهل بس اللي ننتبهه له متى طلعت هالسلوكيات وانا اقولكم هالسلوكيات ماتطلع الافي الاعدادية اللي هي بدء ظهورعلامات البلوغ ويكونون عبارة عن شلل لو تنتبه لهم المدرسة والاسرة سهل علاجها اما الصف السادس اتمنى ان اللي يدرسهم رجال ليش لانه صعب تفرق بينهم ازا تهاوشوا بس شىء اخلاقي ماكان فيه شىء يزكر من خبرتي ملاحظة حرف الزال خربان


اتفق مع ذا الكلام

ماشفنا علامات الليونه الي عقب سن البلوغ يعني في مراحل متقدمه مالها خص في الابتدائيه
المشكله عندنا في محور التربيه فقط وهذا انا اشوفه كثير وذكرته مرا را
واتوقع كل شاهد الطفل برع في اوروبا شلون مؤدب ومحترم
وتعال شوفو الفوضى عندنا وقت الانصراف الخدامه والسواق يحلقون وراهم
ولا عندنا عيال وخلصو من المستقله عمرنا ما لاحظنا عليهم قله ادب ولا كلام بطالي
التربيه خربانه من البيت والمدارس مالها دعوي
احنا ينقصنا التطبيق على ارض الواقع اخصائين واخصائيات يتواصلون مع الام والاب
وبقوه القانون وعقوبه صارمه توصل الى احتضان الدوله لؤلاء الطلبه
والا مافي فايده مافي فايده من عتابك على قوله بوعبدوه

[بصمة قطرية]

كلامك صحيح أخوي خليفه ..
الزمن الحين يختلف عن قبل ..
مثلاً عيالي الكبار درسوا في نموذجسة و كانت المدارس لين رابع ..
لكن الحين مافي نموذجية إبتدائية لين سادس ..!!!
سادس يعني الولد كبير ..
شلون أخلي مدرسات يدرسونه
و عسال هالجيل جيل الأيباد و الآيفون و التمنولوجيا بكل أنواعها
فتحت عقول اليهال و ذبحت برائتهم ..
خلتهم يشوفون أشياء غريبة و صاروا يفهمون كل شي ..
عيال قبل كانت البراءة صفتهم ..
الحين الوضع جداً مختلف ..
في مدرسات قمة في الحشمة و الإحترام
و في مدرسات قمة في المصاخة
ما تحتشم حتى البنطلون يلبسونه في المدرسة ..!!
لازم المجلس الأعلى يوعى هالنقطة
الأولاد كبار و فاهمين لازم لين رابع و نفصلهم عن المدارس النموذجية ..

[Super Cool]

سؤال لصاحب الموضوع و كل المتفقين معاه

الولد اللي بتطلعه من مدرسة نموذجية...هل هو يعني مقطوع من شجرة؟
ما عنده أم خوات عمات خالات بنات عم بنات خال أي أنثى فارطة من العايلة؟
يعني هو بيتأثر بالمدرسة و ما بيتأثر بالباقيين مولية؟

[R 7 A L]

المفروض من البداية
عدم وجود هالنظام

[يمامـة]

اخوي شلون ربطت وجود ظاهرة الشواذ بالمدارس النموذجية ؟ خصوصا انه يتخرج منها الاف الطلاب والشواذ كم واحد ؟
هل المدارس العادية ما تطلع شواذ ؟
على هالمنطق معناته البنات الشاذات او البويات كانوا يدرسون في مدارس معلمينها رجال ؟

اعتقد اتهام المدارس النوذجية بتصدير هذي الظاهرة مش صحيح ، كلنا نعرف ان السبب من البيت ومن الاهل والبيئة اللي يعيش فيها الولد او البنت ،

واتفق معاك في ان الاطفال اذا وصلوا الى سن معين لازم ينقلونهم الى مدارس مدرسينها رجال

أعجبتني هذه المشاركة.. واتفق معها..

شكرا لكم..

[دااانة قطر]

أوافقك في مطالبك ...

واختلف معك في نقطة واحدة بس ...
أن المعلمات صاروا يخافون من الطلبة من صف ثاني ... ويلتزمون بلبس العباية والشيلة والاحتشام الكامل
خوفاً من الطالب نفسه لأن عيال الحين صاروا واعيين بزيادة
وخوفاً من أن هذا الطالب ينقل بالوصف مايراه من المعلمة إلى والده ..
وصارت مشاكل وايد من هالسالفة.


أتمنى فعلاً إيقاف المدارس النموذجية

وشكراً على الموضوع القيّم :victory:




ماسك الله بالنور والسرور :secret:

نعم اتفق معاك .. بعد لو انقول التدريس للصفين الاول والثاني بنقول هاه معليه .. لكن لين الرابع الخ
هالسن بالفعل كبير ان يستوعب ويفهم و و و .. الخ
حتى المدرسه صعبه انها تتعامل مع هالعمر ووتعامل مع نظرتهم وسلوكياتهم وتصرفاتهم و و و الخ.. وخاصه لو كان الولد عايد السنه يعني اكبر من سنه بعد .!؟

اتفق معاك اتفاق كلي .. بارك الله فيك



اتفق مع هالردين
وياليت مايكون فيه نموذجية من الأساس
يعني من البدااية يتعلمون عند مدرسين أفضل

[vip-30003]

في مقترح قديم ،،،

ضم الصف الخامس والسادس للمرحلة الاعدادية

والتاسع للمرحلة الثانوية

واتوقع هذا الحل

الغاء النموذجيه مستحيل وين بيرحون الموظفات !!!!

[MaRuKoO]

اتفق معاك